Լանտերմանի ակտի բողոքարկումների մասով էական փոփոխություններ են տեղի ունեցել։ Սա կարճ տարբերակն է, որը չի պարունակում ամբողջ մանրամասները։ Մանրամասների համար խնդրում ենք կարդալ Իրավունքները Լանտերմանի ակտի շրջանակում  և Սենատի 188-րդ օրինագիծը (2021-22)։

Ուժի մեջ է 2022 թվականի հուլիսի 1-ից․

Բանավոր թարգմանչի սահմանումը – WIC 4701-ն (i) սահմանում է, որ բանավոր թարգմանիչը պետք է լինի արդյունավետ, ճշգրիտ և անկողմնակալ, որպեսզի հասկանա և փոխանցի ասվածը։

Լսումների որոշումների իրականացում – WIC 4713.5-ն սահմանում է, որ շրջանային կենտրոնը պետք է հնարավորինս շուտ իրականացնի լսումների որոշումը՝ 30 օրվա ընթացքում։ Նրանք պետք է ասեն ձեզ և DDS-ին, եթե չեն կարող։

Ուժի մեջ է 2022 թվականի հոկտեմբերի 1-ից․

Իրավապաշտպանների այցելությունը բողոքարկման գործընթացում – WIC 4705.5(a)-ն սահմանափակում է, թե երբ կարող է շրջանային կենտրոնի իրավապաշտպանը ոչ պաշտոնական հանդիպման գնալ, միջնորդության և լսումի ներկայանալ։ Տես 2022 թվականի սեպտեմբերի 20-ի ուղեցույցը։

Դատավորին որակազրկում հայցելու ձեր իրավունքը – WIC 4701-ն ասում է, որ շրջանային կենտրոնը պետք է տեղեկացնի ձեզ դատավորի որակազրկում հայցելու ձեր իրավունքի մասին։

Ուժի մեջ է 2023 թվականի մարտի 1-ից։

IPP որոշումների փոխադարձ համաձայնություն – WIC 4701(k)-ն սահմանում է, որ շրջանային կենտրոնները պետք է գործողությունների ձեռնարկման ծանուցագիր տրամադրեն ձեզ, եթե չկա նամակ, որ համաձայնել էիք իրավասության կամ ծառայության մերժման, դադարեցման կամ կրճատման մասին։

Տեղեկատվության ստանդարտ փաթեթ – WIC 4708-ն սահմանում է, որ շրջանային կենտրոնը պետք է տրամադրի բողոքարկումների գործընթացի և հանդիպումների մասին տեղեկատվություն, երբ հարցնում եք և գործողությունների ձեռնարկման բոլոր ծանուցագրերով հանդերձ։ Նրանք նաև պետք է փաթեթը կայքէջում տեղադրեն 60 օրվա ընթացքում։

Գործողությունների ձեռնարկման ստանդարտ ծանուցագրի ձևաթուղթ – WIC 4701-ն պահանջում է գործողությունների ձեռնարկման ծանուցագրի թարմացված ձևաթուղթ։ Այն կհրապարակվի բողոքարկումների գործընթացի կայքէջում.

Ստանդարդ բողոքարկումների հարցման ձևաթուղթ – WIC 4701-ը պահանջում է բողոքարկումների հարցման թարմացված ձևաթուղթ։ Այն կհրապարակվի բ ողոքարկումների գործընթացի կայքէջում .

Բողոքարկման հարցումներ DDS-ին – WIC 4701(a)(7)-ը և (b)-ն և 4710.5(d)-ն բողոքարկման հարցումներն ուղարկում են DDS-ին, և ոչ շրջանային կենտրոնին։ DDS-ը կտեղեկացնի շրջանային կենտրոնին և OAH-ին։ Ուղարկեք առցանց՝ օգտագործելով բ ողոքարկումների գործընթացի կայքէջը, appealrequest@dds.ca.gov էլփոստին կամ փոստով։

Բողոքարկումների ժամանակացույցեր – WIC 4707, 4710.6, 4712.5(a)(1), 4713(b), 4715

• Բողոքարկեք գործողության ձեռնարկման մասին ծանուցագրի ստացումից հետո 60 օրվա ընթացքում։ Բողոքարկեք 30 օրվա ընթացքում, եթե ձեզ հարկավոր է վճարված առկախ օգնություն (ծառայությունները նույնն են մնում)։
• Շրջանային կենտրոնը պետք է ոչ պաշտոնական հանդիպում անցկացնի 10 օրվա ընթացքում։
• OAH-ը պետք է միջնորդությունն անցկացնի 30 օրվա ընթացքում։
• OAH-ը պետք է լսում անցկացնի 50 օրվա ընթացքում։
• OAH-ը որոշումը տրամադրում է լսումից հետո 10 օրվա ընթացքում և բողոքարկումից հետո 80 օրվա ընթացքում։
• Խնդրեք վերանայում լսումի որոշման կայացումից հետո 15 օրվա ընթացքում։ OAH-ը կամ DDS-ը պետք է որոշեն վերանայումը 15 օրվա ընթացքաում։
• Բողոքարկեք գերագույն դատարանին լսումի որոշման կայացումից հետո 180 օրվա ընթացքում։

Հայցվորի ընտրանքներ բողոքարկման գործընթացում – WIC 4707-ն ասում է, որ կարող եք ոչ պաշտոնական հանդիպում, միջնորդություն և լսում ընտրել։ Ավելի ուշ կարող եք փոխել ձեր հարցումը։ Փոփոխությունը կարող է շարունակելիության հանգեցնել։

Պարտադիր միջնորդություն – WIC 4711.5-ն սահմանում է, որ շրջանային կենտրոնը պետք է մասնակցի միջնորդությանը, եթե ցանկանում եք։

Դիրքորոշման հայտարարություններ և փաստրկների փոխանակում – WIC 4712(d)-ն սահմանում է, որ շրջանային կենտրոնը պետք է ձեր նախընտրելի լեզվով ձեզ տրամադրի իր դիրքորոշման հայտարարությունը լսումից առաջ 2 աշխատանքային օրվա ընթացքում։ Շրջանային կենտրոնին պետք է տրամադրեք վկաների ցանկը և հաշվետվությունները լսումից 2 աշխատանքային օր առաջ։ Եթե ունեք իրավապաշտպան, նա պետք է շրջանային կենտրոնին տրամադրի դիրքորոշման հայտարարություն, վկաների ցանկ և բոլոր փաստաթղթերը լսումից 2 աշխատանքային օր առաջ։

DDS-ի տնօրենի որոշումների պատվիրակում – WIC 4712.5-ն սահմանում է, որ DDS-ը լսումների հարցերով գրասենյակին շնորհում է վերջնական որոշումներ կայացնելու լիազորություն։ DDS-ը կարող է ընդունել առաջարկված որոշումը որպես վերջնական որոշում կամ նոր վերջնական որոշում տրամադրել։

Վերանայումներ - WIC 4713(b)-ն սահմանում է, որ դուք կամ շրջանային կենտրոնը կարող եք վերանայում խնդրել լսումի վերջնական որոշումից հետո 15 օրվա ընթացքում։

Փոփոխություններ լսումների հարցերով գրասենյակում – WIC 4712(i) 4712(b)(2) և (3)

• Լսումների հարցերով աշխատակիցը պետք է լսումն իրականացնի «չեզոքություն պահպանելով»։ Չեզոքության պահպանումը խրախուսում է ազատ և բաց հաղորդակցությունը՝ օգնելու բոլոր կողմերին ներկայացնել անհրաժեշտ տեղեկատվությունը։
• Լսումների հարցերով աշխատակիցները պետք է վերապատրաստում ստանան, թե ինչպես կարելի է ավելի արդար գտնվել մարդկանց հանդեպ լսումների ժամանակ և տեղեկանալ հաշմանդամության խնդիրների վերաբերյալ։

DDS-ն կհավաքի տվյալներ - WIC 4714-ն սահմանում է, որ DDS-ը պետք է տեղեկություններ հավաքի ոչ պաշտոնական հանդիպումների մասին (խնդիրներ, հայցվորներ, որոշումներ) և միջնորդություններ ու լսումներ (հրաժարված պահանջներ և պատճառներ, խնդիրներ, հայցվորներ, արդյունքներ, ժամանակացույցներ և որոշումներ)