ការផ្លាស់ប្តូរ - អាយុយុវជន និងរបបសន្តិសុខសង្គម - ការកំណត់សិទ្ធិជាថ្មីនៅអាយុ 18 ឆ្នាំ
ការផ្លាស់ប្តូរ - អាយុយុវជន និងរបបសន្តិសុខសង្គម - ការកំណត់សិទ្ធិជាថ្មីនៅអាយុ 18 ឆ្នាំ
ហាងស្រានេះប្រាប់អ្នកអំពីច្បាប់ SSI នៅពេលអ្នកមានអាយុ 18 ឆ្នាំ។ ប្រសិនបើអ្នកមាន SSI មុនអាយុ 18 ឆ្នាំ អ្នកត្រូវតែមានសិទ្ធិទទួលបាន SSI របស់អ្នកម្តងទៀត។ ច្បាប់ SSI មានភាពខុសប្លែកគ្នាសម្រាប់មនុស្សដែលមានអាយុលើសពី 18 ឆ្នាំ។ ហាងស្រានេះក៏ប្រាប់អ្នកពីកន្លែងដែលត្រូវទទួលបានជំនួយផងដែរ។
សំណួរ៖ ខ្ញុំបានស្តាប់ឮថា មនុស្សជាច្រើនបានបាត់បង់ SSI និង Medicaid របស់ពួកគេ នៅពេលពួកគេឈានចូលដល់អាយុ 18 ឆ្នាំ។ តើនេះជាការពិតដែរឬទេ?
នេះគឺជាការពិតមែនហើយ ដែលមនុស្សមួយចំនួនដែលមានលក្ខណៈសម្បត្តិសម្រាប់ SSI ក្នុងនាមជាកុមារ ពុំអាចមានលក្ខណៈសម្បត្តិទទួលបាន SSI ក្នុងនាមជាមនុស្សពេញវ័យនោះ។ នេះគឺដោយសារកម្មវិធី SSI មាននិយមន័យពីរយ៉ាងអំពីពិការភាពនេះ – និយមន័យទីមួយសម្រាប់កុមារ និងមួយទៀតសម្រាប់មនុស្សពេញវ័យ (អាយុ 18 ឆ្នាំ និងចាស់ជាងនេះ)។
គ្រប់អ្នកទទួលបាន SSI ទាំងអស់ ដែលឈានចូលដល់អាយុ 18 ឆ្នាំ អាចឲ្យគេត្រួតពិនិត្យសិទ្ធិទទួលបានរបស់ខ្លួន ថាតើពួកគេដាក់ពាក្យសុំ SSI ក្នុងនាមជាមនុស្សពេញវ័យនេះជាលើកដំបូងឬយ៉ាងណា។ ដំណើរការនៃការត្រួតពិនិត្យឡើងវិញនេះ ត្រូវបានហៅថា “ការកំណត់សិទ្ធិជាថ្មីនៅអាយុ 18” ហើយដំណើរការនេះត្រូវបានអនុវត្តដោយសារនិយមន័យពិការភាពរបស់មនុស្សពេញវ័យនៅក្នុងកម្មវិធី SSI មានដែនកំណត់ច្រើនជាងនិយមន័យនៃពិការភាពសម្រាប់កុមារ។ នេះមានន័យថា វាមានការលំបាក់ជាទូទៅក្នុងការស្វែងរកសិទ្ធិទទួលបានសម្រាប់កម្មវិធី SSI ក្នុងនាមជាមនុស្សពេញវ័យ ជាជាងជាកុមារ។ ដោយសារវិធីនៃការកំណត់សិទ្ធិជាថ្មីនៅអាយុ 18 ឆ្នាំនេះ ត្រូវបានធ្វើឡើង មនុស្សម្នាក់ៗអាចត្រូវបានកំណត់ថាគ្មានសិទ្ធិទទួលបានអត្ថប្រយោជន៍នៃកម្មវិធី SSI ក្នុងនាមជាមនុស្សពេញវ័យនោះទេ បើទោះបីជាពុំមានការផ្លាស់ប្តូរនៅក្នុងស្ថានភាពវេជ្ជសាស្រ្ត ឬសមត្ថភាពបំពេញមុខងារចាប់តាំងពីត្រូវបានរកឃើញថាមានសិទ្ធិទទួលបានអត្ថប្រយោជន៍ SSI នៅពេលកុមារភាពក៏ដោយ។
ទិន្នន័យថ្មីៗបំផុតនៃរបបសន្តិសុខសង្គមស្តីពីការកំណត់សិទ្ធិជាថ្មីនៅអាយុ 18 ឆ្នាំ (របាយការណ៍ប្រចាំឆ្នាំ 2014 នៃកម្មវិធី SSI) បង្ហាញថា តិចជាងពាក់កណ្តាល (55.7%) នៃអ្នកទទួលបាន SSI ដែលបានឆ្លងកាត់ដំណើរការនេះ ត្រូវបានរកឃើញជាដំបូងថាគ្មានសិទ្ធិទទួលបាន SSI ស្ថិតក្រោមនិយមន័យពិការភាពសម្រាប់មនុស្សពេញវ័យ។ មនុស្សនៅវ័យក្មេងខ្លះ ចុងក្រោយក៏ទទួលបានការអនុញ្ញាតតាមរយៈដំណើរការនៃបណ្តឹងឧទ្ធរណ៍ ប៉ុន្តែច្រើនជាងមួយភាគបីនៅបន្តគ្មានសិទ្ធិទទួលបាន SSI ក្នុងនាមជាមនុស្សពេញវ័យដដែល។ ដោយសារមូលហេតុនេះ វាពិតជាមានសារៈសំខាន់សម្រាប់សិស្សានុសិស្សក្នុងការត្រៀមខ្លួនសម្រាប់ការងារ តាមរយៈការទទួលបានជំនាញការងារ និងការបញ្ចប់ការសិក្សារបស់ពួកគេ។
សំណួរ៖ តើដំណើរការនៃការកំណត់សិទ្ធិជាថ្មីនៅអាយុ 18 សម្រាប់ SSI មានដំណើរការយ៉ាងដូចម្តេច?
រាល់អ្នកទទួលបាន SSI ទាំងអស់ក្នុងនាមជាកុមារ ត្រូវឆ្លងកាត់ដំណើរការនៃ
ការកំណត់សិទ្ធិជាថ្មីនៅអាយុ 18 ឆ្នាំ លើចំណុចមួយចំនួនបន្ទាប់ពីខួបកំណើតអាយុ 18 ឆ្នាំរបស់ពួកគេ។ ជាទូទៅ ការកំណត់សិទ្ធិជាថ្មីនៅអាយុ 18 ឆ្នាំ ត្រូវធ្វើឡើងនៅក្នុងរយៈពេល 12 ខែបន្ទាប់ពីខួបកំណើតអាយុ 18 ឆ្នាំ ប៉ុន្តែនេះមិនមែនជាការតម្រូវដោយបទប្បញ្ញត្តិច្បាប់នោះទេ។ របបសន្តិសុខសង្គម ពុំចាប់ផ្តើមបានឆាប់ជាងខែនៃការកំណត់សិទ្ធិជាថ្មីនៅអាយុ 18 ឆ្នាំ នៃខែដែលបុគ្គលម្នាក់ចូលដល់អាយុ 18 ឆ្នាំនោះទេ។ ទាំងនេះគឺជាជំហាននៅក្នុងដំណើរការនេះ៖
ជំហាន 1៖ ការជូនដំណឹងជាលាយលក្ខណ៍អក្សរអំពីការកំណត់សិទ្ធិជាថ្មី
ការិយាល័យមូលដ្ឋានសេវាសន្តិសុខសង្គម ចាប់ផ្តើមដំណើរការនេះដោយផ្ញើការជូនដំណឹងជាលាយលក្ខណ៍អក្សរទៅអ្នក ដែលករណីរបស់អ្នក នឹងត្រូវធ្វើការកំណត់សិទ្ធិជាថ្មី។
ជំហាន 2៖ ការសម្ភាសនៅការិយាល័យមូលដ្ឋាននៃសេវាសន្តិសុខសង្គម
ជំហានបន្ទាប់ គឺទៅកាន់ការិយាល័យមូលដ្ឋាននៃសេវាសន្តិសុខសង្គមដើម្បីបញ្ចប់ការសម្ភាសអំពីសិទ្ធិទទួលបាននៅដំណាក់កាលដំបូង។ គោលបំណងនៃការសម្ភាសនេះ គឺដើម្បីប្រមូលព័ត៌មានអំពីភាពធ្ងន់ធ្ងរនៃពិការភាពរបស់អ្នក និងរបៀបដែលវាជះឥទ្ធិពលដល់សមត្ថភាពរបស់អ្នកក្នុងការបំពេញមុខងារ។ ក្នុងអំឡុងពេលនៃការសម្ភាសនេះ បុគ្គលិកសង្គមកិច្ចនឹងបំពេញទម្រង់បែបបទកិច្ចសម្ភាសពិការភាពនៅដំណាក់ដំបូង រួមទាំងទម្រង់លេខ SSA-3367-F4 (ការិយាល័យមូលដ្ឋានសម្រាប់រាយការណ៍ពីពិការភាព) ទម្រង់លេខ SSA-3368-BK (របាយការណ៍ពិការភាព-មនុស្សពេញវ័យ) និងរបាយការណ៍ពិការភាពសមស្រប និងរបាយការណ៍មុខងារ។ របបសន្តិសុខសង្គម នឹងស្នើសុំឲ្យអ្នកចុះហត្ថលេខាលើទម្រង់បែបបទមួយចំនួន ដោយផ្តល់ការអនុញ្ញាតដល់ពួកគេឲ្យទាក់ទងទៅកាន់វេជ្ជបណ្ឌិតរបស់អ្នក និងអ្នកផ្តល់សេវាដទៃផ្សេងទៀត និង/ឬគ្រូបង្រៀនដែលធ្វើការជាមួយអ្នក។
ជំហាន 3៖ ត្រួតពិនិត្យដោយសេវាកំណត់ពិការភាព (DDS)
រាល់ព័ត៌មានទាំងអស់ដែលប្រមូលបាននៅក្នុងកិច្ចសម្ភាស ត្រូវបានផ្ញើទៅកាន់សេវាកំណត់ពិការភាព ឬ DDS។ នេះគឺជាទីភ្នាក់ងាររបស់រដ្ឋដែលត្រួតពិនិត្យព័ត៌មានវេជ្ជសាស្រ្តនិងព័ត៌មានមិនមែនវេជ្ជសាស្រ្ត ដើម្បីធ្វើការកំណត់ថាតើអ្នកមានពិការភាពស្ថិតក្រោមច្បាប់នេះដែរឬអត់។ DDS អនុវត្តតាមដំណើរការលម្អិតមួយ (ហៅថា “ដំណើរការវាយតម្លៃតាមលំដាប់លំដោយ”) ដើម្បីធ្វើការកំណត់ថាតើពិការភាពរបស់អ្នក “ធ្ងន់ធ្ងរខ្លាំង” ដូចបានកំណត់នៅក្នុងរបបសន្តិសុខសង្គមដែរឬទេ។ DDS ក៏ធ្វើការត្រួតពិនិត្យផងដែរលើសមត្ថភាពរបស់អ្នកក្នុងរកប្រាក់ចំណូលពីការងារនាពេលអនាគត ដោយធ្វើការត្រួតពិនិត្យព័ត៌មានដែលប្រមូលបានពីគ្រូបង្រៀនរបស់អ្នក និងអ្នកជំនាញផ្នែកពិការភាពដទៃផ្សេងទៀត ដែលអាចធ្វើការងារជាមួយអ្នកបាន។
ជំហាន 4៖ ការជូនដំណឹងអំពីលទ្ធផលនៃការកំណត់សិទ្ធិនេះ
ការជូនដំណឹងជាលាយលក្ខណ៍អក្សរ នឹងត្រូវបានផ្ញើជូនទៅអ្នកបន្ទាប់ពីការកំណត់សិទ្ធិជាថ្មី ដើម្បីអនុញ្ញាតឲ្យអ្នកដឹងថាតើអ្នកមានសិទ្ធិទទួលបាន SSI ក្នុងនាមជាមនុស្សពេញវ័យម្នាក់ដែរឬទេ។ ប្រសិនបើអ្នកមានសិទ្ធិទទួលបាន SSI ក្នុងនាមជាមនុស្សពេញវ័យ អ្នកនឹងបន្តទទួលបានការទូទាត់ប្រាក់ SSI និង Medicaid ដោយពុំមានការរំលងណាមួយនោះទេ។
ប្រសិនបើអ្នកមិនបានកំណត់ថាមានសិទ្ធិទទួលបានអត្ថប្រយោជន៍ SSI ក្នុងនាមជាមនុស្សពេញវ័យម្នាក់នោះទេ អ្នកនឹងទទួលបានការជូនដំណឹងជាលាយលក្ខណ៍អក្សរ ដោយលើកឡើងថាអ្នកពុំមានសិទ្ធិទទួលបានអត្ថប្រយោជន៍ទៀតនោះទេ។ អ្នកនឹងទទួលបានការបង់ប្រាក់ចំនួនពីរដងបន្ថែមទៀត បន្ទាប់ពីកាលបរិច្ឆេទនៃការជូនដំណឹងនេះ ហើយបន្ទាប់មកអត្ថប្រយោជន៍ SSI និង Medicaid នឹងបញ្ចប់។ ការបង់ប្រាក់លើសចំនួន អាចកើតមានឡើង ប្រសិនបើអ្នកនៅបន្តទទួលបន្តទទួលប្រាក់បន្ទាប់ពីរយៈពេលលើកលែងចំនួនពីរខែនេះ។ ដំណឹងល្អនោះគឺថា ប្រសិនបើអ្នកត្រូវបានរកឃើញថាគ្មានសិទ្ធិទទួលបានកម្មវិធី ស្ថិតក្រោមវិធានសម្រាប់មនុស្សពេញវ័យ អ្នកនឹងមិនតម្រូវឲ្យបង់ប្រាក់ SSI ដែលទទួលបានត្រឡប់ទៅវិញ បន្ទាប់ពីខែនៃខួបកំណើតអាយុ 18 ឆ្នាំរបស់អ្នកនោះទេ។ របបសន្តិសុខសង្គម នឹងស្នើសុំអ្នកឲ្យបង់ប្រាក់ដែលអ្នកទទួលបានត្រឡប់ទៅវិញ តែបន្ទាប់ពីមានការកំណត់សិទ្ធិនេះតែប៉ុណ្ណោះ និងបន្ទាប់ពីរយៈពេលអនុគ្រោះពីរខែនេះ ត្រូវបានបញ្ចប់។
សំណួរ៖ ខ្ញុំបានស្តាប់ឮថា ការទៅធ្វើការអាចបណ្តាលឲ្យខ្ញុំត្រូវបានគេកំណត់ថាគ្មានសិទ្ធិទទួលបាន SSI ក្នុងនាមជាមនុស្សពេញវ័យម្នាក់ - តើពិតដែរឬទេ?
មនុស្សវ័យក្មេងជាច្រើន និងក្រុមគ្រួសាររបស់ពួកគេ តែងមានការយល់ច្រលំថា អ្នកទទួលបាន SSI ត្រូវតែជាមនុស្សដែលមិនធ្វើការ ទោះក្នុងកម្រិតណាមួយក៏ដោយ នៅពេលមានការកំណត់សិទ្ធិជាថ្មីនៅអាយុ 18។ ជាការពិតណាស់ ជំហាននៃសកម្មភាពទទួលបានប្រយោជន៍សំខាន់ៗ (SGA) នៃដំណើរការក្នុងការវាយតម្លៃតាមលំដាប់លំដោយ ពុំអនុវត្តចំពោះការកំណត់សិទ្ធិជាថ្មីលើពិការភាពនោះទេ។
ជាទូទៅ ប្រសិនបើមនុស្សម្នាក់រកប្រាក់បានច្រើនជាង SGA បច្ចុប្បន្ន ($1,180 ក្នុងមួយខែក្នុងឆ្នាំ 2018 ឬ $1,220 ក្នុងមួយខែក្នុងឆ្នាំ 2019) របបសន្តិសុខសង្គម នឹងធ្វើសេចក្តីសម្រេចថា ពួកគេគ្មានសិទ្ធិទទួលបានអត្ថប្រយោជន៍ផ្នែកពិការភាពគ្រប់ប្រភេទទាំងអស់។ ដំណឹងល្អនោះគឺថា វិធាននេះ ពុំអនុវត្តចំពោះការកំណត់សិទ្ធិជាថ្មីនៅអាយុ 18 នោះទេ។ នេះមានន័យថា អ្នកអាចរកប្រាក់បានច្រើនជាងគោលការណ៍ណែនាំ SGA បច្ចុប្បន្ន ហើយនៅតែបន្តមានសិទ្ធិទទួលបាន SSI ស្ថិតក្រោមវិធានសម្រាប់មនុស្សពេញវ័យក្នុងអំឡុងពេលនៃការកំណត់សិទ្ធិជាថ្មីនៅអាយុ 18 ឆ្នាំ ឲ្យតែអ្នកបំពេញតាមស្តង់ដាពិការភាព និងវិធានស្តីពីពិការភាពរបស់ SSI។
ពុំមានហេតុផលណាមួយដែលត្រូវរងចាំមិនព្រមធ្វើការងារទទួលបានប្រាក់ឈ្នួល រហូតទាល់តែអ្នកបញ្ចប់ការកំណត់សិទ្ធិជាថ្មីនៅអាយុ 18 ឆ្នាំ ដោយជោគជ័យនោះទេ។ អ្នកអាចធ្វើការនៅមុនពេល អំឡុងពេល ឬក្រោយពេលនៃការកំណត់សាជាថ្មី ហើយវានឹងមិនជះឥទ្ធិពលដល់សិទ្ធិទទួលបានរបស់អ្នកសម្រាប់ SSI ក្នុងនាមជាមនុស្សពេញវ័យម្នាក់នោះទេ។
សំណួរ៖ ខ្ញុំមានក្តីព្រួយបារម្ភអំពីការដែលត្រូវរកឃើញថាគ្មានសិទ្ធិទទួលបាន SSI ក្នុងនាមជាមនុស្សពេញវ័យម្នាក់។ តើមានអ្វីដែលខ្ញុំអាចធ្វើបានដើម្បីជៀសវាងពីការកំណត់សិទ្ធិជាថ្មីនៅអាយុ 18 ឬត្រៀមរៀបចំសម្រាប់ការកំណត់សិទ្ធិជាថ្មីនេះ?
គឺពុំមានវិធីណាមួយដែលអ្នកអាចជៀសវាងពីការកំណត់សិទ្ធិជាថ្មីនៅអាយុ 18 ឆ្នាំនេះបាននោះទេ។ រាល់អ្នកទទួលបាន SSI ជាកុមារទាំងអស់ ត្រូវឆ្លងកាត់ដំណើរការនេះនៅចំណុចណាមួយបន្ទាប់ពីពួកគេឈានចូលដល់អាយុ 18 ឆ្នាំ។ ក៏ប៉ុន្តែ មានរឿងមួយចំនួនដែលអ្នកនិងក្រុមគ្រួសាររបស់អ្នកអាចធ្វើបានដើម្បីត្រៀមរៀបចំសម្រាប់ការកំណត់សិទ្ធិជាថ្មីនៅអាយុ 18 ឆ្នាំ និងលទ្ធភាពដែលអ្នកមិនអាចមានលក្ខណៈសម្បត្តិគ្រប់គ្រាន់សម្រាប់ SSI ក្នុងនាមជាមនុស្សពេញវ័យម្នាក់។
- ដំបូង វាពិតជាមានសារៈសំខាន់ដែលអ្នកបានត្រៀមខ្លួនសម្រាប់ការងារ តាមរយៈការបង្កើតជំនាញការងារ និងការទទួលបានបទពិសោធន៍ការងារនៅពេលអ្នកនៅសាលារៀន។ ពុំមានការធានាថាអត្ថប្រយោជន៍ SSI នឹងបន្តនៅពេលអ្នកចូលដល់វ័យពេញវ័យនោះទេ ហើយអ្នកត្រូវការមានប្រាក់ចំណូលមួយចំនួនដើម្បីជួយគាំទ្រដល់អ្នកផ្ទាល់។ វិធីដែលអាចទុកចិត្តបានជាងគេបំផុតសម្រាប់ស្ថេរភាពផ្នែកហិរញ្ញវត្ថុនៅក្នុងពេលអនាគត គឺតាមរយៈការងារទទួលបានប្រាក់ចំណូល។
- ត្រូវប្រាកដថា អ្នកប្រមូលព័ត៌មានអំពីពិការភាពនិងកំណត់ត្រាវេជ្ជសាស្រ្តរបស់អ្នក និងប្រគល់ព័ត៌មាននោះទៅរបបសន្តិសុខសង្គម ដើម្បីឲ្យការកំណត់សិទ្ធិជាថ្មីនៅអាយុ 18 ឆ្នាំ ត្រូវដំណើរការទៅដោយរលូន។ ត្រូវប្រាកដថា ត្រូវធ្វើការឆ្លើយតបឲ្យបានទាន់ពេលវេលានៅពេលរបបសន្តិសុខសង្គម ស្នើសុំព័ត៌មានរបស់អ្នក។ ត្រូវចងចាំថា អ្នកមានសិទ្ធិក្នុងការប្តឹងឧទ្ធរណ៍ចំពោះការសម្រេចណាមួយ ប្រសិនបើអ្នកមិនឯកភាពនឹងការសម្រេចនោះ។ ប្រសិនបើអ្នកប្តឹងឧទ្ធរណ៍ចំពោះការកំណត់សិទ្ធិជាថ្មីនៅអាយុ 18 ឆ្នាំ អ្នកនឹងទទួលបានការអនុញ្ញាតឲ្យរក្សាអត្ថប្រយោជន៍របស់អ្នក នៅពេលមានការប្តឹងឧទ្ធរណ៍នេះ ប្រសិនបើបណ្តឹងឧទ្ធរណ៍ត្រូវបានដាក់ប្តឹងក្នុងរយៈពេល 10 ថ្ងៃបន្ទាប់ពីការជូនដំណឹងនោះ។ ក៏ប៉ុន្តែ អ្នកត្រូវការយល់ដឹងថាតើបណ្តឹងឧទ្ធរណ៍នោះពុំនាំឲ្យមានការធ្វើសេចក្តីសម្រេចដោយយោគយល់នោះទេ ប្រាក់ដែលអ្នកទទួលបានចាប់តាំងពីថ្ងៃនៃការកំណត់សិទ្ធិលើកដំបូង នឹងត្រូវទូទាត់ត្រឡប់ទៅវិញដោយរបបសន្តិសុខសង្គម។
- ជាចុងក្រោយ អាចមានការបន្តការបង់ប្រាក់ SSI របស់អ្នកក្នុងរយៈពេលខ្លីនៃពេលនោះ បើទោះបីជាអ្នកមិនត្រូវបានរកឃើញថាមានសិទ្ធិទទួលបាន SSI ក្នុងនាមជាមនុស្សពេញវ័យម្នាក់ស្ថិតក្រោមលក្ខខណ្ឌពិសេសហៅថា “ផ្នែក 301” ក៏ដោយ។ ដើម្បីមានសិទ្ធិទទួលបានអត្ថប្រយោជន៍បន្តស្ថិតក្នុងផ្នែក 301 អ្នកត្រូវចូលរួមយ៉ាងសកម្មនៅក្នុងកម្មវិធីសមស្របនៃការស្តារនីតិសម្បទារការងារ ឬទទួលបានសេវាអប់រំពិសេសស្ថិតក្រោមគម្រោងអប់រំផ្តោតសំខាន់លើបុគ្គល (IEP) នៅមុនពេលការកំណត់សិទ្ធិនេះត្រូវបានធ្វើឡើង។ បន្ថែមលើនេះ របបសន្តិសុខសង្គម ត្រូវធ្វើការកំណត់ថាតើអ្នកនឹងត្រូវការអត្ថប្រយោជន៍ SSI តិចតួចនៅក្នុងអនាគតដែរឬទេ ប្រសិនបើអ្នកបញ្ចប់ការសិក្សារ ឬកម្មវិធីស្តារនីតិសម្បទារការងាររបស់អ្នក។ សម្រាប់យុវជនស្ថិតក្រោមអាយុ 22 របបសន្តិសុខសង្គមសន្មតថា ការចូលរួមជាបន្តបន្ទាប់នៅក្នុងកម្មវិធីអប់រំស្ថិតក្រោមកម្មវិធី IEP ទំនងជានឹងនាំឲ្យមានការដកចេញជាអចិន្រ្តៃយ៍ពីបញ្ជីពិការភាព។
សំណួរ៖ រឿងទាំងអស់នេះ ស្តាប់ទៅដូចជាមានការស្មុគ្រស្មាញណាស់។ តើខ្ញុំអាចទទួលបានជំនួយដើម្បីស្វែងយល់អំពីដំណើរការនៃការកំណត់សិទ្ធិជាថ្មីនៅអាយុ 18 ឆ្នាំ ដែលនឹងប៉ះពាល់ដល់រូបខ្ញុំនេះនៅកន្លែងណា?
របបសន្តិសុខសង្គម ផ្តល់មូលនិធិដល់សេវាសំខាន់មួយដែលមានឈ្មោះថា “ការធ្វើផែនការនិងជំនួយឧបត្ថម្ភធន” (WIPA) ដែលបង្កើតឡើងតាមតម្រូវការដើម្បីជួយឲ្យអ្នកយល់ដឹងអំពីបញ្ហាអត្ថប្រយោជន៍សំខាន់ៗ ដូចជាការកំណត់សិទ្ធជាថ្មីនៅអាយុ 18 ឆ្នាំជាដើម។ គម្រោង WIPA ត្រូវបានរៀបចំឡើងនៅក្នុងសហគមន៍ ដែលទទួលបានការអនុញ្ញាតដោយរបបសន្តិសុខសង្គមរបស់អ្នក ដើម្បីផ្តល់ការប្រឹក្សាយោបល់ដោយឥតគិតថ្លៃអំពីអត្ថប្រយោជន៍ជូនដល់អ្នកទទួលបានប្រយោជន៍ពីកម្មវិធីពិការភាពនៃរបបសន្តិសុខសង្គម ដើម្បីជួយពួកគេឲ្យធ្វើការសម្រេចចិត្តដោយមានព័ត៌មានគ្រប់គ្រាន់អំពីការងារណាមួយ។
សេវា WIPA ត្រូវបានបង្កើតឡើងដើម្បីលើកកម្ពស់ឯករាជ្យភាពការងារនិងហិរញ្ញវត្ថុក្នុងចំណោមអ្នកទទួលបានប្រយោជន៍ពិការភាពនៃរបបសន្តិសុខសង្គមទាំងអស់ – ពោលគឺសម្រាប់មនុស្សដូចជារូបអ្នកដែរ! ទោះបីជាមានលក្ខណៈល្អប្រសើរក៏ពិតមែន ក៏ប៉ុន្តែអ្នកទទួលបានប្រយោជន៍ដែលមានអាយុយ៉ាងតិច 14 ឆ្នាំ រហូតដល់ 25 ឆ្នាំ មានអាទិភាពខ្ពស់សម្រាប់គម្រោង WIPA នេះ។ គោលបំណងនៃសេវាកម្មនេះ គឺដើម្បី៖
- បង្កើនចំនួនអ្នកទទួលប្រយោជន៍នៃពិការភាពរបបសន្តិសុខសង្គម ដែលបានជ្រើសរើសធ្វើការការងារដែលទទួលបានប្រាក់ឈ្នួល។
- គាំទ្រដល់អ្នកទទួលបានអត្ថប្រយោជន៍ពិការភាពនៅក្នុងការរក្សាការងារដោយជោគជ័យ (ឬស្វ័យនិកម្មភាព) ក្នុងរយៈពេលយូរ។
- ផ្តល់ការប្រឹក្សាយោបល់លើប្រាក់ឧបត្ថម្ភការងារ ដែលជួយឲ្យអ្នកទទួលប្រយោជន៍ អាចបង្កើនប្រាក់ចំណូលរបស់ពួកគេពីពេលមួយទៅពេលមួយ និងដើម្បីលើកកម្ពស់អត្ថប្រយោជន៍ហិរញ្ញវត្ថុនៃការងារនោះ។ និង
- កាត់បន្ថយការពឹងផ្អែកលើអត្ថប្រយោជន៍ពិការភាពនិងកម្មវិធីគាំទ្រប្រាក់ចំណូលដទៃផ្សេងទៀត។
គម្រោង WIPA ក្នុងមូលដ្ឋានរបស់អ្នក អាចជួយអ្នកឲ្យយល់ដឹងពីរបៀបដែលការងារអាចជះឥទ្ធិពលដល់បណ្តុំអត្ថប្រយោជន៍ពិសេសរបស់អ្នក។ នៅពេលដែលអ្នកចាប់ផ្តើមធ្វើការងារ គម្រោង WIPA ក៏អាចផ្តល់ជូននូវព័ត៌មាន និងការគាំទ្រដើម្បីជួយអ្នកឲ្យមានឯករាជ្យភាពផ្នែកហិរញ្ញវត្ថុបានច្រើនជាងមុនផងដែរ។
ឲ្យតែអ្នកចាប់ផ្តើមត្រៀមខ្លួនជាស្រេចក្នុងការទទួលបានអត្ថប្រយោជន៍ពិការភាពនៃរបបសន្តិសុខសង្គម ហើយអ្នកមានអាយុយ៉ាងតិច 14 ឆ្នាំ នោះអ្នកនឹងមានសិទ្ធិទទួលបានជំនួយនេះ។ ការដែលអ្នកទទួលបានការប្រឹក្សាយោបល់ឲ្យបានឆាប់រហ័សអំពីការងារនិងអត្ថប្រយោជន៍នានា នោះនឹងអាចជៀសវាងបញ្ហានានាបានកាន់ច្រើននៅក្នុងពេលអនាគត។ សូមកុំពន្យារពេលឲ្យសោះ – ទូរសព្ទមកថ្ងៃនេះ!
សេវាទាំងអស់ គឺឥតគិតថ្លៃ សូមទំនាក់ទំនង DRC WIPA តាមរយៈលេខ 888-768-7085។
ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។
Click links below for a downloadable version.
Haga clic en enlaces a continuación para una versión completa descargable.
다운로드 가능한 전체 버전은 아래 링크를 클릭 하십시오.
点击下面的链接查看完整的可下载版本。
Nhấp vào liên kết dưới đây để có phiên bản tải về đầy đủ.
សូមចុចខាងក្រោមដើម្បីទទួលបានកំណែពេញលេញ។
Нажмите на ссылку ниже для полной загружаемой версии.
Mag-click sa ibaba para sa isang buong nada-download na bersyon.
Nyem Hauv qab rau ib daim ntawv uas muaj downloadable puv nkaus.
Սեղմեք ներքեւում, ամբողջական բեռնվող տարբերակի համար
انقر أدناه للحصول على نسخة كاملة قابلة للتنزيل
ダウンロード可能なバージョンについては、以下のリンクをクリックしてください。
نسخه کامل دانلود زیر کلیک کنید.