មានការផ្លាស់ប្ដូរ​ សំខាន់ៗចំពោះច្បាប់ Lanterman អំពីបណ្តឹង​ឧទ្ធរណ៍ ។ នេះគឺជាកំណែខ្លី  ដែលមិនបាន​ដាក់បញ្ចូល ព័ត៌មានលម្អិត​ទាំងអស់ ឡើយ ។ សម្រាប់​ព័ត៌មាន​លំអិត សូម​អាន សិទ្ធិក្រោម​ ច្បាប់ Lanterman Act និង ពង្រាង​ច្បាប់ព្រឹទ្ធិ​សភា 188 (2021-22)។

ចូល​ជាធរមាន នៅថ្ងៃទី 1 ខែកក្កដា ឆ្នាំ 2022 ៖

និយមន័យ នៃពាក្យថា អ្នកបកប្រែភាសាផ្ទាល់មាត់ – WIC 4701(i) ចែងថា អ្នកបកប្រែភាសាផ្ទាល់មាត់ ត្រូវតែធ្វើការប្រកបដោយ ប្រសិទ្ធភាព, ត្រឹមត្រូវ និងមិនលំអៀង ដើម្បីឲ្យ​ខ្លួនយល់ច្បាស់ និងទំនាក់ទំនងនូវ​អ្វី ដែលគេបាន​និយាយ ។

ការអនុវត្ត សេចក្តី​សម្រេចរបស់​សវនាការ – WIC 4713.5 ចែងថា មជ្ឈមណ្ឌល​ប្រចាំតំបន់ ត្រូវតែអនុវត្ត​សេចក្តី​ សម្រេច​របស់​សវនាការ ឱ្យបានឆាប់បំផុតតាមដែលអាចធ្វើទៅបាន គឺ​ក្នុងរយៈពេល 30 ថ្ងៃ ។ បើ​គេ​មិន​អាច អនុវត្ត​សេចក្តី​សម្រេច​របស់​សវនាការ បាន​តាមកាល​កំណត់ទេ ពួកគេត្រូវប្រាប់អ្នក និង DDS  ឲ្យបានដឹង ។

ចូល​ជាធរមាន​ នៅថ្ងៃទី 1 ខែតុលា ឆ្នាំ 2022 ៖

វត្តមាន​របស់​មេធាវី ក្នុងដំណើរការបណ្តឹងឧទ្ធរណ៍ – WIC 4705.5(a) មានដែន​កំណត់ ថានៅពេលណា​ដែល មេធាវីរបស់ម​ជ្ឈមណ្ឌលប្រចាំតំបន់ អាចចូលរួមកិច្ចប្រជុំក្រៅផ្លូវការ, ការប្រជុំ​សម្រុះ​សម្រួល និងចូល​រួម​ក្នុង​អង្គសវនាការ ។ សូមអាន សេចក្តី​ណែនាំ ចុះថ្ងៃទី 20 ខែ​កញ្ញា ឆ្នាំ 2022 ។

សិទ្ធិរបស់អ្នក ក្នុងការស្នើសុំដកសិទ្ធិចៅក្រម – WIC 4701 ចែងថា មជ្ឈមណ្ឌលប្រចាំតំបន់ ត្រូវតែប្រាប់អ្នកអំពីសិទ្ធិរបស់អ្នកក្នុងការស្នើសុំការដកហូត​សិទ្ធិចៅក្រម ។

ចូល​ជាធរមាន​ នៅថ្ងៃទី 1 ខែមីនា ឆ្នាំ 2023 ៖

ការយល់ព្រមទៅវិញទៅមក ចំពោះ​ការសម្រេច របស់ IPP – WIC 4701(k) ចែងថា មជ្ឈមណ្ឌល​ប្រចាំ​តំបន់​ត្រូវតែផ្តល់ឱ្យអ្នក នូវការជូនដំណឹងអំពីចំណាត់​ការ ប្រ​សិន​មិន​មាន​លិខិត ដែល​បញ្ជាក់ថា អ្នក​បាន​​យល់ព្រមចំពោះ​ការបដិសេធ ការបញ្ឈប់សេវា ឬ ការ​កាត់​បន្ថយសិទ្ធិទទួល​សេវា ឬកាត់​បន្ថយ​សេវា​ ទេនោះ ។

កញ្ចប់ព័ត៌មាន​ជាបទដ្ឋាន – WIC 4708 ចែងថា ​មជ្ឈមណ្ឌល​ប្រចាំតំបន់ ត្រូវតែផ្តល់ព័ត៌មានអំពីដំណើរការ​បណ្តឹងឧទ្ធរណ៍ នៅក្នុងពេលប្រជុំ, នៅពេលអ្នកសុំ និងផ្តល់​ឲ្យអ្នក ការជូនដំណឹងអំពី​ចំណាត់​ការ​ទាំងអស់ ។ មជ្ឈមណ្ឌល​ប្រចាំ​តំបន់ ក៏ត្រូវដាក់កញ្ចប់ព័ត៌មាន​នេះ នៅក្នុងគេហទំព័ររបស់​ខ្លួន ឲ្យបាន​រួច​រាល់​​ក្នុងរយៈពេល 60 ថ្ងៃ ដែរ ។

បែបបទ ការជូនដំណឹង​អំពី​ចំណាត់​ការជាបទដ្ឋាន – WIC 4701 តម្រូវឱ្យមានការ​ធ្វើ​បច្ចុប្បន្នភាព អំពី​បែបបទ​សម្រាប់​ជូនដំណឹង អំពីចំណាត់​ការ ។ នឹងត្រូវ​បង្ហោះនៅក្នុង គេហទំព័រ អំពី​ដំណើរការបណ្ដឹងឧទ្ធរណ៍.

បែបបទ​​សំណើ​បណ្តឹង​ឧទ្ធរណ៍​ ជាបទដ្ឋាន – WIC 4701 តម្រូវ​ឲ្យមានការ​ធ្វើ​បច្ចុប្បន្នភាព អំពីបែបបទបណ្តឹង​ឧទ្ធរណ៍​ ។ នឹងត្រូវ​បង្ហោះនៅក្នុង ហទំព័រ អំពី​ដំណើរការបណ្ដឹងឧទ្ធរណ៍.

សំណើសុំប្តឹង​ឧទ្ធរណ៍ ទៅកាន់ DDS – WIC 4701(a)(7) និង (b) និង 4710.5(d) ផ្ញើសំណើបណ្តឹង​ឧទ្ធរទៅកាន់ DDS គឺមិនមែនផ្ញើ​ទៅកាន់​មជ្ឈមណ្ឌលប្រចាំតំបន់ ឡើយ ។ DDS នឹងប្រាប់មជ្ឈមណ្ឌល​ប្រចាំតំបន់ និង OAH ។ ផ្ញើតាមអ៊ីនធឺណិត​ ដោយប្រើ គេហទំព័រដំណើរការបណ្ដឹងឧទ្ធរណ៍, ដោយផ្ញើអ៊ីមែលទៅអាសយដ្ឋាន appealrequest@dds.ca.gov ឬផ្ញើតាមប្រៃសនីយ៍ ។

បន្ទាត់​ពេលវេលា សម្រាប់ការ​ប្តឹង​ឧទ្ធរណ៍ – WIC 4707, 4710.6, 4712.5(a)(1), 4713(b), 4715

• ប្តឹង​ឧទ្ធរណ៍ ក្នុងរវាង​60 ថ្ងៃ បន្ទាប់ពីអ្នកទទួលបានការជូនដំណឹងអំពី​ចំណាត់​ការ ។ ប្តឹងឧទ្ធរណ៍ ក្នុងរយៈពេល 30 ថ្ងៃ ប្រសិនបើអ្នកត្រូវការជំនួយដែលនៅមិនទាន់បង់ប្រាក់ (សេវានៅតែដដែល) ។
• មជ្ឈមណ្ឌល​ប្រចាំតំបន់ ត្រូវតែរៀបចំការប្រជុំក្រៅផ្លូវការមួយក្នុងរយៈពេល
• 10 ថ្ងៃ ។
• OAH ត្រូវតែរៀបចំការប្រជុំ​សម្រុះសម្រួល ក្នុងរវាង 30 ថ្ងៃ។
• OAH ត្រូវ​បើក​សវនាការ ក្នុងរវាង 50 ថ្ងៃ។
• OAH ផ្តល់សេចក្តី​សម្រេច ក្នុងរយៈពេល 10 ថ្ងៃ បន្ទាប់ពី​ការ​បិទសវនាការ និង 80 ថ្ងៃ បន្ទាប់ពីកាល​បរិច្ឆេទបណ្តឹងឧទ្ធរណ៍ ។
• ស្នើសុំការពិចារណាឡើងវិញលើ​សេចក្តី​សម្រេច​របស់​ចៅក្រម ក្នុងរយៈពេល 15 ថ្ងៃ បន្ទាប់ពីចៅក្រម​ ចេញ​សេចក្តីសម្រេច នោះ ។ OAH ឬ DDS ត្រូវម្រេចចិត្តពីការពិចារណាឡើងវិញលើ​សេចក្តី​សម្រេច​របស់​ចៅក្រម ក្នុងរយៈពេល
• 15 ថ្ងៃ។
• ប្តឹងឧទ្ធរណ៍​ទៅតុលាការកំពូល ក្នុងរយៈពេល 180 ថ្ងៃ បន្ទាប់​ពី​ចៅក្រមចេញសេចក្តីសម្រេច របស់សវនាការ ។

ជម្រើសរបស់​អ្នកទាមទារសំណង ក្នុងដំណើរការបណ្តឹងឧទ្ធរណ៍ – WIC 4707 ចែង​ថា​ អ្នកអាចជ្រើសរើសការប្រជុំក្រៅផ្លូវការ, ការប្រជុំសម្រុះសម្រួល និងសវនាការ ។ អ្នក​អាច​ដូរ​សេចក្តី​ស្នើសុំ​របស់​អ្នក នៅពេល​ក្រោយ ។ ការផ្លាស់ប្តូរសកម្មភាពនេះ អាចបណ្តាលឱ្យមានការពន្យារពេល​សវនាការ ។

ការប្រជុំសម្រុះសម្រួលដែលជាកាតព្វកិច្ច – WIC 4711.5 ចែងថា មជ្ឈមណ្ឌល​ប្រចាំតំបន់ ត្រូវតែចូលរួមក្នុងការប្រជុំសម្រុះសម្រួល ប្រសិនបើអ្នកចង់ធ្វើ​ការ​សម្រុះ​សម្រួល  ។

សេចក្តីថ្លែងការណ៍អំពីជំហរ និងការចែកភស្តុតាងគ្នាមើល – WIC 4712(d) ចែង​ថា មជ្ឈមណ្ឌល​ប្រចាំតំបន់ត្រូវផ្ត​ល់​ឱ្យអ្នកនូវ​សេចក្តីថ្លែងការណ៍ ជំហរ​របស់ពួកគេ ជាភាសាដែលអ្នក​ពេញចិត្ត ចំនួន 2 ថ្ងៃ នៃថ្ងៃធ្វើការ មុនថ្ងៃ​បើក​សវនាការ ចូល​មកដល់ ។ អ្នក​ត្រូវតែ​ផ្តល់ឱ្យ មជ្ឈមណ្ឌលប្រចាំ​តំបន់ នូវបញ្ជីឈ្មោះសាក្សី និងរបាយការណ៍ ចំនួន 2 ថ្ងៃ នៃថ្ងៃធ្វើការ មុនថ្ងៃ​បើក​សវនាការ ចូល​មកដល់ ។ ប្រសិន​បើអ្នកមានមេធាវី, គឺត្រូវតែផ្តល់ឱ្យ​មជ្ឈមណ្ឌលប្រចាំ​តំបន់ នូវសេចក្តីថ្លែងការណ៍អំពី​ជំហរ, បញ្ជីឈ្មោះសាក្សី និងឯកសារទាំងអស់ ចំនួន 2 ថ្ងៃ នៃធ្វើការ មុនថ្ងៃ​បើក​សវនាការ ចូល​មកដល់ ។

គណៈប្រតិភូ​ចេញ​សេចក្តី​សម្រេច​របស់នាយក DDS – WIC 4712.5 ចែងថា DDS ត្រូវផ្តល់​សិទ្ធិអំ​ណាច​ដល់ការិយាល័យសវនាការ​ ដើម្បីអនុម័ត សេចក្តីសម្រេច ចុងក្រោយ របស់​អង្គសវនាការ ។ DDS អាចអនុម័ត​យកការសម្រេច ដែលបានស្នើឡើង​ដោយចៅក្រម មក​ធ្វើជាការសម្រេចចុងក្រោយ ឬចេញសេចក្តីសម្រេចចុងក្រោយ​ថ្មីមួយ ។

ការពិចារណាឡើងវិញលើ​សេចក្តី​សម្រេច​របស់​ចៅក្រម – WIC 4713(b) ចែងថា អ្នក ឬមជ្ឈមណ្ឌល​ប្រចាំតំបន់អាចស្នើសុំ​ឲ្យ​មានការពិចារណាឡើងវិញ លើ​សេចក្តី​សម្រេច​របស់​ចៅក្រម ក្នុងរយៈពេល 15 ថ្ងៃ បន្ទាប់ពីថ្ងៃ​ចេញ​សេចក្តី​សម្រេច​ ចុងក្រោយ នៃអង្គសវនាការ ។

ការផ្លាស់ប្តូរនៅ​ការិយាល័យសវនាការ – WIC 4712(i), 4712(b)(2) និង (3)

• មន្ត្រី​សវនាការ​​ ត្រូវ​តែ​ដំណើរ​ការអង្គ​​សវនាការ ​ដោយ “ប្រកាន់​ខ្ជាប់អព្យាក្រិត្យ​ភាព” ។ ការ​ប្រកាន់​ខ្ជាប់នូវ​អព្យាក្រឹតភាព គឺជា​ការ​ជម្រុញឲ្យ​មានការចែករំលែកព័ត៌មានគ្នា​ចំពោះ​ភាគីទាំងអស់ ដោយសេរី និងបើកចំហ ។
• មន្ត្រី​សវនាការ ​ត្រូវ​ទទួល​បាន​ការ​បណ្តុះ​បណ្តាល​​អំពី​របៀប​​ធ្វើ​ឱ្យ​មាន​​ភាព​យុត្តិធម៌​​ដល់អ្នក​ពាក់​ព័ន្ធ​នឹង​សវនាការ និងត្រូវ​​រៀន​សូត្រ​អំពី​​​បញ្ហា​ពិការភាព ។

DDS នឹង​ប្រមូលទិន្នន័យ – WIC 4714 ចែងថា DDS ត្រូវតែប្រមូលព័ត៌មាន​អំពីការប្រជុំ​ក្រៅផ្លូវការ (បញ្ហា, អ្នកទាមទារ, ការសម្រេច) និងការសម្រុះសម្រួល និងសវនាការ (ការដកសំណើសវនាការ និងមូល​ហេតុ​នៃការ​ដក​សំណើ, បញ្ហ, អ្នកទាមទារ, លទ្ធផល, បន្ទាត់ពេលវេលា, និងការសម្រេច)