I. តើ SSI ជាអ្វី?

ប្រាក់ចំណូលធានាបន្ថែម (SSI, Supplemental Security Income) គឺជាអត្ថប្រយោជន៍ផ្អែកលើតម្រូវការរបស់សហព័ន្ធសម្រាប់អ្នកមានពិការភាព អ្នកពិការភ្នែក ឬមនុស្សចាស់ (អាយុចាប់ពី 65 ឆ្នាំឡើងទៅ) ដែលមានសិទ្ធិទទួលបានដែលផ្ដល់ដោយរដ្ឋបាលសង្គមកិច្ច (SSA, Social Security Administration)។1 កុមារមានសិទ្ធិទទួលបាន SSI បើសិនជាពួកគេមានលក្ខណៈវិនិច្ឆ័យសិទ្ធិទទួលបានផ្អែកលើ៖

1. អាយុ
2. ប្រាក់ចំណូល
3. ធនធាន
4. ទីលំនៅ
5. ភាពជាពលរដ្ឋ និង
6. ពិការភាព។

ឯកសារបោះពុម្ពផ្សាយនេះនឹងគ្របដណ្ដប់លក្ខណៈវិនិច្ឆ័យសិទ្ធិទទួលបាន SSI របស់កុមារទាំងអស់ លើកលែងតែពិការភាព។

II. និយមន័យអំពីកុមារសម្រាប់ SSI របស់ SSA

សម្រាប់គោលបំណង SSI, SSA កំណត់និយមន័យកុមារថា៖

1. ជាបុគ្គលដែលមានអាយុក្រោម 18 ឆ្នាំ ឬ
2. បុគ្គលដែលមានអាយុក្រោម 22 ឆ្នាំ ដែលជាសិស្សចូលរៀនទៀងទាត់នៅសាលា មហាវិទ្យាល័យ ឬចូលរួមជាប្រចាំក្នុងការបណ្ដុះបណ្ដាលដែលរៀបចំឡើងដើម្បីឱ្យបុគ្គលនោះត្រៀមលក្ខណៈធ្វើការងារដែលមានប្រាក់ឈ្នួល។2

សូមកត់សម្គាល់ថា បុគ្គលដែលស្ថិតក្នុងប្រភេទ (2) នៅតែជា “កុមារ” សម្រាប់តែគោលបំណងនៃការបន្តទទួលបាន SSI នៅអត្រានៃការធានារ៉ាប់រងកុមារបន្ទាប់ពីពួកគេចូលអាយុ 18 ឆ្នាំប៉ុណ្ណោះ ទោះបីជាពួកគេមិនគ្រប់លក្ខខណ្ឌនិយមន័យពិការភាពសម្រាប់មនុស្សពេញវ័យក៏ដោយ។ ប្រាក់ទូទាត់ទាំងនេះជាញឹកញាប់ត្រូវបានគេហៅថាប្រាក់ទូទាត់ផ្នែក 301 ហើយនឹងត្រូវបានពិភាក្សាកាន់តែលម្អិតនៅក្នុងផ្នែក VII ស្ដីពីការកំណត់ឡើងវិញនៅអាយុ 18 ឆ្នាំខាងក្រោម។

ក្រៅពីនេះ ដើម្បីចាត់ទុកថាជាកុមារបាន បុគ្គលម្នាក់មិនអាចជាអ្នករៀបការរួច ឬជាមេគ្រួសារទេ។3

III. សិទ្ធិទទួលបានប្រាក់ចំណូលកុមារ

មុននឹងពិភាក្សាពីការគិតបញ្ចូលប្រាក់ចំណូលឪពុកម្ដាយ ដែលជារបៀបដែល SSA កំណត់ថាកុមារដែលមានអាយុក្រោម 18 ឆ្នាំមានលក្ខណៈសម្បត្តិគ្រប់គ្រាន់ដើម្បីទទួលបាន SSI ក្រោមច្បាប់ធនធាន និងប្រាក់ចំណូលឬអត់នោះ អ្នកគាំពារគួរយល់ពី (1) ប្រព័ន្ធគណនេយ្យប្រចាំខែសម្រាប់ពេលកន្លងហួសរបស់ SSA សម្រាប់គោលបំណងរាយការណ៍ និង (2) អត្រា SSI បច្ចុប្បន្នសម្រាប់កុមារនៅរដ្ឋ California។

a. តើអ្វីជាប្រព័ន្ធគណនេយ្យប្រចាំខែសម្រាប់ពេលកន្លងហួសរបស់ SSA?

SSA ប្រើការគណនាគណនេយ្យប្រចាំខែសម្រាប់ពេលកន្លងហួសក្នុងអំឡុងពេលមានសិទ្ធិទទួលបាន SSI។4 មានន័យថាប្រាក់ចំណូលដែលឪពុកម្ដាយទទួល និងរាយការណ៍នៅខែមករាទៅកាន់ SSA កំណត់ចំនួន SSI របស់កុមារពីរខែបន្ទាប់មក នៅខែមីនា។5 ខណៈពេលដែលនេះជារបៀបដែល SSA កំណត់ចំនួនប្រាក់ SSI ប្រចាំខែរបស់កូនអ្នកនោះ SSA អាចផ្អាកការធានារ៉ាប់រងកូនអ្នកនៅក្នុងខែដែលខ្លួនរកឃើញថាអ្នកមានប្រាក់ចំណូលលើស។

ជាទូទៅ កុមារម្នាក់មានសិទ្ធិទទួលបានការស្ដារ SSI ឡើងវិញដោយមិនចាំបាច់ដាក់ពាក្យសុំថ្មីទេ បើសិនជាប្រាក់ចំណូលដែលអាចរាប់បានរបស់ឪពុកម្ដាយថយចុះគ្រប់គ្រាន់ក្នុងរយៈពេល 11 ខែបន្ទាប់ពីការផ្អាក។6 ទោះយ៉ាងណាក៏ដោយ បើសិនជាការមិនមានលក្ខណៈសម្បត្តិគ្រប់គ្រាន់ដោយសារប្រាក់ចំណូលបន្តរហូតដល់រយៈពេល 12 ខែ នោះការផ្អាកអាចក្លាយជាការបញ្ចប់ទាំងស្រុង។7

b. តើអ្វីជាអត្រាទូទាត់សម្រាប់កុមារនៅរដ្ឋ California ឆ្នាំ 2025?

នៅឆ្នាំ 2025 កុមារដែលមានពិការភាពនៅរដ្ឋ California ដែលមានអាយុក្រោម 18 ឆ្នាំ ដែលមានលក្ខណៈវិនិច្ឆ័យសិទ្ធិទទួលបាន អាចទទួលបានរហូតដល់ $1,064.27 ដុល្លារក្នុងមួយខែ ដែលគិតបញ្ចូលទាំងប្រាក់ឧបត្ថម្ភបន្ថែមរបស់រដ្ឋ California ផងដែរ។8 កុមារអាចទទួលបាន SSI ពេញលេញឬអត់គឺអាស្រ័យលើការគណនាការគិតបញ្ចូលប្រាក់ចំណូលឪពុកម្ដាយដែលធ្វើឡើងដោយ SSA។

c. តើការគិតបញ្ចូលប្រាក់ចំណូលឪពុកម្ដាយជាអ្វី?

ការគិតបញ្ចូលប្រាក់ចំណូលរបស់ឪពុកម្ដាយគឺជាការរាប់បញ្ចូលប្រាក់ចំណូលនិងធនធានរបស់ឪពុកម្ដាយថាជារបស់កូនពួកគេដែលមានអាយុក្រោម 18 ឆ្នាំដែលមានសិទ្ធិទទួលបាន SSI។9 បទប្បញ្ញត្តិស្ដីពីការគិតបញ្ចូលប្រាក់ចំណូលឪពុកម្ដាយទៅកូន គឺមានចែងនៅក្នុងក្រម លេខ 20 នៃបទប្បញ្ញត្តិសហព័ន្ធ §§ 416.1160 416.1161 និង 416.1165។

ប្រាក់ចំណូលឪពុកម្ដាយរួមមានទាំងប្រាក់ចំណូលដែលរកបាន និងប្រាក់ចំណូលក្រៅពីប្រាក់បៀវត្សរ៍ ឬប្រាក់ឈ្នួល។ “ប្រាក់ចំណូលដែលរកបាន” រួមមានប្រាក់ឈ្នួល/ប្រាក់ខែ ឬប្រាក់ចំណូលឪពុកម្ដាយបានមកពីការងារឬអាជីវកម្មខ្លួនឯង។10

ប្រាក់ចំណូលពីការងារ ឬសេវាកម្មអាចរួមបញ្ចូលទាំងប្រាក់ឈ្នួលសេវាជួយគាំទ្រដល់គេហដ្ឋាន (IHSS, In-Home Supportive Services) ដែលទទួលបានពីការធ្វើការជាមួយកូនពេញវ័យដែលមានពិការភាព ទោះបីជាកូនដែលមានអាយុលើសពី 18 ឆ្នាំនោះ ទទួលបានការទូទាត់ SSI ផ្នែក 301 ហើយរស់នៅផ្ទះជាមួយអ្នក និងកូនដែលមានសិទ្ធិទទួលបាន SSI របស់អ្នកក៏ដោយ។11

អ្វីៗក្រៅពីប្រាក់ឈ្នួលអាចត្រូវបានចាត់ទុកថាជា “ប្រាក់ចំណូលក្រៅពីប្រាក់បៀវត្សរ៍ ឬប្រាក់ឈ្នួល”។ ឧទាហរណ៍មួយចំនួនអំពីប្រាក់ចំណូលក្រៅពីប្រាក់បៀវត្សរ៍ឬប្រាក់ឈ្នួល រួមមានអំណោយ ការធានារ៉ាប់រងភាពគ្មានការងារធ្វើ ការធានារ៉ាប់រងពិការភាពរបស់រដ្ឋ និងអត្ថប្រយោជន៍ធានារ៉ាប់រងពិការភាពសង្គមកិច្ច។12

SSA នឹងពិចារណាប្រាក់ចំណូលសរុបដែលរកបានប្រចាំខែ និង/ឬ ប្រាក់ចំណូលក្រៅពីប្រាក់បៀវត្សរ៍ឬប្រាក់ឈ្នួលរបស់ឪពុកម្ដាយបង្កើត ឪពុកម្ដាយចិញ្ចឹម និង/ឬ ឪពុកម្ដាយចុង ឱ្យតែពួកគេរស់នៅក្នុងផ្ទះជាមួយកុមារដែលស្នើសុំ SSI។13 បើឪពុកម្ដាយមិនរស់នៅក្នុងផ្ទះជាមួយកុមារដែលស្នើសុំ SSI ទេ ប្រាក់ចំណូលឪពុកម្ដាយមិនរាប់បញ្ចូលទេ។14

បើឪពុកម្ដាយរបស់កុមារដែលទទួលបាន SSI មានភាពជាអាណាព្យាបាលរួមគ្នា (50/50) នោះ SSA នឹងពិចារណាប្រាក់ចំណូល និងធនធានរបស់ឪពុកម្ដាយដែលកុមារនោះរស់នៅជាមួយនៅថ្ងៃទីមួយនៃខែគិតបញ្ចូលប្រាក់ចំណូល។15

d. ករណីលើកលែងចំពោះការគិតបញ្ចូលប្រាក់ចំណូលឪពុកម្ដាយ

SSA មិនធ្វើការការគណនាការគិតបញ្ចូលប្រាក់ចំណូលឪពុកម្ដាយទេ បើសិនជាគ្រួសារគ្មានលំនៅដ្ឋាន។16

SSA ក៏មិនធ្វើការគណនាការគិតបញ្ចូលប្រាក់ចំណូលដែរ បើសិនជាកុមារកំពុងរស់នៅជាមួយបុគ្គលដែលមិនមែនជាឪពុកម្ដាយរបស់ពួកគេ និងមានឈ្មោះប្រភេទនៃការទូទាត់ជាក់លាក់សម្រាប់ករណីនេះ ដែលហៅថាអត្រា “កុមារជាអនីតិជនមានពិការភាពដែលរស់នៅក្នុងគ្រួសារអ្នកដទៃ” ដែលបច្ចុប្បន្ននៅរដ្ឋ California ស្មើ $747.20 ដុល្លារក្នុងមួយខែ។17

e. ប្រាក់ចំណូលដែលបានលើកលែងពីការគណនាការគិតបញ្ចូលប្រាក់ចំណូលឪពុកម្ដាយ

ប្រាក់ចំណូលប្រភេទខាងក្រោមនេះត្រូវបានលើកលែងពីការគណនាការគិតបញ្ចូលប្រាក់ចំណូលឪពុកម្ដាយ៖ (1) CalWORKs (ជំនួយបណ្ដោះអាសន្នសម្រាប់គ្រួសារខ្វះខាត) (2) ជំនួយសង្គ្រោះទូទៅ/ជំនួយទូទៅ (3) ជំនួយជាសាច់ប្រាក់សម្រាប់ជនភៀសខ្លួន (4) ប័ណ្ណជនក្រីក្រទិញអារហារតម្លៃថោក ពោលគឺ CalFresh/SNAP, (5) ប្រាក់ទូទាត់សេវាកម្មគាំទ្រនៅផ្ទះ IHSS សម្រាប់កុមារដែលមានសិទ្ធិទទួលបាន SSI ដែលជាអ្នកដាក់ពាក្យស្នើសុំដែលមានអាយុក្រោម 18 ឆ្នាំដែលរស់នៅក្នុងផ្ទះជាមួយគ្នា (6) ផ្នែកទី 8 និងការទូទាត់សម្រាប់លំនៅដ្ឋានឧបត្ថម្ភធនផ្សេងទៀត និង (7) មួយភាគបីនៃប្រាក់ឧបត្ថម្ភកុមារ។18

f. តើជំហាននៃការគណនាការគិតបញ្ចូលប្រាក់ចំណូលឪពុកម្ដាយមានអ្វីខ្លះ?

ផ្នែករងនេះនឹងឆ្លងកាត់ប្រាំបួនជំហានដែលមានការគិតបញ្ចូលប្រាក់ចំណូលឪពុកម្ដាយដោយផ្អែកលើគ្រួសារដែលជាឧទាហរណ៍ខាងក្រោម។ នៅក្នុងគ្រួសារឧទាហរណ៍របស់យើង យើងមានអ្នកដាក់ពាក្យសុំ៖ Max។ គេជាកុមារដែលមានអាយុប្រាំពីរឆ្នាំ និងមានពិការភាព។ Max រស់នៅជាមួយម្ដាយរបស់គាត់ និងប្អូនបង្កើតបីនាក់នៅក្នុងអាផាតមិនមួយ។ Max មិនដែលស្នើសុំ SSI ទេពីមុនមក។ ម្ដាយរបស់ Max ធ្វើការនិងរកប្រាក់បាន $3,500 ដុល្លារក្នុងមួយខែ (មុនគិតពន្ធ) និងគ្មានប្រភពចំណូលផ្សេងទៀតទេ។

ជំហានទី 1- កំណត់កន្លែងដែលកុមាររស់នៅ និងអ្នកដែលកុមាររស់នៅជាមួយ និងប្រភពប្រាក់ចំណូលសម្រាប់គ្រួសារ។ នៅក្នុងឧទាហរណ៍របស់យើង កុមារដែលមានសិទ្ធិទទួលបាន គឺ Max រស់នៅជាមួយម្ដាយរបស់គាត់និងប្អូនបង្កើតបីនាក់ ហើយប្រាក់ចំណូលដែលម្ដាយរកបានគឺ $3,500 ដុល្លារក្នុងមួយខែ មុនគិតពន្ធ (ប្រាក់ចំណូលសរុប)។

ជំហានទី 2- កំណត់ចំនួនកុមារដែលគ្មានសិទ្ធិទទួលបានដែលរស់នៅក្នុងផ្ទះជាមួយអ្នកដាក់ពាក្យសុំ SSI រួចកាត់ប្រាក់បែងចែកសម្រាប់កុមារដែលគ្មានសិទ្ធិទទួលបានចេញ។ កុមារដែលគ្មានសិទ្ធិទទួលបានគឺជាកូនបង្កើតឬកូនចិញ្ចឹមរបស់ឪពុកម្ដាយអ្នកដាក់ពាក្យសុំ SSI ឬសហព័ទ្ធរបស់ម្ដាយឪពុករបស់ពួកគេដែលរស់នៅក្នុងផ្ទះជាមួយអ្នកដាក់ពាក្យសុំ SSI ហើយគ្មានសិទ្ធិទទួលបានការធានារ៉ាប់រង SSI។19 វារួមបញ្ចូលទាំងកុមារដែលបានដាក់ពាក្យសុំ SSI និងត្រូវបានបដិសេធផងដែរ ទោះបីជាបណ្ដឹងឧទ្ធរណ៍ត្រូវរង់ចាំការសម្រេចជាមួយ SSA ក៏ដោយ។

នៅក្នុងឧទាហរណ៍នេះ កុមារដែលមានសិទ្ធិទទួលបាន SSI មានអាយុ 7 ឆ្នាំ និងមានប្អូនបង្កើតបីនាក់ដែលគ្មានពិការភាព ដែលរស់នៅជាមួយគេក្នុងផ្ទះតែមួយ។ ដកប្រាក់កាត់ចេញសម្រាប់កុមារដែលគ្មានសិទ្ធិទទួលបានសម្រាប់ប្អូនបង្កើតទាំងបីនាក់ពីប្រាក់ចំណូលដែលរកបាន ($3,500) របស់ម្ដាយ។ ប្រាក់កាត់ចេញសម្រាប់កុមារដែលគ្មានសិទ្ធិទទួលបានជាផលសងរវាងអត្រានៃការធានារ៉ាប់រងសហព័ន្ធ (FBR, Federal Benefit Rate) សម្រាប់សហព័ទ្ធ ($1,450 នៅឆ្នាំ 2025) និង FBR សម្រាប់បុគ្គល ($967 នៅឆ្នាំ 2025)។ នៅក្នុងឧទាហរណ៍របស់យើង យើងនឹងដក $483—អត្រាសម្រាប់កុមារដែលគ្មានសិទ្ធិទទួលបាននៅឆ្នាំ 2025 បីដងពីប្រាក់ចំណូលដែលរកបាន $3,500 របស់ម្ដាយ ដែលស្មើនឹង $2051។

ជំហានទី 3- ដកប្រាក់លើកលែងនៃប្រាក់ចំណូលទូទៅ $20 ចេញពីប្រាក់ចំណូលក្រៅពីប្រាក់បៀវត្សរ៍ឬប្រាក់ឈ្នួលដែលនៅសល់។ នៅទីនេះ គ្មានប្រាក់ចំណូលក្រៅពីប្រាក់បៀវត្សរ៍ឬប្រាក់ឈ្នួលទេ ដូច្នេះយើងដក $20 ពីប្រាក់ចំណូលដែលរកបានដែលនៅសល់ គឺស្មើ $2031។

ជំហានទី 4- ដក $65 ពីប្រាក់ចំណូលដែលរកបានដែលនៅសល់។ នៅទីនេះ $2,031 ដក $65 ស្មើ $1966។

ជំហានទី 5- យកចំនួននៅសល់ចែកជាពីរ។ នៅទីនេះ $1966 ចែកនឹងពីរស្មើ $983។

ជំហានទី 6- ដកប្រាក់ឧបត្ថម្ភការរស់នៅរបស់ឪពុកម្ដាយ។ ប្រាក់ឧបត្ថម្ភការរស់នៅរបស់ឪពុកម្ដាយគឺអត្រានៃការធានារ៉ាប់រងសហព័ន្ធ FBR សម្រាប់បុគ្គលនៅលីវ បើសិនផ្ទះមានតែឪពុកឬមានតែម្ដាយ ឬ FBR សម្រាប់សហព័ទ្ធ បើសិនជាផ្ទះមានទាំងឪពុកនិងម្ដាយ។ នៅទីនេះ $983 ដក $967 សម្រាប់ផ្ទះមានតែឪពុកឬមានតែម្ដាយគឺ $16។

ជំហានទី 7- ដកអត្រា SSI បច្ចុប្បន្នសម្រាប់កុមារនៅក្នុងរដ្ឋ California ដែលស្មើនឹង $1,064.27 រួចដកចំនួនប្រាក់ដែលគិតបញ្ចូល។ នៅទីនេះចំនួនប្រាក់ដែលគិតបញ្ចូលពីម្ដាយសម្រាប់ Max ដែលជាកុមារមានសិទ្ធិទទួលបានគឺ $16។ ដូច្នេះ បើសិនជាកុមារបំពេញតាមលក្ខណៈវិនិច្ឆ័យកំណត់ពិការភាព និងលក្ខណៈវិនិច្ឆ័យសិទ្ធិទទួលបាន SSI ផ្សេងទៀត នោះប្រាក់ប្រចាំខែនៃការធានារ៉ាប់រងរបស់ពួកគេនឹងស្មើ $1,048.27។20

ជំហានទី 8- នៅពេលដែលមានកុមារដែលមានសិទ្ធិទទួលបានលើសពីម្នាក់នៅក្នុងផ្ទះ ត្រូវបែងចែកចំនួនប្រាក់ដែលគិតបញ្ចូលក្នុងចំណោមកុមារដែលមានសិទ្ធិទទួលបាន។ បើសិនជាមានកុមារច្រើននាក់ដែលមានអាយុក្រោម 18 ឆ្នាំនៅក្នុងផ្ទះដែលពួកគេមានពិការភាព និងមិនដែលត្រូវបានបដិសេធ SSI នោះជំហានទី 8 ណែនាំ SSA ឱ្យបែងចែកចំនួនប្រាក់ដែលគិតបញ្ចូលក្នុងចំណោមកុមារដែលមានសិទ្ធិទទួលបាន។ នៅទីនេះ គ្មានកុមារណាទៀតក្នុងផ្ទះនេះ មានសិទ្ធិទទួលបានទេ។

ជំហានទី 9- កាត់ប្រាក់ចំណូលដែលរកបានរបស់កុមារ។ នៅជំហានទី 9, SSA នឹងកាត់ប្រាក់ចំណូលពីការងារឬសេវាកម្មរបស់កុមារ ទោះយ៉ាងណា ប្រការនេះគឺកម្រមានដោយសារការលើកលែងប្រាក់ចំណូលដែលរកបានរបស់សិស្សត្រូវបានពិភាក្សាលម្អិតជាងនេះនៅក្នុងផ្នែកទី III.h ខាងក្រោម។

g. សម្មតិកម្មអំពីការគិតបញ្ចូលប្រាក់ចំណូលឪពុកម្ដាយបន្ថែម

ក្រៅពីនេះ សូមគិតពិចារណាសម្មតិកម្មខាងក្រោម៖

i. ឧទាហរណ៍ទីមួយ៖ ឪពុកម្ដាយជាអ្នកផ្ដល់សេវាកម្ម IHSS សម្រាប់កូន និងកូនពេញវ័យរបស់ពួកគេ

Joy ជាកុមារមានសិទ្ធិទទួលបាន SSI ដែលមានអាយុ 4 ឆ្នាំ និងរស់នៅជាមួយឪពុករបស់គាត់និងបងប្រុសរបស់គាត់ Punit ដែលមានអាយុ 19 ឆ្នាំ និងទទួលប្រាក់ទូទាត់ផ្នែក 301 (សូមមើលផ្នែកទី VII ខាងក្រោម) និងជាសិស្ស។ គ្រួសារនេះរស់នៅក្នុងអាផាតមិន។ ឪពុករបស់ Joy ធ្វើជាអ្នកផ្ដល់សេវាសេវាកម្ម IHSS ឱ្យ Joy និង Punit ហើយរកបាន $1,200 តាមរយៈការផ្ដល់សេវាកម្ម IHSS ដល់ Joy និង $900 តាមរយៈការផ្ដល់សេវាកម្ម IHSS ដល់ Punit។ គាត់គ្មានប្រាក់ចំណូលផ្សេងទេ។ តើ SSA កំណត់ការគិតបញ្ចូលប្រាក់ចំណូលយ៉ាងដូចម្ដេចចំពោះ Joy?

នៅទីនេះ SSA នឹងមិនរាប់បញ្ចូលប្រាក់ចំណូលឪពុករបស់ Joy ដែលធ្វើការឱ្យ Joy ក្នុងនាមជាអ្នកផ្ដល់សេវាកម្ម IHSS របស់ពួកគេទេ ប៉ុន្តែនឹងគិតបញ្ចូលប្រាក់ចំណូលដែលរកបានពីការថែទាំកុមារពេញវ័យ Punit ទោះបីជាពួកគេទទួលប្រាក់ទូទាត់ផ្នែក 301 ក៏ដោយ។ ដូច្នេះ SSA នឹងយកប្រាក់ចំណូល $900 ដែលឪពុករបស់ Joy រកបានពីការផ្ដល់ IHSS ដល់ Punit និងកាត់ $0 សម្រាប់កុមារដែលគ្មានសិទ្ធិទទួលបាន ព្រោះ Punit មិនមែនជាកុមារគ្មានសិទ្ធិទទួលបានទេ ព្រោះគេមានអាយុលើសពី 18 ឆ្នាំ។ SSA នឹងកាត់ $85 ចែកលទ្ធផលនឹងពីរ រួចកាត់ប្រាក់ឧបត្ថម្ភការរស់នៅរបស់ឪពុកម្ដាយសម្រាប់ផ្ទះដែលមានតែឪពុកឬមានតែម្ដាយ៖

$900 - $85 = $815 ចែកនឹង 2 = $407.50 - $967 = -$559.50

នៅទីនេះ ចំនួនប្រាក់ដែលគិតបញ្ចូលជាចំនួនអវិជ្ជមាន។ ដូច្នេះ Joy មានលក្ខណៈសម្បត្តិគ្រប់គ្រាន់ដើម្បីទទួលបាន SSI ជាលក្ខណៈវេជ្ជសាស្ត្រ ពួកគេមានសិទ្ធិទទួលចំនួនប្រាក់ $1,064.27 ពេញ។

ii. ឧទាហរណ៍ទីពីរ៖ ឪពុកម្ដាយរបស់កុមារមានភាពជាអាណាព្យាបាល 50/50 ហើយឪពុកម្ដាយអ្នកដាក់ពាក្យសុំទទួលបានប្រាក់ឧបត្ថម្ភកុមារ $600 ក្នុងមួយខែ។

នៅក្នុងឧទាហរណ៍បន្ទាប់ សន្មតថាកុមារដែលមានសិទ្ធិទទួលបាន SSI របស់យើងគឺ Armando រស់នៅជាមួយម្ដាយ 1 (Maria) និងឪពុក 2 (Pedro) នៅផ្ទះផ្សេងគ្នាក្នុងរយៈពេលស្មើគ្នាក្នុងមួយខែ។ ប៉ុន្តែ Maria ជាអ្នកដាក់ពាក្យសុំ SSI ជំនួសមុខឱ្យ Armando ហើយ Armando រស់នៅជាមួយ Maria នៅថ្ងៃទីមួយក្នុងខែ រៀងរាល់ខែ។ Maria ទទួលបានប្រាក់ឧបត្ថម្ភកុមារ $600 ក្នុងមួយខែពី Pedro ហើយធ្វើការនៅហាងក្នុងមូលដ្ឋានមួយ ហើយរកប្រាក់បាន $2,000 ក្នុងមួយខែ។ គ្មានកូនផ្សេងទៀត ឬមនុស្សផ្សេងទៀតរស់នៅក្នុងផ្ទះរបស់ Maria ទេ។

នៅទីនេះ SSA នឹងមិនគិតបញ្ចូលប្រាក់ឧបត្ថម្ភកុមារ $600 ទេ ប៉ុន្តែ $400 នឹងត្រូវបានរាប់បញ្ចូលថាជារបស់កុមារ។ SSA នឹងដក $85 ពីប្រាក់ចំណូលសរុបដែលរកបានប្រចាំខែរបស់ Maria ដែលជាលទ្ធផលស្មើនឹង $1,915 ហើយបន្ទាប់មកយកទៅចែកជាពីរ គឺស្មើនឹង $957.5។ បន្ទាប់មកដកប្រាក់ឧបត្ថម្ភការរស់នៅរបស់ឪពុកម្ដាយ $967 ចេញ ដែលស្មើនឹង $9.50។ ខណៈពេលដែលគ្មានចំនួនប្រាក់ដែលគិតបញ្ចូលពី Maria ទៅ Armando ពេលនោះ SSA នឹងដក $400 (2/3 នៃប្រាក់ឧបត្ថម្ភកុមារ) ពីចំនួនទឹកប្រាក់សរុបនៃ SSI សម្រាប់កុមារ ដែលស្មើនឹង $1,064.27 ដូច្នេះបើ Armando ត្រូវបានរកឃើញថាមានលក្ខណៈសម្បត្តិគ្រប់គ្រាន់ក្រោមកត្តាសិទ្ធិទទួលបានផ្សេងទៀត នោះការធានារ៉ាប់រងប្រចាំខែរបស់ពួកគេនឹងស្មើ $664.27។

h. ការលើកលែងប្រាក់ចំណូលដែលរកបានរបស់សិស្ស

ការលើកលែងប្រាក់ចំណូលដែលរកប្រាក់បានរបស់សិស្ស (SEIE, Student Earned Income Exclusion) អនុវត្តចំពោះបុគ្គលដែលជាសិស្សកំពុងធ្វើការដែលមានអាយុក្រោម 22 ឆ្នាំ មិនមែនចំពោះតែអ្នកដែលត្រូវតាមនិយមន័យរបស់ SSI អំពីកុមារទេ។ SEIE អនុញ្ញាតឱ្យបុគ្គលម្នាក់ដែលមានអាយុក្រោម 22 ឆ្នាំ និងទៅរៀនទៀងទាត់នៅសាលាទទួលបានការលើកលែងប្រាក់ចំណូលពីការធ្វើការនិងសេវាកម្មចេញពីប្រាក់ចំណូល។ នៅឆ្នាំ 2025 បុគ្គលទាំងនេះអាចត្រូវបានលើកលែងរហូតដល់ $2,350 ក្នុងមួយខែរហូតដល់ $9,460 ក្នុងមួយឆ្នាំ។21

សិស្សចូលរៀនទៀងទាត់នៅសាលា បើសិនជាសិស្សនោះរៀនយ៉ាងហោចណាស់មួយវគ្គសិក្សា និងចូលរៀន៖

1. មហាវិទ្យាល័យ ឬសាកលវិទ្យាល័យយ៉ាងហោចណាស់ 8 ម៉ោងក្នុងមួយសប្ដាហ៍

2. ថ្នាក់ទី 7-12 យ៉ាងហោចណាស់ 12 ម៉ោងក្នុងមួយសប្ដាហ៍

3. វគ្គបណ្ដុះបណ្ដាលដើម្បីត្រៀមសម្រាប់ការងារយ៉ាងហោចណាស់ 12 ម៉ោងក្នុងមួយសប្ដាហ៍ (15 ម៉ោងក្នុងមួយសប្ដាហ៍ បើសិនជាវគ្គបណ្ដុះបណ្ដាលមានការអនុវត្តជាក់ស្ដែងនៅកន្លែងធ្វើការ) ឬ

4. វគ្គ/កម្មវិធីដែលមានចំនួនក្រេឌីត ឬវត្តមានចូលរៀនតិចជាងធម្មតាដូចដែលបានបញ្ជាក់ខាងលើ បើសិនជាវាបណ្ដាលមកពីមូលហេតុដែលហួសពីការគ្រប់គ្រងរបស់សិស្ស ដូចជាជំងឺ។22

IV. សិទ្ធិទទួលបានរបស់កុមារផ្អែកលើធនធាន

ជាទូទៅ SSA មានដែនកំណត់ធនធាន $2,000 សម្រាប់ផ្ទះដែលមានតែឪពុកឬមានតែម្ដាយគឺ និង $3,000 សម្រាប់ផ្ទះដែលមានទាំងឪពុកទាំងម្ដាយ។ នេះជាការបន្ថែមសម្រាប់ដែនកំណត់ធនធានបុគ្គលចំនួន $2,000 សម្រាប់កុមារដែលមានសិទ្ធិទទួលបាន។ ធនធានគឺជាសាច់ប្រាក់ ទ្រព្យសម្បត្តិផ្ទាល់ខ្លួន ឬអចលនទ្រព្យដែលបុគ្គលមាន ឬមានអំណាចបំប្លែងជាសាច់ប្រាក់ (បើមិនទាន់ជាសាច់ប្រាក់)។23 SSA កំណត់ធនធានដែលអាចរាប់បានចំនួនប៉ុន្មាន ដែលបុគ្គលមានដោយប្រើច្បាប់ថ្ងៃទីមួយក្នុងខែ (FOM, First-of-the-Month)។ នេះមានន័យថាធនធានដែលអាចរាប់បានរបស់បុគ្គលម្នាក់ត្រូវបានរាប់នៅថ្ងៃទីមួយក្នុងខែ។24 ទោះយ៉ាងណា ដូចជាការគិតបញ្ចូលប្រាក់ចំណូលឪពុកម្ដាយដែរ SSA មានករណីលើកលែងក្រោមច្បាប់ទូទៅសម្រាប់ការគិតបញ្ចូលធនធានឪពុកម្ដាយ។

ឧទាហរណ៍ ប្រាក់សោធននិវត្តន៍ ឬមូលនិធិសោធននិវត្តន៍ដូចជាគណនីសោធនបុគ្គល KEOGHs ឬប្រាក់បំណាច់ឆ្នាំដែលពន្យាពេលបង់ពន្ធ មិនត្រូវបានរាប់ថាជាធនធានទេ។25 មិនដូចច្បាប់ SSI អំពីធនធានមនុស្សពេញវ័យទេ SSA មិនរំពឹងឱ្យឪពុកម្ដាយចំណាយមូលធិនិសោធននិវត្តន៍របស់ពួកគេអស់មុនពេលកូនដែលមានពិការភាពរបស់ពួកគេមានលក្ខណៈសម្បត្តិគ្រប់គ្រាន់ដើម្បីទទួលបាន SSI ទេ។

SSA ក៏នឹងលើកលែង៖ រថយន្តមួយសម្រាប់ធ្វើដំណើរ និងផ្ទះមួយ បើសិនជានោះជាកន្លែងដែលឪពុកម្ដាយនិងកុមាររស់នៅ។26 ការលើកលែងផ្សេងទៀតមានដូចជាធានារ៉ាប់រងអាយុជីវិត កន្លែងបញ្ចុះសព និងមូលនិធិបញ្ចុះសព។ ម្យ៉ាងទៀត ឪពុកម្ដាយមានពេលប្រាំបួនខែដើម្បីចំណាយប្រាក់ជំនួយ និង/ឬ ប្រាក់អាហារូបករណ៍ដែលទទួលបានសម្រាប់ការអប់រំមុនពេលដែលប្រាក់ទាំងនេះ ត្រូវបានចាត់ទុកថាជាធនធាន។27

SSA ក៏លើកលែងទ្រព្យសម្បត្តិដែលចាំបាច់សម្រាប់ការចិញ្ចឹមទ្រទ្រង់ខ្លួនឯងផងដែរដូចជា ការមានរថយន្តដឹកទំនិញសម្រាប់ធ្វើការ បន្ថែមពីលើរថយន្តធម្មតាសម្រាប់ធ្វើដំណើរ។ ប្រការនេះនឹងអនុវត្ត បើសិនជាឪពុកម្ដាយប្រើរថយន្តដឹកទំនិញនោះសម្រាប់តែការលក់ដូរ ឬអាជីវកម្មរបស់ពួកគេ។28

V. សិទ្ធិទទួលបានរបស់កុមារផ្អែកលើទីលំនៅ

សម្រាប់ SSI ជាទូទៅកុមារត្រូវតែរស់នៅក្នុងសហរដ្ឋអាមេរិកដើម្បីទទួលបានការធានារ៉ាប់រង SSI របស់ពួកគេ។ តាមបទពិសោធរបស់យើង SSA អាចមានសិទ្ធិចូលមើលកំណត់ត្រាឆ្លងព្រំដែនរវាងប្រទេសម៉ិកស៊ិកនិងរដ្ឋ California ហើយប្រើវាជាមូលដ្ឋានដើម្បីបញ្ចប់ការធានារ៉ាប់រង។ បើ SSA សង្ស័យថា កុមាររស់នៅក្នុងប្រទេសមួយផ្សេងទៀតក្នុងមួយខែច្រើនថ្ងៃជាងថ្ងៃដែលពួកគេរស់នៅក្នុងសហរដ្ឋអាមេរិក នោះវានឹងទំនងជាមានការផ្ដួចផ្ដើមការបញ្ចប់ដោយផ្អែកលើលក្ខខណ្ឌទាមទារអំពីទីលំនៅ។29

VI. សិទ្ធិទទួលបានរបស់កុមារផ្អែកលើភាពជាពលរដ្ឋ

សម្រាប់ SSI ជាទូទៅកុមារត្រូវតែជាពលរដ្ឋ ឬជាជនជាតិរបស់សហរដ្ឋអាមេរិក ឬជាជនមិនមែនពលរដ្ឋដែលជាជនបរទេសមានលក្ខណៈសម្បត្តិគ្រប់គ្រាន់ ឬដែលស្ថិតក្នុងចំណាត់ថ្នាក់ជនបរទេសណាមួយដែលផ្ដល់ដោយក្រសួងសន្តិសុខមាតុភូមិ (Department of Homeland Security)។30 
ពេលឋានៈអន្តោប្រវេសន៍របស់ឪពុកម្ដាយកុមារមិនត្រូវបានគិតពិចារណា មានផ្នែកមួយនៅលើពាក្យសុំ SSI របស់កុមារដែលសួរពីឋានៈអន្តោប្រវេសន៍របស់សមាជិករាល់រូបក្នុងផ្ទះដែលកុមារដាក់ពាក្យសុំរស់នៅ។31 ឪពុកម្ដាយអាចចង់ពិគ្រោះយោបល់ជាមួយមេធាវីអន្តោប្រវេសន៍មុនពេលបញ្ចេញព័ត៌មានបែបនេះទៅឱ្យទីភ្នាក់ងារសហព័ន្ធ។

កុមារដែលមានឋានៈជនភៀសខ្លួនឬសិទ្ធិជ្រកកោននយោបាយ នឹងមានលក្ខណៈសម្បត្តិគ្រប់គ្រាន់សម្រាប់ SSI ក្នុងរយៈពេល 7 ឆ្នាំដំបូងចាប់ពីពេលពួកគេមកដល់សហរដ្ឋអាមេរិក។32

VII. ការកំណត់ឡើងវិញនៅអាយុ 18 ឆ្នាំ

ពេលកុមារដែលមានសិទ្ធិទទួលបាន SSI ដល់អាយុ 18 ឆ្នាំ SSA នឹងធ្វើការវាយតម្លៃវេជ្ជសាស្ត្រជាថ្មីលើបុគ្គលដោយប្រើនិយមន័យពិការភាពមនុស្សពេញវ័យនិងការវាយតម្លៃតាមលំដាប់ប្រាំជំហាន។33 ការគិតបញ្ចូលប្រាក់ចំណូលឪពុកម្ដាយចប់នៅពេលកុមារដល់អាយុ 18 ឆ្នាំ។ ទោះយ៉ាងណា ច្បាប់សម្រាប់ការគាំទ្រជាវត្ថុនិងការថែទាំអាចអនុវត្តដោយការិយាល័យ SSA នៅពេលកុមារដល់អាយុ 18 ឆ្នាំដើម្បីបន្ថយចំនួនប្រាក់ SSI របស់កូនដែលពេញវ័យរបស់អ្នក។

ចុចទីនេះសម្រាប់ព័ត៌មានបន្ថែមអំពីការគាំទ្រជាវត្ថុនិងការថែទាំនិងច្បាប់ថ្មីដែលជួយឱ្យអ្នកទទួលរក្សាការធានារ៉ាប់រងប្រចាំខែរបស់ពួកគេបានច្រើន។

អ្នកគាំពារនិងអ្នកគាំពារខ្លួនឯងគួរតែដឹងថា SSA នឹងជូនដំណឹងដល់បុគ្គលនោះថា នឹងមានដំណើរការកំណត់ឡើងវិញនៅអាយុ 18 ឆ្នាំ ហើយអាចស្នើសុំឱ្យបុគ្គលនោះបំពេញសំណុំបែបបទ ឬចូលរួមការពិនិត្យតាមការពិគ្រោះយោបល់ជាមួយគ្រូពេទ្យណាម្នាក់របស់ SSA។ ពេលនោះ SSA នឹងផ្ញើសេចក្ដីជូនដំណឹងជាលាយលក្ខណ៍អក្សរអំពីការកំណត់របស់ខ្លួន។ បើរកឃើញថាមានពិការភាពក្រោមស្តង់ដារពិការភាពមនុស្សពេញវ័យ ការធានារ៉ាប់រងនឹងបន្តតាមអត្រា SSI សម្រាប់មនុស្សពេញវ័យនៅលីវ ដែលនៅរដ្ឋ California នៅឆ្នាំ 2025 គឺ $1,206.94។ បើត្រូវបញ្ចប់ដោយសារមិនត្រូវតាមស្តង់ដារពិការភាពមនុស្សពេញវ័យ បុគ្គលមានពេល 60 ថ្ងៃដើម្បីប្ដឹងឧទ្ធរណ៍ចំពោះសេចក្ដីសម្រេច ប៉ុន្តែមានពេលតែដប់ (10) ថ្ងៃប៉ុណ្ណោះដើម្បីស្នើសុំការធានារ៉ាប់រងបន្តក្នុងអំឡុងពេលឧទ្ធរណ៍។ SSA សន្មតពេលប្រាំថ្ងៃសម្រាប់ការផ្ញើសំបុត្រ។ ឧទាហរណ៍សេចក្ដីជូនដំណឹងអំពីការបញ្ចប់ដែលចុះថ្ងៃទី 1 ខែមិថុនា ឆ្នាំ 2025 នឹងតម្រូវឱ្យមានការដាក់ប្ដឹងឧទ្ធរណ៍ត្រឹមថ្ងៃទី 16 ខែមិថុនា ឆ្នាំ 2025 ដើម្បីទទួលបានជំនួយដែលបានបង់ប្រាក់ដោយរង់ចាំការសម្រេចនៅឧទ្ធរណ៍។

ជាការសំខាន់ដែលអ្នកគាំពារគួរតែដឹងថា SSA មិនអាចបញ្ចប់ភ្លាមៗនូវការធានារ៉ាប់រងរបស់បុគ្គលនៅពេលដល់អាយុ 18 ឆ្នាំបានទេ បើបុគ្គលនោះនៅតែចូលរួមក្នុងផែនការអប់រំលក្ខណៈបុគ្គល ឬកម្មវិធីស្ដារនីតិសម្បទាវិជ្ជាជីវៈផ្សេងទៀត។ SSA ត្រូវតែរង់ចាំដល់ពេលបុគ្គលបញ្ចប់កម្មវិធីនេះសិន មុនពេលគេអាចបញ្ចប់ការធានារ៉ាប់រង SSI កុមារ។ ទាំងនេះហៅថា ប្រាក់ទូទាត់ផ្នែក 30134ហើយវានឹងបន្តរហូតដល់កូនដែលពេញវ័យរបស់អ្នកបានបញ្ចប់កម្មវិធីវិជ្ជាជីវៈឬកម្មវិធីអប់រំដែលពួកគេកំពុងចូលរួម។

VIII. សេចក្ដីសន្និដ្ឋាន

លក្ខណៈវិនិច្ឆ័យអំពីសិទ្ធិទទួលបាន SSI សម្រាប់កុមារដែលរួមមានទាំងការគណនានូវការគិតបញ្ចូលប្រាក់ចំណូលឪពុកម្ដាយ អាចបង្អាក់ទឹកចិត្តចំពោះឪពុកម្ដាយដែលមើលថែកូនដែលមានពិការភាពដែលស្វែងរកជំនួយពី SSA។ ទីភ្នាក់ងារសិទ្ធិជនមានពិការភាពរដ្ឋ California សង្ឃឹមថា ឯកសារបោះពុម្ពផ្សាយនេះជួយឱ្យលក្ខណៈវិនិច្ឆ័យសិទ្ធិទទួលទាំងនេះមានភាពសាមញ្ញ។ យើងសូមអរគុណអ្នកដែលចំណាយពេលត្រួតពិនិត្យឯកសារបោះពុម្ពផ្សាយនេះដើម្បីបន្តការគាំទ្រមតិខ្លួនឯង។

• 1. 24 USC §§1381-1383f; 20 CFR § 416.101 et seq.
• 2. 20 CFR § 416.1856; POMS SI 00501 
• 3. Id.
• 4. 20 CFR § 416.420
• 5. POMS SI 02005.001
• 6. 20 CFR § 416.1323(b); POMS SI 02301.205 
• 7. 20 CFR § 416.1335
• 8. ប្រាក់ចំណូលធានាបន្ថែមនៅរដ្ឋ California ឆ្នាំ 2025
• 9. POMS SI 01310.001​​​​​​​
• 10. 20 CFR § 416.1110 
• 11. POMS SI 01320.175
• 12. 20 CFR § 416.1120 – 416.1121
• 13. POMS SI 01320.500 
• 14. 20 CFR § 416.1165 
• 15. POMS SI 01320.550 
• 16. POMS SI 01310.140
• 17. ប្រាក់ចំណូលធានាបន្ថែមនៅរដ្ឋ California ឆ្នាំ 2025
• 18. POMS SI 01320.100 
• 19. 20 CFR § 416.1160(d)(iii) 
• 20. POMS SI 01320.500 
• 21. POMS SI 00820.510 និង POMS SI 00501.020
• 22. POMS SI 00501.020
• 23. POMS SI 01110.100
• 24. POMS SI 01110.600
• 25. 20 CFR § 416.1202(b)
• 26. POMS SI 01110.210 
• 27. POMS SI 01330.220 
• 28. POMS SI 01130.500
• 29. លក្ខខណ្ឌតម្រូវអំពីប្រាក់ចំណូលធានាបន្ថែម (SSI, Supplemental Security Income)
• 30. លក្ខខណ្ឌទាមទារអំពីសិទ្ធិទទួលបានប្រាក់ចំណូលធានាបន្ថែម (SSI, Supplemental Security Income)
• 31. SSA-8000-BK ពាក្យសុំប្រាក់ចំណូលធានាបន្ថែម
• 32. POMS SI 00502.106; POMS SI 00502.106; POMS SI 00502.301
• 33. 20 CFR § 416.987
• 34. POMS DI 14505.001