Zaj 1 – Lus Coj Qhia

Kev so xam chim yog ib qho kev pabcuam uas muab ib tug neeg twg mus saib xyuas cov neeg siv kev pabcuam ntawm lub chaw loj hauv cheeb tsam uas ua neej nyob rau hauv lawv tsev neeg. Nws muab ib lub sijhawm so rau cov neeg hauv tsev neeg los ntawm cov luag haujlwm ntawm kev saib xyuas koj lossis lub sijhawm coj mus ua lwm yam. Kev so xam chim tau txais kev pab nyiaj txiag los ntawm lub chaw loj hauv cheeb tsam. Tuaj yeem muab tau qhov kev pabcuam no rau hauv tsev lossis lwm qhov chaw uas pom zoo.

Pib txij lub Ib Hlis tim 1, 2018, tsis muaj kev tswj ciam rau cov sijhawm so xam chim uas koj tuaj yeem tau txais, yog li koj tuaj yeem tsim nyog tau txais cov xuab moos ntau tshaj qhov uas koj tab tom tau txais tam sim no. Yog xav paub ntau ntxiv, mus saib daim ntawv qhia txog lub phiaj xwm rau cov chaw loj hauv cheeb tsam hais txog kev tshem cov kev txwv txog kev so xam chim raws li Txoj Cai Xoom Qhaub thiab Chaw Kho Mob (Welfare and Institutions Code) tshooj 4686.5, muaj ua lus Askiv thiab lus Spanish ntawm no: https://www.dds.ca.gov/wp-content/uploads/2019/02/SupportSvcs_RespiteEnglish_20190215.pdf. Koj qhov kev xav tau rau kev so xam chim yuav raug muab tham ntawm koj lub rooj sib tham txog qhov Kev Npaj Rau Phiaj Xwm Ib Leeg Kheej (IPP, Individual Program Plan).

Hauv peb txoj kev paub dhau los, cov neeg siv kev pabcuam ntawm lub chaw loj hauv cheeb tsam thiab lawv tsev neeg feem ntau tsis lees txais cov sijhawm thiab hom kev so xam chim uas lawv xav tau. Piv txwv li, cov kev pabcuam so xam chim yuav tsum muaj kev coj cwj pwm lossis kev so xam chim ntawm kev saib xyuas neeg mob. Qhov packet no yuav piav qhia txog cov luag haujlwm ntawm cov chaw loj hauv cheeb tsam los mus muab cov kev pabcuam so xam chim thiab yuav thov rov hais dua txog qhov kev tsis lees txais tau li cas, kev tso tseg, lossis txo qhov kev so xam chim nqis.

TUS TXHEEJ TXHEEM IPP

Raws li tag nrho cov kev pabcuam ntawm lub chaw loj hauv cheeb tsam, kev so xam chim tau txais tso cai los ntawm tus txheej txheem Kev Npaj Rau Phiaj Xwm Ib Leeg Kheej (IPP, Individual Program Plan).

Koj yuav tsum npaj rawv teev ntaub ntawv rau koj qhov kev xav tau rau qhov kev so xam chim ntawm lub rooj sib tham IPP. Ib qho kev cov nyom rau qhov kev qhia txog qhov xav tau rau kev so xam chim yog txhua tus neeg cov kev xav tau thiab cov paus ntsis rau qhov kev so xam chim uas sib txawv. Qhov kev xav tau feem ntau yog tshwm sim los ntawm xwm txheej xeeb txawm thiab qhov hnyav ntawm koj qhov kev tsis taus, cov cwj pwm, lossis kev xav tau fab kev kho mob. Lossis, tej zaum nws yuav tshwm sim los ntawm lwm tsev neeg cov kev xav tau. Piv txwv li, seb puas yog ib tsev neeg uas leej niam leej txiv tsis muaj txij nkawm, kev noj qab haus huv ntawm leej niam leej txiv, qhov coob tsawg ntawm lwm cov menyuam hauv tsev neeg uas yuav tau muaj kev saib xyuas, kev ua haujlwm, thiab lwm yam kev xav tau. Feem ntau ib qho kev sib xyaws ua ke yuav txiav txim txog cov sijhawm so xam chim uas xav tau.

Cov chaw loj hauv cheeb tsam feem ntau siv "kev muas kev pabcuam" lossis cov lus qhia txog POS (Purchase of Service) txhawm rau txiav txim siab cov sijhawm so xam chim uas koj tuaj yeem tau txais. Cov lus qhia yog cov neeg saib xyuas kev pabcuam ntawm lub chaw loj hauv cheeb tsam ua tus siv txhawm rau saib seb feem ntau cov neeg tau txais sijhawm so xam chim ntau npaum li cas. Txawm li cas los xij, cov lus qhia tsis tuaj yeem muab siv los txiav txim siab txog cov sijhawm so xam chim uas koj tau txais tiag tiag. Tsab Cai Lanterman hais tias yuav tsum muab cov kev pabcuam kho raws li cov kev xav tau ntawm txhua leej. POS cov lus qhia los kuj yuav tsum muaj cov kev tshwj rau cov kev pabcuam txhua yam. Pab pawg IPP yuav tsum muab koj tsev neeg cov xwm txheej thiab cov kev xav tau coj los xav ua ntej lawv yuav txiav txim siab seb koj yuav tau txais pes tsawg xuab moos ntawm kev so xam chim. Koj tuaj yeem nug koj lub chaw loj hauv cheeb tsam txog daim luam qauv ntawm nws cov lus qhia uas xam muaj cov kev tshwj tseg lossis lawv kuj yuav nyob rau hauv lub chaw loj hauv cheeb tsam lub vev xaib. Koj tuaj yeem nug koj lub chaw loj hauv cheeb tsam txog qhov kev tshwj tseg.

Yog tias koj qhov kev thov txog kev so xam chim zoo tsis thooj ib txwm, ces muab nws tham ua ntej nrog koj tus kws saib xyuas kev pabcuam ntawm lub chaw loj hauv cheeb tsam thiab hais kom nws caw cov neeg tseem ceeb tuaj koom lub rooj sib tham. Txoj cai lij choj tseev kom tus "tus neeg txiav txim siab" tuaj koom lub rooj sib tham IPP - ib tug neeg twg los ntawm lub chaw loj hauv cheeb tsam nrog lub chaw tuav cai txhawm rau hais tias tau lossis tsis tau rau koj qhov kev thov. Yog tias koj tsis tuaj yeem pom zoo ntawm lub rooj sib tham, txoj cai lij choj hais tias lub chaw loj hauv cheeb tsam yuav tsum teem sijhawm rau lub rooj sib tham zaum ob tsis dhau 15 hnub, yog tias koj thov txog los yog tau txais kev pom zoo los ntawm pab pawg saib xyuas kev npaj. Ib zaug ntxiv, lub chaw loj hauv cheeb tsam yuav tsum muaj ib tug neeg ntawm lub rooj sib tham uas tau txais kev tso cai los mus pom zoo rau koj qhov kev thov. Nws muaj txiaj ntsig zoo thaum koj teem sijhawm koj lub rooj sib tham txhawm rau thov kom tus neeg txiav txim siab tuaj koom lub rooj sib tham.

Yog tias pab pawg IPP pom zoo rau cov kev pabcuam so xam chim, koj yuav tsum kos npe rau daim ntawv IPP ua ntej cov kev pabcuam so xam chim tuaj yeem pib tau. Yog tias koj pom zoo rau qee yam tab sis tsis pom zoo rau lwm yam, sau rau hauv IPP hais tias cov kev pabcuam twg koj pom zoo thiab cov twg koj tsis pom zoo. Tom qab ntawd kos npe rau IPP kom cov kev pabcuam uas pom zoo tuaj yeem coj mus siv tau.

Tuaj rau lub rooj sib tham uas tau npaj los piav qhia txhua yam uas ua rau koj xav tau cov sijhawm so xam chim uas koj tab tom thov txog. Kev so xam chim, nrog rau tag nrho lwm cov kev pabcuam ntawm chaw loj hauv cheeb tsam, yog ib qhov kev muaj cai. Qhov ntawd txhais tau hais tias lub chaw loj hauv cheeb tsam tsis tuaj yeem tsis lees txais koj cov kev pabcuam so xam chim uas koj xav tau vim tias nws tau nyiaj tsawg lossis vim nws xam tias lwm cov kev pabcuam tseem ceeb dua. Qhov ntawd tsis tau txhais hais tias koj tau txais cov kev pabcuam so xam chim uas koj xav tau. Txawm li cas los xij, koj muaj cai tau txais cov kev pabcuam so xam chim uas koj tuaj yeem muab tau pov thawj hais tias koj yeej xav tau tiag. Ua tib zoo muab kom tau pov thawj hais tias koj yeej xav tau kev so xam chim tiag nyob rau ntawm lub rooj sib tham IPP los ntawm kev piav qhia koj qhov kev xav tau kom meej. Koj tuaj yeem siv cov piv txwv ntawm qhov hais tias vim li cas koj thiaj li xav tau sijhawm so xam chim thiab coj cov ntawv, cov ntaub ntawv, thiab lwm leej lwm tus uas tuaj yeem pab tsim koj qhov kev xav tau rau kev so xam chim.

Koj tuaj yeem thov kom muaj lub rooj txiav txim ncaj ncees yog tias koj tsis pom zoo nrog kev tsis lees paub, kev tso tseg, lossis kev txo sijhawm so xam chim uas koj xav tias koj tsim nyog tau txais los ntawm lub chaw loj hauv cheeb tsam. Lub rooj txiav txim ncaj ncees tsis yog zoo tib yam li lub rooj hais plaub, tab sis nws yog ib qho tseem ceeb heev uas koj yuav tsum tau npaj kom zoo. Lub rooj txiav txim ncaj ncees feem ntau muaj nyob rau hauv ib chav nyob rau haud lossis ze ntawm lub chaw loj hauv cheeb tsam. Tus kws txiav txim yog muab hu ua "tus kws txiav txim raws kev cai lij choj" lossis "ALJ (Administrative Law Judge)."

Tshooj 2 – Tus Txheej Txheem Ntawm Lub Rooj Txiav Txim Ncaj Ncees

Tsab Ntawv Ceeb Toom Ntawm Kev Muaj Txaus

Yog tias lub chaw loj hauv cheeb tsam xav tsis lees txais, txo, lossis tshem cov kev pabcuam so xam chim, lub chaw loj hauv cheeb tsam yuav tsum teem sijhawm rau lub rooj sib tham IPP. Koj muaj cai tau txais tsab ntawv ceeb toom txog kev txiav txim (NOA, notice of action) yog tias lub chaw loj hauv cheeb tsam hais tias "tsis tau" rau qhov koj xav tau. Yog tias lub chaw loj hauv cheeb tsam tsis kam tso cai rau koj cov xuab moos uas koj ntseeg tias koj xav tau, koj muaj cai tau txais daim ntawv NOA tsis dhau 5 hnub tom qab muaj lub rooj sib tham tag. NOA piav qhia tias vim li cas lub chaw loj hauv cheeb tsam thiaj tsis kam lees cov kev pabcuam so xam chim uas koj xav tau, thov kom muaj lub rooj txiav txim ncaj ncees, cov txheej txheem ntawm lub rooj txiav txim, thiab cov hnub tag sijhawm. Muaj qee zaum cov chaw loj hauv cheeb tsam yuav tsis qhia rau koj thiab koj tus neeg sawv cev txog txoj cai rau tsab ntawv ceeb toom NOA thiab cov txheej txheem kev rov hais dua. Tej zaum koj yuav tau thov kom sau tsab ntawb ceeb toom NOA yog tias lub chaw loj hauv cheeb tsam tseem tsis tau muab tuaj.

Txhawm kom tsab ceeb toom NOA muaj ntsiab lus txaus, nws yuav tsum qhia koj tias lub chaw loj hauv cheeb tsam npaj yuav ua li cas thiab cov cai lij choj twg tso cai rau lawv ua li ntawd. Cov xov xwm no tseem yuav pab koj txiav txim siab rov hais dua thiab npaj rau lub rooj txiav txim ncaj ncees. Tsab ntawv ceeb toom NOA yuav tsum hais tias:

• Lub chaw loj hauv cheeb tsam yuav ua li cas;
• Vim li cas lub chaw loj hauv cheeb tsam ho ua li ntawd;
• Thaum lub chaw loj hauv cheeb tsam yuav ua thaum twg;
• Txoj cai lijchoj, txoj cai qhuab, lossis txoj cai tswj uas tso cai rau lawv ua;
• Yuav xa ntawv thov rov hais dua li cas thiab xa rau qhov twg;
• Hnub tag sijhawm ntawm kev xa ntawv thov rov hais dua;
• Cov xov xwm hais txog yam uas tshwm sim hauv tus txheej txheem thov rov hais dua;
• Yuav tshuaj xyuas koj cov ntaub ntawv tuav tseg tawm lub chaw loj hauv cheeb tsam li cas,
• Thiab yuav tau txais kev pab txhawb nqa nyob rau qhov twg.

Thaum koj tau txais tsab ntawv ceeb toom NOA, koj yuav tsum txiav txim siab seb koj puas yuav ua ntawv thov kom tau txais cov kev pabcuam so xam chim uas koj xav tau.

Kev Ua Ntawv Thov Lub Rooj Txiav Txim Ncaj Ncees

Koj tsuas muaj sijhawm 60 hnub los thov kom muaj lub rooj txiav txim ncaj ncees, pib txij hnub koj tau txais tsab ntawv ceeb toom NOA tom qab qhov kev txiav txim lossis qhov kev txiav txim uas koj tsis pom zoo. Yog tias tam sim no koj tau txais kev so xam chim tab sis lub chaw loj hauv cheeb tsam xav kom txo lossis txiav koj cov xuab moos tawm, koj yuav tsum ua ntawv thov kom rov hais dua tsis pub dhau 30 hnub txij hnub koj tau txais koj tsab ntawv ceeb toom NOA. Los ntawm kev ua li ntawd, koj cov xuab moos so xam chim yuav txuas mus ntxiv thaum lub sij hawm thov rov hais dua.

Yog tias koj plam tus tswj ciam sijhawm 60 hnub vim tias koj tsis tau txais tsab ntawv NOA uas muaj txaus, lossis tsis tau txais NOA hlo li, koj yuav tsum thov kom muaj lub rooj txiav txim ncaj ncees tam sim ntawd. Yog hais tias lub chaw loj hauv cheeb tsam tsis kam lees txais, txo, lossis txiav koj qhov kev so xam chim yam tsis muaj kev ceeb toom, koj tseem tuaj yeem thov rov hais dua tau thiab - koj tsis tas yuav muaj tsab ntawv NOA txhawm rau thov rov hais dua.

Txhawm rau thov kom muaj lub rooj txiav txim ncaj ncees, ces sau Daim Ntawv Thov Txog Lub Rooj Txiav Txim Ncaj Ncees uas lub chaw loj hauv cheeb tsam muab xa nrog koj tsab ntawv NOA tuaj, uas tuaj yeem nrhiav tau nyob rau ntawm:

https://www.dds.ca.gov/general/appeals-complaints-comments/fair-hearings-complaint-process/ Yog tias koj nkag tsis tau mus rau daim foos no hauv online, thov tiv tauj rau peb. Xa koj daim ntawv thov lub rooj txiav txim ncaj ncees mus rau DDS thiab khaws ib daim luam qauv nrog koj tus kheej. DDS yuav muab koj daim ntawv thov mus rau lub chaw loj hauv cheeb tsam thiab Lub Chaw Haujlwm Saib Xyuas Kev Ncaj Ncees (OAH, Office of Administrative Hearings), uas yog lub koom haum hauv xeev uas tswj xyuas cov rooj txiav txim ntawm lub chaw loj hauv cheeb tsam. OAH tsis lees txais cov ntaub ntawv los ntawm kev muab fev mus (fax). Koj tuaj yeem xa cov ntaub ntawv raws kev xa ntawv mus rau OAH lossis tiv tauj rau OAH kom paub ntxiv txog qhov yuav xa cov ntaub ntawv hauv tshuab hluav taws xob li cas. Muaj lus qhia ntxiv txog qhov yuav xa cov xov xwm hauv hluav taws xob li cas nyob rau ntawm OAH lub vev xaib: https://www.dgs.ca.gov/OAH/Services/Page-Content/Office-of-Administrative-Hearings-Services-List-Folder/File-or-Upload-OAH-Case-Documents?search=file%20electronic.

Kev Ceev Koj Cov Kev Pabcuam So Xam Chim Thaum Koj Thov Rov Hais Dua ("Cov Kev Pab Uas Tseem Muaj Nyob")

Yog tias lub chaw loj hauv cheeb tsam xav sim hloov cov kev pabcuam so xam chim uas koj twb tau txais lawm, koj muaj cai khaws koj cov kev pabcuam so xam chim kom zoo ib yam li thaum koj thov rov hais dua. Koj yuav tsum thov rov hais dua tsis pub dhau 30 hnub suav txij hnub koj tau txais koj tsab ntawv NOA txhawm kom ceev tau koj cov kev pabcuam so xam chim kom tsis txhob hloov pauv. Qhov no yog hu ua "cov kev pab uas tseem muaj nyob."

Lub Rooj Sib Tham Tsis Raws Cai

Thaum koj ua Daim Ntawv Thov Lub Rooj Txiav Txim Ncaj Ncees, koj tuaj yeem thov kom muaj lub rooj sib tham tsis raws cai thiab/lossis ib qho kev sib kho ua ntej yuav txog lub rooj txiav txim. Lub rooj sib tham tsis raws cai yog lub rooj sib tham ntawm koj (thiab koj tus neeg sawv cev, yog tias koj muaj) thiab tus neeg tswj hwm ntawm lub chaw loj hauv cheeb tsam. Lub hom phiaj yog los daws qhov teeb meem. Qhov no yog koj lub sijhawm zoo los ntsib nrog lub chaw loj hauv cheeb tsam thiab hais kom lawv muab qhov kev pabcuam so xam chim uas koj xav tau rau koj. Koj tsis tas yuav muaj ib lub rooj sib tham tsis raws cai. Yog tias koj thov kom muaj lub rooj sib tham tsis raws cai, lub chaw loj hauv cheeb tsam yuav tsum muab tsis dhau 10 hnub tom qab tau txais koj daim ntawv thov lub rooj txiav txim ncaj ncees, tshwj hais tias koj ho pom zoo rau lwm lub sijhawm.

Tsis dhau 5 hnub ua haujlwm tom qab lub rooj sib tham tsis raws cai, lub chaw loj hauv cheeb tsam yuav tsum xa tsab ntawv hais txog qhov kev txiav txim rau koj. Tsab ntawv hais txog qhov kev txiav txim yuav tsum teev cov teeb meem uas tau tham hauv lub rooj sib tham. Qhov kev txiav txim yuav tsum ntos txog lub chaw loj hauv cheeb tsam qhov kev txiav txim siab txog ntawm txhua qhov teeb meem, qhov tseeb uas txhawb txhua qhov kev txiav txim, thiab cov kev cai lijchoj, cov cai qhuab thiab cov cai tswj uas lub chaw loj hauv cheeb tsam tau muab siv los txiav txim.

Yog tias koj pom zoo nrog lub chaw loj hauv cheeb tsam qhov kev txiav txim siab tom qab koj lub rooj sib tham tsis raws cai, koj tuaj yeem thim koj qhov lub rooj txiav txim ncaj ncees. Ua tau li no los ntawm kev sau daim foos "Kev Ceeb Toom Txog Kev Txiav Txim (Notification of Resolution)" uas lub chaw loj hauv cheeb tsam muab, uas kuj tseem muaj nyob ntawm:

https://www.dds.ca.gov/general/appeals-complaints-comments/fair-hearings-complaint-process/ Qhov kev txiav txim siab yuav pib siv tau txij 10 hnub tom qab lub chaw loj hauv cheeb tsam tau txais daim foos "Kev Ceeb Toom Txog Kev Txiav Txim". Yog tias koj nkag tsis tau mus rau daim foos no hauv online, thov tiv tauj rau peb.

Yog tias koj tsis pom zoo nrog lub chaw loj hauv cheeb tsam qhov kev txiav txim siab tom qab koj lub rooj sib tham tsis raws cai, koj tuaj yeem txuas ntxiv nrog lub rooj sib kho uas tau teev sijhawm tseg lossis lub rooj txiav txim ncaj ncees. Koj tsis tas yuav lees txais lub chaw loj hauv cheeb tsam qhov kev txiav txim siab.

Rooj Sib Kho

Koj tuaj yeem thov txog lub rooj sib kho. Lub rooj sib kho yog ib lub rooj sib tham uas tus kws kho kev haum xeeb sab nraud, tau txais kev cob qhia los ntawm Lub Chaw Haujlwm Saib Xyuas Kev Txiav Txim (OAH, Office of Administrative Hearings) ntsib nrog koj thiab ib tug neeg sawv cev ntawm lub chaw loj hauv cheeb tsam. Tus kws kho kev haum xeeb xav sim nrhiav cov hauv paus ntsiab lus thiab cov kev daws teeb meem tshiab. Qee lub sij hawm tus kws kho kev haum xeeb tuaj yeem mus ntsib txhua tog neeg nyias muaj nyias ib lub sijhawm txhawm rau daws qhov teeb meem. Tus kws kho kev haum xeeb tsis muaj hwj chim los quab yuam kom muaj ib qhov kev pom zoo. Yog tias koj mus txog rau qhov kev pom zoo, ces koj kos npe rau cov ntaub ntawv cog lus, thiab cov txheej txheem rov hais dua yuav nres. Yog koj mus tsis txog rau qhov kev pom zoo, ces koj yuav mus rau lub rooj txiav txim ncaj ncees.

Yog koj thov txog lub rooj sib kho, lub chaw loj hauv cheeb tsam yuav tsum koom rau hauv lub rooj sib kho. Koj tsis tas yuav muaj lub rooj sib tham tsis raws cai ua ntej yog tias koj tsis xav tau lub rooj sib tham tsis raws cai.

Lub rooj sib kho yog ib kauj ruam tseem ceeb, thiab peb txhawb kom cov tsev neeg tuaj koom rau lub rooj sib kho ua ntej mus rau lub rooj txiav txim. Feem ntau nws yuav yog ib lub tswv yim zoo vim tias nws muab sijhawm zoo rau koj thiab lub chaw loj hauv cheeb tsam kom tau txais kev pom zoo. Txawm li cas los xij, nws yuav siv sijhawm me ntsis. Npaj kom muaj kev sib haum xeeb thiab xav kom zoo txog qhov seb koj yuav daws qhov teeb meem li cas. Piv txwv li, yog tias koj xav tau kev so xam chim ntau dua hauv qee lub hli ntau dua lwm lub, ces lub chaw loj hauv cheeb tsam tuaj yeem muab cov sijhawm so xam chim ntev 6 lub hli uas koj tuaj yeem siv raws li qhov xav tau.

Yog tias koj mus tsis txog rau qhov kev pom zoo ntawm lub rooj sib kho, txhua qhov kev pom zoo ntawm kev sib tham yuav muab khaws cia twj ywm tsis pub lwm tus paub thiab tsis tuaj yeem muab rau koj lossis lub chaw loj hauv cheeb tsam siv tawm tsam rau lwm tus neeg tom qab ntawm lub rooj txiav txim ncaj ncees.

Txawm hais tias lub rooj sib kho siv tsis tau, koj yuav muaj xov xwm ntau ntxiv txog lub chaw loj hauv cheeb tsam qhov case. Cov xov xwm ntawd tuaj yeem pab koj npaj rau koj lub rooj txiav txim ncaj ncees. Yog tias koj xav tias tsis muaj kev cia siab rau ib qhov kev pom zoo, koj tuaj yeem txiav txim siab TSIS txhob sib kho. Qhov no hu ua "kev zam kev sib kho." Txawm li cas los xij, ntau tus neeg uas xav tias tsis muaj kev cia siab rau ib qhov kev pom zoo mus txog qhov kev pom zoo hauv lub rooj sib kho. Yog tias koj lossis lub chaw loj hauv cheeb tsam zam kev sib kho, ces xyuas kom paub tseeb hais tias koj npaj txhij rau koj lub rooj txiav txim ncaj ncees. Tej zaum koj lub rooj txiav txim yuav raug teem sijhawm sai dua yog tias koj tsis mus rau lub rooj sib kho ua ntej.

Cov Ntawv Nqua Thov

Ib tsab ntawv nqua thov yog ib tsab ntawv thov txog tus kws txiav txim ntawm Lub Chaw Haujlwm Saib Xyuas Kev Txiav Txim los txiav txim qee yam ua ntej lub rooj txiav txim ncaj ncees. Piv txwv ntawm cov ntawv nqua thov muaj xws li cov ntawv nqua thov txog cov kev pab uas tseem muaj nyob, vim hais tias tej zaum lub chaw loj hauv cheeb tsam tau tsis muab cov kev pabcuam txuas ntxiv mus, tsab ntawv nqua thov ncua hnub txiav txim, los yog cov ntawv nqua thov hais txog cov ntawv foob. Koj tuaj yeem xa cov ntawv nqua thov. Lub chaw loj hauv cheeb tsam los kuj tuaj yeem xa cov ntawv nqua thov thiab.

Qee lub chaw loj hauv cheeb tsam tau ua ntawv nqua thov kom muab qhov case tso tseg. Ib tsab ntawv nqua thov kom tso tseg hais kom ALJ tsis txhob tso cai rau lub rooj txiav txim vim koj tsis muaj cai rau lub rooj txiav txim ncaj ncees. Hom kev nqua thov no tsis tshua muaj. Nws kuj yog qhov tsis ncaj ncees rau txoj cai lij choj, uas lees nres koj txoj cai rau ib lub rooj txiav txim ncaj ncees. Qhov kev tshwj yog thaum tsis muaj teeb meem tseeb, piv txwv li, yog txoj cai hais tias tsis muaj leej twg tsim nyog rau ib qho kev pabcuam ntxiv lawm, tsis hais lawv xav tau dabtsi los xij.

Rooj Txiav Txim Ncaj Ncees

Cov kauj ruam kawg ntawm kev thov rov hais dua yog lub rooj txiav txim ncaj ncees. Nws yuav siv li ntawm 50 hnub tom qab koj qhov kev thov txog lub rooj txiav txim ncaj ncees tshwj hais tias koj lossis lub chaw loj hauv cheeb tsam thov kom ncua sijhawm (sijhawm ntau ntxiv). Lub rooj txiav txim ncaj ncees raug muab teeb tsa ua ntej Tus Kws Txiav Txim Raws Cai Lijchoj (ALJ, Administrative Law Judge) tuaj ntawm lub Chaw Haujlwm Saib Xyuas Kev Txiav Txim (OAH, Office of Administrative Hearings) tuaj. Nyob rau ntawm lub rooj txiav txim ncaj ncees, lub chaw loj hauv cheeb tsam yuav tsum tau nthuav tawm nws qhov case ua ntej. ALJ yuav tawm ib tsab ntawv txiav txim tsis pub dhau 10 hnub tom qab lub rooj txiav txim ncaj ncees.

KevTxuas Ntxiv (Kev Ncua Sijhawm)

Txawm hais tias koj lossis lub chaw loj hauv cheeb tsam tuaj yeem nug OAH kom txuas ntxiv ntawm kev sib kho lossis hnub txiav txim ncaj ncees. Koj tsis tas yuav muaj ib qhov paus ntsis zoo los thov kom txuas ntxiv nyob rau thawj zaug uas koj thov txog. Tab sis ntawm ib qho kev thov ntxiv, koj yuav tsum muaj "hauv paus zoo" txhawm kom OAH tso cai rau koj qhov kev thov. "Hauv paus zoo" txhais tau tias muaj paus ntsis zoo. Ib qho "hauv paus zoo" tej zaum yuav yog ib tus tim khawv tseem ceeb tsis muaj nyob rau hnub txiav txim ncaj ncees, yog muaj mob, muaj xwm txheej ceev, lossis kev ploj tuag ntawm ib tug txheeb ze.

Txhawm rau ncua hnub txiav txim ncaj ncees, koj yuav tau ua tsab ntawv “Kev Nqua Thov Txog Lub Rooj Txiav Txim Txuas Ntxiv thiab Kev Zam Lub Sijhawm.” Ntawm no yog tus link mus rau daim foos nqua thov:

https://www.dgs.ca.gov/-/media/Divisions/OAH/Forms/GJ-Forms/OAH24.pdf?la=en&hash=BEB591E13540FF3FC99D4B5238528704384F7546 Yog tias koj nkag tsis tau mus rau daim foos no hauv online, thov tiv tauj rau peb.

Daim foos muaj qhov chaw uas koj yuav tsum tau piav qhia hais tias yog vim li cas koj thiaj yuav tsum tau mus txuas ntxiv lub rooj txiav txim ncaj ncees yog tias nws tsis yog koj thawj qhov kev thov. Koj tseem tuaj yeem xa cov ntaub ntawv uas txhawb nqa koj qhov kev xav tau rau kev txuas ntxiv.

Daim foos qhia koj kom hu rau tus neeg sawv cev ntawm lub chaw loj hauv cheeb tsam thiab nug seb nws puas yuav pom zoo los txuas ntxiv lub rooj txiav txim ncaj ncees. Hauv qhov chaw uas tau muab rau ntawm daim ntawv, sau lub npe thiab tus xov tooj ntawm tus neeg nyob hauv cheeb tsam uas koj tau hais. Qhia rau hauv daim ntawv seb tus neeg puas tau pom zoo los yog tawm tsam qhov kev txuas ntxiv.

Koj lossis koj tus neeg sawv cev yuav tsum kos npe rau nqe lus hais tias, “Kev Zam Lub Sijhawm Uas Teev los ntawm Txoj Cai Lijchoj rau Lub Rooj Txiav Txim Ncaj Ncees thiab Kev Txiav Txim Siab Raws Tsab Cai Lanterman (Waiver of the Time Set by Law for Lanterman Act Fair Hearing and Decision).” Txhawm rau kom tau txais kev txuas ntxiv, koj yuav tsum pom zoo rau "zam (waive)" lub sijhawm lub rooj txiav txim. Qhov no txhais tau hais tias koj tau pom zoo tias lub rooj txiav txim ncaj ncees yuav tshwm sim tom qab ntev tshaj 50 hnub tom qab koj qhov kev thov lub rooj txiav txim ncaj ncees tau txais los ntawm lub chaw loj hauv cheeb tsam.

Xa daim foos txuas ntxiv uas sau tiav mus rau OAH. OAH tsis lees txais cov ntaub ntawv los ntawm kev muab fev mus (fax). Koj tuaj yeem xa cov ntaub ntawv raws kev xa ntawv mus rau OAH lossis tiv tauj rau OAH kom paub ntxiv txog qhov yuav xa cov ntaub ntawv hauv tshuab hluav taws xob li cas.

Yog tias koj tsis muaj sijhawm txaus los xa tsab ntawv nqua thov txog kev txuas mus ntxiv, koj tuaj yeem sim hu rau OAH thiab thov kom txuas ntxiv hauv xov tooj.

Kev thim rov qab yam tsis muaj Kev Ntxub Ntxaug

Yog tias koj qhov kev thov txuas ntxiv/ncua koj hnub rooj txiav txim raug tsis lees paub, lossis koj tsis tau npaj mus rau lub rooj txiav txim ncaj ncees, koj tuaj yeem thov kom thim tawm ntawm lub rooj txiav txim ncaj ncees "tsis muaj kev txiav txim siab." Qhov no txhais tau hais tias yog koj thim tawm ntawm lub rooj txiav txim ncaj ncees, nws yuav tsis cuam tshuam rau koj txoj cai thov rov hais dua qhov teeb meem no tom qab. Nws yog qhov zoo dua los rho tawm yam tsis muaj kev txiav txim siab dua li mus rau lub rooj txiav txim tsis tau npaj. OAH xav kom koj ua daim ntawv ceeb toom ntawm daim ntawv daws teeb meem. Nov yog tus link mus rau daim foos: https://www.dds.ca.gov/wp-content/uploads/2019/05/DS1804.pdf Yog tias koj tsis tuaj yeem nkag mus rau daim foos hauv online, thov tiv tauj rau peb. Saib daim ntawv txuas ntxiv E rau tsab ntawv piv txwv txhawm rau rho tawm yam tsis muaj kev ntxub ntxaug.

Kev Sib Sau Ua Ke

Kev sib sau ua ke yog thaum ob lossis ntau case ntawm koj qhov kev so xam raug txiav txim nyob rau tib lub sijhawm los ntawm tib tug ALJ. Koj tuaj yeem thov txog kev sib sau ua ke. OAH kuj tseem tuaj yeem suav sau koj cov case txog kev so xam chim. Yog tias koj tsis pom zoo, koj tuaj yeem hais tias "tsis tau." ALJ yuav txiav txim siab seb puas yuav muab koj cov case kev so xam chim sib sau ua ke raws li txoj cai lij choj thiab cov xwm txheej ntawm cov case.

Cov Neeg Txhais Lus

Yog tias koj lossis tus neeg tim khawv xav tau tus neeg txhais lus, tiv tauj rau OAH tam sim ntawd. Koj tuaj yeem hais tias koj xav tau tus neeg txhais lus ntawm koj daim ntawv thov kev hais plaub ncaj ncees. OAH yuav muab ib tug neeg txhais lus uas muaj ntawv pov thawj yam tsis tau them nqi.

Kev Nkag Mus Tau ntawm Qhov Chaw Txiav Txim

Feem ntau cov rooj txiav txim ncaj ncees muaj nyob rau ntawm lub chaw loj hauv cheeb tsam. Cov chaw hnov ​​lus yuav tsum nkag mus rau cov neeg tsis taus. Tshawb xyuas nrog OAH ua ntej kom paub tseeb tias qhov chaw nkag mus tau. Yog tias tus neeg muaj kev tsis taus xav tau kev pab tsim nyog los mus koom lub rooj txiav txim ncaj ncees, hu rau OAH sai sai kom lawv tuaj yeem pab npaj.

Tau txais ib tug kws txiav txim txawv

Kawm txog koj tus kws txiav txim (ALJ, Administrative Law Judge) ua ntej lub rooj txiav txim ncaj ncees. Tej zaum koj tuaj yeem tau txais ALJ sib txawv yog tias tus neeg muab rau koj muaj keeb kwm ntawm kev tsis ncaj ncees lossis kev ntxub ntxaug. Koj ua qhov no los ntawm kev ua tsab ntawv tsa suab kom rov kho (tshem tawm) tus ALJ. Ib qho piv txwv tsab ntawv tsa suab los ua qhov kev thov no suav nrog hauv Daim Ntawv Ntxiv B.

Txhawm rau nrhiav cov ntaub ntawv hais txog ALJ uas tau muab rau koj rooj plaub, mus saib OAH lub vev xaib ntawm: https://www.dgs.ca.gov/OAH/Case-Types/General-Jurisdiction/GJ-Calendar (daim ntawv qhia hnub cai lij choj dav dav) thiab sau koj tus lej xov tooj. ALJ yuav raug xa mus ze rau hnub uas muaj lub rooj txiav txim ncaj ncees. Tom qab ntawd, mus rau: https://www.dgs.ca.gov/OAH/Case-Types/General-Jurisdiction/Resources/DDS-Decisions thiab sau ALJ lub npe nkag rau. Koj yuav pom cov npe ntawm rooj plaub uas ALJ tau txiav txim siab. Nyeem qee qhov xwm txheej kom pom seb koj puas xav kom ALJ no txiav txim siab koj rooj plaub. Yog tias tsis yog, thov tsab ntawv tsa suab kom rov kho tus ALJ thiab xa mus rau OAH nrog koj cov xov xwm tiv toj. Yog tias koj tsis hnov ​​​​los ntawm OAH, hu rau lawv ua ntej lub rooj txiav txim ncaj ncees kom paub seb koj qhov kev thov puas tau tso cai. Feem ntau, qhov kev thov yuav raug tso cai.

Zaj 3 – Kev Npaj rau Lub Rooj Txiav Txim Ncaj Ncees

Kev Txiav Txim Koj Qhov Kev Sib Raws Cai Lijchoj

• Koj qhov kev sib cav raws cai lij choj yog txoj cai lij choj thiab qhov tseeb uas koj tso siab los qhia tias koj tsim nyog rau cov xuab moos so xam chim uas koj thov. Txhawm rau npaj koj qhov kev sib cav raws cai lijchoj: Tshawb xyuas txoj cai uas txhawb nqa koj txoj haujlwm. Qee qhov kev cai lij choj muaj nyob rau hauv Daim Ntawv Ntxiv D: Tus Nqua Thov Cov Lus Piav Qhia Luv Luv Txog Lub Rooj Txiav Txim Ua Piv Txwv, ntawm nplooj ntawv 36 nyob rau hauv nqe lus IV. TXOJ CAI LIJCHOJ UAS SIV TAU
• Tshawb nrhiav thiab nyeem cov kev txiav txim ntawm lub Rooj Txiav Txim Ncaj Ncees yav dhau los ntawm tus link hauv qab no: https://www.dgs.ca.gov/OAH/Case-Types/General-Jurisdiction/Resources/DDS-Decisions Tshawb nrhiav lo lus tseem ceeb "so xam chim (respite)" los saib txog cov xwm txheej ntawm qhov teeb meem ntawd nkaus xwb.

Lub chaw loj hauv cheeb tsam yuav hais tias koj tsis tuaj yeem tau txais cov kev pabcuam so vim tias koj muaj cov xuab moos kev saib xyuas neeg mob lossis Kev Pab Tu Neeg Hauv Tsev (IHSS, In-Home Supportive Services). Txawm li cas los xij, qhov ntawd tsis yog qhov tseeb. Cov sijhawm ua haujlwm no tsuas yog suav tias yog kev so xam chim yog tias lawv ua tau raws li tag nrho koj cov kev xav tau so. Qhov kev so xam chim uas koj tau txais yuav tsis raug txo vim tias koj muaj cov sij hawm saib xyuas neeg mob lossis IHSS. Kev saib xyuas neeg mob thiab IHSS yog cov kev pabcuam sib txawv, thiab lawv ua tiav ntau yam.

Kev Npaj Koj Cov Pov Thawj

Cov pov thawj yog qhov tseeb uas txhawb nqa koj qhov kev thov txog koj cov kev pabcuam so xam chim. Cov pov thawj tuaj yeem xam muaj cov ntaub ntawv thiab cov lus pov thawj los ntawm cov tim khawv. Tsuas yog siv cov pov thawj uas muaj feem cuam tshuam nkaus xwb. Cov pov thawj muaj feem cuam tshuam yog tias nws pab ua pov thawj tias koj tsim nyog rau qhov kev so xam chim uas lub chaw loj hauv cheeb tsam tsis kam lees txais, txo qis, lossis tshem tawm.

Kev Suav Sau Cov Ntawv Pov Thawj (Cov Ntaub Ntawv)

Sau cov ntaub ntawv pov thawj uas txhawb nqa koj cov lus sib cav. Qee cov piv txwv ntawm cov pov thawj muaj xws li:

• Cov lus piav qhia ntawm qhov kev pab cuam so xam chim;
• Koj qhov IPP uas piav qhia txog lub hom phiaj ntawm qhov kev pabcuam so xam chim;
• Cov ntawv ceeb toom lossis kev ntsuam xyuas uas txhawb nqa qhov kev xav tau kev so xam chim;
• Cov ntawv ceeb toom kev nce qib los ntawm tus neeg muab kev pabcuam so xam chim;
• Cov lus tshaj tawm los ntawm cov neeg ua haujlwm lossis lwm tus neeg txog kev pabcuam so xam chim;
• Cov kev thov yav dhau los txog kev so xam chim; thiab
• Lwm cov ntaub ntawv uas txhawb nqa koj xav tau kev so xam chim.

Koj tuaj yeem thov cov ntaub ntawv los ntawm cov tsev kawm ntawv, cov kws kho mob, thiab tsoomfwv cov koomhaum uas yuav muaj cov ntaub ntawv tseem ceeb. Tsis txhob nyob tos txhawm rau thov cov ntaub ntawv tuav tseg. Kev sau cov ntaub ntawv no feem ntau siv sijhawm ntev dua li qhov koj xav.

Koj tuaj yeem hais kom cov neeg uas paub txog koj los sau cov ntawv lossis cov kev tshaj tawm. Tus ALJ tuaj yeem muab qhov hnyav dua rau cov ntaub ntawv los ntawm tus neeg uas nyob hauv lub rooj txiav txim ncaj ncees ua tim khawv piv rau tus neeg uas sau ib tsab ntawv lossis ib qhov kev tshaj tawm.

Koj muaj cai pom cov ntaub ntawv hauv koj cov ntaub ntawv tuav tseg hauv koj cov ntawv ntawm lub chaw loj hauv cheeb tsam, uas xam muaj cov ntaub ntawv uas lub chaw loj hauv cheeb tsam tau txais los ntawm cov koom haum sab nraud lossis cov tib neeg. Lub chaw loj hauv cheeb tsam yuav tsum muab rau koj nkag mus rau koj cov ntaub ntawv tsis pub dhau 3 hnub ua haujlwm tom qab koj thov kom pom cov ntaub ntawv. Lub chaw loj hauv cheeb tsam yuav tsum pab ua kom koj nkag siab txog koj cov ntaub ntawv. Yog tias cov ntaub ntawv ntawm lub chaw loj hauv cheeb tsam muaj cov ntaub ntawv uas pab ua pov thawj rau koj qhov teeb meem, muab tej no tso rau hauv koj cov ntaub ntawv pov thawj. Tsis txhob xav tias tus ALJ yuav muaj vim lub chaw loj hauv cheeb tsam twb muaj. Tus ALJ tsuas pom cov ntaub ntawv uas koj thiab lub chaw loj hauv cheeb tsam xa tuaj ua pov thawj xwb.

Saib cov cai tswj Kev Muas Kev Pabcuam (POS, Purchase of Service), cov lus qhia, thiab cov kev zam rau kev so xam chim ntawm lub chaw loj hauv cheeb tsam. Cov no tuaj yeem muab tso rau hauv koj lub chaw loj hauv cheeb tsam lub vev xaib lossis koj tuaj yeem hu rau lub chaw loj hauv cheeb tsam thiab thov ib daim luam qauv. Yog tias cov lus qhia muaj txiaj ntsig zoo rau koj qhov case, ces muab tso rau hauv koj cov ntaub ntawv pov thawj.

Xa ntawv foob rau ib lub koom haum los tsim cov ntaub ntawv tuav tseg rau koj lub rooj txiav txim ncaj ncees. Ib tsab "subpoena duces tecum" yuam ib lub koom haum coj cov ntaub ntawv uas lawv muaj thiab txheeb xyuas rau tus ALJ hais tias cov ntaub ntawv lossis cov ntaub ntawv tsis raug hloov pauv. Koj tuaj yeem thov kom lub koomhaum ua qhov no los ntawm kev sau ntawv tshaj tawm lossis los ntawm cov lus tim khawv ua lus hais. Ib daim ntawv foob tuaj rau lub chaw loj hauv cheeb tsam cov rooj txiav txim ncaj ncees tuaj yeem nrhiav tau ntawm no: https://www.dgs.ca.gov/OAH/Case-Types/General-Jurisdiction/Forms/Page-Content/DDS-Forms Yog tias koj nkag tsis tau mus rau daim foos no hauv online, thov tiv tauj rau peb.

Kev Npaj Tim Khawv

Cov lus pov thawj ntawm ib tug tim khawv kuj yog ib hom pov thawj. Cov tim khawv yuav tsum raug foob yog lawv tsis pom zoo ua tim khawv thiab lawv cov lus tim khawv yog pab tau zoo rau koj qhov case. Daim ntawv foob yog ib daim ntawv txib raws txoj cai lij choj uas yuam kom lawv tuaj koom lub rooj txiav txim ncaj ncees txhawm rau ua pov thawj. Cov tim khawv ntawm daim ntawv foob thiab hais kom cov tim khawv muab pov thawj sai li sai tau thaum koj tau txais hnub muaj lub rooj txiav txim ncaj ncees txhawm kom muaj neeg. Tuaj yeem nriav tau daim ntawv foob nyob rau ntawm no:

https://www.dgs.ca.gov/OAH/Case-Types/General-Jurisdiction/Forms/Page-Content/DDS-Forms Yog tias koj nkag tsis tau mus rau daim foos no hauv online, thov tiv tauj rau peb.

Xav txog yam koj xav kom tus ALJ kawm los ntawm koj cov tim khawv cov lus tim khawv. Sau cov lus nug rau koj cov tim khawv ua ntej. Mus rau cov lus nug no nrog cov tim khawv kom paub tseeb tias lawv nkag siab qhov koj tab tom nug. Qee lub sij hawm nws yuav tsum rov hais dua cov lus nug kom tus neeg tim khawv nkag siab. Yog tias koj paub hais tias lawv nqe lus teb tsis pab tau koj, tsis txhob nug nqe lus nug ntawd hauv lub rooj txiav txim ncaj ncees.

Kuj tseem yuav tau npaj lus pov thawj rau koj tus kheej thiab, vim koj yog tus tim khawv zoo tshaj plaws rau koj tus kheej lossis koj tus menyuam. Npaj los tham txog qhov vim li cas koj thiaj xav tau cov kev pabcuam so xam chim. Hais tias yog vim li cas lwm cov kev pabcuam tsis tau txais txiaj ntsig lossis tsis muaj. Muab cov piv txwv muaj txiaj ntsig txog ntawm qhov vim li cas koj thiaj xav tau qhov kev pabcuam so xam chim.

Cov Tim Khawv Tiag Taw

Cov tim khawv tiag taw (tsis yog kws tshaj lij) tuaj yeem ua rau koj qhov case uas koj nthuav tawm zoo dua tuaj. Cov tim khawv tiag taw tuaj yeem ua pov thawj txog qhov tseeb uas lawv paub txog koj, yog li ntawd xav txog tus paub koj zoo tshaj plaws. Cov neeg hauv tsev neeg feem ntau yog ib qho kev xaiv zoo, xws li yog cov kws kho mob tam sim no lossis yav dhau los, cov neeg nyob ze, thiab cov chaw muab kev pabcuam. Xaiv cov tim khawv tiag taw uas yuav pom lub hom phiaj thiab tsis ncaj ncees rau tus ALJ. Cov tim khawv tiag taw tuaj yeem muaj cov ntaub ntawv siv tau, hauv ntiaj teb thiab cov dab neeg uas tsuas yog cov neeg paub koj zoo xwb thiaj tuaj yeem muab tau.

Kev Hloov Pauv Tim Khawv thiab Cov Pov Thawj

Yam tsawg kawg yog 2 hnub ua haujlwm ua ntej lub rooj txiav txim ncaj ncees, koj thiab lub chaw loj hauv cheeb tsam yuav tsum sib pauv ntaub ntawv txog cov pov thawj uas koj yuav siv ntawm lub rooj txiav txim.

Lub chaw loj hauv cheeb tsam yuav tsum muab cov lus ntos txog txoj haujlwm rau koj thiab OAH 2 hnub ua haujlwm ua ntej yuav muaj lub rooj txiav txim. Cov lus ntos txog txoj haujlwm yuav tsum muab qhov tseeb rau koj txog qhov chaw loj hauv cheeb tsam qhov kev txiav txim siab thiab cov laj thawj rau qhov kev txiav txim siab, suav nrog cov ntaub ntawv hais txog cov tim khawv uas nws yuav siv ntawm lub rooj txiav txim, thiab muab tag nrho cov ntaub ntawv nws yuav siv ntawm lub rooj txiav txim nkag rau. Cov lus ntos txog txoj haujlwm tseem yuav tsum yog nyob rau hauv koj lossis koj tus neeg sawv cev uas muaj kev tso cai yam lus uas nyiam kom hais.

Koj yuav tsis tas yuav npaj cov lus ntos txog txoj haujlwm yog tias koj tsis xav tau. Tab sis 2 hnub ua ntej lub rooj txiav txim, koj yuav tsum tau muab cov ntaub ntawv teev cov tim khawv ntawm lub chaw loj hauv cheeb tsam thiab lawv paub koj li cas thiab ib daim qauv ntawm cov kev ntsuam xyuas raws kev kws lossis cov ntawv tshaj tawm uas koj npaj yuav siv los ua pov thawj rau koj qhov case. Yog tias koj xav siv lwm cov ntaub ntawv los ua pov thawj koj qhov case, ces koj tuaj yeem muab rau OAH thiab lub chaw loj hauv cheeb tsam txhua lub sijhawm ua ntej lub rooj txiav txim yuav pib lossis thaum pib lub rooj txiav txim.

Tus ALJ tuaj yeem tiv thaiv koj lossis lub chaw loj hauv cheeb tsam los ntawm kev qhia cov ntaub ntawv thiab cov pov thawj uas tsis muab rau ib leeg 2 hnub ua haujlwm ua ntej lub rooj txiav txim ncaj ncees. Nyob rau hnub uas muaj lub rooj txiav txim ncaj ncees, nqa peb daim ntawv luam ntawm cov ntaub ntawv no: ib cov rau koj; ib cov rau tus ALJ; thiab ib qho rau cov neeg tim khawv saib thaum lawv ua tim khawv.

Zaj 4 – Thaum Lub Sijhawm thiab Tom Qab Lub Rooj Txiav Txim Ncaj Ncees

Tuaj txog ntawm lub rooj txiav txim ncaj ncees uas muaj sij hawm txaus. Lub rooj txiav txim ncaj ncees tuaj yeem ua tau ntev, yog li nqa dej thiab khoom noj txom ncauj. Nqa ib tug cwj mem thiab ntawv los sau ntawv thaum lub rooj txiav txim ncaj ncees.

Cov Lus Qhib Rooj

Tawm ib nqe lus qhib rooj. Tsis tas yuav tsum muaj ib nqe lus qhib rooj, tab sis nws yuav pab piav qhia rau ALJ kom paub hais tias seb lub rooj txiav txim hais txog dab tsi. Koj nqe lus qhib rooj yuav tsum piav qhia txog qhov kev pabcuam txog kev so xam chim uas koj tab tom thov txog thiab vim li cas. Nws yuav tsum muaj txoj cai lij choj uas txhawb nqa koj qhov kev thov nyob rau haud. Piav qhia txog koj tus kheej lossis koj tus menyuam kom tus ALJ nkag siab tias koj lossis koj tus menyuam xav tau dabtsi. Koj cov lus qhib rooj yuav tsum yog ib lub ntsiab lus luv luv txog ntawm koj qhov case. Lub chaw loj hauv cheeb tsam yuav tawm nws cov lus qhib rooj ua ntej. Tom qab ntawd koj yuav muab koj li.

Kev Nug Cov Tim Khawv

Cov Tim Khawv ntawm Lub Chaw Loj Hauv Cheeb Tsam

Lub chaw loj hauv cheeb tsam yuav nthuav qhia nws cov tim khawv ua ntej. Koj tuaj yeem nug tau cov tim khawv ntawm lub chaw loj hauv cheeb tsam tom qab lub chaw loj hauv cheeb tsam nug tag. Qhov no yog hu ua “kev tshuaj xyuas txiav hla.” Koj cov lus nug yuav tsum pab qhia tau tias tus tim khawv tsis to taub qee yam, tsis nco tau qhov tseeb, lossis muaj qhov tsis yog. Koj tseem tuaj yeem nug cov lus nug uas qhia tias tus neeg tim khawv tab tom koom nrog, hloov qhov nws hais ua ntej, lossis tej zaum tsis tau qhia qhov tseeb. Koj tuaj yeem nug cov lus nug uas yuav qhia tau tias tus tim khawv hauv cheeb tsam tsis paub koj tus menyuam zoo lossis tsis paub cov xwm txheej ntawm koj tsev neeg. Koj tseem tuaj yeem nug cov lus nug kom qhia tau tias tus tim khawv ntawm lub chaw loj hauv cheeb tsam tau tsim cov kev npaj tseg tsis raug lossis tsis tau tsim ib qho kev txiav txim ntawm tus kheej tab sis tso siab rau txoj cai tswj lossis txoj cai los txiav txi koj qhov kev so xam chim.

Ua tib zoo mloog thaum lub chaw loj hauv cheeb tsam cov tim khawv ua pov thawj rau. Tej zaum koj yuav pom tias muaj qhov tsis muaj zog tawm los tom qab ntawd nyob rau lub sijhawm ntawm koj qhov kev tshuaj xyuas txiav hla. Tsis li ntawd ces ua raws li cov lus nug ntawm kev tshuaj xyuas txhij txhua uas koj tau sau ua ntej yuav muaj lub rooj txiav txim. Nws tsis yog ib lub tswv yim zoo los mus nug ib nqe lus nug yog tias koj tsis tau paub cov lus teb, tshwj tias koj xav tias ntxim li cov lus teb yuav pab tau koj cov lus sib cav zoo heev tuaj.

Koj Cov Tim Khawv

Txuas ntxiv tom ntej, koj yuav nug koj cov tim khawv. Qhov nov hu ua “kev tshuaj xyuas ncaj nraim.” Cov tim khawv yuav tsum tsuas tham txog tej yam uas lawv tau ua lossis pom lossis hnov kiag los ntawm lawv tus kheej xwb.

Nug cov lus nug kom luv, yooj yim, meej.

Dhau li ntawm kev nthuav qhia koj qhov kev sib cav tseem ceeb, koj tuaj yeem nug koj cov tim khawv raws cov lus nug kom hais mus rau kis uas tsis lees paub txog tej uas lub chaw loj hauv cheeb tsam cov tim khawv tau hais. Tsis li ntawd ces ua raws li cov lus nug uas koj tau npaj ua ntej lub rooj txiav txim. Koj tuaj yeem nug cov lus nug soj qab yog tias koj tus tim khawv cov lus teb tsis meej.

Lub chaw loj hauv cheeb tsam yuav muaj sijhawm los tshuaj xyuas koj cov tim khawv. Tus ALJ kuj tseem tuaj yeem nug cov tim khawv thiab. Tom qab lub chaw loj hauv cheeb tsam tau tshuaj xyuas txiav hla koj tus tim khawv, koj yuav muaj sijhawm zoo los nug ntau nqe lus nug ntxiv rau koj tus tim khawv. Qhov no yog hu ua “kev rov tshuaj xyuas ncaj nraim.” Koj tuaj yeem hais kom koj tus tim khawv qhia meej lossis rov hais dua ib yam dab tsi tsis zoo uas tuaj yeem tshwm sim thaum lub sijhawm tshuaj xyuas txiav hla.

Kev Kaw Lus Ntos/Kev Piav Qhia Luv Luv Txog Lub Rooj Txiav Txim

Thaum muaj lub rooj txiav txim ncaj ncees, tej zaum koj yuav paub tias tus ALJ tsis muaj txhua yam xov xwm coj los txiav txim siab kom zoo. Yog tias zoo li ntawd, koj tuaj yeem hais rau tus ALJ kom “qhib cov ntaub ntawv tuav tseg cia.” Tus ALJ tuaj yeem hais tias “tau” lossis “tsis tau” rau qhov no. Yog tias tus ALJ pom zoo qhib cov ntaub ntawv tuav tseg cia, ces nws yuav tso cai rau ob tog muab lwm yam ntaub ntawv thiab xov xwm ntxiv rau ALJ tom qab tiav lub rooj txiav txim.

Feem ntau tus ALJ yuav hais kom tawm nqe lus xaus lub rooj nyob rau thaum kawg ntawm lub rooj txiav txim ncaj ncees txhawm rau suav cov pov thawj. Rov hais dua yam uas koj tau nthuav tawm ntawm lub rooj txiav txim ncaj ncees thiab rov hais dua koj lo lus qub uas koj muaj cai tau txais kev pabcuam so xam chim. zoo ua ib daim ntawv xaus lus luv luv hloov chaw rau nqe lus xaus lub rooj ua lus hais. Qhov kev xaiv no yuav ua rau koj xav txog txhua nqe lus tim khawv ua ntej koj suav sau tau koj cov lus sib cav. Ib daim ntawv teev lus luv luv txog lub rooj txiav txim yuav tsum muab cov xov xwm thiab qhov tseeb uas koj tau nthuav tawm thiab teeb tsa txoj cai lij choj uas txhawb nqa koj qhov case so xam chim. Yog tias tus ALJ tau qhib cov ntaub ntawv cia tom qab lub rooj txiav txim thiab tau tso cai kom muaj pov thawj ntxiv, koj tuaj yeem muab tso rau hauv koj cov ntsiab lus luv luv ntawm koj lub rooj txiav txim. Ib Nqe Ntsiab Lus Luv Luv ntawm Rooj Txiav Txim Piv Txwv muaj nyob rau hauv Daim Ntawv Ntxiv D.

Tom Qab lub Rooj Txiav Txim Ncaj Ncees

Tom qab koj lub rooj txiav txim ncaj ncees, ces tus ALJ muaj 10 hnub ua haujlwm los sau qhov kev txiav txim. Qhov kev txiav txim yuav tsum tau ua tsis tau raug ntau tshaj 80 hnub tom qab koj tau thov koj qhov kev rov hais dua. Tus ALJ qhov kev txiav txim siab yuav tsum:

• Sau ua yam lus uas yooj yim, siv txhua hnub;
• Txhais ua hom lus koj nyiam;
• Muab lub ntsiab lus ntawm qhov tseeb nkag rau;
• Muab ib nqe lus ntos txog qhov pov thawj uas tus ALJ tau siv los txiav txim;
• Muab qhov kev txiav txim txog ntawm txhua qhov teeb meem lossis nqe lus nug hauv daim ntawv thov lub rooj txiav txim thiab tau nthuav tawm thaum muaj lub rooj txiav txim; thiab
• Qhia cov cai lij choj, cov cai, thiab cov cai tswj uas txhawb nqa ALJ qhov kev txiav txim siab.

Yog tias koj tsis pom zoo nrog qhov kev txiav txim ntawm lub rooj txiav txim ncaj ncees, ces koj yuav muaj ob txoj hauv kev.

Qhov thib ib, koj tuaj yeem thov kom rov txiav txim dua yog tias koj xav tias qhov kev txiav txim ntawd tau tsim muaj cov kev ua yuam kev ntawm qhov tseeb lossis kev cai lij choj. Koj tuaj yeem thov kom rov txiav txim dua tsis dhau 15 hnub tom qab qhov kev txiav txim ntawd. Lwm tus neeg ceev xwm ntawm lub rooj txiav txim yuav ntsuam xyuas koj qhov kev thov. Qhov kev txiav txim siab uas lees txais lossis tsis lees txais koj qhov kev thov rov txiav txim dua yuav muab txiav txim tsis dhau 15 hnub.

Qhov thib ob, koj tuaj yeem thov mus rau lub tsev hais plaub txheej siab dua ntawm koj lub nroog. Koj yuav tsum rov hais dua tsis pub dhau 180 hnub tom qab tau txais qhov kev txiav txim siab ncaj ncees. Qhov no yog txheej txheem nyuaj, thiab tej zaum koj yuav tau muaj ib tug kws lij choj. Yog xav paub ntxiv txog cov txheej txheem no, saib Cov Cai Raws Li Tsab Cai Lanterman, Tshooj 10: https://rula.disabilityrightsca.org/rula-book/chapter-10-appeals-and-complaints-disagreements-with-regional-centers-developmental-centers-or-service-providers/

Ntaub Ntawv Ntxiv

Ntaub Ntawv Ntxiv B: Qhov Kev Thov Piv Txwv txhawm rau Hloov Tus Kws Txiav Txim

Kev Tshaj Tawm #7136.09 Ntaub Ntawv Ntxiv-B (pdf)

Ntaub Ntawv Ntxiv C: Tus Neeg Nqua Thov Cov Timkhawv thiab Pov Thawj Piv Txwv

Kev Tshaj Tawm #7136.09 Ntaub Ntawv Ntxiv-C (pdf)

Ntaub Ntawv Ntxiv D: Tus Neeg Nqua Thov Qhov Kev Piav Qhia Luv Luv Txog Lub Rooj Txiav Txim Ua Piv Txwv

Kev Tshaj Tawm #7136.09 Ntaub Ntawv Ntxiv-D (pdf)

Ntaub Ntawv Ntxiv E: Daim Ntawv Qhia Txog Kev Txiav Txim Siab (Daim Ntawv Ceeb Toom Txog Kev Txiav Txim DS1804)

Nyem qhov no Daim Ntawv Ceeb Toom Txog Kev Txiav Txim DS1804 (Hauv Lus Askiv)