Kev Pab Kev Kho Mob Rau Tus Neeg Mob Sab Nraud, kuj tseem hu ua AOT, yog lub tsev hais plaub txiav txim rau kev kho mob sab nraud rau cov neeg muaj kev mob hlwb puas hlwb

Cov ntawv tshaj tawm no yog daim ntawv qhia tseeb uas hais txog yuav ua li cas koj thiaj li xaus koj daim ntawv AOT.tau

Koj muaj cai rau ib tus kws lij choj yog lub nroog tau thov kom lub tsev hais plaub txiav txim rau koj rau AOT. Yog tias koj xav tau ib tus kws lij choj tab sis tsis muaj nyiaj txaus, koj tuaj yeem thov tus kws txiav txim kom muab tus neeg pej xeem los pab tiv thaiv koj.

Koj muaj cai rau ib tus kws lij choj yog lub nroog tau thov kom lub tsev hais plaub txiav txim rau koj rau AOT. Yog tias koj xav tau ib tus kws lij choj tab sis tsis muaj nyiaj txaus, koj tuaj yeem thov tus kws txiav txim kom muab tus neeg pej xeem los pab tiv thaiv koj.

Yog tias tus kws txiav txim plaub txiav txim siab tias koj tsim nyog rau AOT raws li txoj cai lij choj thiab koj raug txiav txim rau AOT, koj muaj cai tau txais cov kev kho mob tshwj xeeb tshwj xeeb kom tau raws li koj cov kev xav tau.1

• Yog xav paub ntxiv txog yuav ua li cas koj thiaj li raug txiav txim rau AOT, koj tuaj yeem nyeem cov ntawv tshaj tawm hu ua "Yuav Ua Li Cas Koj Thiaj Raug Txiav Txim Rau AOT."
• Yog xav paub txog lub rooj sib hais AOT, koj tuaj yeem nyeem cov ntawv tshaj tawm hu ua "Koj Cov Cai Yog Lub Nroog tab tom thov AOT thiab Lub Rooj Sib Hais AOT." Lub rooj sib hais AOT yog qhov uas tus kws txiav txim plaub ntug tau txiav txim siab seb koj puas tsim nyog rau AOT raws li txoj cai.

Kev Kho Mob AOT

Koj txoj kev kho mob AOT yuav tsum:

• Qhia los ntawm koj thiab siv los lus zoo los kho siab kho ntsws thiab kho kom rov zoo li qub.2
  • Kev siv lo lus zoo los kho siab kho ntsws yuav pab tau kom tus neeg rov qab los zoo li qub, pab kom lub zej zos rov los koom ua ib lub thiab tuaj yeem txhim kho lub neej zoo rau cov neeg muaj kev puas siab puas ntsws. Qhov no yuav tsum muaj xws li:
    • Kev tswj tshuaj
    • Kev tswj cov tsos mob
    • Kev tswj xyuas kev siv tshuaj
    • Kev txawj ua neej nyob ywj pheej
    • Kev kawm txuj ci ua hauj lwm
    • Kev txawj sib txuas lus
    • Daws teeb meem thiab kev txawj daws teeb meem
    • Tsim kom muaj kev txhawb nqa kev sib raug zoo
  • Cov txheej txheem uas kom rov qab yog:3
    • Kev qhia tus kheej, qhov twg "[i]cov tib neeg txiav txim siab lawv tus kheej txoj kev kho kom zoo rov qab los."
    • Tus kheej thiab tib neeg nyob nruab nrab, qhov kev kho kom zoo rov qab los yog raws li koj tus yam ntxwv tshwj xeeb es tsis yog cov kev pab cuam rau tib neeg txhua tus.
    • Kev txhawb zog, qhov uas koj tau hais hauv koj kev txiav txim siab uas yuav cuam tshuam rau koj.
    • Kev koom ua ke, qhov uas txhua yam ntawm koj lub neej yuav tau xav.
    • Tsis muaj-kab, Qhov rov zoo los tuaj yeem muaj xws lis “kev poob qis” thiab tej zaum yuav xav tau “kev kawm los ntawm kev paub yav dhau los.”
    • Raws li kev muaj zog, qhov rov zoo los yog yuav txhawb rau qhov yuav tsim ntau yam txuj ci thiab peev xwm uas sib txawv.
    • Kev Pab Txhawb Kev Sib Koom, qhov uas koj muab kev pab rau lwm tus neeg thiab qhov lawv pab koj.
    • Kev sib hwm, qhov uas zoo rov los yuav tsis muaj kev xav tsis zoo rau koj tus kheej los sis cov neeg muaj kev puas siab puas ntsws.
    • Lub luag hauj lwm, qhov uas koj raug saib xyuas koj lis kev zoo rov los thiab kev noj qab haus huv.
    • Muaj kev vam, qhov koj muaj kev xav hais tias koj yuav zoo ib hnub yav tom ntej.
• Koom nrog koj lwm yam kev pab AOT, kev txhawb nqa, thiab kev kho mob.4
• Muab vaj tsev nyob tam sim ntawd, sij hawm hloov pauv, nyob mus tas li los sis tag nrho cov hais los no.5
• Txuas lus nrog tus kws saib xyuas kev pab cuam rau tus kheej uas muab rau koj thiab ua kom koj tau txais kev pab cuam raws li koj xav tau.6
  • Tus neeg saib xyuas kev pab cuam rau tus kheej yuav tsum:
    • Ua ib qho kev ntsuam xyuas yam koj xav tau.
    • Ua koj tus kheej txoj kev pab
    • Txuas koj nrog kev pab hauv zej zog uas tsim nyog rau koj, thiab
    • Saib xyuas nraim hais tias qhov kev pab koj tau txais zoo npaum li cas.

Kev Npaj Pab Cuam Rau Tus Kheej

Koj cov kev pab cuam tus kheej yuav tsum yog:7

• Muaj cai rau koj lub hnub nyoog.
• Muaj cai rau qhov uas koj yog poj niam los txiv neej.
• Txoj cai rau koj li kab li kev cai.

Koj tus kheej txoj kev pab cuam tus kheej yuav tsum ua kom paub tseeb tias nws pab koj ntau npaum li qhov ua tau:8

• Nyob hauv vaj tse uas muaj kev ywj pheej tshaj plaws thiab raug txwv tsawg tshaj plaws los ntawm zej zog.
• Nyob rau hauv kev pab txgawb nqa vaj tsev nyob thiab pab koj saib xyuas koj cov me nyuam los yog rov tau nrog koj cov me nyuam nyob ua ke.
• Ua hauj lwm los sis ua ib yam dab tsi kom zoo tshaj raws rau koj raws li koj qhov kev txawj ntse thiab kev paub.
• Muaj phooj ywg thiab muaj koj tsev neeg thiab ho ua tej yam nrog rau hauv zej zog uas tsis yog hauv koj lub tsev.
• Txais tej yam kev kawm los sis kev kawm paub hauj lwm uas tsim nyog rau koj.
• Khwv kom tau nyiaj txaus rau koj nyob.
• Tswj koj tus kheej li kev mob dias hau thiab txiav txim siab txog koj lub neej (rau txhua hnub thiab sij hawm tom ntej).
• Tau txais kev kho mob ntawm lub cev thiab ua kom lub cev noj qab haus huv raws li qhov koj ua tau.
• Txo los sis tshem tawm kev tawm tsam loj los sis kev ua txhaum cai los ntawm koj thiab txo los sis tshem tawm koj qhov kev sib cuag nrog tej yam uas yuav txhaum rau kev cai lij choj.
• Txo los sis tshem tawm kev ntxhov siab los ntawm koj cov tsos mob ntawm kev puas siab puas ntsws.
• Ua kom koj tsis txhob siv cov tshuaj muaj yees uas tsis zoo.

Pab Pawg Saib Xyuas Kev Puas Hlwb Nyuaj Siab

• Koj muaj cai rau qhov tau txais kev qhia ib pab pawg qhia txog kev puas siab puas ntsws.9
  • Txhua tus neeg ntawm pab pawg no yuav tsum tsis txhob muaj ntau tshaj 10 tus neeg uas muaj kev nyuaj siab nyob rau ib lub sij hawm.
  • Pab neeg no muaj ntau yam kev qhuab qhia. Qhov no txhais tau tias koj pab neeg yuav tsum muaj ntau hom kws kho mob xws li kws kho mob hlwb, tus kws saib xyuas neeg mob, tus neeg ua hauj lwm rau rooj plaub, thiab tus kws pab tswv yim sib tham thiab hais txog cov teeb meem cuam tshuam txog koj txoj kev kho mob puas siab puas ntsws thiab lwm yam kev xav tau los sis lub hom phiaj.
  • Pab pawg no yuav tsum yog cov neeg nyob hauv zej zog thiab ncig mus los tau. Qhov no txhais tau tias pab pawg ua hauj lwm yuav tsum nyob rau hauv zej zog thiab tuaj yeem muab kev pab cuam thiab kev txhawb nqa rau koj, thaum koj xav tau.

Tshuaj Tiv Thaiv Koj Cov Kev Xav

• Koj muaj cai kom tsis txhob raug yuam noj yam tshuaj uas koj tsis xav noj (cov tshuaj tsis yeem noj).10
• Yog tias koj tsis ua raws AOT thiab raug muab tso rau hauv lub tsev kho mob puas siab puas ntsws tawm tsam koj qhov kev xav tau (tsis yeem), tej zaum koj yuav raug yuam kom noj tshuaj uas koj tsis xav noj. Qhov no tuaj yeem tshwm sim yog tias muaj xwm txheej ceev los sis muaj kev xaj tshuaj tom qab lub rooj sib hais los txiav txim siab yog tias koj tsis muaj peev xwm tsis kam kho cov tshuaj (qhov no tseem hu ua lub rooj sib hais muaj peev xwm).11
  • Yog xav paub ntxiv txog yuav ua li cas txiav txim siab tias koj tsis ua raws AOT, koj tuaj yeem nyeem cov ntawv tshaj tawm hu ua "Tsis Ua Raws AOT."

Kev Sib Raug Zoo – Tsev Neeg, Me Nyuam thiab Cov Phooj Ywg

Thaum koj nyob hauv AOT, lub nroog yuav tsum muab cov kev pab cuam hauv qab no rau koj yog tias tsim nyog rau koj:12

• Qhia txoj hau kev thiab pab tsev neeg.
• Qhia txoj hau kev thiab pab niam txiv.
• Kev Pab cov phooj ywg los sis pab tus kheej

Cov Neeg Laus thiab Cov Neeg Xiam Oob Khab/Cov Qub Tub Rog

• Yog tias koj yog ib tug neeg laus thiab/los yog ib tug neeg xiam oob khab, lub nroog yuav tsum pab koj txog tej yam uas cov neeg laus thiab/los yog cov neeg xiam oob khab xav tau.13
• Yog tias koj yog ib tug qub tub rog, ces mus nug nrog cov kev pab cuam qub tub rog.14

Cov Tub Hluas 25 Xyoos los sis Hluas Dua

• Yog tias koj yog ib tug neeg hluas hauv AOT uas muaj kev puas siab puas ntsws loj thiab ntsib kev tsis muaj tsev nyob los sis muaj kev pheej hmoo siab dhau los ua neeg tsis muaj tsev nyob, lub nroog yuav tsum muab kev pab ntxiv rau koj uas yog muab kev pab rau cov hluas.15

Cov Poj Niam Muaj Keeb Kwm los ntawm Ntau Haiv Neeg Muaj Kab Li Kev Cai Sib Txawv

• Yog tias koj yog ib tug poj niam los sis ib tus neeg muaj keeb kwm los ntawm ntau haiv neeg yav dhau los, lub nroog yuav tsum muab kev pab rau koj uas yog qhov tshwj xeeb ntawm koj lub zej zog cov kev xav tau.16
• Qhov no yuav suav nrog
  • Cov vaj tse pab uas cov me nyuam los tuaj yeem nyob tau.
  • Kev kho tshuaj ncaj qha rau kev raug mob thiab kev raug tsim txom rau koj qhov kev uas koj yog poj niam los txiv neej.
  • Kev cob qhia ua hauj lwm uas tsis yog raws li poj niam txiv neej tab sis kuj xav txog poj niam cov kev xav tau.

Cov Neeg Uas Tsis Raug Kho Mob Puas Siab Puas Ntsws Hnyav thiab Muaj Kev Pheej Hmoo Uas Tsis Muaj Tsev Nyob

• Yog tias koj tau ntsib kev muaj mob dias haus uas kho ib xyoos tsis zoo lawm, tej zaum koj yuav tsis xav tau txhua yam los ntawm kev pab cuam AOT, thiab muaj kev pheej hmoo uas yuav tsis muaj tsev nyob, lub nroog yuav tsum:17
  • Pab koj ib tsev neeg thiab pab them nqi kho mob.
  • Muab cov kev pab cuam tshwj xeeb rau koj kom tau raws li qhov koj xav tau.

Cov Ntaub Ntawv Qhia Ntxiv

Yog koj xav paub ntau ntxiv los si koj muaj lus nug koj tuaj yeem:

• Nug koj tus kws lij choj: Koj muaj cai rau tus kws lij choj yog lub nroog tau nug (thov) lub tsev hais plaub txiav txim koj rau AOT. Yog tias koj xav tau ib tus kws lij choj tab sis tsis muaj nyiaj txaus, nug tus kws txiav txim plaub kom muab koj tus neeg tiv thaiv uas yog pej xeem. tsuas yog koj yuav tsum them nyiaj rau tus neeg pej xeem uas tuaj pab tiv thaiv yog tias koj muaj nyiaj rau.
• Hu rau koj lub nroog txog kev tawm suab rau Tus Neeg Mob Txoj Cai: Txhawm rau nrhiav kev tawm suab rauTus Neeg Mob Txoj Cai rau qhov chaws uas koj nyob hus rau (916) 504-5810 thiab nug txog koj lub zos qhov chaws tawm suab rau tus neeg mob txoj cais los si nyem mus saib tus Vev xaij hauv no: https://www.disabilityrightsca.org/post/patients-rights-advocacy-directory.
• Hus rau Disability Rights California ntawm 1-800-776-5746.

• 1. WELF. & INST. CODE § 5348(a). Tag nrho cov kab lus hais hauv qab no yog los ntawm lub chaws saib xyuas kev noj qab hauv huv thiab tus tswj cai (Welfare and Institutions) li kab lus.
• 2. § 5348(a)(2)(F).
• 3. 10 Lub hauv paus tseem ceeb ntawm kev zoo rov qab los,NAMI California, https://namica.org/resources/recovery/.
• 4. § 5348(a)(2)(G).
• 5. § 5348(a)(2)(J).
• 6. § 5348(a)(3).
• 7. § 5348(a)(4).
• 8. § 5348(a)(4)(A)-(J).
• 9. § 5348(a)(1).
• 10. § 5348(c).
• 11. § 5332.
• 12. § 5348(a)(2)(E).
• 13. § 5348(a)(2)(C), (D).
• 14. § 5348(B).
• 15. § 5348(H).
• 16. § 5348(I).
• 17. § 5348(K).