I. Lus Taw Qhia

Hauv 2024 Medi-Cal tau ntxiv cov npab neeg hlau muab kev pab rau Medi-Cal phau ntawv qhia txog Cuab Yeej Kho Mob Kav Ntev (DME, Durable Medical Equipment). Qhov no yeej yog kev txhim kho uas ntxiv zoo siab heev li rau cov neeg uas muaj kev xiam oob qhab tseem ceeb heev uas tau txais Medi-Cal. Cov npab neeg hlau muab kev pab rhais rau lub rooj zaum muaj log uas siv hluav taws xob thiab tsav kom zoo li neeg sab caj npab thiab sab tes, pab kom cov neeg los ua tau ntau cov hauj lwm hauv kev ua neej txhua hnub kom tau ib leeg ntau ntxiv. Tam sim no, Kinova Jaco Robotic Arm1 (sab caj npab Jaco) tsuas yog tib sab caj npab neeg hlau muab kev pab uas rau npe los ntawm Lub Chaw Tuav Tswj Khoom Noj thiab Tshuaj (FDA, Food and Drug Administration)2 thiab muaj nyob hauv Teb Chaws Meskas nkaus xwb. Daim ntawv luam tawm no muab npaj los ceeb toom qhia rau koj paub hais txog sab caj npab Jaco, pab koj txiav txim siab seb hom DME no puas tsim yog rau koj, thiab piav qhia txog txoj hau kev kom tau txais kev duav roos Medi-Cal rau cov cuab yeej no.

II. Medi-Cal yog dab tsi?

Medicaid, hu ua “Medi-Cal” hauv California, yog ib lub khoos kas pab uas tau nyiaj pab los ntawm lub xeev thiab tsoom fwv teb chaws. Nws them rau kev kho mob thiab cov kev pab cuam uas tsim nyog rau fab kev kho mob, cov tshuaj, cuab yeej kho mob kav ntev, thiab cov kev muab khoom siv kho mob. Koj tuaj yeem mus saib rau hauv California Lub Thawj Fab Hauj Lwm Saib Xyuas Cov Kev Pab Cuam Saib Xyuas Kev Noj Qab Haus Huv (DHCS, Department of Health Care Services) lub vev xaib kom paub ntxiv txog Medi-Cal thiab txoj hau kev ua ntawv thov, tau ntawm: https://www.dhcs.ca.gov/services/medi-cal/Pages/ApplyforMedi-Cal.aspx.

Medi-Cal cov tswv cuab feem ntau nyob hauv cov phiaj xwm kev saib xyuas uas muaj kev tswj hwm (MCPs, managed care plans), tab sis qee cov neeg muaj fee-for-service Medi-Cal los ntawm Lub Thawj Fab Hauj Lwm Saib Xyuas Kev Pab Cuam Saib Xyuas Kev Noj Qab Haus Huv (DHCS, Department of Health Care Services).

III. Jaco Robotic Arm yog dab tsi?

Jaco yog ib txhais caj npab neeg hlau uas nruab rau ntawm lub rooj zaum muaj log uas siv hluav taws xob thiab tsav tau zoo ib yam tib neeg sab caj npab thiab txhais tes. Rau tsim los pab cov neeg kom nyob tau ib leeg ntau tuaj hauv lawv li kev ua neej txhua hnub.

Sab caj npab Jaco tau txais kev tsim tawm los ntawm lub tuam txhab hu ua Kinova, Inc.3 thiab koom tes pab los ntawm lub tuam txhab hu ua Partners in Medicine.4 Sab npab Jaco tsim los ntawm cov khoom uas yog fais npawj carbon sib-sib thiab tuaj yeem tswj tau los ntawm tib lub cuab yeej tswj uas tam sim no muab siv los tsav lub rooj muaj log (tus tes tswj, lub hau nqus, lub tswj uas nqus-thiab-tsuag, los is lwm lub tswj uas siv tau ua ke). Tuaj yeem muab siv los ua tau ntau txoj hauj lwm ntawm kev ua neej hauv txhua hnub, suav nrog kev tu vaj tu tsev, kev noj mov, haus dej, qhib qhov rooj, mus nqa cov khoom xa tuaj, muab tshuaj noj, kho tej npab tej ceg kom haum, muab cov khoom los ntawm cov txee los sis cov tub rau khoom, kev nqus ntawm nws tus kheej, thiab ntau yam ntxiv.

Sab caj npab Jaco yuav tsim nyog rau cov neeg muaj kev txav mus los ntawm tes taw yav saum toj tsis taus hnyav heev suav nrog, tab sis tsis tas rau ntawm, cov neeg nyob nrog tus neeg mob tus mob leeg nqaij tsis muaj zog, tus mob leeg nqaij tuag, kev raug mob rau hlab hlwb pob txha caj qaum, ALS, tus mob paj hlwb tuag, kev txiav tes taw yav saum toj, mob hlab ntsha tawg, thiab ntau yam ntxiv.

Yog xav kawm paub ntxiv txog sab caj npab Jaco, koj tuaj yeem mus saib hauv Kinova lub vev xaib, ntawm: https://assistive.kinovarobotics.com/product/jaco-robotic-arm thiab Partners in Medicine lub vev xaib, ntawm: 
https://partnersinmed.com/assistive-devices/jaco-robotic-arm/.

IV. Kev Duav Roos Medi-Cal Tus Qauv Cai rau Cov Caj Npab Neeg Hlau Muab Kev Pab

Txij thaum Lub Cuaj Hlis Ntuj Tim 1, 2024, cov caj npab neeg hlau muab kev pab yog qhov txiaj ntsig Medi-Cal uas tau txais kev duav roos raws cai. Qhov no txhais tau tias Medi-Cal thiab Medi-Cal MCPs yuav tsum duav roos sab caj npab neeg hlau uas muab kev pab thaum tsim nyog rau fab kev kho mob, thiab thaum tus kws kho mob saib xyuas kev noj qab haus huv uas muaj kev paub tsim nyog, muaj ntawv tso cai sau ntawv kom yuav. Kuj yuav tsum tau muaj kev ntsuas txog kev kho mob tshwj xeeb thiab cov hom phiaj kev kho mob.5

a. Qhov Tsim Nyog Rau Fab Kev Kho Mob

Medi-Cal yuav them rau DME nkaus xwb yog tias nws “tsim nyog rau fab kev kho mob.” DME uas “tsim nyog rau rab kev kho mob” yog tsum “muaj laj thawj thiab tsim nyog rau kev pov thaiv lub neej txoj sia, los tiv thaiv kev mob nkeeg hnyav los sis kev xiam oob qhab tseem ceeb, los sis pab txo qis qhov mob hnyav.”6 Qhov no suav nrog kev duav roos rau cov zwj ceeb mob uas “ua rau muaj kev nyuaj, muaj kev phom sij rau lub neej txoj sia, ua rau muaj mob muaj nkeeg los sis kev mob nkeeg, cuam tshuam rau lub peev xwm ua tau tej dej num li ib txwm ua suav nrog kev ua hauj lwm, los sis rau cov xwm txheej uas yuav ua rau hloov mus ua qee yam mob xiam oob qhab tseem ceeb.”7

Kev tso cai rau DME raug txwv rau yam khoom uas muaj tus nqi qis tshaj plaws uas ua tau raws li koj cov kev xav tau.8

Ntxiv rau tus qauv cai feem dav no, Medi-Cal muaj cov qauv cai tsim nyog fab kev kho mob tshwj xeeb rau cov neeg muaj hnub nyoog qis dua 21 xyoos. Nyob hauv lub khoos kas Kev Kuaj Ntsuas Thaum Ntxov thiab Ua Ntu Zus, Kev Kuaj Mob thiab Kev Khob Mob (EPSDT, Early and Periodic Screening, Diagnosis and Treatment), cov neeg muaj hnub nyoog qis dua 21 xyoos yuav muaj cai tau txais kev saib xyuas kev noj qab haus huv uas tsim nyog yog tias nws kho los sis pab txhawb kho qhov kev muaj mob thiab kev mob nkeeg rau lub cev thiab fab kev puas siab puas ntsws thiab cov zwj ceeb mob uas tau tshawb pom thaum ua kev kuaj ntsuas.9 Yog xav paub ntau ntxiv txog EPSDT, mus saib hauv: 
https://www.medicaid.gov/medicaid/benefits/early-and-periodic-screening-diagnostic-and-treatment/index.html.10

Sab caj npab muab kev pab yuav xam tias yog qhov tsim nyog rau fab kev kho mob thaum ua tau raws li txhua yam li hauv qab no lawm:

• Tus neeg tau txais txiaj ntsig kuj ua tau raws li tus qauv cai rau lub rooj zaum muaj log uas siv hluav taws xob,
• Tus neeg tau txais txiaj ntsig lub rooj zaum muaj log uas siv hluav taws xob pab cuam rau sab caj npab muab kev pab ntawd,
• Tus neeg tau txais txiaj ntsig muaj kev ua hauj lwm mus los ntawm lub cev sab saum toj tsis tshua zoo heev uas ua rau muaj kev xiam oob qhab tseem ceeb heev rau lawv lub peev xwm yuav ua tau raws li cov kev xav tau fab kev ua hauj lwm txhua hnub, suav nrog kev ua tej dej num ntawm kev ua neej txhua hnub (ADLs, activities of daily living) los sis cov dej num fab kev siv tej twj ua hauj lwm ntawm kev ua neej txhua hnub (IADLs, instrumental activities of daily living).
  • ADLs yuav muaj kev hnav khaub ncaws, kev da dej, kev noj mov, kev haus dej, kev mus siv chav dej, kev nyiam huv, thiab cov dej num uas zoo sib xws li ntawd.11
  • IADLs yuav muaj kev mus kav khw, kev tu vaj tu tsev, kev teev nyiaj txiag, kev npaj khoom noj, kev noj tshuaj, kev qhib qhov rooj, kev mus siv tau tsheb thauj pej xeem mus los, thiab lwm cov dej num.12
• Tus neeg tau txais txiaj ntsig kev ua hauj lwm txog kev mus los yav saum toj tsis taus heev tuaj yeem tau txais kev hais daws sib npaug zog los sis tau zoo los ntawm kev siv kev txhawb nqa ntawm sab caj npab los sis lwm yam cuab yeej uas muaj tus nqi qis zog,
• Kev siv sab caj npab muab kev pab yuav txhim kho tau tus neeg tau txais txiaj ntsig lub peev xwm yuav ua tau raws li cov kev xav tau fab kev ua hauj lwm txhua hnub, suav nrog kev ua ADLs thiab IADLs, thiab tus neeg tau txais txiaj ntsig yuav siv nws txhua hnub,
• Lwm yam, cov kev xaiv kho mob uas muaj tus nqi qis zog tau ua tsis tau los sis yuav tsis muaj txiaj ntsig dab tsi, raws li tau txais kev txiav txim siab thiab tau muab piav qhia los ntawm tus kws kho mob uas paub kho mob yam tsim nyog,
• Tus neeg tau txais txiaj ntsig tau qhia txog kev txaus siab yuav siv sab caj npab muab kev pab, thiab,
• Tus neeg tau txais txiaj ntsig muaj kev ua tau hauj lwm txaus thiabl wm cov peev xwm ua tau fab lub cev thiab fab kev puas siab puas ntsws uas tsim nyog yuav ua tsav tau sab caj npab muab kev pab hauv tej hnub uas ib txwm nyob.13

b. Kev Tso Cai ntawm Sab Caj Npab Neeg Hlau

Txhawm rau txiav txim siab seb sab caj npab muab kev pab puas tsim nyog rau fab kev kho mob, koj tus kws kho mob yuav tsum xa Daim Ntawv Thov Kev Tso Cai Kho Mob (TAR, Treatment Authorization Request) los sis Daim Ntawv Thov Kev Tso Cai Muab Kev Pab Cuam (SAR, Service Authorization Request) nrog tej ntaub ntawv txhawb nqa mus rau DHCS yog koj muaj fee-for-service Medi-Cal los sis mus rau koj li Medi-Cal MCP yog koj muaj kev saib xyuas kho mob uas muaj kev tswj hwm. Qhov TAR/SAR los ntawm koj tus kws kho mob yuav tsum muaj: 1) kev ntsuam xyuas thiab kev ntsuas tim ntsej tim muag thiab kev kho mob hauv kev hu xov tooj, 2) tej ntaub ntawv los ntawm koj tus kws kho mob hais txog koj li kev kuaj mob fab kev kho mob thiab ntaub ntawv teev tseg txog keeb kwm fab kev kho mob tseem ceeb, suav nrog tag nrho cov ntaub ntawv qhia paub uas teev tseg nyob hauv tus qauv cai "kev tsim nyog rau fab kev kho mob" saum toj no, 3) kev ntsuas txog tus mob tshwj xeeb, 4) ib qho ntaub ntawv qhia paub twg uas cuam tshuam rau tus neeg tau txais txiaj ntsig lub peev xwm yuav siv tau sab caj npab muab kev pab kom nyab xeeb, thiab, 5) kev piav qhia txog tias vim li cas sab caj npab muab kev pab thiaj li siv tau zoo tshaj plaws thiab muaj tej khoom DME uas muaj tus nqi tsawg tshaj plaws rau tus neeg tau txais txiaj ntsig.14

Yuav tsum yog tus kws kho mob uas muaj ntawv tso cai, paub kho mob yam tsim nyog los ua kev ntsuas kev kho mob paub tshwj xeeb uas yuav tsum tau muaj no xws li tus kws kho mob rau lub cev los sis tus kws kho mob rau fab kev ua hauj lwm suav nrog tus kws ua hauj lwm tshaj lij uas muaj kev paub tsim nyog uas muaj ntawv pov thawj los ntawm lub chaw tsim sab caj npab muab kev pab.15 Koj tus kws kho mob tuaj yeem xa koj mus rau lub thawj fab hauj lwm uas tsim nyog nyob hauv koj txoj phiaj xwm kev noj qab haus huv thiab koj kuj tuaj yeem tiv tauj tau rau Partners in Medicine ntawm: 
https://partnersinmed.com/about-us/assistive-services/.

V. Sab Caj Npab Neeg Hlau Muab Kev Pab yog tias koj muaj Medicare thiab Medi-Cal

Yog tias koj muaj tag nrho Medi-Cal thiab Medicare, yuav xam tias koj yog tus tswv cuab “uas muaj cai tsim nyog tau txais tag nrho ob hom” los sis “Medi-Medi.” Yog tias koj muaj cai tau txais kev pab tag nrho ob yam thiab siv zog kom tau txais sab caj npab neeg hlau muab kev pab, nws yog qhov tseem ceeb yuav kom nkag siab txog koj cov cai thiab peb xav kom tshuaj xyuas peb cov ntaub ntawv luam tawm hauv: https://www.disabilityrightsca.org/publications/durable-medical-equipment-medi-cal-medicare-and-dual-eligible-individuals. Qhov no muab tau ntaub ntawv qhia paub ntxaws txog qhov uas Medi-Cal thiab Medicare ua hauj lwm ua ke li cas, suav nrog txoj cai uas Medi-Cal muab DME rau cov neeg muaj cai tau txais kev pab tag nrho ob yam thiab tom qab ntawd mus sau nqi ntawm Medicare, uas tsis yog ua rau cov neeg muaj cai tau txais kev pabg cuam tag nrho ob yam tau tos rau Medicare li kev txiav txim siab ua ntej yuav tau kev duav roos Medi-Cal.

Feem ntau lawm, Medicare yuav yog tus them nyiaj xub thawj rau cov neeg uas muaj cai tau txais kev pab tag nrho ob yam, thiab feem ntau lawm yeej them ua ntej Medi-Cal tas li.16 Tam sim no Medicare tsis muaj txoj cai yuav duav roos cov caj npab neeg hlau.

VI. Cov Kev Pab Cuam Rau Me Nyuam Yaus Hauv California (CCS, California Children’s Services)

Cov me nyuam yaus uas tau txais CCS tuaj yeem tau txais DME rau lub hom phiaj ntawm kev txhim kho kev mus los thiab cov dej num kev saib xyuas tu tus kheej, thaum ho ua tsis tshua tau los ntawm tus me nyuam tus zwj ceeb mob uas muaj cai tau txais CCS.17 Qhov no tuaj yeem suav nrog kev duav roos ntawm sab caj npab neeg hlau. DME yuav tsum yog qhov tsim nyog rau fab kev kho mob los kho tus zwj ceeb mob uas muaj cai tau txais CCS. Kev tsim nyog rau fab kev kho mob tau txais kev teev tseg tias yog “kev mus los tsis tshua taus los sis kev paub txog kev tu tus kheej ntsib txog tus zwj ceeb mob uas muaj cai tau txais CCS uas tau txais kev txheeb xyuas qhov tseeb los ntawm kev tshawb nrhiav pom ntawm lub cev thiab qhov uas saib qhov tseeb las tias yog qhov DME uas tau kev tso cai.”18 Nco ntsoov tias rau cov neeg tau txais txiaj ntsig ntawm CCS uas muaj Medi-Cal, yuav tsum tau muaj tus qauv cai kev tsim nyog fab kev kho mob ntawm Kev Ntsuas Xyuas Thaum Ntxov thiab Ua Ntu Zus, Kev Kuaj Mob, thiab Kev Kho Mob (EPSDT, Early and Periodic Screening, Diagnostic, and Treatment). Nyob hauv EPSDT, cov txiaj ntsig thiab cov kev pab cuam uas tsim nyog yuav "kho los sis pab txhawb qhov mob thiab kev mob nkeeg thiab cov zwj ceeb mob ntawm lub cev thiab fab kev puas siab puas ntsws" yuav tsum tau txais kev duav roos.19 Yog xav paub ntxaws ntxiv hais txog CCS thiab DME mus saib hauv, https://healthconsumer.org/wp/wp-content/uploads/2021/08/2021-CCS-DME-Issue-Brief_8.6.2021-updated.pdf.

VII. Medi-Cal Cov Kev Tsis Pom Zoo, Cov Kev Thov Kom Rov Txiav Txim Dua, thiab Cov Kev Tsis Zoo Siab

Kuv cov kev xaiv muaj dab tsi thiab yog tias Medi-Cal tsis pom zoo muab sab caj npab neeg hlau?

a. Cov laj thawj uas keev pom rau kev tsis pom zoo muab Sab Caj Npab Jaco

Feem ntau cov phiaj xwm kev noj qab haus huv yuav tsis pom zoo muab sab caj npab Jaco rau ntau cov laj thawj sib txawv. Hauv qab no yog daim ntawv teev npe txog cov kev tsis pom zoo uas keev pom thiab txoj hau kev yuav sib cav txog cov no. Yog tias koj txoj phiaj xwm tsis pom zoo rau ib qho twg ntawm cov laj thawj hauv qab no, peb pom zoo kom npaj ib daim ntawv theej txog Medi-Cal Phau Ntawv Qhia Txog Tus Kws Muab Kev Pab Cuam, “Cuab Yeej Kho Mob Kav Ntev thiab Phau Ntawv Qhia Txog Cov Khoom Siv Kho Mob 587” ntawm Naj Npawb. 3: Cuab Yeej Kho Mob Kav Ntev thiab Phau Ntawv Qhia Txog Cov Khoom Siv Kho Mob.

i. “Tsis yog qhov txiaj ntsig uas tau txais kev duav roos.”

Cov phiaj xwm kev noj qab haus huv yuav siv zog thiab ua ntawv thov nyiaj rov qab tias sab caj npab Jaco tsis yog qhov txiaj ntsig Medi-Cal uas tau txais kev duav roos. Qhov no tsis raug: Medi-Cal duav roos cov caj npab neeg hlau muab kev pab thaum uas tsim nyog rau fab kev kho mob.

Tsis tas li ntawd, Nqe XIX ntawm Tsab Cai Hais Txog Medicaid tseev kom cov xeev xws li California uas duav roos “cov kev pab cuam saib xyuas kev noj qab haus huv hauv tsev” kuj yuav tsum muab cov txiaj ntsig txog “qhov cuab yeej kho mob kav ntev.”20 Tsoom fwv teb chaws txoj cai lij choj kuj hais tias “Cov xeev raug txwv tsis pub cais kiag kev duav roos txog cuab yeej kho mob, cov khoom siv, los sis cov khoom siv hluav taws xob” thiab “yuav tsum siv tus qauv cai uas tsim nyog thiab tshwj xeeb yuav ntsuam xyuas cov khoom rau kev duav roos.”21

ii. “Tsis tsim nyog rau fab kev kho mob.”

Medi-Cal cov phiaj xwm kuj yuav tsum muab kev duav roos rau tej cuab yeej uas tsim nyog rau fab kev kho mob rau lawv cov neeg tau txais txiaj ntsig. Raws li tau hais tseg saum toj no, DME yog qhov tsim nyog rau fab kev kho mob thaum “nws muaj laj thawj thiab tsim nyog yuav pov thaiv tau lub neej txoj sia, los tiv thaiv kev mob nkeeg tseem ceeb los sis kev xiam oob qhab tseem ceeb, los sis los txo qis qhov mob hnyav.”22

Txhawm rau ua pov thawj tias sab caj npab Jaco yog qhov tsim nyog rau fab kev kho mob rau koj, koj yuav tsum ua hauj lwm nrog koj tus kws kho mob thiab pab pawg saib xyuas kho mob los xa tag nrho cov ntaub ntawv uas yuav tsum tau muaj thiab ntaub ntawv qhia paub ntxaws uas teev tseg hauv Tshooj IV, saum toj no tuaj. Hauv peb li kev paub dhau los, kev txhawb nqa ntawm tus kws kho mob uas kho koj, suav nrog cov tsab ntawv thiab cov ntaub ntawv qhia paub ntxaws qhia txog lub hwv tsam zoo tshaj plaws rau Medi-Cal los pom zoo rau sab caj npab Jaco.

iii. “Fab Kev Sim Ua/Fab Kev Soj Qab Taug Lw.”

Cov phiaj xwm kev noj qab haus huv kuj yuav siv zog thiab ua ntawv thov kev them nyiaj tias sab caj npab Jaco tsis yog lub cuab yeej tau txais kev duav roos vim tias nws yog nyob hauv “fab kev sim ua” los sis fab kev soj qab taug lw.” Li cas los xij, txij thaum Lub Cuaj Hlis Ntuj Tim 1, 2024, DHCS tau ntxiv kev duav roos Medi-Cal rau cov caj npab neeg hlau muab kev pab thaum uas tsim nyog rau fab kev kho mob, txhais tau tias nws tsis yog lub cuab yeej fab kev sim ua los sis fab kev soj qab taug lw lawm.

iv. “Yuav tsum nrhiav kev duav roos los ntawm Medicare ua ntej tso.”

Yog koj yog tus neeg muaj cai tsim nyog tau txais kev pab tag nrho ob yam, los sis muaj tag nrho Medi-Cal thiab Medicare, Medi-Cal MCPs yuav ua ntawv thov kev them nyiaj tsis raug uas koj yuav tsum tau nrhiav kev duav roos rau sab caj npab muab kev pab los ntawm Medicare ua ntej tso. Yog xav paub ntxiv, thov mus saib Tshooj V, saum toj no. Yog koj txoj phiaj xwm kev noj qab haus huv hais tias qhov no, peb xav kom muab ib daim ntawv theej txog Cov Tshooj Hauv Medi-Cal Phau Ntawv Qhia, Cuab Yeej Kho Mob Kav Ntev (DME, Durable Medical Equipment) rau lawv saib: Kev sau nqi rau DME ntawm cov phab ntawv 23-25 thiab Cuab Yeej Kho Mob Kav Ntev (DME, Durable Medical Equipment): Lus Qhia Dav ntawm phab ntawv 11 hais txog Charpentier cov cai kev sau nqi.

Yog xav paub ntxiv txog Medi-Cal Cov Ntawv Thov Kom Rov Txiav Txim Dua thiab Cov Kev Tsis Zoo Siab, thov saib hauv DRC Cov Ntaub Ntawv Luam Tawm: “Medi-Cal Managed Care: Cov Kev Thov Kom Rov Txiav Txim Dua thiab Cov Kev Tsis Zoo Siab,” ntawm: 
https://www.disabilityrightsca.org/publications/medi-cal-managed-care-appeals-and-grievances.

VIII. Kev Kho thiab Kev Hloov Sab Npab Jaco

Yog tias koj sab caj npab Jaco xav tau kev kho los sis tswj hwm saib xyuas, Kinova yuav muab kev lav txog ob-lub xyoo txij hnub xa tuaj.23 Medi-Cal tsuas yuav them nyiaj rov qab rau kev xauj hauv ib lub hlis thaum sab caj npab muab kev pab raug coj mus kho xwb. Tom qab kev lav tag sij hawm lawm, Medi-Cal tsuas yuav them rau kev kho los sis kev tswj hwm saib xyuas yog tias nws raug tus nqi tsawg dua hloov sab caj npab muab kev pab. Yog xav paub ntau ntxiv txog kev kho los sis kev hloov pauv sab caj npab muab kev pab, saib hauv Cuab Yeej Kho Mob Kav Ntev (DME, Durable Medical Equipment): Lus Qhia Dav ntawm phab ntawv 10.24

Yog koj muaj lus nug los sis kev txhawj xeeb txog koj cov cai fab kev cai lij choj, thov hu rau DRC tus xov tooj muab ntaub ntawv ntawm: 1-800-776-5746.

• 1. https://assistive.kinovarobotics.com/product/jaco-robotic-arm
• 2. Lub Cuab Yeej Txheej 1, Tus Nab Npawb Txoj Cai Tswj Hwm 890.342, Tus Zauv Khoom Lag Luam IQZ.
• 3. https://www.kinovarobotics.com/
• 4. https://partnersinmed.com/assistive-devices/jaco-robotic-arm/
• 5. DHCS DME thiab Phau Ntawv Qhia Txog Cov Khoom Siv Kho Mob, "Lub Cuab Yeej Sab Caj Npab Neeg Hlau Muab Kev Pab Tam Sim No yog Medi-Cal Qbov Txiaj Ntsig," Lub Yim Hlis Ntuj Tim 16, 2024; Medi-Cal Phau Ntawv Qhia Txog Tus Kws Muab Kev Pab Cuam, Cuab Yeej Kho Mob Kav Ntev, "Cuab Yeej Caj Npab Neeg Hlau Muab Kev Pab" ntawm phab ntawv. 10-16.
• 6. Tsab Cai Hais Txog Kev Noj Qab Nyob Zoo thiab Lub Chaw Hauj Lwm, § 14059.5.
• 7. Tsab Cai Hais Txog Kev Noj Qab Nyob Zoo thiab Lub Chaw Hauj Lwm, § 14059.
• 8. 22 C.C.R. § 51321(g).
• 9. Nqe XIX ntawm Tsab Cai Hais Txog Xaus Saus, § 1905(r)(5); Tsab Cai Hais Txog Kev Noj Qab Nyob Zoo thiab Lub Chaw Hauj Lwm, § 14059.5(b)(1).
• 10. Kuj mus saib hauv, Medi-Cal Phau Ntawv Qhia Txog Kws Muab Kev Pab Cuam, EPSDT.
• 11. Medi-Cal Phau Ntawv Qhia Txog Kws Muab Kev Pab Cuam, Cuab Yeej Kho Mob Ruaj Khov, "Cuab Yeej Caj Npab Neeg Hlau Muab Kev Pab" ntawm phab ntawv 10.
• 12. Id.
• 13. Id. ntawm phab ntawv 11.
• 14. Id. ntawm phab ntawv 11-12.
• 15. Id. ntawm phab ntawv 11-12.
• 16. 42 U.S.C.A § 1396a(a)(25).
• 17. Saib hauv CCS Tsab Ntawv Muaj Naj Npawb 09-0703, Cov Lus Taw Qhia Ntawm CCS Uas Tau Kho Tshiab txog Kev Pom Zoo thiab Kev Tso Cai ntawm Kev Xauj los sis Kev Yuav Cuab Yeej Kho Mob Kav Ntev-Kev Rov Kho Kom Ua Tau Hauj Lwm (Lub Yim Hli Ntuj Tim 8, 2003)
• 18. Id.
• 19. 42 USC § 1396d(r)(5); Tsab Cai Hais Txog Kev Noj Qab Nyob Zoo thiab Lub Chaw Hauj Lwm Hauv California. § 14059.5(b)(1)
• 20. Blue v. Bonta, 99 Cal.App.4th 980, 988 (2002) (hais txog 42 U.S.C. §§ 1396d(a)(7); 42 U.S.C. § 1395x(m)(5)).
• 21. 42 C.F.R. 440.70(b)(3)(v).
• 22. Tsab Cai Hais Txog Kev Noj Qab Nyob Zoo thiab Lub Chaw Hauj Lwm, § 14059.5.
• 23. https://assistive.kinovarobotics.com/product/jaco-robotic-arm.
• 24. Medi-Cal Phau Ntawv Qhia Txog Kws Muab Kev Pab Cuam, Cuab Yeej Kho Mob Ruaj Khov, "Cuab Yeej Caj Npab Neeg Hlau Muab Kev Pab" ntawm phab ntawv 14.