Cov Cuab Yeej Siv Kho Mob Uas Kav Ntev: Medi-cal, Medicare, Thiab Cov Neeg Muaj Cai Tau Kev Pab Ob Hom

Publications
8108.09

Cov Cuab Yeej Siv Kho Mob Uas Kav Ntev: Medi-cal, Medicare, Thiab Cov Neeg Muaj Cai Tau Kev Pab Ob Hom

Ob leeg Medicaid (los yog "Medi-Cal") thiab Medicare them rau cov khoom siv kho mob thiab cov khoom siv, tseem hu ua cov khoom siv kho mob ntev (DME). Txawm li cas los xij, Medi-Cal thiab Medicare muaj ntau txoj cai hais txog kev them nqi, kev them nqi, thiab cov cai thov rov hais dua.

Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.

I. Ncauj Lus Qhia

Tag Nrho Medicaid (los sis "Medi-Cal") thiab Medicare yuav duav roos cov cuab yeej thiab cov khoom siv, kuj hu tias yog cov cuab yeej siv kho mob uas kav ntev (DME). Li cas los xij, Medi-Cal thiab Medicare muaj ntau cov cai sib txawv hais txog kev duav roos, kev them nyiaj, thiab cov cai kev thov kom rov txiav txim dua. Daim ntawv luam ntaub ntawv raug muab npaj los pab koj nkag siab txog txoj hau kev kom tau txais DME uas koj xav tau thaum koj muaj Medi-Cal, Medicare, los sis ob yam tib si.

a. Cuab Yeej Siv Kho Mob Uas Kav Ntev (DME) yog dab tsi?

Medi-Cal thiab Medicare duav roos ntau hom DME sib txawv.1 Cuab yeej siv kho mob uas ruaj kho yuav muaj tej cuab yeej thiab cov khoom siv kho mob xws li cov pas nrig, cov rooj zaum muaj log, cov pas txheem, cov tsheb scooter, cuab yeej cua zoo pab ua pa (oxygen), cuab yeej pab tshem neeg mob, cov pas kuaj piam thaj hauv ntshav, thiab ntau yam ntixv.

Medi-Cal thiab Medicare kuj muaj cov ntsiab lus tshab txhais sib txawv rau DME:

Medi-Cal2 Medicare3

DME yog qhov cuab yeej uas yog:

  • Yam Ruaj Khov (siv kav ntev nrog kev siv ntau zaus)
  • Muab siv rau qhov laj thawj fab kev kho mob
  • Tsis muaj txiaj ntsig tseem ceeb rau ib tus neeg twg uas tsis muaj mob, raug mob, los sis ua neej nrog kev xiam oob qhab
  • Muab npaj rau kev siv hauv los sis sab nraud ntawm lub tsev, suav nrog hauv zej zog
  • Feem ntau, muaj hnub nyoog kev siv uas cia siab cia txog li 5 lub xyoos

DME yog qhov cuab yeej uas yog:

  • Yam Ruaj Khov (siv kav ntev nrog kev siv ntau zaus)
  • Muab siv rau qhov laj thawj fab kev kho mob
  • Tsis muaj txiaj ntsig tseem ceeb rau ib tus neeg twg uas tsis muaj mob, raug mob, los sis ua neej nrog kev xiam oob qhab
  • Muab npaj rau kev siv hauv tsev nkaus xwb
  • Feem ntau, muaj hnub nyoog kev siv uas cia siab cia yam tsawg li 3 lub xyoos

b. Medi-Cal yog dab tsi?

Medicaid, kuj hu tias yog "Medi-Cal" hauv California, yog ib lub khoos kas pab nyiaj los ntawm lub xeev thiab tsoom fwv. Nws them rau kev kho mob thiab cov kev pab cuam uas tsim nyog rau fab kev kho mob, cov tshuaj, DME, thiab cov khoom siv kho mob. Medi-Cal ua hauj lwm ntawm nws tus kheej rau cov neeg uas tau txais Supplemental Security Income (Nyiaj Khwv Tau Los Ntawm Cov Nyiaj Rau Kev Nyab Xeeb Uas Tsub Ntxiv, SSI). Rau lwm tus tag nrho, Medi-Cal li kev muaj cai yuav raug txiav txim los ntawm lub thawj fab saib xyuas hauj lwm kev pab cuam rau zej tsoom hauv cheeb tsam nroog. Koj tuaj yeem mus saib tau hauv Xeev California Lub Thawj Fab Saib Xyuas Hauj Lwm Txog Cov Kev Pab Cuam Saib Xyuas Kho Mob Fab Kev Noj Qab Haus Huv (California Department of Health Care Services, DHCS) lub vev xaib kom paub ntau ntxiv hais txog Medi-Cal thiab txoj hau kev thov kev pab tau ntawm: https://www.dhcs.ca.gov/services/medi-cal/Pages/ApplyforMedi-Cal.aspx.

Medi-Cal cov tswv cuab feem coob nyob rau hauv cov phiaj xwm kev saib xyuas kho mob uas muaj kev tswj xyuas, tab sis qee cov neeg muaj fee-for-service Medi-Cal los ntawm Lub Thawj Fab Saib Xyuas Hauj Lwm txog Cov Kev Pab Cuam Rau Kev Saib Xyuas Kho Mob Fab Kev Noj Qab Haus Huv.

c. Medicare yog dab tsi?

Medicare yog kev tuav pov hwm kev noj qab haus huv rau cov neeg uas muaj hnub nyoog siab tshaj 65 xyoos thiab qee cov neeg xiam oob qhab hnub nyoog qis dua 65 xyoos. Muaj 2 hom Medicare:

  1. Original Medicare (muaj nqi kev pab cuam), thiab
  2. Medicare Advantage (kev saib xyuas kho mob uas muaj kev tswj hwm) los sis Ntu C.
    1. Qhov no suav muaj Cov Phiaj Xwm Medicare Medi-Cal uas sib txuam (MMPs) thiab Cov Phiaj Xwm Cov Kev Xav Tau Tshwj Xeeb Ob Hom Ua Ke (D-SNPS). Cov phiaj xwm sib txuam ua ke lees txais tau kev them nyiaj los ntawm Medicare thiab Medi-Cal rau koj li kev saib xyuas kho mob rau fab kev noj qab haus huv.

Lus Cim Tseg: Cov neeg uas tau tso npe rau hauv Lub Khoos Kas rau Kev Saib Xyuas Tsis Cai Leej Twg rau Neeg Laus (PACE) kuj tau txais Medicare Medi-Cal sib txuam ua ke cov txiaj ntsig los ntawm PACE.4

Koj tuaj yeem nrhiav kom paub seb puas muaj Medicare Medi-Cal txoj phiaj xwm sib txuam ua ke, los sis HMO D-SNP, hauv koj cheeb tsam hauv online tau ntawm: https://www.dhcs.ca.gov/provgovpart/Pages/Medicare-Medi-Cal-Plan-List.aspx. Rau kev pab tso npe hauv Medi-Medi txoj phiaj xwm, koj tuaj yeem tiv tauj Medicare tau ntawm: 1-800-MEDICARE. Yog xav paub ntau ntxiv hais txog Kev Saib Xyuas Kho Mob Sib Txuam Ua ke rau Cov Txiaj Ntsig Ua Muaj Cai Tau Kev Pab Ob Yam Ua Ke koj tuaj yeem nkag mus saib hauv Xeev California Lub Thawj Fab Saib Xyuas Hauj Lwm Txog Cov Kev Pab Cuam Saib Xyuas Kho Mob Fab Kev Noj Qab Haus Huv (California Department of Health Care Services, DHCS) hauv oos lais (online) ntawm: https://www.dhcs.ca.gov/services/Pages/Integrated-Care-for-Dual-Eligible-Beneficiaries.aspx.

Medicare yuav muaj:

  • Ntu A (tus neeg mob pw kho mob/kev duav roos tsev kho mob): cov kev mus pw kho mob hauv tsev kho mob, kev saib xyuas kho mob hauv cov chaw saib xyuas tu neeg mob uas muaj kev txawj ntse, kev saib xyuas kho mob hnyav, thiab kev saib xyuas kev noj qab haus huv tom tsev uas muaj tsawg.
  • Ntu B (tus neeg mob tsis pw kho mob/kev duav roos fab kev kho mob): kev saib xyuas kho mob xws li cov kev tuaj ntsib kws kho mob, cov khoom siv kho mob, cuab yeej siv kho mob uas kav ntev, thiab cov kev pab cuam rau fab kev tiv thaiv kab mob.
  • Ntu C (kuj hu tias yog Medicare Advantage Plans): yuav muaj yam uas tau txais kev duav roos nyob hauv cov ntu A thiab B. Ntau yam ntawm cov phiaj xwm no kuj muaj kev duav roos tshuaj hauv daim ntawv kws kho mob sau yuav thiab lwm cov txiaj ntsig uas tsis tau txais los ntawm ntu A thiab B xws li kev kuaj qhov muag, cov khoom pab kom hnov lus, thiab kev saib xyuas kho hniav.
  • Ntu D duav roos cov tshuaj raws kev sau ntawv yuav. Yog tias koj tau txais original Medicare (cov ntu A thiab B) ces koj yuav tsum tau xaiv thiab tso npe rau hauv Medicare txoj phiaj xwm tshuaj ntiag tug ib txoj kheej xwb.

d. DME rau Kev Muaj Cai Tau Kev Pab Ob Hom

Yog tias koj muaj tag nrho Medi-Cal thiab Medicare, koj tau txais kev txiav txim siab tias yog tus tswv cuab ntawm "kev muaj cai tau kev pab ob hom" los sis "Medi-Medi. "Hauv California lub khoos kas pib CalAIM, lub xeev siv zog los ua kom nws siv tau yooj yim zog rau cov kev muaj cai tau txais kev pab ob hom kom nkag cuag tau rau DME.5 Tus txheej txheem rau kev tau txais koj li cuab yeej siv kho mob uas kav ntev yuav muaj qhov sib txawv nce raws li seb koj tau txais kev tso npe rau hauv Medicare Medi-Cal txoj phiaj xwm sib txuam ua ke (MMPs, Medi-Medi Plans, los sis D-SNPs) los tsis yog los sis seb koj puas tau txais koj li Medicare sib cais los ntawm Medi-Cal. Yog tias koj nyob rau hauv MMP, Medi-Medi txoj phiaj xwm, los sis D-SNP, koj txoj phiaj xwm tsim nyog ua hauj lwm ua ke nrog kev thov rau DME los ntawm tag nrho koj li Medi-Cal thiab Medicare.6

i. Cov Phiaj Xwm Kev Xav Tau Tshwj Xeeb Uas Muaj Cai Tsim Nyog Tau Ob Yam (D-SNPs)

Cov Phiaj Xwm Kev Xav Tau Tshwj Xeeb Uas Muaj Cai Tsim Nyog Tau Ob Yam, los sis "D-SNPs," yog ib hom ntawm Medicare Advantage txoj phiaj xwm uas muab kev saib xyuas tshwj xeeb, sib txuam ua ke rau cov neeg muaj cai tau txais kev pab ob hom. Muaj cov hom D-SNPs sib txawv hauv California, thiab lawv sib txawv raws cheeb tsam nroog. Yog tias koj tsis paub meej seb tam sim no koj puas tau txais kev tso npe rau hauv D-SNP, los sis muaj cai tau kev pab rau ib qho twg, koj yuav tsum hu rau koj li Medi-Cal txoj phiaj xwm los sis Medicare thiab Medi-Cal Lub Khoos Kas Ombudsperson (MMOP) ntawm: 1-855-501-3077.

Tsoom fwv tsab kev cai lij choj tseev kom muaj D-SNPs los ua hauj lwm ke txog Medi-Cal cov txiaj ntsig kev pab thiab cov kev pab cuam ua ke nrog koj li Medicare txoj phiaj xwm, suav nrog kev saib xyuas kho mob uas muaj kev tswj hwm los sis fee for service cov txiaj ntsig kev pab.7 D-SNPs kuj yuav tsum tau pab nrog cov ntawv lus tsis txaus siab thiab cov kev thov kom rov txiav txim dua, kev ntsuas xyuas txog cov kev xav tau txog vaj tse nyob, zaub mov, kev thauj mus los, thiab lwm hom ntawm kev pab.

ii. Cov Cai Yuav Tsum Tau Muaj Ntawm Charpentier

Medicare yog tus neeg them nyiaj xub thawj rau cov neeg uas muaj cai tau kev pab ob hom, thiab feem ntau yeej them ua ntej Medi-Cal tas li.8 Li cas los xij, muaj cov cai tshwj xeeb rau cov neeg muaj cai tau kev pab ob hom nrhiav DME vim tias rooj plaub hauv tsev hais plaub hu ua Charpentier v. Belshe.9 Yog tias koj muaj Medi-Cal thiab Medicare thiab xav tau DME, koj li Medi-Cal txoj phiaj xwm yuav tsum lis daim ntawv thov kev tso cai hauv tus yam ntxwv zoo tib yam li Medi-Cal tus neeg mob nkaus xwb, tsis hais txawm tias yuav yog Medicare los xij (los sis lwm yam kev duav roos kev noj qab haus huv) tau tso cai muab cov cuab yeej los sis tau txais daim ntawv sau nqi lawm los xij. Hais ua lwm yam, koj li Medi-Cal txoj phiaj xwm yuav tsum tsis txhob kom koj los nrhaiv kev duav roos los ntawm Medicare ua ntej los sis ua kev tso cai muab DME qeeb kom txog thaum Medicare tso cai los sis tsis pom zoo muab cov cuab yeej.10

II.Txoj hau kev kom tau txais DME: Kev Tso Cai Ua Ntej thiab Qhov Tsim Nyog Rau Fab Kev Kho Mob

a. Medi-Cal Li Kev Tso Cai Ua Ntej

Txhawm rau kom tau DME hauv Medi-Cal, koj tus kws kho mob xub thawj yuav tsum xa koj mus rau kev ntsuas xyuas los ntawm tus kws muab kev pab cuam cuab yeej DME. Thaum koj tau kev ntsuas xyuas lawm, tus kws muab kev pab cuam cuab yeej DME yuav tsum xa daim ntawv thov mus rau koj txoj phiaj xwm kev noj qab haus huv. Yog tias koj tsis nyob hauv txoj phiaj xwm kev saib xyuas kho mob uas muaj kev tswj hwm, tus kws muab kev pab cuam cuab yeej DME yuav tsum xa Daim Ntawv Thov Kev Tso Cai Txog Kev Kho Mob, los sis "TAR," mus rau Lub Thawj Fab Saib Xyuas Hauj Lwm txog Cov Kev Pab Cuam Rau Kev Saib Xyuas Kho Mob Fab Kev Noj Qab Haus Huv.

Medi-Cal Managed Care txoj phiaj xwm kev noj qab haus huv cov txheej txheem "kev tso cai ua ntej" yuav muaj qhov sib txawv. Koj tuaj yeem thov ib daim ntawv theej ntawm koj li MCP cov txheej txhem "kev tso cai ua ntej" ncaj qha los ntawm koj txoj phiaj xwm kev noj qab haus huv. Txhawm rau kom tau txais kev pom zoo txog "kev tso cai ua ntej", koj tus kws muab kev saib xyuas kho mob yuav tau ua kom tiav Daim Ntawv Thov Kev Tso Cai Kho Mob (TAR) thiab xa nws mus rau koj li MCP (los sis ncaj qha mus rau Medi-Cal yog tias koj tsis tso npe rau hauv MCP) ua ke nrog cov ntaub ntawv kho mob suav muaj tsab ntawv los ntawm cov kws muab kev saib xyuas kho mob rau fab kev noj qab haus huv uas piav qhia tias vim li cas DME thiaj li "tsim nyog rau fab kev kho mob" rau koj.

b. Medi-Cal “Qhov Tsim Nyog Rau Fab Kev Kho Mob”

Medi-Cal yuav them rau cuab yeej DME nkaus xwb yog tias nws "tsim nyog rau fab kev kho mob."“Tsim nyog rau fab kev kho mob” cuab yeej DME yuav tsum yog, “muaj laj thawj thiab tsim nyog los pov thaiv lub neej txoj sia, los tiv thaiv kev mob nkeeg tseem ceeb los sis kev xiam oob qhab tseem ceeb, los sis los pab txo qis kev mob hnyav.”11 Qhov no yuav muaj kev duav roos rau cov zwj ceeb mob uas "ua rau mob hnyav, muaj kev phom sij rau lub neej txoj sia, ua rau muaj kev mob nkeeg los sis ua rau mob tsis muaj zog, cuam tshuam rau lub peev xwm rau kev ua tej dej num li ib txwm suav nrog kev ua hauj lwm, los sis rau cov zwj ceeb mob uas yuav ua rau muaj kev puas tes puas taw qee yam tseem ceeb.”12

Kev tso cai muab cuab yeej DME kuj raug txwv rau ntawm yam khoom uas muaj tus nqi qis tshaj plaws uas siv tau raws li koj cov kev xav tau.13

Dhau ntawd tus qauv cai feem dav no lawm, Medi-Cal muaj cov qauv cai kev tsim nyog rau fab kev kho mob tshwj xeeb rau cov neeg uas muaj hnub nyoog qis dua 21 xyoos. Hauv lub khoos kas Kev Kuaj Ntsuas Mob Thaum Ntxov thiab Ua Ntu Zus, Kev Kuaj Mob thiab Kev Kho Mob (EPSDT), cov neeg uas muaj hnub nyoog qis dua 21 xyoos muaj cai tau txais kev saib xyuas txog kev noj qab haus huv uas tsim nyog yog tias nws pab kho los sis tsim kom cov mob thiab cov kev mob nkeeg rau lub cev thiab fab siab ntsws zoo tuaj thiab cov zwj ceeb mob uas tau nrhiav pom los ntawm kev kuaj ntsuas mob zoo tuaj.14 Yog xav paub ntau ntxiv hais txog EPSDT, mus saib hauv: https://www.medicaid.gov/medicaid/benefits/early-and-periodic-screening-diagnostic-and-treatment/index.html.15

c. Medicare Kev Tso Cai Ua Ntej

Txhawm rau kom tau txais cuab yeej DME hauv Medicare, thawj kauj ruam yog mus tham nrog koj tus kws kho mob kom thov sau ntawv yuav tshuaj rau cov cuab yeej siv kho mob uas kav ntev uas koj xav tau. Yog tias koj tso npe rau hauv Medicare Advantage txoj phiaj xwm, koj tus kws kho mob los sis koj txoj phiaj xwm yuav muab daim ntawv xa mus rau lub chaw muab khoom siv rau koj kom koj thiaj li tuaj yeem siv kom tau koj daim ntawv sau yuav cuab yeej DME tau.

Yog tias koj tso npe rau hauv Original Medicare, koj yuav tsum tau siv Medicare cov chaw muab khoom siv uas tau txais kev pom zoo. Koj tuaj yeem nrhiav Medicare lub chaw muab khoom siv uas tau txais kev pom zoo hauv oos lais (online), ntawm: https://www.medicare.gov/medical-equipment-suppliers/?redirect=true.

d. Medicare Qhov Kev Tsim Nyog Rau Fab Kev Kho Mob

Medicare tsuas yuav them rau qhov cuab yeej siv kho mob uas kav ntev uas "tsim nyog rau fab kev kho mob”nkaus xwb.16 Medicare hais tias "qhov tsim nyog rau fab kev kho mob" yog cov kev pab cuam los sis cov khoom siv saib xyuas kev noj qab haus huv uas muaj laj thawj thiab tsim nyog uas yuav tsum tau muaj los kuaj mob los sis kho kev mob nkeeg, kev raug mob, tus zwj ceeb mob, tus kab mob, los sis lawv cov tsos mob thiab qhov ntawd ua tau raws li cov qauv cai uas lees txais tau ntawm hom tshuaj.17 Qhov no txhais tau hais tias feem ntau lawm, Medicare yuav them rau cuab yeej siv kho mob uas kav ntev uas yog:

  • Sau yuav los ntawm koj tus kws kho mob,
  • Tuaj yeem muab siv tau hauv koj tsev,
  • Kav ntev (tuaj yeem siv tau tas li uas kav ntev),
  • Muab siv rau qhov laj thawj fab kev kho mob, thiab
  • Cia siab tias yuav siv tau ntev txog 3 xyoos.18

e. Kev Tso Cai Ua Ntej Txog Kev Muaj Cai Tau Txais Kev Pab Ob Hom (Charpentier)

Yog tias koj muaj cai tau txais kev pab ob hom, tus txheej txheem rau kev tau txais cuab yeej DME yeej zoo ib yam li tus txheej txheem uas tau piav qhia saum toj no rau Medi-Cal. Lub chaw muab cuab yeej DME yuav xa daim TRA mus rau DHCS los sis daim ntawv thov kev tso cai ua ntej mus rau MCP. DHCS los sis MCP yuav tshuaj xyuas daim ntawv TAR txog qhov tsim nyog rau fab kev kho mob thiab qhia paub meej txog Medi-Cal qhov kev tsim nyog tau kev pab thiab xa Qhov Lus Teb Txog Kev Txiav Txim Raws Cai Lij Choj (AR) mus rau lub chaw muab cuab yeej DME. DHCS los sis MCP tsim nyog los lis daim ntawv thov rau kev tso cai ua ntej tsis hais txawm tias yuav yog Medicare tau tso cau muab qhov cuab yeej los sis tau txais daim ntawv sai nqi lawm los xij. Yog tias daim ntawv TAR los sis kev tso cai ua ntej tau txais kev pom zoo lawm, lub chaw muab cuab yeej DME yuav xaj yuav thiab xa qhov cuab yeej tuaj. Lub chaw muab cuab yeej DME yuav xa ntawv sau nqi mus rau Medicare ua ntej, ces Medi-Cal rau cov nqi twg uas Medicare tsis duav roos.19

III.Cov Kev Tsis Pom Zoo thiab Cov Kev Thov Kom Rov Txiav Txim Dua

a. Medi-Cal Cov Kev Thov Kom Rov Txiav Txim Dua thiab Cov Kev Tsis Zoo Siab

Yog xav paub txog Medi-Cal Cov Kev Thov Kom Rov Txiav Txim Dua thiab Cov Kev Tsis Zoo Siab, thov saib hauv Daim Ntawv Luam Tawm Ntawm DRC: “Medi-Cal Managed Care: Cov Kev Thov Kom Rov Txiav Txim Dua thiab Cov Kev Tsis Zoo Siab," ntawm: https://www.disabilityrightsca.org/publications/medi-cal-managed-care-appeals-and-grievances.

b. Medicare Cov Kev Thov Kom Rov Txiav Txim Dua thiab Cov Kev Tsis Zoo Siab

Medicare tus txheej txheem kev thov kom rov txiav txim dua yuav sib txawv nce rarws li seb koj puas nyob hauv original Medicare los sis Medicare Advantage txoj phiaj xwm tuav pov hwm xwb.

Yog tias koj muaj original Medicare, koj li kev thov kom rov txiav txim dua yuav mus rau Medicare Tus Neeg Cog Lus Ua Hauj Lwm Ua Ke Fab Kev Tuav Tswj. Yog xav paub ntau ntxiv, mus saib hauv: https://www.cms.gov/medicare/appeals-grievances/fee-for-service/first-level-appeal-redetermination-medicare-contractor or hu rau 1-800-MEDICARE.

Yog tias koj muaj Medicare Advantage txoj phiaj xwm, koj li kev thov kom rov txiav txim dua yuav pib tam li yog "Kev Txiav Txim Siab Fab Koom Haum. "Yog xav paub ntau ntxiv, mus saib hauv: https://www.cms.gov/medicare/appeals-grievances/managed-care/organization-determinations or hu rau 1-800-MEDICARE.

Yog xav paub ntau ntxiv hais txog Medicare cov lus tsis txaus siab thiab cov kev thov kom rov txiav txim dua koj tuaj yeem mus saib tau hauv Medicare lub vev xaib ntawm: https://www.medicare.gov/claims-appeals/file-a-complaint-grievance/complaints-about-durable-medical-equipment-dme.  

Koj kuj tuaj yeem tiv tauj Kev Sab Laj Pab Tswv Yim thiab Kev Txhawb Nqa Txog Kev Tuav Pov Hwm Kev Noj Qab Haus Huv (HICAP) tau ntawm: https://cahealthadvocates.org/hicap/ los sis 1-800-434-0222.

c. D-SNP Cov Kev Thov Kom Rov Txiav Txim thiab Cov Kev Tsis Zoo Siab

Yog tias koj tso npe rau hauv Cov Phiaj Xwm Kev Xav Tau Tshwj Xeeb Uas Muaj Cai Tsim Nyog Tau Ob Yam, los sis "D-SNP," uas yog "Txoj Phiaj Xwm Kev Sib Txuam Ua Ke Uas Siv Tau" los sis "AIP," koj muaj cai rau tus txheej txheem kev thov kom rov txiav txim dua txhij txhua tau ntawm theem phiaj xwm kev npaj tuav pov hwm. Qhov no txhais tau tias koj txoj phiaj xwm D-SNP yuav tshuaj xyuas koj daim ntawv thov los ntawm kev siv tag nrho Medi-Cal thiab Medicare tus qauv cai thiab xa ib tsab ntawv ceeb toom tuaj rau koj uas yuav piav qhia txog cov laj thawj txog kev tsis pom zoo twg. D-SNP yuav saib xyuas kev txiav txim siab xub thawj thiab thawj theem ntawm kev thov kom rov txiav txim dua; cov kev thov kom rov txiav txim dua theem siab zog twg tsis tau txais kev muab sib txuam rau, thiab koj yuav tau ua raws li cov kauj ruam uas teev qhia saum toj no.

Yog tias koj tsis paub meej seb koj txoj phiaj xwm D-SNP puas yog AIP, koj tuaj yeem mus saib rau ntawm daim ntawv teev qhia no20 thiab/los sis hu rau Lub Khoos Kas Medicare and Medi-Cal Ombudsperson Program (MMOP) ntawm: 1-855-501-3077.

IV. Cov Kev Kho thiab Cov Kev Hloov Pauv Cuab Yeej DME

Yog tias DME xav tau kev kho los sis kev hloov pauv, koj yuav tau tiv tauj mus rau lub chaw muab khoom uas tau muab qhov cuab yeej no. Yog tias lub chaw muab khoom tsis teb los sis ua kev lis hauj lwm qeeb, koj muaj qee cov cai thiab.

Yog tias Medi-Cal yog tus muab qhov cuab yeej DME, koj tuaj yeem tiv tauj koj lub MCP thiab sau daim ntawv lus tsis txaus siab. Koj kuj tuaj yeem tiv tauj Medi-Cal Managed Care Ombudsman los ntawm kev hu rau 1-888-452-8609 los sis Lub Thawj Fab Saib Xyuas Hauj Lwm Uas Tswj Xyuas Txog Kev Saib Xyuas Kho Mob Rau Fab Kev Noj Qab Haus Huv ntawm 1-888-466-2219.

Yog tias koj li cuab yeej DME tau txais los ntawm Medicare, koj tuaj yeem tiv tauj 1-800-MEDICARE tau. Rau Original Medicare, yog tias lub chaw muab khoom yog tus neeg cog lus ua hauj lwm ua ke txog kev sib tw yuav khoom, koj tuaj yeem sau koj daim ntawv lus tsis txaus siab nrog Tus Neeg Pab Hais Daws Teeb Meem Nrhiav Kev Ncaj Ncees Txov Kev Tau Los Uas Muaj Kev Sib Tw (CAO).21 Yog tias koj muaj Medicare Advantage txoj phiaj xwm, ces tiv tauj txoj phiaj xwm, thiab thov sau ntawv lus tsis txaus siab.

V. Cov Chaw Muab Kev Pab Cuam

Yog tias koj muaj lus nug los sis cov kev txhawj xeeb hais txog koj cov cai fab kev cai lij choj:

  • Hu rau DRC tus xov tooj muab ntaub ntawv tau ntawm: 1-800-776-5746

Yog tias koj muaj lus nug los sis cov kev txhawj xeeb hais txog kev ua ib tug neeg uas muaj cai tau txais kev pab ob hom:

  • Hu rau Lub Khoos Kas Medicare and Medi-Cal Ombudsperson Program (MMOP) ntawm: 1-855-501-3077

Yog tias koj muaj lus nug los si cov kev txhawj xeeb hais txog koj li Medi-Cal txoj phiaj xwm saib xyuas kho mob uas muaj kev tswj hwm:

  • Hu rau Lub Khoos Kas Medi-Cal Managed Care Ombudsperson ntawm: 1-888-452-8609

Yog tias koj muaj lus nug los sis cov kev txhawj xeeb hais txog koj li Medicare cov txiaj ntsig kev pab:

  • Hu rau Lub Khoos Kas Kev Sab Laj Pab Tswv Yim thiab Kev Txhawb Nqa Txog Kev Tuav Pov Hwm Kev Noj Qab Haus Huv (HICAP) ntawm: 1-800-434-0222