ការថែទាំដែលមានការចាត់ចែងរបស់ Medi-Cal៖ សេវាក្រៅបណ្តាញ

អង្គភាពផ្តល់សេវាថែទាំដែលមានការចាត់ចែងរបស់ Medi-Cal (MCO) មានបណ្តាញអ្នកផ្តល់សេវា ដូចជា វេជ្ជបណ្ឌិត ឱសថស្ថាន គ្លីនិក មន្ទីរពិសោធន៍ និងមន្ទីរពេទ្យ (“អ្នកផ្តល់សេវារបស់ផែនការ”)។ ស្ទើរតែគ្រប់ពេលទាំងអស់ សមាជិកត្រូវប្រើអ្នកផ្តល់សេវារបស់ផែនការ នៅពេលទទួលបានការថែទាំផ្នែកវេជ្ជសាស្រ្តដើម្បីអាចឱ្យ MCO ធ្វើការទូទាត់លើសេវាទាំងនោះបាន។ មានករណីជាច្រើនដែលលោកអ្នកអាចទទួលបានសេវាវេជ្ជសាស្រ្តពីអ្នកផ្តល់សេវាដែលមិនមែនជាអ្នកផ្តល់សេវារបស់ផែនការផងដែរ។ អ្នកទាំងនោះ ត្រូវបានគេហៅថា អ្នកផ្តល់សេវា “ក្រៅបណ្តាញ”។ សេវាដែលពួកគេផ្តល់ឱ្យ ត្រូវចាត់ទុកជា សេវា “ក្រៅបណ្តាញ”។

បោះពុម្ពការបោះពុម្ពនេះ។

1. តើអ្វីទៅជាសេវាក្រៅបណ្តាញ?

អង្គភាពផ្តល់សេវាថែទាំដែលមានការចាត់ចែងរបស់ Medi-Cal (MCO)1 មានបណ្តាញអ្នកផ្តល់សេវា ដូចជា វេជ្ជបណ្ឌិត ឱសថស្ថាន គ្លីនិក មន្ទីរពិសោធន៍ និងមន្ទីរពេទ្យ (“អ្នកផ្តល់សេវារបស់ផែនការ”)។ ស្ទើរតែគ្រប់ពេលទាំងអស់ សមាជិកត្រូវប្រើអ្នកផ្តល់សេវារបស់ផែនការ នៅពេលទទួលបានការថែទាំផ្នែកវេជ្ជសាស្រ្តដើម្បីអាចឱ្យ MCO ធ្វើការទូទាត់លើសេវាទាំងនោះបាន។ មានករណីជាច្រើនដែលលោកអ្នកអាចទទួលបានសេវាវេជ្ជសាស្រ្តពីអ្នកផ្តល់សេវាដែលមិនមែនជាអ្នកផ្តល់សេវារបស់ផែនការផងដែរ។ អ្នកទាំងនោះ ត្រូវបានគេហៅថា អ្នកផ្តល់សេវា “ក្រៅបណ្តាញ”។ សេវាដែលពួកគេផ្តល់ឱ្យ ត្រូវចាត់ទុកជា សេវា “ក្រៅបណ្តាញ”។

2. តើក្នុងស្ថានភាពបែបណា ទើប MCO នឹងទូទាត់លើសេវា/អ្នកផ្តល់សេវាក្រៅបណ្តាញរបស់ខ្ញុំ?

ការថែទាំករណីសង្គ្រោះបន្ទាន់

ប្រសិនបើលោកអ្នកត្រូវការការថែទាំករណីសង្គ្រោះបន្ទាន់ លោកអ្នកអាចទៅរកអ្នកផ្តល់សេវានៅក្រៅបណ្តាញបាន។ លោកអ្នកក៏អាចទូរសព្ទទៅខ្សែទូរសព្ទបន្ទាន់របស់គិលានុបដ្ឋាយិការបស់ MCO ដែលអាចជួយលោកអ្នកឱ្យទទួលបានការថែទាំករណីសង្គ្រោះបន្ទាន់ ឬការថែទាំជាជម្រើសផ្សេងទៀតបាន។ នៅពេលចូលដល់បន្ទប់សង្គ្រោះបន្ទាន់ ហើយស្ថានភាពអាការៈរបស់លោកអ្នកបានរក្សាស្ថេរភាព នោះលោកអ្នកអាចផ្លាស់ទៅកាន់អ្នកផ្តល់សេវាក្នុងបណ្តាញសម្រាប់បន្តការថែទាំ។ សេវារថយន្តគិលានសង្គ្រោះ ក៏អាចទទួលបានការទូទាត់ផងដែរ។2

ករណីដែលចាត់ថាជា “ករណីសង្គ្រោះបន្ទាន់” គឺជាស្ថានភាព ដែលលោកអ្នកគិតថាមានហេតុផលសមស្របជាករណីសង្គ្រោះបន្ទាន់។ វាមិនជាថ្វីនោះទេ ប្រសិនបើក្រោយមកទៀត ករណីនោះត្រូវបានកំណត់ថាមិនមែនជាករណីសង្គ្រោះបន្ទាន់នោះ។

លោកអ្នកកំពុងទទួលបានសេវាក្រៅបណ្តាញ នៅពេលលោកអ្នកចុះឈ្មោះនៅក្នុងកម្មវិធីថែទាំដែលមានការចាត់ចែង របស់ Medi-Cal។

ប្រសិនបើលោកអ្នកកំពុងជួបអ្នកផ្តល់សេវានៅក្រៅបណ្តាញ ហើយឥឡូវនេះ លោកអ្នកត្រូវបានគេប្រាប់ថា លោកអ្នកត្រូវចុះឈ្មោះក្នុងកម្មវិធី MCO នោះលោកអ្នកអាចបន្តប្រើសេវានេះបានក្រោមកម្មវិធី ដែលគេហៅថា “ការបន្តការថែទាំ”។ សម្រាប់ព័ត៌មានបន្ថែមអំពីការបន្តការថែទាំ សូមមើល៖

https://www.disabilityrightsca.org/publications/medi-cal-managed-care-c…
http://www.dhcs.ca.gov/formsandpubs/Documents/MMCDAPLsandPolicyLetters/… (លិខិតសម្រាប់ផែនការទាំងអស់របស់ DHCS លេខ 15-019)
http://www.healthlaw.org/publications/search-publications/medi-cal-mana… (NHeLP: ការថែទាំដែលមានការចាត់ចែងនៅក្នុងស៊េរីនៃឯកសារផ្សព្វផ្សាយ, លេខ 6៖ ការបន្តការថែទាំនៅក្នុងកម្មវិធីថែទាំដែលមានការចាត់ចែង របស់ Medi-Cal។

គ្មានអ្នកផ្តល់សេវាក្នុងបណ្តាញ

ប្រសិនបើលោកអ្នកត្រូវការសេវានានាដែល MCO របស់លោកអ្នក ត្រូវផ្តល់ឱ្យ ប៉ុន្តែខ្លួនគ្មានអ្នកផ្តល់សេវាក្នុងបណ្តាញផែនការ “ដែលមានបទពិសោធន៍ក្នុងការដោះស្រាយបញ្ហាតម្រូវការថែទាំសុខភាពរបស់អ្នកចុះឈ្មោះ”3 នោះលោកអ្នកអាចទទួលបានសេវានៅក្រៅបណ្តាញ បាន។ ឧទាហរណ៍ ប្រសិនបើលោកអ្នកត្រូវការជួបគ្រូពេទ្យឯកទេស ដូចជា គ្រូពេទ្យឯកទេសខួរក្បាលកុមារ ប៉ុន្តែ គ្មានគ្រូពេទ្យឯកទេសខួរក្បាលកុមារនៅក្នុងបណ្តាញ MCO របស់លោកអ្នក ដូចនេះ លោកអ្នកអាចទៅជួប គ្រូពេទ្យឯកទេសខួរក្បាលកុមារនៅក្រៅបណ្តាញបាន។ MCO របស់លោកអ្នក បានផ្តល់ការឯកភាពលើចំណុចនេះ។

លោកអ្នកអាចទទួលបានសេវា តាមរយៈក្រុមវេជ្ជសាស្រ្ត ឬ ក្រុមវេជ្ជបណ្ឌិត និងអ្នកផ្តល់សេវាផ្សេងទៀតនៅក្នុងសមាគមប្រតិបត្តិឯកត្តជន (IPA) បាន។ IPA ឬ ក្រុមវេជ្ជសាស្រ្ត អាចមានចុះកិច្ចសន្យាជាមួយ MCO ដើម្បីផ្តល់សេវាដល់លោកអ្នក។ ក្រុមនោះ ក៏អាចទទួលយកហានិភ័យហិរញ្ញវត្ថុខ្លះដែរ ក្នុងការផ្តល់សេវាថែទាំជូនលោកអ្នក។ លោកអ្នក មិនគួរត្រូវរងការដាក់កំហិតឱ្យទៅរកអ្នកផ្តល់សេវា តែនៅក្នុងក្រុមនោះឡើយ។ លោកអ្នក គួរអាចទៅរកអ្នកផ្តល់សេវារបស់ MCO ដែលនៅក្រៅក្រុមវេជ្ជសាស្រ្ត ឬ IPA ហើយមិនរងការចាត់ទុកថាសេវានោះនៅក្រៅបណ្តាញឡើយ។

3. ចុះប្រសិនបើ MCO របស់ខ្ញុំ និងខ្ញុំ មិនយល់ស្របថាតើខ្ញុំត្រូវការទៅជួបគ្រូពេទ្យឯកទេសជាក់លាក់ណាមួយឬអត់វិញនោះ?

ប្រសិនបើមានការមិនយល់ស្របគ្នាចំពោះថាតើ លោកអ្នកត្រូវការទៅជួបគ្រូពេទ្យឯកទេសជាក់លាក់ណាមួយ ឬគ្រូពេទ្យឯកទេសដែលមានបទពិសោធន៍ ដើម្បីផ្តល់សេវាថែទាំ ដែលលោកអ្នកត្រូវការឬអត់នោះ លោកអ្នកអាចស្នើសុំយោបល់ មួយទៀតពី “អ្នកជំនាញសុខភាពដែលមានលក្ខណៈសម្បត្តិគ្រប់គ្រាន់” ដូចជា គ្រូពេទ្យថែទាំបឋម ឬគ្រូពេទ្យឯកទេស ដែលមានសាវតារផ្នែកគ្លីនិកសាស្រ្តដែលពាក់ព័ន្ធ រួមទាំង ការបណ្តុះបណ្តាល និងជំនាញដែលពាក់ព័ន្ធ។4

4. ខ្ញុំបានឮថា សេវាមួយចំនួនត្រូវបាន “កាត់ចេញ” ពីផែនការ របស់ MCO។ តើនេះមានន័យយ៉ាងម៉េចដែរ?

មានសេវាមួយចំនួនដែល MCO មិនផ្តល់ជូន ដោយសារទីភ្នាក់ងារផ្សេងទៀត ទទួលខុសត្រូវលើការផ្តល់សេវាទាំងនោះ។ សេវាទាំងនេះ ត្រូវបានចាត់ថាជា សេវា “កាត់ចេញ” ឬមិនត្រូវបានរ៉ាប់រងដោយ MCO។ ទោះបីជា MCO មិនត្រូវបានតម្រូវឱ្យផ្តល់សេវាទាំងនេះក្តី ក៏ប៉ុន្តែកម្មវិធី Medi-Cal នៅតែទទួលខុសត្រូវលើការផ្តល់ សេវាទាំងនេះដដែល។ MCO ក៏ទទួលខុសត្រូវលើការជួយលោកអ្នកឱ្យទទួលបាន សេវាកាត់ចេញ ដែលលោកអ្នកត្រូវការផងដែរ។ អ្នកផ្តល់សេវាដែលមិនស្ថិតក្នុង MCO និងអ្នកដែលទទួលយក Medi-Cal នឹងផ្តល់សេវាកាត់ចេញទាំងនោះ។ អាស្រ័យតាមសេវាដែល MCO របស់លោកអ្នកធានាផ្តល់ជូន សេវាកាត់ចេញទាំងនោះ អាចរួមមានសេវានានាតាមរយៈ សេវាកុមារកាលីហ្វ័រញ៉ា (CCS), សេវាឯកទេសសុខភាពផ្លូវចិត្ត5 ធ្មេញ ភ្នែក និងសេវាផ្សេងទៀត ដើម្បីដោះស្រាយជំងឺបង្កពីសេពគ្រឿងញៀន៖ ដូចជា បញ្ហាសេពគ្រឿងស្រវឹង ឬគ្រឿងញៀន។ ដើម្បីទទួលបានសេវាទាំងនេះ លោកអ្នកអាចស្នើសុំ MCO របស់លោកអ្នកឱ្យជួយ ឬទាក់ទងមកយើងខ្ញុំ។

5. តើខ្ញុំអាចធ្វើអ្វីបាន ប្រសិនបើ MCO របស់ខ្ញុំ បដិសេធសំណើរបស់ខ្ញុំក្នុងការស្នើសុំ សេវា/អ្នកផ្តល់សេវានៅក្រៅបណ្តាញនោះ?

លោកអ្នកមានជម្រើសជាច្រើន ប្រសិនបើ MCO របស់អ្នក បដិសេធសំណើរបស់អ្នកក្នុងការស្នើសុំ អ្នកផ្តល់សេវានៅក្រៅបណ្តាញ។

ដាក់បណ្តឹងសាទុក្ខ

លោកអ្នកអាចដាក់បណ្តឹងសាទុក្ខទៅកាន់ MCO របស់លោកអ្នកបានគ្រប់ពេលវេលាទាំងអស់។ សូមសាកសួរ MCO របស់លោកអ្នកអំពីរបៀបធ្វើកិច្ចការនេះ។ ប្រសិនបើបញ្ហារបស់លោកអ្នកជាករណីបន្ទាន់ (ករណីគំរាមកំហែងធ្ងន់ធ្ងរចំពោះសុខភាពរបស់លោកអ្នក) នោះ MCO របស់លោកអ្នក ត្រូវផ្តល់ការសម្រេចមួយដល់លោកអ្នក ក្នុងរយៈពេល 72 ម៉ោង។ ប្រសិនបើបញ្ហារបស់លោកអ្នក មិនមែនជាករណីបន្ទាន់ នោះ MCO របស់លោកអ្នក មានពេល 30 ថ្ងៃ ក្នុងការផ្តល់ ការសម្រេចជូនដល់លោកអ្នក។ សម្រាប់ព័ត៌មានបន្ថែម សូមអានឯកសារបោះពុម្ពផ្សាយរបស់អង្គការសិទ្ធិជនពិការរដ្ឋកាលីហ្វ័រញ៉ា៖

https://www.disabilityrightsca.org/publications/medi-cal-managed-care-h…

ដាក់បណ្តឹងឧទ្ធរណ៍

លោកអ្នកអាចដាក់បណ្តឹងឧទ្ធរណ៍ជាមួយ MCO របស់លោកអ្នកបាន។ សម្រាប់ព័ត៌មានបន្ថែម សូមអានឯកសារបោះពុម្ពផ្សាយរបស់អង្គការសិទ្ធិជនពិការរដ្ឋកាលីហ្វ័រញ៉ា៖

https://www.disabilityrightsca.org/publications/medi-cal-managed-care-h…

សូមស្នើសុំជំនួយពីក្រសួងសេវាថែទាំសុខភាពដែលមានការចាត់ចែង

នៅមុនពេលលោកអ្នកដាក់បណ្តឹងជាមួយក្រសួងសេវាថែទាំសុខភាពដែលមានការចាត់ចែង លោកអ្នកត្រូវដាក់បណ្តឹងសាទុក្ខ ឬបណ្តឹងឧទ្ធរណ៍បានជាមួយ MCO។ ក្រោមផែនការ MCO ភាគច្រើន លោកអ្នកអាច ដាក់ពាក្យបណ្តឹងទៅក្រសួងសេវាថែទាំសុខភាពដែលមានការចាត់ចែង តាមរយៈលេខ (888) 466-2219 ឬ TDD៖ (877) 688-989 ប្រសិនបើលោកអ្នក មិនសប្បាយចិត្ត ចំពោះការសម្រេចពី MCO របស់លោកអ្នក ឬប្រសិនបើលោកអ្នក មិនទទួលបានការសម្រេចក្នុងរយៈពេល 3 ថ្ងៃ សម្រាប់បញ្ហាជាករណីបន្ទាន់ ឬ 30 ថ្ងៃ សម្រាប់បញ្ហាមិនមែនជាករណីបន្ទាន់។ សូមមើលផងដែរ៖ https://www.dmhc.ca.gov/FileaComplaint.aspx#.WBJ8JY3FA3E

លោកអ្នកក៏អាចទូរសព្ទទៅមជ្ឈមណ្ឌលជំនួយរបស់ DMHC តាមរយៈលេខ 1(888) 466-2219។ សម្រាប់ព័ត៌មានបន្ថែម សូមអានឯកសារបោះពុម្ពផ្សាយរបស់អង្គការសិទ្ធិជនពិការរដ្ឋកាលីហ្វ័រញ៉ា៖

https://www.disabilityrightsca.org/publications/medi-cal-managed-care-h…

សូមស្នើឱ្យមានការពិនិត្យមើលឡើងវិញផ្នែកវេជ្ជសាស្រ្តលក្ខណៈឯករាជ្យ

លោកអ្នកអាចស្នើសុំឱ្យ DMHC ផ្តល់ការពិនិត្យមើលឡើងវិញ ផ្នែកវេជ្ជសាស្រ្តលក្ខណៈឯករាជ្យបាន។ ការពិនិត្យមើលឡើងវិញផ្នែកវេជ្ជសាស្រ្តលក្ខណៈឯករាជ្យ (IMR) គឺជាវិធីមួយសម្រាប់លោកអ្នកទទួលបានការត្រួតពិនិត្យពីខាងក្រៅដោយឯករាជ្យ ប្រសិនបើផែនការសុខភាពរបស់លោកអ្នក បដិសេធ កែប្រែ ឬពន្យារពេលសេវាកម្មដោយសារភាពចាំបាច់ផ្នែកវេជ្ជសាស្រ្ត។ សម្រាប់ព័ត៌មានបន្ថែម សូមអានឯកសារបោះពុម្ពផ្សាយរបស់អង្គការសិទ្ធិជនពិការរដ្ឋកាលីហ្វ័រញ៉ា៖ https://www.disabilityrightsca.org/publications/medi-cal-managed-care-a…

វាជាការសំខាន់ណាស់ដែលលោកអ្នកត្រូវពិនិត្យឡើងវិញ លើឯកសារផ្សព្វផ្សាយរបស់ DRC ស្តីពី IMRs ទាក់ទងនឹងពេលវេលានៃការដាក់ពាក្យបណ្តឹង IMR និងសំណើសុំឱ្យមានសវនាការយុត្តិធម៌។

ដាក់ពាក្យបណ្តឹងស្នើសុំឱ្យមានសវនាការយុត្តិធម៌របស់ Medi-Cal

ចាប់តាំងពីថ្ងៃទី1 ខែកក្កដា ឆ្នាំ2017 វិធានថ្មីរបស់សហព័ន្ធ តម្រូវឲ្យអ្នកចុះឈ្មោះក្នុង MCO ប្រើប្រាស់នីតិវិធីបណ្តឹងសាទុក្ខនៃផែនការរបស់ពួកគេឲ្យអស់លទ្ធភាពនៅមុនពេល ស្នើសុំសវនាការយុត្តិធម៌មួយ។ នេះមានន័យថា អ្នកត្រូវដាក់បណ្តឹងឧទ្ធរណ៍ជាមួយ MCO របស់អ្នកជាមុន ប្រសិនបើអ្នកមិនពេញចិត្តនឹងសេចក្តីសម្រេចរបស់ MCO របស់អ្នក។ អ្នកត្រូវស្នើសុំសវនាការយុត្តិធម៌របស់ Medi-Cal នៅក្នុងរយៈពេល 120 ថ្ងៃប្រតិទិន បន្ទាប់ពីទទួលបានសេចក្តីជូនដំណឹងពីសេចក្តីសម្រេចនៃបណ្តឹងឧទ្ធរណ៍។ ដើម្បីស្នើសុំសវនាការយុត្តិធម៌របស់ Medi-Cal សូមទូរសព្ទទៅអង្គភាពសវនាការរបស់រដ្ឋ, នាយកដ្ឋានសេវាសង្គម តាមរយៈខ្សែទូរសព្ទឥតគិតថ្លៃលេខ (800) 952-5253 ឬ TDD តាមរយៈលេខ (800) 952-8349។ អ្នកក៏អាចដាក់បណ្តឹងឧទ្ធរណ៍តាមទូរសារបានតាមរយៈលេខ (916) 651-2789។ សម្រាប់ព័ត៌មានបន្ថែម សូមអានឯកសារបោះពុម្ពផ្សាយរបស់អង្គការសិទ្ធិជនពិការរដ្ឋកាលីហ្វ័រញ៉ា៖

https://www.disabilityrightsca.org/publications/medi-cal-managed-care-h…

ផ្លាស់ប្តូរផែនការ

ការផ្លាស់ប្តូរផែនការរបស់លោកអ្នក អាចជាមធ្យោបាយមួយដើម្បីទទួលបានអ្នកជំនាញថែទាំសុខភាពដែលមានលក្ខណៈសម្បត្តិគ្រប់គ្រាន់ក្នុងការបំពេញសេចក្តីត្រូវការផ្នែកវេជ្ជសាស្រ្ត របស់លោកអ្នកបាន។ មុនពេលលោកអ្នកធ្វើបែបនេះ លោកអ្នកនឹងត្រូវប្រាកដក្នុងចិត្តថា MCO ដែលលោកអ្នកចង់ផ្លាស់ប្តូរទៅនោះ មានអ្នកផ្តល់សេវាដែលលោកអ្នកត្រូវការ។

ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។

1. សមាជិករបស់ MCO ជ្រើសរើសគ្រូពេទ្យថែទាំបឋម (PCP) ម្នាក់ ដែលពួកគេត្រូវទៅជួបមុនដំបូងគេ។ PCP អាចព្យាបាល ឬបញ្ជូនសមាជិកទៅកាន់គ្រូពេទ្យឯកទេសណាម្នាក់នៅក្នុងបណ្តាញ ហើយពេលខ្លះនៅក្រៅបណ្តាញ។ (សូមត្រឡប់ទៅកាន់ឯកសារគោលវិញ)
2. សូមមើលក្រមសុខភាពនិងសុវត្ថិភាពរដ្ឋកាលីហ្វ័រញ៉ា ផ្នែក 1371.5. (សូមត្រឡប់ទៅឯកសារគោលវិញ)
3. 42 C.F.R. ផ្នែក 438.56(d)(2)(iv). មូលដ្ឋាននៃបទប្បញ្ញត្តិសម្រាប់ការថែទាំសុខភាពដែលមានការចាត់ចែងដោយកម្មវិធី Medicaid របស់សហព័ន្ធសម្រាប់ការបញ្ចប់ការចុះឈ្មោះ ក៏បានផ្តល់នូវមូលដ្ឋានសម្រាប់ការអះអាងនូវសិទ្ធិក្នុងការថែទាំនៅក្រៅបណ្តាញដើម្បីទទួលបានសេវាពីគ្រូពេទ្យឯកទេសដែលមានបទពិសោធន៍ក្នុងការដោះស្រាយបញ្ហាតម្រូវការនៃការថែទាំសុខភាពរបស់អ្នកចុះឈ្មោះផងដែរ។ (សូមត្រឡប់ទៅកាន់ឯកសារគោលវិញ)
4. ក្រមស្តីពីសុខភាពនិងសុវត្ថិភាពរដ្ឋកាលីហ្វ័រញ៉ា ផ្នែក 1383.15(b) (សូមត្រឡប់ទៅកាន់ឯកសារគោលវិញ)
5. សូមមើល https://www.disabilityrightsca.org/publications/specialty-mental-health…; សម្រាប់ព័ត៌មានស្តីពីសេវាឯកទេសសុខភាពផ្លូវចិត្ត។ សម្រាប់សេវាសុខភាពផ្លូវចិត្តដែលផ្តល់ជូនដោយ MCO របស់អ្នក សូមមើល៖ http://www.dhcs.ca.gov/formsandpubs/Documents/MMCDAPLsandPolicyLetters/… “ (ត្រឡប់ទៅកាន់ឯកសារគោលវិញ)

Click links below for a downloadable version.

ការថែទាំដែលមានការចាត់ចែងរបស់ Medi-Cal៖ សេវាក្រៅបណ្តាញ

ការថែទាំដែលមានការចាត់ចែងរបស់ Medi-Cal៖ សេវាក្រៅបណ្តាញ

1. តើអ្វីទៅជាសេវាក្រៅបណ្តាញ?

2. តើក្នុងស្ថានភាព​បែបណា ទើប MCO នឹង​ទូទាត់​លើ​សេវា​/​អ្នក​ផ្តល់​​សេវាក្រៅបណ្តាញរបស់ខ្ញុំ​?

ការថែទាំ​ករណីសង្គ្រោះបន្ទាន់

គ្មាន​អ្នកផ្តល់សេវាក្នុងបណ្តាញ

4. ខ្ញុំបានឮថា សេវា​មួយចំនួន​ត្រូវបាន “កាត់ចេញ” ពី​ផែនការ ​របស់​ MCO​។​ តើនេះមានន័យ​យ៉ាងម៉េចដែរ​?

ដាក់​បណ្តឹងសា​ទុក្ខ

ដាក់បណ្តឹង​ឧទ្ធរណ៍​​

សូមស្នើសុំជំនួយ​ពី​ក្រសួងសេវាថែទាំ​សុខភាព​​ដែល​មាន​ការ​ចាត់​ចែង

សូមស្នើឱ្យមាន​ការពិនិត្យមើលឡើងវិញ​ផ្នែកវេជ្ជសាស្រ្ត​លក្ខណៈ​ឯករាជ្យ

ដាក់ពាក្យបណ្តឹង​ស្នើសុំឱ្យមាន​សវនាការ​យុត្តិធម៌​របស់ Medi-Cal

ផ្លាស់ប្តូរផែនការ

2. តើក្នុងស្ថានភាពបែបណា ទើប MCO នឹងទូទាត់លើសេវា/អ្នកផ្តល់សេវាក្រៅបណ្តាញរបស់ខ្ញុំ?

ការថែទាំករណីសង្គ្រោះបន្ទាន់

គ្មានអ្នកផ្តល់សេវាក្នុងបណ្តាញ

4. ខ្ញុំបានឮថា សេវាមួយចំនួនត្រូវបាន “កាត់ចេញ” ពីផែនការ របស់ MCO។ តើនេះមានន័យយ៉ាងម៉េចដែរ?

ដាក់បណ្តឹងសាទុក្ខ

ដាក់បណ្តឹងឧទ្ធរណ៍

សូមស្នើសុំជំនួយពីក្រសួងសេវាថែទាំសុខភាពដែលមានការចាត់ចែង

សូមស្នើឱ្យមានការពិនិត្យមើលឡើងវិញផ្នែកវេជ្ជសាស្រ្តលក្ខណៈឯករាជ្យ

ដាក់ពាក្យបណ្តឹងស្នើសុំឱ្យមានសវនាការយុត្តិធម៌របស់ Medi-Cal