សៀវភៅមគ្គទេសក៍នេះមានបំណងជួយអ្នកត្រៀមខ្លួនសម្រាប់ការវាយតម្លៃចុះ​ឈ្មោះដំបូងរបស់បុគ្គលិក IHSS ខោនធី ឬការពិនិត្យឡើងវិញប្រ​ចាំ​ឆ្នាំ។ សៀវភៅមគ្គទេសក៍នេះក៏នឹងជួយអ្នកតំណាងឱ្យខ្លួនអ្នក និងអ្នកដទៃ​នៅ​​ក្នុង​សវនាការយុត្តិធម៌ នៅពេលដែលមានជម្លោះអំពីចំនួន​ម៉ោង​សេវា​ផ្តល់ជំនួយនៅផ្ទះ (IHSS) ដែលអ្នកត្រូវការ។

សៀវភៅមគ្គទេសក៍នេះនឹងជួយអ្នកត្រៀមខ្លួនសម្រាប់ការវាយតម្លៃចុះឈ្មោះ IHSS ដំបូងរបស់អ្នក ឬការពិនិត្យឡើងវិញប្រចាំឆ្នាំរបស់អ្នក។ វាផ្តល់នូវខ្លឹមសារសង្ខេបអំពីកម្មវិធី IHSS និងឆ្លើយសំណួរ IHSS ដែល​គេ​សួរជាទូទៅ។ សៀវភៅមគ្គទេសក៍នេះក៏ផ្តល់ព័ត៌មានអំពីវិធីសាស្រ្តក្នុងការត្រៀមខ្លួនសម្រាប់សវនាការយុត្តិធម៌ផងដែរ ប្រសិនបើមានជម្លោះអំពីសេវាកម្ម និង​ចំ​នួនម៉ោងសេវាផ្តល់ជំនួយនៅផ្ទះ (IHSS) ដែលអ្នកត្រូវការ។

សៀវភៅមគ្គទេសក៍នេះមិនលើកឡើងគ្រប់ចំណុចអំពី IHSS ឬដំណើរការ​សវនាការយុត្តិធម៌នោះទេ។ សូមមើលគេហទំព័រ ធនធានស្វ័យតស៊ូមតិអំពី IHSS​  របស់យើងសម្រាប់ព័ត៌មានបន្ថែម​អំពីចំណុចផ្សេង​ទៀតនៃ​ក​ម្មវិធី IHSS។ អ្នកក៏អាច ទាក់ទងមកយើងខ្ញុំក្នុងករណីមានសំណួរអំពីបញ្ហាផ្សេងទៀតដែលសៀវភៅមគ្គទេសក៍នេះមិនបានលើកឡើង។

សៀវភៅមគ្គទេសក៍នេះនឹងពិភាក្សាអំពីចំណុចដូចខាងក្រោម៖

1. នីតិវិធីវាយតម្លៃ IHSS
2. ការអនុញ្ញាតសេវាកម្ម និងម៉ោង IHSS
3. ការធ្វើស្វ័យវាយតម្លៃ IHSS
4. ការរៀបចំឯកសារអំពីដែនកំណត់មុខងារ
5. មូលហេតុដែលត្រូវការម៉ោង IHSS បន្ថែមទៀត
6. IHSS សម្រាប់ជនពិការសុខភាពផ្លូវចិត្ត
7. IHSS សម្រាប់កុមារ និងបញ្ហាពាក់ព័ន្ធ
8. បញ្ហាអ្នកផ្តល់សេវាជាឪពុកម្តាយ និងសហព័ទ្ធ
9. សេវាជំនួយវេជ្ជសាស្រ្ត
10. ការត្រួតពិនិត្យការពារ
11. សវនាការយុត្តិធម៌ថ្នាក់រដ្ឋ

នីតិវិធីវាយតម្លៃ IHSS

តើនីតិវិធីវាយតម្លៃ IHSS ជាអ្វី?

ការវាយតម្លៃ IHSS គឺជាពេលដែលបុគ្គលិក IHSS ខោនធីមកផ្ទះរបស់អ្នកដើម្បីវាយតម្លៃស្ថានភាពផ្លូវកាយ និងផ្លូវចិត្តរបស់អ្នក ស្ថានភាពរស់នៅរបស់អ្នក និងកំណត់ថាតើសេវាកម្មណាខ្លះដែលអ្នកមានសិទ្ធិទទួលបាន ក៏ដូចជាចំនួនម៉ោងដែលអ្នកនឹងទទួលបានប៉ុន្មានក្នុងមួយខែ។ បុគ្គលិក IHSS នឹងប្រើប្រាស់ព័ត៌មានពីអ្នក ក្រុមគ្រួសាររបស់អ្នក វេជ្ជបណ្ឌិត សាលារៀន មជ្ឈមណ្ឌលប្រចាំតំបន់ និងអ្នកផ្តល់សេវា IHSS របស់អ្នក។1 នីតិវិធីនេះគេសំដៅជាទូទៅថាជាការវាយតម្លៃនៅក្នុងផ្ទះ។

អ្នកនឹងមានការវាយតម្លៃនៅក្នុងផ្ទះ៖

• នៅពេលអ្នកដាក់ពាក្យសុំ IHSS ជាលើកដំបូង
• ម្តងក្នុងមួយឆ្នាំសម្រាប់ការវាយតម្លៃឡើងវិញប្រចាំឆ្នាំ និង
• អ្នកស្នើសុំការវាយតម្លៃនៅពេលណាក៏បាន។2
  • ប្រសិនបើខោនធីបដិសេធសំណើរបស់អ្នកសុំការវាយតម្លៃ IHSS ឬមិនផ្តល់ឱ្យអ្នកនូវការវាយតម្លៃក្នុងរយៈពេល 3 ថ្ងៃគិតចាប់ពីថ្ងៃស្នើសុំរបស់អ្នកទេ អ្នកអាចស្នើសុំសវនាការយុត្តិធម៌ថ្នាក់រដ្ឋបាន។4

បុគ្គលិកនឹងកំណត់ថាតើសេវាកម្ម IHSS អ្វីខ្លះដែលអ្នកអាចទទួលបាន និ​ង​រយៈពេលប៉ុន្មានដែលអ្នកត្រូវការសម្រាប់សេវាកម្មទាំងនោះ។

IHSS នឹងបង់ប្រាក់សម្រាប់សេវាកម្មដែលអ្នកត្រូវការ៖

• ដោយសារតែការចុះខ្សោយនៃមុខងាររបស់អ្នក។
• ដើម្បីបង្កើត និងថែរក្សាការរៀបចំរស់នៅដោយឯករាជ្យ និង/ឬ
• ដើម្បីស្នាក់នៅដោយសុវត្ថិភាពនៅក្នុងផ្ទះរបស់អ្នក ឬកន្លែងដែលអ្នក​ជ្រើសរើសរស់នៅ។5

មិនអនុញ្ញាតគ្រប់ពេលចំពោះកិច្ចការ IHSS ដែលអ្នកមិនត្រូវការជំនួយ ឬចំពោះសេវាកម្មសម្រាប់តែ "ផាសុកភាព" របស់អ្នកឡើយ។ ចំនួនម៉ោង IHSS ជាអតិបរមាដែលអ្នកអាចទទួលបានក្នុងមួយខែគឺ 283 ម៉ោង។

តើមានអ្វីកើតឡើងបន្ទាប់ពីការវាយតម្លៃ IHSS បានបញ្ចប់?

នៅពេលដែលការវាយតម្លៃបានបញ្ចប់ បុគ្គលិក IHSS របស់អ្នក​នឹងផ្ញើ​ជូ​ន​អ្នកនូវលិខិតជូនដំណឹងអំពីសកម្មភាព (NOA) នៃ IHSS។ លិខិត NOA នៃ IHSS នឹងប្រាប់អ្នកអំពី៖

• តើខោនធីនឹងផ្តល់ពេលវេលាប៉ុន្មានដល់អ្នកសម្រាប់កិច្ចការ IHSS នីមួ​យ​ៗ​ដែលពួកគេគិតថាអ្នកត្រូវការជំនួយ។ លិខិត NOA នៃ IHSS របស់អ្នកនឹងផ្តល់ពេលវេលាគិតជាម៉ោង និង​នា​ទី​។
• តើនៅពេលណាដែលសេវាកម្ម IHSS របស់អ្នកចាប់ផ្តើម ឬការផ្លាស់ប្តូរ​នឹ​ង​​ធ្វើឡើង។
• តើវិធាន IHSS អ្វីខ្លះដែលខោនធីបានពឹងផ្អែកលើដើម្បីធ្វើការសម្រេច​ចិត្ត​របស់ខ្លួន។
• ព័ត៌មានអំពីសិទ្ធិរបស់អ្នកក្នុងការស្នើសុំសវនាការដើម្បីតវ៉ានឹងការសម្រេចចិត្តរបស់ខោនធី។

ចុះបើខ្ញុំមិនទទួលបានលិខិតជូនដំណឹងអំពីសកម្មភាព ឬមិនយល់ស្រប​នឹង​​ខ្លឹម​សារ​នៃលិខិត NOA របស់ខ្ញុំវិញ?

អ្នកអាចស្នើសុំសវនាការបានក្នុងករណី៖

• អ្នកមិនយល់ស្របនឹងការផ្លាស់ប្តូរសេវាកម្ម IHSS និង/ឬលិខិត NOA រ​​ប​ស់​អ្នក។
• អ្នកមិនយល់ស្របនឹងការសម្រេចចិត្តដែល IHSS ធ្វើឡើងដោយមិនផ្ញើ​លិ​ខិ​ត NOA ទៅអ្នក។

អ្នកមានពេលត្រឹមតែ 90 ថ្ងៃប៉ុណ្ណោះ គិតចាប់ពីពេលដែលអ្នកទទួល​បា​នលិខិត NOA នៃ IHSS របស់អ្នក ឬពីសកម្មភាព ឬអសកម្ម​ភាព​ដែ​ល​អ្នកមិនយល់ស្របដើម្បីស្នើសុំសវនាការ។

ការអនុញ្ញាតសេវាកម្ម និងម៉ោង IHSS

តើបុគ្គលិក IHSS របស់ខ្ញុំសម្រេចចិត្តយ៉ាងម៉េចអំពីសេវាកម្មអ្វីខ្លះដែល​ខ្ញុំត្រូវការ និងរយៈពេលប៉ុន្មានដែលត្រូវផ្តល់ឱ្យខ្ញុំ?

ចំណាត់ថ្នាក់សន្ទស្សន៍មុខងារ (FI) និងគោលការណ៍​ណែនាំ​អំពី​កិច្ច​​ការ​គិតជា​ម៉ោង (HTGs) និង  លក្ខណៈវិនិច្ឆ័យ​វាយ​តម្លៃ IHSS ដែលមានចំណារពន្យល់ ត្រូវបានប្រើ​ប្រាស់​ដើ​ម្បី​កំណត់​មុខងាររបស់អ្នកនៅពេលអនុវត្តកិច្ចការ IHSS មួយចំនួន និ​ង​ដើម្បី​កំ​ណត់ថាតើអ្នកអាចទទួលបានពេល​ប៉ុន្មាន​សម្រាប់​កិច្ច​ការ​នីមួយ​ៗ​។ គេតម្រូវឲ្យបុគ្គលិក IHSS របស់អ្នកផ្តល់ពេលវេលាដែលអ្នកត្រូវការដើម្បី​ទទួលបានសេវាកម្មនីមួយៗដែលអ្នកត្រូវការជំនួយ។ បញ្ជីពេញលេញនៃគោលការណ៍ណែនាំអំពីកិច្ចការ IHSS គិតជាម៉ោង មាននៅក្នុងលិខិតជូនដំណឹងព័ត៌មានទាំងអស់របស់ខោនធី (ACIN) I-97-20។

នីតិវិធី 2 ជំហានត្រូវបានប្រើប្រាស់ដើម្បីសម្រេចថាតើសេវាកម្ម IHSS អ្វី​ខ្លះ​ដែលត្រូវការ និងរយៈពេលប៉ុន្មានដែលចាំបាច់៖

ជំហានទីមួយ៖ កំណត់មុខងារ

បុគ្គលិក IHSS របស់អ្នកនឹងចាត់ថ្នាក់មុខងាររបស់អ្នកនៅក្នុង​ប្រភេទ​សេ​វាកម្ម IHSS នីមួយៗដូចខាងក្រោម៖

• សេវាកម្មការងារផ្ទះ (ការងារផ្ទះ)
• សេវាបោកគក់
• ការដើរទិញអីវ៉ាន់ និងកិច្ចការផ្សេងៗ
• ការរៀបចំអាហារ/ការសម្អាតអាហារ
• ការគ្រាហ៍ដើរ (ពីមុនហៅថា ការដើរចល័តនៅក្នុងផ្ទះ)
• ការងូតទឹក ការធ្វើអនាម័យមាត់ធ្មេញ និងការសម្អិតសម្អាង/ការ​សម្អាត​ខ្លួននៅលើគ្រែជាប្រចាំ (ការងូតទឹក និងការសម្អិតសម្អាង)
• ឧបករណ៍ជំនួយស្លៀកពាក់/ឧបករណ៍អវយវៈសិប្បនិម្មិត (ស្លៀកពាក់)
• ការថែទាំពោះវៀន និងប្លោកនោម
• ការផ្ទេរ (ការប្តូរទីតាំងថ្មី)
• ការញ៉ាំ
• ការដកដង្ហើម
• ការចងចាំ
• ការតម្រង់ទិស
• ការវិនិច្ឆ័យ

ការចងចាំ ការតម្រង់ទិស និងការវិនិច្ឆ័យត្រូវបានប្រើប្រាស់ដើម្បី​កំណ​ត់​តម្រូវការសម្រាប់ការត្រួតពិនិត្យការពារ។6

ចំណាត់ថ្នាក់សន្ទស្សន៍មុខងារ IHSS មានចាប់ពី 1 ដល់ 6។ ចំណាត់ថ្នាក់សម្រាប់មុខងារនីមួយៗត្រូវតែផ្អែកលើការចុះខ្សោយមុខងារនៃ​ផ្នែក​រាងកាយ, ផ្នែកយល់ដឹង និង ផ្នែក​អារម្មណ៍ ។7 ចំណាត់ថ្នាក់នេះមិនផ្អែកលើដែនកំណត់រាងកាយតែមួយមុខនោះទេ។

ចំណាត់ថ្នាក់សន្ទស្សន៍មុខងាររបស់អ្នកគឺផ្អែកលើចំនួនជំនួយដែលអ្នកត្រូ​វការប៉ុន្មាន ដើម្បីបំពេញកិច្ចការ IHSS ដែលត្រូវតែចាត់ថ្នាក់។ ចំណាត់ថ្នាក់សន្ទស្សន៍មុខងារ IHSS មានដូចខាងក្រោម៖

• ចំណាត់ថ្នាក់លេខ 1៖ ឯករាជ្យម្ចាស់ការ។ អ្នកអាចអនុវត្តកិច្ចការ IHSS ដោយមិនចាំបាច់មានជំនួយ។ អ្នកទទួលជំនួយដែលជាប់ចំណាត់ថ្នាក់លេខ "1" ក្នុងមុខងារណាមួយ​មិន​អា​ច​ទទួលបានពេលវេលាសម្រាប់សេវាកម្មនោះទេ។
• ចំណាត់ថ្នាក់លេខ 2៖ អ្នកអាចអនុវត្តកិច្ចការ IHSS ដោយមានជំនួយផ្ទាល់មាត់ ដូចជាការ​រំលឹ​ក ការណែនាំ ឬការលើកទឹកចិត្តពីអ្នកផ្តល់សេវា IHSS។
• ចំណាត់ថ្នាក់លេខ 3៖ អ្នកអាចអនុវត្តកិច្ចការ IHSS ដោយមានជំនួយមួយចំនួន រួមបញ្ចូល​ទាំ​ង​ប៉ុន្តែមិនកំណត់ត្រឹមចំពោះជំនួយរាងកាយផ្ទាល់ពីអ្នកផ្តល់សេវា IHSS។
• ចំណាត់ថ្នាក់លេខ 4៖ អ្នកអាចអនុវត្តកិច្ចការ IHSS បាន ប៉ុន្តែលុះត្រាតែមានជំនួយយ៉ាង​ច្រើ​នពីអ្នកផ្តល់សេវា IHSS។
• ចំណាត់ថ្នាក់លេខ 5៖ អ្នកមិនអាចអនុវត្តកិច្ចការ IHSS ដោយមាន ឬគ្មានជំនួយពី​អ្នក​ផ្ត​ល់​សេ​វា IHSS បានទេ។
• ចំណាត់ថ្នាក់លេខ 6៖ អ្នកត្រូវការសេវាជំនួយវេជ្ជសាស្រ្ត។

ប្រសិនបើមុខងាររបស់អ្នកផ្លាស់ប្តូរពេញមួយខែ ចំណាត់ថ្នាក់របស់​អ្នកស​ម្រាប់កិច្ចការនីមួយៗគួរតែឆ្លុះបញ្ចាំងពីកម្រិតមុខងាររបស់អ្នកភាគច្រើននៃពេលវេលាក្នុងមួយសប្តាហ៍ ឬមួយខែ។ ឧទាហរណ៍ ប្រសិនបើអ្នកមានជំងឺរលាកសន្លាក់ដែលបណ្តាល​ឱ្យអ្នក​តឹ​ង​សន្លាក់ ការថយចុះនៃកម្រិតចលនា និងការឈឺចាប់ជាមួយ​នឹងរោគស​ញ្ញាស្រាលៗនៅថ្ងៃខ្លះ និងរោគសញ្ញាធ្ងន់ធ្ងរភាគច្រើននៃថ្ងៃផ្សេងទៀត ចំ​ណាត់ថ្នាក់សន្ទស្សន៍មុខងាររបស់អ្នកគួរតែផ្អែកលើកម្រិតនៃមុខងាររបស់អ្នកក្នុងអំឡុងពេលថ្ងៃភាគច្រើន នៅពេលដែលអ្នកមានរោគសញ្ញា​រលា​ក​សន្លាក់ធ្ងន់ធ្ងរជាង។8

បុគ្គលិក IHSS របស់អ្នកអាចប្រាប់អ្នកថាអ្នកនៅចំណាត់ថ្នាក់​សន្ទស្សន៍​មុខងារទីប៉ុន្មានបាន។ ប្រសិនបើអ្នកកំពុងត្រៀមខ្លួនសម្រាប់សវនាការ ចំណាត់ថ្នាក់សន្ទស្សន៍​មុ​ខងាររបស់អ្នកគួរតែមាននៅក្នុងលិខិតបញ្ជាក់គោលជំហររបស់ខោនធី។

ជំហានទី 2៖ ប្រើប្រាស់ គោលការណ៍ណែនាំអំពីកិច្ចការគិតជាម៉ោង ដើម្បីកំណត់ពេលវេលាដែលត្រូវបានអនុញ្ញាតដោយផ្អែកលើមុខងារ

គោលការណ៍ណែនាំអំពីកិច្ចការ IHSS គិតជាម៉ោងត្រូវបានប្រើប្រាស់ ដើ​ម្បី​កំ​ណត់ចំនួនម៉ោងដែលអ្នកអាចទទួលបានសម្រាប់សេវាកម្ម IHSS នី​មួយ​ៗ​ដែលអ្នកត្រូវការជំនួយជារៀងរាល់សប្តាហ៍ លើកលែងតែ​សេវាកម្ម​ការ​ងារ​ផ្ទះ។ សេវាកម្មការងារផ្ទះកំណត់ត្រឹម 6 ម៉ោងក្នុងមួយខែ។

គោលការណ៍ណែនាំអំពីកិច្ចការគិតជាម៉ោងគឺណែនាំអំពីចន្លោះពេលវេលា (តិច និងច្រើន) សម្រាប់កិច្ចការ IHSS នីមួយៗដែលត្រូវការដោយផ្អែក​លើដែនកំណត់មុខងារ។ ឧទាហរណ៍ ប្រសិនបើអ្នកជាប់ចំណាត់ថ្នាក់លេខ “2” ក្នុងកិច្ចការស្លៀក​ពា​ក់ គោលការណ៍ណែនាំអំពីកិច្ចការគិតជាម៉ោងចែងថា អ្នកអាច​ទទួល​បា​នជំនួយពី 34 នាទីទៅ 1 ម៉ោង និង 12 នាទីក្នុងមួយសប្តាហ៍។

អ្នកត្រូវបានអនុញ្ញាតឱ្យទទួលបានចំនួនម៉ោងដែលត្រូវការដើម្បីទទួលបា​នជំនួយជាមួយនឹងកិច្ចការ IHSS នីមួយៗដែលអ្នកមិនអាចធ្វើ​ដោយ​ខ្លួន​ឯងបានដោយគ្មានជំនួយ។ គោលការណ៍ណែនាំអំពីកិច្ចការគិតជាម៉ោងអាចប្រើប្រាស់បានលុះត្រាតែអ្នកអាចទទួលបានសេវាកម្ម IHSS ដែលអ្នកត្រូវការក្នុងពីចន្លោះ​ពេល​វេលាដែលណែនាំ។9

អ្នកអាចទទួលបានម៉ោងច្រើន ឬតិចជាងអ្វីដែលគោលការណ៍ណែនាំអំពី​កិច្ចការគិតជាម៉ោងចែងថាអ្នកអាចទទួលបាន ប្រសិនបើបុគ្គលិក IHSS រៀបចំឯកសារអំពីមូលហេតុដែលអ្នកត្រូវការម៉ោងច្រើន ឬតិចជា​ង​ដើម្បីបំពេញកិច្ចការនៅក្នុងឯកសារសំណុំរឿង IHSS របស់អ្នក។

ឧទាហរណ៍នៃករណីលើកលែងចំពោះគោលការណ៍ណែនាំអំពីកិច្ចការ IHSS គិតជាម៉ោងអាចរកបាននៅ​ក្នុង សៀវភៅ​ណែនាំស្តីពី​គោលនយោបាយ និងនីតិវិធីរបស់ក្រសួងសេវាសង្គមកិច្ចរដ្ឋ​កាលីហ្វ័រ​ញ៉ា​ចាប់ពីផ្នែក §§ 30-700 ដល់ 30-764។

គោលការណ៍ណែនាំអំពីកិច្ចការ IHSS គិតជាម៉ោងអនុវត្តចំពោះការត្រួត​ពិនិត្យការពារ ឬសេវាជំនួយវេជ្ជសាស្រ្ត។

ការធ្វើស្វ័យវាយតម្លៃ IHSS

តើខ្ញុំអាចធ្វើការវាយតម្លៃដោយខ្លួនឯងដោយរបៀបណា?

ស្វ័យវាយតម្លៃ IHSS អាចជួយអ្នកតាមដានសេវាកម្ម IHSS ណាខ្លះដែល​អ្ន​​ក​ត្រូវការ និងពេលវេលាដែលត្រូវការដើម្បីទទួលបានសេវាកម្ម IHSS ដូ​ច្នេះវាអាចត្រូវបានកត់ត្រាទុកនៅក្នុងឯកសារ IHSS របស់អ្នក។ ដើម្បីធ្វើស្វ័យវាយតម្លៃ អ្នកអាចបង្កើតកំណត់ហេតុប្រចាំថ្ងៃនៃកិច្ច​ការ IHSS នីមួយៗដែលអ្នកមិនអាចធ្វើដោយខ្លួនឯងបាន​យ៉ាងហោច​ណា​ស់មួយសប្តាហ៍។

កំណត់ហេតុរបស់អ្នកគួរតែរួមមាន៖

• រយៈពេលដែលត្រូវការដើម្បីទទួលបានជំនួយជាមួយនឹងសេវាកម្ម IHSS នីមួយៗដែលអ្នកត្រូវការ។
• ជំហានដែលពាក់ព័ន្ធនឹងការបំពេញសេវាកម្មនីមួយៗ។
• កត់សម្គាល់ពីរបៀបដែលដែនកំណត់មុខងាររបស់អ្នករារាំង ឬដាក់​កំហិ​ត​លើសមត្ថភាពរបស់អ្នកក្នុងការទទួលបានសេវាកម្ម IHSS ដូចជាការ​រមួ​ល​សាច់ដុំ គាំងសន្លាក់ រេផ្លិចហួសហេតុ និងអាកប្បកិរិយាគឃ្លើន ដោយ​សារ​តែបញ្ហាជាមួយនឹងការចងចាំ ការតម្រង់ទិស ឬការវិនិច្ឆ័យ។

ការធ្វើស្វ័យវាយតម្លៃអាចជួយការពារអ្នកពីការមើលស្រាលចំនួនម៉ោងដែលត្រូវការជារៀងរាល់ថ្ងៃដើម្បីទទួលបានសេវាកម្ម IHSS។

សៀវភៅមគ្គទេសក៍ស្តីពីសិទ្ធិជនពិការរដ្ឋកាលីហ្វ័រញ៉ា ស្វ័យវាយតម្លៃ IHSS និងសវនាការយុត្តិធម៌ក៏មានសន្លឹកកិច្ចការ​ស្វ័យ​វាយ​ត​ម្លៃ IHSS ដែលអាចប្រើប្រាស់ដើម្បីកត់ត្រា​ពេលវេលាដែល​អ្នក​ត្រូវការដើម្បីទទួលបានជំនួយសម្រាប់សេវាកម្ម IHSS នីមួយៗដែលអ្នក​មិ​នអាចធ្វើដោយខ្លួនឯងបានជារៀងរាល់ថ្ងៃនៃសប្តាហ៍។ ប្រសិនបើអាចធ្វើទៅបាន សូមរួមបញ្ចូលពេលវេលាចាប់ផ្តើម និងពេលវេ​លា​បញ្ឈប់សម្រាប់សេវាកម្មនីមួយៗ។ តាមវិធីនេះអ្នកមិនទាយ ឬប៉ាន់ស្មានពេលវេលាដែលអ្នកត្រូវការទេ។ នៅចុងបញ្ចប់នៃសប្ដាហ៍ សូមបូកចំនួនសរុបប្រចាំថ្ងៃរបស់អ្នកដើម្បី​មើ​លថាតើអ្នកត្រូវទទួលបានពេលប៉ុន្មានសម្រាប់សេវាកម្ម IHSS នីមួយៗ​ក្នុង​មួយសប្តាហ៍។

នៅពេលដែលអ្នកដឹងថាសេវាកម្ម IHSS មួយណាដែលអ្នកត្រូវការ និងរ​យៈ​ពេលប៉ុន្មានដែលអ្នកត្រូវការប្រចាំសប្តាហ៍ដើម្បីទទួលបានសេវាកម្ម IHSS អ្នកអាចប្រៀបធៀបពេលវេលាដែលអ្នកត្រូវការជាមួយ​នឹងអ្វី​ដែល​គោលការណ៍ណែនាំអំពីកិច្ចការ IHSS គិតជាម៉ោងណែនាំ។ ប្រសិនបើអ្នកត្រូវការពេលវេលាច្រើនជាងអ្វីដែលគោលការណ៍ណែនាំអំពីកិច្ចការគិតជាម៉ោងណែនាំ អ្នកត្រូវតែពន្យល់ពីមូលហេតុដែល​ត្រូវការពេ​ល​វេលាបន្ថែមទៀត ដើម្បីឱ្យបុគ្គលិក IHSS អាចកត់ត្រាវានៅក្នុងឯក​សារ IHSS របស់អ្នក។

ប្រសិនបើអ្នកត្រូវការពេលវេលាច្រើនជាងអ្វីដែលគោលការណ៍ណែនាំអំពីកិច្ចការគិតជាម៉ោងអនុញ្ញាត សូមសរសេរនៅក្នុងកំណត់ហេតុប្រចាំ​ថ្ងៃរប​ស់​អ្នក ឬនៅលើក្រដាសដាច់ដោយឡែកមួយនូវមូលហេតុ (ឧ​ទា​ហរណ៍ អាកប្បកិរិយាគឃ្លើន ជាប់សាច់ដុំ ឬរមួលសាច់ដុំ ការនោមទាស់ ការត្រួតពិនិត្យដែលត្រូវការដើម្បីធានាថាថ្នាំត្រូវបានលេប ពេលវេលាដែល​ត្រូវការត្រូវបានតាមដាន និងកត់ត្រា ហើយពេលវេលាដែលបានណែនាំ​នៅ​ក្នុងគោលការណ៍ណែនាំមិនអនុញ្ញាតឱ្យមានពេលវេលាគ្រប់​គ្រាន់ដើ​ម្បី​ទទួលបានសេវាកម្ម IHSS) ដែលត្រូវការពេលវេលាបន្ថែមដើម្បី​ទទួល​បានជំនួយជាមួយកិច្ចការនីមួយៗ។ នេះនឹងជួយអ្នកតស៊ូមតិ និងពន្យល់ពីមូលហេតុដែលអ្នកត្រូវការពេល​វេ​លា​ច្រើនជាងអ្វីដែលគោលការណ៍ណែនាំអំពីកិច្ចការគិតជា​ម៉ោងអនុ​ញ្ញា​ត។

នៅផ្នែកខាងក្រោមទៀតនៃឯកសារនេះគឺជាបញ្ជីហេតុផលដែលហេតុអ្វីបា​នជាត្រូវការពេលវេលាច្រើនទៀតសម្រាប់សេវាកម្ម IHSS។

តើត្រូវត្រៀមខ្លួនយ៉ាងដូចម្តេចសម្រាប់ការវាយតម្លៃ IHSS នៅក្នុងផ្ទះ ឬ​សវនាការយុត្តិធម៌?

ដើម្បីត្រៀមខ្លួនសម្រាប់ការវាយតម្លៃនៅក្នុងផ្ទះ ឬសវនាការយុត្តិធម៌ អ្នក​អាចធ្វើស្វ័យវាយតម្លៃ IHSS ដូចដែលយើងបានពិភាក្សាខាងលើ។ នៅពេលប្រើជាមួយគ្នា កំណត់ហេតុប្រចាំថ្ងៃ និងសន្លឹកកិច្ច​ការ​ស្វ័យ​វាយតម្លៃ IHSS អាចជួយអ្នកពន្យល់បានកាន់តែ​ច្បា​ស់ថាហេតុអ្វីបានជាអ្នកត្រូវការពេលវេលាច្រើនជាងអ្វីដែលគោលការណ៍ណែនាំអំពីកិច្ចការគិតជាម៉ោងបានណែនាំ។ ខាងក្រោមនេះជាឧទាហរណ៍មួយចំនួននៃព័ត៌មានដែលស្វ័យវាយតម្លៃ រប​ស់អ្នកនឹងជួយអ្នកកំណត់៖

• ការផ្លាស់ប្តូរមុខងារ – ពេលវេលាដែលត្រូវការដើម្បីបំពេញកិច្ចការអា​ចផ្លាស់ប្តូរជារៀងរាល់ថ្ងៃ។ វាអាចចំណាយពេលពីរដងក្នុងមួយថ្ងៃដើម្បីជួយស្លៀកពាក់ឲ្យមនុស្សដែលមានជំងឺពិការខួរក្បាលដែលប៉ះពាល់ដល់អវយវៈទាំងបួន ដែលត្រូវការ​ពេ​ល​ច្រើនជាងមួយថ្ងៃមុន ដោយសារតែភាពខុសគ្នានៃភាពបត់​បែននៃអ​វយ​វៈ។ IHSS ផ្អែកលើពេលវេលាដែលអ្នកអាចទទួលបានដោយផ្អែកលើពេល​វេ​លា​ជាមធ្យមដែលត្រូវការដើម្បីទទួលបានជំនួយជាមួយនឹងការបំពេញកិច្ចការនីមួយៗ។ វាជាការសំខាន់ណាស់ដែលត្រូវដឹងថាត្រូវចំណាយពេលប៉ុន្មាន ដើម្បីបំ​ពេញ​កិច្ចការមួយរាល់ពេលក្នុងមួយសប្តាហ៍ ដើម្បីឱ្យអាចគណនាពេលវេលាជាម​ធ្យ​ម​ដែលត្រូវការជារៀងរាល់សប្តាហ៍។
• ជំហាន និងកិច្ចការទាំងអស់ដែលត្រូវការដើម្បីទទួលបានសេវាកម្ម IHSS​ – ពេលខ្លះបុគ្គលិក IHSS អាចនឹងមិនតែងតែកំណត់ករណី​លើ​ក​លែងចំពោះគោលការណ៍ណែនាំអំពីកិច្ចការគិតជាម៉ោងទេ។ អ្នកអាចទទួលបានពេលវេលាច្រើនជាងអ្វីដែលគោលការណ៍ណែនាំអំពីកិច្ចការគិតជាម៉ោងបានណែនាំ ដរាបណាបុគ្គលិក IHSS របស់អ្នកកត់​ត្រា​ពីមូលហេតុដែល អ្នកត្រូវការពេលវេលាបន្ថែមនៅក្នុងឯកសារ IHSS រប​ស់អ្នក។
  ឧទាហរណ៍នៃករណីលើកលែងអាចរកបាននៅក្នុង សៀវភៅ​ណែនាំស្តីពី​គោលនយោបាយ និងនីតិវិធីរបស់ក្រសួងសេវាសង្គមកិច្ចរដ្ឋ​កាលីហ្វ័រ​ញ៉ា​ចាប់ពីផ្នែក §§ 30-700 ដល់ 30-764
  ឧទាហរណ៍ ពេលវេលាសម្អាតក្រោមការថែទាំពោះវៀន និងប្លោកនោម​មិន​ត្រឹមតែជាពេលវេលាសម្រាប់សម្អាតប៉ុណ្ណោះទេ ប៉ុន្តែវាក៏រួមបញ្ចូល​ទាំងពេ​ល​វេលាដែលត្រូវការដើម្បីយកសម្ភារៈសម្អាត ហើយដាក់វានៅកន្លែង​ដើម​វិញម្តងទៀតផងដែរ។ ចុចទឹកបង្គន់ ហើយបោះចោលសំរាម។ ប្រសិនបើមានការពាក់ព័ន្ធនឹងសារធាតុរាវក្នុងរាងកាយ ឬការបត់ជើង​ធំ អ្នកប្រហែលជាត្រូវគិតបញ្ចូលពេលវេលាបន្ថែមដើម្បីប្រើ​ប្រាស់វិធាន​ការ​ការពារជាសកល។ វិធានការការពារជាសកលរួមមានការលាងដៃ និងការប្រើស្រោមដៃ ឬពា​ក់ម៉ាស់នៅពេលណាដែលអ្នកប៉ះសារធាតុរាវក្នុងរាងកាយ និងកាកសំណ​ល់​ពី​រាងកាយ កាន់សម្លៀកបំពាក់ប្រឡាក់សម្រាប់យកទៅបោកគក់ សម្លៀ​ក​បំពាក់ ឬរបស់របរផ្សេងទៀតដែលប្រឡាក់សារធាតុរាវក្នុងរាងកាយ។
• វិធីសាស្រ្តដែលដែនកំណត់មុខងារបង្កើតតម្រូវការសម្រាប់ពេលវេលាបន្ថែមដើម្បីទទួលបានជំនួយជាមួយកិច្ចការ IHSS – ឧទាហរណ៍ មនុស្ស​ចា​ស់អាចជួបបញ្ហាវង្វេង និងបញ្ហាជាមួយនឹងការតម្រង់ទិស ការជាប់​សា​ច់ដុំដែលបណ្តាលឱ្យឈឺចាប់ និងអាចមានអាកប្បកិរិយាគឃ្លើន​ដែលប​ង្កើ​តតម្រូវការសម្រាប់ពេលវេលាបន្ថែមដើម្បីជួយពួកគេស្លៀកពាក់។ សម្រាប់អ្នកដែលត្រូវការជំនួយក្នុងការថែទាំពោះវៀន និងប្លោកនោមអា​ច​ត្រូវការពេលវេលាបន្ថែមទៀត ដោយសារតែការបត់ជើងធំ ឬបត់ជើង​តូចជាញឹកញាប់ ការនោមទាស់ ជំងឺធាត់ខ្លាំង។ល។

ចំពោះព័ត៌មានលម្អិតបន្ថែមអំពីសិទ្ធិទទួលបានសវនាការរបស់អ្នក និង​វិធីសាស្រ្តក្នុងការត្រៀមខ្លួនសម្រាប់សវនាការយុត្តិធម៌ IHSS សូមមើល​ឯ​កសារបោះពុម្ពផ្សាយរបស់ DRC៖ សៀវភៅមគ្គទេសក៍ស្តីពីសវនាការយុត្តិធម៌ IHSS៖ វិធីសាស្រ្តក្នុងការតៀមខ្លួនសម្រាប់ការបញ្ចប់ ឬកាត់បន្ថយ IHSS គិតជាម៉ោង។

អ្វីដែលត្រូវរំពឹងទុកក្នុងអំឡុងពេលវាយតម្លៃ IHSS នៅក្នុងផ្ទះ

គោលបំណងនៃការចុះពិនិត្យនៅក្នុងផ្ទះដោយ IHSS គឺដើម្បីស្វែងយល់៖

• កិច្ចការ IHSS អ្វីខ្លះដែលអ្នកមិនអាចធ្វើបានដោយគ្មានជំនួយ
• តើអ្នកត្រូវការពេលវេលាប៉ុន្មានដើម្បីទទួលបានជំនួយជាមួយកិច្ចការ IHSS នីមួយៗដែលអ្នកមិនអាចធ្វើបានដោយគ្មានជំនួយ។

ការងាររបស់អ្នកគឺជួយបុគ្គលិក IHSS របស់អ្នក៖

• ស្វែងយល់អំពីតម្រូវការថែទាំទាំងអស់នៅក្នុងផ្ទះរបស់អ្នក និង
• ស្វែងយល់អំពីរយៈពេលដែលអ្នកត្រូវការដើម្បីទទួលបានសេវាកម្ម IHSS។

ក្នុងអំឡុងពេលវាយតម្លៃរបស់អ្នក ត្រូវមានភាពស្មោះត្រង់ និងបើកចំហ។ កុំមើលស្រាលបញ្ហាពិការភាព និងតម្រូវការថែទាំរបស់អ្នកពីព្រោះអ្នក​ប្រ​ហែលជាមិនទទួលបានម៉ោងដែលអ្នកត្រូវការ។

ទោះបីជាអ្នកមានអារម្មណ៍ខ្មាសអៀនក៏ដោយ ចូរពន្យល់អ្វីៗឲ្យអស់​សេច​ក្តី ដើម្បីឱ្យបុគ្គលិក IHSS ខោនធីយល់ពីស្ថានភាពរបស់អ្នក។

មុនពេលចុះទៅជួបនៅផ្ទះរបស់អ្នក អ្នកគួរតែពិនិត្យមើលលិខិត NOA នៃ IHSS របស់អ្នក ដើម្បីកំណត់ថាតើសេវាកម្ម IHSS ណាខ្លះដែលអ្នក​មិនកំ​ពុងទទួលបានពេលវេលាគ្រប់គ្រាន់ ឬនៅតែត្រូវការជំនួយ ដើម្បី​ឱ្យ​អ្នក​អាចស្នើសុំជំនួយទាំងនោះបាន។

ក្នុងអំឡុងពេលចុះទៅជួបនៅក្នុងផ្ទះរបស់អ្នក អ្នកគួរតែមានកំណត់​ហេ​តុ​ប្រចាំថ្ងៃ និង/ឬសន្លឹកកិច្ចការស្វ័យវាយតម្លៃ IHSS របស់អ្នកដើម្បី​ជួយ​អ្នកពន្យល់ពីសេវាកម្មអ្វីខ្លះដែលអ្នកត្រូវការ និងរយៈពេលប៉ុន្មាន​ដែលត្រូវ​ចំណាយដើម្បីទទួលបានសេវាកម្ម IHSS។

អ្នកអាចប្រើសន្លឹកកិច្ចការស្វ័យវាយតម្លៃ IHSS និង/ឬកំណត់ហេតុប្រចាំ​ថ្ងៃ​របស់អ្នកដើម្បីជួយអ្នកពន្យល់អំពី៖

• កិច្ចការ IHSS អ្វីខ្លះដែលអ្នកត្រូវការ ឬអ្វីដែលអ្នកផ្តល់សេវារបស់អ្នក​ធ្វើ​ស​ម្រាប់អ្នក។
• វិធីសាស្រ្តដែលអ្នកបានកំណត់ពេលវេលាដែលត្រូវការដើម្បីបំពេញកិច្ចការនីមួយៗ។ ហេតុអ្វីបានជាត្រូវការពេលវេលាIHSS បន្ថែមទៀតសម្រាប់កិច្ចការជាក់​លាក់។
• មានសារៈសំខាន់ជាពិសេសប្រសិនបើមានភាពខុសគ្នារវាងអ្វីដែលខោនធីបានអនុញ្ញាតពីមុន និងអ្វីដែលអ្នកជឿថាអ្នកត្រូវការឥឡូវនេះ។
• ហេតុអ្វីបានជាត្រូវការពេលវេលា IHSS បន្ថែមទៀតសម្រាប់កិច្ចការជាក់​លាក់។

សូមចងចាំថា ខោនធីនឹងអនុញ្ញាតតែអ្វីដែលអ្នកត្រូវការប៉ុណ្ណោះ ហើយ​នឹងមិនអនុញ្ញាតឱ្យមានពេលវេលាបន្ថែមសម្រាប់សេវាកម្ម "ផាសុក​ភាព​" ឡើយ។ ឧទាហរណ៍នៃសេវាកម្មផាសុកភាពគឺការជូតធូលីបន្ថែមដើម្បីធ្វើឱ្យរបស់របរមើលទៅស្អាត។

ការរៀបចំឯកសារអំពីដែនកំណត់មុខងារ

តើខ្ញុំអាចរៀបចំឯកសារអំពីដែនកំណត់មុខងាររបស់ខ្ញុំដោយរបៀបណា?

ប្រសិនបើអ្នកមិនយល់ស្របជាមួយខោនធីអំពីសមត្ថភាពរបស់អ្នកក្នុងការបំពេញកិច្ចការ IHSS ដោយខ្លួនឯងទេ សូមទទួលបានលិខិតពីវេជ្ជ​ប​ណ្ឌិតរបស់អ្នកដែលពន្យល់ពីដែនកំណត់មុខងាររបស់អ្នក និងកត្តា ឬ​ហេ​តុ​​ផលណាមួយដែលត្រូវការពេលវេលាបន្ថែមទៀត។ ឯកសារបោះពុម្ពផ្សាយស្តីពីសិទ្ធិជនពិការរដ្ឋកាលីហ្វ័រញ៉ា សៀវភៅមគ្គទេសក៍ស្តីពីសវនាការយុត្តិធម៌ IHSS៖វិធីសាស្រ្តក្នុងការត្រៀមខ្លួនសម្រាប់ការបញ្ចប់ ឬការកាត់​បន្ថយ​ម៉ោ​ង IHSS​ មានទម្រង់​បែបបទ ដែល​អ្ន​ក​អាចប្រើដើម្បីទទួលបានព័ត៌មានពីវេជ្ជបណ្ឌិត​របស់អ្នកអំពីដែន​កំណ​ត់​​មុ​ខងាររបស់អ្នក និងរាយបញ្ជីកត្តានានាដែលបណ្តាល​ឱ្យអ្នកត្រូវ​ការ​ពេ​ល​​វេ​លាបន្ថែមដើម្បីទទួលបានសេវាកម្ម IHSS។

បុគ្គលិក IHSS របស់អ្នកត្រូវតែពិចារណាព័ត៌មានដែលវេជ្ជបណ្ឌិតរបស់​អ្ន​ក​​ផ្តល់នៅពេលសម្រេចចិត្តថាតើអ្នកត្រូវការ​ពេលវេលាប៉ុន្មានដើម្បី​ទទួល​សេវាកម្ម IHSS។ ឧទាហរណ៍៖

• អ្នកប្រហែលជាត្រូវការបរិស្ថានដែលគ្មានធូលី ដែលត្រូវបានសម្អាតញឹក​ញា​ប់ជាងមុន ឬយ៉ាងហ្មត់ចត់ជាងមុនដោយសារតែអាលែកហ្ស៊ី ឬបញ្ហា​សួ​ត/ផ្លូវដង្ហើម។ នេះអាចបណ្តាលឱ្យមានតម្រូវការពេលវេលាបន្ថែមទៀតជាមួយសេវាកម្មការងារផ្ទះ។
• អ្នកមានបញ្ហានោមទាស់ ហើយមិនអាចប្រើមុខងារពោះវៀន និងប្លោក​នោមដោយគ្មានជំនួយពីមនុស្សដូចជាការប្រើប្រាស់បង្គន់ឈរ សំឡីអនា​ម័យ ឬខោទឹកនោម និងការគ្រប់គ្រងសម្លៀកបំពាក់។ អ្នកក៏ប្រើថ្នាំដែលបង្កើនពេលវេលាដែលអ្នកត្រូវការប្រើបន្ទប់ទឹកផងដែរ។ ឧទាហរណ៍ទាំងនេះគាំទ្រដល់តម្រូវការពេលវេលាបន្ថែមទៀតជាមួយនឹងការថែទាំពោះវៀន និងប្លោកនោម។
• អ្នកប្រហែលជាត្រូវការជំនួយពីមនុស្សយ៉ាងច្រើនជាមួយនឹងការបោកគក់ និងការស្លៀកពាក់។ អ្នកអាចនឹងប្រើថ្នាំដែលបង្កើនការបន្ទោរបង់ គ្រោះថ្នាក់ ក្លិន និង/ឬ​បែ​កញើស ដែលធ្វើឲ្យអ្នកត្រូវប្តូរកម្រាលពូកកខ្វក់ជារៀងរាល់ថ្ងៃ និងសម្លៀ​កបំពាក់របស់អ្នកច្រើនដងពេញមួយថ្ងៃ។ ស្ថានភាពទាំងនេះគាំទ្រដល់តម្រូវការរបស់អ្នកសម្រាប់ពេលវេលាបន្ថែមទៀតជាមួយនឹងការបោកគក់ និងការស្លៀកពាក់។

មូលហេតុដែលត្រូវការពេលវេលាបន្ថែមសម្រាប់សេវាកម្ម IHSS

ខាងក្រោមនេះគឺជាបញ្ជីមូលហេតុបានជាត្រូវការពេលវេលាបន្ថែមទៀតដើម្បីបំពេញកិច្ចការ IHSS។

សេវាកម្មការងារផ្ទះ

សេវាកម្មការងារផ្ទះកំណត់ត្រឹម 6 ម៉ោងក្នុងមួយខែក្នុងមួយគ្រួសារ លុះត្រាតែត្រូវការការលើកលែង។10 សេវាកម្មការងារផ្ទះក៏អាចលៃតាមចំនួនការងារផ្ទះផងដែរ។ ឧទាហរណ៍ ប្រសិនបើមនុស្ស 4 នាក់រស់នៅក្នុងផ្ទះនោះ អ្នកទទួលសេវា​ក​ម្ម​ការងារផ្ទះអាចទទួលបានត្រឹមតែ 1.5 (6 ម៉ោង / 4 នាក់ = 1.5) ម៉ោង​ក្នុងមួយខែប៉ុណ្ណោះ។ ប្រសិនបើមិត្តរួមបន្ទប់របស់អ្នកទទួលសេវាកម្មការងាររស់នៅទីនោះត្រឹមតែជាអ្នកបម្រើដែលរស់នៅជាមួយក្នុងផ្ទះ សេវាកម្មការងារផ្ទះមិនលៃ​តា​ម​ចំនួនការងារផ្ទះទេ។

ខោនធីគួរតែលៃម៉ោងសម្រាប់តែតំបន់រួមនៅក្នុងផ្ទះប៉ុណ្ណោះ - បន្ទប់ ឬ​ប​ន្ទប់ទឹកផ្ទាល់ខ្លួនរបស់អ្នកគួរតែត្រូវបានអនុញ្ញាតដោយឡែកពីគ្នា។

ខាងក្រោមនេះជាឧទាហរណ៍មួយចំនួនអំពីមូលហេតុដែលអាចត្រូវការការលើកលែងចំពោះការកំណត់ 6 ម៉ោងក្នុងមួយខែក្នុងសេវាកម្មការងារផ្ទះ៖

• ជំងឺហឺត ឬអាលែកហ្ស៊ីធ្ងន់ធ្ងរ ឬបញ្ហាសួតបណ្តាលឱ្យមានដែន​កំណត់មុខ​ងារនៃការដកដង្ហើម (ពោលគឺ ដែនកំណត់នៃការដកដង្ហើម) ដែលតម្រូវ​ឱ្យអ្នកទទួលស្ថិតនៅក្នុងបរិស្ថានដែលគ្មានធូលី និងត្រូវការពេលវេលាប​ន្ថែ​ម​សម្រាប់ជូតធូលី និងបូមធូលីឱ្យបានញឹកញាប់។
• សំរាមត្រូវយកចេញជារៀងរាល់ថ្ងៃ ឬញឹកញាប់ជាងពីរដងក្នុងមួយខែ ដោ​យ​សារតែបញ្ហាសត្វកន្លាត ស្រមោច ឬសត្វល្អិតចង្រៃដទៃទៀត។
• ប្រសិនបើអ្នកកំពប់របស់របរ តម្រូវឲ្យមានការសម្អាតជាញឹកញាប់ ជាពិ​សេ​សប្រសិនបើមានបញ្ហាសត្វកន្លាត ឬសត្វល្អិតចង្រៃ។
• ការនោមទាស់បណ្តាលឲ្យធ្វើឲ្យប្រឡាក់កម្រាលឥដ្ឋ គ្រឿងសង្ហារិម។ល។ ជា​ញឹកញាប់។
• ធុងសំរាមត្រូវបានដាក់នៅតាមមាត់ទ្វារចាក់សោពីរជាន់នៅខាងក្រោយផ្ទះ ហើយវាត្រូវចំណាយពេល 10 នាទីដើម្បីទៅដល់ទីនោះ និងត្រឡប់​ម​ក​វិញ។
• ប្រសិនបើអ្នកញ៉ាំអាហារនៅលើគ្រែ គ្រែត្រូវតែបូមធូលី ហើយរៀបចំគ្រែ​ឡើង​វិញ 3 ដងក្នុងមួយថ្ងៃ ដើម្បីយកកម្ទេចកម្ទីចេញ។ កម្រាលពូកគ្រែត្រូវតែផ្លាស់ប្តូរញឹកញាប់ជាងមុនដោយសារតែកំពប់។
• ប្រសិនបើអ្នកមានបញ្ហានោមទាស់/គ្រោះថ្នាក់ កម្រាលពូកគ្រែ​ត្រូវតែ​ផ្លា​ស់​ប្តូរញឹកញាប់ជាងពីរដងក្នុងមួយខែ (ជារៀងរាល់ថ្ងៃ បីដងក្នុងមួយ​ស​ប្តា​ហ៍ ម្តងក្នុងមួយសប្តាហ៍។ល។)
• ដោយសារតែស្បែកងាយរបក និងហានិភ័យនៃការកើតដំបៅគ្រែ ឬដំបៅ​សម្ពាធ ត្រូវរក្សាកម្រាលពូកគ្រែឱ្យរលោង ដើម្បីបង្ការការវិវត្តទៅជា​ស្នាម​អុ​ជៗ ត្រូវធានាថាគ្មានអ្វីនៅក្នុងកម្រាលពូកធ្វើឲ្យកកិត ឬរលាកស្បែក។
• ដោយសារតែអ្នកធ្វើឲ្យជ្រុះរបស់អ្វីៗ តម្រូវឲ្យមានការរើសឡើងច្រើន។
• ដោយសារតែសឹករេចរឹលសៀលរបស់ទូទឹកកក វាត្រូវការពេលវេលាបន្ថែម​ទៀត​ដើម្បីសម្អាត និងរំលាយទឹកកកក្នុងទូទឹកកក។
• ដោយសារតែអ្នកចំណាយពេលភាគច្រើនរបស់អ្នកនៅលើគ្រែ ឬដោយសារ​តែ​ការបែកញើស កម្រាលត្រូវការផ្លាស់ប្តូរញឹកញាប់ជាងពីរដង​ក្នុងមួយ​ខែ​។
• ការបាញ់ថ្នាំសម្លាប់សត្វកន្លាតគ្រប់កន្លែងនៅក្នុងផ្ទះម្តងដែលតម្រូវឱ្យយករបស់របរទាំងអស់ចេញពីផ្ទះបាយ និងធ្នើរ ហើយបន្ទាប់ពីបាញ់រួច ត្រូវ​លាងសម្អាតវាឱ្យស្អាត រួចយកមកដាក់វិញ។ (ពេលវេលាសម្រាប់កិច្ចការនេះគឺសមហេតុផលមិនត្រឹមតែសម្រាប់ហេតុផលសុខភាព និងសុវត្ថិភាពប៉ុណ្ណោះទេ ប៉ុន្តែថែមទាំងសម្រាប់បង្កើត និង​រ​ក្សាស្ថានភាពរស់នៅដោយឯករាជ្យផងដែរ ពីព្រោះការខកខានមិន​ធ្វើ​តា​ម​អាចធ្វើឱ្យអ្នកប្រឈមនឹងហានិភ័យនៃការបណ្តេញចេញ។)

សេវាកម្មថែទាំខ្លួន

សេវាកម្មថែទាំខ្លួនត្រូវតែឆ្លងកាត់ការវាយតម្លៃជាលក្ខណៈបុគ្គល។ ត្រូវប្រាកដថារាប់ពេលវេលាសម្រាប់កិច្ចការទាំងមូលចាប់ពីដើមដល់ចប់។ អ្នកអាចទទួលបានការលើកលែងចំពោះគោលការណ៍ណែនាំកិច្ចការ IHSS គិតម៉ោង ប្រសិនបើអ្នកត្រូវការវាដើម្បីទទួលបានសេវាកម្ម IHSS។ ខាងក្រោមនេះជាឧទាហរណ៍មួយចំនួនអំពីមូលហេតុដែលអាចត្រូវការការលើកលែងចំពោះគោលការណ៍ណែនាំអំពីកិច្ចការសេវាថែទាំខ្លួនគិតជាម៉ោ​ង៖

ខាងក្រោមនេះជាឧទាហរណ៍ ប្រសិនបើអ្នកត្រូវការពេលវេលា​បន្ថែមសម្រា​ប់​សេវាថែទាំខ្លួនដើម្បីស្នាក់នៅផ្ទះដោយសុវត្ថិភាព ខោនធីគួរតែអនុញ្ញា​ត​​ឱ្យ​មានការលើកលែងចំពោះគោលការណ៍ណែនាំ។ ឧទាហរណ៍៖

• បន្ទប់ទឹកមិនអាចចូលបានដោយរទេះរុញ។ ត្រូវការពេលវេលាបន្ថែមដើម្បីចូល និងចេញពីបន្ទប់ទឹក រៀបចំបន្ទប់​ទឹ​ក ប្រមូលសម្ភារៈ និងងូតទឹក និងបំពេញសកម្មភាពថែទាំ/សម្អាត​ខ្លួន​ផ្សេ​ងទៀត ដូចជាការប្រើសាប៊ូកក់សក់ ឬសាប៊ូដុំដែលមានជាតិថ្នាំ ការ​លា​ប​ក្រែម និងឡេដែលមានជាតិថ្នាំ និងថាមពលដើម្បីឱ្យអ្នក​អាចងូត​ទឹកបាន។
• គ្រោះថ្នាក់នៅក្នុងបន្ទប់ទឹកទាមទារការសម្អាតបន្ថែមក្នុងការថែទាំពោះវៀន និងប្លោកនោម រួមទាំងការសម្អាតបន្ថែមសម្រាប់កៅអីកន្ថោរ ឬ​កន្ថោរ ដោយសារតែលាមក និងទឹកនោមបានប្រឡាក់លើវា។
• អ្នកងាយនឹងឈឺចាប់ - សូម្បីតែសិតសក់ក៏ឈឺចាប់ខ្លាំងដែរ។ សេវាកម្មថែទាំខ្លួនត្រូវតែធ្វើយឺតៗ និងដោយប្រុងប្រយ័ត្ន។
• អ្នកញ៉ាំ និងទំពាយឺតៗ ហើយត្រូវតែយកចិត្តអ្នកបញ្ចុក បើមិនដូច្នោះទេ អ្នក​នឹងត្រូវប្រើដៃញ៉ាំដោយខ្លួនឯង។ អាហារនីមួយៗអាចចំណាយពេលរហូតដល់ 45 នាទីសម្រាប់បញ្ចុក។
• ទោះបីជាអ្នកអាចញ៉ាំអាហារដោយខ្លួនឯងបានក៏ដោយ អ្នកត្រូវការ​អ្នក​បម្រើម្នាក់ដែលអាចជួយលើករបស់របរ និងដោយសារតែបញ្ហាស្លាក់។
• អ្នកត្រូវការគេងូតទឹកឲ្យច្រើនជាងពីរដងក្នុងមួយសប្តាហ៍ ដោយសារតែ​ការ​កំពប់ទឹកនោម ការនោមទាស់ ឬបញ្ហាស្បែក។
• អ្នកមានស្បែកងាយរបក ហើយងាយនឹងកើតមានស្នាមអុជ ដែលអាច​ក្លា​​យ​ជាដំបៅគ្រែ ឬដំបៅសម្ពាធ ត្រូវធានាថាគ្មានអ្វីដែលធ្វើឲ្យកកិត ឬរលា​កស្បែកដូចជាសម្លៀកបំពាក់ ឬតើគេដាក់អ្នកក្នុងរទេះរុញ​ដោយ​របៀប​ណា។ល។
• សក់របស់អ្នកត្រូវការកក់សាប៊ូច្រើនជាងម្តងក្នុងមួយសប្តាហ៍ ដោយសារ​តែ​អង្គែស្បែកក្បាល ឬកម្ទេចអាហារដែលចូលក្នុងសក់។
• អ្នកត្រូវការពេលវេលាបន្ថែមដើម្បីទំនាក់ទំនងជាមួយអ្នកផ្តល់សេវា IHSS (ដូចជាចំពោះអ្នកដែលមានពិការខួរក្បាល ដែលត្រូវប្រើក្ដារ​សរសេរ​ពាក្យ និងអក្សរ)។
• ងាយនឹងឆ្លងមេរោគផ្លូវដង្ហើម ដូច្នេះសក់ត្រូវតែសម្ងួតបន្ទាប់ពីកក់​សាប៊ូ​រួច។

សេវាកម្មពាក់ព័ន្ធ

ឧទាហរណ៍នៃពេលវេលាបន្ថែមដែលត្រូវការសម្រាប់រៀបចំអាហារ និង/ឬ​ការរៀបចំម៉ឺនុយអាហារ៖

• អ្នកត្រូវការរបបអាហារពិសេសដូចជា របបអាហារដែលមិនដាក់អំបិល និងស្ករ ឬត្រូវការអាហារស្រស់ៗ។
• អ្នកញ៉ាំអាហារឆ្អិនក្តៅថ្មីៗ ដែលត្រូវការពេលចម្អិនយូរជាងនំសាំងវិច ឬ​អា​ហា​រគ្រាប់ធញ្ញជាតិ។
• អ្នកត្រូវកាត់អាហារជាចំណិតៗ ឬកិនឲ្យម៉ដ្ដ។
• អ្នកត្រូវការទឹក និងអាហារសម្រន់នៅចន្លោះពេលរវាងអាហារនីមួយៗ។
• របបអាហារ និងទម្លាប់នៃការញ៉ាំរបស់អ្នកខុសពីសមាជិកគ្រួសារ​ដទៃ​ទៀ​ត ដូច្នេះអាហារត្រូវរៀបចំដោយឡែកពីគ្នា។
• អ្នកត្រូវការអាហារច្រើនជាង 2-3 ដង ដោយសារតែជំងឺពិការ​ខួរក្បាល​ដែ​លប៉ះពាល់ដល់អវយវៈ ដូច្នេះហើយត្រូវការពេលវេលា​បន្ថែមទៀតដើម្បី​រៀ​ប​ចំអាហារ រៀបចំម៉ឺនុយអាហារ និងសម្អាត ដើរទិញអីវ៉ាន់ និងបញ្ចុកអា​ហារ​។

ឧទាហរណ៍នៃពេលវេលាបន្ថែមដែលត្រូវការសម្រាប់សម្អាតអាហារ៖

• អ្នកត្រូវការពេលវេលាបន្ថែមដើម្បីសម្អាតតុ រទេះរុញ និងកម្រាល​ឥដ្ឋ​ដោ​យ​សារតែការកំពប់។

ឧទាហរណ៍នៃពេលវេលាបន្ថែមដែលត្រូវការសម្រាប់បោកគក់៖

• ការប្តូរកម្រាលពូក និងសម្លៀកបំពាក់បន្ថែមគឺចាំបាច់ ដោយសារតែ​កា​រនោមទាស់ការកំពប់ ការបែកញើសខ្លាំងដោយសារថ្នាំពេទ្យ ស្បែកស្ងួត និ​ង​អង្គែស្បែកក្បាលធ្ងន់ធ្ងរ និងតម្រូវការលាងសម្អាត និងលាងដៃ មុន​ពេ​ល​ដាក់សម្លៀកបំពាក់ និងកម្រាលពូកចូលម៉ាស៊ីនបោកគក់។
• ត្រូវអនុវត្តវិធានការការពារជាសកល នៅពេលដែលមានសារធា​តុរាវក្នុង​រាង​កាយ (ទឹកនោម លាមក ឈាម ទឹកមាត់ សំបោរ កំអួត) ដូចជា​ញែ​ក​ចេញពីសម្លៀកបំពាក់ផ្សេងទៀត លាងសម្អាត និងលាងដៃដោយ​ឡែក​ពី​គ្នាមុនពេលដាក់ចូលម៉ាស៊ីនបោកគក់។
• ដើម្បីនៅចាំមើលក្នុងអំឡុងពេលបោកគក់ និងសម្ងួតសម្លៀកបំពាក់​ដោយ​សារតែខ្លាចចោរលួច។
• ដើម្បីបោកសម្អាតសម្លៀកបំពាក់ម្តងទៀតដោយសារតែស្បែកងាយប្រតិកម្ម និងអាលែកហ្ស៊ី។

ត្រូវការពេលវេលាបន្ថែមដើម្បីដើរទិញអីវ៉ាន់ និងធ្វើកិច្ចការផ្សេងៗ ដោយ​សារតែ៖

• ចម្ងាយទៅផ្សារទីមួយ។
• ត្រូវការទៅផ្សារញឹកញាប់ជាងមុន ឬទៅច្រើនជាងមួយកន្លែងដោយសារ​តែរបបអាហារពិសេស និងតម្រូវការអាហារស្រស់ៗ។
• ត្រូវទៅហាងដើម្បីទិញសម្ភារៈសម្រាប់ការនោមទាស់ ស្រោមដៃ ក្រែមមាន​ជាតិ​ថ្នាំ វីតាមីន ក្រដាសជូតភ្នែកមានជាតិថ្នាំដែលមិនមានវេជ្ជបញ្ជា សាប៊ូដុំ និងសាប៊ូកក់សក់។
• ត្រូវការទិញថ្នាំជាញឹកញាប់ដោយសារតែដែនកំណត់នៃកម្មវិធី Medi-Cal លើចំនួនវេជ្ជបញ្ជា និង/ឬដោយសារតែតម្រូវការថ្នាំទាំងអស់មិនអាច​បំ​ពេ​ញ​បាននៅកន្លែងតែមួយ។
• ដោយរស់នៅក្នុងតំបន់ដែលមានចំណូលទាប មានផ្សារតិចជាង និង​មា​ន​មនុស្សច្រើនកកកុញជាង មានន័យថាត្រូវតម្រង់ជួររង់ចាំយូរជាង​មុន។
• ត្រូវការប្រើប្រាស់មធ្យោបាយធ្វើដំណើរសាធារណៈ និងតាក់ស៊ីដើម្បីទិញទំ​និ​ញ ឬធ្វើកិច្ចការផ្សេងៗ។

IHSS សម្រាប់ជនពិការសុខភាពផ្លូវចិត្ត

តើជនពិការសុខភាពផ្លូវចិត្តអាចទទួលបាន IHSS ដែរឬទេ?

អាចទទួលបាន។ IHSS មិនមែនសម្រាប់តែជនមានពិការភាពផ្លូវកាយ ឬបញ្ញា/ការលូត​លាស់​ប៉ុណ្ណោះទេ។ ប្រសិនបើអ្នកមានពិការភាពសុខភាពផ្លូវចិត្ត ហើយអ្នកត្រូវការ​ជំនួយ​ដើ​ម្បីរស់នៅក្នុងផ្ទះផ្ទាល់ខ្លួនរបស់អ្នក ឬផ្ទះរបស់អ្នកដទៃ អ្នកអាច​មាន​ល​ក្ខណៈ​សម្បត្តិគ្រប់គ្រាន់ក្នុងការទទួលបានសេវាកម្ម IHSS។ ផ្ទះរបស់អ្នកអាចរួមមានអាផាតមិនដែលអ្នកចែករំលែកជាមួយអ្នកដទៃ ឬបន្ទប់សណ្ឋាគារ។ អ្នកមិនអាចទទួលបានសេវាកម្ម IHSS ឬសេវាថែទាំខ្លួនបានទេ ប្រសិន​​បើអ្នករស់នៅក្នុងមណ្ឌលថែទាំមនុស្សចាស់ ឬមណ្ឌលចាស់ជរា។ ទោះយ៉ាងណាក៏ដោយ សេវាកម្ម IHSS អាចជួយអ្នកឱ្យផ្លាស់​ចេញពីម​ណ្ឌល​ថែទាំមនុស្សចាស់ ហើយចូលទៅក្នុងអាផាតមិន ឬបន្ទប់សណ្ឋាគា​រផ្ទាល់​ខ្លួន​របស់អ្នក។

ខាងក្រោមនេះជាហេតុផលមួយចំនួនដែលអ្នកអាចត្រូវការ IHSS ដើ​ម្បី​រស់នៅក្នុងផ្ទះផ្ទាល់ខ្លួនរបស់អ្នក ឬនៅក្នុងផ្ទះរបស់សាច់ញាតិ ឬមិត្តភក្តិ៖

• អ្នកត្រូវការ “ការណែនាំ” ដើម្បីក្រោកនៅពេលព្រឹក ហើយធ្វើកិច្ចការនា​នា​ដូចជា ងូតទឹក សម្អិតសម្អាងខ្លួន ស្លៀកពាក់ លេបថ្នាំ និង/ឬញ៉ាំអាហារ។ ការណែនាំ និងជំនួយក្នុងការរៀបចំតាមលំដាប់លំដោយគឺជាពាក្យដែល​ប្រើដើម្បីពិពណ៌នាអំពីជំនួយដែលមនុស្សត្រូវការដើម្បីចាប់ផ្តើមកិច្ចការ និងមួយជំហានម្តងៗដើម្បីធ្វើកិច្ចការ។ ដោយសារតែពិការភាពរបស់អ្នកឬផលរំខាននៃថ្នាំ អ្នកប្រហែលជាមិន​អា​ច​ធ្វើដូច្នោះបានទេ ប្រសិនបើគ្មានអ្នកណាម្នាក់មានវត្តមាន​ដើម្បីណែនាំ​អ្នកអំពីដំណើរការនេះ។
• អ្នកក៏អាចត្រូវការ “ការណែនាំ” ដើម្បីជួយអ្នកឱ្យធ្វើកិច្ចការរហូតដល់​ការ​ចូ​ល​គេងនៅពេលយប់ផងដែរ។
• អ្នកប្រហែលជាត្រូវការជំនួយក្នុងការរៀបចំអាហារ ប្រសិនបើអ្នកមិន​អា​ច​ធ្វើបែបនេះបានជាប់លាប់ និងមានសុវត្ថិភាពតែម្នាក់ឯង។
• អ្នកប្រហែលជាត្រូវការការរំលឹកឱ្យញ៉ាំ និងផឹកទឹក។
• អ្នកប្រហែលជាត្រូវការជំនួយក្នុងការដើរទិញអីវ៉ាន់ សម្អាត បោកគក់ និង​/ឬរៀបចំម៉ឺនុយអាហារ។
• បុគ្គលមួយចំនួនដែលមានពិការភាពសុខភាពផ្លូវចិត្តអាចត្រូវការសេវាត្រួតពិនិត្យការពារ។ ការត្រួតពិនិត្យការពារគឺសម្រាប់មនុស្សដែលត្រូវការការត្រួតពិនិត្យ និង​អន្តរាគមន៍ 24ម៉ោង/7 ថ្ងៃ ពីព្រោះពួកគេធ្វើរឿងគ្រោះថ្នាក់ ឬបង្កគ្រោះ​ថ្នាក់ ហើយអាចធ្វើឱ្យខ្លួនឯងរងរបួសដោយចៃដន្យព្រោះ​ពួកគេមិន​យល់​ថាសកម្មភាព និងអាកប្បកិរិយារបស់ពួកគេមានគ្រោះថ្នាក់។

បុគ្គលិក IHSS ខោនធីដែលដំណើរការពាក្យសុំ IHSS ធ្វើការភាគ​ច្រើន​ជា​មួយមនុស្សដែលមានពិការភាពរាងកាយ (ដែលប្រើរទេះរុញ ឬមិន​អាច​ធ្វើ​អ្វីបានដោយសារតែជំងឺរលាកសន្លាក់ធ្ងន់ធ្ងរ) ឬពិការភាពផ្នែកយល់ដឹង (ដែលមានពិការភាពនៃការលូតលាស់បញ្ញា ឬជំងឺវង្វេង)។ ពួកគេមិនដឹងពីការដាក់ពាក្យស្នើសុំពីមនុស្សដែលមានពិការភាពសុខភាពផ្លូវចិត្តទេ។ នោះមានន័យថា បុគ្គលិក IHSS នឹងត្រូវការជំនួយបន្ថែមពីអ្នក និង​មនុ​ស្សដែលជួយអ្នកឱ្យយល់ពីមូលហេតុដែលអ្នកត្រូវការជំនួយថែទាំពីអ្នកមើលថែនៅក្នុងផ្ទះរបស់អ្នក។ ដើម្បីធ្វើដូចនេះ អ្នកអាចទទួលបានលិខិតមួយច្បាប់ពីគ្រូពេទ្យ​វិកលច​រិ​ត គ្រូពេទ្យចិត្តសាស្រ្ត បុគ្គលិកសង្គមកិច្ចនៅគ្លីនិកដែលអ្នកទៅ អ្នកគ្រប់​គ្រងករណី ឬអ្នកផ្សេងទៀតដែលជួយអ្នក និងដឹងពីតម្រូវការរបស់អ្នក។ លិខិតនោះគួរតែពន្យល់ថា៖

• កិច្ចការដែលអ្នកត្រូវការជំនួយ និងប្រភេទនៃជំនួយដែលអ្នកត្រូវការ។ ឧទាហរណ៍ ការរំលឹក និងការណែនាំ។
• ហេតុអ្វីបានជាពិការភាពសុខភាពផ្លូវចិត្តរបស់អ្នករារាំងអ្នកមិនឲ្យធ្វើកិច្ចការ IHSS បាន បើគ្មានជំនួយ? ឧទាហរណ៍ ពួកគេអាចពន្យល់ថា ថ្នាំរបស់អ្នក បូករួមទាំងពិការភាព​រប​ស់​អ្នក បណ្តាលឱ្យអ្នកងងុយគេង អសមត្ថភាពក្នុងការផ្ចង់អារម្មណ៍ ផ្តោត​លើកិច្ចការផ្សេងៗ វង្វេង និងភ្លេចភ្លាំង។ ពិការភាពរបស់អ្នកធ្វើឱ្យអ្នកពិបាកក្រោកពីដំណេកទាន់ពេលវេលា លេ​បថ្នាំជាប្រចាំ និងអនុវត្តទម្លាប់ថែទាំខ្លួនឯងប្រចាំថ្ងៃដោយគ្មានជំនួយ និង/ឬអ្នកមិនអាចចម្អិនអាហារដោយខ្លួនឯងដោយមិនធ្វើឱ្យខ្លួនឯងរងរបួសដោយចៃដន្យនោះទេ។
• ការមិនទទួលបានជំនួយដែលអ្នកត្រូវការអាចមានន័យថា អ្នកមិន​អាច​បន្តរស់នៅដោយខ្លួនឯងនៅក្នុងផ្ទះផ្ទាល់ខ្លួន បន្ទប់សណ្ឋាគារ ឬអាផាត​មិនរបស់អ្នកបានទេ។
• ការមិនទទួលបានជំនួយដែលអ្នកត្រូវការអាចធ្វើឱ្យស្ថានភាពរបស់អ្នកកាន់តែអាក្រក់ទៅៗ ពីព្រោះអ្នកនឹងមិនអាចក្រោកពីដំណេកជា​រៀងរាល់​ថ្ងៃ បំពេញតម្រូវការថែទាំខ្លួន និងរក្សាអាផាតមិនរបស់អ្នកឱ្យមាន​សណ្តា​ប់​ធ្នាប់។ ជីវិតប្រចាំថ្ងៃរបស់អ្នកអាចមានអារម្មណ៍ច្របូកច្របល់ ហើយនាំអ្នកធ្លាក់​ចូលទៅក្នុងវិបត្តិ ដែលអាចមានន័យថាត្រូវទៅបន្ទប់សង្គ្រោះបន្ទាន់។

IHSS សម្រាប់កុមារ និងបញ្ហាពាក់ព័ន្ធ

ផ្នែកនេះនឹងពិភាក្សាអំពីសេវាកម្មអ្វីខ្លះដែលកុមារអាយុក្រោម 18 ឆ្នាំ​អា​ចទទួលបានហើយការវាយតម្លៃក្រោមកម្មវិធី IHSS ក៏ដូចជាសំណួរ​ទូទៅ​ផងដែរ។

តើកុមារអាចទទួលបាន IHSS ដែរឬទេ?

អាចទទួលបាន។ កុមារពិការអាយុក្រោម 18 ឆ្នាំអាចទទួលបាន៖

• សេវាកម្មពាក់ព័ន្ធ (ការរៀបចំអាហារ និងសម្អាតអាហារ ការបោកគក់ ការ​ទៅផ្សារទិញអាហារ ការទៅផ្សារទិញអីវ៉ាន់/កិច្ចការផ្សេងៗ)
• សេវាថែទាំខ្លួន (ងូតទឹក បត់ជើងតូចធំ ស្លៀកពាក់ បញ្ចុកអាហារ ជំនួយ​ក្នុ​ងការដើរ។ល។)
• សេវាជំនួយវេជ្ជសាស្រ្ត (ប្រសិនបើចេញវេជ្ជបញ្ជាដោយវេជ្ជបណ្ឌិត - ការចាក់​ថ្នាំ បំពង់កាតេទែរ ការបញ្ចុកអាហារតាមបំពង់ និងការបឺត)
• ការត្រួតពិនិត្យការពារ (ការតាមដាន និងការត្រួតពិនិត្យ 24 ម៉ោង​ដើម្បី​បង្កា​ររបួស)
  • មិនមែនជាការមើលថែកុមារ ឬការត្រួតពិនិត្យជាប្រចាំទេ
  • ត្រូវតែបង្ហាញពីភាពខុសគ្នារវាងកុមារពិការ និងកុមារដទៃទៀតដែល​មា​ន​​អាយុស្រករគ្នា។
• ការអមដំណើរនៅពេលចាំបាច់ដើម្បីធ្វើដំណើរទៅ/មកពី៖
  • ការណាត់ជួបពេទ្យ
  • ធនធានជំនួស

កុមារមិនអាចទទួលបាន៖

• សេវាកម្មការងារផ្ទះ
• ការសម្អាតលម្អិត
• ការកាត់បន្ថយគ្រោះថ្នាក់នៅទីធ្លា
• ការបង្រៀន និងការអនុវត្តបង្ហាញ11

តើ IHSS កំណត់មុខងាររបស់កុមារយ៉ាងដូចម្តេច?,

IHSS នឹងផ្តល់សេវាកម្មតែដោយផ្អែកលើដែនកំណត់មុខងាររបស់កុមារ និ​ងតម្រូវការជំនួយជំនួសឱ្យអាយុប៉ុណ្ណោះ។ IHSS ប្រើប្រាស់ ឧបករណ៍ណែនាំសមស្រប​តាមវ័យស​ម្រាប់​ចំ​ណាត់ថ្នាក់សន្ទស្សន៍មុខងារ សម្រាប់កុមារ ដើម្បីជួយបុគ្គលិក IHSS កំណត់មុខងាររបស់កុមារ។ គោលការណ៍ណែនាំមិនមែនជាបទប្បញ្ញត្តិទេ។ IHSS នៅតែត្រូវផ្តល់សេវាកម្មដោយផ្អែកលើតម្រូវការរបស់​បុគ្គល​ម្នាក់​ៗ។12 ឧទាហរណ៍

• ទារកទើបនឹងកើតអាចដកដង្ហើម (ដំណកដង្ហើម) ដោយខ្លួនឯង​បា​ន​ជា​​ធម្មតា។ ទោះជាយ៉ាងណាក៏ដោយ កុមារដែលដកដង្ហើមមានកម្រិត​អាចទទួល​បា​នសេវាជំនួយវេជ្ជសាស្រ្ត។ តម្រូវការជំនួយរបស់កុមារគឺផ្អែកលើពិការភាព មិនមែនអាយុទេ។
• ជាធម្មតា កុមារអាយុ 5 ឆ្នាំត្រូវបានគេរំពឹងថានឹងអាចចល័ត (ដើរ) ដោ​យឯករាជ្យបាន។ ប្រសិនបើកុមារមានកម្រិតនៃការដើរ ដូចជាបញ្ហាជាមួយនឹងលំនឹង ក​ម្លាំ​ង ឬភាពបត់បែន មុខងាររបស់ពួកគេនឹងត្រូវបានចាត់​ថ្នាក់រវាង​លេ​ខ 2-5 ហើយពេលវេលាគួរតែផ្តល់ជូនសម្រាប់ជំនួយ​ក្នុងការដើរ​ដោយផ្អែក​លើកម្រិតនៃមុខងាររបស់កុមារ និងកម្រិតនៃជំនួយ។

ទារក និងក្មេងតូចៗភាគច្រើនទទួលបាន IHSS ដោយសារតែតម្រូវ​ការ​ស​ម្រាប់សេវាជំនួយវេជ្ជសាស្រ្ត។

តើប្រាក់ចំណូល IHSS របស់ឪពុកម្តាយនឹងប៉ះពាល់ដល់អត្ថប្រយោជន៍ SSI របស់កុមារជាអនីតិជនដែរឬទេ?

ប្រាក់ចំណូល IHSS សម្រាប់ឪពុកម្តាយរបស់កុមារជាអនីតិជន​ដែល​ពួក​គេកំពុងផ្តល់ IHSS ជូន នឹងមិនប៉ះពាល់ដល់ចំនួនទឹកប្រាក់ទូទាត់ SSI របស់កុមារនោះទេ។ ទោះជាយ៉ាងណាក៏ដោយ ប្រាក់ចំណូលផ្សេងទៀតដែលឪពុក​ម្តាយ​ទទួ​ល​បាន ដូចជាប្រាក់ឈ្នួល IHSS ពីការធ្វើការឱ្យបងប្អូនជានីតិជន​អាចប៉ះ​ពាល់ដល់ ចំនួនទឹកប្រាក់ទូទាត់ SSI របស់កុមារជាអនីតិជន​។13 ចំពោះព័ត៌មានបន្ថែម សូមពិនិត្យមើល​ឯកសារ​បោះពុម្ពផ្សាយរបស់អង្គការសិទ្ធិជនពិការរដ្ឋកាលីហ្វ័រញ៉ាស្ដីពី លក្ខណៈវិនិច្ឆ័យសិទ្ធិទទួលបាន SSI សម្រាប់កុមារ៖ ចំណុចផ្តោតអារម្មណ៍លើការចាត់ទុកថាជាឪពុកម្តាយ​។

តើខ្ញុំអាចទទួលបាន IHSS ហើយនៅតែទទួលបានសេវាមើលថែ​ជំនួស​ជា​ប​ណ្តោះអាសន្ន​ពីមជ្ឈ​ម​ណ្ឌលប្រចាំតំបន់បានទេ?

អាចទទួលបាន។ សេវាមើលថែជំនួសជាបណ្តោះអាសន្នពីមជ្ឈមណ្ឌលប្រចាំតំបន់គឺខុសពី IHSS។ អ្នកអាចទទួលបាន IHSS រួមទាំងការត្រួតពិនិត្យការពារ ដោយមិន​បា​ត់​បង់ម៉ោងមើលថែជំនួសជាបណ្តោះអាសន្នណាមួយ​ឡើយ​។​14

បញ្ហាអ្នកផ្តល់សេវាជាឪពុកម្តាយ និងសហព័ទ្ធ

តើវិធាន IHSS ចែងអ្វីខ្លះអំពីអ្នកផ្តល់សេវាជាឪពុកម្តាយ?

គិតត្រឹមថ្ងៃទី 19 ខែកុម្ភៈ ឆ្នាំ 2024 ឪពុកម្តាយអាចនឹងទទួលបាន​ប្រា​ក់ឈ្នួលដើម្បីផ្តល់សេវាកម្ម IHSS ដល់កូនជាអនីតិជនរបស់ខ្លួន ដរា​បណាពួកគេបំពេញបានតាមលក្ខខណ្ឌតម្រូវនៃគុណវុឌ្ឍិទាំងអស់ ដើម្បី​ក្លាយជាអ្នកផ្តល់សេវា IHSS និងបំពេញនីតិវិធីចុះឈ្មោះអ្នកផ្តល់សេវា IHSS។15

តើវិធាន IHSS ចែងអ្វីខ្លះអំពីអ្នកផ្តល់សេវាជាសហព័ទ្ធ និងអ្នកផ្តល់សេវា​ដែ​លមិនមែនជាសហព័ទ្ធ?

សហព័ទ្ធដែលមានសមត្ថភាព និងទំនេរ

IHSS សន្មតថា សហព័ទ្ធរបស់អ្នកទទួល IHSS “មានសមត្ថភាព និង​ទំ​នេរ” ដើម្បីផ្តល់សេវាកម្ម IHSS មួយចំនួន លុះត្រាតែសហព័ទ្ធរបស់អ្នក​ទ​ទួ​លផ្តល់ឯកសារវេជ្ជសាស្ត្រ (ដូចជាលិខិតរបស់វេជ្ជបណ្ឌិត) ដែលបញ្ជាក់​ថា​ពួក​គេមិនអាចធ្វើបាន។16

សេវាកម្ម IHSS ដែលសហព័ទ្ធត្រូវតែផ្តល់ជូនដោយឥតគិតថ្លៃ

លុះត្រាតែសហព័ទ្ធផ្តល់ឯកសារវេជ្ជសាស្រ្ត (លិខិតរបស់វេជ្ជបណ្ឌិត) ដែល​ប​ញ្ជា​ក់ថាពួកគេមិនអាចបំពេញកិច្ចការ IHSS បាន នោះ IHSS នឹងត​ម្រូវ​ឱ្យសហព័ទ្ធផ្តល់សេវាកម្ម IHSS មួយចំនួនដោយឥតគិតថ្លៃ។

អ្នកទទួលសេវាជាមួយដែលសហព័ទ្ធដែលមានសមត្ថភាព និងទំនេរមិន​អាច​ទទួលបាន៖

• សេវាកម្មការងារផ្ទះ
• សេវាកម្មពាក់ព័ន្ធ
• សេវាកម្មកាត់បន្ថយគ្រោះថ្នាក់នៅទីធ្លា
• ការអនុវត្តបង្ហាញការបង្រៀន ឬ
• ការសម្អាតលម្អិត17

សេវាកម្ម IHSS ដែលអ្នកណាក៏អាចផ្តល់ជូនបានដែរ

សហព័ទ្ធរបស់អ្នក ឬអ្នកផ្សេងទៀតអាចផ្តល់ជូនអ្នកនូវសេវា​កម្មផ្ទាល់​ខ្លួនដែលមិនមែនវេជ្ជសាស្ត្រ និងសេវាជំនួយវេជ្ជសាស្រ្ត​។18

សេវាកម្មផ្ទាល់ខ្លួនមិនមែនវេជ្ជសាស្ត្ររួមមាន៖

• ជំនួយក្នុងការដកដង្ហើម
• ការថែទាំពោះវៀន និងប្លោកនោម
• ការបញ្ចុកអាហារ
• ការស្លៀកពាក់
• ការថែទាំសុខភាពពេលមានរដូវ
• ការដើរ
• ការផ្ទេរ
• ការងូតទឹក អនាម័យមាត់ធ្មេញ និងការសម្អិតសម្អាងខ្លួន
• ការកកិតស្បែក ការប្ដូរទីតាំងថ្មី
• ជំនួយជាមួយនឹងអវយៈសិប្បនិម្មិត និង/ឬការរៀបចំថ្នាំ

សិទ្ធិទទួលបានអ្នកផ្តល់សេវាជាសហព័ទ្ធ

សហព័ទ្ធអាចផ្តល់ការត្រួតពិនិត្យការពារ និងការដឹកជញ្ជូនបាន ប្រសិន​បើ​សហព័ទ្ធនោះ៖

• ចេញពីធ្វើការពេញម៉ោង ឬត្រូវបានរារាំងមិនឱ្យទទួលបានការងារពេញ​ម៉ោ​ង និង
• មិនមានអ្នកផ្តល់សេវា IHSS ដែលសមស្របផ្សេងទៀតទេ។​19

សិទ្ធិទទួលបានអ្នកផ្តល់សេវាដែលមិនមែនជាសហព័ទ្ធ

នៅពេលដែលសហព័ទ្ធរបស់អ្នកមិននៅផ្ទះដោយសារតែពួកគេកំពុងធ្វើការ កំពុងគេង កំពុងបំពេញតម្រូវការរបស់សមាជិកគ្រួសារផ្សេងទៀត ដោ​យសារសុខភាព ឬហេតុផលដែលមិនអាចចៀសវាងបានផ្សេងទៀត អ្នក​ផ្តល់សេវា IHSS ដែលមិនមែនជាសហព័ទ្ធអាចជួយអ្នកក្នុង៖

• ការរៀបចំអាហារ
• ការធ្វើដំណើរ និង
• ការត្រួតពិនិត្យការពារ

ប្រសិនបើសហព័ទ្ធមិនទំនេរក្នុងការផ្ដល់ IHSS លើសពី 24 ម៉ោង​បា​ន​ទេ នោះអ្នកផ្តល់សេវាដែលមិនមែនជាសហព័ទ្ធអាចផ្តល់សេវាកម្ម IHSS ក្នុងអំឡុងពេលដែលសហព័ទ្ធរបស់អ្នកមិនទំនេរ (មិននៅផ្ទះ) បាន​។20 សហព័ទ្ធអាចមិនទំនេរដោយសារតែពួកគេរស់នៅ​ក្នុងមណ្ឌល ត្រូវបានហៅទៅបំពេញកាតព្វកិច្ចយោធា ឬស្ថិតនៅ​ក្រោ​ម​ដីកាហាមឃាត់។

សេវាជំនួយវេជ្ជសាស្រ្ត

តើសេវាជំនួយវេជ្ជសាស្ត្រមានអ្វីខ្លះ?

សេវាជំនួយវេជ្ជសាស្ត្រត្រូវបានចេញវេជ្ជបញ្ជាដោយវេជ្ជបណ្ឌិតសម្រាប់សុខភាពរបស់អ្នក។ សេវាជំនួយវេជ្ជសាស្ត្រទាមទារការបណ្តុះបណ្តាល និងការវិនិច្ឆ័យខ្លះដើម្បី​អនុ​វត្ត។ សេវាកម្មទូទៅគឺការចាក់ថ្នាំ ការលាងសម្អាតពោះវៀនធំ ការស៊ក​បញ្ចូល/​កា​រថែទាំបំពង់កាតេទែរ ការបឺត ការផ្តល់ចំណីតាមបំពង់ G និងបំពង់ NG ការ​ថែទាំម៉ាស៊ីនជំនួយដង្ហើម និងអុកស៊ីសែន ការបញ្ចូលលាមករឹង កម្រិត​
នៃ​ចលនាដើម្បីកែលម្អមុខងារ ការថែទាំដំបៅរបួស/ដំបៅខ្នងរលួយ និង​សេ​វា​កម្មផ្សេងទៀតដែលត្រូវការនីតិវិធីសម្លាប់មេរោគ។

សេវាជំនួយវេជ្ជសាស្ត្រមានសារៈសំខាន់ ពីព្រោះជនពិការដែលត្រូវ​ការការ​ថែទាំផ្នែកវេជ្ជសាស្ត្រដ៏ស្មុគស្មាញអាចស្នាក់នៅផ្ទះជំនួសឲ្យការទៅមណ្ឌលថែទាំមនុស្សចាស់បាន។ មានតែវេជ្ជបណ្ឌិតរបស់អ្នកទេដែលអាចសម្រេចចិត្តថាសេវាជំនួយវេជ្ជសាស្ត្រ IHSS អ្វីខ្លះដែលខោនធីត្រូវផ្តល់ជូន និងចំនួនប៉ុន្មានម៉ោងដែល​ខោ​ន​ធីត្រូវបង់ប្រាក់។ ខោនធីមិនអាចកាត់បន្ថយម៉ោងសេវាកម្មដែលចេញបញ្ជាដោយវេជ្ជបណ្ឌិតរបស់អ្នកបានទេ។ អ្នកផ្តល់សេវាមិនត្រូវការអាជ្ញាបណ្ណពិសេសណាមួយដើម្បីអនុវត្តសេវាកម្មនោះទេ។

សេវាជំនួយវេជ្ជសាស្ត្រមិនមានដែនកំណត់ពេលវេលាទេ។ អ្នកទទួលបានពេលវេលាដែលអ្នកត្រូវការដើម្បីបំពេញសេវាកម្ម។ ទោះយ៉ាងណាក៏ដោយ អ្នកមិនអាចទទួលបានលើសពីអតិបរមា 283 ម៉ោ​ងក្នុងមួយខែក្នុងសេវាកម្ម IHSS រួមបញ្ចូលគ្នាបានទេ។

នៅពេលស្នើសុំសេវាជំនួយវេជ្ជសាស្ត្រ អ្នកគួរតែស្នើសុំពេលវេលាគ្រប់​គ្រា​ន់​ដើម្បីបំពេញសេវាកម្មទាំងមូលចាប់ពីការរៀបចំរហូតដល់ការសម្អាត។ ពេលខ្លះអ្នកទទួលមិនស្នើសុំពេលវេលាបន្ថែមដែលអាចត្រូវការសម្រាប់ការរក្សាកំណត់ត្រាទេ ពោលគឺការធ្វើតេស្តរកជំងឺទឹកនោមផ្អែម និងការ​ចាក់​ថ្នាំ។ អ្នកក៏អាចទទួលបានពេលវេលាសម្រាប់ធ្វើកិច្ចការនេះដែរ។

តើអ្នកណាមានសិទ្ធិទទួលបានសេវាជំនួយវេជ្ជសាស្ត្រ?

ដើម្បីមានសិទ្ធិ៖

1. វេជ្ជបណ្ឌិតត្រូវតែបំពេញ និងចុះហត្ថលេខាលើទម្រង់​ SOC 321 ដែលអាចរកបានតាមអនឡាញ។ វេជ្ជបណ្ឌិតរបស់អ្នកត្រូវតែរាយបញ្ជីសេវាជំនួយវេជ្ជសាស្ត្រអ្វីខ្លះដែលអ្នកត្រូវការ និងរយៈពេលប៉ុន្មានដែលអ្នកត្រូវការដើម្បីទទួលបានសេវាកម្ម។ អ្នកអាចផ្តល់ទម្រង់ SOC 321 ទៅវេជ្ជបណ្ឌិតរបស់អ្នកដើម្បី​បំ​ពេ​ញ។ ពេលដែលវេជ្ជបណ្ឌិតរបស់អ្នកបានបំពេញទម្រង់ SOC 321 រួច​ហើយ អ្នក​អាចផ្តល់វាទៅខោនធីជាមួយនឹងសំណើរបស់អ្នកសុំសេវា​ជំនួយ​វេជ្ជសាស្ត្រ។ វិធាន IHSS មិនតម្រូវឱ្យបុគ្គលិក IHSS របស់អ្នកបំពេញ និង/ឬផ្តល់​ទម្រ​ង់បែបបទនេះទៅវេជ្ជបណ្ឌិតនោះទេ។
2. អ្នកត្រូវតែមិនអាចអនុវត្តសេវាជំនួយវេជ្ជសាស្ត្រសម្រាប់ខ្លួនឯងបាន។ ឧទាហរណ៍ អ្នកមានការចុះខ្សោយផ្លូវចិត្ត ឬផ្លូវកាយដែលរារាំងអ្នកមិន​ឲ្យ​ចាក់ថ្នាំ ឬប្តូរបំពង់កាតេទែរដោយខ្លួនឯងបាន។
3. អ្នកត្រូវការសេវាកម្មដើម្បីរក្សាសុខភាពរបស់អ្នកដោយសារតែស្ថានភាពផ្លូវកាយ ឬផ្លូវចិត្តរបស់អ្នក។
4. កិច្ចការនេះត្រូវតែរួមមាន៖
   1. ការផ្ដល់ថ្នាំ
   2. ការធ្វើឲ្យមុតដាច់ស្បែក
   3. ការដាក់ឧបករណ៍វេជ្ជសាស្ត្រចូលទៅក្នុងរន្ធរាងកាយ
   4. ទាមទារនីតិវិធីសម្លាប់មេរោគ ឬ
   5. អ្នកផ្តល់សេវារបស់អ្នកត្រូវតែត្រូវការការបណ្តុះបណ្តាលពីវេជ្ជបណ្ឌិត ឬអ្នកជំនាញសុខភាពផ្សេងទៀតដើម្បីផ្តល់សេវាជំនួយវេជ្ជសាស្ត្រ។ ឧទាហរណ៍ អ្នកផ្តល់សេវារបស់អ្នកអាចត្រូវការការបណ្តុះបណ្តាលអំពីជំហានអ្វីដែលត្រូវអនុវត្ត និងរបៀបបំពេញសេវាកម្ម។ ជំហានទាំងនេះតម្រូវឱ្យអ្នកផ្តល់សេវាសង្កេតមើលអ្នកដោយប្រុងប្រយ័ត្នដើម្បីចៀសវាងកំហុសឆ្គង។

សកម្មភាពរបស់ខោនធីដើម្បីបដិសេធ ឬកំណត់សេវាជំនួយវេជ្ជសាស្ត្រ

ខោនធីអាចប្រើយុទ្ធសាស្ត្រដើម្បីបដិសេធ ឬកំណត់សេវាជំនួយវេជ្ជសាស្ត្រ​ដែលវេជ្ជបណ្ឌិតបានអនុញ្ញាត។

ខាងក្រោមនេះជាឧទាហរណ៍ និងវិធីឆ្លើយតប៖

• ខោនធីនិយាយថា សេវាកម្មមួយចំនួនមិនមែនជាសេវាជំនួយវេជ្ជសាស្ត្រ​ទេ​។
  • ការឆ្លើយតប៖ ពិភាក្សាជាមួយវេជ្ជបណ្ឌិតរបស់អ្នកអំពីសេវាជំនួយវេជ្ជសាស្ត្រដែលអ្នកត្រូវការ។ ពន្យល់ថា សេវាកម្មណាមួយដែលត្រូវបានចេញវិក្កយបត្រក្នុងនាម​ជាគិលា​នុបដ្ឋាយិកាជំនាញក្រោមកម្មវិធី Medi-Cal និង Medicare គឺមានលក្ខ​ណៈ​សម្បត្តិគ្រប់គ្រាន់ជាសេវាជំនួយវេជ្ជសាស្ត្រ។ ជាទូទៅវេជ្ជបណ្ឌិតដឹងថាសេវាកម្មទាំងនេះជាអ្វី។ នៅពេលដែលវេជ្ជបណ្ឌិតរបស់អ្នកកំពុងបំពេញទម្រង់ SOC 321 សូមស្នើ​សុំ​ឱ្យវេជ្ជបណ្ឌិតរបស់អ្នករាយបញ្ជីសេវាជំនួយវេជ្ជសាស្ត្រ ហើយ​សរ​សេរពេល​វេលា​ដែលអ្នកត្រូវការដើម្បីទទួលបានសេវាកម្មដោយផ្អែកលើកំណត់ហេតុរបស់អ្នកដែលកត់ត្រារយៈពេលដែលត្រូវការដើម្បីបំពេញសេវាកម្មនីមួយៗ។
• ខោនធីអាចផ្ញើទម្រង់ SOC 321 ទៅវេជ្ជបណ្ឌិតរបស់អ្នក ហើយព្យាយាម​បញ្ចុះបញ្ចូលវេជ្ជបណ្ឌិតឱ្យផ្លាស់ប្តូរទម្រង់ SOC 321 សម្រាប់សេវាកម្ម ឬ​ពេ​លវេលាសេវាជំនួយវេជ្ជសាស្ត្រ។
  • ការឆ្លើយតប៖ ពិភាក្សាជាមួយវេជ្ជបណ្ឌិតរបស់អ្នកមុនពេលទម្រង់ SOC 321 ត្រូវ​បាន​បំ​ពេញ ហើយទទួលបានការយល់ព្រមលើពេលវេលា​ដែលត្រូវ​ការដោយផ្អែក​លើកំណត់ហេតុរបស់អ្នកដែលកត់ត្រារយៈពេលដែលត្រូវការដើម្បីទទួលបានសេវាជំនួយវេជ្ជសាស្ត្រ។ ពិភាក្សាអំពីស្ថានភាពរបស់អ្នក និងតម្រូវការដើម្បីរក្សាទំនាក់ទំនង​រវាង​វេជ្ជ​បណ្ឌិត និងអ្នកជំងឺពីការជ្រៀតជ្រែកពីខាងក្រៅ។ ពន្យល់ប្រាប់បុគ្គលិក IHSS ថា ការសម្រេចចិត្តរបស់វេជ្ជបណ្ឌិតលើ​ទម្រ​ង់ SOC 321 ដែលមានចុះហត្ថលេខាគឺជាការសម្រេចចិត្តចុងក្រោយ ហើ​យ​ខោនធីត្រូវតែអនុវត្តតាម។21
• គិលានុបដ្ឋាយិកាម្នាក់របស់ខោនធីនឹងសង្កេតមើលអ្នករយៈពេលមួយថ្ងៃ ហើយកំណត់ថាអ្នកត្រូវការពេលវេលាតិចជាងមុនសម្រាប់សេវាជំនួយវេជ្ជសាស្រ្ត។ គិលានុបដ្ឋាយិកាទូរសព្ទទៅវេជ្ជបណ្ឌិតរបស់អ្នកដើម្បីស្នើសុំការផ្លាស់ប្តូរពេលវេលាដែលបានកត់ទុកនៅក្នុងទម្រង់វេជ្ជបញ្ជារបស់វេជ្ជបណ្ឌិតរបស់អ្នក (SOC 321)។
  • ការឆ្លើយតប៖ បង្ហាញវេជ្ជបណ្ឌិតរបស់អ្នកនូវកំណត់ហេតុរបស់អ្នកដែលកត់ត្រាពេលវេលា​ដែលត្រូវការដើម្បីទទួលបានសេវាជំនួយវេជ្ជសាស្រ្តប្រែប្រួល។ អ្នកគួរតែពន្យល់ថា ពេលវេលាជាមធ្យមដែលអ្នកត្រូវការគឺច្រើន​ជាងពេ​លវេលាដែលអ្នកត្រូវការនៅថ្ងៃដែលគិលានុបដ្ឋាយិការបស់ខោនធីបានសង្កេតឃើញអ្នកកំពុងទទួលបានសេវាជំនួយវេជ្ជសាស្រ្ត។ អ្នកគួរតែសុំឱ្យវេជ្ជបណ្ឌិតរបស់អ្នកផ្តល់ពេលវេលាដែលត្រូវការសម្រាប់អ្នកដើម្បីទទួលបានសេវាជំនួយវេជ្ជសាស្រ្តនីមួយៗ។
• ខោនធីនិយាយថា ការទទួលបានសេវាកម្មរបស់ទីភ្នាក់ងារថែទាំសុខភាព​នៅ​ផ្ទះរបស់អ្នកនឹងកាត់បន្ថយចំនួនម៉ោង IHSS ដែលអ្នក​អាចទទួល​បាន។
  • ការឆ្លើយតប៖ សេវាកម្មរបស់ទីភ្នាក់ងារថែទាំសុខភាពនៅផ្ទះ និងសេវាកម្មផ្សេងទៀត​ដែ​លផ្តល់ជូនតាមរយៈការលើកលែងសេវាកម្មផ្អែកតាមផ្ទះ និងសហគមន៍ (HCBS) មិនមែនជាធនធានជំនួសទេ។ សេវាកម្មលើកលែង HCBS ត្រូវបានផ្តល់ជូនបន្ទាប់ពីម៉ោងធ្វើការ IHSS ត្រូវបានសម្រេច។ ទីភ្នាក់ងារថែទាំសុខភាពនៅផ្ទះអាចផ្តល់សេវាកម្មដែល IHSS មិនផ្តល់ និង​/ឬលើសពីអ្វីដែល IHSS អាចផ្តល់បាន ដូចជាការថែទាំ​ដោយគិលានុ​បដ្ឋាយិកា ការព្យាបាលដោយចលនា ឬការព្យាបាលដោយការងារ សេវា​ស​ង្គមកិច្ចវេជ្ជសាស្ត្រ និងការថែទាំដៃគូ។
• ខោនធីនិយាយថា កម្រិតនៃចលនាគឺជាសេវាថែទាំខ្លួន ហើយខោនធី​ជា​អ្នកសម្រេចលើការមានសិទ្ធិ និងចំនួនម៉ោង។
  • ការឆ្លើយតប៖ នៅពេលដែលវេជ្ជបណ្ឌិតចេញវេជ្ជបញ្ជាអំពីកម្រិតនៃចលនាដើម្បីកែលម្អ និងរក្សាមុខងារក្នុងពេលតែមួយ វាគឺជាសេវាជំនួយវេជ្ជសាស្រ្ត ប្រសិន​បើ​វា​បំពេញតាមលក្ខណៈវិនិច្ឆ័យពីចំណុច 2 ដល់ 4(e) ខាងលើ។ អ្នកគួរតែសុំឱ្យវេជ្ជបណ្ឌិតរបស់អ្នកដាក់បញ្ចូលព័ត៌មាននេះនៅលើទម្រង់ SOC 321។

កន្លែងដែលត្រូវរកព័ត៌មានបន្ថែមអំពីសេវាជំនួយវេជ្ជសាស្រ្ត

សម្រាប់ព័ត៌មានបន្ថែមអំពីសេវាជំនួយវេជ្ជសាស្រ្ត និងលក្ខខណ្ឌតម្រូវនៃ​សិទ្ធិទទួលបាន និងព័ត៌មានមានប្រយោជន៍ផ្សេងទៀត សូមមើល​ឯក​សា​របោះពុម្ពផ្សាយអំពីសេវាជំនួយវេជ្ជសាស្រ្តរបស់យើងដែលមាននៅទីនេះ៖ សេវាជំនួយវេជ្ជសាស្រ្តតាមរយៈកម្មវិធី IHSS។

ការត្រួតពិនិត្យការពារ

តើការត្រួតពិនិត្យការពារជាអ្វី?

ការត្រួតពិនិត្យការពារគឺជាសេវាកម្មមួយស្ថិតនៅក្រោមកម្មវិធីសេវាផ្តល់ជំនួយនៅផ្ទះ (IHSS)។ វាផ្តល់ការតាមដានសម្រាប់អ្នកទទួលសេវា IHSS ដែល "មិនដឹក​នាំដោ​យខ្លួនឯង" ដែលមានការចុះខ្សោយផ្នែកយល់ដឹង ស្ថានភាពសុខភាព​ផ្លូវ​ចិត្ត ឬស្ថានភាពផ្សេងទៀតដើម្បីធានាថា ពួកគេមិនធ្វើបាបខ្លួនឯង​ដោ​យ​ចៃដន្យ។22 អ្នកផ្តល់សេវា IHSS អាចទទួល​បា​ន​ប្រា​ក់ឈ្នួលដើម្បីត្រួតពិនិត្យអ្នកទទួលសេវា ដើម្បីទប់ស្កាត់របួស ឬគ្រោះ​ថ្នា​ក់ និ​ង​ផ្តល់ការណែនាំបន្តផ្ទាល់មាត់ ឬអន្តរាគមន៍ផ្សេងទៀត​តាម​តម្រូ​វ​ការ​។23

ចំនួនម៉ោងជាអតិបរមាដែលបុគ្គលម្នាក់អាចទទួលបានសម្រាប់ការត្រួតពិនិត្យការពារគឺអាស្រ័យលើកម្មវិធីណាដែលសេវាកម្ម IHSS ត្រូវបានផ្តល់​មូលនិធិ៖

• កម្មវិធីសេវាថែទាំខ្លួន (PCSP)
• កម្មវិធីជម្រើសដំបូងរបស់សហគមន៍ (CFCO)
• កម្មវិធី IHSS Plus Option (IPO) និង
• កម្មវិធី IHSS Residual (IHSS-R)។

ប្រសិនបើអ្នកមានលក្ខណៈសម្បត្តិគ្រប់គ្រាន់ជា "អ្នកចុះខ្សោយធ្ងន់ធ្ងរ" ហើយទទួលបានការត្រួតពិនិត្យការពារ អ្នកនឹងទទួលបានសេវាកម្ម IHSS ចំនួន 283 ម៉ោងក្នុងមួយខែ។ ប្រសិនបើអ្នក “ចុះខ្សោយមិនធ្ងន់ធ្ងរ” ហើយទទួលបានការ​ត្រួត​ពិនិ​ត្យ​កា​រ​ពារ នោះអ្នកនឹងទទួលបានសេវាកម្មយ៉ាងហោចណាស់ 195 ម៉ោងក្នុង​មួ​យ​ខែ។

តើអ្នកណាខ្លះចុះខ្សោយធ្ងន់ធ្ងរ?

បុគ្គលដែល "ចុះខ្សោយធ្ងន់ធ្ងរ" ទទួលបានសេវាកម្មចាប់ពី 20 ម៉ោង​ឡើ​ងទៅក្នុងមួយសប្តាហ៍នៃសេវាកម្ម IHSS ដូចខាងក្រោម៖ សេវាថែទាំ​ខ្លួ​ន ការរៀបចំអាហារ និង/ឬការសម្អាត (នៅពេលដែលទាមទារបញ្ចុក​អា​ហារ​) និងសេវាជំនួយវេជ្ជសាស្រ្ត។24

តើអ្នកណាខ្លះមានសិទ្ធិទទួលបានការត្រួតពិនិត្យការពារ?

ដើម្បីទទួលបានការត្រួតពិនិត្យការពារ បុគ្គលណាម្នាក់ត្រូវតែ៖

• មាន “ការចុះខ្សោយផ្នែកយល់ដឹង”, “ស្ថានភាពសុខភាពផ្លូវចិត្ត” ឬ “ស្ថាន​ភា​ពផ្សេងទៀត” ដូចជាការចុះខ្សោយផ្លូវចិត្ត ឬជំងឺផ្លូវចិត្ត ដែលបណ្តាល​ឱ្យ​​មាន​ដែនកំណត់មុខងារនៅក្នុង៖
  • ការចងចាំ
  • ការតម្រង់ទិស
  • ការវិនិច្ឆ័យ25
• ការមិនដឹកនាំដោយខ្លួនឯង។
• ការមិនដឹកនាំដោយខ្លួនឯងន័យថាបុគ្គលនោះ៖ ( 1) មិនអាចវាយតម្លៃដោយយល់ដឹងពីគ្រោះថ្នាក់ និងហានិភ័យ​នៃ​គ្រោះ​ថ្នាក់ និង (2) មានហានិភ័យនៃការរងរបួស គ្រោះថ្នាក់ ឬឧប្បទ្ទវហេ​តុ​ដោយសារតែការចុះខ្សោយផ្នែកយល់ដឹង ឬស្ថានភាពសុខភាពផ្លូវចិត្ត ឬស្ថានភាពផ្សេងទៀត។26
• មានសមត្ថភាពរាងកាយក្នុងការធ្វើសកម្មភាពគ្រោះថ្នាក់។
• ប្រសិនបើបុគ្គលណាម្នាក់មិនអាចធ្វើចលនាដោយឯករាជ្យ ហើយមិន​អា​ច​ធ្វើបាបខ្លួនឯងបានទេ ពួកគេនឹងមិនអាចទទួលបាន​ការត្រួត​ពិនិត្យ​ការពារឡើយ។ មនុស្សចាស់ដែលភ្លេចភ្លាំង ឬមិនយល់ថាពួកគេលែងអាចដើរដោយ​គ្មា​ន​ជំនួយបានទៀតហើយ ប៉ុន្តែព្យាយាមដើរអាចមានសិទ្ធិទទួល​បាន​ការត្រួ​ត​ពិនិត្យការពារ។ ដើម្បីមានសិទ្ធិទទួលបានការត្រួតពិនិត្យការពារ អ្នកទទួលមិន​ចាំបាច់​រងរបួសពិតប្រាកដទេ គ្រាន់តែមានប្រវត្តិធ្លាប់ធ្វើឲ្យខ្លួនឯងឱ្យស្ថិត​ក្នុង​គ្រោះថ្នាក់គឺបានហើយ។27
• តម្រូវឱ្យមានការត្រួតពិនិត្យ 24 ម៉ោងក្នុងមួយថ្ងៃដើម្បីរក្សាសុវត្ថិភាព​នៅផ្ទះ។​28
• បុគ្គលិក IHSS ត្រូវតែសម្រេចចិត្តថា អ្នកទទួលសេវាកម្មត្រូវការឲ្យឃ្លាំ​មើ​ល 24 ម៉ោងក្នុងមួយថ្ងៃ ហើយអាចរក្សាសុវត្ថិភាពនៅផ្ទះបាន ប្រសិនបើ​ការត្រួតពិនិត្យការពារត្រូវបានផ្តល់ជូន។ ប្រសិនបើអាកប្បកិរិយានេះមិនអាចទាយទុកជាមុនបាន បុគ្គល​នោះ​ត្រូ​វ​ការឲ្យឃ្លាំមើល 24 ម៉ោងក្នុងមួយថ្ងៃ ពីព្រោះត្រូវការការត្រួតពិនិត្យ​ជាប់​ជា​និច្ច។ ប្រសិនបើអាកប្បកិរិយានេះអាចទស្សន៍ទាយបាន (អាកប្បកិរិយា​នេះ​កើ​តឡើងតែនៅពេលវេលាជាក់លាក់នៃពេលថ្ងៃ ឬក្នុងកាលៈទេសៈមាន​កំ​ណត់មួយចំនួន) ការត្រួតពិនិត្យការពារអាចត្រូវបានបដិសេធ ពីព្រោះ​មិ​ន​ចាំ​បាច់​មានការឃ្លាំមើល 24 ម៉ោងក្នុងមួយថ្ងៃទេ។29

តើការត្រួតពិនិត្យការពារអាចត្រូវបានបដិសេធនៅពេលណា?

ការត្រួតពិនិត្យការពារនឹងត្រូវបានបដិសេធ ប្រសិនបើមនុស្សម្នាក់ត្រូវ​ការ​ការត្រួតពិនិត្យការពារសម្រាប់៖

• ការទៅសួរសុខទុក្ខបែបមិត្តភ័ក្តិ ឬសកម្មភាពសង្គមនានា។
• នៅពេលដែលតម្រូវការបណ្តាលមកពីលក្ខខណ្ឌវេជ្ជសាស្រ្ត ហើយបុគ្គល​នោះ​ត្រូវការការគ្រប់គ្រងបែបវេជ្ជសាស្រ្ត។
• ក្នុងការរំពឹងទុកនៃភាពអាសន្នផ្នែកវេជ្ជសាស្រ្ត។ ឧទាហរណ៍រួមមានការត្រួតពិនិត្យមនុស្សម្នាក់រកមើលការប្រកាច់ ជំងឺ​ដា​ច់​សរសៃឈាមខួរក្បាល ការគាំងបេះដូង ឬជំងឺហឺត និងការផ្តល់វិធាន​ការ​សង្គ្រោះជីវិតដូចជាការវាស់កម្រិតជាតិស្ករក្នុងឈាមរបស់អ្នកជំងឺទឹកនោមផ្អែម ឬការផ្តល់អាំងស៊ុយលីន។
• ដើម្បីគ្រប់គ្រងអាកប្បកិរិយាប្រឆាំងនឹងសង្គម ឬអាកប្បកិរិយាគឃ្លើន​រប​ស់អ្នកទទួលសេវា។ ឧទាហរណ៍ របួសដល់អ្នកដទៃ ការបំផ្លាញទ្រព្យសម្បត្តិ ឡាំប៉ា និង/ឬ​ការ​ឈ្លោះ​ប្រកែកគ្នា។
• ដើម្បីការពារប្រឆាំងនឹងអាកប្បកិរិយាបំផ្លាញខ្លួនឯងដោយចេតនា ដូច​ជាការធ្វើអត្តឃាត ឬនៅពេលដែលបុគ្គលនោះចង់ធ្វើបាប​ខ្លួនឯង​ដោយ​ចេតនា។ “ចេតនា” មានន័យថា បន្ទាប់ពីពិចារណាយ៉ាងយកចិត្ត​ទុកដាក់​អំពី​ផ​លប៉ះពាល់ និងផលវិបាក។30

សម្គាល់៖ អ្នកទទួលសេវាដែលមិនដឹកនាំខ្លួនឯង និងបង្ហាញអាកប្បកិរិយា​បំផ្លា​ញ​ខ្លួនឯង ដូចជាការបោកក្បាល ជាការបង្ហាញការចុះខ្សោយផ្លូវចិត្ត/ជំងឺ​ផ្លូវ​ចិត្ត អាចមានសិទ្ធិទទួលបាន PS។

អ្នកទទួលដែលបង្ហាញអាកប្បកិរិយាបំផ្លាញខ្លួនឯងដោយចេតនា ដោយ​ដឹ​ងថាសកម្មភាពនេះអាចបណ្តាលឱ្យមានគ្រោះថ្នាក់ដល់ខ្លួនឯង នឹង​មិ​ន​មានសិទ្ធិទទួលបានការត្រួតពិនិត្យការពារនោះទេ។ អាកប្បកិរិយាប្រភេទនេះអាចរួមបញ្ចូលការឡាំប៉ា ឬការបោក​ក្បាលជា​ម​ធ្យោបាយមួយដើម្បីសម្រេចបានលទ្ធផលដែលចង់បាន។ ក្នុងករណីនេះ អ្នកទទួលនឹងត្រូវបានចាត់ទុកថាជាអ្នក​ដឹកនាំខ្លួន​ឯ​ង ព្រោះដឹងថាសកម្មភាពនេះគឺជាការបង្កគ្រោះថ្នាក់ដល់ខ្លួនឯង ដូច្នេះ​គាត់នឹងមិនមានសិទ្ធិទទួលបានការត្រួតពិនិត្យការពារទេ។30

តើអាកប្បកិរិយាគ្រោះថ្នាក់អ្វីខ្លះដែលអាចបង្ហាញពីតម្រូវការការត្រួតពិនិត្យការពារ?

ឧទាហរណ៍នៃអាកប្បកិរិយាគ្រោះថ្នាក់អាចរួមមាន៖

• ការដើរចេញពីផ្ទះ ហើយវង្វេងផ្លូវ
• ការឱ្យមនុស្សចម្លែកចូលក្នុងផ្ទះ
• ការបើកហ្គាសនៅលើចង្ក្រានបាយ ហើយទុកវាចោល
• ការបង្កាត់ភ្លើង
• ការបើកទឹកហូរចោល
• ការញ៉ាំរបស់ដែលមិនមែនអាហារ (សាប៊ូ ឬដី)
• ការញ៉ាំអាហារខុស (អាហារដែលបង្កឱ្យមានប្រតិកម្មអាលែកហ្ស៊ី ឬផ្លាស់​ប្តូរ​កម្រិតជាតិស្ករក្នុងឈាមយ៉ាងគ្រោះថ្នាក់)
• ការលេបថ្នាំដែលមិនត្រូវបានចេញវេជ្ជបញ្ជា ឬមិនសមស្រប
• ការបោកក្បាល (អាកប្បកិរិយាមិនដឹកនាំខ្លួនឯង និង/ឬអចេតនា)
• ការខាំខ្លួនឯង (ដែលមិនដឹកនាំខ្លួនឯង និង/ឬអចេតនា)
• ការខ្វាចខ្លួនឯង (ដែលមិនដឹកនាំខ្លួនឯង និង/ឬអចេតនា)
• ការបេះស្បែក (ដែលមិនដឹកនាំខ្លួនឯង និង/ឬអចេតនា)
• ការប្រើកាំបិត ឬវត្ថុប្រើប្រាស់ក្នុងផ្ទះដែលមុតស្រួចផ្សេងទៀត​ដោយ​មិ​ន​ត្រឹ​មត្រូវ
• ការលូកដៃចូលក្នុងម៉ាស៊ីនក្រឡុក ឬម៉ាស៊ីនកិនកាកសំណល់អាហារនៅ​ពេ​លផ្លែកំបិតកំពុងដំណើរការ
• ការលូកដៃ ឬយកមុខដាក់នៅជិត ឬចូលខ្ទះក្តៅពេលកំពុងចម្អិន
• ការដាក់ក្បាលចូលក្នុងឡក្តៅ
• ការលោតចូលទៅក្នុងស្រះទឹកដោយមិនចេះហែលទឹក

តើកុមារត្រូវបានវាយតម្លៃសម្រាប់ការត្រួតពិនិត្យការពារយ៉ាងដូចម្តេច?

ខោនធីអនុវត្តតាមនីតិវិធី 4 ជំហានដើម្បីកំណត់សិទ្ធិទទួល​បាន​ការ​ត្រួ​តពិនិត្យការពាររបស់កុមារ។31 កុមារអាចទទួលបានសេវាត្រួតពិនិត្យការពារ ប្រសិនបើកុមារបំពេញបានតាមលក្ខណៈ​វិនិ​ច្ឆ័​យនៃសិទ្ធិទទួលបានទាំងអស់ដូចខាងក្រោម៖

1. កុមារមិនអាចដឹកនាំខ្លួនឯងបានដោយសារតែការចុះខ្សោយផ្លូវចិត្ត/ជំងឺផ្លូវចិត្ត។ នេះមានន័យថា កុមារមិនអាចវាយតម្លៃគ្រោះថ្នាក់បានទេ ហើយអាច​ធ្វើ​បាបខ្លួនឯងដោយចៃដន្យ។
2. កុមារទំនងជាធ្វើសកម្មភាពដែលអាចបង្កគ្រោះថ្នាក់។ នេះមានន័យថាកុមារមានសមត្ថភាពរាងកាយក្នុងការធ្វើឲ្យខ្លួនឯងមានគ្រោះថ្នាក់។ បើមិនដូច្នោះទេ អនីតិជនមិនអាចទទួលបានការត្រួតពិនិត្យការពារ​បាន​ទេ។
3. កុមារត្រូវការ “ការត្រួតពិនិត្យច្រើន” ជាងកុមារដែលមានអាយុស្រករគ្នាដែលគ្មានការចុះខ្សោយផ្លូវចិត្ត ឬជំងឺផ្លូវចិត្ត។ នេះមានន័យថា កុមារត្រូវតែត្រូវបានឃ្លាំមើល និងណែនាំបន្តជានិច្ច ដើម្បី​ចៀសវាងការរងរបួស ផ្ទុយពីកុមារដែលមិនមានការចុះខ្សោយផ្លូវ​ចិ​ត្ត ឬ​ជំ​ងឺ​ផ្លូវចិត្ត ដែលអាចមានសុវត្ថិភាពជាមួយនឹងការថែទាំកុមារ​ជាប្រ​ចាំ។ ឧទាហរណ៍ កុមារដែលមិនមានពិការភាពនឹងស្គាល់ការឈឺចាប់ ហើយ​ឈ​ប់​ប្រព្រឹត្តអំពើដែលបង្កគ្រោះថ្នាក់។ កុមារដែលមានពិការភាពផ្លូវចិត្តអាចមិនស្គាល់ការឈឺចាប់ ហើយនឹង​ធ្វើ​បាបខ្លួនឯងជាបន្តបន្ទាប់រហូតដល់មានការណែនាំបន្ត។ ការត្រួតពិនិត្យបន្ថែមទៀតគឺត្រូវការជាចាំបាច់ ពីព្រោះមានតម្រូវ​ការ​ជា​ប្រ​ចាំដើម្បី ត្រួតពិនិត្យយ៉ាងហ្មត់ចត់ (ឧ. ការឃ្លាំមើលកុមារ) និងដើម្បី​ណែ​នាំបន្តដើម្បីចៀសវាងការរងរបួស។
4. អនីតិជនត្រូវការត្រួតពិនិត្យ 24 ម៉ោងក្នុងមួយថ្ងៃ ដើម្បីរក្សា​សុវត្ថិភាព​នៅ​ផ្ទះ។ កុមារត្រូវតែមានអាកប្បកិរិយាដែលមិនអាចទាយទុកជាមុនបាន ដែល​ត​ម្រូវឲ្យតាមដានកុមារ 24 ម៉ោងក្នុងមួយថ្ងៃ។ ការត្រួតពិនិត្យការពារនឹងត្រូវបានបដិសេធប្រសិនបើអាកប្បកិរិយារបស់កុមារអាចទាយទុកជាមុនបាន។

តើទម្រង់បែបបទអ្វីខ្លះដែលគួរតែបំពេញដើម្បីដាក់ពាក្យសុំការត្រួតពិនិត្យការពារ?

គ្រូពេទ្យព្យាបាលត្រូវតែបំពេញទម្រង់​ទម្រង់ SOC 821 ស្តីពី​ការវាយតម្លៃលើតម្រូវការដើម្បីត្រួតពិនិត្យការពារសម្រាប់កម្មវិធីសេវាផ្តល់ជំនួយនៅក្នុងផ្ទះ សម្រាប់អ្នកទទួលសេវាកម្ម IHSS ដើម្បី​ទទួ​ល​បានការត្រួតពិនិត្យការពារ។ ខោនធីអាចផ្ញើទម្រង់នេះទៅវេជ្ជបណ្ឌិតព្យាបាលដើម្បីស្នើសុំព័ត៌មានអំពីស្ថានភាពផ្លូវចិត្តរបស់អ្នកទទួលសេវាកម្ម និងមូលហេតុដែល​បុគ្គលនោះ​ត្រូវការការត្រួតពិនិត្យការពារ។ ប្រាប់ការិយាល័យវេជ្ជបណ្ឌិតថាខោនធីនឹងផ្ញើទម្រង់ SOC 821 ហើយជួយ​វេជ្ជបណ្ឌិតបំពេញវា។ វាជារឿងសំខាន់សម្រាប់វេជ្ជបណ្ឌិតសរសេរឧទាហរណ៍នៃអាកប្បកិរិយាគ្រោះ​ថ្នាក់ និងពន្យល់ពីមូលហេតុដែលពិការភាពរបស់​កុមាររារាំងពួក​គេ​មិនឲ្យនៅម្នាក់ឯង។

តើខ្ញុំត្រូវដោះស្រាយជាមួយនឹងការបដិសេធការត្រួតពិនិត្យការពារយ៉ាងដូចម្តេច?

ខោនធីនានាមានលេសទូទៅជាច្រើនដើម្បីប្រាប់នរណាម្នាក់ថាពួកគេមិនមានសិទ្ធិទទួលបាន។ ខាងក្រោមនេះគឺជាបញ្ជីនៃបញ្ហាទូទៅ និងវិធីដើម្បីបដិសេធវា។

តើមានការចុះខ្សោយផ្លូវចិត្តធ្ងន់ធ្ងរដែរទេ?

• លេសរបស់ខោនធី៖ មិនមានការចុះខ្សោយផ្លូវចិត្តធ្ងន់ធ្ងរត្រូវបានសង្កេតឃើញក្នុងពេលចុះមកពិនិត្យដល់ផ្ទះទេ។
  • ការឆ្លើយតប៖ ការចុះមកពិនិត្យដល់ផ្ទះដោយបុគ្គលិកគឺមានរយៈពេលខ្លីពេក បុគ្គលិក​បានសង្កេតឃើញអាកប្បកិរិយា ហើយមិនបានឆ្លើយសំណួរអំពី​គោលការ​ណ៍​ណែនាំទេ។ កំណត់ហេតុប្រចាំថ្ងៃរបស់អ្នក លិខិតបញ្ជាក់របស់វេជ្ជបណ្ឌិត ការវាយតម្លៃ ឬរបាយការណ៍ព្យាបាល ABA និង/ឬឯកសារវាយតម្លៃរបស់ខោនធី​បង្ហា​ញ​ពីការចុះខ្សោយផ្លូវចិត្តធ្ងន់ធ្ងរ។
• លេសរបស់ខោនធី៖ ត្រូវការការត្រួតពិនិត្យការពារដោយសារតែការចុះខ្សោយផ្លូវកាយ មិន​មែ​ន​ការចុះខ្សោយផ្លូវផ្លូវចិត្តទេ។
  • ការឆ្លើយតប៖ ដោយសារតែការចុះខ្សោយផ្លូវចិត្ត បុគ្គលនោះមិនយល់ពីការ​ចុះខ្សោយ​ផ្លូវ​កាយ មិនយល់ ឬយល់ដឹងផលវិបាកនៃសកម្មភាពរបស់ពួកគេទេ។ ឧទាហរណ៍រួមមានការព្យាយាមក្រោកឈរ ឬដើរដោយគ្មានជំនួយ​ពីព្រោះ​ម​នុស្សម្នាក់មិនយល់ថា ពួកគេមិនអាចធ្វើបានដោយគ្មាន​ហានិ​ភ័យ​នៃ​របួសនោះទេ។
• លេសរបស់ខោនធី៖ ការចុះខ្សោយផ្លូវកាយបង្កឱ្យមានអាកប្បកិរិយាគ្រោះថ្នាក់ ពីព្រោះអ្នក​ទទួ​លសេវាដឹងពីអ្វីដែលពួកគេកំពុងធ្វើ។
  • ការឆ្លើយតប៖ ការចុះខ្សោយផ្លូវចិត្តបណ្តាលឱ្យអ្នកទទួលសេវាធ្វើសកម្មភាពគ្រោះថ្នាក់ ឬ​ធ្វើ​ឲ្យខ្លួនឯងស្ថិតក្នុងស្ថានភាពគ្រោះថ្នាក់។ ពួកគេមិនដឹង ឬមិនអាចយល់ថាពួកគេមានការចុះខ្សោយផ្លូវកាយ និង​/ឬបញ្ឈប់ខ្លួនឯងពីការធ្វើអាកប្បកិរិយាគ្រោះថ្នាក់ និងធ្វើឱ្យ​ខ្លួនឯង​រង​របួសដោយចៃដន្យ។

តើមានអាកប្បកិរិយាគ្រោះថ្នាក់នៅផ្ទះដែរឬទេ?

• លេសរបស់ខោនធី៖ អ្នកទទួលសេវាមិនមានរបួសអ្វីថ្មីៗនេះទេ។
  • ការឆ្លើយតប៖ អ្នកទទួលសេវាមិនតម្រូវឱ្យមានរបួសដើម្បីទទួលបានការត្រួតពិនិត្យការពារនោះទេ គ្រាន់តែមានប្រវត្តិធ្លាប់ធ្វើឲ្យខ្លួនឯងមានគ្រោះថ្នាក់តែ​ប៉ុណ្ណឹ​ងទៅបានហើយ។ អ្នកទទួលសេវាត្រូវបានត្រួតពិនិត្យយ៉ាងល្អដើម្បីបង្ការរបួស។
• លេសរបស់ខោនធី៖ មិនមានភស្តុតាងនៃអាកប្បកិរិយាគ្រោះថ្នាក់ណាមួយត្រូវបានគេសង្កេតឃើញក្នុងអំឡុងពេលចុះមកពិនិត្យនៅផ្ទះដោយបុគ្គលិក IHSS នោះទេ។
  • ការឆ្លើយតប៖ អ្នកទទួលសេវាធ្វើសកម្មភាពគ្រោះថ្នាក់ជាញឹកញាប់ពេញមួយថ្ងៃ មិ​ន​មែ​ន​រៀ​ងរាល់ម៉ោងទេ ខានមួយថ្ងៃមុន និងក្រោយហេតុការណ៍នោះ ខោ​នធី​មិ​ន​អាចធ្វើការទូទៅពីការទៅពិនិត្យដល់ផ្ទះរយៈពេល 1 ម៉ោងទៅ 24 ម៉ោង​ក្នុង​មួយថ្ងៃបានទេ។
• លេសរបស់ខោនធី៖ ដែនកំណត់រាងកាយរារាំងអ្នកទទួលសេវាមិនឲ្យធ្វើអ្វីដែលមានគ្រោះថ្នាក់។
  • ការឆ្លើយតប៖ អ្នកទទួលសេវាមានសមត្ថភាពរាងកាយក្នុងការធ្វើសកម្មភាពដែលអាចបង្កគ្រោះថ្នាក់ដូចជាការដកបំពង់កាតេទែរ បំពង់ G បំពង់ជំនួយដង្ហើម​ជា​ដើម ហើយនឹងធ្វើសកម្មភាពគ្រោះថ្នាក់ដោយសារតែការ​ចុះខ្សោយនៃ​ការ​យ​ល់ដឹង ស្ថានភាពសុខភាពផ្លូវចិត្ត ឬស្ថានភាពផ្សេងទៀត ហើយអាចធ្វើឱ្យ​ខ្លួន​ឯងរងរបួសដោយចៃដន្យ។
• លេសរបស់ខោនធី៖ មិនមានសិទ្ធិទទួលបានដោយសារតែបង្ហាញអាកប្បកិរិយាគឃ្លើន និង​ប្រ​ឆាំងនឹងសង្គម ពោលគឺវាយអ្នកដទៃ ឬបំផ្លាញទ្រព្យសម្បត្តិ។
  • ការឆ្លើយតប៖ ប្រសិនបើអ្នកទទួលសេវាបង្ហាញអាកប្បកិរិយាធ្វើបាបខ្លួនឯងដែលនឹងមានលក្ខណៈសម្បត្តិគ្រប់គ្រាន់ក្នុងការទទួលបានការត្រួតពិនិត្យការពារ ហើយក៏មានអាកប្បកិរិយាគឃ្លើន និងប្រឆាំងនឹងសង្គមផងដែរ អ្នក​ទ​ទួ​លអាចទទួលបានការត្រួតពិនិត្យការពារដើម្បីបង្ការអាកប្បកិរិយាធ្វើបាបខ្លួនឯងដ៏គ្រោះថ្នាក់។

តើការត្រួតពិនិត្យ 24 ម៉ោងដែលត្រូវការ និងទទួលបានដែរឬទេ?

• លេសរបស់ខោនធី៖ ត្រូវការការណែនាំបន្តខាងផ្លូវកាយ មិនមែនគ្រាន់តែមើល ឬបញ្ជា​ដោយ​ពាក្យសំដីនោះទេ។
  • ការឆ្លើយតប៖ ការត្រួតពិនិត្យរួមមានការណែនាំបន្ត និងអន្តរាគមន៍មួយចំនួន។
• លេសរបស់ខោនធី៖ ក្រុមគ្រួសារបំបាក់ទឹកចិត្តឯករាជ្យភាព និងកាន់ជើងបុគ្គលដែលមាន​ពិ​ការភាពបញ្ញាកម្រិតស្រាល។
  • ការឆ្លើយតប៖ ឯករាជ្យភាពកាន់តែច្រើនបានបណ្តាលឱ្យមានរបួស ឬស្ទើរតែមាន​គ្រោះ​ថ្នាក់កន្លងមក អ្នកផ្សេងទៀត រួមទាំងមជ្ឈមណ្ឌលប្រចាំតំបន់ និង/ឬ​វេជ្ជ​បណ្ឌិតណែនាំឱ្យមានការត្រួតពិនិត្យ 24 ម៉ោង។
• លេសរបស់ខោនធី៖ បរិស្ថានអាចត្រូវផ្លាស់ប្តូរដើម្បីលុបបំបាត់ហានិភ័យ ឬលុបបំបាត់​អាក​ប្ប​កិរិយាគ្រោះថ្នាក់។ ឧទាហរណ៍នៃការផ្លាស់ប្តូរដែលអាចកើតមានរួមមាន ការដក​ប៊ូតុង​មូល​ហ្គា​សរបស់ចង្រ្កានផ្ទះ ចាក់សោឧបករណ៍ ឬទូ ទល់រទេះរុញ ចងភ្ជាប់អ្នក​ទទួ​ល​ក្នុងរទេះរុញ ដកប៊ូតុងមូលទឹកក្តៅរបស់ក្បាលរ៉ូប៊ីនេចេញ ដំឡើង​រ​នាំ​ង​គ្រែ​ខ្ពស់ជាងមុនដើម្បីបញ្ឈប់ការដើរពេលយប់ ដំឡើងសោ​ដែលមាន​សោ​រឹងមាំ ភ្ជាប់ប៊ូឡុងគ្រឿងសង្ហារិម។
  • ការឆ្លើយតប៖ មិនទាមទារការកែច្នៃបរិស្ថាន។32
• លេសរបស់ខោនធី៖ កុមារតែងតែត្រូវការការត្រួតពិនិត្យពីមនុស្សពេញវ័យ។
  • ការឆ្លើយតប៖ ដោយសារតែការចុះខ្សោយនៃការយល់ដឹង ស្ថានភាពសុខភាពផ្លូវចិត្ត ឬ​ស្ថា​ន​ភាពផ្សេងៗទៀត កុមារត្រូវការការត្រួតពិនិត្យច្រើនជាងកុមារដែល​មានវ័យស្រករគ្នាដែលមិនមានការចុះខ្សោយនៃការយល់ដឹង ស្ថានភាព​សុ​ខភាពផ្លូវចិត្ត ឬស្ថានភាពផ្សេងៗទៀត។
    *សូមចំណាំថា វាកាន់តែពិបាកក្នុងការបង្កើតសិទ្ធិទទួលបាន​ការត្រួត​ពិ​និ​ត្យ​​ការពារសម្រាប់កុមារតូចៗ។ ទោះបីជាមិនមានលក្ខខណ្ឌតម្រូវនៃអាយុដើម្បីទទួលបានការត្រួតពិនិត្យការពារក៏ដោយ កុមារអាយុ 5 ឆ្នាំ និងក្រោមនេះនឹងមានការលំបាកក្នុង​ការមានលក្ខណៈសម្បត្តិគ្រប់គ្រាន់ក្នុងការទទួលបានការត្រួតពិនិត្យការពារដោយគ្មានភស្តុតាងគាំទ្រ ពីព្រោះកុមារតូចៗជាធម្មតា​ត្រូវការការ​ត្រួ​ត​ពិនិត្យយ៉ាងដិតដល់ដោយសារតែអាយុរបស់ពួកគេ។
• លេសរបស់ខោនធី៖ ចូលរៀនថ្នាក់ឳពុកម្តាយអប់រំកូនអំពីអាកប្បកិរិយា។
  • ការឆ្លើយតប៖ វិធាន IHSS មិនតម្រូវឱ្យចូលរៀនថ្នាក់ឳពុកម្តាយអប់រំកូនទេ។
• លេសរបស់ខោនធី៖ ខោនធីបានផ្តល់ការត្រួតពិនិត្យការពារមិនត្រឹមត្រូវ ការវាយតម្លៃ​ឡើងវិ​ញ​បង្ហាញថាគ្មានសិទ្ធិទទួលបានទេ។
  • ការឆ្លើយតប៖ អ្នកទទួលសេវាមិនមានការផ្លាស់ប្តូរនៅក្នុងទម្រង់ SOC 293, Line H អំ​ពី​ចំណាត់ថ្នាក់មុខងារផ្លូវចិត្តទេ មិនមានការផ្លាស់ប្តូរនៅក្នុង​ផ្ទះរបស់​អ្ន​ក​ទទួលសេវា ឬស្ថានភាពផ្លូវចិត្តរបស់ពួកគេទេ។ ទម្រង់ SOC 293 មាននៅក្នុងឯកសារ IHSS របស់អ្នក។ អ្នកអាចស្នើសុំឱ្យខោនធីផ្តល់ច្បាប់ចម្លងនៃទម្រង់នេះដល់អ្នកបាន។

ចំពោះព័ត៌មានបន្ថែមអំពីការត្រួតពិនិត្យការពារ និងគន្លឹះអំពី​របៀប​ទ​ទួលបានវា សូមអានសៀវភៅបោះផ្សាយស្ដីពីការត្រួតពិនិត្យ​ការពារសេវា​ផ្តល់​ជំនួយនៅក្នុងផ្ទះរបស់ DRC៖ ការត្រួតពិនិត្យការការពារផ្តល់ជំនួយនៅក្នុងផ្ទះ។

តើខ្ញុំអាចទទួលបានម៉ោង IHSS ជាអតិបរមា 283 ម៉ោងក្នុងមួយខែ​យ៉ា​ង​ដូចម្តេច?

អ្នកអាចទទួលបាន 283 ម៉ោងក្នុងមួយខែប្រសិនបើ៖

1. អ្នកទទួលបានការត្រួតពិនិត្យការពារ ហើយកំពុងទទួលបានមូលនិធិ IHSS តាមរយៈកម្មវិធីសេវាថែទាំខ្លួន (PCSP) ឬ
2. អ្នកទទួលបានការត្រួតពិនិត្យការពារ ហើយមាន "ការចុះខ្សោយធ្ងន់ធ្ងរ" ឬ
3. អ្នកទទួលបានការត្រួតពិនិត្យការពារ ហើយស្ថិតនៅក្នុងកម្មវិធី CFCO ហើយត្រូវការសេវាកម្មបន្ថែម ឬ
4. អ្នកត្រូវការយ៉ាងហោចណាស់ 283 ម៉ោងក្នុងមួយខែក្នុងសេវាកម្ម IHSS (ឧទាហរណ៍ ការថែទាំខ្លួន សេវាកម្មពាក់ព័ន្ធ និងសេវាកម្មផ្សេងៗទៀត)។

អ្នកអាចទូរសព្ទទៅបុគ្គលិក IHSS របស់អ្នក ដើម្បីសួរថាតើអ្នកកំពុង​ទទួ​លបានសេវាកម្មពីកម្មវិធី IHSS មួយណា ឬមើលលិខិតជូនដំណឹង​អំពីការ​អនុម័តសកម្មភាព IHSS របស់អ្នក។

តើអ្នកណាខ្លះដែលចាត់ទុកថាមានការចុះខ្សោយធ្ងន់ធ្ងរ?

ដើម្បីមានលក្ខណៈសម្បត្តិគ្រប់គ្រាន់ជាអ្នកមាន "ការចុះ​ខ្សោយ​ធ្ងន់​ធ្ងរ​" បុគ្គលម្នាក់ត្រូវតែទទួលបាន 20 ម៉ោង ឬច្រើនជាងនេះក្នុងមួយ​សប្តាហ៍​នៅក្នុងសេវាកម្ម IHSS ដូចខាងក្រោម៖ ការថែទាំខ្លួនដែលមិនមែន​វេជ្ជ​សា​ស្ត្រ ការរៀបចំអាហារ និងការសម្អាតអាហារនៅពេល​ដែលត្រូវ​ការការ​រៀប​ចំអាហារ និងការបញ្ចុកអាហារ និងសេវាជំនួយវេជ្ជសាស្រ្ត​។33

ដើម្បីកំណត់ថាតើអ្នកមានលក្ខណៈសម្បត្តិគ្រប់គ្រាន់ជាអ្នកមានការចុះខ្សោយ ធ្ងន់ធ្ងរឬអត់ សូមបូកពេលវេលានៅក្នុងលិខិត NOA នៃ IHSS របស់អ្នកសម្រាប់សេវាកម្មនីមួយៗដែលរាយខាងលើ។ ប្រសិនបើពួកគេត្រូវការសេវាកម្មសរុបចំនួន 20 ម៉ោង ឬច្រើន​​ជាង​នេះ​ក្នុ​ងមួយសប្តាហ៍ អ្នកត្រូវបានចាត់ទុកថាជាអ្នកមានការចុះ​ខ្សោយ​ធ្ង​ន់​ធ្ងរ។ អ្នកក៏អាចទូរសព្ទទៅបុគ្គលិក IHSS របស់អ្នកដើម្បីសួរថាតើ​អ្នកកំពុង​ចូ​លរួមក្នុងកម្មវិធីមួយណាដែរ។

តើខ្ញុំអាចមានលក្ខណៈសម្បត្តិគ្រប់គ្រាន់ថាជាអ្នកមានការចុះខ្សោយធ្ងន់ធ្ងរដោយរបៀបណា?

អ្នកអាចប្រើប្រាស់ សន្លឹកកិច្ចការស្វ័យវាយតម្លៃ​ យ៉ា​ង​ហោចណាស់មួយសប្តាហ៍ ដើម្បីកត់ត្រាពេលវេលា​ប៉ុន្មាន​ដែ​លអ្នកត្រូវការក្នុងការថែទាំខ្លួន ការរៀបចំអាហារ និងការសម្អាត​អា​ហា​រ (នៅពេលទាមទារការបញ្ចុកអាហារ) និងសេវាជំនួយវេជ្ជសាស្រ្ត។ បន្ទាប់មក សូមបូកសរុបពេលវេលាដែលអ្នកត្រូវការសម្រាប់កិច្ចការទាំង​នេះ​។ សេវាកម្មទាំងនេះត្រូវបានដាក់ស្លាកដោយសញ្ញាផ្កាយ (*) នៅលើសន្លឹក​កិ​ច្ចការស្វ័យវាយតម្លៃ។ ប្រសិនបើតម្រូវការរបស់អ្នកនៅក្នុងសេវាកម្មទាំងនេះមានយ៉ាងហោចណាស់ 20 ម៉ោងក្នុងមួយសប្តាហ៍ នោះអ្នកអាចមានលក្ខណៈសម្បត្តិ​គ្រប់​គ្រាន់ជាអ្នកមានការចុះខ្សោយធ្ងន់ធ្ងរ។

ប្រសិនបើអ្នកមានលក្ខណៈសម្បត្តិគ្រប់គ្រាន់ជាអ្នកមានការចុះខ្សោយធ្ងន់ធ្ងរ ហើយអ្នកទទួលបានការត្រួតពិនិត្យការពារ អ្នកនឹងទទួលបាន IHSS ចំនួន 283 ម៉ោងក្នុងមួយខែ។ ប្រសិនបើអ្នកមានការចុះខ្សោយមិនធ្ងន់ធ្ងរ ហើយអ្នកទទួលបានការ​ត្រួ​ត​​ពិនិ​ត្យ​កា​រ​ពារ នោះអ្នកនឹងទទួលបានសេវាកម្មយ៉ាងហោចណាស់ 195 ម៉ោងក្នុង​មួ​យ​ខែ។

សម្គាល់៖ ប្រសិនបើអ្នកមិនមានសិទ្ធិទទួលបានការត្រួតពិនិត្យការពារទេ អ្នក​នឹង​ទទួលបានសេវាកម្មត្រឹមតែ 283 ម៉ោងប៉ុណ្ណោះនៅពេលដែលតម្រូវការ​ថែ​ទាំរបស់អ្នកសរុបចំនួននេះក្នុងមួយខែៗ។

ចំនួនម៉ោងសរុបដែលអ្នកទទួលបាននឹងអាស្រ័យលើការវាយតម្លៃរបស់ខោ​នធី និងកម្មវិធី IHSS មួយណាដែលអ្នកកំពុងប្រើប្រាស់។

សវនាការយុត្តិធម៌ថ្នាក់រដ្ឋ

តើខ្ញុំត្រូវស្នើសុំសវនាការនៅពេលណា?

ប្រសិនបើអ្នកមិនយល់ស្របនឹងម៉ោង IHSS ដែលមានរាយក្នុង​លិខិត​ជូ​នដំណឹងអំពីសកម្មភាព IHSS (NOA) របស់អ្នក ឬសកម្មភាព ឬអស​កម្ម​ភាពផ្សេងទៀតដែល IHSS ធ្វើឡើងទេ អ្នកគួរតែប្តឹងឧទ្ធរណ៍ដោយ​ស្នើសុំ​សវនាការយុត្តិធម៌។

អ្នកមានពេលត្រឹមតែ 90 ថ្ងៃប៉ុណ្ណោះ ដើម្បីស្នើសុំសវនាការគិត​ចាប់ពី​កា​លបរិច្ឆេទមានរាយនៅក្នុងលិខិតជូនដំណឹងអំពីសកម្មភាពរបស់ IHSS។

អ្នកអាចប្តឹងឧទ្ធរណ៍បានរហូតដល់ 180 ថ្ងៃគិតចាប់ពីកាល​បរិច្ឆេទនៅ​លើ​លិខិតជូនដំណឹងអំពីសកម្មភាព ប្រសិនបើអ្នកមាន "មូលហេតុ​ត្រឹម​ត្រូវ" សម្រាប់ការមិនស្នើសុំសវនាការក្នុងរយៈពេល 90 ថ្ងៃ។ អ្នកអាចមានមូលហេតុត្រឹមត្រូវប្រសិនបើអ្នកមានហេតុផលសំខាន់ និង​គួរឱ្យជឿជាក់ថាហួសពីសមត្ថភាពគ្រប់គ្រងរបស់អ្នកដែលមិនស្នើសុំសវនាការក្នុងរយៈពេល 90 ថ្ងៃ។

អ្នកគួរតែទទួលបានសេចក្តីថ្លែងគោលជំហររបស់ខោនធីយ៉ាងហោចណាស់ 2 ថ្ងៃធ្វើការមុនពេលសវនាការ IHSS របស់អ្នកពីមន្ត្រីបណ្តឹងឧទ្ធរណ៍​ដែ​លត្រូវបានចាត់តាំងឱ្យតំណាងឱ្យខោនធីនៅក្នុងសវនាការ IHSS រប​ស់អ្ន​ក។ សេចក្តីថ្លែងគោលជំហរគួរតែពន្យល់ពីមូលហេតុដែលខោនធីបានធ្វើការសម្រេចចិត្តរបស់ពួកគេ។

តើខ្ញុំអាចរក្សាម៉ោង IHSS របស់ខ្ញុំមិនឱ្យថយចុះ ឬបញ្ចប់នៅ​ខណៈពេល​ដែលសវនាការរបស់ខ្ញុំកំពុងរង់ចាំបានទេ?

ប្រសិនបើខោនធីកាត់បន្ថយ ឬបញ្ចប់ម៉ោង IHSS របស់អ្នក អ្នកត្រូវតែ​ស្នើសុំសវនាការយុត្តិធម៌ និងជំនួយបង់ប្រាក់ដែលរង់ចាំការសម្រេច​មុន​ពេល​ការផ្លាស់​ប្តូរនៅក្នុងលិខិតជូនដំណឹងអំពីសកម្មភាព IHSS របស់​អ្ន​ក​ចូលជាធរ​មា​ន។ ប្រសិនបើអ្នកស្នើសុំការបង់ប្រាក់សម្រាប់សេវាសវនាការ និងជំនួយ​បង់​ប្រាក់ដែលរង់ចាំការសម្រេចមុនពេលការផ្លាស់ប្តូរនៅក្នុងលិខិតជូនដំណឹងអំពីសកម្មភាព IHSS របស់អ្នកកើតឡើង អ្នកនឹងបន្តទទួលបាន​ម៉ោ​ងធ្វើការរបស់អ្នកទាំងអស់រហូតដល់អ្នកទទួលបានការសម្រេចចិត្តជាលាយលក្ខណ៍អក្សរផ្នែករដ្ឋបាល។ ទំព័រដំបូងនៃលិខិតជូនដំណឹងអំពីសកម្មភាព IHSS របស់អ្នកនឹងប្រាប់​អ្នកពីពេលដែលការផ្លាស់ប្តូរនៅក្នុងសេវាកម្ម IHSS របស់អ្នកនឹងចាប់​ផ្តើ​ម និងកាលបរិច្ឆេទចូលជាធរមាន។ ប្រសិនបើអ្នកមិនទទួលបានលិខិតជូនដំណឹងអំពីសកម្មភាព ឬលិខិត​ជូ​ន​ដំណឹងអំពីសកម្មភាព IHSS ចូលជាធរមានក្នុងរយៈពេលតិចជាង 10 ថ្ងៃគិតចាប់ពីពេលដែលអ្នកទទួលបានលិខិតនេះ អ្នកគួរតែស្នើសុំ​សវនា​ការ និងជំនួយបង់ប្រាក់ដែលរង់ចាំការសម្រេចភ្លាម។ នៅពេលអ្នកស្នើសុំសវនាការ អ្នកនឹងត្រូវពន្យល់ថាអ្នកមិនបានទទួល​លិ​ខិ​តជូនដំណឹងអំពីសកម្មភាព IHSS ឬបានទទួលវាយឺតពេល។

តើខ្ញុំស្នើសុំសវនាការដោយរបៀបណា?

អ្នកអាចស្នើសុំសវនាការតាមអនឡាញ តាមទូរសព្ទ តាមប្រៃសណីយ៍ ឬតាមទូរសារ។

ស្នើសុំសវនាការតាមអនឡាញ៖

ចុចទីនេះដើម្បីស្នើសុំសវនាការតាមអនឡាញ។

អ្នកមានជម្រើសក្នុងការបង្កើតគណនី ACMS ដើម្បីដាក់ពាក្យបណ្តឹង​ឧ​ទ្ធ​រណ៍របស់អ្នកតាមអនឡាញ ឬដាក់ពាក្យបណ្តឹងឧទ្ធរណ៍របស់អ្នក​ដោយ​មិនចាំបាច់មានគណនី។

ស្នើសុំសវនាការតាមទូរសព្ទ៖

សូមទូរសព្ទទៅផ្នែកសវនាការរដ្ឋតាមលេខឥតគិតថ្លៃ (800) 743-8525 ឬ (855) 795-0634

សេវាសាកសួរ និងឆ្លើយតបជាសាធារណៈតាមលេខឥត​គិត​ថ្លៃ (800) 952-5253 ឬ TDD (800) 952-8349

ស្នើសុំសវនាការជាលាយលក្ខណ៍អក្សរតាមប្រៃសណីយ៍៖

ដាក់សំណើរបស់អ្នកទៅកាន់ផ្នែកសុខុមាលភាពខោនធីតាមអាសយដ្ឋាននៅលើលិខិតជូនដំណឹងសកម្មភាព IHSS ឬតាមប្រៃសណីយ៍ទៅកាន់៖

California Department of Social Services
State Hearings Division
P.O. Box 944243, Mail Station 9-21-37
Sacramento, California 94244-2430

ស្នើសុំសវនាការតាមទូរសារ៖

អ្នកអាចដាក់សំណើសុំសវនាការតាមទូរសាររបស់អ្នកទៅកាន់លេខ (833) 281-0905។

ចុះបើខ្ញុំត្រូវការអ្នកបកប្រែផ្ទាល់មាត់វិញ?

ប្រសិនបើអ្នក ឬនរណាម្នាក់ដែលនឹងធ្វើជាសក្ខីកម្ម (ដូចជាអ្នកផ្តល់សេវា IHSS របស់អ្នក) ត្រូវការអ្នកបកប្រែផ្ទាល់មាត់ សូមរួមបញ្ចូលអ្នក​បកប្រែ​ផ្ទាល់មាត់នោះនៅក្នុងសំណើសុំសវនាការរបស់អ្នក។ សម្រាប់ព័ត៌មានបន្ថែមអំពីដំណើរការសវនាការ សូមចុចទីនេះ ដើម្បី​ចូលទៅកាន់គេហទំព័រផ្នែកសវនាការរដ្ឋ។

ប្រសិនបើអ្នកត្រូវការព័ត៌មានបន្ថែមអំពីដំណើរការសវនាការយុត្តិធម៌ ឬ​វិធីសាស្រ្តក្នុងការត្រៀមខ្លួនសម្រាប់សវនាការ សូមពិនិត្យមើលឯក​សារ​បោះ​ពុម្ពផ្សាយរបស់ DRC នៅទីនេះ៖ សៀវភៅមគ្គទេសក៍ស្តីពីសវនាការយុត្តិធម៌ IHSS៖ វិធីសាស្រ្តក្នុងការតៀមខ្លួនសម្រាប់ការបញ្ចប់ ឬកាត់បន្ថយ IHSS គិតជាម៉ោង។

• 1. MPP § 30-761.26
• 2. MPP § 30-761.219
• 3. MPP § 30-757.172(e) និង ACL 17-95
• 4. MPP § 30-759.2
• 5. MPP § 30-757.1.
• 6. MPP § 30.756.372
• 7. MPP § 30756.371
• 8. MPP § 30-757.1(a)(1) និង ACIN I-97-20
• 9. MPP § 30-757.1
• 10. MPP § 30-757.11(k)(1)
• 11. លិខិតខោនធីទាំងអស់ (ACL) 23-106
• 12. MPP § 30-757.1(a)
• 13. POM SI 01320.175
• 14. ACL 98-53
• 15. ACL 23-106
• 16. MPP § 30-763.411, MPP § 30-763.412 និង ACL 21-91
• 17. MPP § 30-763.413 និង ACL 21-91
• 18. MPP § 30-763.415
• 19. MPP § 30-763.416
• 20. MPP § 30-763.414 និង ACL 21-91
• 21. MPP § 30-757.194
• 22. MPP § 30-701(n)(3) និង MPP § 30-757.17
• 23. MPP 30-757.17 និង MPP 30-757.171
• 24. MPP § 30-701(s)(1)
• 25. MPP § 30-756.372
• 26. MPP § 30-701(n)(3)
• 27. ACL 15-25
• 28. MPP § 30-757.17 និង 30-757.173(a)
• 29. ACL 15-25
• 30. MPP § 30-757.172
• 31. ព័ត៌មានបន្ថែមអំពីដំណើរការវាយតម្លៃអាចរកបាននៅក្នុងលិខិតទាំងអស់របស់ខោនធី (ACLs) លេខ 15-25 និង 98-87។
• 32. ACL 17-95
• 33. MPP § 30-701(s)(1)