1.  តើ​​​ការគាំទ្រ​​ផ្នែក​ទំនាក់​ទំនងមាន​អ្វី​ខ្លះ​​?

“​ការ​គាំ​ទ្រ​ផ្នែក​ទំនាក់​ទំនង”​ គឺ​ជា​ឧបករណ៍​អេឡិច​ត្រូនិក​ឬ​សេវា​កម្ម​ដែល​អាច​ជួយ​ដល់​បុគ្គល​ដែល​មាន​ពិការភាព​ក្នុង​ការ​ប្រាស្រ័យ​ទាក់​ទង​។ ពេលខ្លះ​ ការ​គាំទ្រ​ផ្នែក​​ទំនាក់​ទំនង​​ ត្រូវ​បាន​គេ​ហៅ​ថា​ Augmentative and Alternative Communication (AAC) (​​វិធីសាស្ត្រទំនាក់ទំនង​បន្ថែម និង​ជំនួស​) ឬ Special Adaptive Equipment (ឧបករណ៍​សម្រប​សម្រួល​​ពិសេស​)។ នៅ​ក្នុង​ប្រព័ន្ធ​អប់​រំ​​ពិសេស​ គេ​ច្រើន​ហៅ​ថា​ Assistive Technology (AT) (បច្ចេកវិទ្យា​ជំនួយ​)។ ខាង​ក្រោម​នេះ​ គឺ​ជា​ឧទាហរណ៍​មួយ​ចំនួន​អំពី​ជំនួយ​ផ្នែក​ទំនាក់​ទំនង​៖​  

• JAWs និង​ប្រភេទ​ផ្សេង​ទៀត​​នៃ​បច្ចេកវិទ្យា​អាន​អក្សរ​លើ​អេក្រង់​ឧបករណ៍​អេឡិច​ត្រូនិក​។
• ឧបករណ៍​ Dynavox (ឌីណាវ៉ុក) និង Speech Generating Devices (SGDs) (ឧបករណ៍​បង្កើត​សម្តី​​​) ដទៃ​ផ្សេង​ទៀត​។​
• PECs និង​ទម្រង់​ផ្សេង​ទៀត​នៃ​ប្រព័ន្ធ​ទំនាក់ទំនង​ផ្អែក​តាម​រូប​ភាព​។
• ផ្ទាំង​តួ​អក្សរ​ ឬ​ផ្ទាំង​អក្ខរក្រម​។
• ឯកសារ​ជា​អក្សរ​ស្ទាប ឬ​អក្សរ​ព្រីន​ទំហំ​ធំ​។
• សេវា​កម្ម​នានា​​ដូច​ជា​ ​អ្នក​បកប្រែ​ភាសា​សញ្ញា​ ឬ​ដៃគូ​ប្រាស្រ័យ​ទាក់​ទង​។

2.  តើ​ខ្ញុំ​មាន​សិទ្ធិ​ទទួល​បាន​ការគាំទ្រ​ផ្នែក​ទំនាក់​ទំនង​សម្រាប់​កូន​របស់​ខ្ញុំ​តាមរយៈ​សាលារៀន​របស់​ពួកគេ​ដែរ​ឬ​ទេ​?

បាទ/ចាស។ ប្រសិន​បើ​កូន​របស់​អ្នក​ចូល​រៀន​នៅ​សាលា​រដ្ឋ នោះការគាំ​ទ្រ​​ផ្នែក​ទំនាក់ទំនង​​ អាច​ត្រូវ​បាន​គេ​ដាក់​បញ្ចូល​ក្នុង​សេវា​កម្ម​ដែល​សាលារៀន​ផ្តល់​ជូន​ស្ថិតក្រោម​ Individualized Education Program (IEP) (កម្មវិធី​អប់រំ​សម្រាប់​បុគ្គល)​ របស់​កូន​របស់​អ្នក​ ឬ​គម្រោង​សេវា​ជំនួយ​​ (ហៅថា “504 Plan”)​។​ ឧទាហរណ៍​ ប្រសិន​បើ​កូន​របស់​អ្នក​មិន​អាច​និយាយ​បាន​ អ្នក​អាច​មាន​បំណង​ចង់ស្នើសុំ​មណ្ឌល​សិក្សា​ធិកា​ឲ្យ​ធ្វើ​ការ​វាយតម្លៃ​ណាមួយ​។​  អាស្រ័យ​លើ​លទ្ធផល​នោះ​ ក្រុមការងារ​ IEP អាច​សម្រេច​ថា​តើ​​កូន​របស់​អ្នក​ត្រូវ​ការ​​បច្ចេកវិទ្យា​ជំនួយ​ដូច​ជា​​​ឧបករណ៍​ទំនាក់​ទំនង​ដោយប្រើប្រព័ន្ធ​​កុំព្យូទ័រ​ដែរ​ឬ​អត់​។ សាលារៀនក៏​មាន​ទំនួល​ខុស​ត្រូវ​ក្នុង​ការ​ផ្តល់​ជូន​ការ​បណ្តុះ​បណ្តាល​ ដើម្បី​ឲ្យ​កូន​របស់​អ្នក​អាច​ប្រើប្រាស់​វា​បាន​​ប្រកប​ដោយ​ប្រសិទ្ធភាព​ផង​ដែរ​។​  ប្រសិន​បើ​កូន​របស់​អ្នក​ចូល​រៀន​នៅ​សាលាឯកជន​ សាលារៀន​ ត្រូវ​ផ្តល់​ជូន​ការគាំទ្រ​​ផ្នែក​ទំនាក់​ទំនង​ ជា​សេវា​ជំនួយ​​​ដែល​សមស្រប​ លើកលែង​តែ​​វា​មាន​តម្លៃ​ថ្លៃ​ខ្លាំង​ពេក​ បើ​យើង​គិត​ទៅ​​លើ​កញ្ចប់​ថវិកា​ជា​រួម​របស់​សាលារៀន​។​

3. តើ​ខ្ញុំ​អាច​ធ្វើ​អ្វី​បាន​ខ្លះ ប្រសិន​បើ​សាលារៀនកូន​របស់​ខ្ញុំ​ ពុំ​បាន​ផ្តល់​ជូន​ខ្ញុំ​នូវ​ការគាំទ្រ​​ផ្នែក​ទំនាក់​ទំនង​ដែល​កូន​របស់​ខ្ញុំ​ត្រូវ​ការ?​

ប្រសិន​បើ​កូន​របស់​អ្នក​​ចូល​រៀន​នៅ​សាលា​រដ្ឋ​​ អ្នក​អាច​ស្នើសុំ​ឲ្យ​មាន​កិច្ចប្រជុំ​ IEP មួយ ដើម្បី​​ជជែក​អំពី​បញ្ហា​ដែល​មាន​ និង​ព្យាយាម​ដោះ​ស្រាយ​បញ្ហា​នោះ​​ក្រៅ​ផ្លូវ​ការ​។​  ប្រសិន​បើ​បច្ចេកវិទ្យា​ជំនួយ​ ត្រូវ​បាន​ដាក់​បញ្ចូល​ជា​ផ្នែក​នៃ​ IEP របស់កូន​អ្នក​រួច​ហើយ ហើយ​សាលារៀន​ពុំ​បាន​ផ្តល់សេវា​នូវ​ជូន​ដល់​កូន​អ្នក​ នោះ​អ្នក​មាន​សិទ្ធិ​ក្នុង​ការ​​បណ្តឹង​ពាក់ព័ន្ធ​នឹង​ការ​មិន​អនុវត្ត​តាម​ច្បាប់​។  ប្រសិន​​​​បើ​បច្ចេកវិទ្យា​ជំនួយ​​ពុំ​មាន​ចែង​នៅ​ក្នុង​ IEP នៅ​ឡើយ​ទេ​ ប៉ុន្តែ​អ្នក​ចង់​​ដាក់​បញ្ចូល​វា ហើយ​សាលារៀន​ពុំ​ឯកភាព​ អ្នក​អាច​ដាក់​​បណ្តឹង​សម្រាប់​ដំណើរការ​សវនាការ​ត្រឹម​ត្រូវ​តាម​ច្បាប់​បាន​។​

សម្រាប់​ព័ត៌មាន​បន្ថែម​អំពី​ការ​ទទួល​បាន​ការគាំទ្រ​​ផ្នែក​ទំនាក់ទំនង​ពីសាលារដ្ឋ​ សូមមើល​ខិត្តប័ណ្ណ​ព័ត៌មាន​​របស់​ Disability Rights California (អង្គការ​សិទ្ធិ ជន​ពិការ​រដ្ឋកាលីហ្វ័រញ៉ា) ការ​ទទួល​បាន​ Assistive Technology (បច្ចេកវិទ្យា​ជំនួយ​) តាមរយៈ​សាលារៀន​កូន​របស់​អ្នក​, ដែល​អាច​ស្វែង​រក​បាន​នៅ​ https://www.disabilityrightsca.org/publications/obtaining-assistive-tec…

សម្រាប់​ព័ត៌មាន​បន្ថែម​អំពី​សិទ្ធិ​របស់កូន​អ្នក​ក្នុង​ការ​ទទួល​បាន​​ការ​ទំនាក់​ទំនង​ប្រកបដោយ​ប្រសិទ្ធភាព​នៅ​សាលារៀន​ឯកជន ឬ​សាលារៀន​រដ្ឋ​ សូមមើល​ Disability Rights California (អង្គការ​សិទ្ធិ​ជន​ពិការរដ្ឋកាលីហ្វ័រញ៉ា) ការ​រើស​អើង​លើ​ពិការភាព​នៅ​តាម​សាលារដ្ឋ​និង​សាលា​ឯកជន​, ដែល​អាច​ស្វែង​រក​បាន​នៅ​ https://www.disabilityrightsca.org/publications/disability-discriminati…

Disability Rights California (អង្គការ​សិទ្ធិ​ជន​ពិការ​រដ្ឋកាលីហ្វ័រញ៉ា) បាន​រៀប​ចំ​​​ខិត្តប័ណ្ណ​ព័ត៌មានសម្រាប់​ជា​​ផ្នែក​មួយ​នៃ​គម្រោង​​ Communication Disabilities Access Network (បណ្តាញ​ដើម្បី​ទទួល​​បាន​ការ​ប្រា​ស្រ័យ​ទាក់​ទង​​សម្រាប់​ជន​ពិការ​ )។  គម្រោង​នេះ​ គឺ​ដើម្បី​ង្កើត​ បណ្តុះ​បណ្តាល​ និង​ដំណើរ​ការ​បណ្តាញ​ថ្នាក់​ដឹកនាំ​មួយ​ដើម្បី​ធ្វើ​ការ​ផ្សព្វផ្សាយ​គាំ​ពារ​ដល់​ការគាំ​ទ្រ​ផ្នែក​ទំនាក់ទំនង​។​ គម្រោង​នេះ​ ទទួល​បាន​មូលនិធិ​ពី​ Ability Central (អង្គការ​លើក​កម្ពស់សមត្ថភាព​ )​ដែល​ពីមុន​មក​ហៅ​ថា​ Disability Communications Fund (មូលនិធិ​ទំនាក់ទំនង​សម្រាប់​ជន​ពិការ​)​។ Ability Central (អង្គការ​លើក​កម្ពស់សមត្ថភាព​) គាំ​ទ្រ​កម្មវិធី​និង​បច្ចេកវិទ្យា​​ដែល​ផ្តល់​ប្រយោជន៍​​ដល់​ការ​ទំនាក់​ទំនង​ និង​ទទួល​បាន​ព័ត៌មាន​អំពី​តម្រូវ​ការ​​នៃ​ពលរដ្ឋ​ California ដែល​មាន​ពិការភាព​។​ សម្រាប់​ព័ត៌មាន​បន្ថែម​ សូម​មើល​ http://dcfund.us/