សូមចំណាំថា ថ្មីៗនេះ កម្មវិធីផ្តល់សេវាថែទាំជាជម្រើសនៅតាមផ្ទះ និងសហគមន៍ HCBA បានផ្តល់សេវាដល់អ្នកជំងឺ ដល់កម្រិតអតិបរមាហើយ ដូច្នេះអ្នកជំងឺដែលបន្តដាក់ពាក្យស្នើសុំសេវានេះ ត្រូវស្ថិតនៅក្នុងបញ្ជីរង់ចាំ ។

នៅរដ្ឋកាលីហ្វ័រញ៉ា មានកម្មវិធីមួយហៅថា "សិទ្ធិទទួលសេវាថែទាំជាជម្រើស នៅតាមផ្ទះ និងសហគមន៍" ដែលជួយប្រជាពលរដ្ឋឲ្យទទួលបានសេវាពីកម្មវិធី Medi-Cal នៅតាមផ្ទះរបស់ខ្លួន ។ ឯកសារបោះពុម្ភផ្សាយនេះ គឺនិយាយអំពីកម្មវិធីមួយ ដែលហៅថា សិទ្ធិទទួលបានសេវាថែទាំ ជាជម្រើស នៅតាមផ្ទះ និងសហគមន៍ (HCBA, Home and Community-Based Alternatives) ។

1. តើកម្មវិធី សិទ្ធិទទួលសេវាថែទាំជាជម្រើសនៅតាមផ្ទះ និងសហគមន៍ (HCBS, Home and Community-Based Services) គឺជាអ្វី?

កម្មវិធីសិទ្ធិទទួលសេវាថែទាំជាជម្រើសនៅតាមផ្ទះ និងសហគមន៍ មានផ្តល់ជូននូវជម្រើសមួយ ដល់ មណ្ឌលថែទាំមនុស្សចាស់ ចំពោះអ្នកជំងឺដែល មានសិទ្ធិទទួលបានសេវាពីមណ្ឌលថែទាំ ដែលទទួលថវិកាឧបត្ថម្ភពីកម្មវិធី Medicaid ។ ផ្នែកទី 1915(c) នៃច្បាប់សន្តិសុខសង្គម (42 នៃក្រមសហរដ្ឋអាមេរិក (U.S.C.) § 1396n(c)) អនុញ្ញាតឱ្យរដ្ឋាភិបាលសហព័ន្ធ អាចបោះបង់បទបញ្ញត្តិមួយចំនួននៃច្បាប់ Medicaid របស់សហព័ន្ធ ដើម្បីអនុញ្ញាតឱ្យរដ្ឋនានា អាចផ្តល់សេវាថែទាំ នៅតាមផ្ទះ និងសហគមន៍ ជំនួសឱ្យការថែទាំនៅតាមមណ្ឌល ចំពោះបុគ្គលដែលមានសិទ្ធទទួលបានសេវានេះ។ ជាមួយនឹងការលើកលែង ដែលបានចែងក្នុងឆ្នាំ 1915 (c), រដ្ឋអាចបោះបង់ភាពតម្រូវចំនួនបី របស់ Medicaid សម្រាប់ផែនការរបស់រដ្ឋ ក្នុងការផ្តល់សេវា Medicaid ៖

• ភាពអាចប្រៀបធៀបគ្នាបាន (42 នៃក្រមសហរដ្ឋអាមេរិក (U.S.C.) § 1396a(a)(10)(B))
• ភាពទូទាំងរដ្ឋ (42 នៃក្រមសហរដ្ឋអាមេរិក (U.S.C.) § 1396a(a)(1)) (រដ្ឋអាចកំណត់ភាពអាចផ្តល់សេវា ចំពោះតំបន់មួយចំនួននៃរដ្ឋ)
• ប្រាក់ចំណូល និង ធនធាននានា សម្រាប់តម្រូវការផ្នែកវេជ្ជសាស្រ្ត (42 នៃក្រមសហរដ្ឋអាមេរិក (U.S.C.) § 1396a(a)(10)(C)(i)(III))

ចំពោះការអនុវត្តន៍ជាក់ស្តែង ចំណុចនេះគឺមានន័យថា រដ្ឋអាចផ្តល់សេវា HCBS ដល់អតិថិជន មួយចំនួន នៅក្រៅមណ្ឌល ទៅតាមចំនួនកំណត់នៃសេវា អាចកំណត់ ទៅតាមចំនួនសេវាដែលមាន ដែលរដ្ឋអនុញ្ញាតឲ្យផ្តល់ដល់អ្នកជំងឺ នៅក្រៅមណ្ឌល ហើយអាចផ្តោតចំពោះពលរដ្ឋក្នុងប្រភេទណាមួយ [VS1] (ឧទាហរណ៍ មនុស្សចាស់ជរា, បុគ្គលមានពិការភាព, អ្នកជំងឺផ្លូវចិត្ត ឬពិការភាពផ្នែកសតិប្រាជ្ញា ឬពិការភាពការលូតលាស់ប្រាជ្ញា (I/DD, Intellectual or Developmental Disabilities) និងបុគ្គលដែលមានជំងឺ ឬស្ថានភាពសុខភាពមួយចំនួន (ដូចជាបុគ្គលដែលមានជំងឺអេដស៍ ឬកុមារដែលរស់បានដោយពឹងផ្អែកលើបច្ចេកវិទ្យាជំនួយ)) ។ ក្នុងនេះ ក៏មានន័យផងដែរថា កិច្ចការពារប្រាក់ចំណូល ដូចជាភាពចាំបាច់ឲ្យអ្នកជំងឺស្នាក់នៅទទួលការថែទាំក្នុងមណ្ឌល និងការការពារភាពក្រីក្ររបស់ប្តី/ប្រពន្ធ អនុវត្តចំពោះអ្នកជំងឺ ដែលអាចទទួលសេវានៅក្រៅមណ្ឌល ។ ការលើកលែងក្នុងឆ្នាំ 1915(c) គឺអាចអនុញ្ញាតឱ្យរដ្ឋ ផ្តល់សេវា លើសពីវិសាលភាពនៃអត្ថប្រយោជន៍ ដែលផ្តល់ជូនដោយ Medicaid តាមបែបចាស់ ។ មិនមែន គ្រប់រដ្ឋទាំងអស់ ផ្តល់សេវាតាមរយៈការលើកលែង ឆ្នាំ 1915 (c) ឡើយ ។

នៅរដ្ឋកាលីហ្វ័រញ៉ា, នាយកដ្ឋានសេវាថែទាំសុខភាព (DHCS, Department of Health Care Services, កម្មវិធី Medicaid របស់រដ្ឋកាលីហ្វ័រញ៉ា) ត្រូវបានកំណត់ដោយនីតិបញ្ញត្តិរដ្ឋកាលីហ្វ័រញ៉ា ដើម្បី "ស្វែងរកការលើកលែងចាំបាច់ទាំងអស់... ដើម្បីផ្តល់សេវាថែទាំនៅតាមផ្ទះ និងសហគមន៍" ។ ក្រម សុខុមាលភាព និង មណ្ឌលថែទាំ §§ 14132(t), 14137 ។ បច្ចុប្បន្ន រដ្ឋកាលីហ្វ័រញ៉ា មានការលើកលែងសេវា ដើម្បីផ្តល់ការថែទាំនៅតាមផ្ទះ និងសហគមន៍ (HCBS, Home and Community-Based Services) ចំនួនប្រាំមួយ រួមទាំងការលើកលែង ចំពោះការទទួលការថែទាំជាជម្រើស នៅតាមផ្ទះ និងសហគមន៍ (HCBA, Home & Community-Based Alternatives) ផងដែរ ។ ការលើកលែង ក្នុងឆ្នាំ 1915(c) ទាំងអស់នេះ ត្រូវបានផ្តល់មូលនិធិផ្គត់ផ្គង់ ពីរដ្ឋ និងសហព័ន្ធ ។

ការលើកលែងសេវាថែទាំ របស់រដ្ឋកាលីហ្វ័រញ៉ា ក្នុងឆ្នាំ 1915(c) ទាំងប្រាំមួយ គឺ ៖

ឈ្មោះអ្នកលើកលែង	ពលរដ្ឋគោលដៅ	ទីកន្លែងផ្តល់សេវា
កម្មវិធីសិទ្ធិថែទាំរបស់អ្នកជំងឺអេដស៍ នៃកម្មវិធី Medi-Cal	អ្នកមានផ្ទុកមេរោគ ហ៊ីវ/កើតជំងឺអេដស៍	ទូទាំងរដ្ឋ
សិទ្ធិទទួលសេវាជំនួយលើការរស់នៅដោយ ប្រើបច្ចេកវិជ្ជាជំនួយ (ALW, Assisted Living Waiver)	ចាស់ជរា, ជនពិការ, អាយុ 21ឆ្នាំ និង ចាស់ជាងនេះ	15 ខោនធី, បញ្ជីឈ្មោះអ្នករង់ចាំ
សិទ្ធិទទួលសេវាថែទាំ ជាជម្រើស នៅតាមផ្ទះ និងសហគមន៍ (HCBA, Home and Community-Based Alternatives) (ពីមុនហៅថា សិទ្ធិសេវា NF/AH)	ចាស់ជរា, ជនពិការ, គ្រប់កម្រិតអាយុ	ទូទាំងរដ្ឋ, បញ្ជីឈ្មោះអ្នករង់ចាំ
សិទ្ធិទទួលសេវាថែទាំនៅតាមផ្ទះនិងសហគមន៍ សម្រាប់អ្នកមានបញ្ហាការលូតលាស់សតិប្រាជ្ញា (HCBS-DD, Home and Community Based Services Waiver for the Developmentally Disabled)	មនុស្សមានពិការភាព សតិប្រាជ្ញា ឬពិការភាពផ្នែកការលូតលាស់ សតិប្រាជ្ញា, គ្រប់កម្រិតអាយុ	ទូទាំងរដ្ឋ
កម្មវិធីសេវាពហុបំណងសម្រាប់មនុស្សចាស់ (MSSP, Multipurpose Senior Services Program)	ចាស់ជរា, អាយុ 65ឆ្នាំ និងចាស់ជាងនេះ	46 ខោនធី, បញ្ជីឈ្មោះអ្នករង់ចាំ
ការតាំងចិត្តដោយខ្លួនឯង	មានពិការភាពផ្នែកការលូតលាស់សតិប្រាជ្ញា ហើយទទួលបានសេវាពីមជ្ឈមណ្ឌល ប្រចាំតំបន់	ទូទាំងរដ្ឋ; 2500 ទូទាំងរដ្ឋ 2018-2021

2. តើអ្វីគឺជាសិទ្ធិទទួលសេវាថែទាំ ជាជម្រើសនៅតាមផ្ទះ និងសហគមន៍ (HCBA, Home and Community Based Alternatives)?

កម្មវិធីការមិនតវ៉ាអំពីសេវានៅតាមផ្ទះ និងសហគមន៍ HCBA ជាជម្រើស មានផ្តល់ជូនការគ្រប់គ្រងសេវាថែទាំ ដល់អ្នកជំងឺ ដែលមានសិទ្ធិទទួលបានសេវាថែទាំពីមណ្ឌលថែទាំ គ្រប់អាយុ ។ ប្រព័ន្ធសមាហរណកម្មនៃផ្នែកដែលផ្តល់ការថែទាំ (ISCD, Integrated Systems of Care Division) គឺជាអង្គភាព មួយ នៅក្នុង DHCS ដែលមានតួនាទីមើលការខុសត្រូវក្នុងការត្រួតពិនិត្យការគ្រប់គ្រង ចំពោះការលើកលែងមិនតវ៉ាចំពោះសេវា HCBA ជាជម្រើស ។ អង្គភាពនេះ ពីពេលមុនគេហៅថា ក្រុមប្រតិបត្តិការនៅតាមផ្ទះ (IHO, In Home Operations) ហើយបុគ្គលិក IHO កាលពីពេលមុន គឺជាអ្នកមើលការខុសត្រូវ អំពីដំណើរការនៃ HCBA ដែលជាជម្រើស សម្រាប់ផ្តល់ជូននៅក្រៅមណ្ឌល (ដែលពីពេលមុនគេហៅថាមណ្ឌលថែទាំ/មន្ទីរពេទ្យជំងឺធ្ងន់ធ្ងរ, ការទទួលសេវា NF/AH (Nursing Facility/Acute Hospital) នៅក្រៅមណ្ឌល) ដោយផ្ទាល់ ។

នៅឆ្នាំ 2018, DHCS បានផ្លាស់ប្តូរការទទួលខុសត្រូវ ចំពោះការគ្រប់គ្រងដោយផ្ទាល់ លើការលើកលែងទៅលើអ្វីដែលគេស្គាល់ថាជាទីភ្នាក់ងារផ្តល់សេវា HCBA នៅក្រៅមណ្ឌល ។ មានទីភ្នាក់ងារចំនួនប្រាំបួន ដែលមានសិទ្ធិផ្តល់សេវាថែទាំអ្នកជំងឺនៅក្រៅមណ្ឌល សម្រាប់រដ្ឋ ដែលផ្តល់សេវានៅតាមតំបន់ភូមិសាស្រ្ត ផ្សេងៗគ្នា ។ មិនមានទីភ្នាក់ងារ ដែលមានសិទ្ធិផ្តល់សេវាថែទាំអ្នកជំងឺនៅក្រៅមណ្ឌល សម្រាប់ផ្តល់សេវាថែទាំ នៅតំបន់ Alpine, Imperial, Inyo, Marin, Mendocino, Mono, Napa, និងតំបន់នៅតាមខោនធីទាំងនោះ ដែល DHCS ជាអ្នកចាត់ចែងសិទ្ធិបោះបង់ការតវ៉ាសេវាបែបនេះ សម្រាប់អ្នកជំងឺ ។ អ្នកដាក់ពាក្យសុំសេវា ថែទាំនៅក្រៅមណ្ឌល ត្រូវដាក់ស្នើពាក្យសុំសេវា របស់ពួកគេទៅកាន់ទីភ្នាក់ងារដែលមានសិទ្ធិផ្តល់សេវាថែទាំអ្នកជំងឺនៅក្រៅមណ្ឌល ដែលផ្តល់សេវានេះ នៅក្នុងតំបន់រស់នៅ របស់ពួកគេ ។ ទីភ្នាក់ងារដែលមានសិទ្ធិផ្តល់សេវាថែទាំអ្នកជំងឺនៅក្រៅមណ្ឌល ត្រូវដំណើរការពាក្យស្នើសុំ សេវាថែទាំនៅក្រៅមណ្ឌល, វាយតម្លៃស្ថានភាពរបស់អ្នកដាក់ពាក្យសុំ, បង្កើតផែនការព្យាបាល ហើយដាក់ស្នើផែនការព្យាបាល ទៅកាន់ DHCS ដើម្បីទទួលការអនុម័ត ។ នៅពេលដែលអ្នកដាក់ពាក្យ បានទទួលការអនុម័ត ចំពោះសេវា HCBA ដែលអាចផ្តល់ជូននៅក្រៅមណ្ឌល ទីភ្នាក់ងារដែលមានសិទ្ធិផ្តល់សេវាថែទាំនៅក្រៅមណ្ឌល ត្រូវផ្តល់ការគ្រប់គ្រងលើសេវាថែទាំដែលមានលក្ខណៈទូលាយ ប្រចាំខែ ដើម្បីធានាថាសេវាទាំងអស់ ដែលបានសរសេរចូលក្នុង ផែនការព្យាបាល កំពុងត្រូវបានផ្តល់ជូន ដល់អ្នកជំងឺ ។

បញ្ជីឈ្មោះទីភ្នាក់ងារ ដែលមានសិទ្ធិផ្តល់សេវាថែទាំអ្នកជំងឺនៅក្រៅមណ្ឌល ដែលបោះបង់សិទិ្ធតវ៉ា មានដូចខាងក្រោម ហើយមានបង្ហាញជូន នៅទីនេះ ៖ https://www.dhcs.ca.gov/services/ltc/Pages/Home-and-Community-Based-(HCB)Alternatives-Waiver.aspx

ទីភ្នាក់ងារដែលមានសិទ្ធិផ្តល់សេវាថែទាំអ្នកជំងឺនៅក្រៅមណ្ឌល	តំបន់ផ្តល់សេវា
Access TLC	ខោនធី Santa Barbara និងនៅផ្នែកខ្លះនៃខោនធី Los Angeles និងខោនធី Orange (សូមចុចទីនេះ ដើម្បីរកមើលបរិវេណផ្តល់សេវា ដែលកំណត់ តាមលេខកូដតំបន់)
Centers for Elders’ Independence	ខោនធី Alameda និង Contra Costa
Home Health Care Management	ខោនធី Butte, Glenn, Sacramento, San Joaquin, Shasta, Solano, Sutter, Tehama, Yolo, Yuba, Colusa, Del Norte, El Dorado, Humboldt, Lake, Lassen, Modoc, Nevada, Placer, Plumas, ខោនធី Sierra, Siskiyou, និង Trinity
Institute on Aging	ខោនធី San Francisco, San Mateo, San Bernardino, និង Riverside
Libertana Home Health	ខោនធី Kern, Fresno, Kings, Tulare, Madera, Mariposa, Merced, Stanislaus, Tuolumne, San Luis Obispo, Amador, Calaveras, Santa Clara, Santa Cruz, San Benito, Monterey, និងនៅតាមតំបន់មួយផ្នែកនៃខោនធី Los Angeles និង Orange (សូមចុចទីនេះ ដើម្បីរកមើលទីកន្លែងផ្តល់សេវាដែលកំណត់តាមលេខកូដតំបន់)
Partners in Care	មួយផ្នែកនៃខោនធី Los Angeles (សូមចុចទីនេះ ដើម្បីរកមើលទីកន្លែងផ្តល់សេវា ដែលកំណត់តាមលេខកូដតំបន់)
San Ysidro Health	ខោនធី San Diego
Sonoma County Human Services Department	ខោនធី Sonoma
Ventura County Agency on Aging	ខោនធី Ventura

សេវាដែលមានផ្តល់ជូន ក្រោមសិទ្ធិផ្តល់សេវាថែទាំនៅក្រៅមណ្ឌល មានជាអាទិ៍ ៖

• មណ្ឌលផ្តល់ការថែទាំរយៈពេលខ្លី ជំនួសសាច់ញាតិ, ការបណ្តុះបណ្តាលសាច់ញាតិ/អ្នកមើលថែ
• ការចំណាយឧបករណ៍វះកាត់ផ្នែកវេជ្ជសាស្រ្ត
• ប្រព័ន្ធឆ្លើយតបបន្ទាន់ជាលក្ខណៈបុគ្គល (PERS, Personal Emergency Response System)—ការតម្លើង និងការធ្វើតេស្ត
• សេវាថែទាំឯកជន ដោយបូករួមទាំងសេវាថែទាំសុខភាពតាមផ្ទះ និងសេវាទទួលរួមគ្នាជាមួយអ្នកជំងឺដទៃ
• ការគ្រប់គ្រងករណីជំងឺបណ្តោះអាសន្ន សម្រាប់វេជ្ជសាស្រ្តក្នុងគ្រាអាសន្ន និងអ្នកដែលរស់នៅដោយពឹងផ្អែកលើបច្ចេកវិជ្ជា ដោយមិនគិតអំពីកម្រិតអាយុ
• ការគ្រប់គ្រង/សម្របសម្រួលករណីជំងឺ
• ការស្តានីតិសម្បទា
• ថែទាំរយៈពេលខ្លីនៅតាមផ្ទះ
• សិទិ្ធសេវាថែទាំផ្ទាល់ខ្លួន (WPCS, Waiver Personal Care Services)
• អន្តរកាលសហគមន៍
• សេវាព្យាបាលថែទាំ និងជ្រោមជ្រែងបន្ត
• ការសម្របខ្លួនតាមបរិដ្ឋានជាក់ស្តែង

4. តើអ្វីដែលជួយឲ្យខ្ញុំអាចមានលក្ខណៈសម្បត្តិទទួលសេវា HCBA នៅក្រៅមណ្ឌលថែទាំ?

ដើម្បីមានលក្ខណៈសម្បត្តិគ្រប់គ្រាន់ អាចទទួលបាន HCBA នៅក្រៅមណ្ឌលថែទាំ អ្នកត្រូវតែមានសិទ្ធិចូលទទួលការថែទាំនៅក្នុងមណ្ឌល ឬជាអ្នកជំងឺកំពុងរស់នៅក្នុងមណ្ឌលថែទាំដែលផ្តល់មូលនិធិដោយ Medi-Cal, កំពុងទទួលសេវាក្នុងមណ្ឌលសង្គ្រោះបន្ទាន់, កំពុងទទួលការថែទាំពីមណ្ឌលថែទាំកម្រិតមធ្យម សម្រាប់អ្នកជំងឺពិការភាពការលូតលាស់សតិប្រាជ្ញា/មណ្ឌលបន្តផ្តល់ការថែទាំ (ICF-DD/CN, Intermediate Care Facility-Developmental Disabilities/Continuous Nursing) ឬកំពុងទទួលសេវាថែទាំពីមន្ទីរពេទ្យ ថែទាំអ្នកជំងឺកម្រិតធ្ងន់ ។ ការចាត់ចែងទាំងនេះ គឺគិតតាម “កម្រិតនៃការថែទាំ” ។ អ្នកត្រូវតែជាអ្នកជំងឺដែលកំពុងទទួលបានជំនួយពីកម្មវិធី Medi-Cal ឬកំពុងដាក់ពាក្យសុំជំនួយពី Medi-Cal ដើម្បីទទួលបានសេវា HCBA នៅក្រៅមណ្ឌល ។

ដើម្បីដាក់ពាក្យសុំសេវា ដែលមានសិទ្ធិទទួលបាននៅក្រៅមណ្ឌល អ្នកត្រូវទាក់ទង ទីភ្នាក់ងារមានសិទ្ធិផ្តល់សេវានៅក្រៅមណ្ឌល ដែលបានទទួលការចាត់តាំងឲ្យផ្តល់សេវានៅក្នុងតំបន់របស់អ្នក (ឬផ្តល់សេវាទៅតាមលេខកូដតំបន់) ។ ប្រសិនបើអ្នករស់នៅក្នុងខោនធីណា ដែលគេមិនបានចាត់តាំង ឲ្យមានទីភ្នាក់ងារ ផ្តល់សេវានៅក្រៅមណ្ឌលទេនោះ, អ្នកគួរតែទាក់ទង DHCS ដោយផ្ទាល់ ដើម្បីដាក់ពាក្យស្នើសុំសេវានេះ ដោយបំពេញព័ត៌មាន ក្នុងទម្រង់បែបបទ តាមអនឡាញនៅឯ ៖

https://www.dhcs.ca.gov/services/ltc/Documents/2019HCBAApp.pdf

បើអ្នកត្រូវការពាក្យសុំ ជាភាសាអេស្ប៉ាញ សូមហៅទូរស័ព្ទទៅកាន់លេខ (916) 552-9105។ ពាក្យសុំសេវា ដែលបានបំពេញព័ត៌មានរួចរាល់ ត្រូវផ្ញើទៅកាន់ ៖ Integrated Systems of Care Division, HCBS Programs Eligibility/Intake Unit, 311 South Spring Street, Ste 800, Los Angeles, CA 90013 ។

5. តើមានអ្នកដាក់ពាក្យសុំ ស្ថិតក្នុងបញ្ជីរង់ចាំទទួលសេវា HCBA នៅក្រៅមណ្ឌល ដែរឬទេ?

មាន គឺមានអ្នកជំងឺស្ថិតក្នុងបញ្ជីរង់ចាំ សេវា HCBA ដែលត្រូវផ្តល់ជូននៅក្រៅមណ្ឌល មួយចំនួន គិតមកដល់ខែកក្កដា ឆ្នាំ 2023 នេះ ។ អាជ្ញាធររដ្ឋ មានផែនការស្នើសុំចំនួនបន្ថែមពី CMS ដើម្បីផ្តល់សេវានេះ នៅក្រៅមណ្ឌល ដល់អ្នកជំងឺ ។ ក្នុងឆ្នាំ 2023 ចំនួនអតិបរមា នៃអ្នកជំងឺ ដែលអាចទទួលបានសេវាថែទាំនៅក្រៅមណ្ឌល គឺ 8,974 នាក់ ។ ការកំណត់អាទិភាពដើម្បីចុះឈ្មោះស្នើសុំសេវានៅក្រៅមណ្ឌល គឺ ៖

1. អ្នកជំងឺ ដែលត្រូវប្តូរពីកម្មវិធី HCBS ដើម្បីទទួលសេវាដែលស្រដៀងគ្នានេះ នៅក្រៅមណ្ឌល វិញ ។
2. អ្នកជំងឺដែលមានអាយុក្រោម 21 ឆ្នាំ
3. អ្នកជំងឺដែលបានសម្រាកនៅក្នុងមណ្ឌលថែទាំសុខភាព យ៉ាងហោចណាស់ 60 ថ្ងៃ ក្នុងពេលដែលខ្លួនបានដាក់ពាក្យស្នើសុំសេវា HCBA ដែលត្រូវផ្តល់ជូននៅក្រៅមណ្ឌល មកកាន់ទីភ្នាក់ងារផ្តល់សេវានៅក្រៅមណ្ឌល ឬដាក់ស្នើពាក្យសុំ មកកាន់ DHCS នៅក្នុងតំបន់ដែលមិនមាន ទីភ្នាក់ងារសម្រាប់ផ្តល់សេវានៅក្រៅមណ្ឌល
4. អ្នកជំងឺ ដែលរស់នៅក្នុងសហគមន៍ ក្នុងពេលខ្លួនបានដាក់ពាក្យស្នើសុំសេវា HCBA នៅក្រៅមណ្ឌល ។

DHCS បម្រុងទុក 60% នៃសមត្ថភាពរបស់ខ្លួន សម្រាប់ការផ្តល់សេវានៅក្រៅមណ្ឌល ដល់អ្នកជំងឺ ក្នុងបីប្រភេទដំបូង ។ នៅពេលដែលពាក្យស្នើសុំសេវានៅក្រៅមណ្ឌល ត្រូវបានដាក់ស្នើ ហើយប្រសិនបើចំនួនសម្រាប់ផ្តល់សេវានៅក្រៅមណ្ឌល នៅសល់នៅឡើយ ទីភ្នាក់ងារផ្តល់សេវានៅក្រៅមណ្ឌល ត្រូវទៅជួបអ្នកជំងឺដែលដាក់ពាក្យស្នើសុំសេវាថែទាំនៅក្រៅមណ្ឌល ដោយផ្ទាល់ ក្នុងរវាង 60 ថ្ងៃ ។ ក្នុងរវាង 90 ថ្ងៃ នៃការកំណត់ភាពមានសិទ្ធិទទួលសេវាថែទាំនៅក្រៅមណ្ឌល (គឺមិនមែនរយៈពេល 90 ថ្ងៃ ដែលគិតចាប់ពីថ្ងៃដាក់ពាក្យសុំសេវាឡើយ) ទីភ្នាក់ងារផ្តល់សេវានៅក្រៅមណ្ឌល ត្រូវតែកំណត់រកអ្នកផ្តល់សេវា ហើយដាក់ស្នើផែនការព្យាបាល (POT, Plan of Treatment) ដែលកំណត់ការផ្តល់សេវានៅក្រៅមណ្ឌល និងផែនការរដ្ឋទាំងអស់ទៅកាន់ DHCS ។

អ្នកជំងឺ អាចទទួលសេវានៅក្រៅមណ្ឌល របស់ HCBS បានតែមួយប៉ុណ្ណោះក្នុងមួយលើក។ សម្រាប់ព័ត៌មានបន្ថែមអំពីសេវា HCBS ផ្តល់ជូននៅក្រៅមណ្ឌល ដែលគ្រប់គ្រងដោយ DHCS សូមចូលទៅ កាន់ ៖ https://www.dhcs.ca.gov/services/ltc/Pages/Home-and-Community-Based-(HCB)-Alternatives-Waiver.aspx

អង្គការ Disability Rights California បានទទួលរបាយការណ៍ ពីការពន្យារពេលយូរក្នុងដំណើរការពាក្យស្នើសុំសេវាថែទាំនៅក្រៅមណ្ឌល ហើយបច្ចុប្បន្ន យើងខ្ញុំ កំពុងដោះស្រាយបញ្ហានេះ ជាមួយ DHCS ។ ទោះបីជា ឥឡូវនេះ មានអ្នកជំងឺជាច្រើន កំពុងស្ថិតក្នុងបញ្ជីរង់ចាំក៏ដោយ អ្នកគួរតែនៅតែដាក់ពាក្យស្នើសុំសេវានៅក្រៅមណ្ឌលបានដែរ ។

6. ក្នុងនាមជាអ្នកជំងឺ ស្នើសុំសេវាថែទាំពី HCBA នៅក្រៅមណ្ឌល តើត្រូវធ្វើបែបណា ដើម្បីឲ្យដឹងប្រាកដថា ខ្ញុំអាចទទួលបានសេវាថែទាំទាំងអស់ដែលខ្ញុំត្រូវការ?

នៅក្រោមលក្ខខ័ណ្ឌស្នើសុំសេវានៅក្រៅមណ្ឌល គឺមិនគួរមានដែនកំណត់អំពីតម្លៃសេវា សម្រាប់អ្នកជំងឺម្នាក់ៗឡើយ ហើយអ្នកគួរតែអាចទទួលបានសេវាដែល "ចាំបាច់" ទាំងអស់ ដែលវេជ្ជបណ្ឌិតរបស់អ្នកអនុញ្ញាតក្នុងផែនការព្យាបាល ។

ត្រូវប្រាកដថា ផែនការនៃការព្យាបាល ត្រូវមានរួមបញ្ចូលសេវាទាំងអស់ដែលវេជ្ជបណ្ឌិតរបស់អ្នកបានយល់ព្រម គឺសុទ្ធតែមានភាពចាំបាច់ផ្នែកវេជ្ជសាស្រ្ត រួមទាំងចំនួននៃការមើលថែនៅតាមផ្ទះ និង/ឬសេវាថែទាំផ្ទាល់ខ្លួននៅក្រៅមណ្ឌល ដែលអ្នកត្រូវការក្នុងមួយខែ ។ អ្នកនឹងអាចទទួលបានតែសេវាថែទាំណា ដែលមានចែងនៅក្នុងផែនការព្យាបាល របស់អ្នកតែប៉ុណ្ណោះ ។ ប្រសិនបើ សេវាថែទាំនៅក្រៅមណ្ឌល ដែលអ្នកបានស្នើសុំ មិនបានទទួលការអនុម័តិទេនោះ ត្រូវប្រាកដថាអ្នកទទួលបានសេចក្តីជូនដំណឹងអំពីការបដិសេធនេះ ជាលាយលក្ខណ៍អក្សរ ដើម្បីឱ្យអ្នកអាចមានឱកាសប្តឹងតវ៉ា និងទទួលបានសវនាការយុត្តិធម៌ Medi-Cal ។ នេះគឺជាកន្លែងដែលអ្នកអាចស្វែងរកព័ត៌មានបន្ថែមអំពីការស្នើសុំសវនាការ ៖ https://www.cdss.ca.gov/hearing-requests អ្នកក៏អាចទូរស័ព្ទទៅកាន់អង្គការ Disability Rights California តាមរយៈលេខ 1-800-776-5746 ដើម្បីស្នើសុំការជួយពីពួកគេផងដែរ ។

7. តើអ្វីគឺជាសេវាថែទាំផ្ទាល់ខ្លួន ផ្តល់ជូននៅក្រៅមណ្ឌល (WPCS, Waiver Personal Care Services)?

“សេវាថែទាំផ្ទាល់ខ្លួននៅក្រៅមណ្ឌល” គឺជាសេវាថែទាំផ្ទាល់ខ្លួន ដែលអាចបង្រួមចូលគ្នាជាមួយនឹងសេវាជ្រោមជ្រែងនៅតាមផ្ទះ (IHSS, In-Home Supportive Services) ។ ដើម្បីទទួលបានសេវា WPCS, អ្នកត្រូវតែមានឈ្មោះនៅក្នុងបញ្ជី HCBA ដើម្បីទទួលបានសេវានៅក្រៅមណ្ឌល ។ អ្នកក៏ត្រូវតែជាអ្នកជំងឺ ដែលបានទទួល IHSS រួចហើយដែរ ។ សេវា WPCS របស់អ្នកនឹងត្រូវបានកំណត់នៅពេលក្រោយ បន្ទាប់ពីចំនួនម៉ោងសម្រាប់សេវា IHSS របស់អ្នក ត្រូវបានកំណត់ ។ សេវា WPCS មិនមែនជាសេវា សម្រាប់ចូលខ្លួនមកជំនួសឲ្យសេវា IHSS ឡើយ ប៉ុន្តែវាមានភាពបត់បែនបានច្រើនជាងសេវា IHSS ។ សេវា WPCS គឺរួមបញ្ចូលនូវសមាសភាគភាពជាដៃគូដែលជាមនុស្សពេញវ័យ ។ ទាំងអស់នេះ គឺជាសេវាដែលរួមបញ្ចូលនូវ សេវាថែទាំដែលមិនមែនជាសេវាផ្នែកវេជ្ជសាស្ត្រ, សេវាគ្រប់គ្រងអ្នកជំងឺ និងសេវាចូលរួមសង្គម ដែលបានផ្តល់ជូនអ្នកជំងឺ ដែលទទួលបានសេវាទាំងនេះ នៅក្រៅមណ្ឌល ។ ដើម្បីជួយរក្សាសុខុមាលភាពផ្លូវចិត្តរបស់អ្នកជំងឺ ដែលមានសិទ្ធិទទួលបានសេវាថែទាំនៅក្រៅមណ្ឌល ដៃគូដែលជាមនុស្សពេញវ័យអាចនៅជួយមើលថែអ្នកជំងឺ ដែលមានសិទ្ធិទទួលបានសេវាថែទាំនៅក្រៅមណ្ឌល សម្រាប់សកម្មភាពណាដែលមានផលប្រយោជន៍ដល់អ្នកជំងឺ ឬចូលរួមសកម្មភាពក្នុងសហគមន៍មូលដ្ឋាន សម្រាប់ការចូលរួមក្នុងសង្គម និងកម្សាន្តកាយ និង/ឬការផ្តល់ ឬគាំទ្របរិយាកាសដែលអំណោយផលដល់ការទំនាក់ទំនងជាមួយអ្នកដទៃ ។ បទបញ្ញត្តិចំពោះការផ្តល់សេវាក្រៅម៉ោងកំណត់ របស់ IHSS ក៏អាចយកមកប្រើចំពោះសេវា WPCS បានដែរ ។ សូមអាន ៖ https://www.disabilityrightsca.org/publications/new-rules-for-ihss-overtime-and-related-changes

8. តើខ្ញុំអាចទទួលបានសេវាថែទាំ 24 ម៉ោង ពីសេវាផ្តល់ជូនក្រៅមណ្ឌលរបស់ HCBA បានដែរឬទេ?

បាន, អ្នកអាចទទួលបានសេវានេះ ប្រសិនបើគ្រូពេទ្យរបស់អ្នក បានចែងនៅក្នុងផែនការព្យាបាលរបស់អ្នក ។ ប្រសិនបើអ្នកត្រូវការសេវាថែទាំ 24 ម៉ោងក្នុងមួយថ្ងៃ អ្នកត្រូវ ប្រាកដថា តម្រូវការនេះ បានសរសេរចូលក្នុងផែនការព្យាបាល របស់អ្នក ។ លក្ខខ័ណ្ឌអនុញ្ញាតផ្តល់សេវាថែទាំនៅក្រៅមណ្ឌល បច្ចុប្បន្ន ចែងថា អ្នកអាចទទួលបានសេវាថែទាំដោយផ្ទាល់ច្រើនបំផុត ត្រឹមតែ 24 ម៉ោងប៉ុណ្ណោះ ក្នុងមួយថ្ងៃ ។ សេវាថែទាំដោយផ្ទាល់ គឺជាសេវាណាដែលទាមទារឱ្យមានការទំនាក់ទំនងដោយផ្ទាល់ រវាងអ្នកផ្តល់សេវាថែទាំ និងអ្នកជំងឺ ។ អ្នកអាចពិនិត្យមើលម៉ឺនុយនៃសេវាសុខភាព (MOHS, Menu of Health Services) របស់អ្នកសម្រាប់ការបែងចែក នូវចំនួនម៉ោងក្នុងមួយថ្ងៃ ដែលអ្នកអាចទទួលបានសេវាថែទាំដោយផ្ទាល់ ។ អ្នកមានសិទ្ធិទទួលបានសេវា HCBA នៅក្រៅមណ្ឌល តម្រូវឱ្យទីភ្នាក់ងារ ដែលមានសិទ្ធិផ្តល់សេវាថែទាំនៅក្រៅមណ្ឌល ផ្តល់ឱ្យអ្នកជំងឺ នូវសំណៅនៃផែនការព្យាបាល និង MOHS របស់ពួកគេ ។ អ្នកគួរតែប្រាកដថា ផែនការព្យាបាលរបស់អ្នក ចែងថាអ្នកត្រូវការ ការថែទាំ ចំនួន 24 ម៉ោងក្នុងមួយថ្ងៃ ។

9. តើត្រូវធ្វើបែបណា ប្រសិនបើខ្ញុំទទួលបានការថែទាំលើសពី 24 ម៉ោង—តើខ្ញុំត្រូវសម្រេចយ៉ាងដូចម្តេច ថាតើត្រូវប្រើសេវាមួយណា?

ពេលខ្លះអ្នកជំងឺ ដែលទទួលបានសេវាថែទាំ លើសពី 24 ម៉ោង (តាមរយៈការរួមបញ្ចូលគ្នានៃសេវា IHSS, សេវាថែទាំរយៈពេលខ្លី, សេវាថែទាំព្យាបាល, និងសេវា WPCS) ត្រូវតែសម្រេចចិត្តពីរបៀបប្រើសេវាទាំងនោះ ក្នុងចំនួន 24 ម៉ោង ហើយសម្រេចថា តើគួរកាត់បន្ថយម៉ោង ចំពោះសេវាមួយណា ។ កំណែបច្ចុប្បន្ននៃ ឯកសារផ្តល់សិទ្ធិឲ្យទទួលសេវាថែទាំនៅក្រៅមណ្ឌល បានចែងថា អ្នកជំងឺ មិនអាចទទួល ៖

“សេវាថែទាំដោយផ្ទាល់ ឬការរួមបញ្ចូលគ្នានៃការថែទាំដោយផ្ទាល់ និងសេវាគ្រប់គ្រង សម្រាប់ការពារ លើសពី 24 ម៉ោងក្នុងមួយថ្ងៃ បានឡើយ … ។ សេវាថែទាំដោយផ្ទាល់ រួមមានសេវាផែនការរដ្ឋ ដូចជាសេវាថែទាំផ្ទាល់ខ្លួន, សេវាថែទាំសុខភាពសម្រាប់មនុស្សពេញវ័យ ឬកុមារ, សេវាគាំទ្រនៅក្នុងផ្ទះ (IHSS, In-Home Supportive Services), សេវា PDN, សេវា PDN ដែលធ្វើឡើងរួមគ្នា និង/ឬការថែទាំដោយផ្ទាល់ ដែលត្រូវបានអនុញ្ញាតដោយក្រុមហ៊ុនធានារ៉ាប់រង ឯកជនរបស់អ្នកជំងឺ ។ ការថែទាំដោយផ្ទាល់គឺជាការថែទាំផ្ទាល់ ដើម្បីជួយដល់តម្រូវការថែទាំរបស់អ្នកជំងឺ ដែលមានសិទ្ធិទទួលបានសេវាថែទាំ នេះ នៅក្រៅមណ្ឌល ។

សេវាដែលបានអនុញ្ញាតថ្មី ឲ្យផ្តល់ជូនអ្នកជំងឺនៅក្រៅមណ្ឌលថែទាំ គឺមានភាពបត់បែនច្រើន អំពីការថែទាំដោយផ្ទាល់ ធៀបនឹង សេវាថែទាំប្រយោល (សូមមើលសំណួរទី 11 ខាងក្រោម) ប៉ុន្តែសម្រាប់ពេលនេះ ប្រសិនបើអ្នកជំងឺ មានចំនួនម៉ោងសរុប ក្នុងមួយខែ សម្រាប់ទទួលសេវា លើសពី 24 ម៉ោងក្នុងមួយថ្ងៃ ពួកគេគួរត្រូវពិភាក្សាជាមួយនឹង ទីភ្នាក់ងារដែលមានសិទ្ធិផ្តល់សេវាថែទាំ នៅក្រៅមណ្ឌលរបស់ពួកគេ (និង ទីភ្នាក់ងារផ្សេងទៀតដែលជាអ្នកកំណត់ចំនួនម៉ោង) ដើម្បីកំណត់ថា តើខ្ឡួនចង់ប្រើសេវាមួយណា ។ ឧទាហរណ៍ គ្រួសារមួយ ដែលឪពុកម្តាយ បានទទួលការអនុញ្ញាត ឲ្យផ្តល់សេវា IHSS ដោយគិតថ្លៃ អាចកាត់បន្ថយម៉ោងសេវាណា ដែលមិនមែនជាសេវា IHSS ដើម្បីរក្សាបាននូវ ប្រាក់ចំណូលរបស់ពួកគេ ។

10. តើអ្នកណាអាចជួយខ្ញុំចុះឈ្មោះស្នើសុំទទួលសេវាថែទាំនៅក្រៅមណ្ឌលបាន ដើម្បីឲ្យខ្ញុំអាចចេញពីមណ្ឌលថែទាំ?

បើអ្នកត្រូវការជំនួយដើម្បីចាកចេញពីមណ្ឌលថែទាំព្យាបាល, ភ្នាក់ងារដែលមានសិទ្ធិផ្តល់សេវាថែទាំ នៅក្រៅមណ្ឌល ដែលបានទទួលការចាត់តាំង ឲ្យផ្តល់សេវានៅក្នុងតំបន់ភូមិសាស្ត្ររស់នៅរបស់អ្នក គឺជាអ្នកទទួលខុសត្រូវក្នុងការជួយអ្នកចេញពីមណ្ឌល ដើម្បីមកទទួលសេវានៅផ្ទះវិញ ។ ជំហានដំបូង គឺដាក់ពាក្យស្នើសុំ ទទួលសេវា HCBA នៅក្រៅមណ្ឌល ។ អ្នកក៏គួរតែដាក់ពាក្យស្នើសុំសេវាបណ្តោះអាសន្នសហគមន៍ រដ្ឋកាលីហ្វ័រញ៉ា (CCT, California Community Transition Services) ។ ទីភ្នាក់ងារដែលមានសិទ្ធិផ្តល់សេវាថែទាំនៅក្រៅមណ្ឌលថែទាំ ធ្វើការងារជាមួយនឹងទីភ្នាក់ងារ សេវាបណ្តោះអាសន្នសហគមន៍ រដ្ឋកាលីហ្វ័រញ៉ា (CCT, California Community Transition Agency) ដើម្បីជួយអ្នកជំងឺ ចាកចេញពីមណ្ឌលថែទាំព្យាបាល ។ ជំនួយ ដែលទីភ្នាក់ងារនេះ អាចជួយអ្នកបាន គឺរួមបញ្ចូលនូវការជួយអ្នក ស្វែងរកផ្ទះស្នាក់នៅ និងជួយចេញថ្លៃចំណាយផ្សេងៗ ដូចជាការបង់ប្រាក់កក់ និងការដំឡើងយូធីលិធី ព្រមទាំងជួយអ្នក ស្វែងរកអ្នកមើលថែ ។ សម្រាប់ព័ត៌មានបន្ថែម អំពីសេវា CCT សូមអាន ៖ https://www.disabilityrightsca.org/publications/the-california-community-transitions-cct-program-a-way-for-a-nursing-home-resident-to

11. តើនឹងមានអ្វីប្រែប្រួលខ្លះ ចំពោះសេវាដែលអនុញ្ញាតឲ្យនៅក្រៅមណ្ឌល ក្នុងឆ្នាំ 2023-2027 ដែលខុសពីពេលមុន?

ការប្រែប្រួលចម្បងៗ ចំពោះសេវា HCBA ដែលអនុញ្ញាតឲ្យផ្តល់ជូនអ្នកជំងឺ នៅក្រៅមណ្ឌល មានដូចខាងក្រោម ៖

• មានការកើនឡើងនូវចំនួនសរុបនៃសេវាដែលអនុញ្ញាតឲ្យផ្តល់ជូននៅក្រៅមណ្ឌល
• អនុញ្ញាតឲ្យសាច់ញាតិអ្នកជំងឺ ដែលជាអ្នកទទួលខុសត្រូវតាមផ្លូវច្បាប់ (ប្តី/ប្រពន្ធ, ឪពុកម្តាយរបស់កុមារជាអនីតិជន) ដើម្បីផ្តល់សេវា WPCS ដល់សមាជិកគ្រួសាររបស់ខ្លួន
• លុបចោលអំពីការកម្រិតអាយុ សម្រាប់ការថែទាំក្នុងរយៈពេលខ្លី (ផ្តល់ជូននៅតាមផ្ទះ ឬក្នុងមណ្ឌលថែទាំ) និងសេវាស្តារនីតិសម្បទា ដែលមិនមានសម្រាប់ផ្តល់ជូនយុវជន ចំពោះសេវាការពិនិត្យជំងឺដំបូង និងពិនិត្យជំងឺតាមពេលកំណត់, អត្ថប្រយោជន៍ចំពោះ ការធ្វើរោគវិនិច្ឆ័យ និងការព្យាបាល (EPSDT, Early and Periodic Screening, Diagnostic and Treatment) - ដើម្បីធ្វើឱ្យសេវា នេះអាចមានផ្តល់ជូនដល់អ្នកជំងឺទាំងអស់ ដែលបានចុះឈ្មោះក្នុងកម្មវិធី ជម្រើសនៃសេវា ដែលអនុញ្ញាតឲ្យផ្តល់ជូនអ្នកជំងឺនៅតាមផ្ទះ និងសហគមន៍ (HCBA, Home and Community-Based Alternatives) ដោយផ្អែកលើភាពចាំបាច់ផ្នែកវេជ្ជសាស្រ្ត
• រួមបញ្ចូលនូវមជ្ឈមណ្ឌលថែទាំសុខភាពកុមារ (PDHC, Pediatric Day Health Care) នៅពេលថ្ងៃ ដែលទទួលបានអាជ្ញាប័ណ្ណ ឱ្យដំណើរការលើជម្រើសនៃតម្រូវការផ្នែកសេវាថែទាំសុខភាពបណ្តោះអាសន្ន (TCU, Transitional Health Care Needs Optional Service Unit) ដែលជាប្រភេទអ្នកផ្តល់សេវាថែទាំឯកជន ដែលជាប់កាតព្វកិច្ច (PDN, private duty nursing) ដល់អ្នកជំងឺ ដែលមានសិទ្ធិទទួលសេវានេះ ដែលចូលដល់អាយុ 21 ឆ្នាំ
• រួមបញ្ចូលនូវមជ្ឈមណ្ឌលថែទាំសុខភាពកុមារពេលថ្ងៃ (PDHC, Pediatric Day Health Care) ដែលជាប្រភេទអ្នកផ្តល់សេវានៅក្នុងមណ្ឌល ក្នុងរយៈពេលខ្លី
• បានដកចេញការសម្របសម្រួលបណ្តោះអាសន្ន ពីការបង់ប្រាក់ចំពោះការគ្រប់គ្រងការថែទាំទូលំទូលាយ ក្នុងសមាជិកម្នាក់ ក្នុងមួយខែ (PMPM, Comprehensive Care Management per member per month)
• បានកំណត់តួនាទីនៃ អ្នកដែលចាំជួយមើលថែអ្នកជំងឺ នៅក្នុងចំណោមសេវាថែទាំដែលអនុញ្ញាតឲ្យផ្តល់ជូនអ្នកជំងឺនៅក្រៅមណ្ឌល និងសេវា HCBA ដែលអនុញ្ញាតឲ្យផ្តល់ជូនអ្នកជំងឺនៅក្រៅមណ្ឌល ភាពតម្រូវរបស់ទីភ្នាក់ងារផ្តល់សេវា នៅពេលដែលអ្នកជំងឺ ជាមនុស្សដែលមិនមានអ្នកចាំជួយមើលថែ
• រួមបញ្ចូលសេវាសុខភាពពីចម្ងាយ ដែលជាជម្រើសមួយ ជំនួសឲ្យតម្រូវការឲ្យអ្នកជំងឺមកជួបពេទ្យដោយផ្ទាល់ សម្រាប់ពេទ្យព្យាបាលរាងកាយ ឬព្យាបាលមុខងាររាងកាយ (PT or OT, Physical or Occupational Therapist) ដើម្បីវាយតម្លៃតម្រូវការ និងភាពសមស្របនៃការកែសម្រួលផ្ទះរស់នៅ នៅពេលដែលអ្នកផ្តល់សេវា មិនមានវត្តមាននៅក្នុងតំបន់ផ្តល់សេវា
• រួមបញ្ចូលនូវតម្រូវការបន្ថែម សម្រាប់ទីភ្នាក់ងារ HCBA ដែលមានសិទ្ធិផ្តល់សេវាដល់អ្នកជំងឺ នៅក្រៅមណ្ឌល ដើម្បីសហការជាមួយនឹងផែនការថែទាំសុខភាពដែលមានការចាត់ចែងជាមុន (MCPs, Managed Care Plans) ដើម្បីសម្របសម្រួលការថែទាំ រួមបញ្ចូលទាំងការចូលក្នុងអនុស្សារណៈនៃការយោគយល់ (MOU, Memoranda of Understanding)
• បច្ចេកវិជ្ជាជំនួយដែលបានដាក់បន្ថែម ដែលជាសេវាអាចផ្តល់ឲ្យអ្នកជំងឺ នៅក្រៅមណ្ឌល ដើម្បីរក្សាសុខភាព និងសុវត្ថិភាពរបស់អ្នកជំងឺ នៅពេលដែលបច្ចេកវិទ្យាជំនួយ ដែលមានភាពចាំបាច់ផ្នែកវេជ្ជសាស្ត្រ មិនមានផ្តល់ជូន តាមរយៈគម្រោងរបស់រដ្ឋ ឬតាមរយៈមធ្យោបាយចំណាយ ផ្សេងទៀត
• សេវាជ្រោមជ្រែងថែទាំវេជ្ជសាស្រ្ត ដែលបានដាក់បន្ថែម សម្រាប់អ្នកជំងឺ ដែលបានប្រើសេវាកម្មជ្រោមជ្រែងនៅតាមផ្ទះ (IHSS, In-home supportive services) ដល់កម្រិតអតិបរមា ដែលមានផ្តល់ជូនតាមរយៈផែនការរដ្ឋ
• បានអនុញ្ញាតឱ្យមានការវាយតម្លៃឡើងវិញប្រចាំឆ្នាំ ដែលត្រូវធ្វើឡើងតាមអនឡាញ បន្ទាប់ពីការបញ្ចប់ស្ថានភាពគ្រាអាសន្នផ្នែកសុខភាពសាធារណៈ ដោយមានការយល់ព្រមជាមុន
• និយមន័យដែលបានបន្ថែម អំពីពាក្យថា ការថែទាំដោយប្រយោល ៖
  • សេវាថែទាំដោយប្រយោល មិនតម្រូវឱ្យមានការទាក់ទងដោយផ្ទាល់ រវាងអ្នកផ្តល់សេវាថែទាំ និងអ្នកជំងឺ ។
  • ឧទាហរណ៍ នៃសេវាទាំងនេះ គឺមិនមែនចំពោះតែ ៖
  • ការចាត់ចែងសេវាថែទាំអ្នកជំងឺដែលមានលក្ខណៈទូលាយ
  • ការគ្រប់គ្រងករណីអ្នកជំងឺ
  • ការពិគ្រោះយោបល់រវាងអ្នកផ្តល់សេវាថែទាំអ្នកជំងឺ
  • សេវា IHSS ដែលមិនពាក់ព័ន្ធនឹង ការថែទាំដោយផ្ទាល់ ដូចជាការរៀបចំធ្វើម្ហូបអាហារ និងការសំអាត, ទិញអីវ៉ាន់/ធ្វើកិច្ចការខាងក្រៅតិចតួច, បោកអ៊ុត, ការថែទាំនៅក្នុងផ្ទះ, ការបន្ថយគ្រោះថ្នាក់ក្នុងទីធ្លាផ្ទះ, ការសំអាតផ្ទះគ្រប់ជ្រុងជ្រោយ ។ល។
  • សេវាបណ្តោះអាសន្ននៅក្នុងសហគមន៍
  • ការសម្របខ្លួនតាមបរិដ្ឋានរស់នៅ
  • ការបណ្តុះបណ្តាលសមាជិកគ្រួសារ/អ្នកមើលថែ • ចំណាយលើការប្រើប្រាស់ឧបករណ៍ពេទ្យ
  • ការដំឡើង និងសាកល្បងឧបករណ៍ឆ្លើយតបបន្ទាន់ផ្ទាល់ខ្លួន (PERS, Personal Emergency Response)
  • សេវា PERS ប្រចាំខែ
  • សេវាផ្តល់ជូនដោយអ្នកមានវិជ្ជាជីវៈ ដែលមិនរាប់បញ្ចូលការផ្តល់ការថែទាំផ្ទាល់ខ្លួន ដោយផ្ទាល់ ឬការថែទាំ ដែលផ្តល់ជូនដោយអ្នកមិនមានវិជ្ជាជីវៈ ។