Tinutugunan ng publikasyong ito ang karaniwang mga tanong sa komunidad tungkol sa dalawang bagong batas sa kalusugan ng isip sa California: ang Senate Bill 43 (May Malubhang Kapansanan) at ang Korte para sa Tulong, Pagbawi, at Pagpapalakas ng Komunidad (CARE, Community Assistance, Recovery and Empowerment). Ang pagpapatupad ng parehong batas ay nagpapatuloy at nag-iiba ayon sa county. Ang publikasyong ito ay huling binago noong 1/6/26 at hindi naglalaman ng impormasyon tungkol sa karagdagang kamakailang pag-unlad.

Kung kailangan mo ng tulong sa iyong partikular na sitwasyon, tumawag sa linya ng pagtanggap ng Itinalagang Responsableng Tagapangalaga ng Kalusugan (DRC, Designated Responsible Clinician) sa: (800) 776-5746.

Senate Bill 43 (2023)

Ano ang Senate Bill 43?

Ang Panukalang Batas ng Senado (SB, Senate Bill) Blg. 43 ay kamakailang pinirmahan ng Gobernador noong 2023 at pinapalawig ang kahulugan ng “May Malubhang Kapansanan.” Ang May Malubhang Kapansanan ay isa sa mga pamantayang ginagamit upang ilagay ang mga pasyenteng may mga kapansanan sa hindi boluntaryong kustodiya. Ang hindi boluntaryong kustodiya ay nangangahulugang maaari kang ilagay sa kustodiya laban sa iyong kagustuhan.

Binabago ng SB 43 ang kahulugan ng May Malubhang Kapansanan sa dalawang paraan:

1. Idinaragdag ang malubhang karamdaman sa paggamit ng sangkap bilang isang dahilan para mailagay ang isang tao sa hindi boluntaryong kustodiya.
2. Idinaragdag ang kawalan ng kakayanang maglaan para sa sariling personal na kaligtasan, o para sa kinakailangang medikal na pangangalaga bilang mga dahilan para mailagay ang isang tao sa hindi boluntaryong kustodiya.

Nagkabisa ang SB 43 noong Enero 1, 2024, maliban sa mga county na pumiling ipagpaliban ang pagpapatupad nang isa o dalawang taon. Hinihingi sa lahat ng county na ipatupad ang SB 43 pagsapit ng Enero 1, 2026.

 

Ano ang “May Malubhang Kapansanan”?

Ang Lumang Kahulugan:

Lumang Kahulugan:

Bagong Kahulugan (SB 43):

Ang kondisyon kung saan ang isang tao, bilang resulta ng karamdaman sa kalusugan ng isip, ay hindi kayang matugunan ang kanyang pangunahing personal na mga pangangailangan para sa pagkain, damit, o tirahan.

Ang kondisyon kung saan ang isang tao, bilang resulta ng karamdaman sa kalusugan ng isip, malubhang karamdaman sa paggamit ng sangkap, o magkasamang nagaganap na karamdaman sa kalusugan ng isip at malubhang karamdaman sa paggamit ng sangkap ay hindi makatugon sa mga pangunahing personal na pangangailangan para sa pagkain, damit, tirahan, personal na kaligtasan, o kinakailangang medikal na pangangalaga.1

Mga depinisyon ng mga bagong termino sa “May Malubhang Kapansanan.” ayon sa batas:

Termino	Kahulugan
Malubhang Karamdaman sa Paggamit ng Sangkap	Ang nasuring karamdamang kaugnay ng sangkap na tumutugon sa mga pamantayan sa diyagnosis ng ‘malubha’ ayon sa itinukoy sa pinakabagong bersyon ng Manwal sa Diyagnosis at Estadistika ng mga Karamdaman sa Isip (DSM, Diagnostic and Statistical Manual). Tinutukoy ng DSM ang “malubha” bilang tumutugon sa 6 o higit pa sa 11 kriterya ng karamdaman: Paggamit sa higit na mga dami o sa mahabang panahon kaysa sa intensyon. Hindi matagumpay na mga pagsusumikap para magbawas o huminto. Maraming oras na ginugol sa pagkuha, paggamit, pagkalulong, at o pagpapapagaling mula sa mga epekto.  Pagnanais o Matinding kagustuhan/udyok na gumamit ng sangkap. Hindi makagawa ng pangunahing mga obligasyon. Patuloy na paggamit sa gitna ng mga problema sa pakikipag-ugnayan sa iba/pakikitungo sa iba. Mga gawain/libangang nabawasan o inihinto. Paulit-ulit na paggamit sa mga sitwasyong maaaring makasama sa katawan. Paulit-ulit na paggamit sa gitna ng mga problemang pisikal o sikolohikal dulot ng o pinalala ng paggamit. Pagtaas ng resistensiya ng katawan (tolerance). Pagtigil (withdrawal).
Personal na Kaligtasan	Ang kakayanan ng isang taong mabuhay nang ligtas sa komunidad nang walang boluntaryong detensyon o paggamot.
Kinakailangang Medikal na Pangangalaga	Ang pangangalagang tinutukoy ng lisensyadong practitioner sa pangangalagang pangkalusugan, habang nangangasiwa sa loob ng saklaw ng kanyang kasanayan, na kinakailangan upang maiwasan ang malubhang paglala ng kasalukuyang medikal na kondisyon ng katawan na, kung hindi magagamot, ay malamang na magdulot ng malubhang pinsala sa katawan.

Ano ba talaga ang ibig sabihin nito?

Puwedeng ilagay ng opisyal ng kapulisan o ng itinalaga ng county ang isang tao sa hindi boluntaryong kustodiya kapag natukoy nilang ang tao ay: 

1. May sakit sa kalusugan ng isip o malubhang karamdaman sa paggamit ng sangkap; at
2. Hindi makatugon sa kanilang pangunahing personal na pangangailangan sa pagkain, damit, tirahan, personal na kaligtasan, o kinakailangang pangangalaga sa kalusugan. 

Maaaring ikonsiderang may malubhang kapansanan ang isang tao, kung, dulot ng kapansanan sa kalusugan ng isip o malubhang karamdamdam sa paggamit ng sangkap, sila ay:

• Hindi kumakain nang sapat para mabuhay,
• Walang permanenteng matirhan, 
• Tumatanggi sa inalok na medikal na pangangalaga para sa seryosong pinsala.

Hindi ito naaangkop kung ang tao ay walang karamdaman sa kalusugan ng isip o malubhang karamdaman sa paggamit ng sangkap. 

Kapag nailagay ka sa hindi boluntaryong kustodiya sa ilalim ng “May Malubhang Kapansanan”, puwede kang ilagay sa conservatorship kinalaunan.

 

Ano ang 5150?

Ang 5150 ay ang seksyon sa kodigo ng batas ng estado na nagpapahintulot sa taong malagay sa hindi boluntaryong kustodiya sa pasilidad na itinalaga ng Lanterman Petris Short (LPS) (hal., ospital, sentrong medikal, o pasilidad para sa kalusugan) nang hanggang 72 oras (3 araw).2

Puwedeng mailagay ang isang tao sa 5150 kapag natutugunan nila ang isa sa tatlong kriterya: 

1. Panganib sa sarili
2. Panganib sa iba
3. May malubhang kapansanan

Ang 5150 ay maaaring ma-trigger ng alinman sa pulis o ibang opisyal ng kapayapaan o ng taong inaprubahan ng kagawaran sa kalusugan ng pag-uugali sa county.

Sa ilalim ng 5150, maaaring pansamantalang isailalim sa kustodiya ang tao ng tagapagpatupad ng batas, ambulansya, o ibang awtorisadong tao, at ilipat sa isang pasilidad para sa layunin ng pagtatasa at pagsusuri sa kalusugan ng isip.

Hindi kriminal na pag-aresto ang 5150, at walang karapatan para sa pandinig sa loob ng ospital.

Hindi inaawtorisa ng mga 5150 ang hindi boluntaryong medikasyon o medikal na paggamot.3

Sa panahon ng kustodiyang ito, susuriin ka ng ospital upang tukuyin ang susunod na mga hakbang. Hindi ka nila kailangang panatilihin sa ospital nang buong 72 oras kung sa paniniwala nila ay hindi mo kailangang manatili roon.4

Ano ang mangyayari matapos ang 72 oras na 5150 na kustodiya?

Kapag nagtapos ang 72 oras, maaari kang:

• Pauwiin mula sa 5150 na kustodiya at sa ospital,
• Ipasok bilang boluntaryong pasyente para sa patuloy na paggamot, o
• Patuloy na ilagay sa hindi boluntaryong kustodiya sa ilalim ng ibang uri ng kustodiya.

Para sa karagdagang impormasyon tungkol sa Batas sa LPS, tingnan ang aming mas mahabang publikasyon dito: Pag-unawa sa Batas na Lanterman-Petris-Short (LPS)

Saan ilalagay sa kustodiya ang mga tao sa ilalim ng SB 43?

Hindi babaguhin ng SB 43 kung saan ilalagay sa kustodiya ang mga indibidwal para sa paggamot sa kalusugan ng isip. Gayunpaman, pinapalawig ng SB 43 ang kahulugan ng May Malubhang Kapansanan upang isama ang malubhang karamdaman sa paggamit ng sangkap.

Batas sa CARE (CARE Court)

Ano ang CARE Court?

Ang CARE Court ay isang batas ng estado na pinagtibay ng SB 1338 (2022). Hinihingi sa lahat ng county na ipatupad ang Care Court simula sa Disyembre 1, 2024.

Sino ang kwalipikado para sa CARE Court?

Hindi naaangkop ang CARE Court sa lahat ng kapansanan sa kalusugan ng isip. Partikular, kailangan ang tao ay may alinman sa karamdamang nauugnay sa schizophrenia spectrum, karamdamang bipolar I na may mga feature ng psychosis, o iba pang karamdamang may psychosis para magkwalipika.5

Mga Diyagnosis na Kwalipikado

Diagnoses That Do Not Qualify

Mga Karamdaman sa Schizophrenia Spectrum: Schizophrenia Karamdamang Schizoaffective Karamdamang Schizophreniform Iba Pang Tinukoy na Schizophrenia Spectrum at Iba Pang Karamdamang may Psychosis Hindi Tinukoy na Schizophrenia Spectrum at Iba Pang Karamdamang may Psychosis Karamdamang Bipolar na May Feature ng Psychosis Iba Pang Karamdamang may Psychosis kabilang ang: Karamdamang may Maikling Insidente ng Psychosis Karamdamang Kinasasangkutan ng Delusyon Karamdamang Schizotypal na Personalidad Karamdamang may Psychosis na Inudyok ng Gamot sa Sangkap Catatonia na Nauugnay sa Iba Pang Karamdaman sa Isip Hindi Tinukoy na Catatonia

Karamdamang may Psychosis na Sanhi ng Pangkalahatang Medikal na Kondisyon Catatonia na Nauugnay sa Iba Pang Medikal na Kondisyon Pangunahing Depresyon na May Kasamang mga Katangian ng Psychosis Karamdamang Bipolar 2 na May Kasamang mga Katangian ng Psychosis Iba pang Karamdamang Nauugnay sa Sangkap na hindi nakalista, kasama ang psychosis na dahil sa kasalukuyang pagkalulong Pinsala sa utak sanhi ng trauma Autism Dementia Neurologic na mga kondisyon

Hindi kailangang wala kang tirahan para magkwalipika. Ang isang tao ay dapat 18 taong gulang o mas matanda para magkwalipika.

Sino ang maaaring magsampa ng petisyon sa ilalim ng CARE Court?6

Ang petisyon sa Batas sa CARE ay nagsisimula sa tugong inuutos ng korte. Ang petisyon ay maaaring isampa ng:

• Ilang miyembro ng pamilya kabilang ang asawa, anak, magulang, kapatid, o lolo’t lola
• Mga kasama sa silid
• Mga naunang rumespondeng nagkaroon ng paulit-ulit na interaksyon sa respondente, kabilang ang pulis, mga Medikal na Teknisyan para sa Emergency (EMT, Emergency Medical Technician), paramedic, bombero, o tagaresponde sa krisis sa komunidad
• And direktor ng ahensya sa kalusugan ng pag-uugali sa county kung saan nakatira ang respondente
• Ang direktor ng mga serbisyong pomoprotekta ng nasa hustong gulang sa county kung saan nakatira ang respondente
• Ang patnugot ng isang pampubliko o nonprofit na organisasyon na nagbibigay sa tao ng mga serbisyo sa kalusugan ng pag-uugali
• Direktor ng ospital sa ospital kung saan na-admit ang tao
• Provider sa kalusugan ng pag-uugali na nangasiwa ng paggamot o nagbigay ng paggamot sa indibidwal
• Pampublikong tagapag-alaga o pampublikong conservator ng county kung saan dumalo ang respondente o makatwirang pinaniniwalaang dumalo
• Ang direktor ng programa sa mga serbisyo sa kalusugan ng mga Indian sa California o kagawaran sa kalusugan ng pag-uugali para sa mga tribo sa California
• Ang huwis ng korte ng tribong matatagpuan sa California

Sino-sino ang mga nasa CARE Court7: 

• Respondente / Kalahok: Ang indibidwal na dumadaan sa proseso ng CARE.
• Boluntaryong Tagasuporta: Isang nasa hustong gulang na pinili ng respondenteng magbibigay ng suporta sa kabuuan ng proseso sa CARE at itaguyod ang mga gusto, pagpipilian, at awtonomiya ng respondente. Tandaan: Hindi sinusubaybayan ng taong ito ang mga petsa sa korte.
• Petisyoner: Ang indibidwal na nagsampa ng petisyon para isaalang-alang ang respondente para sa proseso sa CARE. Kabilang sa mga halimbawa ng mga petisyoner ang miyembro ng pamilya, propesyonal sa kalusugan ng isip, unang tagaresponde, manggagawa ng outreach na walang tirahan, o kasama sa kuwarto/bahay. Pagkatapos ng unang pagdinig sa korte, papalit ang Kagawaran sa Kalusugan ng Pag-uugali ng County bilang petisyoner.
• Tagapayo sa Batas ng Respondente: Legal na Tulong / Pampublikong Tagapagtanggol: Sila ang responsable para sa pagkatawan ng mga interes at karapatan ng respondente. Sila ay itinalaga ng korte at ibinibigay anupaman ang kakayanan ng respondenteng magbayad.
• Tagapayo para sa Kalusugan ng Pag-uugali: Sila ay responsable sa pagkatawan sa kagawaran sa kalusugan ng pag-uugali sa county. Ang indibidwal na ito ay maaaring isang tagapayo ng county o ibang itinalagang abogado.
• Huwis: Ang huwis ay nagsisibli bilang walang kinikilingang tagapagpasya. Maliban kung may hindi pagkakasundo, isasagawa nila ang kaso sa hindi pormal, at hindi mapang-away na kapaligiran.
• Ahensya sa Kalusugan ng Pag-uugali sa County: Dapat na inuugnay ng mga ahensya sa kalusugan ng pag-iisip sa county at mga team nila ang mga respondente sa mga paggagamot sa kalusugan ng isip at ikonekta sila sa mga karagdagang serbisyo. Maaaring isama ng mga indibidwal ang kinontratang provider, tagapagreseta, at/o pangangalaga.
• Mga Provider ng Pabahay at Suporta sa Komunidad: Ang respondente ay maaaring ikonekta sa pabahay at provider ng suporta sa komunidad sa pamamagitan ng proseso sa CARE.

Anong mangyayari kapag sinimulan ng isang tao ang proseso ng CARE Court?

Narito ang mga hakbang matapos magsampa ang isang tao ng petisyon:

1. Kung inihain ang petisyon ng taong iba pa sa ahensya sa kalusugan ng isip sa county, uutusan ng korte ang ahensyang imbestigan kung naaabot ng respondente ang mga kriterya ng CARE.
2. Magpapasya ang huwis kung ang tao ay malamang na nakakatugon sa mga pamantayan sa CARE batay sa ulat.
3. Samantala, susubukan ng ahensya ng kalusugan ng pag-uugali ng County na iugnay ang respondente sa mga boluntaryong serbisyo at mag-ulat sa korte tungkol sa kahihinatnan ng mga pagsusumikap na ito. 
4. Kapag nagdesisyon ang huwis na malamang na naaabot ng tao ang mga kriterya sa CARE, itatakda nila ang inisyal na pagdalo sa korte (14 na araw) at magtatalaga ng abogado para katawanin ang respondente. May opsyon din ang respondenteng pumili ng boluntaryong tagasuporta rito.
5. Sa unang pagdalo sa korte, kapag inihain ang petisyon ng taong iba pa sa ahensya ng kalusugan sa pag-uugali ng county, papalitan ang orihinal na petisyoner at magiging petisyoner na ang direktor ng ahensya ng kalusugan sa pag-uugali ng county. Puwedeng kasama sa unang pagdalo sa korte ang pandinig sa mga merit, o maaaring hiwalay ang pandinig.8
6. Sa pandinig sa mga merit, puwedeng magdesisyon ang huwis kung nagkwawalipika ang tao sa ilalim ng mga kriteryon ng CARE. Matapos ang pagdinig sa mga merit, itatakda ng korte ang pagdinig sa pangangasiwa ng kaso (14 na araw).
7. Ang paksa ng pagdinig sa pangangasiwa ng kaso ay kung may “Kasunduan sa CARE.”

   1. Kung ang tao, ang kanilang abogado, at ang korte ay sasang-ayon sa kasunduan sa CARE, magtatakda sila ng kasunod na pagdinig sa 60 araw. Maaari ding gumawa ng mga pagbabago ang korte sa kasunduan sa CARE bago ito aprubahan.

   2. Kung ang tao, ang 15550kanilang abogado, at ang huwis ay hindi sasang-ayon sa kasunduan sa CARE, mag-uutos ang korte ng isa pang klinikal na pagsusuri.

8. Magsasagawa ang ahensya sa kalusugan ng pag-uugali sa county ng isa pang pagsusuri upang bumuo ng mga rekomendasyon para sa Plano sa CARE.
9. Sa loob ng 21 araw, magkakaroon ng pagdinig sa klinikal na pagsusuri,
   1.  Nag-uulat ang ahensya sa korte sa klinikal na diyagnosis ng respondente, may legal man silang kapasidad para magbigay ng may kabatirang pahintulot kaugnay ng psychotropic na mga gamot, at anumang dagdag na impormasyon at mga mungkahi para sa mga serbisyo at suporta.
   2. Susuriin ng korte ang dagdag na ebidensya, na maaaring maglaman ng mga pahayag mula sa mga saksi.
   3. Maaaring utusan ng korte ang respondente, ang abogado nila, ang boluntaryong tagasuporta, at ang ahensya ng kalusugan ng pag-uugali na makipagtulungan para madebelop ang plano sa CARE.
10. Magsusumite ang mga partido ng pinagsamang panukala o magkahiwalay na mga panukala para sa Plano sa CARE.
    1. Naglalahad ang ahensya sa kalusugan ng pag-uugali sa county ng Plano sa CARE.9
    2. Saka magtatakda ang korte ng iba pang pandinig para suriin ang Plano sa Care sa loob ng 14 na araw.
11. Pagdinig sa pagsusuri ng Plano sa CARE: Sa susunod na pagdinig na ito, maaaring aprubahan ng huwis ang Plano sa CARE. Sisimulan nito ang umpisa ng isang taong proseso sa CARE.
    1. Bilang bahagi ng pagdinig sa pagsusuri ng Plano sa CARE, magpapasya ang korte kung ang tao ay may kakayanang magbigay ng may kabatirang pahintulot. Kung sa tingin ng korte’y hindi maaaring makapagbigay ng may kabatirang pahintulot ang tao, maaaring iatas ng Plano sa CARE ang medikal na kinakailangang gamot sa pagpapanatag ng kondisyon.10
    2. Para sa Plano sa CARE, ang mga pagdinig sa pagsusuri ay mangyayari kada 60 araw.

Tandaang sa pagsisimula ng isang taong proseso sa CARE, nakatanggap ang indibidwal ng dalawang klinikal na pagsusuri at humarap sa korte nang kahit man lang apat na beses.11

Ano ang pagkakaiba sa pagitan ng Kasunduan sa CARE at Plano sa CARE?

Ang Kasunduan sa CARE ay pinapasok ng indibidwal, kagawaran sa kalusugan ng pag-uugali sa county, tagataguyod ng indibidwal, at abogado ng indibidwal. Dapat aprubado ito ng korte. Bagama’t tinatawag ng estado na boluntaryo ang Kasunduan sa CARE, ang hukom ang may awtoridad na gumawa ng mga pagbabago rito bago ito maaprubahan. Bahagi ng daan sa Kasunduan sa CARE ang pag-follow up kada 60 araw kapag nagsimula ang kasunduan. Kasama sa pag-follow up ang karagdagang mga pagharap sa korte.

Ang Plano sa CARE ay iniutos ng korte. Hindi kailangang sumang-ayon dito ang indibidwal at kanilang abogado sa parehong paraan sa Kasunduan sa CARE.

Parehong ipinapalagay na 1 taon ang tagal at may kasamang kombinasyon ng iba’t ibang serbisyo.

Ano ang maaaring nasa Plano sa CARE?

Ang Plano sa CARE ay isang taong plano sa paggamot na iniutos ng korte. Maaaring kasama sa plano sa paggamot na ito ang iniutos ng korte na mga gamot sa pagpapapanatag sa kondisyon. Depende sa county at sa pagkakaroon ng mga serbisyo, maaaring available ang ibang serbisyo tulad ng pagpapayo at pabahay. Maaaring iutos ng korte ang mga pagdinig sa katayuan upang subaybayan kung ang tao ay sumusunod sa Plano sa CARE.

Maaaring kasama sa plano ang pabahay at iba pang serbisyo ng suporta, bagama’t walang garantiyang maibibigay ang mga ito at nakaranas ang mga respondente ng mahabang oras ng pag-iintay para ma-access ang mga serbisyo. Mga halimbawa sa tagapagbigay ng pabahay ang permanenteng pansuportang pabahay, abot-kayang pabahay, pansamantala/transisyonal na pabahay, at Pansamantalang Pabahay para sa Kalusugan ng Pag-uugali. Ang mga halimbawa ng mga provider ng suporta sa komunidad ay maaaring mag-alok ng mga serbisyong panlipunan na pinopondohan sa pamamagitan ng Pandagdag na Panseguridad na Kita/Pandagdag na Bayad ng Estado (SSI/SSP, Supplemental Security Income/State Supplementary Payment), pinansyal na tulong para sa mga migrante, Programa ng California para sa Trabaho at Responsibilidad sa mga Bata (CalWORKs, California Work Opportunity and Responsibility to Kids), Programa sa Tulong sa Pagkain sa California (California Food Assistance Program), programa sa Mga Serbisyong Pansuporta sa Bahay (In-Home Supportive Services), at Programa ng California para sa Tulong sa Pagkain (CalFresh). 

Ano ang mga gamot sa pagpapapanatag ng kondisyon na iniutos ng korte?

Maaaring kasama sa mga gamot sa pagpapapanatag na iniutos ng korte ang kontra-psychosis na mga gamot. Ang mga ito ay hindi pareho sa hindi boluntaryong gamot dahil hindi ito maaaring sapilitang ibigay. Ngunit, kahit pa ang mga ito ay hindi maaaring sapilitang ibigay, ang kabiguang inumin ang gamot ayon sa plano ay maaaring magresulta sa karagdagang mga aksyon mula sa korte, tulad ng pag-refer sa conservatorship. Bagama’t ito ay legal na iba mula sa “hindi boluntaryong gamot,” ito ay pinipilit pa rin.

Maaaring kasama sa mga gamot ang:12 Amitriptyline-perphenazine (Duo-Vil, Etrafon, Triavil, Triptafen) Aripiprazole (Abilify) Asenapine (Saphris) Brexpiprazole (Rexulti) Cariprazine (Vraylar) Chlorpromazine (Thorazine) Clozapine (Clozaril) Fluphenazine Haloperidol (Haldol) Iloperidone (Fanapt) Loxapine Lumateperonee (Caplyta) Lurasidone (Latuda) Molindone Olanzapine (Zyprexa) Paliperidone (Invega Sustenna) Perphenazine Prochlorperazine Quetiapine (Seroquel) Risperidone (Risperdal) Thioridazine Thiothixene Trifluoperazine (Stelazine) Ziprasidone (Geodon)

Ano ang mangyayari kung hindi ako dumalo sa aking pagdinig sa CARE Court?

Ang huwis ang may pagpapasya kung paano tutugon sa taong hindi lumalahok o sumusunod sa paggamot. Pinaplano ng iba’t ibang county na pangasiwaan ito sa iba’t ibang paraan.13 Walang partikular na kahihinatnan sa kautusan ang hindi pagdalo sa kanilang unang mga paglilitis sa korte. Ang isang tao ay maaaring isailalim sa conservatorship dahil sa kabiguang sumunod sa proseso ng CARE Court sa anumang hakbang. Maaari ding magpasya ang huwis na balewalain ang mga paglilitis.

Gusto kong kumuha ng kaunting tulong mula sa aking Plano sa CARE, tulad ng pabahay, ngunit ayaw kong uminom ng gamot. Ano ang mangyayari?

Ang hindi pagsunod sa anumang bahagi ng Plano sa CARE ay nangangahulugang maaaring gumawa ang korte ng karagdagang mga aksyon tulad ng pagre-refer sa conservatorship.

Kung ang mga paglilitis sa LPS, tulad ng 5150 o conservatorship, ay mangyayari kada 6 na buwan, ituturing na mga ebidensya ang mga detalye ng hindi pagsunod sa Plano sa CARE. Gayunpaman, hindi dapat kasama sa mga ito ang impormasyon tungkol sa hindi pag-inom ng gamot.14

Ang CARE Court ba ay isang programa sa pabahay?

Hindi.

Walang pondo sa pabahay ang kasama sa pagpapatupad ng CARE Court.

Ang mga kalahok sa CARE Court ay dapat na priyoridad para sa kasalukuyang mga programa sa pantawid sa pabahay. Gayunpaman, nag-ulat ang mga respondente ng mahabang oras ng paghihintay at hindi naghahatid ang pagpasok sa proseso ng CARE Court ng indibidwal na access sa mga serbisyong hindi available sa iba pang paraan.15

Sino ang kakatawan sa akin sa aking pagdinig sa CARE Court?

Ang mga indibidwal na napapailalim sa mga paglilitis sa CARE Court ay kwalipikado sa pagkakatawan ng abogado sa lahat ng yugto.16 Nakipagkontrata ang ilang county ng mga organisasyon para sa legal na tulong upang katawanin ang mga indibidwal sa kanilang mga pagdinig sa CARE Court. Ang pampublikong tagapagtanggol ay maaaring kumatawan sa ibang county. Nag-iiba ito ayon sa county.

Kailangan ko bang sumunod sa plano sa paggamot sa CARE Court?

Kung hindi ka susunod, maaaring ipagpalagay ng korte na walang hindi mas mahigpit na alternatibo para sa iyong paggamot, at i-refer ka sa conservatorship.17

Gayunpaman, ang mga county ay may ilang pagpapasya kung paano ito haharapin. Ang hindi pagsunod ay hindi awtomatikong nangangahulugang papasok ka sa conservatorship.

Paano kung hindi naghahatid ang county mo ng mga serbisyo sa iyong Plano sa CARE o Kasunduan sa CARE? 

Kung hindi makapaghatid ang county ng mga serbisyo o suporta na hiningi para sa iyong Plano sa CARE o Kasunduan sa CARE, gagawa ang korte ng aksyon. Dapat iulat ng huwis ang hindi pagsunod sa Tagapangulong Huwis ng mataas na korte. Kung mapagtanto ng Tagapangulong Huwis , sa pamamagitan ng klaro at kapani-paniwalang ebidensya, na lubos na hindi nakasunod ang county, puwede silang magpataw ng mga multa sa county.18 Nalalagak ang mga multang ito sa pondo para sa accountability ng estado. Kung naniniwala kang hindi nasusunod ang Plano o Kasunduan sa CARE mo, banggitin ang usaping ito sa sunod na pandinig sa katayuan mo o abisuhan kaagad ang iyong abogado para matugunan ito ng korte.

Paano hahantong ang CARE Court at SB 43 sa conservatorship?

Kung napapailalim ka sa mga paglilitis sa CARE Court at mabigong sumunod sa plano sa paggamot, ipapalagay na walang hindi mas mahigpit na paggamot ang naaangkop, na mag-uudyok ng pag-refer sa conservatorship.

Pinapadali ng SB 43 na ilagay ang isang tao sa conservatorship sa pamamagitan ng pagpapalawig ng kahulugan ng May Malubhang Kapansanan. Ang pagkakaroon ng May Malubhang Kapansanan ay isa sa mga basehan para ilagay sa hindi boluntaryong kustodiya o conservatorship ang isang tao.

Paano ko hahamunin ang conservatorship sa kalusugan ng isip?

Tingnan ang aming publikasyon sa paksang ito: Handbook para sa Paghamon ng Pamamahala sa Kalusuguan ng Isip

 

• 1. Kodigo ng Kapakanan at Mga Institusyon § 5008(h)(1).
• 2. Kodigo ng Kapakanan at Mga Institusyon § 5150.
• 3. https://bhdp.sccgov.org/sites/g/files/exjcpb716/files/Documents/5150-Training-Law-Foundation-of-Silicon-Valley-2020.pdf
• 4. https://www.disabilityrightsca.org/tgl/publications/pag-unawa-sa-batas-na-lanterman-petris-short-lps
• 5. https://care-act.org/wp-content/uploads/2023/06/FACT-SHEET-CARE-Act-Eligibility-Criteria-rem.pdf
• 6. https://care-act.org/library/petitioners/
• 7. https://care-act.org/library/volunteer-supporters
• 8. https://care-act.org/wp-content/uploads/2023/10/CA-CARE-Training_Overview-of-CARE-Process-for-Supporters.pdf
• 9. https://www.chhs.ca.gov/wp-content/uploads/2022/03/CARECourt_FAQ.pdf
• 10. https://care-act.org/wp-content/uploads/2023/10/CA-CARE-Training_Overview-of-CARE-Process-for-Supporters.pdf
• 11. https://www.courts.ca.gov/documents/CARE-Act-JC-Fact-Sheet-FINAL-3.20.23.pdf
• 12. https://vimeo.com/880266961?share=copy
• 13. https://www.kcra.com/article/care-court-california-mental-health-court-gets-underway/45415500
• 14. https://care-act.org/wp-content/uploads/2023/10/CA-CARE-Training_Overview-of-CARE-Process-for-Supporters.pdf
• 15. https://www.chhs.ca.gov/wp-content/uploads/2022/03/CARECourt_FAQ.pdf; https://leginfo.legislature.ca.gov/faces/billAnalysisClient.xhtml?bill_id=202120220SB1338#
• 16. Kodigo ng Kapakanan at Mga Institusyon § 5976(c).
• 17. https://www.chhs.ca.gov/wp-content/uploads/2022/03/CARECourt_FAQ.pdf
• 18. Kodigo ng Kapakanan at Mga Institusyon § 5979.