តើ PASS ជាអ្វី?

PASS គឺជា​ប្រាក់លើកទឹកចិត្ត​ការងារនៃ​ចំណូល​របបសន្តិសុខសង្គម​បំពេញបន្ថែម​ (SSI)។ PASS អនុញ្ញាត​ឱ្យអ្នកបម្រុង​ទុក​ចំណូល​ និង​/ឬ​ទ្រព្យសកម្ម​សម្រាប់​គោលដៅការងារមួយ​​។ 20 C.F.R. §§ 416.11801182។

ចំណូល​ និង​/ឬ​ទ្រព្យសកម្ម​ដែលអ្នកសន្សំនៅក្នុង​ PASS អាច​បា​ន​មកពីការងារ​ អំណោយ​ មរតក ការទូទាត់​ ឬ​រួមទាំង​ការធានារ៉ាប់រង​ពិការភាព​របបសន្តិសុខសង្គម​ (Social Security Disability Insurance,​ SSDI) ​ផងដែរ។​ វា​ដំណើរការ​ដូចគ្នា​នឹង​​គម្រោង​សន្សំប្រាក់​ដែរ ដោយ​អ្នក​អាច​សន្សំ​ទឹកប្រាក់បន្តិចបន្តួច​រៀង​រាល់ខែ​នៅក្នុង​ PASS របស់អ្នក​​ រហូតដល់អ្នក​មាន​ទឹក​ប្រាក់​គ្រប់គ្រាន់​ដើម្បី​ទិញ​អ្វីមួយ​ដែលបាន​អនុញ្ញាត​នៅក្នុង​ PASS របស់អ្នក​។ ឬ អ្នក​អាច​បម្រុ​ង​​ទុក​ទឹកប្រាក់​មួយ​ចំនួន​ធំ​នៅក្នុង​ PASS និង​ទិញ​អ្វីមួយ​ដែលបាន​អនុញ្ញាត​នៅ​ក្នុង​ PASS រប​ស់​​អ្នក​។

PASS អាច​ជួយ​អ្នក​ឱ្យទទួលបាន​ បន្តទទួលបាន​ ឬ​បង្កើន​ទឹកប្រាក់ទូទាត់​ SSI របស់អ្នក​ នៅ​ពេល​​ដែលអ្នក​សន្សំ​ប្រាក់​ចំណូល​ ឬ​ទឹកប្រាក់របស់អ្នកដើម្បី​សម្រេច​គោលដៅការងារ​របស់​អ្នក​។ អំឡុងពេល​ដែលអ្នក​មាន​ PASS រដ្ឋបាល​របបសន្តិសុខសង្គម​ (SSA) មិន​រាប់​បញ្ចូល​ចំណូល​ និង​/ឬ​ទ្រព្យសកម្ម​ដែលបាន​បម្រុង​ទុកនៅក្នុង​ PASS នៅពេល​នៅពេល​គេ​​សម្រេច​ទៅលើសិទ្ធិ​របស់អ្នក​ក្នុង​ការ​ទទួលបាន SSI ឬ​ទឹកប្រាក់​ SSI ដែលអ្នកទទួលបាន​។

ឧទាហរណ៍៖ Betty ចូលរៀនក្នុងថ្នាក់​ដើម្បី​ទទួលបាន​វិញ្ញាបនបត្រ​បញ្ជាក់ផ្នែក​រដ្ឋបាល​ការិយាល័​យ​។ គោលដៅរបស់គាត់​​គឺ​ដើម្បីក្លាយ​ជា​បុគ្គលិកការិយាល័យ​។ គាត់ទិញ​កុំព្យូរទ័រ​យួរ​ដៃ​មួយគ្រឿង​ និង​កម្មវិធី​សហ្វវែរ​ (software)។ គាត់​ស្ថិតនៅក្នុង​ SSI និង​មានប្រាក់​ $500.​0​0​ នៅក្នុង​គណនីសន្សំរបស់គាត់​។ គាត់នឹង​ទទួលបាន​មរតក​ចំនួន​ $2,000 ពីជីដូនរបស់គាត់​​។ នៅពេល​គាត់​ទទួលបាន​ $2,000 គាត់នឹងមានប្រាក់​លើស​ពី​ដែន​កំណត់ធនធាន​ $2,000 សម្រា​ប់​ SSI ដោយសារតែ​គាត់​នឹង​មាន​ធនធាន​ $2,500។​ ប៉ុន្តែ​ ប្រសិនបើគាត់​ដាក់​ទឹកប្រាក់​ $2,000 នៅក្នុង​គម្រោង​ PASS គាត់អាច​បន្ត​មាន​លក្ខខណៈ​សម្បត្តិគ្រប់គ្រាន់​ទទួលបាន​ SSI​។

គាត់គួរតែ​បំពេញ​ពាក្យ​សុំ​ PASS មុនពេល​គាត់​ទទួល​មករតក​ទឹកប្រាក់នោះ​ ហើយរៀបរាប់​នៅក្នុង​ពាក្យសុំ​ PASS រាល់​មុខទំនិញ​ទាំងអស់​ដែល​គាត់រំពឹង​ថា​នឹង​ត្រូវការ​សម្រាប់កម្មវិធី​វិញ្ញាបនបត្រ​​របស់គាត់​ រួមទាំង​កុំព្យូទ័រ​និង​កម្មវិធីសហ្វវែរ (software) ​ផងដែរ​។

សម្រាប់​ព័ត៌មានបន្ថែមអំពី​ PASS និង​ព័ត៌មានស្តីពី​ប្រាក់​លើកទឹកចិត្ត​ការងារ​ SSA សម្រាប់​បុគ្គល​​ដែលស្ថិត​នៅក្នុង​ SSI និង/ឬ SSDI សូមមើល​សៀវភៅក្រហម​ SSA៖ http://www.ssa.gov/redbook/

តើខ្ញុំ​អាចទិញ​បាន​អ្វីខ្លះ​តាមរយៈ PASS?

ប្រាក់ដែលអ្នកសន្សំ​នៅក្នុង​ PASS អាច​សម្រាប់​ការអប់រំ​ ការបណ្តុះបណ្តាលវិជ្ជាជីវៈ ការ​ចាប់​ផ្តើ​​​ម​អាជីវកម្ម​ ឬ​ការទិញ​សេវា​គាំទ្រ​ដែល​អាច​​ឱ្យអ្នកធ្វើការងារបាន​។ នេះ​រួមបញ្ចូលទាំង​បច្ចេ​ក​វិ​ទ្យា​ជំនួយ​ដើម្បី​ជួយអ្នក​នៅក្នុង​គោលដៅការងាររបស់អ្នក​។ តាមរយៈគម្រោង​ PASS អ្នកអាច​សន្សំ​​ប្រាក់ដើម្បី​ទិញ​បច្ចេកវិទ្យាជំនួយ​ដូចជា​៖

• សម្ភារៈបរិក្ខារ និង​សម្ភារៈផ្គត់ផ្គង់​ដែលអ្នកត្រូវការ​ដើម្បី​បង្កើត​ និង​ដំណើរការ​មុខ​ជំនួ​ញ ​ឬ​អាជីវកម្ម​មួយ​។
• សម្ភារៈបរិក្ខារ ឬ​ឧបករណ៍​ដែលអ្នកត្រូវការ​ដោយសារតែ​ស្ថានភាព​របស់អ្នក និង​សម្រាប់​ការងារ​របស់​អ្នក​
• ការកែប្រែ​អគារ​ឬ​យានជំនិះ​ដើម្បី​ដោះស្រាយបញ្ហា​​ពិការភាព​របស់អ្នក និង
• ការទិញ​និង​ការថែទាំ​យានជំនិះ​ឯកជន​។

តើខ្ញុំអាចទទួលបាន PASS ដោយរបៀបណា?

អ្នកចាំបាច់ត្រូវបំពេញ​ទម្រង់បែបបទ​ SSA លេខ 545 - ពាក្យសុំ PASS។ អ្នកអាចទទួលបាន​ពាក្យសុំ​ PASS តាមអនឡាញ​នៅក្នុង​ផ្នែក​ទម្រង់បែបបទ​នៃ​គេហទំព័រ​ SSA៖

http://www.socialsecurity.gov/forms/ssa-545.html។ អ្នកក៏អាច​ទទួលបាន​ទម្រង់​បែបប​ទ​មួ​យ​​​ដោយផ្ទាល់​នៅ​ការិយាល័យ​ SSA ឬ​តាមសំបុត្រ​ប្រៃសណីយ៍ផងដែរ​​។ PASS របស់អ្នក​ត្រូវ​តែ​​ដាក់ជូន​ និង​ឯកភាព​ដោយ​អ្នកជំនាញ PASS ហៅថា​​ កម្មាភិបាល​​គម្រោង​ PASS ។ សម្រាប់​បញ្ជីរាយនាម​កម្មាភិបាល​គម្រោង​ PASS របស់ SSA និង​ព័ត៌មានទំនាក់ទំនង​របស់​ពួក​គេ​​ សូម​​ចូលទៅកាន់​គេហទំព័រ​ SSA៖ http://www.socialsecurity.gov/disabilityresearch/wi/passcadre.htm

តើខ្ញុំអាច​ទទួលបានជំនួយ​ក្នុងការ​បំពេញ​ពាក្យសុំ​ PASS បាន​ដែរឬទេ​?

អ្នកគួរតែសរសេរគម្រោង​ PASS របស់អ្នក​ដោយមានជំនួយ​ពីអ្នកឯកទេស​ផ្នែកស្តារ​នីតិសម្ប​ទា ដូចជា​អ្នក​ពិគ្រោះយោបល់​នៃ​ក្រសួង​ស្តារនីតិសម្បទា​ជាដើម​។ SSA បានចុះកិច្ចសន្យា​ជា​មួយ​​ស្ថាប័នក្នុង​ស្រុក​ដើម្បីផ្តល់​ជូនការរៀបចំ​ផែនការ​អត្ថប្រយោជន៍។ ស្ថាប័នទាំង​នេះ​មួយចំនួន​ អាច​នឹង​មានលទ្ធភាព​ជួយ​ដល់ការបំពេញ​ពាក្យសុំ PASS បាន​។ សម្រាប់​ព័ត៌មានបន្ថែមអំពី​ជំនួយ​ក្នុងការរៀបចំផែនការ​ប្រាក់​លើកទឹកចិត្ត​ការងារ​ សូមចូល​ទៅ​កាន់​​៖ http://www.ssa.gov/work/WIPA.html 

ម្យ៉ាងទៀត កម្មាភិបាល​គម្រោង​ PASS ត្រូវបាន​តម្រូវ​ឱ្យ​រក្សាទុក​បញ្ជី​ឈ្មោះ​​ទីភ្នាក់ងារ​ដែល​អាច​​​ជួយ​ក្នុងការ​បំពេញ​ពាក្យសុំ​ PASS ។

តើមានអ្វីកើតឡើង​ ប្រសិន​បើ​ SSA មិន​អនុញ្ញាត​លើ​ PASS របស់​ខ្ញុំ?

អ្នកអាច​ប្រគល់​ពាក្យសុំ​របស់អ្នក​សាជាថ្មី​ដោយមានការ​កែប្រែ​ខ្លះ​ៗ​។ អ្នកក៏អាច​មានសិទ្ធិ​ដាក់​បណ្តឹង​ឧទ្ធរណ៍​ទៅលើ​ការបដិសេ​ធ PASS ណាមួយ​បានផងដែរ​។​ អ្នកគួរតែ​ទទួលបាន​ការជូនដំណឹង​ជាលាយលក្ខណ៍​អក្សរ​ដែល​ពន្យល់ពីមូលហេតុ​ដែល​​គេ​បដិសេធ​វា​។ ការ​ណែ​នាំ​​សម្រាប់​ការធ្វើឧទ្ធរណ៍​ គួរតែ​មានលើ​ការជូនដំណឹង​នោះ។ អ្នកអាចដាក់​បណ្តឹងឧទ្ធរណ៍​​​ដោយ​​ប្រើ​ទម្រង់បែបបទ​ SSA សម្រាប់សំណើ​សុំការពិចារណាឡើង​វិញ​ (SSA-561-U2)។ មើល៖ http://ssa.gov/forms/ssa561.html