Cov Kev Thov Txog Kev Pab Ua Kom Yooj Yim thiab Kev Hloov Kho Raws Qhov Tsim Nyog Hauv Tej Tsev Nyob: Cov Ntawv Pov Thawj

Cov Kev Thov Txog Kev Pab Ua Kom Yooj Yim thiab Kev Hloov Kho Raws Qhov Tsim Nyog Hauv Tej Tsev Nyob: Cov Ntawv Pov Thawj
Qee zaum kuj yuav tsim nyog muaj cov ntawv pov thawj thaum xa ntawv thov mus rau cov neeg muab tsev nyob. Tsab ntawv tshaj tawm no yuav piav qhia txog cov ntawv pov thawj uas tsim nyog muaj thiab lub sijhawm uas tsim nyog muaj cov ntawv no. Nws kuj tseem muab ib tsab ntawv thov piv txwv thiab tsab ntawv ua qauv rau haud thiab.
Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.
Qee zaum kuj yuav tsim nyog muaj cov ntawv pov thawj thaum xa ntawv thov mus rau cov neeg muab tsev nyob. Tsab ntawv tshaj tawm no yuav piav qhia txog cov ntawv pov thawj uas tsim nyog muaj thiab lub sijhawm uas tsim nyog muaj cov ntawv no. Nws kuj tseem muab ib tsab ntawv thov piv txwv thiab tsab ntawv ua qauv rau haud thiab.
Cov kev pab ua kom yooj yim raws qhov tsim nyog hauv tej tsev nyob yog dab tsi?
Yog tias lawv tej tsev nyob muaj qhov nkag tsis tau, ces cov neeg uas muaj kev tsis taus kuj yuav thov mus rau lawv cov neeg muab tsev nyob kom muaj kev hloov pauv hauv cov cai tswj hwm, cov cai txhawb, cov txheej txheem, los sis cov kev pab cuam kom muaj raws li lawv cov kev tsim yog muaj uas cuam tshuam txog kev tsis taus. Tej no muab hu ua cov kev pab ua kom yooj yim raws qhov tsim nyog. Thov caw nyeem tsab ntawv tshaj tawm no "Kev Ciav Cais Sab Tsev Nyob Raws Kev Tsis Taus - Koj Cov Cai thiab Cov Kev Xaiv" kom paub ntau ntxiv.
Tsab ntawv pov thawj yog dab tsi?
Cov ntawv pov thawj yog cov ntawv uas muab siv los txhawb tus neeg nyob rau haud cov kev thov txog kev pab ua kom yooj yim/kev hloov kho raws qhov tsim nyog. Tsab ntawv pov thawj qhia tseeb tias tus neeg uas muaj ib qhov kev tsis taus muaj ib qhov kev tsim nyog uas cuam tshuam txog kev tsis taus rau kev hloov pauv uas nws tab tom thov rau nws cov cai txhawb tsev nyob, cov txheej txheem, cov kev pab cuam, los sis cov khoom vaj tse.
Leej twg thiaj li muab tau tsab ntawv pov thawj?
Ib tug neeg twg uas paub txog cov kev tsim nyog muaj ntawm tus neeg thov txog kev pab ua kom yooj yim los sis kev hloov kho raws qhov tsim nyog tuaj yeem muab tau tsab ntawv pov thawj.
Nov yog ib qhov kev teev npe txog cov neeg uas tuaj yeem muab tau cov ntawv pov thawj raws li cov cai tswj hwm ntawm Tsab Cai Hais Txog Tsev Nyob thiab Kev Ntiav Haujlwm Ncaj Ncees hauv California, 2 CCR § 12178(g):
- Tus kws kho mob as xij
- Tus kws kho mob, uas xam muaj lub chaw ua haujlwm ntawm kev nqis tes kho mob
- Pab pawg txhawb nqa phooj ywg
- Cov koom haum los sis cov chaw muab kev pab cuam uas tsis yog sab kev kho mob, xws li Cov Kev Pab Tu Neeg Hauv Tsev los sis Cov Chaw Pab Cuam Txog Kev Ua Neej Nyob Nrog Kev Txhawb Nqa
- Lwm tus neeg sab nraud uas ntseeg tau uas yog tus neeg paub txog qhov kev tsis taus los sis qhov kev tsim nyog muaj uas cuam tshuam txog kev tsis taus rau ib qhov kev pab ua kom yooj yim los sis kev hloov kho. Tus neeg no tuaj yeem yog ib tug neeg hauv tsev neeg uas yog tus neeg saib xyuas rau tus neeg uas muaj kev tsis taus.
Thaum twg koj thiaj yuav tsum tau muab tsab ntawv pov thawj?
Thaum tus neeg uas muaj kev tsis taus thov txog ib qhov kev pab ua kom yooj yim raws qhov tsim nyog los sis kev hloov kho raws qhov tsim nyog los ntawm lawv tus neeg muab tsev nyob, ces tus neeg muab tsev nyob tuaj yeem thov tsab ntawv pov thawj los ntawm tus neeg uas muaj ib qhov kev tsis taus thaum qhov kev tsim nyog muaj kev pab ua kom yooj yim/kev hloov kho tsis muaj yam ua rau paub tseeb.
Tsis tas yuav muaj cov ntawv pov thawj yog tias qhov muaj kev pab ua kom yooj yim los sis kev hloov kho muaj yam ua rau paub tseeb lawm. Ntawm no yog ib qho piv txwv txog ntawm qhov kev tsim nyog muaj uas paub tseeb rau qhov kev hloov kho raws qhov tsim nyog: Tus neeg xauj tsev uas siv ib lub laub zaum thov nws tus neeg muab tsev nyob kom muab kev tso cai nruab ib txoj kev nce nkag mus rau nws lub qhov rooj uas raug muab tshoom nce mus ib theem ntaiv. Tsis tas yuav muaj tsab ntawv pov thawj txhawm kom nkag siab tias tus neeg xauj tsev no tsim nyog muaj ib txoj kev nce nkag mus rau hauv nws lub tsev.
Yuav siv tsab ntawv pov thawj ua dab tsi?
Tus neeg muab tsev nyob siv tsab ntawv pov thawj kom paub meej tias tus neeg uas muaj kev tsis taus ntawd (1) muaj ib qhov kev tsis taus THIAB (2) muaj ib qhov kev tsim nyog rau kev pab ua kom yooj yim los sis kev hloov kho raws qhov tsim nyog.
Thaum ib tug neeg muaj ib qhov kev tsis taus twg uas tsis pom tshwm los sis ntsia tsis pom, ces tsab ntawv pov thawj yuav pab ua kom tus neeg muab tsev nyob nkag siab tias tus neeg ntawd muaj ib qhov kev tsis taus tiag. Cov piv txwv ntawm cov kev tsis taus uas tej zaum yuav tsis pom tshwm yog: yog tias ib tug neeg twg muaj ib qhov kev tsis taus uas cuam tshuam txog lub hlwb, yog kab mob hlab ntsha paj hlwb, los sis muaj teeb meem rau peev xwm tiv thaiv kab mob ntawm lub cev.
Cov neeg uas muaj qhov kev tsis taus uas zoo tib yam tej zaum kuj yuav muaj cov kev tsim nyog muaj uas cuam tshuam txog kev tsis taus sib txawv thiab. Vim li no, tsab ntawv pov thawj thiaj li pab ua kom tus neeg muab tsev nyob nkag siab txog yam uas yuav tsum tau ua raws li cov kev tsim nyog muaj ntawm tus neeg thiab cov kev hloov pauv uas yuav ua kom muaj raws li tus neeg ntawd cov kev tsim nyog muaj.
Puas yog kuv tus neeg muab ntawv pov thawj yuav tsum tau sau qee daim foos los sis xa tsab ntawv pov thawj ncaj qha mus?
Tsis yog, txoj cai lij choj tsis tau tseev kom siv qee daim foos los sis xa cov ntawv pov thawj tuaj ncaj qha ntawm tus neeg muab tuaj. Qee leej neeg muab tsev nyob thov kom cov neeg xauj tsev siv nws cov foos, thiab tus neeg xauj tsev muaj kev xaiv seb nws puas siv daim foos ntawd. Kev siv cov foos ntawm tus neeg muab tsev nyob tuaj yeem ua rau muaj qhov yooj yim dua thiab nrawm dua los mus lis cov ntawv thov txog kev pab ua kom yooj yim los sis kev hloov kho raws qhov tsim nyog vim tias cov foos yuav qhia tau cov xov xwm uas tus neeg muab tsev nyob xav tau. Qee cov neeg muab tsev nyob kuj thov kom cov neeg xauj tsev tso cai rau lawv tham ncaj qha nrog tus neeg uas ua pov thawj rau qhov kev tsis taus ntawd.
Yog tias koj muaj kev txhawj xeeb txog tus neeg muab tsev nyob daim foos uas thov kom muab xov xwm ntau dhau, ces koj tuaj yeem tiv tauj rau Disability Rights California kom tau txais kev pab tswv yim sab kev cai lij choj pub dawb txog koj cov cai thiab cov kev xaiv.
Kuv yuav tsum hais li cas rau tus kws kho mob cov chaw ua haujlwm los sis lwm qhov chaw muab ntawv pov thawj kom thov tau tsab ntawv pov thawj?
Koj yuav tsum qhia rau tus kws kho mob paub txog qhov laj thawj uas cuam tshuam txog qhov kev tsis taus hais tias vim li cas koj thiaj li tsis tuaj yeem nkag tau mus rau hauv koj lub tsev nyob thiab hais tias koj tab tom tsim/tau tsim ib qhov kev thov txog kev pab ua kom yooj yim los sis kev hloov kho raws qhov tsim nyog mus rau koj tus neeg muab tsev nyob lawm.
Koj yuav tsum qhia rau lawv paub tias cov kev pab ua kom yooj yim los sis cov kev hloov kho uas koj tau thov yog dab tsi thiab hais kom tus kws kho mob qhia tseeb txog cov kev hloov pauv uas tsim nyog muaj los mus tswj hwm koj cov tsos mob. Lub chaw ua haujlwm ntawm tus kws kho mob kuj tseem tuaj yeem muab cov lus pab qhia ntxiv rau cov kev hloov pauv uas yuav ua tau raws li koj cov kev tsim nyog muaj uas cuam tshuam txog qhov kev tsis taus.
Koj tuaj yeem muab tsab ntawv pov thawj piv txwv hauv qab no thiab ib tsab luam qauv ntawm koj tsab ntawv thov txog kev pab ua kom yooj yim los sis kev hloov kho raws qhov tsim nyog mus rau koj tus kws kho mob lub chaw ua haujlwm kom lawv ntsuam xyuas. Koj kuj tseem tuaj yeem thov kom koj tus kws kho mob lub chaw ua haujlwm xa tsab ntawv pov thawj mus rau koj thiab koj tus neeg muab tsev nyob tib si kom koj thiaj muaj ib tsab luam qauv ntawm tsab ntawv cia rau koj cov ntaub ntawv tuav tseg.
Piv txwv ntawm qhov kev thov txog tsab ntawv pov thawj mus rau ib tug kws kho mob lub chaw ua haujlwm:
Hawm txog [Npe Kws Kho Mob],
Kuv tau tsim ib tsab ntawv thov txog kev pab ua kom yooj yim raws qhov tsim nyog mus rau kuv tus tswv tsev, uas thov hais tias thaum kuv tus tswv tsev muaj kev sib txuas lus nrog kuv raws kev sau ntawv, ces kom nws tsuas yog xa email rau kuv es txhob sau rau daim ntawv, thiab kom nws muab tag nrho cov xov xwm uas nws xa tuaj rau kuv ntawd tso rau hauv tsab email es tsis txhob muab tso ua ib cov ntaub ntawv tso nrog ua ke uas nkag mus saib tsis tau. Xa nrog ua ke no, thov caw mus saib tsab ntawv thov txog kev pab ua kom yooj yim raws qhov tsim nyog uas kuv tau tsim.
Muaj ob peb zaug uas cov ntawv ceeb toom tseem ceeb tau raug cua tshuab ya tawm ntawm kuv lub qhov rooj thaum kuv tsis muaj peev xwm mus tau rau sab nraud, thiab txawm li cas loj kuv yeej nyeem tsis tau cov ntawv ceeb toom no thiab. Koj puas yuav kam sau ib tsab ntawv mus rau kuv tus neeg muab tsev nyob ntawm qhov {chaw nyob} no txhawm kom qhia rau nws paub tias kuv yuav tsum muaj qhov kev hloov pauv no kom nkag tau mus rau hauv kuv lub tsev ib yam li cov neeg uas tsis muaj kuv qhov kev tsis taus no?
Raws li yogi b qhov kev ceeb toom, kuv tus neeg muab tsev nyob tsis muaj cai yuav paub txog kuv qhov kev kuaj pom mob los sis cov xov xwm hais ntxaws txog ntawm kuv qhov kev tsis taus, tab sis kuv tus neeg muab tsev nyob tau txais kev tso cai los tshawb xyuas pov thawj hais tias kuv muaj kev tsim nyog muaj uas cuam tshuam txog kev tsis taus rau qhov kev pab ua kom yooj yim raws qhov tsim nyog uas kuv tab tom thov txog.
Ua tsaug ntau ntau rau qhov uas pab kuv tshem cov teeb meem uas cuam tshuam txog kev tsis taus thiab ua kom nkag tau rau kuv lub tsev nyob!
Nrog kev saib siab,
Npe Neeg Mob
Tsab Ntawv Pov Thawj Piv Txwv
[Hnub Tim]
Txog [Tswv Tsev, Koom Haum Saib Xyuas Tsev Nyob, thiab Koom Haum Tswv Tsev, thiab lwm tus]:
Kuv yog tus [kws kho mob/kws kho mob puas hlwb/kws npliag neeg lub siab/kws phais mob/neeg tuav ntaub ntawv xaus saus/kws kho mob haujlwm] rau [neeg mob/neeg thov kev pa blub npe], thiab kuv swm nrog nws tus mob. [Nws/Nws/Lawv] muaj ib qhov kev tsis taus uas ua rau muaj qee yam tswj ciam rau kev ua tau haujlwm. Cov tswj ciam no xam muaj [teev cov tswj ciam kev ua tau haujlwm uas yuav tseev kom muaj qhov kev pab ua kom yooj yim uas tau thov ntawd].
[Qhov kev pab ua kom yoog yim uas tau thov] yog qhov tsim nyog rau [tus neeg mob/neeg thov kev pab lub npe] kom nyob tau rau hauv zej zog thiab siv thiab txaus siab rau [nws/nws/lawv] lub tsev [piav qhia tias qhov kev pab ua kom yooj yim yuav pab los sis txhawb nqa tus neeg ntawd tau li cas].
Ua tsaug rau qhov uas muab qhov kev pab ua kom yooj yim no rau [tus neeg mob/neeg thov kev pab lub npe].
Nrog kev saib siab,
[Npe thiab Qib Haujlwm]
Yuav ua li cas yog tias kuv muaj lus nug ntxiv?
Disability Rights California muab cov lus pab tswv yim sab kev cai lij choj pub dawb rau cov neeg uas muaj kev tsis taus hauv California txog lawv tej teeb meem kev cai lij choj txog ntawm tsev nyob. Thov caw hu rau 1-800-776-5746 nyob rau lub sijhawm ua haujlwm,https://www.disabilityrightsca.org/get-help