ការព្យាបាលអ្នកជំងឺក្រៅមន្ទីរពេទ្យដែលទទួលបានជំនួយ (Assisted Outpatient Treatment, AOT)៖ សិទ្ធិព្យាបាលរបស់អ្នក ខណៈពេលស្ថិតក្នុង AOT

ឯកសារបោះពុម្ពផ្សាយនេះគឺជាព្រឹត្តិបត្រព័ត៌មានដែលនិយាយអំពីសិទ្ធិព្យាបាលដែលអ្នកមាន ប្រសិនបើចៅក្រមចេញបង្គាប់ឱ្យអ្នកស្ថិតនៅក្នុង AOT។

បោះពុម្ពការបោះពុម្ពនេះ។

ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។

ការព្យាបាលអ្នកជំងឺក្រៅមន្ទីរពេទ្យដែលទទួលបានជំនួយ ហៅផងដែរថា AOT គឺជាការព្យាបាលអ្នកជំងឺក្រៅមន្ទីរពេទ្យដែលបានបង្គាប់ដោយតុលាការ សម្រាប់អ្នកដែលមានពិការភាពសុខភាពផ្លូវចិត្ត។

ឯកសារបោះពុម្ពផ្សាយនេះគឺជាព្រឹត្តិបត្រព័ត៌មានដែលនិយាយអំពីសិទ្ធិព្យាបាលដែលអ្នកមាន ប្រសិនបើចៅក្រមចេញបង្គាប់ឱ្យអ្នកស្ថិតនៅក្នុង AOT។

អ្នកមានសិទ្ធិទទួលបានមេធាវីម្នាក់ ប្រសិនបើខោនធីនោះបានសុំឱ្យតុលាការបង្គាប់ឱ្យអ្នកទទួលបាន AOT។ ប្រសិនបើអ្នកចង់បានមេធាវីម្នាក់ ប៉ុន្តែមិនមានប្រាក់បង់ជូនដល់មេធាវីនោះទេ អ្នកអាចសុំឱ្យចៅក្រមផ្តល់ជូនអ្នកនូវអ្នកការពារក្តីសាធារណៈម្នាក់។

ប្រសិនបើតុលាការសម្រេចថាអ្នកមានលក្ខណៈសម្បត្តិគ្រប់គ្រាន់ទទួលបាន AOT ក្រោមច្បាប់នេះ អ្នកមានសិទ្ធិទទួលបានប្រភេទនៃការព្យាបាលជាក់លាក់ដែលបានផ្តល់ជូនជាពិសេសដើម្បីបំពេញតាមតម្រូវការរបស់អ្នក។1

សម្រាប់ព័ត៌មានបន្ថែមអំពីអ្នកដែលមានលក្ខណៈសម្បត្តិគ្រប់គ្រាន់ទទួលបាន AOT ក្រោមច្បាប់នេះ អ្នកអាចអានឯកសារបោះពុម្ពផ្សាយដែលមានចំណងជើងថា “Who Can Be Ordered to AOT (អ្នកដែលអាចត្រូវបានបង្គាប់ឱ្យទទួលបាន AOT)”។
សម្រាប់ព័ត៌មានអំពីសវនាការ AOT អ្នកអាចអានឯកសារបោះពុម្ពផ្សាយដែលមានចំណងជើងថា “Your Rights if the County is Asking for AOT and AOT Hearings (សិទ្ធិរបស់អ្នក ប្រសិនបើខោនធីកំពុងស្នើសុំ AOT និងសវនាការ AOT)”។ សវនាការ AOT គឺជាពេលដែលចៅក្រមសម្រេចថាតើអ្នកអ្នកមានលក្ខណៈសម្បត្តិគ្រប់គ្រាន់ទទួលបាន AOT ក្រោមច្បាប់នេះដែរឬអត់។

ការព្យាបាល AOT

ការព្យាបាល AOT របស់អ្នកត្រូវតែ៖

ត្រូវបានបង្គាប់ដោយអ្នក និងប្រើប្រាស់គោលការណ៍ស្តារនីតិសម្បទានិងការជាសះស្បើយតាមបែបចិត្តសង្គម។2
- ការស្តារនីតិវិធីសម្បទាបែបចិត្តសង្គម ជាគាំទ្រកិច្ចដំណើរការជាសះស្បើយសម្រាប់បុគ្គល ការរួមបញ្ចូលទៅក្នុងសហគមន៍ដោយជោគជ័យ និងអាចកែលម្អគុណភាពជីវិតសម្រាប់បុគ្គលដែលមានពិការភាពសុខភាពផ្លូវចិត្ត។ នេះអាចរួមមាន៖
  - ការគ្រប់គ្រងការផ្តល់ថ្នាំ
  - ការគ្រប់គ្រងរោគសញ្ញា
  - ការគ្រប់គ្រងប្រើប្រាស់សារធាតុផ្សេងៗ
  - § បំណិនការរស់នៅដោយឯករាជ្យ
  - បំណិនកិច្ចការអប់រំ
  - បំណិនទំនាក់ទំនង
  - បំណិនគ្រប់គ្រងនិងដោះស្រាយបញ្ហា
  - កសាងការគាំទ្រសង្គម
- គោលការណ៍ស្តីពីការជាសះស្បើយ រួមមាន៖3
  - ការកំណត់ទិសដៅខ្លួនឯង នៅពេលដែល “[បុ]គ្គលកំណត់សកម្មភាពផ្ទាល់ខ្លួនឱ្យទទួលបានការជាសះស្បើយ។”
  - បុគ្គលភាព និង ការផ្តោតលើបុគ្គល នៅពេលដែលការជាសះស្បើយគឺផ្អែកលើចរិកលក្ខណៈពិសេសដាច់ដោយឡែក ជាជាងសេវាកម្មដូចគ្នាសម្រាប់មនុស្សគ្រប់គ្នា។
  - ការផ្តល់សិទ្ធិអំណាច នៅពេលដែលអ្នកមានការបញ្ចេញមតិនៅក្នុងការសម្រចចិត្តដែលនឹងជះឥទ្ធិពលទៅលើអ្នក។
  - ការពិនិត្យមើលជារួម នៅពេលដែលគ្រប់ទិដ្ឋភាពទូទៅទាំងអស់នៃជីវិតរបស់អ្នកត្រូវបានយកមកពិចារណា។
  - ដំណើរឡើងចុះ នៅពេលដែលការជាសះស្បើយអាចរួមបញ្ចូលនូវ “ការវិវត្តន៍ថយក្រោយ” ហើយអាចតម្រូវឱ្យមាន “ការរៀនសូត្រដោយផ្ទាល់ពីបទពិសោធ។”
  - ផ្តោតលើភាពខ្លាំង នៅពេលដែលការជាសះស្បើយផ្តោតលើអ្នកដែលត្រូវកសាងបំណិន និងទេពកោសល្យផ្សេងៗ។
  - មិត្តជួយមិត្ត នៅពេលដែលអ្នកជួយដល់អ្នកដទៃ ហើយអ្នកដទៃជួយដល់អ្នក។
  - ការគោរព នៅពេលដែលការជាសះស្បើយមិនពាក់ព័ន្ធនឹងគំនិតអវិជ្ជមានអំពីខ្លួនអ្នកផ្ទាល់ ឬអ្នកដទៃដែលមានពិការភាពផ្លូវចិត្ត។
  - ការទទួលខុសត្រូវ នៅពេលអ្នកទទួលខុសត្រូវជួយដល់ការជាសះស្បើយ និងសុខុមាលភាពផ្ទាល់ខ្លួនរបស់អ្នក។
  - ក្តីសង្ឃឹម នៅពេលដែលមានគំនិតគិតឃើញថា អ្នកនឹងមានអនាគតល្អ។
បានភ្ជាប់ទំនាក់ទំនងទៅកាន់ជំនួយ ការគាំទ្រ និងការព្យាបាល AOT ផ្សេងទៀតរបស់អ្នក។4
ផ្តល់កន្លែងស្នាក់នៅដែលមានលក្ខណៈបន្ទាន់ ផ្លាស់ប្តូរ និងអចិន្ត្រៃយ៍ ឬគ្រប់លក្ខណៈទាំងអស់នេះ។5
បានភ្ជាប់ទំនាក់ទំនងទៅកាន់អ្នកសម្របសម្រួលសេវាផ្ទាល់ខ្លួនដែលផ្តល់ជូនអ្នក និងធ្វើឱ្យប្រាកដថាអ្នកទទួលបានជំនួយដែលអ្នកត្រូវការ។ 6
- អ្នកសម្របសម្រួលសេវាបុគ្គលត្រូវតែ៖
  - ធ្វើការវាយតម្លៃអំពីអ្វីដែលអ្នកត្រូវការ។
  - ធ្វើផែនការសេវាផ្ទាល់ខ្លួនរបស់អ្នក។
  - ភ្ជាប់អ្នកទៅកាន់ជំនួយសហគមន៍ដែលសមស្របសម្រាប់អ្នក និង
  - បន្តតាមដានថាតើជំនួយដែលអ្នកកំពុងទទួលបានល្អកម្រិតណា។

ផែនការសេវាផ្ទាល់ខ្លូនសម្រាប់បុគ្គល

ផែនការសេវាផ្ទាល់ខ្លួនសម្រាប់បុគ្គលរបស់អ្នក ត្រូវតែ៖ 7

សមស្របតាមអាយុរបស់អ្នក។
សមស្របតាមភេទរបស់អ្នក។
សមស្របតាមវប្បធម៌របស់អ្នក។

ផែនការសេវាផ្ទាល់ខ្លួនសម្រាប់បុគ្គលរបស់អ្នក ត្រូវតែប្រាកដថាផែនការនោះជួយអ្នកបានច្រើនតាមដែលអាចធ្វើបាន៖ 8

រស់នៅក្នុងលំនៅដ្ឋានដែលមានភាពឯករាជ្យបំផុត និងមានការរឹតបន្តឹងតិចតួចបំផុតនៅក្នុងសហគមន៍មូលដ្ឋាន។
រស់នៅក្នុងលំនៅដ្ឋានមានការគាំទ្រដែលជួយអ្នកឱ្យបន្តគ្រប់គ្រងកូនរបស់អ្នក ឬព្យាយាមឱ្យអ្នកនិងកូនរបស់អ្នកជួបជុំគ្នា។
ធ្វើការ និងធ្វើសកម្មភាពផលិតភាពនៅកម្រិតខ្ពស់បំផុត ផ្អែកលើបំណិននិងចំណេះដឹងរបស់អ្នក។
មានមិត្តភក្តិនិងគ្រួសារ និងធ្វើសកម្មភាពសហគមន៍នៅក្រៅផ្ទះរបស់អ្នក។
ទទួលបានការអប់រំ ឬការសិក្សាវិជ្ជាជីវៈដែលសមស្របសម្រាប់អ្នក។
រកប្រាក់បានគ្រប់គ្រាន់សម្រាប់ចិញ្ចឹមជីវិត។
គ្រប់គ្រងជំងឺផ្ទាល់ខ្លួនរបស់អ្នក និងធ្វើការសម្រេចិត្តអំពីជីវិតរបស់អ្នក (ទាំងប្រចាំថ្ងៃនិងរយៈពេលវែង)។
ទទួលបានការថែទាំសុខភាពរាងកាយ និងមានសុខភាពរាងកាយល្អតាមដែលអាចធ្វើបាន។
កាត់បន្ថយឬលប់បំបាត់សកម្មភាពប្រឆាំងសង្គមធ្ងន់ធ្ងរ និងសកម្មភាពព្រហ្មទណ្ឌដោយខ្លួនអ្នកផ្ទាល់ និងកាត់បន្ថយឬលប់បំបាត់ទំនាក់ទំនងរបស់អ្នកជាមួយប្រព័ន្ធយុត្តិធម៌ព្រហ្មទណ្ឌ។
កាន់បន្ថយឬលប់បំបាត់ទុក្ខព្រួយដែលបណ្តាលមកពីរោគសញ្ញាជំងឺផ្លូវចិត្តរបស់អ្នក។
ធ្វើឱ្យប្រាកដថាអ្នកមិនប្រើប្រាស់សារធាតុញៀនដែលមានគ្រោះថ្នាក់។

ក្រុមការងារសុខភាពផ្លូវចិត្ត

អ្នកមានសិទ្ធិទទួលបានក្រុមការងារសុខភាពផ្លូវចិត្តដែលមានការបណ្តុះបណ្តាលខ្ពស់។9
- បុគ្គលនីមួយៗនៅក្នុងក្រុមការងារនេះ មិនគួរមានអតិថិជនលើសពី 10នាក់ក្នុងពេលតែមួយឡើយ។
- ក្រុមការងារនេះមានជំនាញចម្រុះ។ នេះមានន័យថា ក្រុមការងារអ្នកគួរតែរួមបញ្ចូលនូវប្រភេទផ្សេងៗនៃអ្នកផ្តល់សេវា ដូចជាគ្រូពេទ្យវិកលចរិត គិលានុបដ្ឋាក បុគ្គលិកករណីជំងឺ និងមិត្តការពារមិត្ត ហើយដោះស្រាយបញ្ហានានាដែលពាក់ព័ន្ធទាំងការព្យាបាលសុខភាពផ្លូវចិត្តរបស់អ្នក និងតម្រូវការឬគោលដៅផ្សេងទៀត ដូចជាលំនៅដ្ឋាន ចំណូលឬអត្ថប្រយោជន៍ ការងារ ការអប់រំ ឬក្តីកង្វល់ផ្នែកសង្គមឬគ្រួសារ។
- ក្រុមការងារនេះគួរតែស្ថិតនៅតាមសហគមន៍ និងមានលក្ខណៈចល័ត។ នេះមានន័យថា ក្រុមការងារធ្វើការនៅក្នុងសហគមន៍ និងអាចនាំយកសេវានិងការគាំទ្រជូនដល់អ្នក នៅពេលចាំបាច់។

ការផ្តល់ថ្នាំដែលផ្ទុយពីបំណងរបស់អ្នក

អ្នកមានសិទ្ធិមិនទទួលបានការបង្ខំឱ្យប្រើថ្នាំដែលអ្នកមិនចង់ប្រើ (ការប្រើប្រាស់ថ្នាំដោយបង្ខំ)។10
ប្រសិនបើអ្នកមិនអនុវត្តតាម AOT ហើយត្រូវបានដាក់បញ្ចូលក្នុងមន្ទីរពេទ្យវិកលចរិកផ្ទុយពីបំណងរបស់អ្នក (ដោយការបង្ខំ) នោះអ្នកអាចនឹងត្រូវបានបង្ខំឱ្យប្រើថ្នាំដែលអ្នកមិនចង់ប្រើ។ នេះអាចកើតឡើង ប្រសិនបើមានស្ថានភាពអាសន្ន ឬមានសេចក្តីបង្គាប់ណាមួយសម្រាប់ការប្រើប្រាស់ថ្នាំ បន្ទាប់ពីសវនាការដើម្បីសម្រេចថាតើអ្នកមិនមានសមត្ថភាពបដិសេធការព្យាបាលដោយប្រើថ្នាំនោះដែរឬអត់ (នេះហៅផងដែរថា ការធ្វើសវនាការលើសមត្ថភាព)។11
- សម្រាប់ព័ត៌មានបន្ថែមអំពីរបៀបដែលគេសម្រេចចិត្តថាអ្នកកំពុងតែមិនអនុវត្តតាម AOT អ្នកអាចអានឯកសារបោះពុម្ពផ្សាយដែលមានចំណងជើងថា “Not Following AOT (មិនអនុវត្តតាម AOT)”។

ទំនាក់ទំនង – គ្រួសារ កូន និងមិត្តភក្តិ

នៅអ្នកស្ថិតនៅក្នុង AOT ខោនធីត្រូវតែផ្តល់ឱ្យអ្នកនូវជំនួយដូចខាងក្រោម ប្រសិនបើវាសមស្របសម្រាប់អ្នក៖ 12

ជំនួយគ្រួសារ និងសេចក្តីណែនាំ។
ជំនួយអាណាព្យាបាល និងសេចក្តីណែនាំ។
មិត្តគាំទ្រមិត្ត ឬការជួយខ្លួនឯង។

មនុស្សវ័យចំណាស់ និងអ្នកដែលមានពិការភាព/អតីតយុទ្ធជន

ប្រសិនបើអ្នកជាមនុស្សវ័យចាស់ និង/ឬជាបុគ្គលដែលមានពិការភាព ខោនធីត្រូវតែជួយអ្នកលើរឿងមួយចំនួនដែលមនុស្សវ័យចាស់ និង/ឬមនុស្សដែលមានពិការភាពត្រូវការ។13
ប្រសិនបើអ្នកជាអតីតយុទ្ធជន ត្រូវមានការសម្របសម្រួលជាមួយសេវាអតីតយុទ្ធជន។14

មនុស្សវ័យក្មេងដែលមានអាយុ 25ឆ្នាំ ឬក្មេងជាងនេះ

ប្រសិនបើអ្នកជាមនុស្សវ័យក្មេងនៅក្នុង AOT ដោយមានជំងឺផ្លូវចិត្តធ្ងន់ធ្ងរ និងកំពុងប្រឈមនឹងភាពគ្មានទីជម្រក ឬមានហានិភ័យខ្ពស់ប្រឈមនឹងភាពគ្មានទីជម្រក ខោនធីត្រូវតែផ្តល់ឱ្យអ្នកនូវជំនួយបន្ថែមទៀតដែលតម្រូវតាមមនុស្សវ័យចំណាស់។15

ស្ត្រីមកពីគ្រួសារដែលមានវប្បធម៌ចម្រុះ

ប្រសិនបើអ្នកជាស្ត្រី ឬបុគ្គលមកពីគ្រួសារដែលមានវប្បធម៌ចម្រុះ ខោនធីត្រូវតែផ្តល់អ្នកនូវជំនួយដែលបំពេញតាមតម្រូវការរបស់សហគមន៍របស់អ្នក។16
នេះត្រូវតែរួមបញ្ចូលនូវ៖
- លំនៅដ្ឋានគាំទ្រដែលកូនរបស់អ្នកក៏អាចរស់នៅបានដែរ។
- ការព្យាបាលសារធាតុញៀនដែលផ្តោតលើការប៉ះទង្គិច និងរំលោភបំពានសម្រាប់យែនឌ័ររបស់អ្នក។
- ការបណ្តុះបណ្តាលការងារដែលមិនផ្តោតលើយែនឌ័រ ប៉ុន្តែក៏ពិចារណាលើតម្រូវការរបស់ស្ត្រីផងដែរ។

អ្នកដែលមានជំងឺផ្លូវចិត្តដែលមិនបានព្យាបាល និងមានហានិភ័យប្រឈមនឹងភាពគ្មានទីជម្រក

ប្រសិនបើអ្នកមានជំងឺផ្លូវចិត្តធ្ងន់ធ្ងរដែលមិនបានព្យាបាលរយៈពេលមួយឆ្នាំ អាចមិនត្រូវការសេវា AOT ក្នុងកម្រិតពេញលេញ និងមានហានិភ័យប្រឈមនឹងភាពគ្មានការងារធ្វើ នោះខោនធីត្រូវតែ៖17
- ជួយអ្នកឱ្យបង្កើតផែនការសេវាគ្រួសារសម្រាប់បុគ្គល និងសេវាគាំទ្រ។
- ផ្តល់ឱ្យអ្នកនូវសេវាដែលបានបង្កើតឡើងជាក់លាក់ដើម្បីបំពេញតាមតម្រូវការរបស់អ្នក។

ព័ត៌មានបន្ថែម

ប្រសិនបើអ្នកត្រូវការព័ត៌មានបន្ថែម ឬមានសំណួរ អ្នកអាច៖

សាកសួរមេធាវីរបស់អ្នក។ អ្នកមានសិទ្ធិទទួលបានមេធាវី ប្រសិនបើខោនធីបានស្នើសុំ (បានដាក់សំណើ) ឱ្យតុលាការបង្គាប់ឱ្យអ្នកទទួលបាន AOT។ ប្រសិនបើអ្នកចង់បានមេធាវីម្នាក់ ប៉ុន្តែមិនមានប្រាក់គ្រប់គ្រាន់ សូមសុំឱ្យចៅក្រមផ្តល់ជូនអ្នកនូវអ្នកការពារក្តីសាធារណៈម្នាក់។ អ្នកគ្រាន់តែត្រូវបង់ប្រាក់ដល់អ្នកការពារក្តីសាធារណៈប៉ុណ្ណោះ ប្រសិនបើអ្នកមានលុយបង់។
ទាកទងទៅកាន់អ្នកតស៊ូមតិការពារសិទ្ធិរបស់អ្នកជំងឺរបស់ខោនធី។ ដើម្បីស្វែងរកអ្នកតស៊ូមតិការពារសិទ្ធិអ្នកជំងឺនៅកន្លែងដែលអ្នករស់នៅ (916) 504-5810 និងស្នើសុំអ្នកតស៊ូមតិការពារសិទ្ធិអ្នកជំងឺតាមមូលដ្ឋានរបស់អ្នក ឬចុចលើតំណភ្ជាប់នេះhttps://www.disabilityrightsca.org/post/patients-rights-advocacy-directory.
ទូរសព្ទទៅកាន់អង្គការសិទ្ធិជនពិការរដ្ឋកាលីហ្វ័រញ៉ា (Disability Rights California) តាមរយៈទូរសព្ទលេខ 800-776-5746។

1. Welf. & INST. Code § 5348។ គ្រប់ផ្នែកនៃក្រមច្បាប់ទាំងអស់ដែលបានដកស្រង់ខាងក្រោម គឺបានមកពីក្រមច្បាប់ស្តីពីសុខុមាលភាព និងស្ថាប័ន (Welfare and Institutions Code)។
2. § 5348(a)(2)(F).
3. សមាសភាគជាមូលដ្ឋានមូលដ្ឋានទាំង 10 នៃការជាសះស្បើយ, NAMI California, https://namica.org/resources/recovery/។
4. § 5348(a)(2)(G).
5. § 5348(a)(2)(J).
6. § 5348(a)(3).
7. § 5348(a)(4).
8. § 5348(a)(4)(A)-(J).
9. § 5348(a)(1).
10. § 5348(c).
11. § 5332.
12. § 5348(a)(2)(E).
13. § 5348(a)(2)(C), (D).
14. § 5348(B).
15. § 5348(H).
16. § 5348(I).
17. § 5348(K).

ការព្យាបាល​ AOT

ផែនការ​សេវា​ផ្ទាល់ខ្លូន​​សម្រាប់​បុគ្គល​

ក្រុម​ការងារ​សុខភាព​ផ្លូវ​ចិត្ត

ការផ្តល់​ថ្នាំដែល​ផ្ទុយ​ពីបំណង​របស់អ្នក​

ទំនាក់ទំនង​ – គ្រួសារ​ កូន​ និង​មិត្តភក្តិ​

មនុស្សវ័យ​ចំណាស់ និង​អ្នក​ដែលមានពិការភាព​/អតីតយុទ្ធជ​ន​

មនុស្សវ័យក្មេង​ដែលមានអាយុ​ 25ឆ្នាំ​ ឬ​ក្មេង​ជាងនេះ​

ស្ត្រី​មកពីគ្រួសារ​ដែលមាន​វប្បធម៌ចម្រុះ​

អ្នកដែល​មានជំងឺ​ផ្លូវចិត្ត​ដែលមិន​បានព្យាបាល​​ និង​មាន​ហានិ​ភ័យ​ប្រឈមនឹង​ភាព​គ្មានទីជម្រក​

ព័ត៌មានបន្ថែម​