I. សេចក្តីផ្តើម

ក្នុងឆ្នាំ 2024 កម្មវិធី​ Medi-Cal បានបន្ថែម​ដៃ​មនុស្ស​យន្តជំនួយទៅក្នុងសៀវភៅណែនាំបរិក្ខារវេជ្ជសាស្ត្រប្រើប្រាស់បានយូរ(DME, Durable Medical Equipment) របស់កម្មវិធី Medi-Cal។ នេះគឺជាការអភិវឌ្ឍដ៏គួរឱ្យរំភើបក្រៃលែងសម្រាប់ជនពិការសំខាន់ៗ ដែលបានទទួលកម្មវិធី Medi-Cal។ ដៃមនុស្សយន្តជំនួយភ្ជាប់ទៅនឹងរទេះរុញអគ្គិសនី ហើ​យ​ដំណើរការដូចដៃមនុស្ស ដែលអាចឱ្យ​មនុស្ស​មាន​ពេល​ធ្វើសកម្មភា​ពជាច្រើននៅ​ក្នុងការរស់នៅ​ប្រចាំថ្ងៃ​ដោយ​កាន់តែ​ឯករាជ្យឡើង។ បច្ចុប្បន្ន ដៃមនុស្សយន្ត Kinova Jaco 1(ដៃ Jaco) គឺជាដៃមនុស្សយន្ត​ជំនួយ​​តែមួយគត់ដែលបានចុះបញ្ជីដោយរដ្ឋបាលចំណីអាហារ និងឱសថ (FDA, Food and Drug Administration)2 ហើយមានលក់នៅសហរដ្ឋអាមេរិក។ ការបោះពុម្ពផ្សាយនេះមានគោលបំណងជម្រាបអ្នកឲ្យដឹងអំ​ពីដៃ Jaco ជួយអ្នកកំណត់ថាតើប្រភេទនៃឧបករណ៍ DME នេះស័ក្តិសមសម្រាប់អ្នកដែរឬទេនិងពន្យល់ពីរបៀប​ដើ​ម្បី​ទទួលបានការធានារ៉ាប់រងពីកម្មវិធី Medi-Cal សម្រាប់​ឧប​ករណ៍ទាំងនេះ។

II. តើ Medi-Cal ជាអ្វី?

Medicaid ដែលគេស្គាល់ថាជា “Medi-Cal” នៅរដ្ឋ California គឺជាកម្មវិធីដែលផ្តល់មូលនិធិដោយរដ្ឋ និង​សហ​ព័ន្ធ។ កម្មវិធីនេះបង់ថ្លៃលើការព្យាបាល និងសេវាកម្មចាំ​បាច់​ផ្នែក​វេជ្ជ​សាស្ត្រ ឱសថ បរិក្ខារវេជ្ជសាស្ត្រប្រើប្រាស់បានយូរ និង​សម្ភារៈផ្គត់ផ្គង់វេជ្ជសាស្រ្ត។ អ្នកអាចចូលទៅកាន់គេហទំព័ររបស់ក្រសួងសេវាថែទាំសុខភាព (DHCS, Department of Health Care Services) រដ្ឋ California សម្រាប់ព័ត៌មានបន្ថែមអំពីកម្មវិធី Medi-Cal និងរបៀបដាក់ពាក្យនៅលើគេហទំព័រ៖https://www.dhcs.ca.gov/services/medi-cal/Pages/ApplyforMedi-Cal.aspx.

សមាជិកកម្មវិធី​ Medi-Cal ភាគច្រើនស្ថិត​នៅក្នុង​គម្រោង​គ្រប់​គ្រងការថែទាំសុខភាព (MCPs, managed care plans) ប៉ុន្តែមនុស្សមួយ​ចំនួន​មានកម្មវិធី Medi-Cal ដែលបង់ថ្លៃសេវា​តាម​រយៈ​ក្រសួង​សេវា​ថែទាំសុខភាព (DHCS, Department of Health Care Services)។

III. តើដៃមនុស្សយន្ត Jaco ជាអ្វី?

Jaco គឺជាដៃមនុស្សយន្តដែលភ្ជាប់ទៅនឹងរទេះរុញអគ្គិសនី ហើយដំណើរការដូចដៃមនុស្ស។ វាត្រូវបានបង្កើតឡើងដើម្បីជួយមនុស្សឱ្យកាន់តែមានភាពឯករាជ្យច្រើននៅក្នុងជីវិតប្រចាំថ្ងៃរបស់ពួកគេ។

ដៃ Jaco ត្រូវបានផលិតដោយក្រុមហ៊ុនមួយឈ្មោះថា Kinova, Inc.3 និងចែកចាយ​ដោយ​ក្រុម​ហ៊ុនមួយឈ្មោះថា Partners in Medicine។4 ដៃ Jaco ត្រូវបានផលិតពី​វត្ថុ​ធាតុដើមសរសៃកាបូនទម្ងន់ស្រាល ហើយអាចគ្រប់គ្រង​ដោយឧបករណ៍បញ្ជាដូចគ្នាដែលបច្ចុប្បន្នប្រើសម្រាប់បើកបររទេះរុញ (ដៃបញ្ជា ប្រព័ន្ធបញ្ជាដោយចលនាក្បាល ប្រព័ន្ធ​បញ្ជាដោយផ្លុំខ្យល់ ឬឧបករណ៍បញ្ជាដែលត្រូវគ្នា​ផ្សេង​ទៀត)។ វា​អាច​ត្រូវ​បាន​ប្រើ​ដើម្បី​ធ្វើសកម្មភាព​ជាច្រើន​ក្នុង​ការ​រស់នៅ​ប្រចាំថ្ងៃ រួម​មាន​ការ​រៀបចំ​ខ្លួន ​ហូប​ចុក ផឹក​ទឹក ​បើក​ទ្វារ រើស​របស់​ដែល​ធ្លាក់​ចុះ លេប​ថ្នាំ សេរ៉េ​អវយវៈ យក​របស់​របរ​ពី​ធ្នើរ ឬ​ទូ បូម​ដោយ​ខ្លួន​ឯង និង​ច្រើន​ទៀត។

ដៃ Jaco គឺសមស្រប​សម្រាប់អ្នក​ដែល​មានដែន​កំណត់​នៃ​ការចល័តអវយវៈផ្នែកខាងលើ រួមមាន ប៉ុន្តែមិនកំណត់ត្រឹម​ចំពោះអ្នកដែលរស់នៅជាមួយជំងឺស្វិតសាច់ដុំ ជំងឺស្វិត​សាច់​ដុំឆ្អឹងខ្នង ជំងឺខ្វិនអវយវៈទាំងបួន របួសឆ្អឹងខ្នង ជំងឺ ALS វិបត្តិខួរក្បាលដោយសារការប៉ះទង្គិច ការកាត់អវយវៈ​ខាង​លើ ជំងឺដាច់សរសៃឈាមខួរក្បាល និងច្រើនទៀត។

ដើម្បីស្វែងយល់បន្ថែមអំពីដៃ Jaco អ្នកអាច​ចូល​ទៅ​កាន់​គេហទំព័រ Kinova នៅ៖https://assistive.kinovarobotics.com/product/jaco-robotic-arm និងគេហទំព័រ Partners in Medicine នៅ៖https://partnersinmed.com/assistive-devices/jaco-robotic-arm/។

IV. លក្ខណៈវិនិច្ឆ័យនៃការធានារ៉ាប់រងពីកម្មវិធី Medi-Cal សម្រាប់​ដៃមនុស្សយន្តជំនួយ

គិតត្រឹមថ្ងៃទី 1 ខែកញ្ញា ឆ្នាំ 2024 ដៃមនុស្សយន្ត​ជំនួយ​គឺជាអត្ថប្រយោជន៍ផ្លូវការរបស់កម្មវិធី Medi-Cal ដែល​មាន​ការធានារ៉ាប់រង។ នេះមានន័យថា កម្មវិធី​ Medi-Cal និងកម្មវិធី Medi-Cal MCPs ត្រូវតែធានារ៉ាប់រងលើដៃមនុស្សយន្តជំនួយ នៅ​ពេល​ដែលចាំបាច់ផ្នែកវេជ្ជសាស្រ្ត ហើយ​នៅពេល​ដែល​ចេញ​វេជ្ជ​បញ្ជាដោយអ្នកប្រកបវិជ្ជាជីវៈថែទាំសុខភាពដែលមានសមត្ថភាព និងមានអាជ្ញាបណ្ណ។ ការវាយតម្លៃឯកទេស និងគោលដៅព្យាបាលក៏​ត្រូវ​បាន​ទាម​ទារផងដែរ។5

a. ភាពចាំបាច់ផ្នែកវេជ្ជសាស្រ្ត

កម្មវិធី Medi-Cal នឹងបង់ថ្លៃលើបរិក្ខារ DME លុះត្រាតែវា "ចាំបាច់ផ្នែកវេជ្ជសាស្ត្រ" ប៉ុណ្ណោះ។ DME “ចាំបាច់ផ្នែកវេជ្ជសាស្ត្រ” ត្រូវតែ “សមស្រប និងចាំ​បា​ច់​ដើម្បីការពារអាយុជីវិត ដើម្បីបង្ការជំងឺសំខាន់ៗ ឬពិការ​ភាពសំខាន់ ឬដើម្បី​កាត់បន្ថយការឈឺ​ចាប់​ធ្ងន់​ធ្ងរ។​”6 នេះរួមបញ្ចូលទាំង​ការធានារ៉ាប់រង​សម្រាប់​អាការៈជំងឺដែល “បណ្តាលឱ្យមានទុក្ខលំបាក គ្រោះ​ថ្នាក់​ដល់​អាយុជីវិត បណ្តាលឱ្យមានជំងឺ ឬពិការភាព រំខាន​ដល់​សមត្ថភាពសម្រាប់សកម្មភាពធម្មតា រួមទាំងការងារ ឬស​ម្រាប់អាការៈជំងឺដែលអាចវិវត្តទៅជាពិការភាពសំខាន់ៗមួយចំនួន។”7

ការអនុញ្ញាតសម្រាប់បរិក្ខារ DME កំណត់​ត្រឹម​ចំពោះ​ស​ម្ភារៈមានតម្លៃទាបបំផុតដែលបំពេញតាមតម្រូវការរបស់អ្នក។8

បន្ថែមពីលើស្តង់ដារទូទៅនេះ កម្មវិធី Medi-Cal មាន​ស្តង់ដារភាពចាំបាច់ផ្នែកវេជ្ជសាស្ត្រពិសេសសម្រាប់មនុស្សដែលមានអាយុក្រោម 21 ឆ្នាំ។ ក្រោមកម្មវិធីពិនិត្យ ធ្វើរោគវិនិច្ឆ័យ និងព្យាបាល​ពីដើម​ទី និ​ងតាមកាលកំណត់ (EPSDT, Early and Periodic Screening, Diagnosis and Treatment) បុគ្គលដែល​មាន​អាយុ​ក្រោម 21 ឆ្នាំមានសិទ្ធិទទួលបានសេវាថែទាំ​សុខ​ភាព​ចាំបាច់ ប្រសិនបើវាកែតម្រូវ ឬបន្ធូរបន្ថយពិការភាព និង​ជំងឺផ្លូវកាយ និងផ្លូវចិត្ត និងអាការៈជំងឺ​ដែលបានរក​ឃើញ​តាមរយៈការពិនិត្យ។9ចំពោះព័ត៌មានបន្ថែមអំពី EPSDT សូមចូលទៅកាន់៖https://www.medicaid.gov/medicaid/benefits/early-and-periodic-screening-diagnostic-and-treatment/index.html។10

ដៃជំនួយត្រូវបានចាត់ទុកថាចាំបាច់ផ្នែកវេជ្ជសាស្ត្រ នៅ​ពេលដែលបំពេញបានតាមលក្ខខណ្ឌទាំងអស់ដូចខាងក្រោម៖

• អ្នកទទួលផលក៏ត្រូវតាមលក្ខណៈវិនិច្ឆ័យសម្រាប់រទេះរុញអគ្គិសនី
• រទេះរុញអគ្គិសនីរបស់អ្នកទទួលផលមានបំពាក់ដៃជំនួយ
• អ្នកទទួលផលមានដែនកំណត់នៃមុខងារនៃការចល័តចុងដៃ ដែលធ្វើឲ្យចុះខ្សោយយ៉ាងខ្លាំងនូវសមត្ថភាពរបស់ពួកគេក្នុងការបំពេញតម្រូវការមុខងារប្រចាំថ្ងៃ រួមទាំងការធ្វើសកម្ម​ភាព​នៃការរស់នៅប្រចាំថ្ងៃ (ADLs, activities of daily living) ឬសកម្មភាពអាស្រ័យលើការ ររស់នៅប្រចាំថ្ងៃ (IADLs, instrumental activities of daily living)។
  • ADLs រួមមានការស្លៀកពាក់ ងូតទឹក ញ៉ាំ ផឹក ទៅបង្គន់ ធ្វើអនាម័យ និងសកម្មភាពស្រដៀងគ្នា។11
  • IADLs រួមមានការទិញទំនិញ គេហកិច្ច ការធ្វើបញ្ជី​គណ​នេយ្យ ការរៀបចំអាហារ ការលេបថ្នាំ ការបើកទ្វារ ការ​ចូល​ប្រើប្រាស់មធ្យោបាយធ្វើដំណើរសាធារណៈ និងសកម្មភាព​ផ្សេងៗ​ទៀត។12
• ដែនកំណត់កំណត់ចំពោះមុខងារនៃការចល័តចុងដៃរបស់អ្នកទទួលផលមិនអាចដោះស្រាយស្មើៗគ្នា ឬប្រកបដោយ​ប្រ​សិទ្ធភាពដោយប្រើបរិក្ខារដៃជំនួយ ឬបរិក្ខារផ្សេង​ទៀត​ដែល​មានតម្លៃទាបនោះទេ
• ការប្រើប្រាស់ដៃជំនួយនឹងធ្វើឱ្យប្រសើរឡើងនូវសមត្ថភាពរបស់អ្នកទទួលផលក្នុងការបំពេញតម្រូវការមុខងារប្រចាំថ្ងៃ រួមទាំងការអនុវត្តសកម្មភាព ADLs និង IADLs ហើយ​អ្នកទទួលផលនឹងប្រើវាជារៀងរាល់ថ្ងៃ
• ជម្រើសនៃការព្យាបាលដែលចំណាយតិចផ្សេងទៀតបានបរាជ័យ ឬគ្មានប្រយោជន៍ ដូចដែលបានកំណត់ និងពន្យល់​ដោយអ្នកប្រកបវិជ្ជាជីវៈថែទាំសុខភាពដែលមានលក្ខណៈសម្បត្តិគ្រប់គ្រាន់
• អ្នកទទួលផលបានបង្ហាញពីឆន្ទៈក្នុងការប្រើប្រាស់ដៃជំនួយការ និង
• អ្នកទទួលផលមានមុខងារគ្រប់គ្រាន់ និងសមត្ថភាព​ផ្លូវ​កាយ និងផ្លូវចិត្តផ្សេងទៀតដែល​ត្រូវការ​ដើម្បីបញ្ជាដៃ​ជំនួ​យ​​ក្នុងអំឡុងពេលថ្ងៃធម្មតា។13

b. ការអនុញ្ញាតចំពោះដៃមនុស្សយន្ត

ដើម្បីកំណត់ថាតើដៃជំនួយចាំបាច់ផ្នែកវេជ្ជសាស្រ្តឬអត់ គ្រូពេទ្យរបស់អ្នកត្រូវតែដាក់សំណើសុំអនុញ្ញាតការព្យាបាល (TAR, Treatment Authorization Request) ឬសំណើ​សុំ​ការអនុញ្ញាតសេវាកម្ម (SAR, Service Authorization Request) ជាមួយនឹងឯកសារគាំទ្រទៅកាន់ DHCS ប្រសិន​បើ​អ្នកមានកម្មវិធី Medi-Cal ដែលគិតថ្លៃសេវា ឬទៅកាន់​កម្មវិធី Medi-Cal MCP របស់អ្នក ប្រសិនបើអ្នក​មាន​ការ​ សេវាគ្រប់គ្រងការថែទាំសុខភាព។ TAR/SAR ពីគ្រូពេទ្យរបស់អ្នកត្រូវតែរួមបញ្ចូល៖ 1) ការវាយតម្លៃសុខភាពដោយផ្ទាល់ ឬការវាយតម្លៃ​សុខ​ភាព​​ពីចម្ងាយ 2) ឯកសារពីគ្រូពេទ្យរបស់​អ្នក​អំពីការ​ធ្វើ​រោគ​វិនិច្ឆ័យវេជ្ជសាស្រ្តរបស់អ្នក និងកំណត់ត្រានៃប្រវត្តិវេជ្ជ​​សា​ស្ត្រ​​សំខាន់ៗ រួមទាំងព័ត៌មានទាំងអស់ដែល​បានរាយ​ក្នុង​លក្ខ​ណៈវិនិច្ឆ័យ "ភាពចាំបាច់ផ្នែកវេជ្ជសាស្ត្រ" ខាងលើ 3) ការវាយតម្លៃឯកទេស 4) ព័ត៌មានណាមួយដែល​ប៉ះពាល់​ដល់សមត្ថភាពរបស់អ្នកទទួលផលក្នុងការប្រើប្រាស់ដៃជំនួយដោយសុវត្ថិភាព ហើយនិង 5) ការពន្យល់អំពីមូ​លហេតុ​ដែលដៃជំនួយគឺជាបរិក្ខារ DME ដែលមានប្រសិទ្ធភាពបំផុត និងចំណាយតិចបំផុតដែលមានសម្រាប់អ្នកទទួលផល។14

ការវាយតម្លៃឯកទេសចាំបាច់ត្រូវតែធ្វើឡើងដោយអ្នកប្រកបវិជ្ជាជីវៈថែទាំសុខភាពដែលមានអាជ្ញាបណ្ណ និង​មាន​លក្ខ​ណៈសម្បត្តិគ្រប់គ្រាន់ ដូចជាអ្នកព្យាបាលដោយចលនា ឬ​អ្នកព្យាបាលដោយការងារ ក៏ដូចជាអ្នកវិជ្ជាជីវៈ​ដែលមាន​សមត្ថភាព ដែលត្រូវបានបញ្ជាក់ទទួលស្គាល់​ដោយ​ក្រុម​ហ៊ុនផលិតដៃជំនួយ។15 គ្រូពេទ្យរបស់​អ្នក​អាចបញ្ជូនអ្នកទៅកាន់ផ្នែកសមស្របតាមគម្រោងសុខភាពរបស់អ្នក ហើយអ្នកអាចទាក់ទងទៅ Partners in Medicine តាម៖ https://partnersinmed.com/about-us/assistive-services/.

V. ដៃមនុស្សយន្តជំនួយ ប្រសិនបើអ្នកមានកម្មវិធី Medicare និង Medi-Cal

ប្រសិនបើអ្នកមានទាំងកម្មវិធី Medi-Cal និងកម្មវិធី Medicare អ្នកត្រូវបានចាត់ទុកថាជាសមាជិក "មានសិទ្ធិ​ទទួលបានទាំងពីរ" ឬ "Medi-Medi"។ ប្រសិនបើអ្នកមានសិទ្ធិទទួលបានទាំងពីរ ហើយព្យាយាម​ទទួ​លបានដៃមនុស្សយន្តជំនួយ វាជាការសំខាន់​ដែល​ត្រូវ​យល់​ពីសិទ្ធិរបស់អ្នក ហើយយើងសូមណែនាំឱ្យ​ពិនិត្យ​មើល​ឯកសារបោះពុម្ពផ្សាយរបស់យើងឡើងវិញនៅ៖https://www.disabilityrightsca.org/publications/durable-medical-equipment-medi-cal-medicare-and-dual-eligible-individuals។ ឯកសារបោះពុម្ពផ្សាយនេះផ្តល់នូវព័ត៌មានលម្អិតអំពីរបៀបដែលកម្មវិធី Medi-Cal និងកម្មវិធីMedicare ធ្វើការជា​មួយ​គ្នា ក៏ដូចជាលក្ខខណ្ឌតម្រូវដែលកម្មវិធី Medi-Cal ផ្តល់ជូនបរិក្ខារ DME ដល់អ្នកមានសិទ្ធិទទួលបានទាំងពីរ ហើយបន្ទាប់មកចេញវិក្កយបត្រជូនកម្មវិធី Medicare ជា​ជាងធ្វើការរង់ចាំដែលមានសិទ្ធិទទួលបានទាំងពីរសម្រាប់ការសម្រេចរបស់កម្មវិធី Medicare មុនការធានារ៉ាប់រង​ពីកម្មវិធី Medi-Cal។

ជាធម្មតា កម្មវិធី Medicare គឺជាអ្នកបង់​ប្រាក់ចម្បង​សម្រា​ប់បុគ្គលដែលមានសិទ្ធិទទួលបានទាំងពីរ ហើយ​ជាទូ​ទៅ​តែងតែបង់ថ្លៃមុនកម្មវិធី Medi-Cal។16 កម្មវិធី Medicare បច្ចុប្បន្នមិនមានគោលនយោបាយ​ដែល​ធានារ៉ាប់រងលើដៃមនុស្សយន្តទេ។

VI. សេវាកម្មកុមាររដ្ឋ California (CCS, California Children’s Services)

កុមារដែលទទួលបាន CCS អាចទទួលបានបរិក្ខារ DME ក្នុងគោលបំណងធ្វើឱ្យប្រសើរឡើងនូវសកម្មភាពចល័ត និង​ការថែទាំខ្លួនឯង នៅពេលដែលដាក់​កម្រិត​ដោយជំងឺ​ប្រចាំ​កាយដែលមានសិទ្ធិទទួលបាន CCS របស់កុមារ។17 នេះអាចរួមបញ្ចូល​ការធានា​រ៉ាប់​រង​លើដៃមនុស្សយន្ត។ DME ត្រូវតែចាំបាច់ខាងវេជ្ជសាស្ត្រដើម្បីព្យាបាលអាការៈជំងឺ ដែលមានសិទ្ធិទទួលបានCCS។ ភាពចាំបាច់ផ្នែកវេជ្ជសាស្រ្តត្រូវបានកំណត់ថាជា "ដែន​កំណត់​នៃការចល័ត ឬជំនាញថែទាំ​ខ្លួនឯងដែល​ទាក់​ទង​នឹង​ជំងឺប្រចាំកាយដែលមានសិទ្ធិទទួលបាន CCS ដែល​ត្រូវ​បាន​ផ្ទៀងផ្ទាត់ដោយលទ្ធផលឃើញជាក់ស្តែង និងដែល​ផ្តល់​ភាព​ត្រឹម​ត្រូវដល់ការអនុញ្ញាតឱ្យប្រើបរិក្ខារ DME។​"18 សូមចងចាំថាសម្រាប់អ្នកទទួលផល CCS ដែលមានកម្មវិធី Medi-Cal ត្រូវតែអនុវត្ត​ស្តង់ដារភាព​ចាំ​បា​ច់​ផ្នែកវេជ្ជសាស្រ្ដនៃការពិនិត្យ ការធ្វើរោគវិនិច្ឆ័យ និង​ការ​ព្យាបាលពីដើមទី និងតាមកាលកំណត់ (EPSDT, Early and Periodic Screening, Diagnostic, and Treatment)។ ក្រោម EPSDT អត្ថប្រយោជន៍ និងសេវាកម្ម​ដែលចាំបាច់​ដើ​ម្បី "កែតម្រូវ ឬកែកុនវិការៈ និងជំងឺ និងលក្ខខណ្ឌផ្លូវកាយ និង​ផ្លូវចិត្ត" តម្រូវឱ្យមានការ​ធានា​រ៉ាប់រ​ង។19ចំពោះព័ត៌មានលម្អិតបន្ថែមអំពី CCS និងបរិក្ខារ DME សូមមើល https://healthconsumer.org/wp/wp-content/uploads/2021/08/2021-CCS-DME-Issue-Brief_8.6.2021-updated.pdf.

VII. ការបដិសេធ បណ្តឹងឧទ្ធរណ៍ និងបណ្តឹងសា​ទុក្ខ​នៃកម្ម​វិធី Medi-Cal

តើខ្ញុំមានម្រើសអ្វីខ្លះ ប្រសិនបើកម្មវិធី Medi-Cal បដិសេធ​មិន​ផ្តល់ដៃមនុស្សយន្ត?

a. ហេតុផលទូទៅដែលបដិសេធមិនផ្តល់ដៃ Jaco

គម្រោងសុខភាពជារឿយៗនឹងបដិសេធមិនផ្តល់ដៃ Jaco សម្រាប់ហេតុផលផ្សេងៗគ្នាមួយចំនួន។ ខាងក្រោមនេះគឺជាបញ្ជីហេតុផលទូទៅនៃការបដិសេធ និង​របៀបបដិសេធមិនផ្ដល់ដៃមនុស្សយន្ដ។ ប្រសិនបើគម្រោងរបស់អ្នកបដិសេធដោយហេតុផលណាមួយខាងក្រោម យើងសូមណែនាំឱ្យផ្តល់​ច្បាប់ចម្លង​នៃព្រឹត្តិ​បត្រ​ព័ត៌មានអ្នកផ្តល់សេវាកម្មវិធី Medi-Cal “ព្រឹត្តិ​បត្រ​ព័ត៌មានលេខ 587 អំពីបរិក្ខារវេជ្ជសាស្ត្រប្រើប្រាស់បានយូរ និង​សម្ភារផ្គត់ផ្គង់វេជ្ជសាស្ត្រ” នៅលេខ 3៖ ព្រឹត្តិបត្រព័ត៌​មានអំពី​បរិក្ខារវេជ្ជសាស្ត្រប្រើប្រាស់បានយូរ និងសម្ភារផ្គត់​ផ្គង់វេជ្ជសាស្ត្រ។

i. “មិនមែនជាអត្ថប្រយោជន៍ដែលមានការធានារ៉ាប់រង។”

គម្រោងសុខភាពអាចសាកល្បង ហើយអះអាងថា ដៃ Jaco មិនមែនជាអត្ថប្រយោជន៍កម្មវិធី Medi-Cal ដែលមាន​ការ​រ៉ាប់​រងនោះទេ។ នេះ​មិន​ត្រឹម​ត្រូវ៖ កម្មវិធី Medi-Cal ធានារ៉ាប់រងលើដៃមនុស្សយន្តជំនួយ នៅ​ពេល​ដែលចាំបាច់ផ្នែកវេជ្ជសាស្ត្រ។

លើសពីនេះ ចំណងជើងទី XIX នៃច្បាប់ Medicaid ចែង​ថា រដ្ឋនានាដូចជារដ្ឋ California ដែលធានារ៉ាប់រង "សេវា​ថែទាំសុខភាពតាមផ្ទះ" ក៏ត្រូវតែផ្តល់អត្ថ​ប្រយោជន៍​សម្រាប់ "បរិក្ខារវេជ្ជសាស្ត្រប្រើប្រាស់​បានយូរ" ផងដែរ។20 ច្បាប់សហព័ន្ធក៏ចែងផងដែរថា "រដ្ឋត្រូវបានហាមឃាត់មិនឱ្យមានការលើកលែងដាច់ខាតលើការធានារ៉ាប់រងលើបរិក្ខារវេជ្ជសាស្ត្រ សម្ភារៈផ្គត់ផ្គង់ ឬឧបករ​ណ៍" ហើយ "ត្រូវតែប្រើលក្ខណៈវិនិច្ឆ័យសមហេតុផល និង​ជាក់លាក់ដើម្បីវាយតម្លៃសម្ភារៈសម្រាប់ការធានារ៉ាប់រង។"21

ii. "មិនមែនចាំបាច់ផ្នែកវេជ្ជសាស្ត្រ។"

គម្រោង Medi-Cal ក៏ត្រូវតែផ្តល់ការ​ធានារ៉ាប់រង​សម្រាប់​បរិក្ខារចាំបាច់ផ្នែកវេជ្ជសាស្ត្រដល់អ្នកទទួលផលរបស់ខ្លួនផង​ដែរ។ដូចដែលបានបញ្ជាក់ខាងលើ បរិក្ខារ DME គឺចាំបាច់ផ្នែកវេជ្ជ​សាស្រ្តនៅពេលដែល "វាសមហេតុផល និងចាំបាច់ដើម្បី​ការ​ពារអាយុជីវិត ដើម្បីបង្ការជំងឺសំខាន់ៗ ឬពិការភាពធ្ងន់ធ្ងរ ឬដើម្បីកាត់បន្ថយការឈឺចាប់ធ្ងន់ធ្ងរ។"22

ដើម្បីបញ្ជាក់ថា ដៃ Jaco គឺចាំបាច់ផ្នែកវេជ្ជសាស្រ្ត​សម្រាប់​អ្នក អ្នកត្រូវតែធ្វើការជាមួយគ្រូពេទ្យ និងក្រុមថែទាំ​សុខ​ភាព​របស់អ្នកដើម្បីដាក់បញ្ជូនឯកសារចាំបាច់ទាំងអស់ និង​ព័ត៌មានលម្អិតដែលមានរាយក្នុងផ្នែកទី IV ខាងលើ។ តាមបទពិសោធរបស់យើងជំនួយ​គាំទ្រពី​គ្រូពេទ្យចូលរួម ព្យា​បាល រួមទាំងលិខិតលម្អិត និងព័ត៌មានផ្តល់ឱកាសដ៏ល្អ​បំផុតសម្រាប់កម្មវិធី Medi-Cal ដើម្បីអនុម័តផ្តល់ដៃ Jaco។

iii. "ការពិសោធ/ការស៊ើបអង្កេត។"

គម្រោងសុខភាពក៏អាចសាកល្បង និងអះអាងថាដៃ Jaco មិនមែនជាឧបករណ៍ដែលមានការធានារ៉ាប់រងពីព្រោះវាជា"ការពិសោធន៍" ឬការស៊ើបអង្កេត។ ទោះជាយ៉ាងណាក៏ដោយ គិតត្រឹមថ្ងៃទី 1 ខែកញ្ញា ឆ្នាំ 2024, DHCS បានបន្ថែមការធានារ៉ាប់រងពីកម្មវិធី Medi-Cal សម្រាប់ដៃមនុស្សយន្តជំនួយ​នៅពេលចាំបាច់​ផ្នែក​វេជ្ជ​សាស្ត្រ មានន័យថាវាមិនមែនជាឧបករណ៍ពិសោធ ឬស៊ើប​អង្កេតទេ។

iv. "ដំបូងត្រូវតែស្វែងរកការធានារ៉ាប់រងតាមរយៈកម្មវិធី Medicare។"

ប្រសិនបើអ្នកជាបុគ្គលដែលមានសិទ្ធិទទួលបានទាំងពីរ ឬមានទាំងកម្មវិធី Medi-Cal និងកម្មវិធី Medicare នោះ​កម្មវិធី Medi-Cal MCPs អាចអះអាងដោយខុសថា អ្នក​ត្រូវ​តែស្វែងរកការធានារ៉ាប់រងជាមុនសម្រាប់ដៃជំនួយតាមរយៈកម្មវិធី Medicare។ចំពោះព័ត៌មានបន្ថែម សូមមើលផ្នែក V ខាងលើ។ ប្រសិនបើគម្រោងសុខភាពរបស់អ្នកនិយាយដូច្នេះ យើង​សូ​ម​ណែនាំឱ្យផ្តល់ច្បាប់ចម្លងនៃផ្នែកសៀវភៅណែនាំកម្មវិធី Medi-Cal បរិក្ខារវេជ្ជសាស្ត្រប្រើប្រាស់បានយូរ (DME, Durable Medical Equipment) ដល់ពួកគេ៖ វិក្កយបត្របង់ថ្លៃបរិក្ខារ DME នៅទំព័រ 23-25 ​​និង​បរិក្ខារវេ​ជ្ជសាស្ត្រប្រើប្រាស់បានយូរ (DME, Durable Medical Equipment)៖ ទិដ្ឋភាពទូទៅនៅទំព័រ 11 ទាក់ទងនឹងលក្ខខណ្ឌតម្រូវ​នៃ​ការ​ចេញវិក្កយបត្ររបស់Charpentier។

ចំពោះព័ត៌មានបន្ថែមអំពីបណ្ដឹងតវ៉ា និងបណ្ដឹង​សា​ទុក្ខ​របស់កម្មវិធី Medi-Cal សូមមើលឯកសារ​បោះពុម្ព​ផ្សាយ​របស់ DRC៖“ការថែទាំដែលគ្រប់គ្រងដោយកម្មវិធី Medi-Cal៖ បណ្តឹង​ឧទ្ធរណ៍ និងបណ្តឹងសាទុក្ខ” នៅ៖https://www.disabilityrightsca.org/publications/medi-cal-managed-care-appeals-and-grievances.

VIII. ការជួសជុល និងការប្ដូរដៃ Jaco

ប្រសិនបើដៃ Jaco របស់អ្នកត្រូវការការជួសជុល ឬថែទាំ Kinova ផ្តល់នូវការធានារយៈពេលពីរ​ឆ្នាំគិត​ចាប់ពីកាលប​រិច្ឆេទ​ដឹកជញ្ជូន។23 កម្មវិធី Medi-Cal នឹង​សង​ប្រាក់វិញសម្រាប់តែការជួលមួយខែប៉ុណ្ណោះ ខណៈ​ដែល​ដៃជំនួយកំពុងត្រូវបានជួសជុល។ បន្ទាប់ពីការធានាបានផុតកំណត់ កម្មវិធី​ Medi-Cal នឹង​ចំ​ណាយសម្រាប់តែការជួសជុល ឬការថែទាំប៉ុណ្ណោះ ប្រសិន​បើវាមានតម្លៃតិចជាងការប្ដូរដៃជំនួយ។ ចំពោះព័ត៌មានបន្ថែមអំពីការជួសជុល ឬប្ដូរដៃជំនួយ សូម​មើល​បរិក្ខារវេជ្ជសាស្ត្រប្រើប្រាស់បានយូរ (DME, Durable Medical Equipment)៖ ទិដ្ឋភាពទូទៅនៅទំព័រទី 10។24

ប្រសិនបើអ្នកមានសំណួរ ឬកង្វល់អំពីសិទ្ធិផ្លូវច្បាប់របស់អ្នក សូមទូរសព្ទទៅកាន់ផ្នែកចុះបញ្ជីរបស់ DRC តាមរយៈលេខ៖ 1-800-776-5746។

• 1. https://assistive.kinovarobotics.com/product/jaco-robotic-arm
• 2. ឧបករណ៍ថ្នាក់ទី 1, លេខបទប្បញ្ញត្តិ 890.342, លេខកូដផលិតផល IQZ។
• 3. https://www.kinovarobotics.com/
• 4. https://partnersinmed.com/assistive-devices/jaco-robotic-arm/
• 5. DHCS DME និងព្រឹត្តិបត្រសម្ភារផ្គត់ផ្គង់វេជ្ជសាស្ត្រ "ឧបករណ៍ដៃមនុស្សយន្តជំនួយឥឡូវនេះជាអត្ថប្រយោជន៍នៃកម្មវិធី Medi-Cal" ថ្ងៃទី 16 ខែសីហា ឆ្នាំ 2024 សៀវភៅណែនាំអ្នកផ្តល់សេវាកម្មវិធី Medi-Cal បរិក្ខារវេជ្ជសាស្ត្រប្រើប្រាស់បានយូរ "ឧបករណ៍ដៃមនុស្សយន្តជំនួយ" នៅទំព័រទី 10-16។
• 6. ក្រម សុខុមាលភាព & ស្ថាប័ន § 14059.5។
• 7. ក្រម សុខុមាលភាព & ស្ថាប័ន § 14059។
• 8. 22 C.C.R. § 51321(g)។
• 9. ចំណងជើង XIX នៃច្បាប់សន្តិសុខសង្គម § 1905(r)(5) ក្រម សុខុមាលភាព & ស្ថាប័ន § 14059.5(b)(1)។
• 10. សូមមើលផងដែរ សៀវភៅណែនាំអ្នកផ្តល់សេវាកម្មវិធី Medi-Cal, EPSDT។
• 11. សៀវភៅណែនាំអ្នកផ្តល់សេវាកម្មវិធី Medi-Cal បរិក្ខារវេជ្ជសាស្ត្រប្រើប្រាស់បានយូរ "ឧបករណ៍ដៃមនុស្សយន្តជំនួយ" នៅទំព័រទី 10។
• 12. Id.
• 13. Id.នៅទំព័រទី 11.
• 14. Id.នៅទំព័រទី 11-12។
• 15. Id.នៅទំព័រទី 11-12។
• 16. 42 U.S.C.A § 1396a(a)(25)។
• 17. សូមមើលលិខិត CCS លេខ 09-0703 គោលការណ៍ណែនាំ CCS ដែលបានកែសម្រួលសម្រាប់ការណែនាំ និងការអនុញ្ញាតនៃការជួល ឬការទិញបរិក្ខារវេជ្ជសាស្ត្រប្រើប្រាស់បានយូរ-ស្តារនីតិសម្បទា (ថ្ងៃទី 8 ខែសីហា ឆ្នាំ 2003)
• 18. Id.
• 19. 42 USC § 1396d(r)(5) ក្រម សុខុមាលភាព& ស្ថាប័ន រដ្ឋ Cal § 14059.5(b)(1)
• 20. Blue v. Bonta, 99 Cal.App.4th 980, 988 (2002) (ដកស្រង់ 42 U.S.C. §§ 1396d(a)(7) 42 U.S.C. § 1395x(m)(5)).
• 21. 42 C.F.R. 440.70(b)(3)(v).
• 22. ក្រម សុខុមាលភាព& ស្ថាប័ន § 14059.5.
• 23. https://assistive.kinovarobotics.com/product/jaco-robotic-arm.
• 24. សៀវភៅណែនាំអ្នកផ្តល់សេវាកម្មវិធី Medi-Cal បរិក្ខារវេជ្ជសាស្ត្រប្រើប្រាស់បានយូរ "ឧបករណ៍ដៃ មនុស្សយន្តជំនួយ" នៅទំព័រទី 14។