Cov Kev Sib Txawv hauv Kev Siv Nyiaj Ntawm Lub Chaw Muab Kev Pab Hauv Cheeb Tsam

This fact sheet is about regional centers spending money differently on people in certain groups. This is called Purchase of Service (POS) Disparity.

Sau daim ntawv no

Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.

Kev Yuav Qhov Kev Pab Cuam (Purchase of Service, POS) yog dab tsi?

Cov chaw muab kev pab hauv cheeb tsam yuav cov kev pab cuam thiab cov kev txhawb nqa rau lawv cov neeg qhua thov kev pab. Kev them nyiaj rau cov kev pab cuam thiab kev txhawb nqa yog hu ua kev yuav qhov kev pab cuam (purchase of service, POS).

Cov kev pab cuam dab tsi uas muaj rau cov chaw muab kev pab hauv cheeb tsam los yuav los sis tso cai?

Cov chaw muab kev pab hauv cheeb tsam tuaj yeem them nyiaj rau ntau hom kev pab cuam xws li cov khoom siv uas hloov pauv tau, kev saib xyuas me nyuam yaus, kev pab cuam ntsig txog kev hais lus, kev cob qhia txog kev txhawb pab tus kheej, kev cob qhia txog tej txuj ci kev txawj hauv sim neej, kev nkag mus pab thaum muaj xwm txheej kub ntxhov, kev muab tsheb thauj mus los, kev ntsuam xyuas, kev so ua si hauv sim neej, kev cob qhia hauj lwm, thiab kev so. Cov kev pab cuam ntau ntxiv tau muab teev nyob hauv peb phau ntawv qhia hais txog Cov Cai Raws Li Tsab Cai Lij Choj Lanterman (Rights Under the Lanterman Act).

Cov ntaub ntawv POS yog dab tsi?

Txhua xyoo, cov chaw muab kev pab hauv cheeb tsam yuav tsum sau tseg cov nyiaj ntau npaum li cas uas lawv siv rau ntau pawg neeg sib txawv los ntawm:

kev xiam oob khab
cov muaj hnub (0-2, 3-21, thiab 22 xyoos nce mus)
haiv neeg/haiv neeg tsawg
hom lus
hom vaj tsev nyob

Lawv kuj tseem yuav tsum tau sau cov ntaub ntawv hais txog ntau zaus uas cov tib neeg xav tau ib qho kev npaj khoos kas pab raws leej neeg (individual program plan, IPP) ua hom lus uas tsis tshua muaj neeg siv. Cov ntaub ntawv uas raug suav sau los lawm yog hu ua“cov ntaub ntawv teev tseg.”

Cov chaw muab kev pab hauv cheeb tsam puas muaj cov ntau ntawv teev tseg hais txog POS rau kuv saib?

Yog lawm.Txhua lub chaw muab kev pab hauv cheeb tsam yuav tsum tshaj tawm cov ntaub ntawv teev tseg hais txog POS tam sim no rau hauv lawv lub vev xaib ua ntej Lub Kaum Ob Hlis Ntuj tim 31 txhua xyoo. Lub chaw muab kev pab hauv cheeb tsam yuav tsum khaws cov ntaub ntawv teev tseg los ntawm lwm lub xyoo rau hauv lawv lub vev xaib, ib yam nkaus.

Yog xav nrhiav cov ntaub ntawv teev tseg rau tag nrho 21 lub chaw muab kev pab hauv cheeb tsam, ces mus rau ntawm no: https://www.dds.ca.gov/rc/purchase-of-service-data/

Qhov sib txawv ntawm POS yog dab tsi?

Qhov sib txawv txhais tau hais tias yog qhov sib txawv los sis qhov khoob. Yog li ntawd, qhov sib txawv ntawm POS thiaj yog qhov sib txawv loj ntawm tus nqi thiab kev siv cov kev pab cuam los ntawm cov tswv cuab ntawm qee pawg neeg. Cov chaw muab kev pab hauv cheeb tsam siv nyiaj them rau qee pab pawg ntau dua li lwm pawg.

Cov piv txwv ntawm cov kev sib txawv hauv xyoo 2021-2022:

Lub Chaw Muab Kev Pab Hauv Cheeb Tsam A

Xam rau qhov nruab nrab, Lub Chaw Muab Kev Pab Hauv Cheeb Tsam A tso cai (muab) $30,920 hauv POS rau txhua tus neeg qhua uas yog neeg tawv dawb. Xam rau qhov nruab nrab Lub Chaw Muab Kev Pab Hauv Cheeb Tsam A tso cai $14,423 rau txhua tus neeg qhua uas yog neeg Latinx. Lub Chaw Muab Kev Pab Hauv Cheeb Tsam A tso cai $14,919 xam rau qhov nruab nrab rau txhua tus neeg qhua uas yog neeg Esxias (Asian).

Lub Chaw Muab Kev Pab Hauv Cheeb Tsam B

Xam rau qhov nruab nrab Lub Chaw Muab Kev Pab Hauv Cheeb Tsam B tso cai $7,099 rau cov neeg muaj kev puas hlwb, $35,160 rau cov neeg muaj kev tsis taus fab kev txawj ntse, thiab $28,425 rau cov neeg uas muaj kev tsis taus fab kev puas hlwb thiab fab kev txawj ntse ob yam tib si. Lub Chaw Muab Kev Pab Hauv Cheeb Tsam B tso cai nyiaj xam rau qhov nruab nrab yog $25,246 toj ib tus neeg uas muaj mob qaug dab peg thiab $32,492 toj ib tus neeg uas muaj mob puas hlwb.

Lub Chaw Muab Kev Pab Hauv Cheeb Tsam C

Xam rau qhov nruab nrab lawm cov neeg qhua uas hais lus Askiv tau txais cov kev pab cuam tus nqi $35,430 los ntawm Lub Chaw Muab Kev Pab Hauv Cheeb Tsam C. Lub Chaw Muab Kev Pab Hauv Cheeb Tsam B tso cai nyiaj xam rau qhov nruab nrab yog $25,496 rau cov neeg uas hais lus Mev (Spainish), $76,996 rau cov neeg hais lus Farsi, thiab $46,038 rau cov neeg uas hais lus Kauslim.

Feem ntau keev muaj qhov tsis sib txaws ntawm cov kev pab cuam uas lub chaw muab kev pab hauv cheeb tsam muab rau qee leej neeg ("tso cai") thiab qhov kev siv ntau ntawm tus neeg ntawd. Lub chaw muab kev pab hauv cheeb tsam yuav xaus qhov kev them nyiaj rau cov kev pab cuam uas tau siv, cov kev pab cuam uas tsis tau txais kev tso cai.

Piv txwv li, ntawm ib lub chaw muab kev pab hauv cheeb tsam nyob rau hauv xyoo 2021-2022:

Cov me nyuam yaus uas yog neeg tawv dawb uas muaj hnub nyoog qis dua 3 xyoos tau txais kev tso cai cov nyiaj uas xam rau qhov nruab nrab yog $10,870, tab sis tsuas siv li $6,959 xwb.
Cov me nyuam yaus uas yog neeg tawv dub uas muaj hnub nyoog qis dua 3 xyoos tau txais kev tso cai cov nyiaj uas xam rau qhov nruab nrab yog $11,391, tab sis tsuas siv li $5,649 xwb.
Cov me nyuam yaus uas yog neeg Hawai Xeeb Txawm los sis lwm cov me nyuam yaus uas yog Neeg Pov Txwv Pas Xis Fiv (Pacific Islander) uas muaj hnub nyoog qis dua 3 xyoos tau txais kev tso cai cov nyiaj uas xam rau qhov nruab nrab yog $15,591, tab sis tsuas siv li $7,338 xwb.
Cov me nyuam yaus uas yog neeg Is Dias Asmeskas (American Indian) los sis Neeg As Lav Xas Kas Xeeb Txawm (Alaskan Native) uas muaj hnub nyoog qis dua 3 xyoos tau txais kev tso cai cov nyiaj uas xam rau qhov nruab nrab yog $8,318, tab sis tsuas siv li $5,306 xwb.

Vim li cas thiaj muaj qhov sib txawv?

Cov kev sib txawv tuaj yeem tshwm sim tau los ntawm ntau yam laj thawj. Nov yog cov piv txwv uas cov tib neeg tau hais rau peb thiab cov chaw muab kev pab hauv cheeb tsam:

Cov neeg ua hauj lwm hauv lub chaw muab kev pab hauv cheeb tsam tsis tau qhia tias muaj cov kev pab cuam rau cov tsev neeg.
Cov tsev neeg thov cov kev pab cuam tab sis kuj ntshai tsam raug thawb rov qab yog tias lub chaw muab kev pab hauv cheeb tsam hais tias "tsis kam."
Cov tsev neeg tsis paub txog lawv txoj cai los thov kom rov txiav txim dua.
Cov chaw muab kev pab hauv cheeb tsam yuav tsis muab cov ntaub ntawv qhia paub rau cov tsev neeg ua lawv hom lus.
Tsis muaj cov kev pab cuam los ua kom tau raws li kev xav tau fab kab lis kev cai.
Cov neeg lis hauj lwm kev pab cuam xav tau kev cob qhia ntxiv.
Cov chaw muab kev pab hauv cheeb tsam siv sij hawm ntev dhau los muab rau cov tsev neeg txiav txim siab txog cov kev pab cuam.
Cov neeg ua hauj lwm hauv lub chaw muab kev pab hauv cheeb tsam txiav txim siab tias seb yuav tau txais kev tso cai dab tsi. Lawv muaj kev tsis ncaj ncees uas ua rau muaj kev sib txawv ntawm kev muab kev pab cuam rau tib neeg.
Cov tsev neeg tsis muaj kev thauj mus los yooj yim kom tau txais cov kev pab cuam.
Cov kev pab cuam tsis muaj nyob rau lub sij hawm uas ua hauj lwm rau tsev neeg.
Thaum cov tsev neeg qhia cov chaw muab kev pab hauv cheeb tsam tias lawv muaj ib qho teeb meem ntawm kev siv cov kev pab cuam, ces lub chaw muab kev pab hauv cheeb tsam tsis muaj peev xwm daws qhov teeb meem ntawd tau.
Tsis hais txawm yuav yog qhov laj thawj twg los xij, muaj kev cuam tshuam rau cov neeg tau txais cov kev pab cuam uas lawv xav tau.

Cov chaw muab kev pab hauv cheeb tsam puas yuav tsum tau ua cov kauj ruam los pab kho qhov kev sib txawv ntawd?

Yog lawm. Txhua lub chaw muab kev pab hauv cheeb tsam yuav tsum tsa muaj cov rooj sib tham txog "tus tau tus poob" rau neeg zej tsoom txhawm rau sib qhia cov ntaub ntawv teev tseg hais txog POS thiab hnov los ntawm tib neeg. Cov rooj sib tham yuav tsum muaj nyob rau ncua nruab nrab ntawm Lub Ib Hlis Ntuj thiab Lub Peb Hlis Ntuj. Tom qab ntawd txij Lub Yim Hli Ntuj tim 31, cov chaw muab kev pab hauv cheeb tsam yuav tsum xa ib daim ntawv tshaj qhia mus rau Lub Tsev Hauj Lwm Saib Xyuas Kev Txhim Kho (Department of Developmental Services, DDS) piav qhia seb cov rooj sib tham mus li cas thiab lawv yuav pab tau cov neeg qhua thov kev pab tau zoo li cas.

Puas muaj kev cai lij choj uas piav qhia txog cov chaw muab kev pab hauv cheeb tsam cov hauj lwm POS?

Yog lawm. Tsab Cai Hais Txog Kev Noj Qab Nyob Zoo thiab Tsev Kawm (Welfare and Institutions Code) tshooj 4519.5 piav qhia txog yam uas lub chaw muab kev pab hauv cheeb tsam yuav tsum tau ua.

Kuv yuav ua dab tsi los kawm paub ntxiv txog qhov teeb meem no?

Mus saib lub chaw muab kev pab hauv cheeb tsam lub vev xaib txhawm rau tshuaj xyuas cov ntaub ntawv teev tseg hais txog POS yav dhau los thiab niaj hnub tam sim no.
Mus koom cov rooj sib tham txog tus tau tus poob ntawm zej tsoom hauv lub chaw muab kev pab hauv cheeb tsam.
Mus koom cov kev cob qhia POS. DRC Lub Chaw Hauj Lwm Saib Xyuas Kev Tawm Tswv Yim Pab Cov Neeg Thov Kev Pab Cov Cai (Office of Clients' Rights Advocacy (OCRA)) tsa muaj cov kev cob qhia thoob plaws hauv lub xyoo.
Tiv tauj rau OCRA kom tau cov ntaub ntawv qhia paub los sis kev pab fab kev cai lij choj ntawm cov teeb meem ntsig txog POS.
Koom los sis tsim ib pab pawg los kawm paub ntau ntxiv thiab sib sab laj txog koj cov nqe lus nug.

Kuv tuaj yeem ua cov kauj ruam los txhim kho cov ntaub ntawv teev tseg hais txog POS?

Yog lawm. Koj muaj peev xwm pab koj tus kheej los sis lwm tus thov cov kev pab cuam uas xav tau ntxiv. Yog hais tias koj muaj teeb meem kev tau txais ib qho kev pab cuam uas lub chaw muab kev pab hauv cheeb tsam tau muab rau koj lawm, ces thov koj tus neeg lis hauj lwm saib xyuas kev pab cuam los kho qhov teeb meem ntawd. Nrog tus thawj saib xyuas tham yog hais tias koj tus neeg lis hauj lwm saib xyuas kev pab cuam tsis pab koj.

Koj kuj tseem tuaj yeem tso npe thov kom tau txais cov nyiaj pab rau Kev Pab Cuam thiab Kev Muaj Vaj Huam Sib Luag (Service and Equity (SAE) grants) uas muaj los daws cov kev tsis sib xws ntawm POS.

Txhua tus neeg qhua thov kev pab ntawm lub chaw muab kev pab hauv cheeb tsam puas tau txais POS?

Khuv xim uas, tsis muaj. Tsis yog txhua tus neeg qhua thov kev pab puav leej tau txais POS.Qee tus neeg tau txais cov kev pab raug tus nqi $0 los ntawm lub chaw muab kev pab hauv cheeb tsam. Cov neeg uas tau txais cov kev pab cuam raug tus nqi $0 tuaj yeem thov kom ub chaw muab kev pab hauv cheeb tsam los tso cai rau cov kev pab cuam uas raug raws li lawv cov kev xav tau. Yog hais tias lub chaw muab kev pab hauv cheeb tsam hais tias tsis kam lees koj qhov kev thov rau qhov kev pab cuam, ces koj tuaj yeem thov kom rov txiav txim dua. Cov ntaub ntawv qhia paubb ntau ntxiv muaj nyob hauv peb tshooj lus hais txog kev thov kom rov txiav txim dua Cov Cai Raws Li Tsab Cai Lanterman (Rights Under the Lanterman Act appeal chapter).