សេវាឯកទេសថែទាំសុខភាពផ្លូវចិត្តរបស់កម្មវិធីថែទាំ សុខភាព Medi-Cal ដែលត្រូវផ្ដល់ជូន ដោយផែនការថែទាំសុខភាពផ្លូវចិត្តរបស់ខោនធី សម្រាប់មនុស្សពេញ វ័យដែលមានអាយុ 21 ឆ្នាំឡើងទៅ
សេវាឯកទេសថែទាំសុខភាពផ្លូវចិត្តរបស់កម្មវិធីថែទាំ សុខភាព Medi-Cal ដែលត្រូវផ្ដល់ជូន ដោយផែនការថែទាំសុខភាពផ្លូវចិត្តរបស់ខោនធី សម្រាប់មនុស្សពេញ វ័យដែលមានអាយុ 21 ឆ្នាំឡើងទៅ
អ្នកអាចទទួលបានសេវាសុខភាពផ្លូវចិត្តតាមរយៈ Medi-Cal ។ អ្នកអាចទទួលបានវាតាមរយៈថ្លៃសេវា ឬផែនការថែទាំដែលត្រូវបានគ្រប់គ្រង។ លើសពីនេះទៀត អ្នកអាចទទួលបានសេវាសុខភាពផ្លូវចិត្ត Medi-Cal តាមរយៈគម្រោងសុខភាពផ្លូវចិត្តតាមខោនធី។ ហាងស្រានេះប្រាប់អ្នកអំពីសេវាកម្មផែនការសុខភាពផ្លូវចិត្តរបស់ខោនធី។
ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។
ប្រសិនបើអ្នកមានការធានារ៉ាប់រងសុខភាពតាមរយៈ Medi-Cal នោះសេវាសុខភាពផ្លូវចិត្តដែលចាំបាច់ខាងផ្នែកវេជ្ជសាស្រ្ត គឺជាផលប្រយោជន៍ដែលរ៉ាប់រងសម្រាប់អ្នក។ សេវាសុខភាពផ្លូវចិត្តមួយចំនួនត្រូវផ្ដល់ជូនតាមរយៈផែនការថែទាំសុខភាពដែលបានគ្រប់គ្រង Medi-Cal របស់អ្នក ឬតាមរយៈអ្នកផ្ដល់សេវាថែទាំ Medi-Cal ដែលបង់ថ្លៃសេវា។ សេវាសុខភាពផ្លូវចិត្តដទៃទៀត នឹងត្រូវផ្ដល់ជូនតាមរយៈផែនការថែទាំសុខភាពផ្លូវចិត្តរបស់ខោនធី (MHP) តែប៉ុណ្ណោះ។ សេវាថែទាំសុភាពផ្លូវចិត្តដែលត្រូវផ្ដល់ជូនដោយ MHP ហៅថា សេវាឯកទេសថែទាំសុខភាពផ្លូវចិត្តរបស់ Medi-Cal។ ឯកសារបោះពុម្ពផ្សាយនេះ ផ្ដោតទៅលើសេវាឯកទេសថែទាំសុខភាពផ្លូវចិត្តរបស់កម្មវិធីថែទាំសុខភាព (SMHS) របស់ Medi-Cal សម្រាប់មនុស្សពេញវ័យដែលមានអាយុ 21 ឆ្នាំឡើងទៅ។
សម្រាប់ព័ត៌មានបន្ថែមអំពីសេវាសុខភាពផ្លូវចិត្ត ដែលត្រូវផ្ដល់ជូនតាមរយៈផែនការថែទាំសុខភាពដែលបានគ្រប់គ្រងរបស់ Medi-Cal សូមមើលឯកសារបោះពុម្ពុផ្សាយលេខ 5609.06 – ផែនការថែទាំសុខភាពដែលបានគ្រប់គ្រងរបស់ Medi-Cal និងសេវាថែទាំសុខភាពផ្លូវចិត្ត។
តើសេវាឯកទេសថែទាំសុខភាពផ្លូវចិត្តរបស់កម្មវិធីថែទាំ សុខភាព Medi-Cal មានអ្វីខ្លះ?
សេវាឯកទេសថែទាំសុខភាពផ្លូវចិត្តរបស់ Medi-Cal គឺជាសេវាច្រើនប្រភេទ ដែលត្រូវផ្ដល់ជូនដោយផែនការ MHP ប្រចាំខោនធី និងទីភ្នាក់ងារដែលចុះកិច្ចព្រមព្រៀងជាមួយផែនការ MHP ប្រចាំខោនធី។ ជាទូទៅ សេវាឯកទេស SMHS គឺមានលក្ខណៈលម្អិតខ្លាំងជាង និងផ្ដល់ជំនួយគាំទ្រច្រើនជាងសេវាសុខភាពផ្លូវចិត្តដែលត្រូវផ្ដល់ជូនដោយផែនការថែទាំសុខភាពដែលបានគ្រប់គ្រង។ បញ្ជីពេញលេញនៃសេវាឯកទេសថែទាំសុខភាពផ្លូវចិត្តរបស់កម្មវិធីថែទាំសុខភាព Medi-Cal ដែលត្រូវផ្ដល់ជូន នឹងត្រូវបង្ហាញនៅខាងក្រោម។
សេវាឯកទេស SMHS ត្រូវបានផ្តល់ជូនដល់អ្នកទទួលផល Medi-Cal តាមរយៈផែនការ MHP ប្រចាំខោនធី។1 ផែនការ MHP គឺជាផ្នែកមួយនៃនាយកដ្ឋានសុខភាពផ្លូវចិត្ត ឬនាយកដ្ឋានសុខភាពអាកប្បកិរិយារបស់ខោនធី។ សេវាឯកទេស SMHS អាចនឹងត្រូវផ្ដល់ជូនដោយនយោជិករបស់ខោនធី ឬនយោជិករបស់ទីភ្នាក់ងារដែលខោនធីបានចុះកិច្ចព្រមព្រៀងជាមួយ ដើម្បីផ្ដល់សេវាបែបនោះ។2
នៅពេលអ្នកត្រូវបានអនុញ្ញាតឲ្យទទួលបានសេវាឯកទេស SMHS អ្នកមានសិទ្ធិទទួលបានផែនការអតិថិជនមួយដែលអ្នកជួយបង្កើត និងដែលអ្នកឯកភាពជា
មួយ។3 ផែនការអតិថិជនរួមបញ្ចូលនូវគោលដៅនិងវត្ថុបំណងនៃការព្យាបាលដែលពាក់ព័ន្ធនឹងតម្រូវការថែទាំសុខភាពផ្លូវចិត្ត និងអន្តរាគមន៍នានាដែលបានស្នើឡើងដែលត្រូវផ្ដល់ជូន។
តើសេវាឯកទេសថែទាំសុខភាពផ្លូវចិត្តអ្វីខ្លះ នឹងត្រូវផ្ដល់ជូនដោយកម្មវិធីថែទាំសុខភាព Medi-Cal?
ដោយអនុលោមតាមវិធានរបស់កម្មវិធី Medi-Cal សេវាឯកទេសថែទាំសុខភាពផ្លូវចិត្តដូចខាងក្រោមនឹងត្រូវផ្ដល់ជូន ប្រសិនបើអ្នកបំពេញតាមលក្ខណៈវិនិច្ឆ័យដើម្បីទទួលបានសេវា និងភាពចាំបាច់ផ្នែកវេជ្ជសាស្ត្រដែលមានរៀបរាប់ដូចខាងក្រោម។4 ប្រសិនបើអ្នកត្រូវបានអនុម័តយល់ព្រមឲ្យទទួលបានសេវាឯកទេសថែទាំសុខភាពផ្លូវចិត្ត អ្នកមិនមានសិទ្ធិជាស្វ័យប្រវត្តិទទួលបានសេវាទាំងអស់នេះនោះឡើយ។ ដោយផ្អែកលើស្ថានភាពរបស់អ្នក អ្នកអាចនឹងត្រូវអនុម័តយល់ព្រមឲ្យទទួលបានសេវាមួយឬច្រើនជាងនេះនៅក្នុងចំណោមសេវាទាំងនេះ។
- សេវាថែទាំសុខភាពផ្លូវចិត្តស្ដារនីតិសម្បទា គឺជាសេវាដែលជួយអ្នកទទួលផលនៃកម្មវិធី Medi-Cal ធ្វើការកែលម្អ ថែរក្សា ឬស្ដារឡើងវិញនូវបំណិនរបស់ពួកគេក្នុងការអនុវត្តសកម្មភាពរស់នៅប្រចាំថ្ងៃ ការបំពេញមុខងារសង្គម និងផ្នែកដទៃផ្សេងទៀត។5 សេវាទាំងនេះរួមមាន៖
- សេវាថែទាំសុខភាពផ្លូវចិត្ត គឺជាការព្យាបាលដែលមានលក្ខណៈបុគ្គល ឬជាក្រុមដែលត្រូវរៀបចំឡើងដើម្បីជួយកាត់បន្ថយរោគសញ្ញានៃពិការភាពសុខភាពផ្លូវចិត្ត និងកែលម្អការបំពេញមុខងារ។6
- ជំនួយគាំទ្រវេជ្ជសាស្រ្ត រួមបញ្ចូលសេវានានាពាក់ព័ន្ធនឹងការចេញវេជ្ជបញ្ជាការព្យាបាលសុខភាពផ្លូវចិត្ត ដើម្បីកាត់បន្ថយរោគសញ្ញានៃពិការភាពសុខភាពផ្លូវចិត្ត។7
- ការស្ដារនីតិសម្បទានិងការព្យាបាលប្រចាំថ្ងៃ គឺជាកម្មវិធីព្យាបាល ដែលមានមូលដ្ឋាននៅក្នុងសហគមន៍ ដែលអាចជាជម្រើសជំនួសឲ្យការសម្រាកនៅក្នុងមន្ទីរពេទ្យ ឬទីកន្លែងដែលមានការរិតត្បិតជាងនេះ។ កម្មវិធីទាំងនេះត្រូវផ្ដល់ជូនយ៉ាងហោចណាស់រយៈពេល 3 ម៉ោងនិងតិចជាង 24 ម៉ោងក្នុងមួយថ្ងៃ។8
- អន្តរាគមន៍នៅពេលមានវិបត្តិ និងការថែទាំរក្សាលំនឹងពេលមានវិបត្តិ គឺជាសេវាដែលត្រូវផ្ដល់ជូនសម្រាប់ស្ថានភាពដែលទាមទារនូវការឆ្លើយតបឆាប់រហ័សជាងការឆ្លើយតបដែលអាចត្រូវផ្ដល់ជូនតាមការណាត់ជួបធម្មតា។ សេវាទាំងនេះអាចនឹងត្រូវផ្ដល់ជូននៅក្នុងសហគមន៍ ឬនៅតាមទីតាំងមណ្ឌលនានា ដូចជាមន្ទីរពេទ្យ ឬមន្ទីរព្យាបាលជាដើម។9
- សេវាព្យាបាលអ្នកជំងឺនៅក្នុងមន្ទីរពេទ្យសម្រាប់មនុស្សពេញវ័យនិងសម្រាប់អ្នកមានវិបត្តិ គឺជាសេវា 24 ម៉ោងក្នុងមួយសប្ដាហ៍ ដែលត្រូវផ្ដល់ជូននៅក្នុងទីតាំងដែលមានមូលដ្ឋាននៅក្នុងសហគមន៍ដែលមានគ្រែចំនួន 16 ឬតិចជាងនេះ។ សេវាទាំងនេះត្រូវបង្កើតឡើងដើម្បីផ្ដល់សេវាជូនដល់អ្នកទទួលផលនៃកម្មវិធីថែទាំសុខភាព Medi-Cal ដែលមានហានិភ័យនៃការសម្រាកនៅក្នុងមន្ទីរ ពេទ្យព្យាបាលជំងឺផ្លូវចិត្ត ឬជាជម្រើសជំនួសឲ្យការសម្រាកនៅក្នុងមន្ទីរពេទ្យព្យាបាលជំងឺផ្លូវចិត្ត។10
- សេវារបស់មូលដ្ឋានសុខាភិបាលព្យាបាលជំងឺផ្លូវចិត្ត គឺជាសេវាព្យាបាលនិង/ឬសេវាស្ដារនីតិសម្បទាដែលត្រូវផ្ដល់ជូនអ្នកជំងឺដែលសម្រាកក្នុងមន្ទីរ ពេទ្យម្នាក់ៗនៅក្នុងទីតាំងមណ្ឌលដែលមានគ្រែចំនួន 16 ឬតិចជាងនេះ។11
- សេវារបស់មន្ទីរពេទ្យសម្រាប់អ្នកជំងឺផ្លូវចិត្តដែលសម្រាកក្នុងមន្ទីរពេទ្យ គឺជាសេវាផ្លូវចិត្តដែលត្រូវផ្ដល់ជូនអ្នកជំងឺ នៅក្នុងមន្ទីរពេទ្យ។12
- ការគ្រប់គ្រងករណីគោលដៅ ជួយផ្ដល់ជូន អ្នកទទួលផលនៃកម្មវិធីថែទាំសុខភាព Medi-Cal នូវសេវាសហគមន៍ចាំបាច់។13
- សេវាផ្នែកចិត្តវិទ្យានិងផ្នែកជំងឺផ្លូវចិត្ត គឺជាសេវាព្យាបាលនិងធ្វើរោគ វិនិច្ឆ័យ ដែលត្រូវផ្ដល់ជូនដោយវេជ្ជបណ្ឌិតឯកទេសជំងឺផ្លូវចិត្តនិងចិត្តវិទូ ដែលមានអាជ្ញាប័ណ្ណ។14
- សេវារបស់មូលដ្ឋានថែទាំសុខភាពផ្លូវចិត្ត ត្រូវផ្ដល់ជូនប្រជាជននៅក្នុងមូលដ្ឋានថែទាំសុខភាពដែលមានជំនាញឯកទេសច្បាស់លាស់មួយ ចំនួន។15
តើលក្ខណៈវិនិច្ឆ័យសម្រាប់ទទួលបានសេវាឯកទេសថែទាំ សុខភាពផ្លូវចិត្តមានអ្វីខ្លះ?
អ្នកមានសិទ្ធិទទួលបានសេវាឯកទេសថែទាំសុខភាពផ្លូវចិត្ត ប្រសិនបើ៖ (1) មានភាពចាំបាច់ផ្នែកវេជ្ជសាស្រ្ត និង (2) អ្នកបំពេញតាមលក្ខណៈវិនិច្ឆ័យដើម្បីទទួលបានសេវា។16 លក្ខខណ្ឌតម្រូវទាំងនេះ ត្រូវពន្យល់នៅខាងក្រោម។
តើភាពចាំបាច់ផ្នែកវេជ្ជសាស្រ្តគឺជាអ្វី?
ចំពោះអ្នកទទួលផលនៃកម្មវិធីថែទាំសុខភាព Medi-Cal ដែលមានអាយុ 21ឆ្នាំឡើងទៅ សេវា “ដែលចាំបាច់ផ្នែកវេជ្ជសាស្រ្ត” ឬ “ដែលមានភាពចាំបាច់ផ្នែកវេជ្ជសាស្រ្ត” នៅពេលសេវានោះមានភាពសមស្របនិងចាំបាច់ដើម្បីការពារអាយុជីវិត បង្ការជំងឺធ្ងន់ធ្ងរណាមួយ ឬពិការភាពធ្ងន់ធ្ងរ ឬដើម្បីកាត់បន្ថយការឈឺចាប់ធ្ងន់ធ្ងរ។17
តើខ្ញុំអាចបំពេញតាមលក្ខណៈវិនិច្ឆ័យដើម្បីទទួលបានសេវាដោយរបៀបណា?
ការធ្វើរោគវិនិច្ឆ័យសុខភាពផ្លូវចិត្តជាក់លាក់មួយ លែងជាលក្ខខណ្ឌចាំបាច់ដើម្បីទទួលបានសេវាឯកទេសថែទាំសុខភាពផ្លូវចិត្តទៀតហើយ។ ប្រសិនបើអ្នកមានអាយុ 21 ឆ្នាំឡើងទៅ អ្នកអាចទទួលបានសេវាឯកទេសថែទាំសុខភាពផ្លូវចិត្ត ប្រសិនបើអ្នកបំពេញតាមលក្ខខណ្ឌតម្រូវទី(1) និង (2) ដូចខាងក្រោម៖18
- ប្រសិនបើអ្នកមានរោគសញ្ញាយ៉ាងតិចមួយក្នុងចំណោមរោគសញ្ញាដូចខាងក្រោម៖
- ភាពចុះអន់ខ្សោយធ្ងន់ធ្ងរ ដែលការចុះអន់ខ្សោយនោះត្រូវកំណត់និយមន័យថាជាអារម្មណ៍ភ័យខ្លាច ពិការភាព ឬអសមត្ថភាពក្នុងការបំពេញសកម្មភាពសង្គម ការងារ ឬសកម្មភាពសំខាន់ៗដទៃទៀត។
- លទ្ធភាពសមស្របនៃភាពធ្លាក់ដុនដាបធ្ងន់ធ្ងរនូវផ្នែកសំខាន់ណាមួយនៃការបំពេញមុខងាររបស់ជីវិត។
និង
- ស្ថានភាពរបស់អ្នក ដូចបានរៀបរាប់ស្របតាមលក្ខខណ្ឌតម្រូវទី(1) ខាងលើ គឺដោយសារមូលហេតុណាមួយដូចខាងក្រោម៖
- ជំងឺសុខភាពផ្លូវចិត្តដែលត្រូវបានធ្វើរោគវិនិច្ឆ័យ ដោយអនុលោមតាមលក្ខណៈវិនិច្ឆ័យនៃសំណៅថ្មីចុងក្រោយបំផុតនៃសៀវភៅណែនាំស្ដីពីស្ថិតិនិងការធ្វើរោគវិនិច្ឆ័យនៃជំងឺផ្លូវចិត្ត និងការបែងចែកប្រភេទស្ថិតិអន្តរជាតិនៃជំងឺនិងបញ្ហាសុខភាពពាក់ព័ន្ធ។
- ជំងឺផ្លូវចិត្តដែលត្រូវសង្ស័យ មិនទាន់ត្រូវបានធ្វើរោគវិនិច្ឆ័យ។
តើខ្ញុំស្នើសុំសេវាឯកទេសថែទាំសុខភាពផ្លូវចិត្តដោយរបៀបណា?
អ្នកត្រូវស្នើសុំសេវាទាំងនេះពីផែនការ MHP ប្រចាំខោនធីរបស់អ្នក ដែលជាទូទៅជាផ្នែកមួយរបស់នាយកដ្ឋានសុខភាពអាកប្បកិរិយានៃខោនធីរបស់អ្នក។ ប្រសិនបើអ្នកមិនទទួលបានសេវានាពេលឥឡូវនេះ អ្នកអាចទូរសព្ទទៅកាន់លេខទូរសព្ទរបស់ផែនការ MHP និងស្នើសុំនូវការវាយតម្លៃ។ សូមចូលទៅកាន់អាសយដ្ឋានគេហទំព័ររបស់នាយកដ្ឋានសេវាថែទាំសុខភាពរដ្ឋកាលីហ្វ័រញ៉ា ដើម្បីទទួលបានបញ្ជីលេខទូរសព្ទមិនគិតថ្លៃរបស់ផែនការ MHP ប្រចាំខោនធី ដែលត្រូវរៀបចំតាមលំដាប់ខោនធី៖ https://www.dhcs.ca.gov/individuals/Pages/MHPContactList.aspx។
តើខ្ញុំនឹងត្រូវរង់ចាំរយៈពេលប៉ុន្មានដើម្បីទទួលបានការណាត់ជួបទទួលសេវាឯកទេសថែទាំសុខភាពផ្លូវចិត្ត?
ផែនការ MHP ប្រចាំខោនធី ត្រូវផ្ដល់សេវាឯកទេសថែទាំសុខភាពផ្លូវចិត្ត ជូនអ្នកនៅពេលអ្នកត្រូវការសេវាទាំងនោះ។19 ចំណុចនេះមានន័យថាគេមិនអាចដាក់បញ្ចូលឈ្មោះអ្នកនៅក្នុងបញ្ជីរង់ចាំទទួលសេវានោះឡើយ។ នេះហៅថា “ការទទួលបានសេវាទាន់ពេលវេលា”។ នេះក៏មានន័យផងដែរថា ពួកគេមិនអាចទទួលបានដំណឹងឲ្យទូរសព្ទត្រឡប់ទៅវិញនៅពេលក្រោយនោះទេ ដោយសារតែចន្លោះពេលណាត់ជួបទាំងអស់ត្រូវបានប្រើប្រាស់អស់។ យ៉ាងហោចណាស់ អ្នកគួរទទួលបានការវាយតម្លៃអំពីតម្រូវការរបស់អ្នកក្នុងការទទួលសេវា។
វិធានស្ដីពីការទទួលបានសេវាទាន់ពេលវេលាសម្រាប់ប្រភេទផ្សេងៗនៃការណាត់ជួប ត្រូវបានរៀបរាប់នៅទីនេះ៖
| ការណាត់ជួបបន្ទាន់20 | ក្នុងរយៈពេល 48 ម៉ោងបន្ទាប់ពីការស្នើសុំការណាត់ជួប ប្រសិនបើពុំតម្រូវឲ្យមានការអនុម័តយល់ព្រមជាមុន។ ក្នុងរយៈពេល 96 ម៉ោង ប្រសិនបើពុំតម្រូវឲ្យមានការអនុម័តយល់ព្រមជាមុន។ ការណាត់ជួប មានលក្ខណៈបន្ទាន់ ប្រសិនបើ ពុំមានជំនួយភ្លាមៗ ស្ថានភាពរបស់អ្នកមាន ហានិភ័យខ្ពស់អាចនឹងបង្កទៅជាស្ថានភាព សង្គ្រោះបន្ទាន់ផ្នែកផ្លូវចិត្ត។21 |
| ការណាត់ជួបផ្នែកថែទាំ សុខភាពផ្លូវចិត្តសម្រាប់អ្នកជំងឺក្រៅដែលមិនបន្ទាន់22 |
ក្នុងរយៈពេល 10 ថ្ងៃការងារបន្ទាប់ពីការស្នើសុំការណាត់ជួប។ |
| ការណាត់ជួបផ្នែកជំងឺផ្លូវចិត្តដែលមិនបន្ទាន់23 | ក្នុងរយៈពេល 15 ថ្ងៃការងារបន្ទាប់ពីការស្នើសុំការណាត់ជួប |
នៅក្នុងស្ថានភាពមួយចំនួន រយៈពេលរង់ចាំសម្រាប់ការណាត់ជួប អាចមានរយៈពេលយូរជាងនេះ។ ឧទាហរណ៍ ករណីបែបនេះអាចកើតឡើងនៅពេលវេជ្ជបណ្ឌិតរបស់អ្នក ឬអ្នកផ្ដល់សេវារបស់អ្នក ណែនាំអ្នកដែលបញ្ជូនអ្នកបន្តសម្រាប់សេវាណាមួយ ពួកគេគិតថា ការរង់ចាំយូរជាងនេះនឹងមិនប៉ះពាល់ជាអវិជ្ជមានចំពោះសុខភាពរបស់អ្នកនោះឡើយ។24 រយៈពេលរង់ចាំរបស់អ្នក ក៏អាចមានរយៈពេលយូរជាងនេះ នៅពេលអ្នកកំពុងទទួលការថែទាំបង្ការ ឬការថែទាំពិនិត្យតាមដានជាប្រចាំ។25
តើខ្ញុំនឹងត្រូវធ្វើដំណើរក្នុងចម្ងាយប៉ុន្មានដើម្បីទទួលបានសេវាឯកទេសថែទាំសុខភាពផ្លូវចិត្តរបស់ខ្ញុំ?
ផែនការ MHP ត្រូវធានាថាអ្នកអាចទទួលបានសេវាដែលនៅជិតទីកន្លែងដែលអ្នករស់នៅ។ នេះហៅថា “ស្តង់ដាពេលវេលានិងរយៈចម្ងាយ”។ ស្តង់ដាពេលវេលានិងរយៈចម្ងាយ អាចប្រែប្រួលអាស្រ័យទៅលើខោនធីដែលអ្នករស់នៅ។ សម្រាប់សេវាឯកទេស SMHS សម្រាប់អ្នកជំងឺក្រៅ រួមទាំងសេវាថែទាំសុខភាពផ្លូវចិត្ត ការគ្រប់គ្រងករណីគោលដៅ អន្តរាគមន៍នៅពេលមានវិបត្តិ និងសេវាព្យាបាលជំងឺផ្លូវចិត្ត26ស្តង់ដាពេលវេលានិងរយៈចម្ងាយ ត្រូវបានបង្ហាញនៅខាងក្រោម៖27
- រហូតដល់ចម្ងាយ 15 ម៉ាយល៍ ឬរយៈពេល 30 នាទីពីផ្ទះរបស់អ្នក ប្រសិនបើអ្នករស់នៅក្នុងខោនធីណាមួយក្នុងចំណោមខោនធីខាងក្រោមនេះ៖ Alameda, Contra Costa, Los Angeles, Orange, Sacramento, San Diego, San Francisco, San Mateo, និង Santa Clara។
- រហូតដល់ចម្ងាយ 30 ម៉ាយល៍ ឬរយៈពេល 60 នាទីពីផ្ទះរបស់អ្នក ប្រសិនបើអ្នករស់នៅក្នុងខោនធីណាមួយក្នុងចំណោមខោនធីខាងក្រោមនេះ៖ Marin, Placer, Riverside, San Joaquin, Santa Cruz, Solano, Sonoma, Stanislaus, and Ventura។
- រហូតដល់ចម្ងាយ 45 ម៉ាយល៍ ឬរយៈពេល 75 នាទីពីផ្ទះរបស់អ្នក ប្រសិនបើអ្នករស់នៅក្នុងខោនធីណាមួយក្នុងចំណោមខោនធីខាងក្រោមនេះ៖ Amador, Butte, El Dorado, Fresno, Kern, Kings, Lake, Madera, Merced, Monterey, Napa, Nevada, San Bernardino, San Luis Obispo, Santa Barbara, Sutter, Tulare, Yolo, និង Yuba។
- រហូតដល់ចម្ងាយ 60 ម៉ាយល៍ ឬរយៈពេល 90 នាទីពីផ្ទះរបស់អ្នក ប្រសិនបើអ្នករស់នៅក្នុងខោនធីណាមួយក្នុងចំណោមខោនធីខាងក្រោមនេះ៖ Alpine, Calaveras, Colusa, Del Norte, Glenn, Humboldt, Imperial, Inyo, Lassen, Mariposa, Mendocino, Modoc, Mono, Plumas, San Benito, Shasta, Sierra, Siskiyou, Tehama, Trinity, និង Tuolumne។
ផែនការ MHP ប្រចាំខោនធី ក៏អាចជ្រើសរើសផ្ដល់សេវាមួយចំនួនតាមរយៈការពិគ្រោះយោបល់ពីចម្ងាយផងដែរ។ ក៏ប៉ុន្តែ អ្នកមានសិទ្ធិធ្វើការណាត់ជួបដោយផ្ទាល់ ប្រសិនបើអ្នកចង់បានការណាត់ជួបបែបនោះ ហើយការពិគ្រោះយោបល់ពីចម្ងាយ អាចត្រូវប្រើប្រាស់តែនៅក្នុងករណីដែលសមស្របតាមលក្ខណៈវេជ្ជសាស្រ្តតែប៉ុណ្ណោះ។28
ប្រសិនបើខ្ញុំមិនពេញចិត្តជាមួយសេវាឯកទេសថែទាំសុខភាពផ្លូវចិត្ត ឬប្រសិនបើផែនការ MHP ដិសេធ កាត់បន្ថយ ឬបញ្ឈប់ សេវារបស់ខ្ញុំ តើខ្ញុំត្រូវធ្វើដូចម្ដេច?
ប្រសិនបើអ្នកមិនចូលចិត្តសេវារបស់អ្នក ឬអ្នកផ្ដល់សេវារបស់អ្នក អ្នកអាចដាក់បណ្ដឹងតវ៉ា។ ប្រសិនបើសេវារបស់អ្នកត្រូវបានផ្លាស់ប្ដូរ ឬគេបដិសេធមិនផ្ដល់ជូនអ្នកនូវ សេវាដែលអ្នកជឿថាអ្នកគួរទទួលបាន អ្នកអាចដាក់បណ្ដឹងសាទុក្ខ។
សម្រាប់ព័ត៌មានបន្ថែមអំពីបណ្ដឹងតវ៉ានិងបណ្ដឹងសាទុក្ខអំពីផែនការ MHP សូមមើលឯកសារបោះពុម្ពផ្សាយរបស់ទីភ្នាក់ងារសិទ្ធិជនពិការរដ្ឋកាលីហ្វ័រញ៉ា (DRC) ដែលមានចំណងជើង បណ្ដឹងតវ៉ាអំពីផែនការថែទាំសុខភាពផ្លូវចិត្តរបស់ខោនធី (MHP) និងសវនាការដោយយុត្តិធម៌៖ https://www.disabilityrightsca.org/vi/publications/phan-nan-khang-cao-va-phien-dieu-tran-cong-bang-cua-chuong-trinh-suc-khoe-tam-than-mhp អ្នកក៏អាចស្នើសុំអ្នកផ្ដល់សេវារបស់អ្នក មន្ទីរព្យាបាលសុខភាពផ្លូវចិត្តរបស់អ្នក ឬផែនការ MHP នូវព័ត៌មានបន្ថែមស្ដីពីរបៀបដាក់បណ្ដឹងតវ៉ា ឬបណ្ដឹងសាទុក្ខ ហើយពួកគេចាំបាច់ត្រូវផ្ដល់ជូនអ្នកនូវព័ត៌មានដែលអ្នកត្រូវការ។
- 1. Cal. Welf. & Inst. ក្រម §§ 14680(b), 14684(a)(6)-(7); មាត្រា 9 នៃក្រមបទបញ្ញត្តិ រដ្ឋកាលីហ្វ័រញ៉ា § 1810.345(a)។
- 2. សូមមើលមាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា §§ 1810.435(a), 1810.436(a)។
- 3. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា §§ 1810.205.2, 1810.440(c)។
- 4. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.247(a)។
- 5. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.243.1.
- 6. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.227។
- 7. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.225។
- 8. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា §§ 1810.212, 1810.213។
- 9. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា §§ 1810.209, 1810.210។
- 10. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា §§ 1810.203, 1810.208។
- 11. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.237។
- 12. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.238។
- 13. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.249។
- 14. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា §§ 1810.240, 1810.241។
- 15. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.239។
- 16. សូមមើល សេចក្ដីជូនដំណឹងលេខ21-073 របស់នាយកដ្ឋានសេវាថែទាំសុខភាពនិងសុខភាពអាកប្បកិរិយា (ថ្ងៃទី10 ខែធ្នូ ឆ្នាំ2021) (“BHIN 21-073”)។ សេចក្ដីណែនាំថ្មីនេះដែលត្រូវបានធ្វើឡើងនៅក្នុងខែធ្នូ ឆ្នាំ2021 បានចូលជាធរមាននៅថ្ងៃទី1 ខែមករា ឆ្នាំ2022។ សេចក្ដីណែនាំនេះ មិនត្រូវអនុវត្តចំពោះប្រភេទទាំងពីរនៃសេវាឯកទេសថែទាំសុខភាពផ្លូវចិត្ត ដូចខាងក្រោម៖ ការសម្រាកនៅក្នុងមន្ទីរពេទ្យរបស់អ្នកជំងឺផ្លុវចិត្តនិងសេវា របស់មូលដ្ឋានព្យាបាលជំងឹផ្លុវចិត្ត។ ប្រសិនបើអ្នកមានសំណួរអំពីការសេវាដែលត្រូវផ្ដល់ជូនរបស់កម្មវធីកម្មវិធីថែទាំសុខភាព Medi-Cal សម្រាប់ប្រភេទណាមួយនៃប្រភេទសេវាទាំងនេះ សូមទាក់ទងទីភ្នាក់ងារសិទ្ធិជនពិការរដ្ឋកាលីហ្វ័រញ៉ា (DRC)។
- 17. BHIN 21-073 នៅចំណុច 2។
- 18. BHIN 21-073 ចំណុច 3-4។
- 19. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.405។
- 20. មាត្រា 28 នៃក្រមបទបញ្ញត្តិរដ្ឋកាលីហ្វ័រញ៉ា §§ 1300.67.2.2(c)(5)(A), (B)។
- 21. មាត្រា 9 នៃក្រមបទបញ្ញត្តិរដ្ឋកាលីហ្វ័រញ៉ា § 1810.253។
- 22. មាត្រា 28 នៃក្រមបទបញ្ញត្តិរដ្ឋកាលីហ្វ័រញ៉ា § 1300.67.2.2(c)(5)(C)។
- 23. មាត្រា 28 នៃក្រមបទបញ្ញត្តិរដ្ឋកាលីហ្វ័រញ៉ា § 1300.67.2.2(c)(5)(D)។
- 24. មាត្រា 28 នៃក្រមបទបញ្ញត្តិរដ្ឋកាលីហ្វ័រញ៉ា § 1300.67.2.2(c)(5)(G)។
- 25. មាត្រា 28 នៃក្រមបទបញ្ញត្តិរដ្ឋកាលីហ្វ័រញ៉ា § 1300.67.2.2(c)(5)(H)។
- 26. សូមមើល សេចក្ដីជូនដំណឹងព័ត៌មានលេខ22-033 របស់នាយកដ្ឋានសេវាថែទាំសុខភាពនិងសុខភាពអាកប្បកិរិយា (ថ្ងៃទី24 ខែមិថុនា ឆ្នាំ2022) នៅថ្ងៃទី25 (“BHIN 22-033”)។
- 27. សូមមើល BHIN 22-033, ឧបសម្ព័ន្ធ B ស្តង់ដាពេលវេលានិងរយៈចម្ងាយ។
- 28. BHIN 22-033 នៅចំណុច 30។