ការមើលខុសត្រូវដែលមានការការពារនៃសេវាកម្មជួយគាំទ្រដល់គេហដ្ឋាន

ការត្រួតពិនិត្យការពារគឺជាសេវាកម្ម IHSS សម្រាប់មនុស្សដែលដោយសារតែបញ្ហាផ្លូវចិត្ត ឬជំងឺផ្លូវចិត្ត ចាំបាច់ត្រូវធ្វើការសង្កេត 24 ម៉ោងក្នុងមួយថ្ងៃ ដើម្បីការពារពួកគេពីការរងរបួស គ្រោះថ្នាក់ ឬគ្រោះថ្នាក់ផ្សេងៗ។ អ្នកផ្តល់សេវា IHSS អាចត្រូវបានបង់ដើម្បីសង្កេត និងតាមដានកុមារពិការ ឬមនុស្សពេញវ័យ នៅពេលដែលបុគ្គលនោះអាចស្នាក់នៅដោយសុវត្ថិភាពនៅផ្ទះ ប្រសិនបើការត្រួតពិនិត្យ 24 ម៉ោងត្រូវបានផ្តល់ជូន។

បោះពុម្ពការបោះពុម្ពនេះ។

ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។

តើអ្វីជាការមើលខុសត្រូវដែលមានការការពារ?

ការមើលខុសត្រូវដែលមានការការពារគឺជាសេវាកម្មមួយស្ថិតនៅក្រោមកម្មវិធីសេវាកម្មជួយគាំទ្រដល់គេហដ្ឋាន (In-Home Supportive Services, IHSS)។ កម្មវិធីនេះផ្ដល់ការតាមដានសម្រាប់អ្នកទទួលសេវា IHSS “ដែលគ្មានសមត្ថភាពគ្រប់គ្រងខ្លួនឯង” ដែលមានការចុះខ្សោយការយល់ដឹង បញ្ហាសុខភាពផ្លូវចិត្ត ឬបញ្ហាសុខភាពផ្សេងទៀតដើម្បីធានាថាពួកគេមិនធ្វើបាបខ្លួនឯងដោយចៃដន្យ។1 អ្នកផ្ដល់សេវា IHSS អាចទទួលប្រាក់ទូទាត់ដើម្បីមើលខុសត្រូវអ្នកទទួលសេវា ជួយបង្ការការរងរបួស ឬគ្រោះថ្នាក់ និងផ្ដល់ការណែនាំកែតម្រូវជាពាក្យសម្ដី ឬអន្តរាគមន៍ផ្សេងទៀតតាមតម្រូវការ។2

សេវាកម្មមើលខុសត្រូវដែលមានការការពារគឺពិបាកទទួលបាន និងតម្រូវឱ្យអ្នកចងក្រងឯកសារអំពីតម្រូវការដែលចង់បានសេវាកម្មឲ្យច្បាស់លាស់។ ឯកសារបោះពុម្ពផ្សាយនេះនឹងជួយអ្នកឱ្យយល់ពីលក្ខណៈវិនិច្ឆ័យសិទ្ធិទទួលបានការមើលខុសត្រូវដែលមានការការពារ ចំនួនម៉ោងអតិបរមាដែលអាចទទួលបាន និងរបៀបចងក្រងឯកសារអំពីតម្រូវការសម្រាប់ការមើលខុសត្រូវដែលមានការការពារ។

ហេតុអ្វីបានជាសេវាកម្មមើលខុសត្រូវដែលមានការការពារមានសារៈសំខាន់?

ការមើលខុសត្រូវដែលមានការការពារផ្ដល់ការតាមដានជាប់រហូតសម្រាប់បុគ្គលដែលមានពិការភាពដែលមិនអាចរស់នៅម្នាក់ឯងដោយសុវត្ថិភាព ដោយជួយពួកគេឱ្យនៅក្នុងផ្ទះ និងក្នុងសហគមន៍របស់ពួកគេជំនួសឱ្យការដាក់នៅក្នុងមណ្ឌល។ អ្នកទទួលសេវាដែលមានសិទ្ធិទទួលបានការមើលខុសត្រូវដែលមានការការពារអាចត្រូវបានអនុញ្ញាតឱ្យទទួលបានសេវារហូតដល់ 283 ម៉ោងក្នុងមួយខែនៃសេវាកម្ម IHSS សរុប។

តើអ្នកដែលមានសិទ្ធិទទួលបានការមើលខុសត្រូវដែលមានការការពារអាចទទួលបានអតិបរមាប៉ុន្មានម៉ោង?

ចំនួនម៉ោង IHSS នៃការមើលខុសត្រូវដែលមានការការពារដែលអ្នកទទួលសេវាអាចទទួលបានគឺអាស្រ័យលើចំណុចខាងក្រោម៖

កម្មវិធីរងនៃមូលនិធិ និង
ថាតើអ្នកទទួលសេវា “ខ្សោយធ្ងន់ធ្ងរ” ឬ “ខ្សោយមិនធ្ងន់ធ្ងរ”។

យើងនឹងពិភាក្សានៅពេលក្រោយពីរបៀបកំណត់ថាតើអ្នកទទួល IHSS ត្រូវបានចាត់ទុកថា “ខ្សោយធ្ងន់ធ្ងរ” ឬទេ។

កម្មវិធីរងនៃមូលនិធិ IHSS

មានកម្មវិធីរងនៃមូលនិធិ IHSS ចំនួនបួន៖

Personal Care Services Program (PCSP)
Community First Choice Option (CFCO)
IHSS Plus Option (IPO)
IHSS Residual (IHSS-R)

អ្នកអាចស្វែងយល់អំពីកម្មវិធីរងដោយមើល សេចក្ដីជូនដំណឹងអំពីចំណាត់ការអនុម័ត IHSS ដោយការសាកសួរបុគ្គលិកសង្គមកិច្ច IHSS របស់អ្នក។

តារាងខាងក្រោមនេះរាយបញ្ជីកម្មវិធីរងនៃមូលនិធិ IHSS ទាំងបួន និងចំនួនម៉ោង IHSS ប្រចាំខែអតិបរមាដែលមានសម្រាប់អ្នកដែលទទួលបានសេវាកម្មមើលខុសត្រូវដែលមានការការពារនៅក្រោមកម្មវិធីនីមួយៗ៖

កម្មវិធីរង	ប្រសិនបើអ្នកត្រូវបានពិចារណាថាមានលក្ខណៈធ្ងន់ធ្ងរ (SI) - រហូតដល់៖	ប្រសិនបើអ្នកត្រូវបានពិចារណាថាមិនមានលក្ខណៈខ្សោយធ្ងន់ធ្ងរ (NSI) - រហូតដល់៖	សេចក្តីយោង/ប្រភពព័ត៌មាន
PCSP – មិនអនុញ្ញាតចំពោះឪពុកម្ដាយ/សហព័ទ្ធទេ	283 ម៉ោង/ខែ	283 ម៉ោង/ខែ (195 ម៉ោងនៃ PS, បូកនិងម៉ោងដែលមានម្រូវការផ្សេងទៀត)	លិខិតសម្រាប់ខោនធីទាំងអស់ (ACL) លេខ 93-21 ACL 99-86
CFCO	283 ម៉ោង/ខែ	រហូតដល់ 283 ម៉ោង/ខែ (195 ម៉ោងនៃ PS, បូកនិងម៉ោងដែលមានម្រូវការផ្សេងទៀត)	ACL 14-60
IPO	283 ម៉ោង/ខែ	195 ម៉ោង/ខែ	ACL 11-19
IHSS-R	283 ម៉ោង/ខែ	195 ម៉ោង/ខែ	ច្បាប់ស្ដីពី សុខុមាលភាព និង ស្ថាប័ន § 12303.4

តើធ្វើដូចម្ដេចទើបមានលក្ខណៈសម្បត្តិគ្រប់គ្រាន់សម្រាប់ប្រភេទខ្សោយធ្ងន់ធ្ងរ?

ដើម្បីមានលក្ខណៈសម្បត្តិគ្រប់គ្រាន់ជាប្រភេទ “ខ្សោយធ្ងន់ធ្ងរ” បុគ្គលត្រូវតែត្រូវការចំនួនម្ភៃម៉ោងឡើងទៅក្នុងមួយសប្តាហ៍ នៅក្នុងផ្នែកនៃសេវាផ្ទាល់ខ្លួនដែលមិនមែនជាវេជ្ជសាស្រ្ត ការរៀបចំអាហារ ការសម្អាតក្រោយអាហារ នៅពេលដែលការរៀបចំអាហារ និងការចិញ្ចឹម ព្រមទាំងសេវាអមវេជ្ជសាស្ត្រគឺត្រូវបានទាមទារ។3

ដើម្បីមានលក្ខណៈសម្បត្តិគ្រប់គ្រាន់ជាប្រភេទ “ខ្សោយធ្ងន់ធ្ងរ” អ្នកទទួលសេវាត្រូវតែមាន “តម្រូវការដែលបានវាយតម្លៃសរុប” ចាប់ពី 20 ម៉ោងឡើងទៅក្នុងមួយសប្ដាហ៍ក្នុង៖

ការរៀបចំអាហារ និងការសម្អាតក្រោយអាហារ (បើសិនជាត្រូវការបញ្ចុកអាហារ)
ជំនួយការដកដង្ហើម
ការថែទាំពោះវៀន និងប្លោកនោម
ការបញ្ចុកអាហារ
ការងូតទឹកលើគ្រែជាប្រចាំ
ការស្លៀកពាក់
ការថែទាំពេលមានរដូវ
ការដើរ
ការផ្ទេរ
ការងូតទឹក
អនាម័យមាត់
ការសម្អិតសម្អាងខ្លួន
ការរឺតស្បែក
ការផ្លាស់កន្លែង
ជំនួយទាក់ទងនឹងសរីរាង្គសិប្បនិម្មិត (អវយវៈសិប្បនិម្មិត ឧបករណ៍ជំនួយការមើលនិងស្ដាប់) ការរៀបចំថ្នាំ
សេវាអមវេជ្ជសាស្ត្រ

របៀបគណនា “តម្រូវការដែលបានវាយតម្លៃសរុប”

ដើម្បីគណនា “តម្រូវការដែលបានវាយតម្លៃសរុប” របស់អ្នក ត្រូវបូករយៈពេលនៅក្នុងសេចក្ដីជូនដំណឹងអំពីចំណាត់ការ IHSS នៅក្នុងជួរឈរដែលបានគូសចំណាំថា “ចំនួនសេវាកម្មសរុបដែលត្រូវការ” សម្រាប់សេវាកម្មនីមួយៗដែលបានរាយបញ្ជីខាងលើ។ បើសិនជាការគណនាតាមសមាមាត្រត្រូវបានអនុវត្តសម្រាប់ការរៀបចំអាហារ និងការសម្អាតក្រោយអាហារ ត្រូវរាប់បញ្ចូលចំនួនដែលបានគណនាតាមសមាមាត្រ។ រយៈពេលដែលបានគណនាតាមសមាមាត្រសម្រាប់ការរៀបចំអាហារ និងការសម្អាតក្រោយអាហារ រាប់បញ្ចូលតែរយៈពេលដែលអ្នកទទួលសេវាត្រូវការសម្រាប់សេវាកម្មទាំងនោះប៉ុណ្ណោះ។ លទ្ធផលនៃរយៈពេលទាំងអស់បូកបញ្ចូលគ្នានៅក្នុងជួរឈរគឺជា "តម្រូវការដែលបានវាយតម្លៃសរុប"។

បើសិនជា “តម្រូវការដែលបានវាយតម្លៃសរុប” មានចំនួន 20 ម៉ោង ឬច្រើនជាងនេះក្នុងមួយសប្ដាហ៍ នោះអ្នកទទួលសេវាត្រូវបានចាត់ទុកថា “ខ្សោយធ្ងន់ធ្ងរ”។
បើសិនជា “តម្រូវការដែលបានវាយតម្លៃសរុប” របស់អ្នកតិចជាង 20 ម៉ោងក្នុងមួយសប្ដាហ៍ នោះអ្នកទទួលសេវាត្រូវបានចាត់ទុកថា “ខ្សោយមិនធ្ងន់ធ្ងរ”។

តើអ្នកណាអាចទទួលបានការមើលខុសត្រូវដែលមានការការពារ?

បុគ្គលដែលមានប្រចាំកាយនូវជំងឺអូទីសឹម ជំងឺភ្លេចភ្លាំង និងជំងឺវង្វេងវង្វាន់ផ្សេងទៀត ពិការភាពខាងបញ្ញា ឬពិការភាពសុខភាពផ្លូវចិត្តផ្សេងទៀតអាចទំនងជាមានភាពខ្សោយដែលត្រូវការការមើលខុសត្រូវដែលមានការការពារ។ ក៏ប៉ុន្តែ ការដែលមានពិការភាពមួយនៃពិការភាពទាំងនេះតែមួយមុខពុំមានលក្ខណៈសម្បត្តិគ្រប់គ្រាន់ក្លាយជាអ្នកទទួលបានសេវា IHSS ដោយស្វ័យប្រវត្តិសម្រាប់ការមើលខុសត្រូវដែលមានការការពារនោះទេ។

ដើម្បីមានសិទ្ធិទទួលបានការមើលខុសត្រូវដែលមានការការពារ បុគ្គលម្នាក់ៗត្រូវមាន៖

“ការចុះខ្សោយការយល់ដឹង”, “បញ្ហាសុខភាពផ្លូវចិត្ត” ឬ “បញ្ហាសុខភាពផ្សេងទៀត” ដូចជាជំងឺ ឬការចុះខ្សោយសុខភាពផ្លូវចិត្តដែលបណ្ដាលឱ្យមានការខ្វះសមត្ថភាពមុខងារចំពោះ៖
- ការចងចាំ (ឧ. ភ្លេចពីវត្ថុ មនុស្ស ទីកន្លែង ភ្លេចធ្វើការ ឬបង្ហើយការងារ ។ល។)
- ការសម្របខ្លួន (ឧ. អសមត្ថភាពក្នុងការដឹង និងសម្របទៅតាមពេលវេលា មនុស្ស ទីកន្លែង បរិស្ថាន មជ្ឈដ្ឋានជុំវិញ ។ល។ ត្រូវការរស់នៅ និងបង្ហើយការងារ)។
- ការវិនិច្ឆ័យ (ឧ. ធ្វើការសម្រេចចិត្ត ដែលធ្វើឲ្យសុខភាព និង/ឬសុវត្ថិភាពរបស់បុគ្គលប្រឈមនឹងហានិភ័យ)4

និង

“គ្មានសមត្ថភាពគ្រប់គ្រងខ្លួនឯង”
ភាពគ្មានសមត្ថភាពគ្រប់គ្រងខ្លួនឯង មានន័យថាបុគ្គលនោះ៖ (1) មិនអាចវាយតម្លៃគ្រោះថ្នាក់ និងការប្រឈមនឹងគ្រោះថ្នាក់ និង (2) ការប្រឈមនឹងការរងរបួស ហានិភ័យ ឬគ្រោះថ្នាក់ដោយសារការចុះខ្សោយការយល់ដឹង ឬបញ្ហាសុខភាពផ្លូវចិត្ត ឬបញ្ហាសុខភាពផ្សេងទៀត។5 ឧទាហរណ៍ អ្នកទទួលសេវា IHSS អាចនឹងមិនដឹងថាអ្វីជាអាកប្បកិរិយាដែលមានសុវត្ថិភាព និងអាចឈឺចាប់ដោយការព្យាយាមធ្វើអ្វីមួយដែលពួកគេមិនគួរធ្វើដោយគ្មានជំនួយ។
ត្រូវការការមើលខុសត្រូវ 24 ម៉ោងក្នុងមួយថ្ងៃ ដើម្បីនៅក្នុងផ្ទះដោយសុវត្ថិភាព។6 ឧទាហរណ៍ អ្នកទទួលសេវាដែលមានអាកប្បកិរិយាគ្រោះថ្នាក់ ឬមានហានិភ័យដែលមិនអាចស្មានដឹងបានដែលអាកប្បកិរិយាទាំងនោះកើតឡើងគ្រប់ពេល ទោះពេលថ្ងៃ ឬពេលយប់ គឺត្រូវការការមើលខុសត្រូវ 24 ម៉ោង។

លក្ខណៈវិនិច្ឆ័យសិទ្ធិទទួលបានការមើលខុសត្រូវដែលមានការការពារបន្ថែមសម្រាប់កុមារ

កុមារ (ក្រោមអាយុ 18 ឆ្នាំ) អាចទទួលបានការមើលខុសត្រូវដែលមានការការពារ បើសិនជាពួកគេមានលក្ខណៈសម្បត្តិគ្រប់គ្រាន់សម្រាប់លក្ខណៈវិនិច្ឆ័យសិទ្ធិទទួលបានដែលបានរៀបរាប់ខាងលើ ប៉ុន្តែមានលក្ខខណ្ឌតម្រូវបន្ថែមដែលពួកគេត្រូវបំពេញ៖ កុមារនោះត្រូវតែត្រូវការការមើលខុសត្រូវច្រើនជាងកុមារដែលមានអាយុស្របាលគ្នាដែលគ្មានពិការភាព។ កុមារមិនអាចទទួលការមើលខុសត្រូវដែលមានការការពារសម្រាប់ការថែទាំកុមារជាទម្លាប់ធម្មតាដែលកុមារគ្រប់រូបដែលមានអាយុស្របាលគ្នាត្រូវការទេ។7

បុគ្គលិករបស់ខោនធីត្រូវការវាយតម្លៃលើមុខងារផ្លូវចិត្តរបស់កុមារទាំងអស់ដោយផ្តោតលើកុមារម្នាក់ៗ និងផ្តល់ការមើលខុសត្រូវដែលមានការការពារទៅតាមតម្រូវការរបស់បុគ្គល។

កុមារមិនគួរត្រូវបានគេបដិសេធមិនផ្ដល់នូវការមើលខុសត្រូវដែលមានការការពារផ្អែកលើ៖

កត្តាអាយុតែម្យ៉ាង
ដោយសារកុមារនោះពុំមានរបួសស្នាមក្នុងពេលថ្មីៗកន្លងមក
ដោយសារឪពុកម្តាយទុកកូនឲ្យនៅតែម្នាក់ឯងក្នុងរយៈពេលខ្លី ឬមានកំណត់ណាមួយ ដូចជារយៈពេលត្រឹម 5 នាទីជាដើម។

ជាផ្នែកមួយនៃដំណើរការវាយតម្លៃ ខោនធីត្រូវតែផ្ដល់ព័ត៌មានដល់ឪពុកម្ដាយ ឬអាណាព្យាបាលរបស់កុមារអំពីលទ្ធភាព និងសិទ្ធិទទួលបានការមើលខុសត្រូវដែលមានការការពារ។

នៅពេលដែលបុគ្គលិក IHSS វាយតម្លៃកុមារសម្រាប់ការមើលខុសត្រូវដែលមានការការពារ បុគ្គលិក IHSS អាចនឹងសួរព័ត៌មានដូចជាកំណត់ត្រាវេជ្ជសាស្ត្រ របាយការណ៍សាលារៀន (ផែនការអប់រំលក្ខណៈបុគ្គល ឬ IEP) ឬកំណត់ត្រាមជ្ឈមណ្ឌលប្រចាំតំបន់ (ផែនការកម្មវិធីលក្ខណៈបុគ្គល ឬ IPP) ដើម្បីជួយឱ្យបុគ្គលិកអាចកំណត់ថាតើកុមារត្រូវការការមើលខុសត្រូវដែលមានការការពារឬទេ។

តើពេលណាអាចស្នើសុំការមើលខុសត្រូវដែលមានការការពារបាន?

បុគ្គលិក IHSS ត្រូវបានតម្រូវឱ្យវាយតម្លៃបុគ្គលនានាសម្រាប់សេវាកម្ម IHSS ទាំងអស់ដែលពួកគេអាចត្រូវការជាផ្នែកមួយនៃពាក្យសុំ IHSS និងដំណើរការវាយតម្លៃប្រចាំឆ្នាំ។ វារាប់បញ្ចូលទាំងការវាយតម្លៃលើតម្រូវការការមើលខុសត្រូវដែលមានការការពារ។

អ្នកទទួលសេវា IHSS ឬសមាជិកគ្រួសារអាចស្នើសុំសេវាកម្មមើលខុសត្រូវដែលមានការការពារ នៅពេលដែលរកឃើញថាត្រូវការតម្រូវការការមើលខុសត្រូវដែលមានការការពារ។ វារាប់បញ្ចូលទាំងការធ្វើសំណើក្នុងអំឡុងពេលដំណើការដាក់ពាក្យ ឬការវាយតម្លៃឡើងវិញ ឬនៅចន្លោះពេលការវាយតម្លៃឡើងវិញ។ សំណើសុំការមើលខុសត្រូវដែលមានការការពារក៏អាចធ្វើបានតាមរយៈទូរសព្ទ អ៊ីមែល ឬសំបុត្រផងដែរ។

ការចងក្រងឯកសារសិទ្ធិទទួលបានការមើលខុសត្រូវដែលមានការការពារ

ដើម្បីទទួលបានសេវាមើលខុសត្រូវដែលមានការការពារ អ្នកត្រូវផ្ដល់ទៅខោនធីនូវឯកសារដែលបង្ហាញថាអ្នកទទួលសេវា IHSS មានការចុះខ្សោយការយល់ដឹង ឬបញ្ហាផ្លូវចិត្ត ឬបញ្ហាសុខភាពផ្សេងទៀតដែលរារាំងអ្នកទទួលសេវា IHSS មិនឱ្យមានសមត្ថភាពវាយតម្លៃប្រកបដោយការយល់ដឹងអំពីគ្រោះថ្នាក់ និងការប្រឈមនឹងគ្រោះថ្នាក់។ អ្នកក៏ត្រូវបង្ហាញផងដែរថាអ្នកទទួលសេវាមានការប្រឈមនឹងការរងរបួស ហានិភ័យ ឬគ្រោះថ្នាក់គ្រប់ពេលក្នុងចន្លោះពេល 24 ម៉ោងក្នុងមួយថ្ងៃ បើសិនជាទុកគាត់ឱ្យនៅម្នាក់ឯង។

ការចងក្រងឯកសារនេះត្រូវតែផ្ដល់ឧទាហរណ៍ផងដែរអំពីសកម្មភាពនានាដែលអ្នកទទួលសេវានឹងធ្វើដែលអាចបណ្ដាលឱ្យពួកគេធ្វើបាបខ្លួនឯងដោយចៃដន្យ ឬធ្វើឱ្យពួកគេមានគ្រោះថ្នាក់ បើសិនជាទុកឱ្យនៅម្នាក់ឯង។

បើអ្នកមិនបង្ហាញថាអ្នកទទួលសេវាមានអាកប្បកិរិយាគ្រោះថ្នាក់ដែលបណ្ដាលឱ្យពួកគេប្រឈមនៅពេលគ្មានអ្នកមើលខុសត្រូវទេ នោះគេអាចនឹងបដិសេធការមើលខុសត្រូវដែលមានការការពារ។

ត្រូវប្រាកដថារក្សាច្បាប់ចម្លងនៃឯកសារទាំងអស់ដែលអ្នកបានដាក់ទៅខោនធីដើម្បីទុកធ្វើជាកំណត់ត្រារបស់អ្នក។

1. បង្កើតកំណត់ហេតុហានិភ័យ/ការរងរបួសដែលបង្ហាញពីអាកប្បកិរិយាគ្រោះថ្នាក់របស់អ្នកទទួលសេវា

វិធីដែលល្អបំផុតក្នុងការបង្ហាញពីសិទ្ធិទទួលបានការមើលខុសត្រូវដែលមានការការពារ គឺតាមរយៈការបង្កើតបញ្ជី ឬកំណត់ហេតុដែលចងក្រងឯកសារអំពីគ្រោះថ្នាក់/ការរងរបួសជារៀងរាល់ថ្ងៃ ឬករណីដែលអ្នកទទួលសេវាជិតមានគ្រោះថ្នាក់/ការរងរបួសនៅក្នុងរយៈពេលប្រាំមួយ (6) ខែចុងកន្លងមក។

នៅខាងចុងនៃឯកសារបោះពុម្ពផ្សាយនេះ មានគំរូកំណត់ហេតុហានិភ័យ/ការរងរបួសប្រចាំថ្ងៃ និងទម្រង់បែបបទដែលអ្នកអាចប្រើដើម្បីតាមដានអាកប្បកិរិយាគ្រោះថ្នាក់។

កំណត់ហេតុ ឬបញ្ជីដែលអ្នកធ្វើត្រូវពណ៌នាជារៀងរាល់ថ្ងៃអំពីសកម្មភាពដែលអ្នកទទួលសេវាបានធ្វើដែលអាចបង្ករបួស ឬធ្វើឲ្យអ្នកទទួលសេវាស្ថិតក្នុងហានិភ័យនៃការរងរបួស ឬគ្រោះថ្នាក់ និងថាតើករណីនោះកើតមានញឹកញាប់ប៉ុនណា។

ឧទាហរណ៍មួយចំនួនអំពីអាកប្បកិរិយាគ្រោះថ្នាក់មានដូចជា៖ ការទុកបារីដែលកំពុងឆេះពេញផ្ទះ ការប្រើផលិតផលដែលគ្មានសុវត្ថិភាពដូចជាថ្នាំធ្វើឱ្យសដើម្បីមុជ និងសម្អាតខ្លួន ការដើរចេញពីផ្ទះ និងវង្វេងផ្លូវ ការឱ្យជនប្លែកមុខចូលក្នុងផ្ទះ ការបើកចង្ក្រានរួចភ្លេចបិទ ការដុតភ្លើងក្បែរផ្ទះ ការទុកទឹកឱ្យហូរចោល ការបើកទឹកទៅសីតុណ្ហភាពក្ដៅខ្លាំង ការបរិភោគផលិតផលដែលមានគ្រោះថ្នាក់ ការបរិភោគអាហារដែលគ្មានសុវត្ថិភាព ឬអាហារដែលយកចេញពីធុងសំរាម ការបោកក្បាល ការខ្វាច ឬខាំខ្លួនឯង ការឆ្កឹះស្បែក ឬរបួសចំហ ការប្រើកាំបិត ឬវត្ថុប្រើប្រាស់ក្នុងផ្ទះដែលគ្មានសុវត្ថិភាពផ្សេងទៀត ការលេងលាមក ឬទឹកក្នុងចានបង្គន់ ការឡើងទៅកន្លែងខ្ពស់រួចលោតចុះក្រោម ការពួននៅក្នុងទូទឹកកក ការស៊កម្រាមដៃចូលរន្ធស៊កអំពូលភ្លើងដើម្បីមើលថាមានអគ្គិសនីឬអត់ ការដើរត្រាច់ចរទៅផ្លូវដោយមិនគិតពីឡានម៉ូតូដែលបើកមកជិត ការលោតចូលអាងហែលទឹកទាំងមិនចេះហែលទឹក ការដាក់របស់ចូលក្នុងព្រីភ្លើង ការដាក់ឆ្នាំងសាកទូរសព្ទ ឬខ្សែភ្លើងដែលកំពុងដោតនឹងជញ្ជាំងទៅក្នុងមាត់ ការព្យាយាមរំកិលគ្រឿងសង្ហារិមនៅពេលដែលបុគ្គលនោះខ្វះកម្លាំង និងលំនឹងដែលត្រូវការ ការព្យាយាមងើបចេញពីគ្រែនៅពេលដែលបុគ្គលនោះខ្វះសមត្ថភាពដែលត្រូវការក្នុងការប្រើ ឬគ្រប់គ្រងសាច់ដុំ ការព្យាយាមដើរដោយគ្មានអ្នកជួយនៅពេលបុគ្គលនោះមិនសូវមានកម្លាំង ឬលំនឹង ការធ្វើកិច្ចការដែលលើសពីសមត្ថភាពរាងកាយ ឬសមត្ថភាពផ្លូវចិត្តដែលអាចបណ្ដាលឱ្យអ្នកទទួលសេវារងរបួស ឬមានគ្រោះថ្នាក់។

ប្រសិនបើអ្នកទទួលសេវាពុំធ្លាប់មានគ្រោះថ្នាក់ ឬពុំធ្លាប់ធ្វើឲ្យខ្លួនស្ថិតក្នុងស្ថានភាពគ្រោះថ្នាក់ក្នុងពេលថ្មីៗនេះទេ សូមជួយពន្យលពីមូលហេតុនេះ។ ឧទាហរណ៍ អាចនឹងមិនមានឧបត្តិហេតុដោយសារបុគ្គលរូបនោះត្រូវបានគេតាមឃ្លាំមើលដោយអ្នកផ្តល់ការថែទាំនៃកម្មវិធី IHSS និងដោយសមាជិកគ្រួសារ រយៈពេល 24 ម៉ោងក្នុងមួយថ្ងៃ ដើម្បីបង្ការគ្រោះថ្នាក់នានា។

ពន្យល់ពីចំណាត់ការនានា ដូចជាការណែនាំកែតម្រូវជាពាក្យសម្ដី ឬអន្តរាគមន៍ផ្សេងទៀតដែលអ្នកផ្ដល់ការថែទាំ និងសមាជិកគ្រួសារបានប្រើដើម្បីបង្ការការរងបួស ឬគ្រោះថ្នាក់។

នៅក្នុងកំណត់ហេតុហានិភ័យ/ការរងរបួស អ្នកគួរកត់ចំណាំពីមូលហេតុដែលផ្ទះរបស់អ្នកទទួលសេវាមិនអាចកែកុន ឬធ្វើឱ្យមានសុវត្ថិភាពទាំងស្រុងបាន និង/ឬវិធីផ្សេងដើម្បីមើលខុសត្រូវបុគ្គលនោះ នៅពេលដែលត្រូវទុកអ្នកទទួលសេវា IHSS នៅផ្ទះម្នាក់ឯងមួយរយៈពេលខ្លី រយៈពេលកំណត់ណាមួយ (បើអាចអនុវត្តបាន)។ ឧទាហរណ៍ អ្នកទទួលសេវាអាចបើកទូបានទោះបីបានប្រើសោសុវត្ថិភាពកុមារក៏ដោយ ឬអ្នកទទួលសេវាអាចត្រូវបានទុកឱ្យនៅម្នាក់ឯងពីរដងក្នុងមួយខែដើម្បីឱ្យសមាជិកគ្រួសារទៅទិញអីវ៉ាន់រយៈពេលក្រោម 1 ម៉ោង ហើយអ្នកទទួលសេវាត្រូវបានមើលខុសត្រូវតាមរយៈការទទួលទូរសព្ទរៀងរាល់ 20 នាទីម្ដង។

2. ដាក់ផ្ញើទម្រង់បែបបទ “ការវាយតម្លៃលើតម្រូវការការមើលខុសត្រូវដែលមានការការពារសម្រាប់កម្មវិធី IHSS” (SOC 821) ទៅខោនធី

ទម្រង់បែបបទ ការវាយតម្លៃលើតម្រូវការការមើលខុសត្រូវដែលមានការការពារសម្រាប់កម្មវិធីសេវាជួយគាំទ្រ ដល់គេហដ្ឋាន(SOC 821) គួរបំពេញដោយវេជ្ជបណ្ឌិតរបស់អ្នកទទួលសេវា IHSS ឬអ្នកជំនាញវេជ្ជសាស្ត្រដែលមានឯកទេស ឬមានការប្រកបអាជីពផ្នែកការចងចាំ ការដឹងទិសតំបន់/ការមិនវង្វេង និង/ឬការវិនិច្ឆ័យ។8 ទម្រង់បែបបទ SOC 821 ត្រូវបានប្រើដើម្បីកំណត់ថាតើត្រូវការការមើលខុសត្រូវដែលមានការការពាររួមជាមួយព័ត៌មានដែលប្រមូលបានដោយខោនធីអំពីតម្រូវការការមើលខុសត្រូវដែលមានការការពារឬទេ។9 វាមានប្រយោជន៍ដែលត្រូវផ្ដល់ច្បាប់ចម្លងនៃកំណត់ហេតុហានិភ័យ ឬការរងរបួសទៅវេជ្ជបណ្ឌិត ឬអ្នកជំនាញវេជ្ជសាស្ត្រដែលបំពេញទម្រង់បែបបទ SOC 821 របស់អ្នកទទួលសេវា IHSS។ អ្នកគួរស្នើសុំឱ្យវេជ្ជបណ្ឌិតបញ្ចូលឧទាហរណ៍អំពីអាកប្បកិរិយាគ្មានសមត្ថភាពគ្រប់គ្រងខ្លួនឯងដែលគ្រោះថ្នាក់របស់អ្នកទទួលសេវា IHSS និងពន្យល់ថាហេតុអ្វីបានជាអាកប្បកិរិយានោះគឺមកពីការចុះខ្សោយការយល់ដឹង បញ្ហាសុខភាពផ្លូវចិត្ត ឬបញ្ហាសុខភាពផ្សេងទៀត។ ឧទាហរណ៍ វេជ្ជបណ្ឌិតអាចពន្យល់ពីការព្យាយាមរបស់អ្នកទទួលសេវា ដែលចង់ដើរដោយគ្មានជំនួយរួចដួលដោយសារការចុះខ្សោយការយល់ដឹង បញ្ហាសុខភាពផ្លូវចិត្ត ឬបញ្ហាសុខភាពផ្សេងទៀតដែលបុគ្គលគ្មានបំណងធ្វើបាបខ្លួនឯង ហើយពួកគេមិនគិតថាពួកគេមានបញ្ហារាងកាយដែលបណ្ដាលឱ្យពួកគេធ្វើឱ្យខ្លួនឯងប្រឈមនឹងគ្រោះថ្នាក់ ឬរបួសដោយមិនដឹងខ្លួន។

ច្បាប់ IHSS មិនតម្រូវឱ្យបុគ្គលិក IHSS បំពេញ និង/ឬប្រគល់ទម្រង់បែបបទ SOC 821 ដោយផ្ទាល់ទៅវេជ្ជបណ្ឌិត ឬអ្នកជំនាញវេជ្ជសាស្ត្រទេ។ សមាជិកគ្រួសារ ឬអ្នកទទួលសេវា IHSS មានសិទ្ធិឱ្យវេជ្ជបណ្ឌិតបំពេញទម្រង់បែបបទ SOC 821 និងប្រគល់វាទៅខោនធី។ Iបើសិនជាមិនបានប្រគល់ទម្រង់បែបបទទៅខោនធីវិញ ឬមិនទាន់បំពេញទេ នោះខោនធីនឹងកំណត់តម្រូវការសម្រាប់ការមើលខុសត្រូវដែលមានការការពារដោយផ្អែកលើព័ត៌មានដែលខ្លួនមាន។10 ខោនធីអាចបដិសេធការមើលខុសត្រូវដែលមានការការពារ បើសិនជាខ្លួនគ្មានព័ត៌មានទាំងអស់ដែលខ្លួនត្រូវការដើម្បីកំណត់សិទ្ធិទទួលបាន។

ចងចាំថាត្រូវរក្សាច្បាប់ចម្លងនៃឯកសារទាំងអស់ដែលបានដាក់ទៅខោនធីដើម្បីទុកធ្វើជាកំណត់ត្រារបស់អ្នក។

3. យកលិខិតពីវេជ្ជបណ្ឌិត ឬអ្នកជំនាញវេជ្ជសាស្ត្រដែលចងក្រងជាឯកសារនូវតម្រូវការសម្រាប់ការមើលខុសត្រូវដែលមានការការពារ។

ក្រៅពី SOC 821 អ្នកគួរយកលិខិតពីវេជ្ជបណ្ឌិតរបស់អ្នកទទួលសេវា ឬវេជ្ជបណ្ឌិត ឬអ្នកជំនាញវេជ្ជសាស្ត្ររបស់អ្នកទទួលសេវាដែលចងក្រងជាឯកសារនូវការចុះខ្សោយការយល់ដឹង ឬបញ្ហាសុខភាពផ្លូវចិត្ត ឬបញ្ហាសុខភាពផ្សេងទៀត កម្រិតបំពេញមុខងារ អាយុរបស់អ្នកទទួលសេវា និងរៀបរាប់ពីការដែលការចុះខ្សោយ ឬបញ្ហាសុខភាពបង្កឱ្យមានការចងចាំមិនល្អ ការវង្វេងស្មារតី ឬការវិនិច្ឆ័យមិនត្រឹមត្រូវ។ លិខិតនោះគួរតែពន្យល់ថាបុគ្គលនោះមិនអាចវាយតម្លៃដោយការយល់ដឹងអំពីគ្រោះថ្នាក់ និងការប្រឈមនឹងគ្រោះថ្នាក់ និងមូលហេតុដែលបុគ្គលនោះប្រឈមនឹងការរងរបួស ហានិភ័យ ឬគ្រោះថ្នាក់បើសិនជាទុកឱ្យនៅម្នាក់ឯង។

លិខិតនោះគួរផ្ដល់ឧទាហរណ៍អំពីអាកប្បកិរិយាគ្រោះថ្នាក់ និងពន្យល់ពីទំនាក់ទំនងនៃអាកប្បកិរិយាជាមួយនឹងការចុះខ្សោយការយល់ដឹង ឬបញ្ហាសុខភាពផ្លូវចិត្ត ឬបញ្ហាសុខភាពផ្សេងទៀត។ វេជ្ជបណ្ឌិត ឬអ្នកជំនាញវេជ្ជសាស្ត្រ ក៏គួរពន្យល់ផងដែរពីមូលហេតុដែលបុគ្គលនោះដាច់ខាតត្រូវមានអ្នកឃ្លាំមើល 24 ម៉ោងក្នុងមួយថ្ងៃដើម្បីឱ្យមានសុវត្ថិភាពនៅផ្ទះ។

វេជ្ជបណ្ឌិត ឬអ្នកជំនាញវេជ្ជសាស្ត្រដែលសរសេរលិខិតនេះត្រូវតែមានចំណេះដឹងខ្លះអំពីអាកប្បកិរិយារបស់បុគ្គលនោះ និងដឹងថាតើគេមានសមត្ថភាពរាងកាយ ឬផ្លូវចិត្តដែលធ្វើឱ្យពួកគេស្ថិតក្នុងស្ថានភាពគ្រោះថ្នាក់ឬទេ។ អ្នកគួរផ្ដល់ច្បាប់ចម្លងនៃកំណត់ហេតុហានិភ័យ/ការរងរបួសរបស់អ្នកទៅវេជ្ជបណ្ឌិត ឬអ្នកជំនាញវេជ្ជសាស្ត្ររបស់អ្នកទទួលសេវា ដើម្បីជួយឱ្យវេជ្ជបណ្ឌិត ឬអ្នកជំនាញវេជ្ជសាស្ត្រមានចំណេះដឹងកាន់តែច្បាស់ថាតើអ្នកទទួលសេវាមានអាកប្បកិរិយាគ្រោះថ្នាក់ប្រភេទណាដែលពួកគេមិនអាចនៅផ្ទះម្នាក់ឯងទោះពេលណាក៏ដោយក្នុងមួយថ្ងៃ 24 ម៉ោង។

នៅខាងចុងនៃឯកសារបោះពុម្ពផ្សាយនេះ មានលិខិតរបស់វេជ្ជបណ្ឌិតអំពីគំរូការមើលខុសត្រូវដែលមានការការពារ ដែលវេជ្ជបណ្ឌិត ឬអ្នកជំនាញវេជ្ជសាស្ត្ររបស់អ្នកទទួលសេវាអាចបំពេញដើម្បីផ្ដល់ IHSS ដោយមានព័ត៌មានកាន់តែលម្អិតអំពីតម្រូវការនៃសេវាកម្មមើលខុសត្រូវដែលមានការការពារ។

4. យកលិខិតគាំទ្រផ្សេងទៀតដែលបង្ហាញពីតម្រូវការការមើលខុសត្រូវដែលមានការការពារ

អ្នកក៏គួរយកលិខិតផ្សេងទៀតអំពីតម្រូវការការមើលខុសត្រូវដែលមានការការពាររបស់អ្នកទទួលសេវាពីអ្នកផ្ដល់សេវាដែលធ្វើការជាមួយអ្នកទទួលសេវាជាប្រចាំ ដូចជាពីកម្មវិធីពេលថ្ងៃនៃមជ្ឈមណ្ឌលប្រចាំតំបន់ អ្នកផ្ដល់សេវាថែទាំកុមារ អ្នកផ្ដល់សេវាព្យាបាលការវិភាគអាកប្បកិរិយាអនុវត្ត (ABA) ឬអ្នកផ្ដល់សេវាព្យាបាលដោយចលនា។ លិខិតនេះត្រូវមានព័ត៌មានដូចខាងក្រោម៖

អាយុរបស់អ្នកទទួលសេវា និងរយៈពេលដែលអ្នកផ្ដល់សេវាបានស្គាល់គេ
ពិការភាព និងរោគវិនិច្ឆ័យរបស់អ្នកទទួលសេវា ដើម្បីបង្ហាញថាគេមានការចុះខ្សោយការយល់ដឹង បញ្ហាសុខភាពផ្លូវចិត្ត ឬបញ្ហាសុខភាពផ្សេងទៀត
ព័ត៌មានអំពីដែនកំណត់មុខងារចំពោះការចងចាំ ការដឹងទិសតំបន់/ការមិនវង្វេង និងការវិនិច្ឆ័យដែលបណ្ដាលកពីការចុះខ្សោយការយល់ដឹង និង/ឬបញ្ហាសុខភាពផ្លូវចិត្ត ឬបញ្ហាសុខភាពផ្សេងទៀត និងកម្រិតធ្ងន់ធ្ងរ
ព័ត៌មានអំពីថាតើបុគ្គលនោះគ្មានសមត្ថភាពគ្រប់គ្រងខ្លួនឯងឬទេ។ ភាពគ្មានសមត្ថភាពគ្រប់គ្រងខ្លួនឯងមានន័យថាបុគ្គលម្នាក់ (1) មិនអាចវាយតម្លៃប្រកបដោយការយល់ដឹងនូវគ្រោះថ្នាក់ និងការប្រឈមនឹងគ្រោះថ្នាក់ និង (2) មានការប្រឈមនឹងការរងរបួស ហានិភ័យ ឬគ្រោះថ្នាក់ដោយសារតែការចុះខ្សោយការយល់ដឹង ឬបញ្ហាសុខភាពផ្លូវចិត្ត/ ឬបញ្ហាសុខភាពផ្សេងទៀត
ព័ត៌មានអំពីថាតើបុគ្គលនោះត្រូវការការសង្កេត ឬតាមដានដើម្បីឱ្យគេមានសុវត្ថិភាពឬទេ និងមូលហេតុ (ឧ. អ្នកទទួលសេវាត្រូវតែមានគេឃ្លាំមើលដិតដល់ដោយសារបុគ្គលនោះធ្វើអ្វីៗដែលគ្មានសុវត្ថិភាពដោយសារការចុះខ្សោយការយល់ដឹង និងអាចធ្វើបាបខ្លួនឯងដោយចៃដន្យ ឬធ្វើឱ្យខ្លួនឯងស្ថិតនៅក្នុងស្ថានភាពគ្រោះថ្នាក់)
ផ្តល់ឧទាហរណ៍អំពីអាកប្បកិរិយាគ្មានសុវត្ថិភាពដែលបុគ្គលនោះប្រព្រឹត្ត និងភាពញឹកញាប់ដែលអាកប្បកិរិយានោះកើតមាន។

5. ទទួលបានឯកសារផ្សេងទៀតស្តីពីតម្រូវការសម្រាប់ការមើលខុសត្រូវដែលមានការការពារ

អ្នកក៏អាចប្រមូលឯកសារផ្សេងទៀតដូចជា ការវាយតម្លៃផ្នែកផ្លូវចិត្តនាពេលថ្មីៗ ការវាយតម្លៃសុខភាពអាកប្បកិរិយា របាយការណ៍ និងផែនការព្យាបាល IEP និងការប្រែណាមួយ IPP លក្ខណៈបុគ្គលនៃមជ្ឈមណ្ឌលប្រចាំតំបន់ និងឯកសារផ្សេងទៀតដែលបង្ហាញពីដែនកំណត់ចំពោះមុខងារ ការចុះខ្សោយការយល់ដឹង បញ្ហាសុខភាពផ្លូវចិត្ត និងបញ្ហាសុខភាពផ្សេងទៀត និងអាកប្បកិរិយាគ្មានសមត្ថភាពគ្រប់គ្រងខ្លួនឯង (ពោលគឺ មានគ្រោះថ្នាក់) របស់អ្នកទទួលសេវា។ អ្នកក៏អាចប្រមូលរបាយការណ៍ប៉ូលិសដែលចងក្រងពីឧប្បត្តិហេតុនានានៅពេលដែលអ្នកទទួលសេវា IHSS បានលួចរត់ចេញពីផ្ទះ និងវង្វេង ឬត្រូវបានគេរកឃើញថាដើរត្រាច់ចរតាមផ្លូវ។

6. បំពេញទម្រង់បែបបទផែនការធានារ៉ាប់រងនៃការមើលខុសត្រូវដែលមានការការពារមួយថ្ងៃ 24 ម៉ោង (SOC 825)

ខោនធីអាចនឹងស្នើឱ្យបំពេញទម្រង់បែបបទផែនការធានារ៉ាប់រងនៃការមើលខុសត្រូវដែលមានការការពារមួយថ្ងៃ 24 ម៉ោង (SOC 825)។ ខោនធីត្រូវបានតម្រូវឱ្យប្រមូលព័ត៌មានអំពីរបៀបនៃការផ្ដល់ការមើលខុសត្រូវ 24 ម៉ោង។ នេះគឺដោយសារ IHSS មិនបង់ប្រាក់សម្រាប់សេវាកម្ម 24 ម៉ោងក្នុងមួយថ្ងៃទេ ដោយសារតែមានត្រឹម 283 ម៉ោងក្នុងមួយខែ ទោះជាបុគ្គលម្នាក់មានសិទ្ធិទទួលបានការមើលខុសត្រូវដែលមានការការពារនៅត្រូវការការមើលខុសត្រូវ 24 ម៉ោងក្នុងមួយថ្ងៃក៏ដោយ។ ទម្រង់បែបបទនេះស្នើឱ្យអ្នកផ្ដល់សេវាចែករំលែកព័ត៌មានអំពីរបៀបដែលអ្នកទទួលសេវា IHSS ទទួលការឃ្លាំមើលនៅពេលដែលម៉ោង IHSS មិនមានក្នុងរយៈពេល 24 ម៉ោងក្នុងមួយថ្ងៃ។

តើនៅពេលណាដែលសេវាមើលខុសត្រូវដែលមានការការពារមិនត្រូវបានអនុម័ត?

ការមើលខុសត្រូវដែលមានការការពារមិនអាចផ្ដល់ជូនសម្រាប់ប្រការខាងក្រោមទេ៖

ការទៅលេងកន្លែងណាមួយតាមលក្ខណៈធម្មតា ឬសកម្មភាពសង្គម (ឧ. ការឃ្លាំមើលអ្នកទទួលសេវាដើម្បីឱ្យគេអាចទៅព្រះវិហារ ឬចូលចូលរួមលេងល្បែង Bingo)។
តម្រូវការដែលបណ្ដាលមកពីបញ្ហាសុខភាព ហើយបុគ្គលត្រូវការការមើលខុសត្រូវផ្នែកវេជ្ជសាស្ត្រ (ឧ. ការឃ្លាំមើលអ្នកទទួលសេវាដែលមានបញ្ហាពិបាកលេប ដើម្បីបង្ការការស្លាក់ និងផ្ដល់ការបឺតដើម្បីបង្ការការស្ទះដង្ហើម)។
តម្រូវការដែលបណ្ដាលមកពីការគិតទុកមុនថាមានការសង្គ្រោះបន្ទាន់ខាងវេជ្ជសាស្ត្រ (ឧ. ការឃ្លាំមើលអ្នកទទួលសេវាដោយសារគេអាចមានបញ្ហាគាំងបេះដូង ដាច់សរសៃឈាមខួរក្បាល ប្រកាច់ ឬធ្វើទុក្ខពីជំងឺហឺត និងត្រូវការជំនួយវេជ្ជសាស្ត្រ)។
តម្រូវការដើម្បីការពារ ឬគ្រប់គ្រងអាកប្បកិរិយាប្រឆាំងសង្គម ឬបៀតបៀនរបស់អ្នកទទួលសេវា (ឧ. ការឃ្លាំមើលអ្នកទទួលសេវាព្រោះគេអាចវាយ ឬធ្វើឱ្យនរណាម្នាក់រងរបួស ឬបំផ្លាញទ្រព្យសម្បត្តិ)។
តម្រូវការដើម្បីការពារមិនឱ្យមានអាកប្បកិរិយាបំផ្លាញខ្លួនឯងដោយចេតនា (ដោយមានបំណង) ដូចជាការធ្វើអត្តឃាត ឬនៅពេលបុគ្គលម្នាក់ព្យាយាមធ្វើបាបខ្លួនឯងដោយដឹងខ្លួន។11

មូលហេតុផ្សេងទៀតដែលគេអាចបដិសេធការមើលខុសត្រូវដែលមានការការពារ

តាមលក្ខណៈកាយសម្បទា បុគ្គលនោះមិនអាចធ្វើបាបខ្លួនឯងបាន។
បុគ្គលនោះគ្មាន “ការចុះខ្សោយការយល់ដឹង” ឬ “បញ្ហាសុខភាពផ្លូវចិត្ត” ឬ “បញ្ហាសុខភាពផ្សេងទៀត”។
បុគ្គលនោះមានសមត្ថភាពគ្រប់គ្រងខ្លួនឯងបាន ព្រោះគេដឹងនៅពេលអ្វីៗមានគ្រោះថ្នាក់ និងអាចបញ្ឈប់ខ្លួនឯងមិនឱ្យធ្វើអ្វីដែលបង្កគ្រោះថ្នាក់។ (ឧ. មនុស្សចាស់ម្នាក់ដែលដឹងថាខ្លួនគាត់មានបញ្ហារាងកាយ ដែលមិនអាចឱ្យពួកគេដើរដោយសុវត្ថិភាពដោយគ្មានជំនួយ។ បុគ្គលនេះអាចជ្រើសរើសថាពេលណាត្រូវរង់ចាំជំនួយទាក់ទងនឹងការដើរ និងជួនកាលក្រោយពីថ្លឹងថ្លែងពីការប្រឈមនឹងការដួលគាត់អាចជ្រើសរើសការព្យាយាមដើរដោយគ្មានជំនួយ ដូចជានៅពេលព្យាយាមគេចពីអគ្គិភ័យ)។
បើសិនជាកុមារម្នាក់មិនត្រូវការការមើលខុសត្រូវច្រើនជាងកុមារម្នាក់ទៀតដែលមានអាយុស្របាលគ្នាដែលគ្មានពិការភាព។ តម្រូវការការឃ្លាំមើលត្រូវតែទាក់ទងនឹងដែនកំណត់ចំពោះមុខងារ (ឧ. ការចងចាំ ការដឹងទិសតំបន់/ការមិនវង្វេង និងការវិនិច្ឆ័យ) របស់កុមារ ហើយមិនមែនអាយុរបស់កុមារទេ។
ការកែប្រែបរិស្ថានគឺលុបបំបាត់តម្រូវការការមើលខុសត្រូវដែលមានការការពារ។ ឧទាហរណ៍ ការយកប្រដាប់មួលចង្ក្រានចេញ ឬការបន្ថែមគន្លឹះសុវត្ថិភាព។
អាកប្បកិរិយាអាចទាយទុកមុនបាន ហើយតម្រូវការការមើលខុសត្រូវគឺមានតែនៅពេលជាក់លាក់ណាមួយក្នុងមួយថ្ងៃប៉ុណ្ណោះ។12

ការស្នើសុំសវនាការដើម្បីជំទាស់សេចក្ដីសម្រេចអំពី IHSS

បើសិនជាអ្នកមិនយល់ស្របនឹងសេចក្ដីសម្រេចរបស់ខោនធីអំពីអត្ថប្រយោជន៍ IHSS របស់អ្នក រួមទាំងសេចក្ដីសម្រេចរបស់ខោនធីដើម្បីបញ្ចប់ ឬបដិសេធការមើលខុសត្រូវដែលមានការការពាររបស់អ្នក អ្នកមានសិទ្ធិស្នើសុំសវនាការដើម្បីជំទាស់នឹងសេចក្ដីសម្រេចនោះ។ មានកាលបរិច្ឆេទកំណត់សំខាន់ចំនួនពីរដែលអ្នកត្រូវដឹងដើម្បីស្នើសុំសវនាការ។

1. រយៈពេលកំណត់ 90 ថ្ងៃ ដើម្បីស្នើសុំសវនាការ

អ្នកទទួលសេវាមានពេលតែ 90 ថ្ងៃប៉ុណ្ណោះដើម្បីស្នើសុំសវនាការចាប់ពីថ្ងៃជូនដំណឹងអំពីចំណាត់ការ (NOA) របស់ IHSS ឬភាពអសកម្មទាក់ទងនឹងអ្វីដែលបុគ្គលនោះមិនយល់ស្រប (ឧ. ការបដិសេធផ្ទាល់មាត់នូវការមើលខុសត្រូវដែលមានការការពារ)។ អ្នកអាចស្វែងរកព័ត៌មានបន្ថែមអំពីការស្នើសុំសវនាការនៅទីនេះ៖ https://www.cdss.ca.gov/hearing-requests។

2. ជំនួយបង់ប្រាក់ដែលកំពុងរង់ចាំ

ការបន្ដផ្ដល់សេវាក្នុងពេលរង់ចាំសវនាការជាច្បាប់ដែលរារាំងមិនឱ្យ NOA របស់ IHSS មានសុពលភាពខណៈពេលដែលរង់ចាំសវនាការ។ នេះមានន័យថាអត្ថប្រយោជន៍របស់អ្នកនឹងបន្តត្រឹមកម្រិតបច្ចុប្បន្ន រហូតដល់ពេលចេញសេចក្ដីសម្រេចរបស់សវនាការ។ បើសិនជាសវនាការត្រូវបានស្នើសុំមុនពេលការផ្លាស់ប្ដូរ NOA របស់ IHSS មានសុពលភាព នោះសេវាកម្ម IHSS នឹងបន្តត្រឹមកម្រិតដដែលរហូតដល់ពេលចេញសេចក្ដីសម្រេចរបស់សវនាការ។13 សេវាកម្ម IHSS ដែលបន្ដផ្ដល់ក្នុងពេលរង់ចាំសវនាការ មិនត្រូវបានចាត់ទុកថាជាការទូទាត់ប្រាក់លើសទេ ទោះបីជាអ្នកទទួលសេវាចាញ់ក្ដីនៅសវនាការ IHSS ក៏ដោយ គឺមិនចាំបាច់សងអត្ថប្រយោជន៍ទាំងនោះមកវិញទេ។14

អ្នកអាចចូលមើលវិបសាយក្រសួងសេវាសង្គមនៃរដ្ឋក California ដើម្បីស្នើសុំសវនាការតាមអនឡាញ និងស្នើសុំព័ត៌មានបន្ថែមអំពីសំណើសុំសវនាការរបស់រដ្ឋ។

សម្រាប់ព័ត៌មានបន្ថែមអំពីការត្រៀមលក្ខណៈសម្រាប់សវនាការ សូមមើលឯកសារបោះពុម្ពផ្សាយរបស់ DRC អំពីការណែនាំសវនាការយុត្តិធម៌ IHSS៖ របៀបរៀបចំសម្រាប់ការបញ្ចប់ ឬកាត់បន្ថយ IHSS ជាម៉ោង។

សម្រាប់ព័ត៌មានបន្ថែមអំពីរបៀបតស៊ូមតិសម្រាប់សេវាកម្ម IHSS បន្ថែម ដូចជាព័ត៌មានដែលបានរៀបរាប់ខាងលើ សូមពិនិត្យឡើងវិញនូវឯកសារបោះពុម្ពផ្សាយរបស់ DRC៖ ការណែនាំអំពីការវាយតម្លៃខ្លួនឯង និងការវាយតម្លៃ IHSS ដល់គេហដ្ឋាន

ដើម្បីស្វែងយល់បន្ថែមអំពីរបៀបគណនាម៉ោង IHSS សូមមើលឯកសារបោះពុម្ពផ្សាយរបស់ DRC៖ ការស្វែងយល់អំពីចំនួនម៉ោងអតិបរមាដែលមាន និងការគណនាម៉ោង

ការឆ្លើយតបចំពោះមូលហេតុទូទៅដែលខោនធីបដិសេធការមើលខុសត្រូវដែលមានការការពារ

ខោនធីមួយចំនួនមានហេតុផលទូទៅសម្រាប់ប្រាប់ដល់អ្នកណាម្នាក់ថាពួកគេពុំមានសិទ្ធិទទួលបានការមើលខុសត្រូវដែលមានការពារនោះទេ។ ខាងក្រោមនេះ គឺជាហេតុផលងាយៗនិងចម្លើយសមស្របមួយចំនួនរបស់ខោនធី។