Upang matiyak na ang mga serbisyo ay naaabot at nagagamit ng mga tumatanggap sa napapanahong paraan, kailangang magpanatili ang mga plano1 sa pinangangasiwaang pangangalaga sa Medi-Cal ng network ng mga tagapagbigay na matatagpuan sa loob ng partikular na oras o layo mula sa mga tahanan ng mga pasyente.2 Tinatalakay ng paglalathalang ito ang mga pamantayan sa oras at layo para sa ilang mga uri ng mga tagapagbigay.3

1.   Ano ang mga pamantayan sa oras at layo para sa medikal na pangangalaga?

Para sa karaniwang medikal na pangangalaga, ang sumusunod na mga pamantayan ay naaangkop simula Enero 1, 2018:4

• Ang mga tagapagbigay ng pangunahing pangangalaga (para sa bata at sa wastong gulang) ay dapat matatagpuan sa loob ng sampung (10) milya o tatlumpung (30) minuto ng iyong tahanan.
• Ang mga ospital ay dapat matatagpuan sa loob ng labinlimang (15) milya o tatlumpung (30) minuto ng iyong tahanan.
• Ang mga serbisyong dental na saklaw ng mga plano sa pinangangasiwaang pangangalaga sa Medi-Cal ay dapat matatagpuan sa loob ng sampung (10) milya o tatlumpung (30) minuto ng iyong tahanan.5

Ang mga tagapagbigay ng pangunahing pangangalaga sa pagpapaanak at hinekolohiya ay dapat matatagpuan sa loob ng sampung (10) milya o tatlumpung (30) minuto mula sa iyong tahanan.

2.   Ano ang mga pamantayan sa oras at layo para sa espesyalistang medikal na pangangalaga?

Simula Hulyo 1, 2018, ang mga plano sa pinangangasiwaang pangangalaga sa Medi-Cal ay dapat magpanatili ng network ng mga espesyalista6 (para sa bata at sa wastong gulang) na may mga pamantayang nagdedepende sa county kung saan ka nakatira.7 Kung nakatira ka sa:

• Mga county ng Alameda, Contra Costa, Los Angeles, Orange, Sacramento, San Diego, San Francisco, San Mateo, o Santa Clara: Magpapanatili ang Medi-Cal ng network ng mga tagapagbigay na matatagpuan nang hanggang labinlimang (15) milya o tatlumpung (30) minuto mula sa iyong tahanan.
• Mga county ng Marin, Placer, Riverside, San Joaquin, Santa Cruz, Solano, Sonoma, Stanislaus, o Ventura: Magpapanatili ang Medi-Cal ng network ng mga tagapagbigay na matatagpuan nang hanggang tatlumpung milya (30) o animnapung (60) minuto mula sa iyong tahanan.
• Mga county ng Amador, Butte, El Dorado, Fresno, Kern, Kings, Lake, Madera, Merced, Monterey, Napa, Nevada, San Bernardino, San Luis Obispo, Sana Barbara, Sutter, Tulare, Yolo, at Yuba: Magpapanatili ang Medi-Cal ng network ng mga tagapagbigay na matatagpuan nang hanggang apatnapu’t lima (45) milya o pitumpu’t limang (75) minuto mula sa iyong tahanan. 
• Mga county ng Alpine, Calaveras, Colusa, Del Norte, Glenn, Humboldt, Imperial, Inyo, Lassen, Mariposa, Mendocino, Modoc, Mono, Plumas, San Benito, Shasta, Sierra, Siskiyou, Tehama, Trinity, o Tuolumne: Magpapanatili ang Medi-Cal ng network ng mga tagapagbigay na matatagpuan nang hanggang animnapung milya (60) o siyamnapung (90) minuto mula sa iyong tahanan.

Mayroong mga eksepsyon sa mga pamantayang ito. Kung ang espesyalista ay unang pinuntahan sa pamamagitan ng ospital o klinikang kapaligirang kaugnay sa ospital, o kung ang espesyalista ay hindi nangangailangan ng harapang pagbisita ng pasyente upang isagawa ang serbisyo (hal. patolohiya o radiology), ang kinakailangang isinapamantayang oras at layo ay hindi kailangang iangkop.8

Dagdag pa, ang ilang natatanging espesyalisasyon ay sadyang hindi kasama sa listahan, dahil ang mga uri ng mga pamantayan ay hindi makatuwirang naaangkop.9

3.   Ano ang mga pamantayan sa oras at layo para sa mga serbisyong parmasya?

Simula Hulyo 1, 2018, para sa mga serbisyong parmasya, ang mga plano sa pinangangasiwaang pangangalaga sa Medi-Cal ay dapat magpanatili ng network ng mga tagapagbigay na matatagpuan nang hanggang sampung (10) milya o tatlumpung (30) minuto mula sa iyong tahanan.10

4.   Ano ang mga pamantayan sa oras at layo para sa mga serbisyong outpatient sa kalusugan ng isip?

Simula Hulyo 1, 2018, ang mga plano sa pinangangasiwaang pangangalaga sa Medi-Cal ay dapat magpanatili ng network ng mga serbisyong outpatient sa kalusugan ng isip para sa mga tumatanggap.11 Kung nakatira ka sa:

• Mga county ng Alameda, Contra Costa, Los Angeles, Orange, Sacramento, San Diego, San Francisco, San Mateo, o Santa Clara: Magpapanatili ang Medi-Cal ng network ng mga tagapagbigay na matatagpuan nang hanggang labinlimang (15) milya o tatlumpung (30) minuto mula sa iyong tahanan.
• Mga county ng Marin, Placer, Riverside, San Joaquin, Santa Cruz, Solano, Sonoma, Stanislaus, o Ventura: Magpapanatili ang Medi-Cal ng network ng mga tagapagbigay na matatagpuan nang hanggang tatlumpung milya (30) o animnapung (60) minuto mula sa iyong tahanan.
• Mga county ng Amador, Butte, El Dorado, Fresno, Kern, Kings, Lake, Madera, Merced, Monterey, Napa, Nevada, San Bernardino, San Luis Obispo, Sana Barbara, Sutter, Tulare, Yolo, at Yuba: Magpapanatili ang Medi-Cal ng network ng mga tagapagbigay na matatagpuan nang hanggang apatnapu’t lima (45) milya o pitumpu’t limang (75) minuto mula sa iyong tahanan. 
• Mga county ng Alpine, Calaveras, Colusa, Del Norte, Glenn, Humboldt, Imperial, Inyo, Lassen, Mariposa, Mendocino, Modoc, Mono, Plumas, San Benito, Shasta, Sierra, Siskiyou, Tehama, Trinity, o Tuolumne: Magpapanatili ang Medi-Cal ng network ng mga tagapagbigay na matatagpuan nang hanggang animnapung milya (60) o siyamnapung minuto (90) mula sa iyong tahanan.

5.   Ano ang mga pamantayan sa oras at layo para sa mga programang outpatient sa paggamot ng pag-abuso sa sangkap at paggamot sa opioid?

Simula Hulyo 1, 2018, ang mga pamantayan para sa outpatient na paggamot para sa mga sakit sa pag-abuso sa sangkap (maliban sa mga programa sa paggamot sa opoid) ay magdedepende sa kung saang county ka nakatira:12

• Mga county ng Alameda, Contra Costa, Los Angeles, Orange, Sacramento, San Diego, San Francisco, San Mateo, at Santa Clara:  Magpapanatili ang Medi-Cal ng network ng mga tagapagbigay na matatagpuan nang hanggang labinlimang (15) milya o tatlumpung (30) minuto mula sa iyong tahanan.
• Mga county ng Marin, Placer, Riverside, San Joaquin, Santa Cruz, Solano, Sonoma, Stanislaus, at Ventura: Magpapanatili ang Medi-Cal ng network ng mga tagapagbigay na matatagpuan nang hanggang tatlumpung (30) milya o animnapung (60) minuto mula sa iyong bahay.
• Mga county ng Alpine, Amador, Butte, Calaveras, Colusa, Del Norte, El Dorado, Fresno, Glenn, Humboldt, Imperial, Inyo, Kern, Kings, Lake, Lassen, Madera, Mariposa, Mendocino, Merced, Modoc, Monterey, Mono, Napa, Nevada, Plumas, San Benito, San Bernardino, San Luis Obispo, Santa Barbara, Shasta, Sierra, Siskiyou, Sutter, Tehama, Trinity, Tulare, Tuolumne, Yolo, at Yuba: Magpapanatili ang Medi-Cal ng network ng mga tagapagbigay na matatagpuan nang hanggang animnapung (60) milya o siyamnapung (90) minuto mula sa iyong tahanan.

Simula Hulyo 1, 2018, ang mga pamantayan sa programa ng paggamot sa opioid ay magdedepende rin sa kung saang county ka nakatira:13

• Mga county ng Alameda, Contra Costa, Los Angeles, Orange, Sacramento, San Diego, San Francisco, San Mateo, at Santa Clara:  Magpapanatili ang Medi-Cal ng network ng mga tagapagbigay na matatagpuan nang hanggang labinlimang (15) milya o tatlumpung (30) minuto mula sa iyong tahanan.
• Mga county ng Marin, Placer, Riverside, San Joaquin, Santa Cruz, Solano, Sonoma, Stanislaus, at Ventura: Magpapanatili ang Medi-Cal ng network ng mga tagapagbigay na matatagpuan nang hanggang tatlumpung (30) milya o animnapung (60) minuto mula sa iyong bahay.
• Mga county ng Amador, Butte, El Dorado, Fresno, Kern, Kings, Lake, Madera, Merced, Monterey, Napa, Nevada, San Bernardino, San Luis Obispo, Sana Barbara, Sutter, Tulare, Yolo, at Yuba:  Magpapanatili ang Medi-Cal ng network ng mga tagapagbigay na matatagpuan nang hanggang apatnapu’t limang (45) milya o pitumpu’t limang (75) minuto mula sa iyong tahanan.
• Mga county ng Alpine, Calaveras, Colusa, Del Norte, Glenn, Humboldt, Imperial, Inyo, Lassen, Mariposa, Mendocino, Modoc, Mono, Plumas, San Benito, Shasta, Sierra, Siskiyou, Tehama, Trinity, at Tuolumne: Magpapanatili ang Medi-Cal ng network ng mga tagapagbigay na matatagpuan nang hanggang animnapung (60) milya o siyamnapung (90) minuto mula sa iyong tahanan.

Ang sistema ng paghahatid ng Droga sa Medi-Cal na isinaayos ng county ay magbibigay ng appointment sa loob ng tatlong araw ng negosyo sa programa sa paggamot ng opioid.14

6.   Ano ang mga pamantayan sa oras at layo para sa mga serbisyong pangangalaga o pasilidad ng intermedyang pangangalaga?

Ang mga serbisyo sa propesyunal na pangangalaga o pasilidad ng intermedyang pangangalaga ay batay rin sa lokasyon ng tirahan:

Para sa mga county ng Alameda, Contra Costa, Los Angeles, Orange, Sacramento, San Diego, San Francisco, San Mateo, at Santa Clara:    ang plano sa pinangangasiwaang pangangalaga ay dapat maibigay ang serbisyong ito sa loob ng limang (5) araw ng negosyo ng iyong kahilingan.15

Para sa mga county ng Marin, Placer, Riverside, San Joaquin, Santa Cruz, Solano, Sonoma, Stanislaus, at Ventura: ang plano sa pinangangasiwaang pangangalaga ay dapat maibigay ang serbisyong ito sa loob ng pitong (7) araw ng negosyo ng iyong kahilingan.16

Para sa mga county ng Amador, Butte, El Dorado, Fresno, Kern, Kings, Lake, Madera, Merced, Monterey, Napa, Nevada, San Bernardino, San Luis Obispo, Sana Barbara, Sutter, Tulare, Yolo, at Yuba: ang plano sa pinangangasiwaang pangangalaga ay dapat maibigay ang serbisyong ito sa loob ng labing-apat (14) na araw ng negosyo ng iyong kahilingan.17

Para sa mga county ng Alpine, Calaveras, Colusa, Del Norte, Glenn, Humboldt, Imperial, Inyo, Lassen, Mariposa, Mendocino, Modoc, Mono, Plumas, San Benito, Shasta, Sierra, Siskiyou, Tehama, Trinity, at Tuolumne: ang plano sa pinangangasiwaang pangangalaga ay dapat maibigay ang serbisyong ito sa loob ng labing-apat (14) na araw ng negosyo ng iyong kahilingan.18

7.   Mayroon bang anumang mga eksepsyon sa mga pamantayang ito?

Kung hindi matutugunan ng plano sa pinangangasiwaang pangangalaga sa Medi-Cal ang mga pamantayan sa oras at layo, maaari itong humiling ng ibang mga pamantayan mula sa Kagawaran ng mga Serbisyo sa Pangangalagang Pangkalusugan (DHCS, Department of Health Care Services), ang nag-iisang ahensya ng estado na nangangasiwa ng programang Medi-Cal (kabilang ang mga plano sa pinangangasiwaang pangangalaga) sa California. Kailangang ipakita ng plano sa pinangangasiwaang pangangalaga sa Medi-Cal na naubos nito ang lahat ng makatuwirang mga opsyon upang makakuha ng mga tagapagbigay.19 Kailangan din nitong ipakita kung bakit kailangan ang ibang mga pamantayan. Kung aprubahan ng DHCS ang ibang mga pamantayan, ang mga pamantayan na ito ay dapat ipaskil sa website ng kagawaran.20

Dagdag pa, isasaalang-alang ng DHCS ang ibang mga pamantayan sa oras at layo kapag bumabyahe ang tagapagbigay sa tumatanggap ng Medi-Cal at/o sa kapaligirang batay sa komunidad upang magbigay ng mga serbisyo.21

Kung ikaw ay tumatanggap ng mga serbisyo mula sa iyong plano ng pinangangasiwaang pangangalaga sa Medi-Cal sa pamamagitan ng tagapagbigay sa labas ng network, ang parehong mga kinakailangan sa napapanahong akses sa mga tagapagbigay sa loob ng network ang naaangkop.22

8.   Maaari bang gumamit ang plano sa pinangangasiwaang pangangalaga ng telehealth, ibang teknolohiya sa telekomunikasyon, o pagbili sa parmasya sa pamamagitan ng koryo upang magbigay ng pangangalaga?

Oo, maaaring pahintulutan ng DHCS ang paggamit ng klinikal na naaangkop na teknolohiya sa telekomunikasyon bilang isang pamamaraan ng pagsunod sa mga pamantayan sa oras at layo.23

Ano ang maaari kong gawin kung ang aking plano sa pinangangasiwaang pangangalaga ay hindi sumunod sa mga pamantayang ito?

Maaari kang magsampa ng pagdaing sa iyong plano24 sa pinangangasiwaang pangangalaga sa Medi-Cal, at/o sa Tanggapan ng Ombudsman25 ng Pinangangasiwaang Pangangalaga sa Medi-Cal.

Karagdagang mapagkukunan ng impormasyon

Tingnan, CA Kagawaran ng mga Serbisyo sa Pangangalagang Pangkalusugan, Panghuling Patakaran sa Pinangangasiwaang Pangangalaga sa Medicaid: Mga Pamantayan sa Kasapatan ng Network (2017).

• 1. Para sa impormasyon tungkol sa mga plano sa pinangangasiwaang pangangalaga sa Medi-Cal, tingnan ang aming paglalathala Mga Plano sa Pinangangasiwaang Pangangalaga sa Medi-Cal: Ano ang mga ito? Ano ang kailangan kong malaman tungkol sa mga ito?
• 2. Tingnan Kodigo ng Kapakanan & mga Institusyon (WIC, Welfare & Institutions Code) ng California Seksyon §14197.
• 3. Para sa karagdagang impormasyon tungkol sa mga pamantayan sa mga appointment para sa ilang mga serbisyo, tingnan ang aming paglalathala,Napapanahong Akses sa Medikal na Pangangalaga,
• 4. WIC 14197(c)
• 5. Para sa karagdagang impormasyon, tingnan ang Lahat ng mga Plano sa Dental na Pinangangasiwaang Pangangalaga sa Medi-Cal.
• 6. Ang “espesyalista” ay nangangahulugan na propesyunal na nagsasagawa ng alinman sa mga sumusunod: Cardiology/interventional cardiology, Nephrology, Dermatology,Neurology, Endocrinology, Ophthalmology,Tenga, ilong, at lalamunan/otolaryngology, Orthopedic na siruhiya,Gastroenterology, Pisikal na paggamot at rehabilitasyon, Pangkalahatang siruhiya, Psychiatry, Hematology Oncology,Pulmonology, HIV/AIDS/nakakahawang mga sakit.
• 7. WIC 14197(c)
• 8. Kagawaran ng mga Serbisyo sa Pangangalagang Pangkalusugan ng California, Panghuling Patakaran sa Pinangangasiwaang Pangangalaga ng Medicaid: Mga Pamantayan sa Kasapatan ng Network, p. 15 (2017).
• 9. Id.
• 10. WIC §14197(c)(2)
• 11. WIC §14197(c)(3)
• 12. WIC §14197(c)(4)(A)
• 13. WIC §14197(c)(4)(B)
• 14. Panghuling Patakaran sa Pinangangasiwaang Pangangalaga sa Medicaid, p. 7
• 15. WIC §14197(d)(2)(A)
• 16. WIC §14197(d)(2)(B)
• 17. WIC §14197(d)(2)(C)
• 18. WIC §14197(d)(2)(D)
• 19. WIC §14197(e)(1)
• 20. WIC §14197(e)(3)
• 21. Panghuling Patakaran sa Pinangangasiwaang Pangangalaga sa Medicaid, p. 24
• 22. Id. at p. 16
• 23. WIC §14197(e)(4)
• 24. Tingnan ang aming paglalathala, Pinangangasiwaang Pangangalaga sa Medi-Cal: mga Apela at mga Pagdaing.
• 25. Tingnan ang Sangay sa Pinangangasiwaang Pangangalaga sa Medi-Cal (MMCD, Medi-Cal Managed Care Division) Tanggapan ng Ombudsman