Thov nco ntsoov tias lub Phiaj Xwm Kev Zam Pub Ntawm HCBA tsis ntev los no tau nce mus txog qhov ntau tshaj plaws ntawm cov chaw qhib, yog li ntawd yuav muaj cov npe nyob tos rau cov kev pab cuam.

California muaj cov kev pab cuam uas hu ua “kev zam pub ntawm cov kev pab cuam hauv tsev thiab hauv zej zog” uas pab ua kom cov neeg tau txais cov kev pab cuam Medi-Cal tom tsev. Qhov kev tshaj tawm no yog hais txog ib lub phiaj xwm hu tias Kev Zam Pub Ntawm Cov Kev Xaiv Hauv Tsev thiab Hauv Zej Zog, (HCBA, Home and Community-Based Alternatives).

1. Cov Kev Zam Pub Ntawm Cov Kev Pab Cuam Hauv Tsev thiab Hauv Zej Zog, (HCBS, Home and Community-Based Services) Yog Dab Tsi?

Cov Kev Zam Pub Ntawm Cov Kev Pab Cuam Hauv Tsev thiab Zej Zog muab lwm txoj hauv kev saib xyuas hauv chaw kho mob rau cov neeg uas tsim nyog tau txais kev tso npe hauv lub chaw tu neeg ntawm Medicaid uas muaj kev pab nyiaj. Tshooj 1915(c) ntawm Tsab Cai Xaus Saus (42 U.S.C. § 1396n(c)) tso cai rau tsoom fwv tso cai zam qee cov kev cai ntawm tsab kev cai lij choj Medicaid Ntawm Tsoom Fwv txhawm rau tso cai rau cov xeev los muab kev pab cuam hauv tsev thiab hauv zej zog los ntawm kev saib xyuas hauv tsev rau cov neeg uas tsim nyog. Nrog ib qhov Kev Zam Pub ntawm 1915 (c), cov xeev muaj peev xwm zam tau peb qho uas tseev kom muaj ntawm Medicaid rau cov kev pab cuam ntawm qhov Kev Npaj Kho Mob Hauv Xeev ntawm Medicaid:

• Kev Sib Piv (42 U.S.C. § 1396a(a)(10)(B))
• Thoob Xeev (42 U.S.C. § 1396a(a)(1)) (Cov xeev tuaj yeem txwv tsis pub muaj rau qee thaj chaw hauv lub xeev)
• Cov nyiaj tau los thiab cov kev pab txhawb rau cov neeg tsim nyog tau txais kev kho mob (42 U.S.C. § 1396a(a)(10)(C)(i)(III))

Qhov no txhais tau li cas hauv kev nqis tes ua yog tias cov Xeev tuaj yeem muab kev zam pub ntawm HCBS rau qee cov neeg; tuaj yeem tswj ciam rau qhov chaw uas muaj cov kev pab cuam zam pub hauv lub xeev; thiab tuaj yeem tsom rau qee hom neeg (xws li cov neeg laus, cov neeg uas muaj kev tsis taus, mob hlwb, lossis muaj Kev Tsis Taus Fab Laj Lim Tswv Yim lossis Kev Paub Tab, (I/DD, Intellectual or Developmental Disabilities) thiab cov neeg muaj qee yam mob lossis xwm txheej mob (xws li cov neeg muaj muaj kab mob AIDS lossis cov menyuam yaus uas nyob tau raws technology)). Nws kuj tseem txhais tau hais tias kev pov hwm txog nyiaj tau los zoo li kev pom zoo ntawm lub koom haum thiab kev tiv thaiv kev txom nyem ntawm tus txij nkawm uas siv rau cov neeg tau txais Kev Zam Pub. Ib qhov kev zam pub 1915(c) uas yuav ua rau cov xeev pab them cov kev pab cuam dhau ntawm cov txiaj ntsig pab Medicaid uas ib txwm muaj. Tsis yog txhua lub xeev yuav muab cov kev pab cuam raws cov Kev Zam Pub 1915 (c).

Hauv California, lub Chaw Ua Haujlwm Saib Xyuas Kev Pab Kho Mob, (DHCS, Department of Health Care Services) (California lub phiaj xwm Medicaid) tau raug txib los ntawm Kev Tawm Kev Cai Lij Choj txhawm rau “nrhiav txhua yam kev zam pub uas tseem ceeb... txhawm rau muab kev saib xyuas hauv tsev thiab hauv zej zog.” Txoj Cai Xoom Qhaub thiab Chaw Kho Mob §§ 14132(t), 14137. Tam sim no California muaj 6 yam kev zam pub ntawm Cov Kev Pab Cuam Hauv Tsev thiab Hauv Zej Zog (HCBS, Home and Community-Based Services), uas xam muaj qhov Kev Zam Pub Raws Cov Kev Xaiv Hauv Tsev thiab Hauv Zej Zog (HCBA, Home & Community-Based Alternatives). Cov Kev Zam Pub 1915(c) no tau txais kev pab nyiaj los ntawm cov nyiaj hauv xeev thiab tsoom fwv tebchaws.

California li 6 yam Kev Zam Pub 1915(c) yog:

Lub Npe Kev Zam Pub	Cov Pej Xeem Hauv Lub Hom Phiaj	Cheeb Tsam Kev Pab Cuam
Kev Zam Ntawm Medi-Cal Txog Kab Mob AIDS Kev Txiav Txim Tus Kheej	Cov neeg uas muaj kab mob HIV/AIDS	Thoob xeev
Kev Zam Pub Ntawm Kev Ua Neej Nyob Uas Muaj Kev Pab, (ALW, Assisted Living Waiver)​	Hnub Nyoog Muaj Li 21 Xyoos thiab Tshaj Ntawd, Uas Muaj Kev Tsis Taus	15 Lub Cheeb Nroog; Cov npe nyob tos
Kev Zam Pub Ntawm Cov Kev Xaiv Hauv Tsev thiab Hauv Zej Zog, (HCBA, Home and Community-Based Alternatives)(yav dhau los hu ua Kev Zam Pub NF/AH)	Muaj Hnub Nyoog, Tsis Taus, Txhua Phaum Hnub Nyoog	Thoob xeev; Cov npe nyob tos
Kev Zam Pub Ntawm Cov Kev Pab Cuam Hauv Tsev thiab Hauv Zej Zog rau Kev Tsis Taus Fab Kev Paub Tab, (HCBS-DD, Home and Community Based Services Waiver for the Developmentally Disabled)	Cov Neeg Uas Muaj Kev Tsis Taus Fab Laj Lim Tswv Yim lossis Fab Kev Paub Tab, Txhua Phaum Hnub Nyoog	Thoob xeev
Phiaj Xwm Pab Cuam Cov Laus Ntau Lub Hom Phiaj, (MSSP, Multipurpose Senior Services Program)	Hnub Nyoog, 65 thiab siab dua	46 Counties; Waiting list
Phiaj Xwm Kev Txiav Txim Tus Kheej	Muaj kev tsis taus fab kev paub tab thiab tau txais kev pab cuam los ntawm lub Chaw Pab Cuam Hauv Cheeb Tsam	Thoob xeev; 2500 thoob xeev 2018-2021

2. Qhov Kev Zam Pub Ntawm Cov Kev Xaiv Hauv Tsev thiab Hauv Zej Zog (HCBA, Home and Community Based Alternatives) yog dab tsi?

Qhov Kev Zam Pub ntawm HCBA muab cov kev pab cuam tswj hwm kev saib xyuas rau cov neeg uas tsim nyog txhua phaum hnub nyoog ntawm lub Chaw Tu Neeg Mob. Ces Haujlwm Saib Xyuas Cov Kab Ke Saib Xyuas Mob Nkeeg Uas Sib Sau Lawm, (ISCD, Integrated Systems of Care Division) yog lub chaw ua haujlwm hauv DHCS uas muaj lub luag haujlwm saib xyuas kev tswj tuav qhov Kev Zam Pub ntawm HCBA. Qhov chaw ua haujlwm no yav tas los hu tias Chaw Ua Haujlwm Hauv Tsev, (IHO, In Home Operations) thiab cov neeg ua haujlwm ntawm IHO yav tas los saib xyuas qhov Kev Zam Pub HCBA (yav tas los hu tias Chaw Tu Neeg Mob/Chaw Kho Mob Hnyav, Kev Zam Pub NF/AH (Nursing Facility/Acute Hospital)) ncaj nraim.

Xyoo 2018, DHCS tau hloov lub luag haujlwm rau kev tswj tuav ncaj nraim ntawm qhov Kev Zam Pub mus rau qhov uas hu tias Cov Koom Haum Kev Zam Pub ntawm HCBA. Muaj txog Cuaj Lub Koom Haum Kev Zam Pub hauv lub xeev, uas pab hauv cov thaj chaw sib txawv. Tsis muaj cov Koom Haum Kev Zam Pub nyob hauv Alpine, Imperial, Inyo, Marin, Mendocino, Mono, Napa, thiab nyob rau hauv cov cheeb nroog uas DHCS tswj hwm cov kev pab cuam kev zam pub rau cov neeg tau txais kev pab. Cov neeg tso npe thov txog Kev Zam Pub yuav xa lawv cov ntawv tso npe thov mus rau lub Koom Haum Saib Xyuas Kev Zam Pub uas pab cuam ntawm lawv thaj chaw. Cov Koom Haum Saib Xyuas Kev Zam Pub yuav lis cov ntawv thov txog cov pab cuam kev zam pub, txheeb xyuas cov neeg thov, tsim ib qho Kev Npaj Kho Mob, thiab xa qhov Kev Kho Mob ntawd mus rau DHCS kom tau txais kev pom zoo. Thaum ib tug neeg twg tau txais kev pom zoo rau cov kev pab cuam txog Kev Zam Pub ntawm HCBA, lub Koom Haum Saib Xyuas Kev Zam Pub yuav muab kev tswj hwm txog kev saib xyuas txhua hli kom ntseeg tau hais tias tab tom muab txhua yam kev pab cuam rau qhov Kev Npaj Kho Mob.

Cov npe ntawm Cov Koom Haum Saib Xyuas Kev Zam Pub nyob hauv qab no, thiab muaj nyob rau ntawm no: https://www.dhcs.ca.gov/services/ltc/Pages/Home-and-Community-Based-(HCB)-Alternatives-Waiver.aspx

Koom Haum Saib Xyuas Kev Zam Pub	Cheeb Tsam Kev Pab Cuam
Access TLC	Chheeb Nroog Santa Barbara, thiab ntau feem ntawm Cheeb Nroog Los Angeles thiab Orange (nias ntawm no txhawm rau cheeb tsam kev pab cuam uas tau tshab txhais los ntawm cov npe teev zip code)
Centers for Elders’ Independence	Cheeb Nroog Alameda thiab Contra Costa
Home Health Care Management	Cheeb Nroog Butte, Glenn, Sacramento, San Joaquin, Shasta, Solano, Sutter, Tehama, Yolo, Yuba, Colusa, Del Norte, El Dorado, Humboldt, Lake, Lassen, Modoc, Nevada, Placer, Plumas, Sierra, Siskiyou, thiab Trinity
Institute on Aging	Cheeb Nroog San Francisco, San Mateo, San Bernardino, thiab Riverside
Libertana Home Health	Kern, Fresno, Kings, Tulare, Madera, Mariposa, Merced, Stanislaus, Tuolumne, San Luis Obispo, Amador, Calaveras, Santa Clara, Santa Cruz, San Benito, Monterey, thiab ntau feem ntawm Los Angeles Angeles thiab Orange (nias ntawm no txhawm rau cheeb tsam kev pab cuam uas tau tshab txhais los ntawm cov npe teev zip code)
Partners in Care	Ntau feem ntawm Cheeb Nroog Los Angeles (nias ntawm no txhawm rau cheeb tsam kev pab cuam uas tau tshab txhais los ntawm cov npe teev zip code)
San Ysidro Health	Cheeb Nroog San Diego
Sonoma County Human Services Department	Cheeb Nroog Sonoma
Ventura County Agency on Aging	Cheeb Nroog Ventura

Cov kev pab cuam uas muaj raws Kev Zam Pub xam muaj:

• Kev so ib vuag ntawm qhov chaw kho mob, kev cob qhia tsev neeg/tus neeg zov menyuam
• Kev siv nyiaj rau kev khiav haujlwm ntawm cuab yeej kho mob
• Kab Kev Daws Xwm Txheej Ceev Ntiag Tug, (PERS, Personal Emergency Response System)—kev nruab thiab kev sim
• Lub luag haujlwm ntiag tug nrog rau kev noj qab haus huv hauv tsev thiab cov kev pab cuam sib koom
• Kev tswj hwm teeb meem hloov pauv rau kev kho mob tsis yooj yim thiab cov tib neeg ua neej nyob taus vim technology rau txhua lub hnub nyoog
• Kev tswj hwm teeb meem/kev sib koom tes
• Kev pab kev ua neej nyob
• Kev so ib vuag hauv tsev
• Kev Zam Pub Cov Kev Pab Cuam Ntiag Tug, (WPCS, Waiver Personal Care Services)
• Kev hloov hauv zej zog
• Kev tu neeg mob tsis tu ncua thiab kev pab cuam txhawb nqa
• Cov kev hloov tus kheej nkag rau txhua yam puag ncig

4. Kuv yuav ua li cas thiaj li tsim nyog tau txais Kev Zam Pub Ntawm HCBA?

Txhawm rau kom tsim nyog rau Kev Zam Pub ntawm HCBA, ce koj yuav tsum tsim nyog rau kev nkag mus rau, lossis nyob hauv, Medi-Cal nyiaj pab kev saib xyuas neeg mob, chaw kho mob hnyav, Cov Kev Tsis Taus Fab Kev Paub Tab ntawm Cov Chaw Kho Mob Theem Nrab/Kev Tu Neeg Mob Tsis Tu Ncua, (ICF-DD/CN, Intermediate Care Facility-Developmental Disabilities/Continuous Nursing) lossis tsev kho mob hnyav. Cov kev tsim qauv no yog “cov qib ntawm kev saib xyuas.” Koj yuav tsum nyob rau Medi-Cal lossis tso npe thov txog Medi-Cal txhawm kom tau txais cov Kev Pab Cuam Txog Kev Zam Pub ntawm HCBA.

Txhawm rau thov kom nyob hauv qhov Kev Zam Pub, koj yuav tsum hu rau Lub Chaw Haujlwm Kev Zam Pub uas tau muab rau koj lub cheeb nroog (lossis tus zip code). Yog tias koj nyob hauv ib lub cheeb nroog uas tsis muaj lub Koom Haum Saib Xyuas Kev Zam Pub uas tau txais kev tso cai, ces koj yuav tsum tiv tauj rau DHCS ncaj nraim txhawm rau thov los ntawm ua tiav daim foos uas nrhiav pom hauv online ntawm: https://www.dhcs.ca.gov/services/ltc/Documents/2019HCBAApp.pdf

Yog tias koj xav tau daim ntawv tso npe thov ua lus Spanish, thov caw hu rau (916) 552-9105. Daim ntawv tso npe thov uas sau tiav lawm yuav tsum muab xa mus rau: Integrated Systems of Care Division, HCBS Programs Eligibility/Intake Unit, 311 South Spring Street, Ste 800, Los Angeles, CA 90013.

5. Puas muaj daim ntawv teev npe nyob tos txog Kev Zam Pub ntawm HCBA?

Muaj kawg, muaj ib daim ntawv teev npe nyob tos txog Kev Zam Pub ntawm HCBA suav txij lub Xya Hli xyoo 2023. Cov kev npaj hauv xeev txog kev thov kom txais ntau leej nkag ntxiv hauv CMS. Hauv xyoo 2023, cov neeg koom coob tshaj plaws uas tuaj yeem tau txais kev pab yog 8,974 leej. Kev teem qib tseem ceeb hauv kev tso npe nkag yog:

1. Cov neeg uas hloov mus rau qhov Kev Zam Pub los ntawm cov phiaj xwm HCBS uas zoo sib xws.
2. Cov neeg muaj hnub nyoog qis dua 21 xyoos
3. Cov neeg uas tau nyob hauv ib lub tsev kho mob tsawg kawg yog 60 hnub thaum lub sij hawm daim ntawv tso npe thov txog Kev Zam Pub ntawm HCBA raug muab xa mus rau Lub Chaw Koom Haum Saib Xyuas Kev Zam Pub lossis DHCS hauv thaj chaw uas tsis muaj lub Koom Haum Saib Xyuas Kev Zam Pub
4. Cov tib neeg nyob hauv lub zej zog thaum lub sijhawm xa daim ntawv tso npe thov txog Kev Zam Pub ntawm HCBA.

DHCS khaws cia 60% ntawm lub peev xwm Kev Zam Pub rau peb hom xub thawj. Thaum xa ib daim ntawv tso npe thov mus lawm, yog tias muaj qhov kev zam pub, ces lub Koom Haum Saib Xyuas Kev Zam Pub yuav tsum ntsib tus neeg tso npe thov los ntawm tus kheej kiag tsis dhau 60 hnub. Tsis pub dhau 90 hnub ntawm kev txiav txim siab txog kev tsim nyog (tsis yog 90 hnub txij li hnub ua ntawv tso npe thov) uas lub Koom Haum Saib Xyuas Kev Zam Pub yuav tsum taw qhia tus neeg muab kev pab cuam, thiab xa qhov Kev Npaj Kho Mob, (POT, Plan of Treatment), uas tau teev tag nrho cov kev pab cuam uas zam pub thiab qhov kev npaj hauv xeev rau DHCS.

Cov neeg siv kev pab cuam tsuas tuaj yeem nyob ntawm ib qho Kev Zam Pub ntawm HCBS nyob rau ib lub sij hawm twg. Yog xav paub ntxiv txog cov Kev Zam Pub ntawm HCBS uas tau txais kev tswj hwm los ntawm DHCS, ces mus rau: https://www.dhcs.ca.gov/services/ltc/Pages/Home-and-Community-Based-(HCB)-Alternatives-Waiver.aspx

Disability Rights California tau hnov ​​​​cov lus ceeb toom ntawm kev ua qeeb ntev los lawm hauv kev ua cov ntaub ntawv tso npe thov, thiab tam sim no peb tab tom daws cov kev ua qeeb no nrog DHCS. Txawm hais tias tam sim no muaj cov npe nyob tos, los xij koj yuav tsum tau tso npe thov thiab.

6. Raws li yog tus neeg koom rau qhov Kev Zam Pub Ntawm HCBA, kuv yuav ua li cas thiaj paub tseeb tias tau txais tag nrho cov kev pab cuam uas kuv xav tau?

Raws li qhov Kev Zam Pub, yuav tsum tsis txhob muaj kev tswj ciam txog tus nqi rau ib leeg zus thiab koj yuav tsum muaj peev xwm tau txais tag nrho cov kev pab cuam "tsim nyog fab kev kho mob" uas koj tus kws kho mob tso cai rau hauv qhov Kev Npaj Kho Mob.

Xyuas kom paub tseeb tias qhov Kev Npaj Kho Mob suav nrog tag nrho cov kev pab cuam koj tus kws kho mob pom zoo yog qhov tsim nyog kho mob, uas xam muaj kev tu neeg hauv tsev thiab/lossis cov Kev Pab Cuam Txog Kev Saib Xyuas Ntiag Tug Txog Kev Zam Pub uas xav tau nyob rau ib lub hlis twg. Koj tsuas tuaj yeem tau txais cov kev pab cuam hauv koj qhov Kev Npaj Kho Mob nkaus xwb. Yog tias koj tsis tau txais kev pom zoo rau cov kev pab cuam uas tau thov, ces xyuas kom meej tias koj tau txais tsab ntawv ceeb toom kom koj tuaj yeem thov rov hais dua thiab muaj lub Rooj Txiav Txim Ncaj Ncees ntawm Medi-Cal. Ntawm no yog qhov chaw koj tuaj yeem nrhiav xov xwm ntau ntxiv hais txog kev thov lub rooj txiav txim:

https://www.cdss.ca.gov/hearing-requests. Koj kuj tseem tuaj yeem hu tau rau Disability Rights California ntawm tus xov tooj 1-800-776-5746 kom tau txais kev pab.

7. Cov Kev Pab Cuam Saib Xyuas Ntiag Tug Txog Kev Zam Pub, (WPCS, Waiver Personal Care Services) Yog Dab Tsi?

“Cov kev pab cuam saib xyuas ntiag tug txog kev zam pub” yog cov kev pab cuam saib xyuas ntiag tug uas tuaj yeem muab txuas nrog Cov Kev Pab Tu Neeg Hauv Tsev, (IHSS, In-Home Supportive Services). Txhawm kom tau txais WPCS, koj yuav tsum nyob rau qhov Kev Zam Pub ntawm HCBA. Koj tseem yuav tsum tau txais IHSS lawm. Koj qhov WPCS yuav raug muab txiav txim tom qab txiav txim koj cov xuab moos ua haujlwm ntawm IHSS. WPCS tsis yog los hloov chaw IHSS xwb, tab sis nws kuj tseem yoog tau zoo tshaj IHSS thiab. WPCS xam muaj ib qhov Kev Sib Koom Tes Ntawm Cov Laus. Cov no yog cov kev pab cuam uas xam muaj kev saib xyuas uas tsis yog kev kho mob, kev saib xyuas, thiab kev sib raug zoo uas muab rau tus neeg koom rau qhov kev zam pub. Txhawm rau pab tswj kev nyob kaj siab ntawm tus neeg tuaj koom phiajxwm kev zam pub ntawd, ces cov neeg laus cov khub tuaj yeem pab cov neeg koom phiajxwm kev zam pub hauv txoj kev nkag mus rau dej num ua si fab kev nyiam tus kheej lossis cov dejnum ua si uas nkag mus rau hauv zej zog txhawm rau kev sib raug zoo thiab kev ua si, thiab/lossis muab lossis txhawb ib puag ncig zoo rau kev sib raug zoo ntawm tus kheej. IHSS cov cai ua haujlwm dhau sij hawm uas siv rau WPCS thiab. Saib: https://www.disabilityrightsca.org/publications/new-rules-for-ihss-overtime-and-related-changes

8. Kuv puas tuaj yeem tau txais Kev Saib Xyuas 24 xuab moos los ntawm Kev Zam Pub ntawm HCBA?

Tau kawg, koj tuaj yeem tau txais yog tias koj tus kws kho mob tso cai li ntawd hauv koj qhov Kev Npaj Kho Mob. Yog tias koj xav tau kev saib xyuas ib hnub 24 xuab moos, ces koj yuav tsum ua kom paub tseeb tias koj qhov Kev Kho Mob hais tseg li ntawd. Qhov kev zam tam sim no hais tias koj tsuas tau txais cov kev pab cuam ncaj qhaj hauv ib hnub siab kawg yog 24 xuab moos. Cov kev pab cuam ncaj qha yog cov kev pab cuam uas yuav tsum muaj kev sib koom tes li ntawm tus kws saib xyuas thiab tus neeg koom nrog. Koj tuaj yeem tshuaj xyuas koj Daim Ntawv Qhia Kev Pab Cuam Kev Noj Qab Haus Huv (MOHS, Menu of Health Services) kom paub meej tias koj tau txais ib hnub pes tsawg xuab moos hauv cov kev pab cuam ncaj nraim. Kev zam pub ntawm HCBA xav kom cov koom haum saib xyuas kev zam pub muab ib daim luam qauv ntawm lawv qhov Kev Npaj Kho Mob thiab MOHS. Koj yuav tsum paub tseeb tias koj qhov Kev Npaj Kho Mob hais tseg tias koj xav tau kev saib xyuas ib hnub 24 xuab moos.

9. Yuav ua li cas yog tias kuv tau txais Kev Saib Xyuas Ntau tshaj 24 xuab moos—Kuv Yuav Txiav Txim Siab Li Cas Txog Cov Kev Pab Cuam Uas Yuav Siv?

Qee lub sij hawm cov neeg uas muaj cov sij hawm tso cai ntau tshaj 24 xuab moos (los ntawm kev sib sau ua ke ntawm IHSS, Kev So Ib Vuag, Kev Tu Neeg, thiab WPCS) yuav tsum duav nqi li cas rau 24 xuab moos thiab cov sij hawm twg lawv yuav tsum tau txo. Qhov kev zam pub tam sim no hais tseg tias cov neeg tau txais tsis tuaj yeem tau txais:

“Cov kev pab cuam txog kev saib xyuas ncaj nraim lossis ib qho kev sib sau ua ke ntawm kev saib xyuas ncaj nraim thiab kev saib xyuas uas muaj kev pov hwm ntau tshaj 24 xuab moos ntawm kev saib xyuas nyob rau ib hnub…. Cov kev pab cuam saib xyuas ncaj nraim xam muaj cov kev pab cuam txog Kev Npaj Kho Mob hauv Xeev, xws li kev pab cuam txog kev saib xyuas ntiag tug, kev saib xyuas nruab hnub rau cov neeg laus lossis menyuam yaus, Kev Pab Tu Neeg Hauv Tsev (IHSS, In-Home Supportive Services), PDN, PDN uas sib koom, thiab/lossis kev saib xyuas ncaj nraim tau tso cai los ntawm tus neeg koom tes li pab-kas-phais ntiag tug. Kev saib xyuas ncaj nraim yog kev saib xyuas txhawm rau txhawb nqa cov kev tsim nyog muaj ntawm kev saib xyuas ntawm tus neeg koom rau qhov kev zam pub.”

Qhov Kev Zam Pub tshiab muaj qhov yoog tau ntau dua txog kev saib xyuas ncaj nraim thiab kev saib xyuas tsis ncaj nraim (saib Nqe Lus Nug thib 11 hauv qab no) tab sis ziag no ces, yog tias tus neeg txais kev pab muaj tag nrho cov sij hawm ntawm kev pab cuam hauv ib lub hlis uas tshaj 24 xuab moos nyob rau ib hnub ces lawv yuav tsum ua hauj lwm nrog lawv lub Koom Haum Saib Xyuas Kev Zam Pub (thiab lwm cov koom haum uas tso cai muab cov xuab moos) los txiav txim seb cov kev pab cuam twg yog cov lawv xav siv. Piv txwv li, ib tsev neeg uas niam txiv tau txais tso cai them nyiaj los muab cov kev pab cuam IHSS yuav xav txo cov sij hawm uas tsis yog IHSS txhawm rau ceev lawv cov nyiaj tau los.

10. Leej twg tuaj yeem pab kuv tso npe nkag rau hauv Qhov Kev Zam Pub Kom Kuv Thiaj Li Tau Tawm Ntawm Lub Tsev Tu Neeg Mus?

Yog tias koj xav tau kev pab kom tau tawm ntawm qhov chaw kho mob, lub Koom Haum Saib Xyuas Kev Zam Pub uas tau muab rau koj thaj chaw muaj lub luag haujlwm pab ua kom koj tau tawm mus thiab tshem mus nyob tom tsev. Thawj kauj ruam yog muab tso rau hauv ib tsab ntawv tso npe thov txog qhov Kev Zam Pub ntawm HCBA. Koj kuj tseem yuav tsum tau tso npe thov txog Cov Kev Pab Cuam Txog Kev Hloov hauv Zej Zog Hauv California, (CCT, California Community Transition Services). Lub Koom Haum Saib Xyuas Kev Zam Pub ua haujlwm nrog lub Koom Haum Saib Xyuas Kev Hloov Hauv Zej Zog Hauv California (CCT, California Community Transitions Agency) los pab ua kom cov neeg tau tawm hauv cov tsev tu neeg mus. Kev pab tuaj yeem xam muaj kev pab koj nrhiav vaj tse thiab kev them nyiaj rau tej yam xws li kev tso nyiaj txhawm rau kev ruaj ntseg thiab kev teeb tsa hluav taws xob, thiab pab koj nrhiav cov neeg saib xyuas. Xav paub ntau ntxiv hais txog cov kev pab cuam CCT ces mus saib: https://www.disabilityrightsca.org/publications/the-california-community-transitions-cct-program-a-way-for-a-nursing-home-resident-to

11. Kuv Tuaj Yeem Npaj Siab Rau Tej Kev Hloov Dab Tsi hauv qhov Kev Zam Pub 2023-2027 los ntawm cov Kev Zam Pub yav dhau los?

Cov kev hloov loj hauv qhov Kev Zam Pub ntawm CBA tau raug muab teev tseg hauv qab no:

• Ua kom muaj peev xwm txog kev zam pub tag nrho
• Tso cai rau cov txheeb ze uas raug cai (cov txij nkawm, cov niam txiv ntawm cov menyuam uas tsis tau puv hnub nyoog 18) los muab WPCS rau cov neeg hauv tsev neeg
• Tshem tawm qhov txwv hnub nyoog rau Kev So Ib Vuag (uas tau muab hauv tsev lossis hauv ib qho chaw) thiab cov kev pab cuam txog kev noj qab nyob zoo, uas tsis muaj rau cov hluas raws li yog ib qho txiaj ntsig pab txog Kev Txheeb Xyuas Thaum Ntxov thiab Raws Ncua Sij Hawm, Kev Kuaj Mob thiab Kev Kho Mob, (EPSDT, Early and Periodic Screening, Diagnostic and Treatment) – txhawm rau ua kom muaj cov kev pab cuam rau txhua tus neeg koom nrog uas tso npe nkag rau hauv qhov Kev Zam Pub ntawm Cov Kev Xaiv Hauv Tsev thiab Hauv Zej Zog (HCBA, Home and Community-Based Alternatives) raws li kev tsim nyog fab kev kho mob
• Tau muaj cov chaw Saib Xyuas Mob Nkeeg Hnub Menyuam Yaus, (PDHC, Pediatric Day Health Care) uas muaj ntawv tso cai los khiav haujlwm rau qhov Chaw Ua Haujlwm Saib Xyuas Xaiv Tau Raws Qhov Tsim Nyog Fab Kev Saib Xyuas Hloov Pauv, (TCU, Transitional Health Care Needs Optional Service Unit), uas yog ib hom kws tu neeg rau kev tu neeg raws luag haujlwm ntiag tug, (PDN, private duty nursing) rau cov neeg koom tes uas muaj hnub nyoog nkag rau 21 xyoos.
• Tau muaj cov chaw Saib Xyuas Mob Nkeeg Hnub Menyuam Yaus (PDHC, Pediatric Day Health Care) raws li hom kws tu neeg rau cov Kev Pab Cuam Txog Kev So Ib Vuag ntawm Chaw Tu Neeg Mob
• Tau tshem Kev Sib Koom Tes Txog Kev Hloov Pauv los ntawm Kev Tswj Hwm Txog Kev Saib Xyuas Zoo rau ib tus tswv cuab hauv kev them nyiaj hauv ib hlis (PMPM, per member per month)
• Tau tshab txhais lub luag haujlwm ntawm Lub Voj Voog Kev Txhawb Nqa hauv Kev Zam Pub, thiab Kev Zam Pub ntawm HCBA Cov kev tseev kom muaj ntawm lub koom haum thaum tus neeg koom nrog tsis muaj lub Voj Voog Kev Txhawb Nqa
• Tau muaj kev kho mob raws kev hu xov tooj ua lwm txoj hau kev rau qhov kev tseev kom muaj ntawm tus kheej rau tus Kws Kho Mob Raw Lub Cev lossis Raws Kev Ua Haujlwm, (PT lossis OT, Physical or Occupational Therapist) txhawm rau ntsuas qhov kev tsim nyog muaj, thiab qhov kev tsim nyog ntawm, kev hloov kho hauv tsev thaum tsis muaj kws tu neeg nyob hauv cheeb tsam kev pab cuam.
• Tau muaj cov kev cai ntxiv rau cov Koom Haum Saib Xyuas Kev Zam Pub ntawm HCBA los koom tes nrog Cov Kev Npaj Kho Mob Uas Tswj Hwm Tau, (MCPs, Managed Care Plans) rau kev sib koom tes ntawm kev saib xyuas, uas xam muaj kev nkag mus rau hauv Kev Tshaj Tawm txog Kev Nkag Siab, (MOU, Memoranda of Understanding)
• Tau ntxiv Technology Pab raws li yog ib qho kev pab cuam ntawm Kev Zam Pub, kom tswj tau tus neeg koom nrog qhov kev noj qab haus huv thiab kev nyab xeeb thaum tsis muaj Technology Pab raws kev tsim nyog fab kev kho mob los ntawm qhov kev npaj hauv xeev lossis lwm yam kev them nqi
• Tau ntxiv ib qho kev pab cuam kws kho mob rau cov neeg koom nrog uas tau txhawb nqa qhov kev pab tu neeg hauv tsev (IHSS, In-Home Supportive Services) ntau tshaj plaws uas muaj raws qhov kev npaj kho mob hauv xeev
• Tau tso cai rov ntsuam xyuas txhua xyoo kom ua tiav tom qab ntu kawg ntawm xwm txheej ceev txog kev noj qab haus huv rau pej xeem, uas muaj kev pom zoo ua ntej
• Tau ntxiv kev tshab txhais ntawm kev saib xyuas uas tsis yog ua ncaj nraim:
  • Cov kev pab cuam saib xyuas uas tsis yog ncaj nraim tsis tas yuav muaj kev sib koom tes ntawm tus kws kho mob thiab tus neeg koom tes.
  • Cov piv txwv xam muaj xws li, tab sis tsis tsiaj ciam kiag rau:
  • Kev Tswj Hwm Kev Saib Xyuas Raws Kev Nkag Siab
  • Kev Tswj Hwm Teeb Meem
  • Kev sab laj ntawm cov kws kho mob
  • IHSS uas tsis koom nrog kev saib xyuas, xws li kev npaj pluas noj thiab kev tu kom huv, mus yuav khoom/kev ua haujlwm, ntxhua khaub ncaws, kev saib xyuas sab haud, kev nyab xeeb hauv vaj loog, kev tu kom hu hnyav, thiab lwm yam.
  • Cov Kev Pab Cuam Txog Kev Hloov Hauv Zej Zog
  • Kev Hloov Tus Kheej Nkag Rau Txhua Yam Puag Ncig
  • Kev Cob Qhia Tsev Neeg/Tus Neeg Saib Xyuas • Kev Siv Nyiaj Rau Kev Khiav Haujlwm Ntawm Cov Cuab Yeej Kho Mob
  • Kev Nruab thiab Kev Sim Txog Kev Daws Xwm Txheej Ceev Ntiag Tug, (PERS, Personal Emergency Response)
  • Kev Pab Cuam Txhua Hli ntawm PERS
  • Cov kev pab cuam fab kev kws uas tsis suav nrog kev muab kev pab cuam ntawm tus kheej lossis kev pab saib xyuas.