Cov Chaw Hauj Lwm Muaj Cai Tswj Vaj Tse Nyob, Cov Ntawv Muab Cai Section 8, thiab Kev Ntxub Ntxaug Txog Vaj Tse Nyob Raws Li Kev Xiam OOb Qhab - Koj Cov Cai thiab Cov Kev Xaiv

Cov Chaw Hauj Lwm Muaj Cai Tswj Vaj Tse Nyob, Cov Ntawv Muab Cai Section 8, thiab Kev Ntxub Ntxaug Txog Vaj Tse Nyob Raws Li Kev Xiam OOb Qhab - Koj Cov Cai thiab Cov Kev Xaiv
Daim ntawv qhia tseeb no tham txog cov cai ntawm cov neeg xiam oob khab kom tsis txhob muaj kev tsis taus raws li kev ntxub ntxaug los ntawm tsoomfwv cov koomhaum thiab qee cov lag luam. Lub hom phiaj ntawm daim ntawv qhia tseeb no yog los muab Housing Authority-cov ntaub ntawv tshwj xeeb thiab cov piv txwv. Yog xav paub ntxiv txog Kev Pabcuam Tsim Nyog thiab Kev Hloov Kho, saib peb cov ntawv tshaj tawm "Kev Ntxub Ntxaug Txog Vaj Tse Nyob Raws Li Kev Xiam OOb Qhab - Koj Cov Cai thiab Cov Kev Xaiv"
Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.
Cov Txheej Lus
- Cov Lus Taw Qhia
- Tsab Ntawv Qauv Piv Txwv mus rau Lub Chaw Hauj Lwm Muaj Cai Tswj Vaj Tse Nyob
- Tsab Ntawv Kuaj Xyuas Ua Qauv tuaj ntawm Tus Kws Txawj Ua Hauj Lwm Ntsig Txog Fab Kev Kho Mob
- Mus Muab Koj Li PHA los Teb rau Koj Cov Ntawv Thov
- Kev Yuam Siv Koj Cov Cai: Cov Kev Tsis Txaus Siab thiab Kev Sib Foob
Cov Lus Taw Qhia
Kev ntxub ntxaug los ntawm cov koom haum ua hauj lwm ntawm tsoom fwv thiab qee cov chaw lag luam tawm tsam rau cov neeg uas muaj kev xiam oob qhab yog qhov txhaum kev cai. Qhov no suav nrog kev ntxub ntxaug los ntawm Cov Chaw Hauj Lwm Muaj Cai Tswj Vaj Tse Nyob Nom Tswv Pab uas tuav tswj/tswj hwm cov khoos kas pab txog vaj tse nyob, xws li Vaj Tse Nyob Nom Tswv Pab thiab Cov Ntawv Muab Cai Section 8. Cov kev ua txawv los sis tsis ua tuaj yeem xam tias yog kev ntxub ntxaug. Qee qhov piv txwv txog yam uas kev ntxub ntxaug txog kev xiam oob qhab zoo li cas ntawd yuav yog:
- Lub Chaw Hauj Lwm Muaj Cai Tswj Vaj Tse Nyob saib ib tus neeg twg txawv lwm tus los sis tsis pom zoo ua hauj lwm nrog ib tus neeg twg vim tias lawv muaj kev xiam oob qhab. Qhov piv txwv tuaj yeem yog ib tug neeg ua hauj lwm ntawm Lub Chaw Hauj Lwm Muaj Cai Tswj Vaj Tse Nyob tsis kam tham nrog ib tug neeg vim tias lawv xav tau ib tug kws txhais lus ua Hom Lus Piav Tes Rau Neeg Meskas (American Sign Language, ASL) kom sib txuas lus tau, thiab tus neeg ua hauj lwm tsis siv zog los mus nrhiav kom tau ib tug.
- Tej khoom thiav lub cev uas thaiv los sis tab kaum kev nkag cuag tau
- Kev ua phem
- Kev ua pauj
- Cov lus hais txog kev ntxub ntxaug
- Muab tsis tau cov kev zam los sis cov kev hloov pauv uas tsim nyog ("cov chaw nyob thiab cov kev hloov kho kom tsim nyog").
Qhov Sib Txawv Ntawm Cov Chaw Nyob Uas Tsim Nyog thiab Cov Kev Hloov Kho Uas Tsim Nyog
Cov Chaw nyob uas tsim nyog ("RA") yog cov kev zam rau cov cai, cov txheej txheem hauj lwm, cov kev pab cuam, los sis cov cai tswj hwm. Cov kev hloov kho kom tsim nyog ("RM") yog cov kev hloov pauv kiag rau cov tuam tsev, cov chav tsev, los sis ib cheeb tsam. Cov kev pab cuam thiab cov kev hloov kho yuav muab xam tias yog qhov tsim nyog yog tias lawv:
- Yog qhov tsim nyog los muab ib lub hwv tsam sib npaug zog rau ib tus neeg uas xiam oob qhab twg los siv thiab muaj kev lom zem nrog vaj tse nyob;
- Tsis hloov pauv tus yam ntxwv ntawm lub vaj tse nyob los sis lwm cov kev pab cuam uas tau txais yam tsawg kawg; los sis
- Tsis tsim ua kom muaj hauj lwm rau lub chaw muab kev pab cuam vaj tse nyob; los sis
- Tsis xam tias yog kev phom sij ncaj qha rau kev noj qab haus huv los sis kev nyab xeeb ntawm lwm tus los sis yuav tsis ua rau muaj kev puas tsuaj rau lub cev ntau heev rau thaj av vaj tsev ntawm lwm tus.
Tom qab tus neeg ua ntawv thov qhia tias kev pab cuam thiab/los sis kev hloov kho yog qhov tsim nyog (#1 saum toj no), lub chaw muab kev pab cuam vaj tse nyob uas tau txais daim ntawv thov tsuas yuav tsis kam pom zoo rau daim ntawv thov vim yog muaj #2, 3, los sis 4 uas hais saum toj no nkaus xwb.
Yog xav paub ntau ntxiv los ntawm Teb Chaws Mes Kas Lub Thawj Fab Saib Xyuas Saib Xyuas Hauj Lwm Kev Txhim Kho Vaj Tse Nyob thiab Nroog Loj ("HUD"), lub chaw ua hauj lwm ntawm tsoom fwv teb chaws tau tso cai kom yuav siv tsoom fwv teb chaws cov kev cai lij choj hais txog vaj tse nyob yam ncaj ncees, saib hauv: https://www.hud.gov/program_offices/fair_housing_equal_opp/reasonable_accommodations_and_modifications
Cov Piv Txwv ntawm Cov Ntawv Thov Txog Chaw Nyob Uas Tsim Nyog
Cov Chaw Hauj Lwm Muaj Cai Tswj Vaj Tse Nyob yuav tsum tau muab cov kev pab cuam yam tsim nyog thaum uas tsim nyog los muab kev nkag cuag yam sib npaug zog rau ib tus neeg uas xiam oob qhab twg mus rau ib qho chaw twg ntawm cov khoos kas kev pab cuam uas lawv tuav tswj, suav nrog cov khoos kas pab Section 8. Kev pab cuam tshwj xeeb yuav sib txawv yog saib raws li tus neeg thiab qhov xwm txheej, thiab yeej muaj chaw rau yus xav tsim koj sib haum. Cov qauv piv txwv no muaj cia rau ua qauv qhia txog qee yam yuav ua tau:
- Cov Qauv Cai Kev Them Nyiaj Tau Siab Zog – Cov qauv cai kev them nyiaj yog feem ntau uas Lub Chaw Hauj Lwm Muaj Cai Tswj Vaj Tse Nyob tuaj yeem them tau los pab yim neeg nrog tus nqi xauj tsev. Lub Chaw Hauj Lwm Muaj Cai Tswj Vaj Tse Nyob yuav teeb cov qauv cai kev them nyiaj rau txhua qhov loj me ntawm chav tsev nyob. Lub Chaw Hauj Lwm Muaj Cai Tswj Vaj Tse Nyob tuaj yeem pom zoo tau txog tus qauv cai kev them nyiaj siab zog raws li yog qhov chaw nyob uas tsim nyog, tab sis tsuas yuav siab kawg nkaus mus rau qee qhov nqi nkaus xwb. Lub Chaw Hauj Lwm Muaj Cai Tswj Vaj Tse Nyob Txoj Phiaj Xwm Fab Kev Tuav Tswj tsim nyog muaj cov ntaub ntawv qhia paub ntxaws hais txog qhov no. Lub Chaw Hauj Lwm Muaj Cai Tswj Vaj Tse Nyob yuav teeb cov qauv cai kev them nyiaj siab zog rau ib yim neeg twg raws li chaw nyob uas tsim nyog, tab sis tej zaum lawv yuav tsum tau thov HUD kom pom zoo txog qhov no ua ntej.
- Cov Qauv Cai Txog Nyiaj Pab Siab Zog thiab Cov Neeg Pab Nrog Nyob – Tus qauv cai nyiaj pab txiav txim siab txog qhov ntau tsawg ntawm cov chav txaj pw uas tsim nyog rau cov yim neeg txog ntawm qhov loj me sib txawv. Lub Chaw Hauj Lwm Muaj Cai Tswj Vaj Tse Nyob yuav tsum tau pom zoo rau tus qauv cai nyiaj pab siab zog raws li yog chaw nyob uas tsim nyog yog tias tus neeg ua ntawv thov qhia tias nws yog qhov tseem ceeb thiab tsim nyog tshwj tsis yog tias Lub Chaw Hauj Lwm Muaj Cai Tswj Vaj Tse Nyob muaj qhov laj thawj fab kev cai lij choj tsis pom zoo xwb (saib hauv tshooj saum toj no hais txog Qhov Sib Txawv ntawm RA thiab RM). Qhov no tuaj yeem yog yuav pab cuam muab tus neeg pab nrog nyob, los muab ib chav ntxiv rau tej cuab yeej kho mob tseem ceeb, los sis rau lwm qhov laj thawj uas cuam tshuam txog kev xiam oob qhab qee yam.
- Cov Nyiaj Pab Ntxiv Rau Them Tej Nqi Dej thiab Hluav Taws Xob Siab Zog – Yog ho muaj cov neeg xauj nyob hauv Section 8 ho them rau lawv cov nqi siv dej thiab hluav taws xob ntawm lawv tus kheej lawm, Lub Chaw Hauj Lwm Muaj Cai Tswj Vaj Tse Nyob yuav muab qhov nyiaj pab ntxiv rau tus nqi siv dej thiab hluav taws xob. Qhov no yuav pab rau tus nqi ntawm kev siv dej thiab hluav taws xob yam tsim nyog. Lub Chaw Hauj Lwm Muaj Cai Tswj Vaj Tse Nyob yuav tsum pom zoo muab qhov nyiaj pab ntxiv rau tus nqi siv dej thiab hluav taws xob kom siab zog tam li yog qhov chaw nyob uas tsim nyog yog tias tus neeg ua ntawv thov qhia tias nws tseem ceeb thiab tsim nyog rau tus neeg xauj tsev uas siv qhov cuab yeej ntsig txog kev xiam oob qhab uas ua rau muaj daim ntawv sau nqi kev siv siab tuaj.
- Cov Sij Hawm Siv Tshawb Nrhiav Ntev Zog – Tus neeg tau txais daim ntawv muaj nqi raws li yog tus neeg xauj tsev hauv Section 8 feem ntau tau txais hauv 60 hnub hauv daim phiaj qhia hnub hli tom qab tau txais lawv daim ntawv muaj nqi los nrhiav ib chav tsev xauj. Lub Chaw Hauj Lwm Muaj Cai Tswj Vaj Tse Nyob yuav tsum tau muab sij hawm ntau zog tam li yog chaw nyob uas tsim nyog yog tias tus neeg ua ntawv thov hais qhia tias lawv qhov kev xav tau sij hawm ntau ntxiv yog qhov tseem ceeb thiab tsim nyog. Li cas los xij, kev tsim nyog ntawm cov kev thov ncua sij hawm ntau zaus los sis kev ncua sij hawm tsis paub kawg li yuav ua rau nyuaj yuav ua pov thawj tau thiab yuav ntsib kev tawm tsam los ntawm Lub Chaw Hauj Lwm Muaj Cai Tswj Vaj Tse Nyob.
- Kev Rov Muab Npe Tso Rau Dai Ntawv Teev Npe Tos – Lub Chaw Hauj Lwm Muaj Cai Tswj Vaj Tse Nyob yuav tshem tus neeg tso npe thov kev pab cuam los ntawm daim ntawv teev npe tos raws li qee cov xwm txheej. Ib qho lawj thawj uas yuav tshem tawm ib tug neeg tau yog-yog tias lawv tsis teb rov qab txog daim ntawv thov ntawm Lub Chaw Hauj Lwm Muaj Cai Tswj Vaj Tse Nyob txog ntaub ntawv qhia paub thiab cov kev hloov pauv tshiab. Li cas los xij, yog tias tus neeg thov tsis teb rov qab rau qhov kev thov ntawd vim tias muaj kev xiam oob qhab, Lub Chaw Hauj Lwm Muaj Cai Tswj Vaj Tse Nyob tuaj yeem rov thov kom qhib npe rau tus neeg thov hauv qhov chaw qub ntawm tsev neeg hauv daim ntawv teev npe tos tias yog chaw nyob uas tsim nyog.
- Kev Xauj Tsev Los Ntawm Tus Neeg Txheeb Ze – Cov cai ntawm tsoom fwv teb chaws tsis tso cai cia Cov Chaw Hauj Lwm Muaj Cai Tswj Vaj Tse Nyob los pom zoo rau muaj kev xauj yog tias cov neeg txheeb ze ntawm tus neeg xauj tsev ua tus tswv chav tsev ntawd. Lub Chaw Hauj Lwm Muaj Cai Tswj Vaj Tse Nyob yuav pom zoo tau qhov no tias yog chaw nyob uas tsim nyog rau tus neeg xauj tsev tau, yog tias tus neeg ua ntawv thov qhia tias nws tseem ceeb thiab tsim nyog thiab yog tias tus tswv tsis nyob hauv chav tsev ntawd lawm.
- Kev Pab Nrhiav Chav Tsev Uas Nkag Cuag Tau – Thaum Lub Chaw Hauj Lwm Muaj Cai Tswj Vaj Tse Nyob muab daim ntawv muaj nqi rau tsev neeg uas muaj tus neeg xiam oob qhab nyob nrog, lawv yuav tsum muab daim ntawv teev npe tam sim no ntawm cov chav tsev uas nkag cuag tau uas muaj siv tau uas Lub Chaw Hauj Lwm Muaj Cai Tswj Vaj Tse Nyob paub zoo. Yog tias tsim nyog, lawv kuj yuav muab lwm yam kev pab rau yim neeg los nrhiav lub chav tsev uas nkag cuag tau rau tab sis theem thiab qhov zoo tsim nyog ntawm kev pab ntawd yuav sib txawv mus.
Kev Ua Daim Ntawv Thov Txog Chaw Nyob Uas Tsim Nyog mus rau Lub Chaw Hauj Lwm Muaj Cai Tswj Vaj Tse Nyob
Txhawm rau kom tau txais chaw nyob uas tsim nyog los sis kev hloov kho uas tsim nyog, koj yuav tsum tau thov thiaj tau. Koj tsis tas yuav sau ntawv mus thov los tau thiab koj tsis tas yuav siv cov lo lus "chaw nyob uas tsim nyog" los sis "kev hloov kho uas tsim nyog" los tau. "Li cas los xij, yog ib lub tswv yim zoo yog ua tau tag nrho ob yam no. Qhov no yog vim tias nws yuav pab ua kom yam uas koj thov tuaj ntawd meej zog tuaj. Tsis tas li ntawd, koj kuj yuav tsum tau siv daim ntawv tom qab dua los ua pov thawj tias koj tau thov txog kev hloov pauv. Kev xa koj daim ntawv thov raws email yog ib txoj hau kev yooj yim kom thiaj li muaj ntaub ntawv cia siv tom qab. Yog tias koj hom nyiam xa raws kev xa ntawv USPS los, nco ntsoov khaws ib daim ntawv theej ntawm koj daim ntawv thov muab rau koj khaws cia thiab muab khaws cia rau ib qho chaw zoo. Tsis tas li ntawd, koj kuj yuav xa tau raws kev xa ntawv uas muaj ntawv pov thawj kom koj thiaj li muaj daim ntawv them nyiaj, tab sis koj tsis tas yuav tsum tau ua li no los tau.
Qhov sib cuam tshuam nyob ntawm kev hloov pauv uas koj tab tom thov txog thiab koj qhov kev xiam oob qhab yuav tsum muab sau qhia nyob hauv koj daim ntawv thov. Piv txwv li, kev thov chaw nyob uas tsim nyog uas hais tias, "kuv yog ib tug neeg xiam oob qhab, thiab kuv xav tau ib hoob chaw pw ntxiv" yeej tseem tsis tau txaus. "Kev thov kom tau zoo xav kom muaj ntaub ntawv qhia paub ntxiv. Uas pauv rau qhov ntawd, nws yuav pab tau zoo dua thiab meej dua uas yuav hais txog qee yam xws li, "Vim tias kuv muaj cov cuab yeej siv kho mob uas kav ntev uas yuav tsum tau muab khaws cua rau hauv ib qhov chaw nyab xeeb, kuv yuav thov txog ib qhov chaw nyob uas tsim nyog kom kuv thiaj li yuav muaj ib daim ntawv muaj nqi uas yuav pab kom kuv xauj tau ib chav tsev uas muaj ib hoob txaj ntxiv los khaws tej cuab yeej no. "Hauv qab no yog qhov qauv piv txwv txog kev ua cov ntawv thov no mus rau cov chaw pab cuam vaj tse nyob.
Nco ntsoov tias qee Cov Chaw Hauj Lwm Muaj Cai Tswj Vaj Tse Nyob muaj cov foos sau hais txog chaw nyob uas tsim nyog rau koj coj los sau. Txawm tias lawv cov foos yuav yog ib qho cuab yeej pab tau zoo los xij, yeej tsis tas muaj daim foos kiag los tau thiab qee zaum cov foos yuav thov ntaub ntawv qhia paub ntxiv tshaj qhov uas tsim nyog lawm rau daim ntawv thov chaw nyob uas tsim nyog no. Txhob ua siab deb los siv peb tsab ntawv ua qauv piv txwv los ua qhov lus qhia thiab rhais koj daim ntawv thov rau lawv daim foos thiab sau tias "saib hauv daim ntawv rhais nrog" hauv cov tshooj lus muab lus nug ntawm daim foos. Tej zaum koj yuav muaj peev xwm nrhiav tau koj cov foos ntawm Lub Chaw Hauj Lwm Muaj Cai Tswj Vaj Tse Nyob hauv lawv lub vev xiab thiab. Yog tias nrhiav tsis tau, koj tuaj yeem mus thov tau tom qhov chaw tiv tauj ntawm Lub Chaw Hauj Lwm Muaj Cai Tswj Vaj Tse Nyob kom tau ib daim theej. Tej zaum yuav pab tau zoo los tshuaj xyuas koj Lub Chaw Hauj Lwm Muaj Cai Tswj Vaj Tse Nyob cov cai (Txoj Phiaj Xwm Fab Kev Tuav Tswj) rau kev thov cov chaw nyob uas tsim nyog thiab cov kev hloov kho uas tsim nyog txog cov lus qhia txhua yam txog lawv tus txheej txheem tshwj xeeb twg.
Tsab Ntawv Qauv Piv Txwv mus rau Lub Chaw Hauj Lwm Muaj Cai Tswj Vaj Tse Nyob
[Hnub Tim]
[Lub Npe Thiab Xeem ntawm Lub Chaw Hauj Lwm Muaj Cai Tswj Vaj Tse Nyob]
[Qhov chaw nyob email los sis chaw nyob lub tsev kiag ntawm Lub Chaw Hauj Lwm Muaj Cai Tswj Vaj Tse Nyob]
Nyob zoo txog [lub npe ntawm tus neeg taw qhia ntawm Lub Chaw Hauj Lwm Muaj Cai Tswj Vaj Tse Nyob]
Kuv sau ntawv tuaj no yog tuaj thov cov vaj tse nyob/cov kev hloov kho uas tsim nyog hauv qab no rau kuv qhov kev xiam oob qhab:
___________________________________________________________
___________________________________________________________
___________________________________________________________
Daim ntawv thov no cuam tshuam txog kuv li kev xiam oob qhab vim tias:
___________________________________________________________
___________________________________________________________
____________________________________________________________
Kuv [tus kws kho mob/tus kws kho kev puas siab puas ntsws/tus kws kho kev mob hlwb los sis kev nyuaj siab/tus kws kho mob rau lub cev/tus neeg ua hauj lwm pab xaus saus/tus kws kho mob kom ua tau hauj lwm /lwm tus neeg] xam tias cov chaw nyob/cov kev hloov kho no tseem ceeb vim tias kuv muaj kev xiam oob qhab. Kuv yuav muab kev kuaj xyuas txog qhov tseeb tau yog tias koj xav tau.
Tsoom fwv thiab lub xeev tsab kev cai lij choj tseev kom lub chaw pab cuam vaj tse nyob muab chaw nyob rau cov neeg xauj/cov neeg nkag los nyob thiab cov neeg thov uas muaj kev xiam oob qhab yam tsim nyog.
Thov teb rov qab rau daim ntawv thov no, sau ua ntawv, hauv [hnub tim]. Thov nkag siab tias kev tsis teb rov qab rau chaw nyob uas tsim nyog, kev teb rov qab qeeb dhau, los sis kev tsis pom zoo yam tsis raug kev cai rau daim ntawv thov chaw nyob uas tsim nyog xam tias yog kev ntxub ntxaug rau kev xiam oob qhab. Saib hauv Cal. Code Regs. tit. 2, § 12177(e). Txhob ua siab deb yuav tiv tauj tuaj rau kuv ntawm [koj qhov chaw nyob e-mail/tus naj npawb xov tooj]. Ua tsaug rau qhov uas koj xav paub txog daim ntawv thov no.
Sau npe,
[Koj lub npe]
[Koj qhov chaw nyob]
___________________________________________________________________
Tej zaum Lub Chaw Hauj Lwm Muaj Cai Tswj Vaj Tse Nyob yuav thov kom koj kos npe rau daim foos kev ua pov thawj fab kev kho mob tom qab kojs xa koj daim ntawv thov tuaj. Daim foos no yuav muab kev tso cai rau lawv los tham nrog tog neeg thib peb los kuaj xyuas qhov tseeb txog kev xav tau txog chaw nyob. Feem ntau lawv yuav thov txov qhov no thaum kev xav tau ntawm tus pej xeem txog chaw nyob los sis kev hloov kho tsis pom tseeb. Tsab ntawv kuaj xyuas qhov tseeb lees paub tias tus neeg muaj kev xav tau uas ntsib txog kev xiam oob qhab rau qhov kev hloov pauv uas lawv tab tom thov no. Hauv qab no yog qhov qauv piv txwv txog cov tsab ntawv xyuas qhov tseeb fab kev kho mob uas koj yuav thov tau uas thov kom koj tus kws muab kev pab cuam fab kev kho mob los sau rau kom koj thiaj li muab rhais nrog rau koj daim ntawv thov txog chaw nyob uas tsim nyog/kev hloov kho uas tsim nyog uas cia siab tias yuav ua kom tus txheej txheem kev ua hauj lwm nrawm tuaj thiab txo qis txoj hauj lwm ntaub ntawv rov mus-mus los-los uas tuaj yeem tshwm sim tau yam muaj kev cia siab. Tsis tas li ntawd, koj yuav saib tau peb qhov chaw muab kev pab cuam "Cov Ntawv Thov Chaw Nyob thiab Kev Hloov Kho Uas Tsim Nyog hauv Vaj Tse Nyob: Cov Tsab Ntawv Xyuas Qhov Tseeb" kom paub ntau ntxiv hais txog cov tsab ntawv xyuas qhov tseeb.
Tsab Ntawv Kuaj Xyuas Ua Qauv tuaj ntawm Tus Kws Txawj Ua Hauj Lwm Ntsig Txog Fab Kev Kho Mob
[Hnub Tim]
Txog rau [Lub Chaw Hauj Lwm Muaj Cai Tswj Vaj Tse Nyob]:
Kuv yog [tus kws kho mob/tus kws kho kev puas siab puas ntsws/tus kws kho kev mob hlwb los sis nyuaj siab/tus kws kho lub cev/tus neeg ua hauj lwm pab xaus saus/tus kws kho kom ua taus hauj lwm] rau [tus neeg mob/tus neeg qhua lub npe] thiab kuv muaj kev swm nrog [nws/lawv] tus zwj ceeb mob. [Tus neeg mob lub npe] muaj kev xiam oob qhab uas ua rau muaj qee yam kev xwv txog kev ua taus hauj lwm. Cov kev txwv no suav muaj [teev qhia txog cov kev txwv fab kev ua taus hauj lwm uas yuav tsum tau muaj chaw nyob uas tau thov tuaj no]:
___________________________________________________________
___________________________________________________________
___________________________________________________________
[Qhov chaw nyob uas tau thov tuaj no] yog qhov tseem ceeb rau [tus neeg mob/tus neeg qhua lub npe] kom nyob tau hauv lub zej zog thiab siv thiab muaj kev lom zeem nrog [nws/lawv] lub tsev los ntawm [piav qhia txog txoj hau kev uas lub chaw nyob yuav pab los sis txhawb nqa tau ib tug neeg [teev qhia txog cov kev txwv uas yuav tsum tau muaj lub chaw nyob uas tau thov tuaj no]:
___________________________________________________________
___________________________________________________________
___________________________________________________________
Ua tsaug rau qhov uas muab qhov chaw nyob uas tsim nyog no rau [tus neeg mob/tus neeg qhua lub npe].
Sau npe,
[Lub Npe thiab Qib Hauj Lwm]
Mus Muab Koj Li PHA los Teb rau Koj Cov Ntawv Thov
Rau Cov Chaw Hauj Lwm Muaj Cai Tswj Vaj Tse Nyob feem ntau, koj qhov chaw tiv tauj tseem ceeb tsim nyog yuav yog koj li Kev Muaj Cai Tsim Nyog Tau Txais Kev Pab/Tus Neeg Ua Hauj Lwm Lis Teeb Meem. Yog tias koj tsis muaj ib tug, koj tsis paub yuav tiv tauj lawv tau li cas, los sis koj tsis paub tseeb yuav tiv tauj leej twg, pib nrog kev nug seb puas muaj tus neeg cev ncauj cev lus ntawm 504 los sis ADA. Koj tuaj yeem sim mus nqa cov ntaub ntawv tiv tauj uas yuav tiv tauj rau tus neeg cev ncauj cev lus.
Yog tias Lub Chaw Hauj Lwm Muaj Cai Tswj Vaj Tse Nyob tsis teb rov qab rau koj daim ntawv thov to qab koj tau muab sij hawm me ntsis rau lawv los tshuaj xyuas lawm, tej zaum yuav pab tau zoo yog tiv tauj koj lub chaw HUD hauv cheeb tsam zej zog lub chaw lis hauj lwm Nyob Chaw Tshav Puam Ntawm Chaw Pab Cuam Tsev Nyob Nom Tswv Pab los saib seb lawv puas yuav pab tau koj kom Lub Chaw Hauj Lwm Muaj Cai Tswj Vaj Tse Nyob teb rov qab tuaj rau koj. Koj yuav nrhiav tau tus naj npawb tiv tauj txog koj lub chaw lis hauj lwm ntawm HUD hauv cheeb tsam zej zog tau ntawm no - https://www.hud.gov/program_offices/public_indian_housing/about/field_office Yog tias qhov no pab tsis tau, nws kuj yuav pab tau yog tiv tauj koj cov neeg ua hauj lwm hauv tsoom fwv hauv cheeb tsam zej zog los sis koj Tus Tswv Cuab Hauv Xab Phas los pab hais kom Lub Chaw Hauj Lwm Muaj Cai Tswj Vaj Tse Nyob los teb rov qab rau koj (https://www.house.gov/representatives/find-your-representative).
Kev Yuam Siv Koj Cov Cai: Cov Kev Tsis Txaus Siab thiab Kev Sib Foob
Yog tias Lub Chaw Hauj Lwm Muaj Cai Tswj Vaj Tse Nyob tsis pom zoo txog koj daim ntawv thov rau cov chaw nyob uas tsim nyog los sis cov kev hloov kho uas tsim nyog, koj muaj ntau cov kev xauv yuav ua tau. Koj cov kev xaiv muaj raws li hauv qab no. Nco ntsoov tias thaum kawg lawm koj yuav tsum tau sau daim ntawv lus tsis txaus siab txog fab kev tuav tswj los sis kev sib foob kom yuam siv koj cov cai. Cov kev xaiv no tuaj yeem siv sij hawm ntev.
Lub Rooj Sib Hais Tsis Raws Cai
Tej zaum koj yuav muaj peev xwm los thov Lub Chaw Hauj Lwm Muaj Cai Tswj Vaj Tse Nyob txog lub rooj sib hais tsis raws cai tau. Tej zaum qhov no yuav muab tau txoj hau kev daws teeb meem uas yooj yim tshaj plaws thiab sai tshaj plaws rau koj. Txawm tias tsoom fwv teb chaws cov cai tswj hwm tsis lav tias txoj cai rau lub rooj sib hais tsis raws cai rau cov ntawv thov txog lub chaw nyob uas tsim nyog los xij, ntau Lub Cov Chaw Hauj Lwm Muaj Cai Tswj Vaj Tse Nyob yuav muab kev muaj cai tso ua ke rau hauv lub rooj sib hais tsis raws cai rau hauv lawv Cov Phiaj Xwm Fab Kev Tuav Tswj. Thov paub tias cov txheej txheem kev rau kev ua ntawv thov lub rooj sib hais tsis raws cai yuav sib txawv rau txhua Lub Chaw Hauj Lwm Muaj Cai Tswj Vaj Tse Nyob. Li cas los xij, Cov Chaw Hauj Lwm Muaj Cai Tswj Vaj Tse Nyob feem ntau muaj lub sij hawm kawg rau kev ua ntawv thov lub rooj sib hais tsis raws cai thiab cov ntawv ceeb toom ua ntawv sau tuaj feem ntau yuav qhia rau koj hais txog cov sij hawm kawg rau kev mus twv Cov Chaw Hauj Lwm Muaj Cai Tswj Vaj Tse Nyob txoj kev nqis tes ua los sis kev txiav txim siab. Kuaj xyuas koj tsab ntawv tsis pom zoo thiab yog tias tsis muaj ntaub ntawv qhia paub txog cov hnub tag sij hawm qhia rau hauv, kuaj xyuas hauv Lub Chaw Hauj Lwm Muaj Cai Tswj Vaj Tse Nyob Txoj Phiaj Xwm Fab Kev Tuav Tswj los xyuas kom paub tseeb hais tias koj thov kom muaj lub rooj sib hais ua ntej hnub tag sij hawm. Yog tias koj tsis ncav hnub tag sij hawm, thiab qhov laj thawj uas koj tsis ncav ho cuam tshuam rau kev xiam oob qhab, koj tuaj yeem thov tau lub chaw nyob uas tsim nyog uas Lub Chaw Hauj Lwm Muaj Cai Tswj Vaj Tse Nyob pom zoo muab raws li koj daim ntawv thov rau lub rooj sib hais txawm tias koj yuav dhau hnub tim tag sij hawm lawm los xij.
Cov Kev Tsis Txaus Siab Fab Kev Tuav Tswj
Koj tuaj yeem foob lus tsis txaus siab txog fab tuav tswj nrog Teb Chaws Mes Kas Lub Thawj Fab Saib Xyuas Hauj Lwm Kev Txhim Kho Vaj Tse Nyob thiab Nroog Loj Lub Chaw Lis Hauj Lwm txog Vaj Tse Chaw Nyob Yam Ncaj Ncees thiab Lub Hwv Tsam Sib Npaug Zog (HUD-FHEO).1 Koj yuav tsum foob lus tsis txaus siab tsis pub dhau ib lub xyoos ntawm hnub tim uas muaj kev ntxub ntxaug tsis ntev los no kiag. Ntaub ntawv qhia paub txog txoj hau kev yuav foob lus tsis txaus siab mus rau HUD-FHEO tuaj yeem nrhiav tau los ntawm kev hu rau 1-800-669-9777 los sis hauv HUD lub vev xaib: https://www.hud.gov/program_offices/fair_housing_equal_opp/online-complaint Ntaub ntawv qhia paub txog seb tus txheej txheem foob lus tsis txaus siab yuav zoo li cas tuaj yeem nrhiav tau nyob ntawm no: https://www.hud.gov/program_offices/fair_housing_equal_opp/complaint-process
Koj kuj tuaj yeem xav txog kev foob lus tsis txaus siab fab kev tuav tswj nrog California Lub Thawj Fab Saib Xyuas Hauj Lwm Kev Muaj Cai Ntawm Pej Xeem (CRD), thaum ub hu ua Lub Thawj Fab Saib Xyuas Hauj Lwm Kev Ntiav Hauj Lwm thiab Vaj Tse Nyob Yam Ncaj Ncees (DFEH). Koj yuav tsum foob lus tsis txaus siab tsis pub dhau ib xyoos txij hnub uas muaj kev ntxub ntxaug tsis ntev los no kiag. Koj tuaj yeem foob tau hauv online (los ntawm kev tsim tus as khauj), hauv kev hu xov tooj ntawm (800) 884-1684, los sis raws kev xa ntawv. Yog xav paub ntau ntxiv txog kev foob lus tsis txaus siab tuaj yeem nrhiav tau ntawm no: https://calcivilrights.ca.gov/complaintprocess/
Yog xav paub ntau ntxiv hais txog CRD tus txheej txheem, saib hauv CRD daim tsham qhia txog kev ua ntawv lus tsis txaus siab ntawm no:https://calcivilrights.ca.gov/wp-content/uploads/sites/32/2022/09/CRD-Non-Employment-Flowchart_ENG.pdf.
Yog tias CRD tsis txiav txim kom koj yog tus yeej, tuaj yeem thov kom rov txiav txim dua txog kev txiav txim siab ntawm CRD mus rau CRD Tus Thawj Coj tsis pub dhau 10 hnub txij thaum muaj kev txiav txim siab.2
Yog tias koj xav tau kev pab cuam hauv kev ua hauj lwm nrog CRD, tiv tauj CRD tus neeg cev ncauj cev lus ntawm ADA. Koj tuaj yeem nrhiav tau lawv cov ntaub ntawv qhia paub ntawm no - https://calcivilrights.ca.gov/adacoordinator/
Kev Sib Foob Ntiag Tug
Koj tuaj yeem yuam siv koj cov cai los ntawm cov kev foob fab kev nplua nyiaj uas muab foob hauv tsoom fwv teb chaws los sis lub xeev lub tsev hais plaub. Ua ntej yuav foob lub chaw ua hauj lwm ntawm tsoom fwv xws li Lub Chaw Hauj Lwm Muaj Cai Tswj Vaj Tse Nyob, li cas los xij, koj yuav tsum sau Daim Foos Sau Thov Yuav Cai Ntawm Tsoom Fwv ua ntej raws li CA Tsab Cai Hais Txog Tsoom Fwv 910. Yog xav paub ntau ntxiv, thov saib hauv phau ntawv qhia no los ntawm Cheeb Tsam Nroog Sacramento Lub Chaw Cia Ntawv Txog Txoj Cai Lij Choj Ntawm Tsoom Fwv: https://saclaw.org/resource_library/claims-against-the-government/
Koj tsis tas muaj tus kws lij choj los tau; koj tuaj yeem sau ntawv foob ntawm koj tus kheej los tau. Tsis tas li ntawd, yog tias koj foob mus hauv lub tsev hais plaub ua txog kev ua ntawv thov lus muaj cai me, koj yuav muaj tsis tau tus kws lij choj. Muaj sij hawm tsis txaus ("sij hawm ntawm rooj plaub") uas txwv txog lub sij hawm ntau npaum li cas uas koj yuav siv los sau cov ntawv thov kev muaj cai hauv tsev hais plaub. Tej zaum koj yuav cia li plam rooj plaub yog tias koj sau ntawv foob tsis tau hauv ncua sij hawm ntawd. Cov hnub tag sij hawm no tuaj yeem luv li ntawm 2 lub xyoos xwb txij hnub uas muaj kev ua kev ntxub ntxaug kawg nkaus. Koj yuav tsum tau them cov nqi kev foob los mus xa koj cov ntawv foob, thiab yuav muaj lub luag hauj lwm rau cov nqi kev foob ntxiv thaum muaj kev foob mus lawm tom ntej lawm. Tab sis, tej zaum koj yuav tsim nyog tau kev zam txog tus nqi yog tias koj them tsis tau rau cov nqi sau ntawv foob.
Yog tias koj xav paub txog kev sau ntawv foob, koj yuav tsum sab laj nrog tus kws lij choj kom sai li sai tau. Koj tuaj yeem tau tswv yim pab, sib tham txog koj cov kev xaiv yuav ua tau, thiab muaj feem yuav tau kev sawv cev tau. Thov nco ntsoov tias koj tsis muaj cai yuav tau ib tug kws lij choj pab dawb rau cov hom kev foob no, thiab tej zaum koj yuav tsum tau them rau tus kws lij choj ua ntej los sis them tus nqi thaum xwm txheej ceev los pab koj ua rooj plaub.
Tsab Ntawv Lus Thov Yuav Cai Me
Yog tias koj xav nqua hu tus nqi puas tsuaj siab kawg nkaus txog $12,500, koj tuaj yeem sau ntawv foob txog rooj plaub kev ntxub ntxaug hauv Lub Tsev Hais Plaub Txog Kev Thov Lus Muaj Cai Me tau. Ua ntej yuav foob lub chaw ua hauj lwm ntawm tsoom fwv, li cas los xij, koj yuav tsum sau Daim Foos Sau Thov Yuav Cai Ntawm Tsoom Fwv ua ntej raws li CA Tsab Cai Hais Txog Tsoom Fwv 910. Yog xav paub ntau ntxiv, thov saib hauv phau ntawv qhia no los ntawm Cheeb Tsam Nroog Sacramento Lub Chaw Cia Ntawv Txog Txoj Cai Lij Choj Ntawm Tsoom Fwv: https://saclaw.org/resource_library/claims-against-the-government/
Cov rooj plaub hauv Lub Tsev Hais Plaub Txog Kev Thov Lus Muaj Cai Me yuav tsum tau muab sau foob ua ntej ciaj ciam txwv sij hawm ("sij hawm ntawm rooj plaub") yuav tag. Yuav muaj tus nqi ntawm kev sau ntawv foob tshwj tsis yog tias koj muaj cai tsim nyog rau kev zam tus nqi. Koj tuaj yeem sab laj nrog tus kws lij choj hais txog cov rooj plaub ntawm Lub Tsev Hais Plaub Txog Kev Thov Lus Muaj Cai Me. Koj tuaj yeem nkag mus cuag lub tsev haus plaub hauv koj cheeb tsam zej zog Lub Chaw Muab Kev Pab Rau Tus Kheej kom tau kev pab nrog kev sau ntawv foob los sis mus tham nrog Tus Kws Pab Tswv Yim Txog Kev Thov Lus Muaj Cai Me.
Yog xav paub ntau ntxiv, koj tuaj yeem mus saib hauv cov phab vev xaib hauv qab no:
- California Phau Ntawv Qhia Txog Kev Pab Tus Kheej Hauv Tsev Hais Plaub, Cov Lus Paub Yooj Yim Txog Cov Lus Muaj Cai Me - https://selfhelp.courts.ca.gov/small-claims-california
- California Cov Cai Ntawm Neeg Xiam Oob Qhab, Phau Ntawv Qhia txog Lub Tsev Haus Plaub Txog Kev Thov Lus Muaj Cai Me: Txoj Hau Kev Foob yog tias Lub Chaw Lag Luam los sis Tus Tswv Av Ntxub Ntxaug Rau Koj Vim Tias Koj Muaj Kev Xiam Oob Qhab - https://www.disabilityrightsca.org/system/files?file=file-attachments/520601_0.pdf