Tsab ntawv no yuav piav qhia txog tias vim li cas cov neeg muaj cai xaiv tsa hauv California yuav raug hais kom tuaj xaiv tsa ob zaug hauv tib txoj haujlwm Xabmasxiv Xab-Phas Siab Teb Chaws Meskas nyob rau xyoo kev xaiv tsa no. Tsab ntawv no yuav piav txog tias ob qho kev sib tw no yuav tshwm sim nyob rau kev xaiv tsa thoob plaws lub xeev thaum Lub Kaum Ib Hlis Ntuj 2022 zoo li cas thiab koj cov kev xaiv yuav muaj txiaj ntsim dab tsi.

Ntawm nod yog qee yam tseem ceeb uas yuav tsum tau xav txog ua ntej kev xaiv tsa txhua zaus txhawm rau pab kom paub tseeb tau tias koj muaj kev paub txog kev pov npav xaiv tsa tau zoo. Koj tuaj yeem sau koj tus kheej txoj phiaj xwm npaj rau kev pov npav xaiv tsa rau hauv peb nplooj ntawv txuas ntxiv tom ntej. Koj tuaj yeem xaiv los qhia koj txoj phiaj xwm npaj rau lwm tus uas txhawb nqa koj, tab sis koj tsis tas yuav qhia nws.

Daim ntawv luam tawm no piav qhia txog ntau txoj hau kev uas tus neeg pov npav tuaj yeem ua tiav qhov yuav tsum tau kos npe. Cov txheej txheem txheeb xyuas kev kos npe yog siv los txheeb xyuas tus neeg pov npav qhov kev kos npe ntawm Kev Pov Npav Raws Hauv Chaw Xa Ntawv los sis daim ntawv xaiv tsa ib ntus. Txhawm rau zam kom txhob muaj qhov kev tsis lees paub, koj tus ntawv tes kos npe yuav tsum zoo thooj tib yam li hauv cov ntaub ntawv uas koj tau sau npe. Qhov no feem ntau yuav tsum yog tus ntawv tes kos npe uas koj muaj nyob rau hauv daim ntawv DMV los yog nyob rau hauv koj daim ntawv sau npe pov npav xaiv tsa.

Kev Pov Npav raws Kev Xa Ntawv tau dhau los mus ua ib qho uas neeg nyiam siv heev nyob rau hauv California. Txawm li cas los xij, cov neeg pov npav uas muaj kev xiam oob qhab, piv txwv li qhov muag tsis pom kev thiab kev xiam oob khab loj, tsis muaj peev xwm pov npav ntiag tug thiab ywj pheej siv daim npav xaiv tsa Pov Npav Raws Kev Xa Ntawv ua daim ntawv tau vim lawv tsis tuaj yeem nyeem lossis ntaus cim tau. Txij li thaum Lub Ib Hlis tim 1, 2020 Kev Pov Npav Raws Kev Xa Ntawv Uas Muaj Hau Kev Rau Cov Nyob Kev Deb (RAVBM, Remote Accessible Vote-by-Mail) yuav tsum muaj nyob hauv txhua lub nroog hauv California.

Cov ntawv tshaj tawm no piav qhia txog txoj kev uas koj yuav pov npav xaiv tsa li cas tab txawm tias koj tsis muaj peev xwm tawm hauv tsev los sis ib lub chaw kho mob, xws li lub tsev kho mob los sis chaw kho mob kom rov zoo li qub, vim tias muaj ib qho kev kho mob hnyav. Txhua lub nroog yuav muaj qhov sib txawv ntau yam hauv cov kev xaiv tsa uas lawv muab. Yog hais tias koj tsis muaj daim ntawv xaiv tsa uas tau xa tuaj rau koj, tej zaum koj yuav xav tau ib tus neeg los pab koj kom tau txais thiab xa koj daim ntawv xaiv tsa rov qab.

Cov neeg uas muaj kev saib xyuas tuaj yeem pov npav tshwj tsis yog tus kws txiav txim plaub hais tias lawv ua tsis tau. Pub dawb no qhia koj yuav ua li cas thiaj paub tias tus kws txiav txim plaub tau tshem koj txoj cai pov npav. Nws qhia koj yuav ua li cas thiaj tau txoj cai pov npav rov qab. Nws qhia koj tias yuav ua li cas yog tias tus txiav txim yuav tsis muab koj txoj cai pov npav rov qab rau koj.