ព័ត៌មានសម្រាប់អ្នកប្រើប្រាស់សេវាកម្មស្ដីពីរដ្ឋបាលរបបសន្តិសុខសង្គមកម្មវិធីអ្នកទទួលប្រាក់ជំនួស
ព័ត៌មានសម្រាប់អ្នកប្រើប្រាស់សេវាកម្មស្ដីពីរដ្ឋបាលរបបសន្តិសុខសង្គមកម្មវិធីអ្នកទទួលប្រាក់ជំនួស
ហាងស្រានេះប្រាប់អ្នកអំពីអ្នកទទួលប្រាក់ជាតំណាង។ តំណាងអ្នកទទួលប្រាក់ជួយអ្នកថវិកា និងចំណាយលើការទូទាត់របបសន្តិសុខសង្គមរបស់អ្នក។ ហាងស្រាប្រាប់អ្នកពីអ្វីដែលពួកគេធ្វើ។ ហាងស្រាប្រាប់អ្នកថាអ្នកណាជាអ្នកសម្រេចចិត្តថាអ្នកត្រូវការមួយ។ វាប្រាប់អ្នកពីអ្វីដែលត្រូវធ្វើប្រសិនបើពួកគេប្រើលុយរបស់អ្នកខុស។
ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។
តើអ្នកទទួលប្រាក់ជំនួសជានរណា?
អ្នកទទួលប្រាក់ជំនួស គឺជាមនុស្សម្នាក់ដែលរដ្ឋបាលរបបសន្តិសុខសង្គម (SSA) ជ្រើសរើសឱ្យជួយអ្នកក្នុងការធ្វើផែនការថវិកា និងចំណាយប្រាក់របបសន្តិសុខសង្គមរបស់អ្នក។ តើអ្នកអាចដឹងថា អ្នកមានអ្នកទទួលប្រាក់ជំនួសបានដោយរបៀបណា? អ្នកកំពុងទទួលបានអត្ថប្រយោជន៍ប្រចាំខែមានឈ្មោះថា SSI ឬ SSDI ហើយ SSA បានជ្រើសរើសមនុស្សម្នាក់ឱ្យគ្រប់គ្រងការចំណាយអត្ថប្រយោជន៍របស់អ្នកជំនួសអ្នក។ អ្នកទទួលប្រាក់ជំនួស អាចជាបុគ្គលម្នាក់ ឬជាទីភ្នាក់ងារណាមួយ។
តើអ្នកទទួលប្រាក់ជំនួសធ្វើការងារអ្វីខ្លះ?
ប្រសិនបើអ្នកមានអ្នកទទួលប្រាក់ជំនួស ពួកគេត្រូវជួយដល់អ្នកក្នុងការប្រើប្រាស់អត្ថប្រយោជន៍ SSDI និង/ឬ SSI សម្រាប់តម្រូវការរបស់អ្នក។ អត្ថប្រយោជន៍របស់អ្នក ត្រូវបង់ទៅឱ្យអ្នកទទួលប្រាក់ជំនួស ដើម្បីចាត់ចែងប្រើប្រាស់សម្រាប់អ្នក។ អ្នកទទួលប្រាក់របស់អ្នក ទទួលខុសត្រូវក្នុងការធានាថា ប្រាក់របស់អ្នកត្រូវបានប្រើប្រាស់ដើម្បីទូទាត់សម្រាប់តម្រូវការចាំបាច់បំផុតរបស់អ្នក។ តម្រូវការទាំងនេះអាចរួមបញ្ចូល ថ្លៃឈ្នួល ថ្លៃទឹកនិងភ្លើង ម្ហូបអាហារ សម្លៀកបំពាក់ ថ្លៃចំណាយវេជ្ជសាស្រ្ត និងទន្តសាស្រ្ត និងរបស់របរសម្រាប់មើលថែទាំខ្លួនអ្នកផ្ទាល់ (ដូចជា ច្រាស់ដុសធ្មេញ ក្រាសសិតសក់ និងសាប៊ូ)។
បន្ទាប់ពីទូទាត់តម្រូវការចាំបាច់របស់អ្នករួចរាល់ហើយ ប្រសិនបើនៅសល់ប្រាក់ អ្នកទទួលប្រាក់អាចប្រើប្រាស់ប្រាក់នៅសល់នោះដើម្បីទូទាត់វិក្កយបត្រ ទិញរបស់លេងកម្សាន្តដែលអ្នកចូលចិត្តលេង ឬទុកជាប្រាក់សម្រាប់ការកម្សាន្តសប្បាយ។ អ្នកទទួលប្រាក់របស់អ្នក ត្រូវរក្សាទុកកំណត់ត្រាលម្អិតថាតើពួកគេចាត់ចែងអត្ថប្រយោជន៍របស់អ្នកដូចម្ដេចខ្លះ ហើយរាយការណ៍វាទៅកាន់ SSA។
អ្នកទទួលប្រាក់របស់អ្នកក៏ត្រូវជួយអ្នកសន្សំប្រាក់ដើម្បីទិញរបស់អ្វីដែលអ្នកចង់ទិញផងដែរ។ អ្នក និងអ្នកទទួលប្រាក់របស់អ្នក គប្បីជួបប្រជុំគ្នារៀងរាល់ខែ ឬច្រើនខែម្ដង ដើម្បីជជែកគ្នាថាតើអ្នកត្រូវការទិញរបស់អ្វីពិសេស ឬមានតម្លៃថ្លៃឬអត់។ អ្នកទទួលប្រាក់របស់អ្នក គប្បីជួយអ្នកសន្សំប្រាក់សម្រាប់ការទិញរបស់ពិសេសទាំងនេះ។
តើអ្នកទទួលប្រាក់ជំនួសរបស់ខ្ញុំត្រូវជ្រើសរើសតាមរបៀបណា?
អ្នកទទួលប្រាក់ជំនួសរបស់អ្នក ត្រូវតែជាមនុស្សម្នាក់ដែលស្គាល់អ្នក និងចង់ជួយអ្នក។ គេគួរតែជាមនុស្សម្នាក់ដែលជួបអ្នកញឹកញាប់ និងដឹងពីតម្រូវការរបស់អ្នក។ ជម្រើសមួយចំនួន អាចជាសមាជិកគ្រួសារ មិត្តភ័ក្តិ ឬអាណាព្យាបាលស្របច្បាប់។ ក៏អាចជាស្ថាប័នណាមួយ ដូចជាមន្ទីរថែទាំមានផ្តល់ជូនម្ហូបអាហារ ដែលអ្នកកំពុងស្នាក់នៅផងដែរ។
ប្រសិនបើនរណាម្នាក់ចង់ធ្វើជាអ្នកទទួលប្រាក់របស់អ្នក អ្នកអាចទូរសព្ទទៅ SSA ដើម្បីឱ្យពួកគេធ្វើការជ្រើសរើសបុគ្គលនោះជាផ្លូវការឱ្យធ្វើជាអ្នកទទួលប្រាក់របស់អ្នក។ SSA នឹងប្រគល់ពាក្យសុំទៅបុគ្គលនោះ រួចសាកសួរពីសាវតាររបស់ពួកគេដើម្បីប្រាកដថា ពួកគេនឹងធ្វើអ្វីដែលល្អបំផុតសម្រាប់អ្នក។
ចុះប្រសិនបើខ្ញុំមិនចង់បានអ្នកទទួលប្រាក់ជំនួសដែលរបបសន្តិសុខសង្គមជ្រើសរើសឱ្យខ្ញុំ ឬខ្ញុំគិតថា ខ្ញុំមិនត្រូវការទាល់តែសោះ ដូច្នេះ តើខ្ញុំត្រូវធ្វើដូចម្ដេច?
ប្រសិនបើអ្នកមិនចង់បានអ្នកទទួលប្រាក់ជំនួសដែល SSA បានជ្រើសរើសឱ្យអ្នក ឬអ្នកគិតថា អ្នកមិនត្រូវការអ្នកទទួលប្រាក់ជំនួសណាម្នាក់ទេ អ្នកអាចធ្វើការបដិសេធជាមួយនឹង SSA បាន។ ដើម្បីធ្វើការបដិសេធ អ្នកត្រូវដាក់បណ្ដឹងតវ៉ា។ អ្នកប្ដឹងតវ៉ាតាមសំបុត្រជាលាយលក្ខណ៍អក្សរមួយទៅកាន់ SSA ដោយពន្យល់ពីបញ្ហានោះ។ អ្នកក៏អាចបំពេញទម្រង់បែបបទពិសេសមួយហៅថា “សំណើសុំការពិចារណាឡើងវិញ” បានផងដែរ។ អ្នកអាចទទួលបានសំណៅថតចម្លងនៃទម្រង់បែបបទនេះពីការិយាល័យ SSA ក្នុងមូលដ្ឋាន ឬតាមអនឡាញ តាមគេហទំព័រនេះ http://www.ssa.gov/forms/ssa-561.pdf។
នៅពេលអ្នកទទួលបានលិខិតមួយច្បាប់ពី SSA ដែលបានជ្រើសរើសអ្នកទទួលប្រាក់ឱ្យអ្នករួច ជាទូទៅ អ្នកត្រូវប្ដឹងតវ៉ាក្នុងរយៈពេល 60 ថ្ងៃ។ ពេលខ្លះ អ្នកអាចទទួលបានពេលវេលាបន្ថែមច្រើនជាងនេះ ប្រសិនបើអ្នកមានហេតុផលសមស្របណាមួយ។
អ្នកក៏អាចស្នើសុំអ្នកទទួលប្រាក់ផ្សេងទៀតបានផងដែរ។ ប្រសិនបើអ្នកគិតថា អ្នកពុំត្រូវការអ្នកទទួលប្រាក់នោះទេ អ្នកអាចពន្យល់ពីមូលហេតុនោះទៅកាន់ SSA បាន។ បែបនេះ វេជ្ជបណ្ឌិត គ្រូពេទ្យព្យាបាល ឬនរណាម្នាក់ផ្សេងទៀតដែលអាចពន្យល់បានថា អ្នកអាចគ្រប់គ្រងប្រាក់កាសបានដោយខ្លួនឯងនឹងអាចប្រគល់លិខិតមួយច្បាប់ទៅកាន់ SSA បាន។ ចូលទៅការិយាល័យ SSA ក្នុងមូលដ្ឋានរបស់អ្នក ដើម្បីដាក់ពាក្យសុំធ្វើជាអ្នកទទួលប្រាក់សម្រាប់ខ្លួនឯងផ្ទាល់។ ចូលទៅកាន់គេហទំព័រនេះ https://secure.ssa.gov/apps10/poms.nsf/lnx/0200502115 សម្រាប់ព័ត៌មានអំពីទម្រង់បែបបទ និងដំណើរការ។
ប្រសិនបើខ្ញុំមានអ្នកទទួលប្រាក់ជំនួស តើមានអ្វីដែលខ្ញុំត្រូវធ្វើដែរឬទេ?
អ្នកត្រូវការប្រាប់អ្នកទទួលប្រាក់របស់អ្នកពីរឿងរ៉ាវជាក់លាក់មួយចំនួន ដើម្បីជួយដល់ពួកគេក្នុងការគ្រប់គ្រងអត្ថប្រយោជន៍របស់អ្នក។ អ្នកគប្បីប្រាប់អ្នកទទួលប្រាក់របស់អ្នក ប្រសិនបើអ្នកចាប់ផ្ដើមចូលធ្វើការ ឬលាឈប់ពីការងារណាមួយ ផ្លាស់ទីលំនៅ រៀបការ ធ្វើដំណើរកម្សាន្តទៅប្រទេសផ្សេង ជាប់ឃុំនៅមន្ទីរឃុំឃាំង ឬពន្ធនាគារ ចូលសម្រាកព្យាបាលនៅមន្ទីរពេទ្យ ឬពិការភាពរបស់អ្នកបានប្រសើរជាងមុន។
ប្រសិនបើអ្នកកំពុងទទួលបានអត្ថប្រយោជន៍ SSI អ្នកក៏ត្រូវប្រាប់អ្នកទទួលប្រាក់ផងដែរ ប្រសិនបើអ្នកទទួលបានប្រាក់ពីប្រភពផ្សេងទៀត ឬបានដាក់ពាក្យសុំអត្ថប្រយោជន៍ផ្សេងទៀតពីរដ្ឋាភិបាល។ ប្រសិនបើបានសន្សំប្រាក់ខ្លះ អ្នកក៏ត្រូវប្រាប់អ្នកទទួលប្រាក់របស់អ្នកផងដែរ ថាតើអ្នកសន្សំប្រាក់បានច្រើនប៉ុនណា។ ចំណុចនេះសំខាន់ខ្លាំងណាស់ ពីព្រោះចំនួនទឹកប្រាក់ SSI របស់អ្នក អាស្រ័យលើថាតើអ្នកមានចំនួនទឹកប្រាក់ច្រើនប៉ុនណារួចហើយ។ ប្រសិនបើ SSA ធ្វើការបង់ប្រាក់ច្រើនជាងចំនួនដែលអ្នកត្រូវការ នោះអ្នកអាចនឹងត្រូវសងប្រាក់យ៉ាងច្រើនត្រឡប់ទៅឱ្យ SSA វិញ។ នេះហៅថា “ការបង់ប្រាក់លើសចំនួន”។
តើអ្នកទទួលប្រាក់ជំនួសរបស់ខ្ញុំ គ្រប់គ្រងប្រាក់ផ្សេងទៀតរបស់ខ្ញុំដែរឬទេ?
អត់ទេ។ លើកលែងតែអ្នកទទួលប្រាក់របស់អ្នក ក៏ជាអាណាព្យាបាលស្របច្បាប់ ឬជាអ្នកមើលថែទាំអ្នកដែរ បើពុំដូច្នោះទេ ពួកគេអាចត្រឹមជួយគ្រប់គ្រងអត្ថប្រយោជន៍ SSA ប៉ុណ្ណោះ។ ឧទាហរណ៍ អ្នកទទួលប្រាក់ជំនួស មិនអាចបញ្ជាអ្នកថាត្រូវចំណាយប្រាក់ដែលអ្នករកបានពីការងារទៅលើនេះលើនោះបានទេ។ ពួកគេក៏មិនអាចបញ្ជាឱ្យអ្នកត្រូវយកប្រាក់ដែលអ្នកទទួលបានពីក្រុមគ្រួសារទៅធ្វើនេះធ្វើនោះបានដែរ។ ក៏ប៉ុន្តែ អ្វីដែលសំខាន់គឺ អ្នកត្រូវប្រាប់ពួកគេអំពីប្រាក់ដែលអ្នកទទួលបានពីប្រភពផ្សេងទៀត។ ចំណុចនេះនឹងជួយពួកគេ ហើយការពារកុំឱ្យ SSA បង់ប្រាក់ច្រើនជ្រុល។ សូមចងចាំថា អ្នកនឹងត្រូវប្រគល់ប្រាក់នោះត្រឡប់ទៅវិញ បើទោះបីជាអ្នកបានចាយប្រាក់នោះរួចហើយក៏ដោយ។
តើខ្ញុំត្រូវបង់ប្រាក់ទៅឱ្យអ្នកទទួលប្រាក់ជំនួសឬអត់?
ប្រសិនបើអ្នកទទួលប្រាក់របស់អ្នក គឺជាបុគ្គល ពួកគេមិនអាចឱ្យអ្នកបង់ប្រាក់ឈ្នួលសម្រាប់ការជួយរបស់ពួកគេបានឡើយ។ អ្នកទទួលប្រាក់ដែលជាស្ថាប័ន អាចគិតប្រាក់ពីអ្នកក្នុងចំនួនតិចតួចក្នុងមួយខែៗ។ ជាទូទៅ ប្រាក់ច្រើនបំផុតដែលពួកគេអាចគិតថ្លៃពីអ្នកបានគឺ 43$ ក្នុងមួយខែ។ ពួកគេអាចគិតប្រាក់ 82$ ក្នុងមួយខែ ប្រសិនបើវេជ្ជបណ្ឌិតរបស់អ្នកនិយាយថា អ្នកមានបញ្ហាគ្រឿងញៀន ឬគ្រឿងស្រវឹង។ ប្រសិនបើអ្នកមិនច្បាស់ អ្នកអាចសាកសួរ SSA ឱ្យប្រាប់អ្នកបាន ថាតើអ្នកទទួលប្រាក់របស់អ្នក អាចគិតប្រាក់ពីអ្នកបានឬអត់ ហើយក្នុងចំនួនប៉ុន្មាន។ ចំនួនទឹកប្រាក់ដែលអ្នកទទួលប្រាក់អាចគិតថ្លៃ អាចមានការផ្លាស់ប្ដូរជារៀងរាល់ឆ្នាំ។ ដើម្បីពិនិត្យមើលចំនួនទឹកប្រាក់បច្ចុប្បន្ន សូមចូលទៅកាន់គេហទំព័រនេះ https://www.ssa.gov/oact/cola/RepPayee.html។
ប្រសិនបើអ្នកជឿថា អ្នកទទួលប្រាក់របស់អ្នកគិតប្រាក់ពីអ្នកច្រើនពេក អ្នកគួរប្រាប់ពួកគេឱ្យបង់ប្រាក់នោះត្រឡប់មកវិញ។ ទោះបីជាពួកគេគិតប្រាក់លើសចំនួនពីអ្នកយូរប៉ុនណាក៏ដោយ ក៏មិនមែនជាបញ្ហាដែរ ពួកគេត្រូវតែសងប្រាក់ត្រឡប់មកវិញ។ ប្រសិនបើពួកគេមិនសងប្រាក់មកអ្នកវិញទេ អ្នកអាចរាយការណ៍ពួកគេទៅកាន់ SSA ឬបុគ្គលិកគ្រប់គ្រងករណីរបស់អ្នក ប៉ូលិស ឬអ្នកតស៊ូមតិផ្សេងទៀតដូចជា Disability Rights California ជាដើម។
តើខ្ញុំដឹងថាអ្នកទទួលប្រាក់ជំនួសរបស់ខ្ញុំកំពុងចំណាយប្រាក់របស់ខ្ញុំដោយរបៀបណា?
ប្រសិនបើអ្នកមានអ្នកទទួលប្រាក់ណាម្នាក់ អ្នកមានសិទ្ធិដឹងថាតើប្រាក់របស់អ្នកត្រូវចំណាយយ៉ាងដូចម្ដេចបាន។ អ្នកគួរសុំឱ្យអ្នកទទួលប្រាក់របស់អ្នកបង្ហាញកំណត់ត្រាពីការចំណាយប្រាក់របស់ពួកគេឱ្យអ្នកមើល ដើម្បីឱ្យអ្នកបានឃើញថាតើប្រាក់នោះចំណាយលើអ្វីខ្លះ ហើយនៅសល់ប្រាក់ប៉ុន្មានទៀត។ បើមានអ្វីដែលអ្នកមិនយល់ ត្រូវសុំឱ្យពួកគេពន្យល់។ ប្រសិនបើអ្នកត្រូវការឱ្យពួកគេចំណាយអត្ថប្រយោជន៍របស់អ្នកទៅលើរបស់អ្វីមួយ សូមប្រាប់ពួកគេឱ្យបានដឹង។
ប្រសិនបើអ្នកទទួលប្រាក់ជំនួសរបស់ខ្ញុំប្រើប្រាក់ខ្ញុំមិនត្រឹមត្រូវ ឬលួចប្រាក់ខ្ញុំ តើខ្ញុំត្រូវធ្វើដូចម្ដេច?
អ្នកអាចរាយការណ៍បញ្ហាពាក់ព័ន្ធនឹងរបៀបដែលអ្នកទទួលប្រាក់ជំនួសរបស់អ្នកកំពុងចាយវាយប្រាក់របស់អ្នកទៅកាន់ SSA បាន។ បញ្ហាទាំងអស់នេះ អាចរួមបញ្ចូលបញ្ហាដែលអ្នកទទួលប្រាក់ជំនួសរបស់អ្នកកំពុងធ្វើរឿងដែលពួកគេមិនគួរធ្វើ ឬបញ្ហាដែលពួកគេមិនបានយកចិត្តទុកដាក់នឹងតម្រូវការរបស់អ្នកជាដើម។ ប្រសិនបើអ្នកទទួលប្រាក់ជំនួសរបស់អ្នក មិនព្រមបង្ហាញកំណត់ត្រាពីការចំណាយប្រាក់របស់អ្នកទេ អ្នកក៏អាចប្រាប់រឿងនេះទៅ SSA បានផងដែរ។ អ្នកអាចស្វែងរកការិយាល័យ SSA នៅជិតអ្នកបំផុតបាន ដោយចូលទៅកាន់គេហទំព័រនេះ https://secure.ssa.gov/ICON/main.jsp ឬទូរសព្ទទៅលេខ 1-800772-1213។ អ្នកក៏គួរតែជជែកជាមួយបុគ្គលិកគ្រប់គ្រងករណីរបស់អ្នក ឬជជែកជាមួយអ្នកតស៊ូមតិផ្សេងទៀត ដូចជា Disability Rights California ជាដើម។ លេខទូរសព្ទរបស់ Disability Rights California គឺ 1-800-7765746 ឬអ៊ីម៉ែល services@DisabilityRightsCa.org។
ប្រសិនបើអ្នកគិតថា អ្នកទទួលប្រាក់របស់អ្នកប្រើប្រាស់ប្រាក់អ្នកមិនត្រឹមត្រូវ ឬលួចប្រាក់ចំណូលរបស់អ្នកពី SSI ឬ SSDI អ្នកគួរទាក់ទងទៅកាន់ការិយាល័យអធិការកិច្ច (OIG) ឱ្យបានឆាប់តាមដែលអាចធ្វើទៅបាន។ ការិយាល័យ OIG នឹងទទួលយកពាក្យបណ្ដឹងរបស់អ្នក ហើយពិនិត្យមើលពីក្ដីកង្វល់របស់អ្នក ដើម្បីមើលថាតើពួកគេត្រូវការជួយអ្នកក្នុងការការពារប្រាក់របស់អ្នកឬអត់។ អ្នកគួររាយការណ៍ពីព័ត៌មានសំខាន់ៗដូចជា ឈ្មោះរបស់អ្នក ព័ត៌មានទំនាក់ទំនងរបស់អ្នក ឈ្មោះអ្នកទទួលប្រាក់ជំនួសរបស់អ្នក ពេលវេលាដែលការប្រើប្រាស់ប្រាក់មិនត្រឹមត្រូវនោះកើតឡើង ទីកន្លែងដែលកើតបញ្ហា និងព័ត៌មានលម្អិតដទៃផ្សេងទៀតអំពីអ្វីដែលបានកើតឡើងចំពោះប្រាក់របស់អ្នក។ ប្រសិនបើអ្នកចង់ អ្នកក៏អាចសុំឱ្យ OIG បិទបាំងឈ្មោះរបស់អ្នកកុំឱ្យអ្នកទទួលប្រាក់ជំនួសរបស់អ្នកដឹង។
អ្នកអាចដាក់ពាក្យបណ្ដឹងរបស់អ្នកតាមគេហទំព័រនេះបាន http://www.ssa.gov/fraudreport/oig/public_fraud_reporting/form.htm ឬដោយទូរសព្ទទៅលេខ 1-800269-0271។
បើខ្ញុំមានសំណួរផ្សេងទៀត តើខ្ញុំត្រូវធ្វើដូចម្ដេច?
ប្រសិនបើអ្នកមានសំណួរបន្ថែម អ្នកអាចជជែកជាមួយរបបសន្តិសុខសង្គម ឬទូរសព្ទទៅ Disability Rights California តាមរយៈលេខ (800) 776-5746។ អ្នកក៏អាចផ្ញើអ៊ីម៉ែលមកកាន់យើងតាមអាសយដ្ឋាន services@DisabilityRightsCa.org ឬចូលទៅកាន់គេហទំព័ររបស់យើងនៅ www.disabilityrightsca.org។