I. ប្រវត្តិ​អត្ថប្រយោជន៍​​

កម្មវិធី Medi-Cal ផ្ដល់ជូនសេវាថែទាំនិងព្យាបាលធ្មេញសម្រាប់មនុស្ស​ពេញវ័យ​​​និងកុមារ។

សេវាថែទាំនិងព្យាបាលធ្មេញពេញលេញ គឺជាអត្ថប្រយោជន៍ដែលត្រូវទទួលបា​ន​​​ជាដាច់ខាត​ សម្រាប់អត្ថគាហៈកម្មវិធី Medi-Cal ដែលមានអាយុតិចជាង 21 ឆ្នាំ​។ សម្រាប់មនុស្សពេញវ័យដែលមានអាយុ 21 ឆ្នាំនិងច្រើនជាងនេះ រដ្ឋកាលីហ្វ័រ​ញ៉ា មានជម្រើ​ស​ផ្ដល់ជូននូវការរ៉ាប់រងទទួលបន្ទុករបស់កម្មវិធី Medi-Cal សម្រាប់​សេ​វា​ថែទាំ​និងព្យាបាល​ធ្មេញ។1

ការរ៉ាប់រងទទួលបន្ទុកលើសេវាថែទាំនិងព្យាបាលធ្មេញ របស់កម្មវិធី Medi-Cal សម្រាប់មនុស្ស​ពេញវ័យ បានប្រែប្រួលយ៉ាងខ្លាំងក្នុងរយៈពេល​ប៉ុន្មានឆ្នាំថ្មីៗកន្ល​ង​ទៅនេះ។ ក្នុងខែកក្កដា ឆ្នាំ2009 ដោយសារតែសម្ពាធផ្នែកថវិកា រដ្ឋកាលីហ្វ័រញ៉ា បានលុបចោលការរ៉ាប់រងទទួលបន្ទុកពេញលេញលើសេវាថែទាំនិងព្យាបាល​ធ្មេ​ញ សម្រាប់មនុស្សពេញវ័យ។ ក្នុងខែឧសភា ឆ្នាំ2014 រដ្ឋកាលីហ្វ័រញ៉ា បានផ្ដល់ឡើ​ង​វិញមួយចំណែក នូវការរ៉ាប់រង​ទទួលបន្ទុក​លើសេវាថែទាំនិងព្យាបាលធ្មេញរបស់កម្មវិធី Medi-Cal សម្រាប់មនុស្សពេញវ័យ។ នៅថ្ងៃទី1 ខែមករា ឆ្នាំ2018 រដ្ឋកាលីហ្វ័រញ៉ា បានផ្ដល់ជូនពេញលេញឡើងវិញនូវ​ការរ៉ាប់​រងទទួលបន្ទុក​លើ​សេវាថែទាំនិងព្យាបាលធ្មេញសម្រាប់​មនុស្សពេញវ័យ។2

II. ការទទួលបានសេវា

a. ការចុះឈ្មោះ

តើខ្ញុំចុះឈ្មោះក្នុងសេវាថែទាំនិងព្យាបាលធ្មេញតាមរយៈកម្មវិធី Medi-Cal ដោយរបៀបណា?

អត្ថគាហៈកម្មវិធី Medi-Cal ពេញលេញនឹងត្រូវចុះឈ្មោះជាស្វ័យប្រវត្តិ​នៅ​ក្នុង​គម្រោងថែទាំ​និង​ព្យាបាលធ្មេញនៃកម្មវិធី Medi-Cal។ អ្នកមិនចាំបាច់ដាក់ពាក្យសុំដាច់ដោយឡែកដើម្បីទទួលបានសេវាថែទាំនិងព្យាបាលធ្មេញនោះឡើយ។3 មានករណីលើកលែងតែមួយប៉ុណ្ណោះសម្រាប់អត្ថគាហៈនៅក្នុងខោនធី Sacramento និង​សម្រាប់​បុគ្គលដែលចុះឈ្មោះក្នុងគម្រោងសុខភាព​នៃខោនធី​ San Mateo។ អ្នកចាំបាច់ត្រូវបង្ហាញប័ណ្ណសម្គាល់អត្តសញ្ញាណអត្ថប្រយោជន៍ កម្មវិធី Medi-Cal ជូនអ្នកផ្ដល់សេវាថែទាំនិងព្យាបាលធ្មេញ ដើម្បីទទួលបាន​សេវាថែ​ទាំនិង​ព្យាបា​ល​ធ្មេញ។4 ប័ណ្ណសម្គាល់អត្តសញ្ញាណអត្ថប្រយោជន៍របស់អ្នក ​ត្រូវចេញជូន​នៅពេ​ល​​​អ្នកត្រូវគេវិនិច្ឆ័យ​ថា​មានសិទ្ធិចូលរួមក្នុងកម្មវិធី Medi-Cal។ សម្រាប់​មនុស្ស​​ពេញ​វ័យដែលស្ថិតនៅក្នុងកម្មវិធី Medi-Cal ​ដែលវិសាលភាព​គ្របដណ្ដប់​របស់វាមាន​កំហិត សូមមើលផ្នែក III(g) ខាងក្រោម សម្រាប់​​​ព័ត៌មាន​ស្ដីពីការរ៉ាប់រ​ងទទួលបន្ទុក​លើ​សេវាថែទាំនិងព្យាបាលធ្មេញ។

តើសេវាថែទាំនិងព្យាបាលធ្មេញរបស់ខ្ញុំត្រូវគ្របដណ្ដប់យ៉ាងដូចម្ដេច?

កម្មវិធី Medi-Cal គ្របដណ្ដប់លើសេវាថែទាំនិងព្យាបាលធ្មេញ​តាមរយៈ​ប្រព័ន្ធផ្ដល់ជូនចំនួន 3៖

• គម្រោងថែទាំនិងព្យាបាលធ្មេញនៃកម្មវិធី Medi-Cal៖ បង់ថ្លៃដើម្បីទទួលបាន​សេវា (ខោនធីនីមួយៗលើកលែងតែខោនធី​ Sacramento)
• គម្រោងថែទាំនិងព្យាបាល​ធ្មេញដែលមានការគ្រប់គ្រង៖ គម្រោងថែទាំ និង​ព្យាបាលធ្មេញដែលមានការគ្រប់គ្រង (ដែលពុំមាន​លក្ខណៈ​ចាប់បង្ខំ នៅក្នុងខោនធី Los Angeles និងមានលក្ខណៈចាប់បង្ខំ នៅក្នុងខោនធី Sacramento)
• គម្រោងថែទាំសុខភាពដែលមានការគ្រប់គ្រងនៃកម្មវិធី Medi-Cal (សម្រាប់សមាជិកនៃគម្រោងសុខភាពរបស់ខោនធី San Mateo)

តើ​អ្វី​ទៅ​ជាគម្រោងថែទាំនិងព្យាបាលធ្មេញ​នៃកម្មវិធី Medi-Cal?

គម្រោងថែទាំនិងព្យាបាលធ្មេញនៃកម្មវិធី Medi-Cal គឺជាកម្មវិធីរ៉ាប់រង​ទទួល​បន្ទុក​លើថ្លៃចំណាយនៃ​សេវាថែទាំនិងព្យាបាលធ្មេញ​នៅក្នុងរដ្ឋ​កាលីហ្វ័រញ៉ា​​សម្រាប់ខោនធីទាំងអស់ លើកលែងតែខោនធី Sacramento។ គម្រោងថែទាំនិងព្យាបាលធ្មេញនៃកម្មវិធី Medi-Cal គឺជាប្រព័ន្ធបង់ថ្លៃ​ដើម្បីទទួលបានសេវា។ នៅ​ក្រោមទម្រង់បង់ថ្លៃដើម្បីទទួលបានសេវា រដ្ឋបង់ប្រាក់ជូនអ្នកផ្ដល់សេវា​ដោយ​ផ្ទា​ល់​​សម្រាប់សេវាដែលត្រូវរ៉ាប់រង ដែលអ្នកទទួលបាន។ ប្រសិនបើអ្នករស់នៅ​ក្នុង​ខោន​ធីដែលត្រូវគ្របដណ្ដប់ដោយគម្រោងនេះ អ្នកអាចទៅជួបអ្នកផ្ដល់សេវាថែ​ទាំ​និងព្យាបាលធ្មេញណាមួយដែលទទួល​យកគម្រោងថែទាំនិងព្យាបាលធ្មេញនៃកម្មវិធី Medi-Cal។

តើគម្រោងថែទាំនិងព្យាបាលធ្មេញដែលមានការគ្រប់គ្រង គឺជាអ្វី?

គម្រោងថែទាំនិងព្យាបាលធ្មេញដែលមានការគ្រប់គ្រង គឺជាកម្មវិធី​ថែទាំ​និងព្យាបា​លធ្មេញ​ដែលមានការគ្រប់គ្រងមួយ ​សម្រាប់សេវាថែទាំនិង​ព្យាបាលធ្មេញដែលត្រូវផ្ដល់​ជូននៅក្នុង​ខោនធី Sacramento និង Los Angeles។ ប្រសិនបើអ្នក​រស់នៅក្នុងខោនធី Sacramento ​អ្នកត្រូវចុះឈ្មោះក្នុងគម្រោងថែទាំនិង​ព្យាបាល​ធ្មេញដែលមានការគ្រប់គ្រង ហើយអ្នកនឹងត្រូវ​ ផ្ដល់ជូនអ្នកផ្ដល់សេវាថែទាំនិង​ព្យាបាល​ធ្មេញនៅក្នុងបណ្ដាញរបស់អ្នក។ ប្រសិនបើអ្នករស់នៅក្នុងខោនធី Los Angeles​ អ្នកអាចជ្រើសរើស​ចុះឈ្មោះ​ក្នុងកម្មវិធី​ថែទាំ​និងព្យាបាលធ្មេញដែល​មាន​ការគ្រប់គ្រង ឬ​បន្តស្ថិតនៅ​ក្នុងគម្រោងបង់ថ្លៃដើម្បី​ទទួលបាន​សេវាថែទាំនិងព្យាបាលធ្មេញនៃកម្មវិធី Medi-Cal។5

នៅក្រោមប្រព័ន្ធថែទាំនិងព្យាបាលធ្មេញដែលមានការគ្រប់គ្រង រដ្ឋបង់ថ្លៃ​ដើម្បីចូ​ល​​​ក្នុង​គម្រោងថែទាំនិងព្យាបាលដែលមានការគ្រប់គ្រង។ ជាជំនួសមកវិញ គម្រោ​ង​ថែទាំ​និងព្យាបាលដែលមានការគ្រប់គ្រង បង់ទូទាត់ជូនដល់អ្នកផ្ដល់សេវាសម្រា​ប់គ្រប់សេវាទាំងអស់ដែលអ្នកត្រូវការ ដែលត្រូវរ៉ាប់រងគ្របដណ្ដប់នៅក្រោមកិច្ចសន្យាជាមួយរដ្ឋនៃគម្រោងនេះ។ នៅក្រោមប្រព័ន្ធថែទាំនិងព្យាបាលធ្មេញដែលមានការគ្រប់គ្រង អ្នកមិន​អាច​ជួបទន្តពេទ្យដែលត្រូវគ្របដណ្ដប់ណាមួយនោះឡើយ អ្នកត្រូវ​ផ្លាស់ប្ដូរ​អ្នកផ្ដល់សេវាថែទាំធ្មេញដែលត្រូវផ្ដល់ជូន ប្រសិនបើអ្នកចង់បាន​អ្នកផ្ដល់សេវា​ថ្មីម្នាក់។ សូមមើលផ្នែក II(b) ខាងក្រោម សម្រាប់​ព័ត៌មាន​ស្ដីពីការចុះឈ្មោះនៅក្នុង​គម្រោងថែទាំ​និងព្យាបាលធ្មេញ​ដែលមាន​ការគ្រប់​គ្រង​។

b. ការស្វែងរកអ្នកផ្ដល់សេវា

តើ​ខ្ញុំ​អាច​ស្វែងរកអ្នកផ្ដល់សេវាថែទាំនិងព្យាបាលធ្មេញនៃកម្មវិធី​​ Medi-Cal​ បាន​ដោយ​របៀប​ណា​?​

អ្នកអាចស្វែងរកអ្នកផ្ដល់សេវាថែទាំនិងព្យាបាលធ្មេញនៃកម្មវិធី Medi-Cal តាម​អនឡាញ តាមរយៈ https://smilecalifornia.org/find-a-dentist/. អ្នកក៏អាច​ហៅទូរសព្ទ​ទៅកាន់លេខ​ (800) 322-6384 ផងដែរ សម្រាប់ការសុំជំនួយ​។ អ្នក​តំណាងនៃគម្រោងថែទាំនិងព្យាបាលធ្មេញនៃកម្មវិធី Medi-Cal​ មានវត្តមានដើម្បី​ផ្ដល់​ជំនួយជូន​អ្នកហៅទូរសព្ទចូល ចាប់ពីម៉ោង 8 ព្រឹក ដល់ម៉ោង 5 ល្ងាច ពីថ្ងៃច​ន្ទ ដល់ថ្ងៃសុក្រ។ មានអ្នកបកប្រែភាសាផ្ទាល់មាត់។

សម្រាប់អ្នកនិយាយភាសាអេស្ប៉ាញ គេហទំព័ររបស់ Smile California អាចរ​ក​បានតាមរយៈ https://sonriecalifornia.org/. អ្នកក៏អាចស្វែងរកភាសាដទៃផ្សេងទៀតនៅលើរូបភូគោលនៅជ្រុង ខាងលើផ្នែកខាងស្ដាំ។

នៅពេលអ្នកទាក់ទងទៅកាន់ទន្តពេទ្យណាម្នាក់ សូមអ្នកសួរថា តើពួកគេ​ទទួលគម្រោងថែទាំនិងព្យាបាលធ្មេញរបស់កម្មវិធី Medi-Cal ដែរឬទេ។ អ្នកក៏អាចស្នើ​សុំ​អ្នកបកប្រែភាសាផ្ទាល់មាត់ដែលមានគុណវុឌ្ឍិផងដែរ ប្រសិនបើចាំបាច់។

តើខ្ញុំស្វែងរកអ្នកផ្ដល់សេវាថែទាំនិងព្យាបាលធ្មេញដែលមានការគ្រប់គ្រងដោយរបៀបណា?

ប្រសិនបើអ្នករស់នៅក្នុងខោនធី Sacramento ឬ Los Angeles ​អ្នកអាចស្វែង​រក​ព័ត៌មាន​ស្ដីពីការចុះឈ្មោះ​ក្នុងគម្រោងថែទាំ​និងព្យាបាលធ្មេញ​ដែលមាន​ការគ្រប់គ្រងផ្សេងៗគ្នានៅទីនេះ៖ https://www.dhcs.ca.gov/services/Pages/ManagedCarePlanDirectory.aspx. នៅពេលអ្នកចុះឈ្មោះក្នុងគម្រោងថែទាំនិងព្យាបាលធ្មេញដែលមាន​ការគ្រប់​គ្រ​ង​ភ្លាម គម្រោងរបស់អ្នកនឹងជ្រើសរើសអ្នកផ្ដល់សេវាថែទាំ​និងព្យាបាលធ្មេញជូនអ្នក​។

នាពេលបច្ចុប្បន្ន មានគម្រោងថែទាំនិងព្យាបាលធ្មេញ​ដែលមាន​ការគ្រប់គ្រង​ចំនួនបីនៅក្នុងខោនធី Sacramento និង Los Angeles៖

• គម្រោង Access Dental Plan https://www.premierlife.com/
• គម្រោង Health Net Dental https://www.healthnet.com/content/healthnet/en_us/members/medi-cal/dental.html
• គម្រោង Liberty Dental Plan https://www.libertydentalplan.com/

សម្រាប់ជំនួយក្នុងការចុះឈ្មោះ ឬផ្លាស់ប្ដូរគម្រោងថែទាំនិងព្យាបាលធ្មេញ​ដែលមានការ​គ្រប់​គ្រងរបស់អ្នក សូមទូរសព្ទទៅកាន់ជម្រើសថែទាំសុខភាព តាមលេ​ខ​ទូរសព្ទ (800) 430-4263។ សម្រាប់ជំនួយពាក់ព័ន្ធនឹងគម្រោងថែទាំនិងព្យាបាលធ្មេញដែលមានការគ្រប់គ្រងរបស់អ្នក សូមទូរសព្ទទៅកាន់មណ្ឌលផ្ដល់ជំនួយ របស់នាយកដ្ឋាន​ថែទាំដែលមានការគ្រប់គ្រង តាម​លេខ (888) 466-2219។

សូមមើលផ្នែក II(e) ខាងក្រោម សម្រាប់ព័ត៌មានស្ដីពីករណីលើកលែង​សម្រាប់​អត្ថគាហៈនៃ​កម្មវិធីថែទាំនិងព្យាបាលធ្មេញ ដែលអនុញ្ញាតឱ្យ អត្ថគាហៈជ្រើសរើ​ស​ចាកចេញពី​គម្រោង​ថែទាំ​និងព្យាបាលធ្មេញដែលមានការគ្រប់គ្រង និងចូលទៅក្នុងគម្រោង​ថែទាំនិងព្យាបាល​ធ្មេញ​របស់​កម្មវិធី Medi-Cal។

តើខ្ញុំស្វែងរកអ្នកផ្ដល់សេវាថែទាំនិងព្យាបាលធ្មេញដោយរបៀបណា ប្រសិនបើខ្ញុំចុះឈ្មោះនៅក្នុងគម្រោងសុខភាពរបស់ខោនធី San Mateo?

សម្រាប់បុគ្គលដែលចុះឈ្មោះនៅក្នុងគម្រោងសុខភាពរបស់ខោនធី San Mateo សេវាថែទាំនិងព្យាបាលធ្មេញ ត្រូវផ្ដល់ជូនដោយផ្ទាល់តាមរយៈ​គម្រោងថែទាំ​ដែ​ល​​មានការគ្រប់គ្រងរបស់កម្មវិធី Medi-Cal របស់អ្នក។ សូមទាក់ទងគម្រោងសុខភា​ព​របស់ខោនធី San Mateo ដើម្បីទទួលបាន​អ្នកផ្ដល់សេវាថែទាំ​និងព្យាបាល​ធ្មេ​ញ តាមលេខទូរសព្ទ (800) 750-4776 ឬចូលទៅកាន់គេហទំព័រ https://www.hpsm.org/member/hpsm-dental.6

c. ការណាត់ជួបលើកដំបូង

តើខ្ញុំ​ត្រូវ​យកអ្វី​ទៅ​ជាមួយ​សម្រាប់ការ​ណាត់​ជួប​ទទួលសេវាថែទាំនិង​ព្យាបាល​ធ្មេញលើកដំបូង​?

សូមយកមកជាមួយនូវប័ណ្ណសម្គាល់អត្តសញ្ញាណអត្ថប្រយោជន៍ Medi-Cal រប​ស់​អ្នក និង​អត្តសញ្ញាណប័ណ្ណដែលមានរូបថត ឬប័ណ្ណបើកបរ សម្រាប់​ការណាត់​ជួ​ប​ថែទាំ​និងព្យាបាល​ធ្មេញ​លើកដំបូង។ សូមយកមកជាមួយនូវប័ណ្ណគម្រោងថែ​ទាំ​និងព្យាបាលធ្មេញដែលមាន​ការគ្រប់គ្រង ប្រសិនបើអ្នកបានចូលរួមក្នុងគម្រោងថែទាំនិងព្យាបាល​ធ្មេញដែលមានការគ្រប់គ្រង។

តើមាននរណាម្នាក់អាចបកប្រែភាសាសម្រាប់ខ្ញុំនៅឯការិយាល័យថែទាំនិងព្យាបាលធ្មេញ បានដែរឬទេ?

មាន។ ប្រសិនបើអ្នកផ្ដល់សេវាថែទាំនិងព្យាបាលធ្មេញរបស់អ្នក មិនចេះនិយាយ​ភាសារបស់អ្នក អ្នកមានសិទ្ធិទទួលបានអ្នកបកប្រែភាសា ​ឬភាសាសញ្ញា ដោយឥតគិតថ្លៃ។ អ្នកផ្ដល់សេវាថែទាំនិងព្យាបាលធ្មេញរបស់អ្នក អាចទូរសព្ទមកកាន់​មណ្ឌលសេវាទូរសព្ទ តាមលេខ (800) 322-6384។ អ្នកនិងទន្តពេទ្យរបស់អ្នក នឹ​ង​ត្រូវភ្ជាប់ការប្រាស្រ័យទាក់ទងជាមួយ​អ្នកបកប្រែ​ដែលនិយាយភាសារបស់អ្នក និ​ង​អាចបកប្រែដោយផ្ទាល់មាត់បាន។7

សូមមើលឯកសាររបស់អង្គការ DRC ដែលមានចំណងជើង ការទទួលបាន​ការ​ថែទាំសុខភាព​សម្រាប់បុគ្គលដែលមានពិការភាព នៅក្រោម ADA និង​ច្បា​ប់​សិទ្ធិរដ្ឋប្បវេណីដទៃទៀតសម្រាប់​ព័ត៌មាន​បន្ថែមស្ដីពីសិទ្ធិរបស់អ្នក នៅពេលទទួលការថែទាំសុខភាព៖https://www.disabilityrightsca.org/publications/access-to-health-care-for-people-with-disabilities-under-the-ada-and-other-civil

d. ការ​បង់ប្រាក់​

តើប្រាក់សហធានារ៉ាប់រងមានចំនួនប៉ុន្មាន?

ប្រាក់សហធានារ៉ាប់រងបច្ចុប្បន្នរបស់គម្រោងថែទាំនិងព្យាបាលធ្មេញ​របស់កម្មវិធី Medi-Cal មានដូចខាងក្រោម៖8

• សេវាមិនមែនបន្ទាន់ដែលត្រូវផ្ដល់ជូននៅក្នុងបន្ទប់សង្គ្រោះបន្ទាន់៖ 5$
• សេវាអ្នកជំងឺខាងក្រៅ៖ 1$
• វេជ្ជបញ្ជា៖ 1$

តើការបង់ថ្លៃសេវាដែលមិនត្រូវរ៉ាប់រងដោយគម្រោងថែទាំនិងព្យាបាលធ្មេញរប​ស់​​កម្មវិធី Medi-Cal មានលក្ខណៈយ៉ាងដូចម្ដេចដែរ?

អ្នកផ្ដល់សេវារបស់អ្នក ត្រូវប្រាប់អ្នកថាតើសេវាណាខ្លះត្រូវ​និងមិនត្រូវ​រ៉ាប់រងដោ​យ​គម្រោងថែទាំនិងព្យាបាលធ្មេញរបស់កម្មវិធី Medi-Cal។ អ្នកផ្ដល់សេវាថែទាំ​និង​ព្យាបាលធ្មេញរបស់កម្មវិធី Medi-Cal មិនអាច​ផ្ដល់ជូន​អ្នកនូវសេវា​ណា​មួយដែល​មិន​ត្រូវគ្របដណ្ដប់ដោយកម្មវិធី Medi-Cal នោះឡើយ។ អ្នកផ្ដល់សេវាថែទាំនិង​ព្យាបាល​ធ្មេញរបស់អ្នក​អាចតម្រូវឱ្យអ្នកបង់ថ្លៃសេវា ប្រសិនបើអ្នកជ្រើស​រើស​ទទួ​លការព្យាបាល​ដែលមិនត្រូវគ្របដណ្ដប់ដោយ​គម្រោងថែទាំ​និងព្យាបាល​ធ្មេ​ញ​​របស់កម្មវិធី Medi-Cal។9

e. ករណីលើកលែងសម្រាប់អត្ថគាហៈនៃគម្រោងថែទាំនិងព្យាបាលធ្មេ​ញ

តើករណីលើកលែងសម្រាប់អត្ថគាហៈនៃគម្រោងថែទាំនិងព្យាបាលធ្មេញគឺជាអ្វី​?

ករណីលើកលែងសម្រាប់អត្ថគាហៈនៃគម្រោងថែទាំនិងព្យាបាលធ្មេញ អនុញ្ញាតឱ្យ​សមាជិកជ្រើសរើសចាកចេញពីគម្រោងថែទាំនិងព្យាបាលធ្មេញដែលមានការគ្រប់គ្រង និងចូលទៅក្នុងគម្រោងថែទាំនិងព្យាបាលធ្មេញ​របស់កម្មវិធី Medi-Cal​។ ករណីលើកលែងសម្រាប់អត្ថគាហៈនៃគម្រោងថែទាំនិងព្យាបាលធ្មេញ ត្រូវផ្ដល់ជូនបុគ្គលដែលចុះឈ្មោះនៅក្នុងគម្រោងថែទាំនិងព្យាបាលធ្មេញ​ដែលមានការគ្រប់គ្រងនៅក្នុងខោនធី Sacramento និង Los Angeles។ ករណីលើកលែង​សម្រា​ប់​អត្ថគាហៈនៃគម្រោងថែទាំនិងព្យាបាលធ្មេញ គឺសម្រាប់​អត្ថគាហៈ​ដែលពុំអាចធានានូវការទទួលបានសេវាតាមរយៈ គម្រោងថែទាំងនិងព្យាបាលធ្មេញ​ដែលមាន​ការគ្រប់គ្រងរបស់ពួកគេ។10

តើខ្ញុំអាចដាក់ពាក្យសុំករណីលើកលែងសម្រាប់អត្ថគាហៈនៃគម្រោងថែទាំ​និងព្យាបាលធ្មេញដោយរបៀបណា?

អ្នកអាចដាក់ពាក្យសុំករណីលើកលែងសម្រាប់អត្ថគាហៈនៃគម្រោងថែទាំ​និងព្យាបាលធ្មេញតាមរយៈទូរសព្ទ ប្រៃសណីយ៍ អ៊ីម៉ែល ឬទូរសា។ អ្នកអាចដាក់ពាក្យសុំតាមទូរសព្ទដោយហៅទូរសព្ទទៅកាន់លេខ (855) 347-3310។ អ្នកអាច​ដាក់ពាក្យសុំតាមរយៈ ប្រៃសណីយ៍ អ៊ីម៉ែល ឬទូរសា ដោយបំពេញ​ទម្រង់នេះ៖ https://www.dental.dhcs.ca.gov/MCD_documents/members/BDE_request_form.pdf

ព័ត៌មានបន្ថែមស្ដីពីករណីលើកលែងសម្រាប់អត្ថគាហៈនៃគម្រោងថែទាំ​និងព្យាបាលធ្មេញ ត្រូវផ្ដល់ជូននៅទីនេះ៖ https://dental.dhcs.ca.​gov/Members/​Dental_Managed_Care/Beneficiary_Dental_Exception/

សម្រាប់អត្ថគាហៈដែលទទួលបានករណីលើកលែងសម្រាប់អត្ថគាហៈនៃ​គម្រោ​ង​ថែទាំ​និង​ព្យាបាល​ធ្មេញ ពួកគេនឹងបន្តស្ថិតនៅក្នុងគម្រោងបង់ថ្លៃ​ដើម្បីទទួលបា​ន​​សេវានៃគម្រោង​ថែទាំ​និងព្យាបាលធ្មេញរបស់កម្មវិធី Medi-Cal រហូតដល់ពេល​ពួកគេជ្រើសរើស​ចូលទៅក្នុង​គម្រោងថែទាំនិង​ព្យាបាលធ្មេញដែល​មានការ​គ្រប់​គ្រង​វិញ។11

f. អ្នក​​តំណាង​ដែលទទួលបានការអនុញ្ញាត

តើអ្នកតំណាងដែលទទួលបានការអនុញ្ញាតរបស់គម្រោងថែទាំនិងព្យាបាលធ្មេ​ញ​របស់កម្មវិធី Medi-Cal គឺជាអ្វី?

អ្នកតំណាងដែលទទួលបានការអនុញ្ញាតរបស់គម្រោងថែទាំនិងព្យាបាល​ធ្មេញរបស់កម្មវិធី Medi-Cal គឺជាមនុស្សម្នាក់ដែលអាចធ្វើសកម្មភាព​ក្នុងនាមជាអ្នក ដើម្បីជួយអ្នក​ក្នុងការ​ទទួលបានការថែទាំនិងព្យាបាល​ធ្មេញ​របស់អ្នក។ ជំនួយនេះ អាចពាក់ព័ន្ធនឹងបញ្ហាវិក័យបត្រ ការកក់ការណាត់ជួប និងការទទួលបានព័ត៌មានអំពីការថែទាំនិងព្យាបាលធ្មេញរបស់អ្នក។12 គេមិនតម្រូវឱ្យអ្នកចាំបាច់ត្រូវមានអ្នកតំណាងដែលទទួលបាន​ការអនុញ្ញាត នោះឡើយ។

តើខ្ញុំតែងតាំងតំណាងដែលទទួលបានការអនុញ្ញាតដោយរបៀបណា?

អ្នកអាចតែងតាំងតំណាងដែលទទួលបានការអនុញ្ញាតដោយបំពេញទម្រង់ឯកសារនេះ៖ https://www.dental.dhcs.ca.gov/​MCD_documents/​members/​MCD_appt_auth_rep_form.pdf.

បន្ទាប់ពីទម្រង់ឯកសារនេះត្រូវបានបំពេញនិងចុះហត្ថលេខារួចហើយភ្លាម អ្នកអាចដាក់ឯកសារនេះតាមរយៈអ៊ីម៉ែលទៅកាន់អាសយដ្ឋានអ៊ីម៉ែល memberformreturn@delta.org ឬផ្ញើតាមប្រៃណីយ៍​ទៅកាន់

កម្មវិធីថែ​ទាំនិងព្យាបាលធ្មេញរបស់កម្មវិធី Medi-Cal
តាមរយៈ៖ ការិយាល័យឯកជនភាព/សន្តិសុខព័ត៌មាន
P.O. Box 15539 Sacramento, CA 95852-1539

អ្នកអាចបន្ថែម ដកចេញ ឬផ្លាស់ប្ដូរតំណាងដែលទទួលបានការអនុញ្ញាត នៅពេ​​លណាមួយក៏បាន។13

g. ការទទួលបានសេវាដោយពុំមានការធានារ៉ាប់រងសុខភាព

តើខ្ញុំអាចទទួលបានការថែទាំនិងព្យាបាលធ្មេញដោយពុំមានការធានា​រ៉ាប់រងសុខភាពដោយរបៀបណា?

មណ្ឌលសុខភាពដែលមានគុណវុឌ្ឍិថ្នាក់សហព័ន្ធ និងសហគមន៍ដទៃទៀត អា​ច​ផ្ដល់ការថែទាំនិងព្យាបាលជូនអ្នក បើទោះបីជាអ្នកពុំមាន​ការធានា​រ៉ាប់រង​សុខភា​ពក៏ដោយ។ អ្នកបង់ប្រាក់សម្រាប់សេវានានាដោយផ្អែកលើប្រាក់ចំណូលរបស់អ្នក​។

អ្នកអាចស្វែងរកមណ្ឌលសុខភាពដែលមានគុណវុឌ្ឍិថ្នាក់សហព័ន្ធ​ដែលស្ថិតនៅក្បែរអ្នក នៅទីនេះ៖ https://findahealthcenter.hrsa.gov/

សាលាទន្តពេទ្យ និងសាលាអនាម័យធ្មេញ ជាទូទៅ មានមន្ទីរព្យាបាល​ដែលអនុញ្ញាតឱ្យនិស្សិតទន្តពេទ្យទទួលបានបទពិសោធន៍ក្នុងការព្យាបាលអ្នកជំងឺដោយផ្ដល់ការថែទាំនិងព្យាបាលក្នុងតម្លៃទាប។​

អ្នកអាចស្វែងរកបាននូវការថែទាំនិងព្យាបាលធ្មេញតាមរយៈសាលា​ទន្តពេទ្យ ឬសាលាអនាម័យធ្មេញនៅក្នុងមូលដ្ឋាន នៅទីនេះ៖ https://www.nidcr.nih.gov/health-info/finding-dental-care.

សម្រាប់ព័ត៌មានបន្ថែមសូមមើល៖ https://www.cdph.ca.gov/Programs/​CCDPHP​/​DCDIC/CDCB/Pages/OralHealthProgram/DentalServices.aspx#.

III. ការរ៉ាប់រងទទួលបន្ទុកលើការថែទាំនិងព្យាបាលធ្មេញសម្រាប់មនុស្ស​​ពេញវ័យ

a. ការរ៉ាប់រងទទួលបន្ទុកលើសេវាថែទាំនិងព្យាបាលធ្មេញសម្រាប់មនុ​ស្ស​​​ពេញវ័យ

តើមានសេវាអ្វីខ្លះដែលត្រូវគ្របដណ្ដប់ដោយកម្មវិធីថែទាំនិង​ព្យាបាលធ្មេញរប​ស់​កម្មវិធី Medi-Cal?

សេវា​ថែទាំនិងព្យាបាលធ្មេញដែលត្រូវគ្របដណ្ដប់សម្រាប់មនុស្ស​ពេញវ័យ​ រួមមាន​៖14

• ការពិនិត្យលើកដំបូង
• ការសម្អាត (ការបង្កាជំងឺ)
• ការ​ព្យាបាល​ដោយ​ជាតិ​ភ្លុយ​អរ​
• ការថតដោយ​កាំ​រស្មី​អ៊ិច
• ការ​បិទប្រហោង​​​ធ្មេញ​
• ធ្មេញស្រោបដែលផលិតពីរោងចក្រ (ជ័រសំយោគ និងអ៊ីណុក
• តែ​ប៉ុណ្ណោះ)
• ការដកធ្មេញ
• ការព្យាបាលរន្ធឬសធ្មេញសម្រាប់ធ្មេញមុខនិងធ្មេញថ្គាម
• ធ្មេញសិប្បនិម្មិតទាំងស្រុងដែលអាចដកចេញបាន
• ការកែសម្រួលនិងជួសជុលធ្មេញសិប្បនិម្មិតទាំងស្រុង
• ធ្មេញស្រោបដែលផលិតនៅក្នុងមន្ទីរពិសោធន៍
• ធ្មេញសិប្បនិម្មិតមួយផ្នែកដែលអាចដកចេញបាន
• ការកែសម្រួល ជួសជុល និងតម្រង់ធ្មេញសិប្បនិម្មិតមួយផ្នែក
• ការថែទាំព្យាបាលអញ្ចាញធ្មេញ (ការសម្អាតធ្មេញនិងគល់ធ្មេញ)
• សេវាថែទាំនិងព្យាបាលធ្មេញដែលចាំបាច់ខាងផ្នែកវេជ្ជសាស្រ្តផ្សេងទៀត

b. ការកំហិតលើសេវាថែទាំនិងព្យាបាលធ្មេញសម្រាប់មនុស្សពេញវ័យ

តើមានការកំហិតលើសេវាថែទាំនិងព្យាបាលធ្មេញសម្រាប់មនុស្សពេញវ័យ​ដែរឬទេ?

សេវាថែទាំនិងព្យាបាលធ្មេញសម្រាប់បុគ្គលដែលមានអាយុ 21 ឆ្នាំឡើងទៅ ត្រូវកម្រិតត្រឹម 1,800$ សម្រាប់អត្ថគាហៈម្នាក់សម្រាប់ឆ្នាំ​ប្រតិទិននីមួយៗ។15 ការកំហិត ត្រូវចាត់ទុកថាជាការកំហិត “ទន់ភ្លន់” ពីព្រោះនៅពេលដែល​កម្មវិធី Medi-Cal បានបង់ប្រាក់ 1,800$ តាមការទាមទារ ការទាមទារ​នាពេល​បន្ទាប់​មក​ទាំងអស់ តម្រូវឱ្យមានសំណើសុំការអនុញ្ញាតព្យាបាល (TAR)។

ហេតុដូច្នេះ សេវានានានៅតែអាចត្រូវរ៉ាប់រង​ ហួសពី 1,800$ ក៏ប៉ុន្តែ តម្រូវ​ឱ្យផ្ដល់​ឯកសារស្ដីពីភាពចាំបាច់ផ្នែកវេជ្ជសាស្រ្តដើម្បីទទួលបាន​ការអនុម័តយល់ព្រម។ ការកំហិតថ្លៃត្រឹម 1,800$ ត្រូវកំណត់ឡើងវិញនៅក្នុងឆ្នាំប្រតិទិន​នីមួយៗ។

តើសេវាថែទាំនិងព្យាបាលធ្មេញអ្វីខ្លះ ត្រូវផាត់ចេញពីការកំហិត?

សេវាថែទាំនិងព្យាបាលធ្មេញមួយចំនួន ត្រូវលើកលែងការកំហិត ដោយរួមបញ្ចូ​ល​៖16

• សេវាកម្មព្យាបាល​ធ្មេញសង្គ្រោះបន្ទាន់​
• សេវាដែលតម្រូវដោយរដ្ឋាភិបាលសហព័ន្ធ ដោយរួមទាំង​សេវាពាក់ព័ន្ធនឹង​​​ការមានគភ៌
• ការដាក់ធ្មេញសិប្បនិម្មិតដែលអាចដកចេញបាន
• ការវះកាត់មាត់ស្មុគ្រស្មាញនិងឆ្អឹងថ្គាម
• សេវាព្យាបាលឆ្អឹងថ្គាម ដោយរួមទាំងការដាក់ធ្មេញសិប្បនិម្មិតដោយដាំ​បង្គោល​ក្នុងឆ្អឹងថ្គាម និងការដាក់ធ្មេញសិប្បនិម្មិតទាំងស្រុងដោយដាំ​បង្គោ​ល​​ក្នុងឆ្អឹងថ្គាម និង
• សេវាដែលត្រូវផ្ដល់ជូននៅក្នុងមណ្ឌលថែទាំរយៈពេលវែង

ការកំហិតចំនួនទឹកប្រាក់ 1,800$ ក្នុងមួយឆ្នាំសម្រា​ប់សមាជិកម្នាក់​មិនត្រូវអនុវត្ត​ចំពោះ​និតិវិធីដែលគម្រោងសេវាថែទាំនិងព្យាបាលធ្មេញ​នៃកម្មវិធី Medi-Cal ​ចា​ត់​​ទុក​ថាមានលក្ខណៈ “ចាំបាច់ផ្នែកវេជ្ជសាស្រ្ត”។17

c. សេវាកម្មព្យាបាល​ធ្មេញសង្គ្រោះបន្ទាន់​

តើសេវាអ្វីមានលក្ខណៈសម្បត្តិគ្រប់គ្រាន់ដែលត្រូវចាត់ទុកថាជា​សេវាថែទាំ​និងព្យាបាលធ្មេញសង្គ្រោះបន្ទាន់?

ដូចដែលត្រូវបានលើកឡើងនៅខាងលើ ​សេវាថែទាំ​និងព្យាបាលធ្មេញ​សង្គ្រោះបន្ទាន់ ត្រូវផាត់ចេញពីការកំហិតប្រចាំឆ្នាំ។

​សេវាថែទាំ​និងព្យាបាលធ្មេញសង្គ្រោះបន្ទាន់ ត្រូវកំណត់និយមន័យថាជា​ស្ថានភា​ព​សុខភាព​ដែល​​ស្តែង​ឡើង​តាមរយៈ​រោគសញ្ញា​ស្រួចស្រាវ​ដែលមានសភាព​ធ្ងន់ធ្ងរ​ រួមទាំង​ការឈឺ​ចាប់​ធ្ងន់​ធ្ងរ​ ដែល​បើគ្មាន​ការ​ថែទាំវេជ្ជសាស្ត្រ​ភ្លាមៗនោះទេ​ អាច​នឹ​ង​មានហេតុផលសមស្របឱ្យគេ ​រំពឹង​ទុកថា​នឹងនាំមកនូវ​ផលវិបាកដូចខាងក្រោម​៖18

• ដែលធ្វើឱ្យសុខភាពរបស់អ្នកជំងឺស្ថិតក្នុងស្ថានភាពគ្រោះថ្នាក់
• ការខូចខាតធ្ងន់ធ្ងរដល់មុខនាទីរាងកាយ
• ការខូចខាតលែងដំណើរការនូវសរីរាង្គឬផ្នែកណាមួយនៃរាងកាយ

អ្នកផ្ដល់សេវាថែទាំនិងព្យាបាលធ្មេញរបស់អ្នក នឹងកំណត់ថាតើសេវាអ្វី​មានលក្ខណៈសម្បត្តិគ្រប់គ្រាន់ដែលនឹងត្រូវចាត់ទុកថា ជាសេវាថែទាំនិង​ព្យាបាលធ្មេ​ញសង្គ្រោះបន្ទាន់។ នៅពេលសមស្រប អ្នកផ្ដល់សេវារបស់អ្នក​ត្រូវប្រគល់ឯកសារជូនដល់​គម្រោងសេវាថែទាំ​និងព្យាបាលធ្មេញ​នៃកម្មវិធី Medi-Cal ដើម្បីផ្ដល់​ហេតុ​ផល​គាំទ្រនិតិវិធីសង្គ្រោះបន្ទាន់នោះ។19

d. សំណើសុំការអនុញ្ញាតព្យាបាល

តើសេវាថែទាំព្យាបាលធ្មេញណាត្រូវអនុម័តយល់ព្រមដោយសំណើសុំ​ការអនុញ្ញា​ត​ព្យាបាល?

សេវាថែទាំនិងព្យាបាលធ្មេញមួយចំនួន ចាំបាច់ត្រូវអនុម័តដោយសំណើសុំ​ការអនុញ្ញាត​ព្យាបាល (TAR)។ សំណើសុំ​ការអនុញ្ញាតព្យាបាល គឺជាទម្រង់​ឯកសារ​មួយដែលត្រូវ​ប្រើប្រាស់​ដោយអ្នកផ្ដល់សេវា​ដែលស្នើសុំការអនុញ្ញាតទទួលបានការបង់ប្រាក់សម្រាប់ការផ្ដល់សេវាជាក់លាក់មួយចំនួន។20 សំណើសុំ​ការអនុញ្ញា​ត​ព្យាបាល ចាំបាច់ត្រូវអនុម័តដោយ​គម្រោងសេវាថែទាំ​និងព្យាបាលធ្មេញ​នៃកម្មវិ​ធី​​ Medi-Cal​ មុនពេលសេវាត្រូវផ្ដល់ជូន។ សេវាដែលទាមទារនូវការប្រើប្រាស់​សំ​ណើ​សុំ​ការអនុញ្ញាតព្យាបាល រួមមាន៖21

• សេវាស្ដារធ្មេញឡើងវិញ
• ការព្យាបាលឬសធ្មេញ
• ការព្យាបាលអញ្ចាញធ្មេញ
• ការដាក់ធ្មេញសិប្បនិម្មិត
• សេវាដាំបង្គោលធ្មេញក្នុងឆ្អឹងថ្គាម
• ការវះកាត់មាត់និងឆ្អឹងថ្គាម
• សេវាពត់តម្រង់ធ្មេញ

សេវាដែលត្រូវផ្ដល់ជូនអ្នកជំងឺក្នុងមន្ទីរពេទ្យ មណ្ឌលថែទាំដែលមានជំនាញ និងមណ្ឌលថែទាំបឋមដទៃទៀត ក៏តម្រូវឱ្យមានការអនុញ្ញាតជាមុន លើកលែងតែមា​ន​ការលើកលែងក្នុងនាមជាសេវាសង្គ្រោះបន្ទាន់។22

តើអ្វីមានលក្ខណៈសម្បត្តិដែលអាចចាត់ទុកថាមានលក្ខណៈ “ចាំបាច់ផ្នែក​វេជ្ជសា​ស្រ្ត​​”?

ដូចដែលត្រូវបញ្ជាក់នៅខាងលើ សេវាដែលមានលក្ខណៈ “ចាំបាច់​ផ្នែក​វេជ្ជសា​ស្រ្ត​” ត្រូវលើកលែងចេញពីការកំហិតប្រចាំឆ្នាំ។ ចំពោះមនុស្សដែលមានអាយុ 21 ឆ្នាំ ឬច្រើនជាងនេះ សេវាដែលមានលក្ខណៈ “ចាំបាច់ផ្នែកវេជ្ជសាស្រ្ត” នៅពេល​ដែ​ល​សេវានោះ៖23

• មានលក្ខណៈសមហេតុផលនិងចាំបាច់ដើម្បីការពារជីវិត
• មានគោលដៅបង្កាជំងឺធ្ងន់ធ្ងរឬពិការភាពធ្ងន់ធ្ងរ ឬ
• មានគោលដៅកាត់បន្ថយការឈឺចាប់ធ្ងន់ធ្ងរ

តើមានលក្ខខណ្ឌតម្រូវអ្វីសម្រាប់សេវាថ្នាំស្ពឹក?

ចាំបាច់ត្រូវមានការអនុញ្ញាតជាមុនសម្រាប់ការប្រើប្រាស់ថ្នាំស្ពឹកទូទៅ​និងការចា​ក់​ថ្នាំសណ្ដំ។24 ការអនុញ្ញាតជាមុនអាចនឹងត្រូវលើកលែង នៅពេលដែលសេវា​មា​ន​លក្ខណៈ​ចាំបាច់​ដើម្បីព្យាបាលស្ថានភាពវេជ្ជសាស្រ្តសង្គ្រោះបន្ទាន់។25

មានតែអ្នកផ្ដល់សេវាថែទាំនិងព្យាបាលធ្មេញរបស់កម្មវិធី Medi-Cal ដែលបាន​ចុះឈ្មោះ​តែប៉ុណ្ណោះ អាចស្នើសុំសំណើសុំការអនុញ្ញាតព្យាបាល (TAR) សម្រា​ប់​សេវាថ្នាំស្ពឹក។ ប្រសិនបើវេជ្ជបណ្ឌិតឯកទេសថ្នាំស្ពឹក ពុំមែនជាអ្នកចេញវិក័យប​ត្រ អ្នកចេញ​វិក័យបត្រដែល​ផ្ដល់សេវាថែទាំនិងព្យាបាលធ្មេញ អាចដាក់សំណើសុំ​ការអនុញ្ញាត​ព្យាបាល ក្នុងនាមវេជ្ជបណ្ឌិត​ឯកទេសថ្នាំស្ពឹកដែល​ប្រើប្រាស់​ថ្នាំស្ពឹក​។26

e. សេវាទន្តសាស្រ្តពីចម្ងាយ

តើមានសេវាទន្តសាស្រ្តពីចម្ងាយដែរឬទេ?

នាយកដ្ឋានសេវាថែទាំសុខភាព អនុញ្ញាតនូវការប្រើប្រាស់សេវាទន្តសាស្រ្ត​ពីចម្ងា​យ ជាជម្រើសជំនួសសម្រាប់ផ្ដល់សេវាថែទាំនិងព្យាបាលធ្មេញ។ សេវាទន្តសាស្រ្តពីចម្ងាយដែលសមស្រប រួមបញ្ចូលការវាយតម្លៃមាត់ធ្មេញ សម្រាប់អ្នកជំងឺ​ថ្មី​ឬ​ចា​ស់ ការវាយតម្លៃមាត់ធ្មេញជាទៀងទាត់សម្រាប់​អ្នកជំងឺចាស់ និងការពិនិត្យរូបភាព​ដែល​ថត​ដោយកាំរស្មី។27

f. អត្ថប្រយោជន៍ការថែទាំនិងព្យាបាលធ្មេញសម្រាប់អត្ថគាហៈកម្មវិធី Medi-Cal ដែលមានគភ៌

តើមានសេវាថែទាំ​និងព្យាបាលធ្មេញ​នៃកម្មវិធី Medi-Cal អ្វីខ្លះ សម្រាប់​អត្ថគាហៈ​កម្មវិធី Medi-Cal ដែលមានគភ៌?

អត្ថគាហៈកម្មវិធី Medi-Cal ដែលមានគភ៌ ​ត្រូវបានរ៉ាប់រង​សម្រាប់សេវា​ថែទាំនិង​ព្យាបាលធ្មេញ មិនថាពួកគេទទួលបានការរ៉ាប់រងទទួលបន្ទុក​របស់កម្មវិធី ​Medi-Ca​l ប្រភេទណាក៏ដោយ។ អត្ថគាហៈកម្មវិធី Medi-Cal ដែលមានគភ៌ ​ត្រូវ​បាន​ធានា​រ៉ាប់រងក្នុងអំឡុងពេល​មានគភ៌ និង 12 ខែក្រោយទារកចាប់កំណើត។28

g. អត្ថប្រយោជន៍នៃការថែទាំនិងព្យាបាលធ្មេញសម្រាប់មនុស្សពេញ​វ័យ​​ដែលស្ថិតនៅក្នុងកម្មវិធី Medi-Cal ដែលមានវិសាលភាព​មាន​កម្រិ​ត

តើមានសេវាថែទាំ​និងព្យាបាលធ្មេញ​នៃកម្មវិធី Medi-Cal អ្វីខ្លះ សម្រាប់មនុស្ស​ពេញវ័យ​​ដែលស្ថិតនៅក្នុងកម្មវិធី Medi-Cal ដែលមានវិសាលភាពមានកម្រិត?

មនុស្សពេញវ័យ​ដែលស្ថិតនៅក្នុងកម្មវិធី Medi-Cal ដែលមានវិសាលភាព​មាន​កម្រិត មានការ​រ៉ាប់​រងទទួលបន្ទុកមានកម្រិត​ដោយអាចទទួល​បាន​ការរ៉ាប់រងលើ​សេវា​ដកធ្មេញនិង​សេវា​សង្គ្រោះ​បន្ទាន់​តែប៉ុណ្ណោះ។

IV. ការរ៉ាប់រងទទួលបន្ទុកលើការថែទាំនិងព្បាបាលធ្មេញសម្រាប់កុមារ

a. ការរ៉ាប់រងទទួលបន្ទុក

តើមានសេវាអ្វីខ្លះដែលត្រូវគ្របដណ្ដប់ដោយកម្មវិធីថែទាំនិង​ព្យាបាលធ្មេញរប​ស់​កម្មវិធី Medi-Cal?

កុមារដែលមានអាយុពីសូន្យឆ្នាំដល់ 20 ឆ្នាំ ដែលមានអត្ថប្រយោជន៍កម្មវិធី Medi-Cal ពេញលេញ និងមានសិទ្ធិទទួលបានសេវាដូចខាងក្រោមនេះ៖29

• ការវាយតម្លៃមាត់ធ្មេញ (អាយុ 3 ឆ្នាំ)
• ការពិនិត្យដំបូង (អាយុ 3 - 20 ឆ្នាំ)
• ការពិនិត្យជាទៀងទាត់ (អាយុ 3​ - 20 ឆ្នាំ)
• ការបង្ការជំងឺ
• ការលាងសម្អាតដោយភ្លុយអរ
• សេវាស្ដារធ្មេញឡើងវិញ - ធ្មេញស្រោបសំលោហៈ ជ័រសំយោគ និងធ្មេញ​ស្រោ​ប​​ដែលផលិតរួចជាស្រេចនៅក្នុងរោងចក្រ
• ធ្មេញស្រោបដែលផលិតនៅក្នុងមន្ទីរពិសោធន៍
• ការលាងសម្អាតធ្មេញនិងគល់ធ្មេញ
• ការព្យាបាលឬសធ្មេញមុខ
• ការព្យាបាលឬសធ្មេញថ្គាម
• ធ្មេញសិប្បនិម្មិតមួយផ្នែកដែលអាចដកចេញបាន
• ធ្មេញសិប្បនិម្មិតទាំងស្រុងដែលអាចដកចេញបាន
• ការដកធ្មេញ
• សេវា​សង្គ្រោះបន្ទាន់​

b. ការរ៉ាប់រងទទួលបន្ទុកនៅក្រោមគម្រោងព្យាបាល ធ្វើរោគវិនិច្ឆ័យ ត្រួត​ពិនិត្យនៅគ្រាដំបូងនិងទៀងទាត់ (EPSDT)

តើការរ៉ាប់រងទទួលបន្ទុកអ្វីខ្លះដែលត្រូវតម្រូវឱ្យមាននៅក្រោមគម្រោង​ព្យាបាល ធ្វើ​រោគវិនិច្ឆ័យ ត្រួតពិនិត្យនៅគ្រាដំបូងនិងទៀងទាត់ (EPSDT)?

នៅក្រោមគម្រោងព្យាបាលធ្វើរោគវិនិច្ឆ័យ ត្រួតពិនិត្យនៅគ្រាដំបូង​និងទៀងទា​ត់ (EPSDT) កុមារដែលមានអាយុក្រោម 21 ឆ្នាំ ត្រូវទទួលបាន​អត្ថប្រយោជន៍​និង​​សេវា​ចាំបាច់នានា ដើម្បី “កែតម្រូវ​ឬកែលម្អវិការៈនិង​ជំងឺនិងស្ថានភាពរាងកាយ​និងផ្លូវចិត្ត”។30 បន្ថែមទៅលើការវាយតម្លៃទៀងទាត់តាមកាលកំណត់និងនៅចន្លោះកាល​កំណត់ទៅលើធ្មេញរបស់កុមារ ការគ្រប់ដណ្ដប់របស់គម្រោងព្យាបា​ល ធ្វើរោគវិនិច្ឆ័យ ត្រួតពិនិត្យនៅគ្រាដំបូង​និងទៀងទាត់ (EPSDT) យ៉ាងហោចណា​ស់ ត្រូវរួមបញ្ចូល “ការបន្ថយការឈឺចាប់និងការឆ្លងមេរោគ ការស្ដារធ្មេញឡើងវិញ និងការថែទាំសុខភាពធ្មេញ”។31

V. ពាក្យបណ្ដឹង​​តវ៉ា

a. ការយល់ដឹងអំពីការបដិសេធឬការផ្លាស់ប្ដូរសេវា

តើខ្ញុំអាចស្វែងយល់ថាតើកម្មវិធី Medi-Cal​ បានបដិសេធ​ឬផ្លាស់ប្ដូរសេវា​ថែទាំ​និង​ព្យាបាលធ្មេញរបស់ខ្ញុំដោយរបៀបណា?

អ្នកនឹងទទួលបានសេចក្ដីជូនដំណឹងអំពីការអនុវត្ត ប្រសិនបើ​សំណើ​សុំព្យាបាល​ធ្មេញ​របស់អ្នកត្រូវបដិសេធឬផ្លាស់ប្ដូរ។ សេចក្ដីជូនដំណឹងអំពីការអនុវត្ត នឹងប្រា​ប់​​អ្នកថាតើសេវាថែទាំ​និងព្យាបាល​ធ្មេញរបស់អ្នក ត្រូវពន្យារពេល បដិសេធ ឬផ្លាស់ប្ដូរ។32

• ត្រូវពន្យារពេល - ត្រូវប្រគល់ត្រឡប់ទៅឱ្យអ្នកផ្តល់សេវាថែទាំនិងព្យាបាល​ធ្មេញដើម្បី​កែតម្រូវ។ អ្នកផ្តល់សេវាថែទាំនិងព្យាបាលធ្មេញ មានរយៈ​ពេ​ល​ 45 ថ្ងៃ​ ដើម្បីប្រគល់​ការកែតម្រូវ(នានា) ត្រឡប់មកវិញ។ ប្រសិនបើអ្នកផ្តល់​សេវាមិនឆ្លើយតបទេ យើងនឹងផ្ញើសេចក្តីជូនដំណឹងអំពី​ការអនុវត្តគម្រោងថែទាំនិងព្យាបាលធ្មេញនៃកម្មវិធី Medi-Cal មួយផ្សេង​ទៀត ​ដើម្បី​ជូនដំ​ណឹ​ង​ទៅអ្នក។
• ត្រូវផ្លាស់ប្ដូរ - សេវាត្រូវបានអនុម័ត ប៉ុន្តែខុសពីអ្វីដែលអ្នកផ្ដល់សេវា​ថែទាំ​និង​ព្យាបាលធ្មេញបានស្នើសុំ។
• ត្រូវបដិសេធ - សេវាពុំត្រូវបានអនុម័ត។

តើខ្ញុំអាចស្វែងរកឃើញហេតុផលដែលសេវាថែទាំនិងព្យាបាលធ្មេញរបស់ខ្ញុំត្រូវបានបដិសេធឬផ្លាស់ប្ដូរដោយរបៀបណា?

សេចក្ដីជូនដំណឹងអំពីការអនុវត្ត គួរបង្ហាញកូដមួយឬច្រើនដែលពន្យល់​អំពី​ហេតុផល​ដែលសេវាថែទាំនិងព្យាបាលធ្មេញរបស់អ្នក​ត្រូវបានបដិសេធ​ឬផ្លាស់ប្ដូរ។ មានកូដពន្យល់អំពីហេតុផលនៃការសម្រេចចិត្ត ដែលត្រូវដាក់បញ្ចូល​ជាមួយ​​សេច​ក្ដី​ជូនដំណឹងអំពីការអនុវត្តរបស់អ្នក។33 អ្នកអាចស្វែងរកគំរូទម្រង់សេចក្ដីជូនដំណឹ​ង​​អំពីការអនុវត្ត​គម្រោង​សេវាថែទាំនិងព្យាបាល​ធ្មេញ​នៃកម្មវិធី Medi-Cal និង​កូ​ដ​ដែលពន្យល់​អំពីហេតុផលនៃការអនុវត្ត​នៅទីនេះ៖ https://www.dental.dhcs.ca.gov/​MCD_documents/members/notice_of_medi-cal_dental_action_english.pdf

តើខ្ញុំអាចធ្វើអ្វី ប្រសិនបើកម្មវិធី​ Medi-Cal បដិសេធឬកំហិតសេវាណាមួយ​ដែល​អ្នកផ្ដល់សេវាថែទាំនិងព្យាបាលធ្មេញរបស់ខ្ញុំបានស្នើសុំ?

អ្នកមានជម្រើសជាច្រើន ប្រសិនបើកម្មវិធី Medi-Cal បដិសេធ ឬកំហិត សេវាណា​មួយដែលអ្នកផ្ដល់សេវាថែទាំនិងព្យាបាលធ្មេញរបស់អ្នកបានស្នើសុំ។ ជាដំបូង អ្ន​កអាចទាក់ទងអ្នកផ្ដល់សេវាថែទាំនិងព្យាបាលធ្មេញរបស់អ្នក និងស្នើសុំការវា​យតម្លៃឡើងវិញ។ អ្នកក៏អាចស្នើសុំអ្នកផ្ដល់សេវាថែទាំនិងព្យាបាលធ្មេញរបស់អ្នក​ឱ្យដាក់​សំណើសុំព្យាបាលថ្មីមួយផងដែរ។34 អ្នកអាចប្ដឹងតវ៉ាចំពោះការបដិសេធតាមរយៈការស្នើសុំសវនាការ។ មានព័ត៌មានច្រើនបន្ថែមទៀតអំពីការស្នើសុំសវនាការនៅក្នុងផ្នែកខាងក្រោម។ ជាងនេះទៅទៀត អ្នកផ្ដល់សេវាថែទាំនិងព្យាបាលធ្មេញរបស់អ្នក​ អាចប្ដឹងតវ៉ានឹងការព្យាបាលដែលត្រូវផ្លាស់ប្ដូរឬបដិសេ​ធ តាមរយៈ​កិច្ចដំណើការប្ដឹងតវ៉ាដាច់ដោយឡែក។

b. សិទ្ធិទទួលបានសវនាការ

តើខ្ញុំមានសិទ្ធិអ្វីខ្លះ ប្រសិនបើសំណើសុំព្យាបាលធ្មេញរបស់ខ្ញុំ​ ត្រូវបាន​បដិសេ​ធ​?

អ្នកអាចស្នើសុំសវនាការ តាមរយៈការិយាល័យសវនាការថ្នាក់រដ្ឋ (CDSS) របស់​នាយកដ្ឋាន​សេវា​សង្គម​របស់រដ្ឋកាលី​ហ្វ័រញ៉ា ប្រសិនបើការព្យាបាល​ដែលអ្នក​ផ្ដ​ល់​សេវា​ថែទាំនិង​ព្យាបាល​ធ្មេញ​របស់​អ្នក​បានស្នើសុំ​ ត្រូវបានបដិសេធឬផ្លាស់ប្ដូរ។ អ្នកក៏អាចស្នើសុំសវនាការថ្នាក់រដ្ឋផងដែរ ប្រសិនបើសំណើសុំប្រាក់ សងត្រឡប់មកវិញ Conlan ត្រូវបានបដិសេធ។35 អ្នកអាចស្វែងយល់បន្ថែមអំពីសំណើសុំប្រាក់សងត្រឡប់មកវិញ Conlan នៅទីនេះ៖ https://www.dhcs.ca.gov/services/medi-cal/Pages/Medi-Cal_Conlan.aspx. សវនាការថ្នាក់រដ្ឋ ចាំបាច់ត្រូវស្នើសុំក្នុងរយៈពេល 90 ថ្ងៃនៃការទទួលបាន​សេច​ក្ដី​ជូនដំណឹងអំពីការអនុវត្ត ដែលបដិសេធឬផ្លាស់ប្ដូរ​អត្ថប្រយោជន៍។36 អ្នកទទួល អាចស្នើសុំសវនាការក្រោយពេលកំណត់ 90 ថ្ងៃ​បានផុតសុពលភាព​ ប្រសិនបើមានហេតុផលត្រឹមត្រូវ។37

c. ការ​ស្នើសុំ​សវនាការ

តើ​ខ្ញុំ​​​ស្នើសុំ​សវនាការថ្នាក់រដ្ឋ​​ដោយ​របៀប​ណា​?​

សវនាការថ្នាក់រដ្ឋ​​ អាចត្រូវស្នើសុំតាមអនឡាញ តាមទូរសព្ទ ឬជាលាយលក្ខណ៍​អក្សរ​។ សវនាការថ្នាក់រដ្ឋ​​ អាចត្រូវស្នើសុំតាមអនឡាញ តាមរយៈប្រព័ន្ធគ្រប់​គ្រង​​ករណីប្ដឹងតវ៉ា (ACMS)។ https://acms.dss.ca.gov/acms/login.request.do.

សវនាការថ្នាក់រដ្ឋ​​ អាចត្រូវស្នើសុំតាមទូរសព្ទ ដោយហៅទូរសព្ទទោកាន់​ការិយាល័​យ​សវនាការថ្នាក់រដ្ឋដែលមានលេខទូរសព្ទ (800) 952-5253។ សវនាការថ្នាក់រដ្ឋ​​ អា​ចត្រូវស្នើសុំជាលាយលក្ខណ៍​អក្សរ ដោយផ្ញើសំណើសុំ​ជាលាយលក្ខណ៍អក្ស​រ​តាម​ប្រៃសណីយ៍ទៅកាន់អាសយដ្ឋាន៖

California Department of Social Services
State Hearings Division
P.O. Box 944243, Mail Station 9-17-37
Sacramento, California 94244-2430

តាមទូរសារ (833) 281-0905។

ព័ត៌មានបន្ថែមអំពីការស្នើសុំសវនាការថ្នាក់រដ្ឋអាចរកបាននៅទីនេះ៖ https://www.cdss.ca.gov/hearing-requests.

VI. ការ​ដាក់​ពាក្យបណ្តឹង​

តើខ្ញុំគួរ​ដាក់ពាក្យបណ្តឹង​​នៅពេលណា​?

ជាដំបូង អ្នកគួរពិភាក្សាជាមួយអ្នកផ្ដល់សេវាថែទាំនិងព្យាបាលធ្មេញ​របស់អ្នក​អំ​ពី​សេចក្ដីព្រួយបារម្ភរបស់អ្នក។ ប្រសិនបើអ្នកផ្ដល់សេវាថែទាំនិងព្យាបាលធ្មេញរ​បស់​អ្នក មិនអាច​ដោះស្រាយ​សេចក្ដីព្រួយបារម្ភរបស់អ្នកបាន អ្នកអាចដាក់ពាក្យបណ្ដឹ​ង​ទៅកាន់គម្រោងថែទាំនិងព្យាបាលធ្មេញរបស់កម្មវិធី Medi-Cal។ គម្រោងថែទាំ​និ​ង​ព្យាបាលធ្មេញរបស់កម្មវិធី Medi-Cal មាននិតិវិធីដើម្បី​ដោះស្រាយ​សេចក្ដី​ព្រួ​យបារម្ភរបស់អ្នកអំពី៖38

• សេវា​ទន្តសាស្រ្ត
• គុណភាពនៃការថែទាំ
• ការផ្លាស់ប្ដូរឬការបដិសេធសំណើសុំព្យាបាល
• ប្រភេទផ្សេងទៀតនៃសេវាដែលត្រូវផ្ដល់ជូននៅក្រោមគម្រោងថែទាំនិង​ព្យាបាលធ្មេញរបស់កម្មវិធី Medi-Cal។
• ប្រសិនបើអ្នកជឿថាមានការរើសអើងប្រឆាំងអ្នក ឬមានការប្រព្រឹត្ត​អយុត្តិធម៌ចំពោះអ្នក

តើ​ខ្ញុំ​​​ដាក់ពាក្យបណ្ដឹង​​ដោយ​របៀប​ណា​?​

ដើម្បី​ដាក់ពាក្យបណ្ដឹងតាមទូរសព្ទ​ អ្នក​អាច​ហៅ​ទូរសព្ទទៅ​កាន់មជ្ឈមណ្ឌល​សេវា​ទូរសព្ទរបស់​គម្រោងថែទាំ​និងព្យាបាលធ្មេញរបស់កម្មវិធី Medi-Cal តាម​រយៈ​លេ​ខ​ (800) 322-6384។

ដើម្បីដាក់ពាក្យបណ្ដឹងជាលាយលក្ខណ៍អក្សរ សូមទាញយកទម្រង់ពាក្យបណ្ដឹ​ង​របស់​គម្រោង​ថែទាំ​​និង​ព្យាបាលធ្មេញរបស់កម្មវិធី Medi-Cal ពីទីនេះ៖ https://www.dental.dhcs.ca.gov/MCD_documents/members/medi-cal_​dental​_​complaint_form_english.pdf. អ្នកអាចផ្ញើទម្រង់ឯកសារដែលត្រូវបានបំពេ​ញ​រួចហើយ​ តាមរយៈ​អ៊ីម៉ែល​ទៅកាន់អាសយដ្ឋាន MemberFormReturn@delta​.o​rg ឬផ្ញើតាមប្រៃសណីយ៍ទៅកាន់ គម្រោង​ថែទាំ​​និងព្យាបាលធ្មេញរបស់កម្មវិធី Medi-Cal តាមអាសយដ្ឋាន៖

កម្មវិធីថែទាំនិងព្យាបាលធ្មេញរបស់កម្មវិធី Medi-Cal
ក្រុមសេវា​សមាជិក
P.O. Box 15539
Sacramento, CA 95852

ទម្រង់ពាក្យបណ្ដឹងជាភាសាផ្សេងៗគ្នា អាចត្រូវស្វែងរកបាននៅលើ​គេហទំព័រ របស់ Smile, California៖ https://smilecalifornia.org/members/

VII. ធនធាន

គេហទំព័ររបស់សមាជិកគម្រោងថែទាំ​និងព្យាបាលធ្មេញរបស់កម្មវិធី Medi-Cal របស់ SmileCalifornia៖ https://smilecalifornia.org/

សៀវភៅណែនាំសម្រាប់សមាជិកគម្រោងថែទាំនិងព្យាបាលធ្មេញនៃកម្មវិធី Medi-Cal នាយកដ្ឋានសេវាថែទាំសុខភាពរដ្ឋកាលីហ្វ័រញ៉ា ឆ្នាំ2022៖ https://www.dental.dhcs.ca.gov/MCD_documents/members/member_handbook_english.pdf

គម្រោង Denti-Cal សម្រាប់មនុស្សពេញវ័យ របស់អង្គការ Justice In Aging៖ https://www.justiceinaging.org/wp-content/uploads/2017/02/Denti-Cal-for-Adults.pdf

សេវាថែទាំនិងព្យាបាលធ្មេញរបស់អ្នកតាមរយៈកម្មវិធី Medi-Cal របស់ CPEH​N​៖ https://cpehn.org/assets/uploads/archive/denti-cal_restoration_factsheet_​english​_0​.pdf.

សេចក្ដីណែនាំរបស់អ្នកតស៊ូមតិដើម្បីទទួលបានសេវារបស់កម្មវិធី Medi-Cal ជំពូកទី7 សេវាថែទាំនិងព្យាបាលធ្មេញ ដែលចេញផ្សាយដោយ ​NHeLP៖ https://healthlaw.org/wp-content/uploads/2020/02/NHeLP-MediServices​Guide​-​Complete-Ch7.pdf.

បំណុលប័ណ្ណឥណទានសេវាថែទាំនិងព្យាបាលធ្មេញ​ របស់ NHeLP៖ https://healthlaw.org/wp-content/uploads/2018/12/Dental-CC-Debt-CA-Toolkit-12.14.2018-4-Update-3.pdf.

សៀវភៅណែនាំសម្រាប់អ្នកផ្ដល់សេវានៃគម្រោងសេវាថែទាំនិងព្យាបាលធ្មេ​ញ​នៃកម្មវិធី Medi-Cal របស់នាយកដ្ឋានសេវាថែទាំសុខភាពរដ្ឋកាលីហ្វ័រញ៉ា ឆ្នាំ202​2៖ https://www.dental.dhcs.ca.gov/MCD_documents/providers/provider_handbook/handbook.zip

• 1. 42 U.S.C. § 1396d(a)(10).
• 2. សូមមើល Cal. Welf. & Inst. Code § 14131.10(b)(2)(C) សម្រាប់ការផ្ដល់ជូនឡើងវិញក្នុងខែឧសភា ឆ្នាំ2014 និង Cal. Welf. & Inst. Code § 14131.10(b)(1)(A)(i) សម្រាប់ការផ្ដល់ជូនឡើងវិញនៅឆ្នាំ2018។ សូមមើលលិខិត All Plan Letter 17-009 (ថ្ងៃទី27 ខែវិច្ឆិកា ឆ្នាំ2017) របស់នាយកដ្ឋានសេវាថែទាំសុខភាពរបស់រដ្ឋកាលីហ្វ័រញ៉ា (ដែលជូនដំណឹងដល់គម្រោងថែទាំនិងព្យាបាលធ្មេញដែលមានការគ្រប់គ្រងរបស់កម្មវិធី MediCal អំពីការផ្ដល់ជូនពេញលេញឡើងវិញនូវអត្ថប្រយោជន៍នៃសេវាថែទាំនិងព្យាបាលធ្មេញសម្រាប់មនុស្សពេញវ័យ) https://www.dhcs.ca.gov/services/Documents/MDSD/2017%20DAPLs/APL_17-009_Fully_Restore_Adult_Dental_Benefits.pdf និងការផ្ដល់ជូនឡើងវិញពេញលេញនូវអត្ថប្រយោជន៍នៃសេវាថែទាំនិងព្យាបាលធ្មេញ សំណួរដែលត្រូវបានសួរញឹកញាប់ (ថ្ងៃទី1 ខែមករា ឆ្នាំ2018) របស់នាយកដ្ឋានសេវាថែទាំសុខភាពរបស់រដ្ឋកាលីហ្វ័រញ៉ា https://www.dhcs.ca.gov/services/Documents/MDSD/Adult_ Resto_FAQ-Fact_Sheet_12-2017.pdf.
• 3. សៀវភៅណែនាំសម្រាប់សមាជិកគម្រោងថែទាំនិងព្យាបាលធ្មេញនៃកម្មវិធី Medi-Cal របស់នាយកដ្ឋានសេវាថែទាំសុខភាពរដ្ឋកាលីហ្វ័រញ៉ា (ឆ្នាំ2022) ទំព័រ 8, https://www.dental.dhcs.ca.gov/MCD_documents/members/member_handbook_english.pdf.
• 4. Id at 9.
• 5. Id at 2.
• 6. Id at 2.
• 7. Id at 7.
• 8. Id at 17.
• 9. Id at 16.
• 10. Cal. Welf. & Inst. Code § 14089.09(b)(2).
• 11. Id.
• 12. សៀវភៅណែនាំសម្រាប់សមាជិកគម្រោងថែទាំនិងព្យាបាលធ្មេញនៃកម្មវិធី Medi-Cal របស់នាយកដ្ឋានសេវាថែទាំសុខភាពរដ្ឋកាលីហ្វ័រញ៉ា (ឆ្នាំ2022) ទំព័រ 7, https://www.dental.dhcs.ca.gov/MCD_documents/members/member_handbook_english.pdf.
• 13. Id at 8.
• 14. Id at 9. ការផ្ដល់ជូនឡើងវិញយ៉ាងពេញលេញនូវអត្ថប្រយោជន៍នៃសេវាថែទាំនិងព្យាបាលធ្មេញ សំណួរដែលត្រូវបានសួរញឹកញាប់ (ថ្ងៃទី1 ខែមករា ឆ្នាំ2018) របស់នាយកដ្ឋាន សេវាថែទាំសុខភាពរបស់រដ្ឋកាលីហ្វ័រញ៉ា https://www.dhcs.ca.gov/services/Documents/MDSD/Adult_ Resto_FAQ-Fact_Sheet_12-2017.pdf; Cal. Welf. & Inst. Code § 14132.88.
• 15. Cal. Welf. & Inst. Code § 14080(a).
• 16. Id.
• 17. សៀវភៅណែនាំសម្រាប់អ្នកផ្ដល់សេវានៃគម្រោងសេវាថែទាំនិងព្យាបាលធ្មេញនៃកម្មវិធី Medi-Cal របស់នាយកដ្ឋានសេវាថែទាំសុខភាពរដ្ឋកាលីហ្វ័រញ៉ា 4-18 (ខែវិច្ឆិកា ឆ្នាំ2022) https://www.dental.dhcs.ca.gov/MCD_documents/providers/provider_handbook/handbook.zip.
• 18. Cal. Welf. & Inst. Code § 14007.5(d); Cal. Code Regs. Tit. 22, § 51056.
• 19. សៀវភៅណែនាំសម្រាប់អ្នកផ្ដល់សេវានៃគម្រោងសេវាថែទាំនិងព្យាបាលធ្មេញ នៃកម្មវិធី Medi-Cal របស់នាយកដ្ឋានសេវាថែទាំសុខភាពរដ្ឋកាលីហ្វ័រញ៉ា 4-27 (ខែវិច្ឆិកា ឆ្នាំ2022) https://www.dental.dhcs.ca.gov/MCD_documents/providers/provider_handbook/handbook.zip.
• 20. Id. at 11-7.
• 21. Id. at 2-14 និង 2-15.
• 22. Id. at 2-15 និង 2-16.
• 23. Cal. Welf. និង Inst. Code § 14059.5(a).
• 24. លិខិត Dental All Plan 15-005 ម៉ោង 2 (ថ្ងៃទី1 ខែមេសា ឆ្នាំ2015) របស់នាយកដ្ឋានសេវាថែទាំសុខភាពរបស់រដ្ឋកាលីហ្វ័រញ៉ា https://www.dhcs.ca.gov/services/Documents/MDSD/2015%20DAPLs/APL%2015-005.pdf.
• 25. Id. at Attachment 2, ទំព័រ 6-7។
• 26. លិខិត Dental All Plan 17-004 (ថ្ងៃទី28 ខែមិថុនា ឆ្នាំ2017) របស់នាយកដ្ឋានសេវា ថែទាំសុខភាពរបស់រដ្ឋកាលីហ្វ័រញ៉ា https://www.dhcs.ca.gov/services/Documents/MDSD/2017%20DAPLs/APL17_004.pdf.
• 27. ព្រឹត្តិប័ត្រព័ត៌មានគម្រោងសេវាថែទាំនិងព្យាបាលធ្មេញនៃកម្មវិធី Medi-Cal Vol. 32 4 (ខែមីនា ឆ្នាំ2016) របស់នាយកដ្ឋានសេវា ថែទាំសុខភាពរបស់រដ្ឋកាលីហ្វ័រញ៉ា https://www.dental.dhcs.ca.gov/MCD_documents/providers/provider_bulletins/archive/Volume_32_archive.zip Cal. Welf. & Inst. Code § 14132.725.
• 28. សៀវភៅណែនាំសម្រាប់សមាជិកគម្រោងថែទាំនិងព្យាបាលធ្មេញនៃកម្មវិធី Medi-Cal របស់នាយកដ្ឋានសេវាថែទាំសុខភាពរដ្ឋកាលីហ្វ័រញ៉ា (ឆ្នាំ2022) ទំព័រ 10, https://www.dental.dhcs.ca.gov/MCD_documents/members/member_handbook_english.pdf; Cal. Welf. & Inst. Code § 14005.18(a).
• 29. Id. at 9.
• 30. 42 U.S.C. § 1396d(r)(5). សូមមើលបទដ្ឋានសុវត្ថិភាពនិងសុខភាពរបស់រដ្ឋកាលីហ្វ័រញ៉ា Cal. Health & Safety Code § 124025 et seq., Cal. Welf. & Inst. Code § 14132(v), Cal. Code Regs. tit. 22 §§ 51184, 51242, 51340, 51340.1, 51532.
• 31. 42 C.F.R. § 441.56(c)(2); Cal. Code Regs. tit. 17, § 6843(a)(1).
• 32. សៀវភៅណែនាំសម្រាប់សមាជិកគម្រោងថែទាំនិងព្យាបាលធ្មេញនៃកម្មវិធី Medi-Cal នាយកដ្ឋានសេវាថែទាំសុខភាពរដ្ឋកាលីហ្វ័រញ៉ា (ឆ្នាំ2022) pgs។ 22-23 https://www.dental.dhcs.ca.gov/MCD_documents/members/member_handbook_english.pdf
• 33. Id. at 23.
• 34. Id. at 22.
• 35. Id at 31.
• 36. Id at 32.
• 37. Cal. Welf. & Inst. Code § 10951; MPP § 22-009.1.
• 38. Id at 22.