របៀបទទួលបានការបន្តការថែទាំនៅក្នុងកម្មវិធីថែទាំដែលគ្រប់គ្រងដោយ Medi-Cal
របៀបទទួលបានការបន្តការថែទាំនៅក្នុងកម្មវិធីថែទាំដែលគ្រប់គ្រងដោយ Medi-Cal
ការបោះពុម្ភផ្សាយនេះប្រាប់អ្នកអំពី "ការបន្តការថែទាំ" របស់ Medi-Cal ។ ប្រសិនបើអ្នកត្រូវចុះឈ្មោះក្នុងផែនការថែទាំដែលគ្រប់គ្រងដោយ Medi-Cal អ្នកប្រហែលជាអាចទៅជួបអ្នកផ្តល់សេវាថែទាំសុខភាព Medi-Cal ធម្មតារបស់អ្នក។ នេះគឺជាអ្វីដែល "ការបន្តការថែទាំ" មានន័យថា។ ការបោះពុម្ពផ្សាយប្រាប់អ្នកពីអ្វីដែលត្រូវធ្វើប្រសិនបើអ្នកមិនអាចទទួលបានវា។
ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។
ប្រសិនបើអ្នក៖
- មានថ្លៃឈ្នួលសម្រាប់សេវា (FFS) Medi-Cal និងត្រូវតែចុះឈ្មោះនៅក្នុងគម្រោងថែទាំដែលគ្រប់គ្រងដោយ Medi-Cal ឬ
- មានគម្រោងថែទាំដែលគ្រប់គ្រងដោយ Medi-Cal និងត្រូវតែចុះឈ្មោះនៅក្នុងគម្រោងថែទាំដែលគ្រប់គ្រងដោយ Medi-Cal ផ្សេងគ្នា
អ្នកប្រហែលជាអាចបន្តជួបគ្រូពេទ្យផ្តល់សេវាថែទាំសុខភាព Medi-Cal ដែលមានស្រាប់របស់អ្នក សូម្បីតែនៅពេលដែលគ្រូពេទ្យផ្តល់សេវាដែលមានស្រាប់របស់អ្នកមិនបានចុះឈ្មោះនៅក្នុងគម្រោងថែទាំដែលមានការគ្រប់គ្រងថ្មីរបស់អ្នក។ នេះត្រូវបានគេហៅថា "ការបន្តការថែទាំ។" អ្នកមានសិទ្ធិក្នុងការបន្តការទទួលបានការថែទាំដូចគ្នា នេះមានន័យថាទាំងគ្រូពេទ្យផ្តល់សេវាតែម្នាក់ ឬសេវាតែមួយ បើទោះបីជាការគ្របដណ្តប់នៃ Medi-Cal របស់អ្នកត្រូវបានផ្លាស់ប្តូរក៏ដោយ។
1. ចុះប្រសិនបើខ្ញុំស្ថិតនៅក្នុងកម្មវិធីថ្លៃឈ្នួលសម្រាប់សេវា Medi-Cal និងត្រូវតែចុះឈ្មោះនៅក្នុងគម្រោងថែទាំដែលគ្រប់គ្រងដោយ Medi-Cal វិញ?
អ្នកមានសិទ្ធិទទួលបានការបន្តការថែទាំ ដូចដែលបានរៀបរាប់នៅក្នុង លិខិតគម្រោងទាំងអស់លេខ 22-032។ អ្នកអាចស្នើសុំការបន្តការថែទាំបានរហូតដល់ទៅ 12 ខែ ប្រសិនបើអ្នកមានទំនាក់ទំនងពីមុនមកស្រាប់ជាមួយគ្រូពេទ្យផ្តល់សេវារបស់អ្នក។ នេះមានន័យថា អ្នកបានជួបគ្រូពេទ្យផ្តល់សេវាយ៉ាងហោចណាស់ម្តងក្នុងមួយឆ្នាំសម្រាប់ការជួបពិនិត្យដែលមិនមែនជាការសង្គ្រោះបន្ទាន់ នៅមុនពេលការចុះឈ្មោះចូលក្នុងគម្រោងថែទាំដែលមានការគ្រប់គ្រង។
ឧទាហរណ៏ ប្រសិនបើអ្នកបានចុះឈ្មោះក្នុងគម្រោងថែទាំដែលមានការគ្រប់គ្រងរបស់អ្នកនៅថ្ងៃទី 1 ខែមករា ឆ្នាំ 2024 ហើយអ្នកបានជួបគ្រូពេទ្យផ្តល់សេវាថែទាំបឋមរបស់អ្នកសម្រាប់ការជួបពិនិត្យជាប្រចាំនៅថ្ងៃទី 2 ខែមករា ឆ្នាំ 2023 (ឬនៅពេលក្រោយណាមួយនៅក្នុងឆ្នាំ 2023) នោះទំនាក់ទំនងរបស់អ្នកជាមួយគ្រូពេទ្យផ្តល់សេវាថែទាំបឋមរបស់អ្នកនឹងត្រូវបានចាត់ទុកថា "មានពីមុនមកស្រាប់។"
ការការពារនៅក្នុង លិខិតគម្រោងទាំងអស់លេខ 22-032 គឺជាការការពារបន្ថែមពីលើការការពារដោយច្បាប់រដ្ឋស្របតាមច្បាប់Knox Keene។
2. ចុះប្រសិនបើខ្ញុំបានចុះឈ្មោះរួចហើយនៅក្នុងគម្រោងថែទាំដែលគ្រប់គ្រងដោយMedi-Cal ហើយត្រូវតែផ្លាស់ប្តូរទៅគម្រោងថែទាំដែលមានការគ្រប់គ្រងថ្មីនៅថ្ងៃទី1 ខែមករា ឆ្នាំ 2024 វិញ?
អ្នកមានសិទ្ធិទទួលបានការបន្តការថែទាំស្រដៀងគ្នា ដូចដែលបានរៀបរាប់នៅក្នុងគោលការណ៍ស្ដីពីការបន្តការថែទាំនៃគម្រោងថែទាំដែលមានការគ្រប់គ្រងរបស់ក្រសួងសេវាថែទាំសុខភាព' (DHCS) ឆ្នាំ 2024។
ចំណាំ៖ ប្រសិនបើអ្នកមិន ត្រូវ ផ្លាស់ប្តូរគម្រោងរបស់អ្នកទេ ប៉ុន្តែអ្នកសម្រេចចិត្តផ្លាស់ប្តូរវា ដោយចេតនា នៅក្រោយថ្ងៃទី 1 ខែមករា ឆ្នាំ 2024 នោះគោលការណ៍ស្ដីពីការបន្តការថែទាំថ្មីមិនអនុវត្តចំពោះអ្នកទេ។
3. តើការបន្តការថែទាំមានរយៈពេលប៉ុន្មាន?
គ្រូពេទ្យផ្ដល់សេវា និងគម្រោងថែទាំដែលមានការគ្រប់គ្រងរបស់អ្នកនឹងសម្រេចថាតើរយៈពេលប៉ុន្មានដែលអ្នកអាចទទួលបានការបន្តការថែទាំ ប៉ុន្តែជាទូទៅវាមិនអាចលើសពី 12 ខែឡើយ។
មានស្ថានភាពចំនួន 3 ដែលការបន្តការថែទាំអាចមានរយៈពេលលើសពី 12 ខែ៖
- ប្រសិនបើអ្នកកំពុងទទួលការថែទាំជំងឺដែលគង់តែនឹងស្លាប់ ការបន្តការថែទាំរបស់អ្នកត្រូវតែគ្របដណ្តប់ជំងឺដែលគង់តែនឹងស្លាប់របស់អ្នក។
- ប្រសិនបើអ្នកមានផ្ទៃពោះ ឬទើបតែបានសម្រាលកូនថ្មីៗ ការបន្តការថែទាំរបស់អ្នកត្រូវតែគ្របដណ្តប់រយៈពេល 12 ខែបន្ទាប់ពីការបញ្ចប់ការមានផ្ទៃពោះរបស់អ្នក ឬរយៈពេល 12 ខែ បន្ទាប់ពីការធ្វើរោគវិនិច្ឆ័យសុខភាពផ្លូវចិត្តក្រោយពេលសម្រាល។
- ប្រសិនបើអ្នកកំពុងទទួលការថែទាំអ្នកជំងឺសម្រាកក្នុងមន្ទីរពេទ្យ ការបន្តការថែទាំត្រូវតែគ្របដណ្តប់រយៈពេលនៃស្ថានភាពស្រួចស្រាវនោះ។
4. តើខ្ញុំទទួលបានការបន្តការថែទាំដោយរបៀបណា?
អ្នក អ្នកតំណាងស្របច្បាប់របស់អ្នក ឬគ្រូពេទ្យផ្តល់សេវារបស់អ្នកត្រូវតែស្នើសុំការបន្តការថែទាំពីគម្រោងថែទាំដែលមានការគ្រប់គ្រងដោយ Medi-Cal ថ្មីរបស់អ្នក។ អ្នកអាចធ្វើដូចនេះបានដោយហៅទូរសព្ទទៅគម្រោងថ្មីរបស់អ្នក ឬឱ្យអ្នកតំណាងស្របច្បាប់ ឬវេជ្ជបណ្ឌិតរបស់អ្នកហៅទូរសព្ទទៅគម្រោងរបស់អ្នក។ លេខទូរសព្ទរបស់គម្រោងរបស់អ្នក គឺមាននៅក្នុងកញ្ចប់ចុះឈ្មោះរបស់អ្នក និងមាននៅលើកាតគម្រោងសុខភាពរបស់អ្នក។
នៅពេលអ្នកហៅទូរសព្ទ សូមផ្តល់ព័ត៌មានទំនាក់ទំនងទៅឱ្យគម្រោងថែទាំដែលមានការគ្រប់គ្រងរបស់អ្នកសម្រាប់គ្រូពេទ្យផ្តល់សេវាដែលអ្នកចង់បន្តជួប ដើម្បីឱ្យគម្រោងអាចទាក់ទងគ្រូពេទ្យផ្តល់សេវាបាន។ វាជារឿងសំខាន់ដើម្បីឱ្យគ្រូពេទ្យផ្តល់សេវាថែទាំសុខភាពរបស់អ្នក និងការិយាល័យខាងមុខរបស់គ្រូពេទ្យផ្ដល់សេវាបានដឹងថាអ្នកបានស្នើសុំឱ្យបន្តជួបគ្រូពេទ្យផ្តល់សេវាស្របតាមការការពារស្ដីពីការបន្តការថែទាំ។
ការពង្រឹងការបន្តការថែទាំសម្រាប់ប្រជាជនពិសេស
DHCS គឺតម្រូវឱ្យគម្រោងសុខភាពផ្តល់ការការពារបន្ថែមស្ដីពីការបន្តការថែទាំដល់អ្នកទទួលផល Medi-Cal ចំពោះប្រជាជនពិសេសមួយចំនួន។ ប្រសិនបើអ្នកជាផ្នែកមួយនៃប្រជាជនពិសេស គម្រោងថែទាំដែលមានការគ្រប់គ្រងថ្មីរបស់អ្នកគួរចាប់ផ្តើមដំណើរការបន្តការថែទាំសម្រាប់អ្នកដោយទាក់ទងទៅគ្រូពេទ្យផ្តល់សេវារបស់អ្នកពីឆ្នាំ 2023 និងការបង្កើតកិច្ចព្រមព្រៀងស្ដីពីការបន្តការថែទាំជាមួយគ្រូពេទ្យផ្តល់សេវារបស់អ្នកដោយគ្មានរូបអ្នកធ្វើឱ្យសំណើដើម្បីធានាថាមិនមានការរំខាននៅក្នុងការថែទាំរបស់អ្នក។ យើងនៅតែណែនាំអ្នកឱ្យទាក់ទងគម្រោងថែទាំដែលមានការគ្រប់គ្រងថ្មីរបស់អ្នក ដូចដែលបានរៀបរាប់នៅខាងលើដើម្បីឱ្យប្រាកដថាគេបានទទួលសំណើរបស់អ្នក។ ដើម្បីកំណត់ថាតើអ្នកស្ថិតនៅក្នុងប្រជាជនពិសេសឬអត់ សូមមើល សំណួរទី22។
5. តើខ្ញុំត្រូវការអ្វីខ្លះដើម្បីឱ្យសំណើរបស់ខ្ញុំទទួលបានការអនុម័ត?
ដើម្បីអនុម័តសំណើបន្តការថែទាំរបស់អ្នក គម្រោងថែទាំដែលមានការគ្រប់គ្រងរបស់អ្នកនឹងតម្រូវឱ្យ៖
- អ្នកមានទំនាក់ទំនងពីមុនមកស្រាប់ជាមួយគ្រូពេទ្យផ្ដល់សេវា មានន័យថា អ្នកបានជួបគ្រូពេទ្យផ្ដល់សេវាយ៉ាងហោចណាស់ម្តងក្នុងមួយឆ្នាំសម្រាប់ការជួបពិនិត្យដែលមិនមែនជាការសង្គ្រោះបន្ទាន់ នៅមុនពេលការចុះឈ្មោះចូលក្នុងគម្រោងថែទាំដែលមានការគ្រប់គ្រង (សូមមើល សំណួរទី 1)។ គម្រោងថែទាំដែលមានការគ្រប់គ្រងរបស់អ្នកប្រហែលជាអាចកំណត់អត្តសញ្ញាណទំនាក់ទំនងពីមុនមកស្រាប់របស់អ្នកតាមរយៈទិន្នន័យរបស់ក្រសួងសេវាថែទាំសុខភាព (DHCS) ប៉ុន្តែអ្នកក៏អាចផ្តល់ឯកសារផ្ទាល់ខ្លួនរបស់អ្នកអំពីការជួបពិនិត្យដែលមិនមែនជាការសង្គ្រោះបន្ទាន់ពីមុនបានផងដែរ
- គ្រូពេទ្យផ្ដល់សេវានឹងសុខចិត្តទទួលយកអត្រាតម្លៃតាមកិច្ចសន្យារបស់គម្រោងថែទាំដែលមានការគ្រប់គ្រងរបស់អ្នក
- គ្រូពេទ្យផ្ដល់សេវាបំពេញតាមបទដ្ឋានវិជ្ជាជីវៈរបស់គម្រោងថែទាំដែលមានការគ្រប់គ្រងរបស់អ្នក និងមិនមានបញ្ហាគុណភាពនៃការថែទាំណាមួយទេ ហើយ
- គ្រូពេទ្យផ្ដល់សេវា គឺជាគ្រូពេទ្យផ្ដល់សេវាដែលទទួលបានការអនុម័តពីគម្រោង Medicaid រដ្ឋកាលីហ្វញ៉ា។
យើងសូមណែនាំឱ្យធ្វើសំណើស្ដីពីការបន្តការថែទាំ មុនពេលទទួលសេវាពីគ្រូពេទ្យផ្តល់សេវារបស់អ្នក។
ប្រសិនបើអ្នកកំពុងធ្វើសំណើ ក្រោយពេលអ្នកទទួលសេវាពីគ្រូពេទ្យផ្ដល់សេវា នោះសំណើរបស់អ្នកសម្រាប់ការបន្តការថែទាំត្រូវតែបានធ្វើឡើងក្នុងរយៈពេល 30 ថ្ងៃតាមប្រតិទិន បន្ទាប់ពីកាលបរិច្ឆេទទទួលសេវា។
6. តើខ្ញុំនឹងឮដំណឹងត្រឡប់មកវិញអំពីសំណើរបស់ខ្ញុំនៅពេលណា?
រយៈពេលសម្រាប់គម្រោងថែទាំដែលមានការគ្រប់គ្រងរបស់អ្នកដើម្បីអនុម័ត ឬបដិសេធសំណើស្ដីពីការបន្តការថែទាំរបស់អ្នកអាស្រ័យលើហានិភ័យដែលអាចកើតមានចំពោះសុខភាពរបស់អ្នក។ ដោយអាស្រ័យលើហានិភ័យ DHCS នឹងពិចារណាសំណើរបស់អ្នកជាបន្ទាន់ ភ្លាមៗ ឬមិនបន្ទាន់។
សំណើទាំងអស់ពីប្រជាជនពិសេសដែលបានតម្រូវឱ្យមានការផ្លាស់ប្តូរទៅគម្រោងថែទាំដែលមានការគ្រប់គ្រងថ្មីនឹងត្រូវបានចាត់ទុកថាជាករណីបន្ទាន់។
ប្រសិនបើអ្នកត្រូវការជួបគ្រូពេទ្យផ្ដល់សេវាការបន្តការថែទាំរបស់អ្នកគឺជាករណីបន្ទាន់ ឬអ្នកមានការណាត់ជួបដែលកំពុងរង់ចាំសូមអនុញ្ញាតឱ្យគម្រោងថ្មីរបស់អ្នកដឹងរឿងនេះ។
បន្ទាន់
ប្រសិនបើមាន "ហានិភ័យនៃគ្រោះថ្នាក់ដែលបានកំណត់អត្តសញ្ញាណ" ចំពោះសុខភាពរបស់អ្នក គម្រោងថែទាំដែលមានការគ្រប់គ្រងរបស់អ្នកត្រូវតែបំពេញសំណើឱ្យបានឆាប់តាមដែលអាចធ្វើទៅបាន ប៉ុន្តែមិនឱ្យលើសពី 3 ថ្ងៃនៃប្រតិទិនឡើយ។"ហានិភ័យនៃគ្រោះថាក់" មានន័យថាជាការគំរាមកំហែងដែលជិតកើតមានឡើង និងធ្ងន់ធ្ងរដល់សុខភាពរបស់អ្នក។
ភ្លាមៗ
ប្រសិនបើស្ថានភាពជំងឺរបស់អ្នកតម្រូវឱ្យមានការយកចិត្តទុកដាក់ភ្លាមៗបន្ថែមទៀត ដូចជាការណាត់ជួបរបស់គ្រូពេទ្យ ឬសេវាបន្ទាន់ផ្សេងទៀត គម្រោងថែទាំដែលមានការគ្រប់គ្រងរបស់អ្នកត្រូវតែបំពេញសំណើរបស់អ្នកក្នុងរយៈពេល 15 ថ្ងៃនៃប្រតិទិន។
មិនបន្ទាន់
ប្រសិនបើស្ថានភាពជំងឺរបស់អ្នកគឺមិនបន្ទាន់ ឬភ្លាមៗទេ នោះគម្រោងថែទាំដែលមានការគ្រប់គ្រងរបស់អ្នកត្រូវតែដំណើរការសំណើរបស់អ្នកក្នុងរយៈពេល 30 ថ្ងៃនៃប្រតិទិន។
7. តើខ្ញុំនឹងឮដំណឹងត្រឡប់មកវិញដោយរបៀបណា?
គម្រោងថែទាំដែលមានការគ្រប់គ្រងរបស់អ្នកត្រូវតែជូនដំណឹងដល់អ្នកអំពីកាលបរិច្ឆេទដែលខ្លួនបានទទួលសំណើរបស់អ្នក និងផ្ដល់ឱ្យអ្នកនូវសេចក្ដីសម្រេចរបស់ខ្លួនដោយប្រើទម្រង់នៃការប្រាស្រ័យទាក់ទងដែលអ្នកពេញចិត្ត (ការហៅទូរសព្ទ សារ ឬអ៊ីមែល)។ គម្រោងថែទាំដែលមានការគ្រប់គ្រងរបស់អ្នកក៏ត្រូវតែផ្ញើសេចក្ដីសម្រេចជាលាយលក្ខណ៍អក្សរឱ្យអ្នកតាមអ៊ីមែលក្នុងរយៈពេល 7 ថ្ងៃនៃប្រតិទិន ក្រោយពេលដំណើរការសំណើនេះផងដែរ។ ចំពោះសំណើបន្ទាន់ គម្រោងថែទាំដែលមានការគ្រប់គ្រងត្រូវតែជូនដំណឹងដល់អ្នកនៅក្នុងរយៈពេលខ្លីបំផុតដែលជាការសមរម្យសម្រាប់ស្ថានភាពរបស់អ្នក ប៉ុន្តែមិនឱ្យលើសពី 3 ថ្ងៃនៃប្រតិទិនឡើយ។
8. តើមានអ្វីកើតឡើងប្រសិនបើសំណើរបស់ខ្ញុំទទួលបានការអនុម័ត?
ប្រសិនបើសំណើរបស់អ្នកទទួលបានការអនុម័ត គម្រោងថែទាំដែលមានការគ្រប់គ្រងរបស់អ្នក និងគ្រូពេទ្យផ្តល់សេវារបស់អ្នកនឹងធ្វើកិច្ចព្រមព្រៀងស្ដីពីការបន្តការថែទាំសម្រាប់គ្រូពេទ្យផ្តល់សេវា។ អ្នកអាចបន្តការទទួលសេវាពីគ្រូពេទ្យផ្តល់សេវានោះសម្រាប់រយៈពេលដែលបានអនុញ្ញាតនៅក្នុងសេចក្តីថ្លែងការណ៍អំពីសេចក្ដីសម្រេចរបស់អ្នក (រហូតដល់ទៅ 12 ខែ)។ សេចក្តីជូនដំណឹងរបស់អ្នកក៏គួរតែរួមបញ្ចូលនូវព័ត៌មានស្តីពីដំណើរការដែលនឹងកើតឡើង ដើម្បីផ្លាស់ប្តូរការថែទាំរបស់អ្នកនៅចុងបញ្ចប់នៃពេលវេលា និងព័ត៌មានអំពីសិទ្ធិរបស់អ្នកក្នុងការជ្រើសរើសផ្សេងៗ គ្រូពេទ្យផ្តល់សេវាក្នុងបណ្តាញ (ប្រសិនបើអ្នកជ្រើសរើស)។
ស្របតាមកិច្ចព្រមព្រៀងស្ដីពីការបន្តការថែទាំ គម្រោងថែទាំដែលមានការគ្រប់គ្រងរបស់អ្នកនឹងបង់ប្រាក់ឱ្យគ្រូពេទ្យផ្ដល់សេវារបស់អ្នកសម្រាប់សេវាវេជ្ជសាស្រ្តរបស់អ្នក។
9. តើមានអ្វីកើតឡើងប្រសិនបើសំណើរបស់ខ្ញុំត្រូវបានគេបដិសេធ?
គម្រោងថែទាំដែលមានការគ្រប់គ្រងរបស់អ្នកអាចនឹងបដិសេធសំណើរបស់អ្នក ប្រសិនបើលក្ខខណ្ឌតម្រូវទាំង 4 នៅក្នុង សំណួរទី 6 គឺមិនត្រូវបានបំពេញតាម។ សេចក្តីជូនដំណឹងរបស់អ្នកត្រូវតែពន្យល់ពីហេតុផលសម្រាប់ការបដិសេធ និងផ្ដល់ឱ្យអ្នកនូវព័ត៌មានអំពីរបៀបដាក់ពាក្យបណ្ដឹងសារទុក្ខ ឬបណ្តឹងឧទ្ធរណ៍លើសេចក្ដីសម្រេច។ សូមមើល លិខិតគម្រោងទាំងអស់លេខ 21-011 សម្រាប់ព័ត៌មានបន្ថែមអំពីដំណើរការបណ្ដឹងសារទុក្ខ និងបណ្តឹងឧទ្ធរណ៍។ ក៏សូមមើលការបោះពុម្ពផ្សាយរបស់ DRC ស្ដីអំពីបណ្តឹងសារទុក្ខ និងបណ្តឹងឧទ្ធរណ៍ផ្នែកការថែទាំដែលមានការគ្រប់គ្រងផងដែរ។
ប្រសិនបើគម្រោងរបស់អ្នក និងគ្រូពេទ្យផ្តល់សេវារបស់អ្នកមិនអាចយល់ព្រមលើកិច្ចព្រមព្រៀង ឬអត្រាតម្លៃ ឬក៏គម្រោងរបស់អ្នកបានចងក្រងបញ្ហាគុណភាពនៃការថែទាំទុកជាឯកសារជាមួយគ្រូពេទ្យផ្តល់សេវារបស់អ្នក នោះគម្រោងរបស់អ្នកត្រូវតែផ្តល់គ្រូពេទ្យផ្ដល់សេវាក្នុងបណ្តាញជំនួសដល់អ្នកវិញ។ ប្រសិនបើអ្នកមិនជ្រើសរើសយកមួយទេ នោះគម្រោងរបស់អ្នកត្រូវតែបញ្ជូនអ្នកទៅគ្រូពេទ្យផ្ដល់សេវាមួយទៀត។
10. តើមានអ្វីកើតឡើងបន្ទាប់ពីរយៈពេលនៃការបន្តការថែទាំរបស់ខ្ញុំ (មិនលើសពី 12 ខែ) ដល់ទីបញ្ចប់?
បន្ទាប់ពីរយៈពេលនៃការបន្តថែទាំរបស់អ្នកដល់ទីបញ្ចប់ អ្នកត្រូវតែប្តូរទៅគ្រូពេទ្យផ្តល់សេវាថ្មីដែលមាននៅក្នុងបណ្តាញជាមួយនឹងគម្រោងថែទាំដែលមានការគ្រប់គ្រងរបស់អ្នក។ គម្រោងថែទាំដែលមានការគ្រប់គ្រងរបស់អ្នកត្រូវតែទាក់ទងអ្នក និងគ្រូពេទ្យផ្តល់សេវារបស់អ្នកអំពីដំណើរការសម្រាប់ការផ្លាស់ប្តូរទៅគ្រូពេទ្យផ្តល់សេវាក្នុងបណ្តាញក្នុងរយៈពេល 30 ថ្ងៃនៃប្រតិទិន មុនពេលកាលបរិច្ឆេទបញ្ចប់មកដល់។
11. ចុះប្រសិនបើខ្ញុំផ្លាស់ប្តូរគម្រោងថែទាំដែលមានការគ្រប់គ្រងបន្ទាប់ពីការចុះឈ្មោះលើកដំបូងរបស់ខ្ញុំ?
ប្រសិនបើអ្នកផ្លាស់ប្តូរគម្រោងដោយចេតនា បន្ទាប់ពីការចុះឈ្មោះលើកដំបូងរបស់អ្នក ឬប្រសិនបើអ្នកបាត់បង់ ហើយបន្ទាប់មកទទួលបានមកវិញនូវភាពមានសិទ្ធិទទួលបានគម្រោងក្នុងអំឡុងពេលការបន្តការថែទាំរយៈពេល 12 ខែ នោះរយៈពេលនៃការបន្តការថែទាំ 12 ខែរបស់អ្នកសម្រាប់គ្រូពេទ្យផ្តល់សេវាដែលមានពីមុនមកស្រាប់អាចចាប់ផ្តើម មួយដងឡើងវិញបាន។ ឧទាហរណ៏ប្រសិនបើអ្នកចុះឈ្មោះនៅក្នុងគម្រោងថែទាំដែលមានការគ្រប់គ្រងនៅថ្ងៃទី 1 ខែមករា ឆ្នាំ 2023។ បន្ទាប់មក អ្នកផ្លាស់ប្តូរទៅគម្រោងថែទាំដែលមានការគ្រប់គ្រងថ្មីដោយចេតនានៅថ្ងៃទី 1 ខែមេសា ឆ្នាំ 2023។ រយៈពេលនៃការបន្តការថែទាំ 12 ខែ អាចចាប់ផ្តើមមួយដងឡើងវិញបាននៅថ្ងៃទី 1 ខែមេសា ឆ្នាំ 2023 ហើយអ្នកអាចជួបគ្រូពេទ្យផ្តល់សេវាដែលមានពីមុនមកស្រាប់របស់អ្នករហូតដល់ថ្ងៃទី 1 ខែមេសា ឆ្នាំ 2024។
ប្រសិនបើអ្នកផ្លាស់ប្តូរម្តងទៀត នោះនឹងមិនមានរយៈពេលនៃការបន្តការថែទាំ 12 ខែថ្មីទេ។
ការផ្លាស់ប្តូរពី FFS Medi-Cal ទៅគម្រោងថែទាំដែលមានការគ្រប់គ្រង
12. តើខ្ញុំអាចបន្តជួបគ្រូពេទ្យផ្តល់សេវាណាខ្លះ?
ប្រសិនបើអ្នកកំពុងផ្លាស់ប្តូរពី FFS Medi-cal ទៅគម្រោងថែទាំដែលមានការគ្រប់គ្រងដោយ Medi-cal ការការពារសម្រាប់ការបន្តការថែទាំអាចនឹងអនុញ្ញាតឱ្យអ្នកជួប៖
- គ្រូពេទ្យផ្តល់សេវាថែទាំបឋម
- គ្រូពេទ្យឯកទេស និង
- ជ្រើសរើសគ្រូពេទ្យផ្តល់សេវាបន្ទាប់បន្សំ រួមមានគ្រូពេទ្យព្យាបាលដោយការនិយាយ ដោយចលនា រោគមុខរបរ ផ្លូវដង្ហើមនិងគ្រូពេទ្យផ្ដល់សេវាព្យាបាលសុខភាពអាកប្បកិរិយា (BHT)។
អ្នកមិនអាចទទួលបានការការពារសម្រាប់ការបន្តការថែទាំដើម្បីជួបគ្រូពេទ្យផ្តល់សេវាបន្ទាប់បន្សំផ្សេងទៀតបានទេ ដូចជា៖
- ការថតឆ្លុះ
- មន្ទីរពិសោធន៍
- មជ្ឈមណ្ឌលលាងឈាម
- ការដឹកជញ្ជូនទៅព្យាបាលមិនមែនសង្គ្រោះបន្ទាន់ (NEMT)
- ការដឹកជញ្ជូនមិនមែនទៅព្យាបាល (NMT)
- សេវាបន្ទាប់បន្សំផ្សេងទៀត និង
- គ្រូពេទ្យផ្តល់សេវាមិនបានចុះឈ្មោះក្នុង Medi-Cal ទេ។
13. ចុះប្រសិនបើខ្ញុំមានការណាត់ជួបដែលបានកំណត់ពេលទុករួចទៅហើយជាមួយគ្រូពេទ្យឯកទេសតាមរយៈថ្លៃឈ្នួលសម្រាប់សេវា Medi-Cal របស់ខ្ញុំ? តើខ្ញុំនៅតែអាចចូលរួមក្នុងការណាត់ជួបនេះបានដែរទេ បន្ទាប់ពីខ្ញុំបានចុះឈ្មោះនៅក្នុងគម្រោងថែទាំដែលមានការគ្រប់គ្រង?
ប្រសិនបើការណាត់ជួបគឺជាមួយគ្រូពេទ្យឯកទេសក្រៅបណ្តាញដែលអ្នកបានជួបនៅក្នុងឆ្នាំចុងក្រោយនេះសម្រាប់ការជួបពិនិត្យដែលមិនមែនជាការសង្គ្រោះបន្ទាន់ និងការបន្តការថែទាំ គឺត្រូវបានបង្កើតឡើង (បន្ទាប់ពីដំណើរការនៅក្នុង សំណួរទី 5 និងលក្ខខណ្ឌតម្រូវនៅក្នុង សំណួរទី 6) នោះអ្នកអាចបន្តរក្សាការណាត់ជួបដែលបានកំណត់ពេលរួចបាន ដរាបណាវានឹងកើតឡើងក្នុងអំឡុងពេលការបន្តថែទាំរបស់អ្នក។
ប្រសិនបើការណាត់ជួបគឺជាមួយគ្រូពេទ្យឯកទេសក្រៅបណ្តាញដែលអ្នកមិនបានជួបនៅក្នុងឆ្នាំចុងក្រោយនេះសម្រាប់ការជួបពិនិត្យដែលមិនមែនជាការសង្គ្រោះបន្ទាន់ និងការបន្តការថែទាំ គឺមិនត្រូវបានបង្កើតឡើងទេ នោះគម្រោងថែទាំដែលមានការគ្រប់គ្រងរបស់អ្នកមាន 2 ជម្រើស៖ 1) គម្រោងថែទាំដែលមានការគ្រប់គ្រងរបស់អ្នកអាចអនុញ្ញាតឱ្យអ្នកបន្តរក្សាការណាត់ជួបដែលមានស្រាប់របស់អ្នកបាន ឬ 2) គម្រោងថែទាំដែលមានការគ្រប់គ្រងរបស់អ្នកនឹងកំណត់ពេលណាត់ជួបជាមួយគ្រូពេទ្យផ្តល់សេវាក្នុងបណ្តាញសម្រាប់ឯកទេសតែមួយ នៅចំ ឬមុន កាលបរិច្ឆេទដែលបានកំណត់ពេលសម្រាប់ការណាត់ជួបដែលមានស្រាប់។ ប្រសិនបើគម្រោងថែទាំដែលមានការគ្រប់គ្រងរបស់អ្នក គឺមិនអាចកំណត់ពេលណាត់ជួបថ្មីទាន់ពេលវេលាទេ នោះត្រូវតែបង្កើត "កិច្ចខិតខំប្រឹងប្រែងដោយស្មោះត្រង់" ដើម្បីអនុញ្ញាតឱ្យអ្នកបន្តរក្សាការណាត់ជួបដើមរបស់អ្នក។ សម្រាប់ព័ត៌មានបន្ថែម សូមមើល APL 23-022 និង មគ្គុទ្ទេសក៍គោលការណ៍ស្ដីពីការផ្លាស់ប្តូរគម្រោងថែទាំដែលមានគ្រប់គ្រងដោយ Medi-Cal ឆ្នាំ 2024។
14. តើខ្ញុំអាចបន្តទទួលសេវាដែលមានការអនុញ្ញាតរួចហើយនៅដែលពេលខ្ញុំផ្លាស់ប្តូរពី FFS Medi-Cal ទៅការថែទាំដែលមានគ្រប់គ្រងបានដែរទេ?
បាទ/ចាស។ អ្នកមានសិទ្ធិបន្តទទួលសេវាកម្មដែលគ្របដណ្តប់ដោយ Medi-Cal ដូចគ្នា បន្ទាប់ពីចុះឈ្មោះនៅក្នុងគម្រោងថែទាំដែលមានការគ្រប់គ្រងពី FFS Medi-Cal។
គម្រោងថែទាំដែលមានការគ្រប់គ្រងរបស់អ្នកត្រូវតែគោរពការអនុញ្ញាតការព្យាបាលសកម្មពីមុនទាំងអស់សម្រាប់សេវាកម្មក្នុងរយៈពេល 90 ថ្ងៃ ដំបូងរបស់អ្នកនៅលើគម្រោង។ អ្នកមិនចាំបាច់ស្នើសុំវាទេ ពីព្រោះវាគួរតែកើតឡើងដោយស្វ័យប្រវត្តិ ប៉ុន្តែយើងសូមណែនាំឱ្យធ្វើសំណើ។ គម្រោងថែទាំដែលមានការគ្រប់គ្រងរបស់អ្នកត្រូវតែរៀបចំឱ្យមានសេវាដែលមានការអនុញ្ញាតដែលត្រូវផ្តល់ជូនដោយគ្រូពេទ្យផ្តល់សេវាក្នុងបណ្តាញ។ ប្រសិនបើមិនមានគ្រូពេទ្យផ្តល់សេវាក្នុងបណ្តាញទេ គម្រោងរបស់អ្នកត្រូវតែស្វែងរកគ្រូពេទ្យផ្តល់សេវាក្រៅបណ្តាញដើម្បីផ្តល់សេវា។
ក្រោយរយៈពេល 90 ថ្ងៃ ការអនុញ្ញាតការព្យាបាលសកម្មរបស់អ្នកនឹងនៅតែមានប្រសិទ្ធភាពពេញមួយរយៈពេលដើមរបស់វា ឬរហូតដល់គម្រោងថែទាំដែលមានការគ្រប់គ្រងរបស់អ្នកបានបញ្ចប់ការវាយតម្លៃថ្មី មួយណាឆាប់ជាង។ ប្រសិនបើវីនដូរយៈពេល90 ថ្ងៃដល់ទីបញ្ចប់ ហើយគម្រោងថែទាំដែលមានការគ្រប់គ្រងរបស់អ្នកមិនទាន់បានបញ្ចប់ការវាយតម្លៃថ្មីទេ នោះគម្រោងរបស់អ្នកអាចវាយនឹងតម្លៃការអនុញ្ញាតការព្យាបាលរបស់អ្នកឡើងវិញនៅពេលណាក៏បាន។
ការវាយតម្លៃគឺត្រូវបានធ្វើឡើងនៅពេលដែលអ្នកជួបគ្រូពេទ្យផ្តល់សេវាក្នុងបណ្តាញដែលពិនិត្យជំងឺរបស់អ្នក និងបញ្ចប់គម្រោងព្យាបាលថ្មីមួយ។ គម្រោងព្យាបាលថ្មីត្រូវតែរួមបញ្ចូលការវាយតម្លៃសម្រាប់សេវានៅក្នុងការអនុញ្ញាតការព្យាបាលដែលមានស្រាប់របស់អ្នក។
15. តើមានការបន្តការថែទាំសម្រាប់ឧបករណ៍វេជ្ជសាស្រ្តជាប់ប្រើបានយូរ (DME) របស់ខ្ញុំ និងសម្ភារផ្គត់ផ្គង់វេជ្ជសាស្រ្ត នៅពេលដែលខ្ញុំផ្លាស់ប្តូរពី FFS Medi-Cal ទៅការថែទាំដែលមានការគ្រប់គ្រងដោយ Medi-Cal ដែរទេ?
បាទ/ចាស។ អ្នកត្រូវបានអនុញ្ញាតឱ្យរក្សាការជួល និងសម្ភារផ្គត់ផ្គង់ DME ដែលមានស្រាប់របស់អ្នកពីគ្រូពេទ្យផ្តល់សេវា DME ដែលមានស្រាប់របស់អ្នក ដែលបានអនុម័តស្របតាម FFS Medi-Cal សម្រាប់៖
- រយៈពេល 90 ថ្ងៃ បន្ទាប់ពីការចុះឈ្មោះរបស់អ្នកនៅក្នុងគម្រោងថែទាំដែលមានការគ្រប់គ្រង និង
- រហូតដល់អ្នកទទួលបានការវាយតម្លៃដោយគម្រោងថែទាំដែលមានការគ្រប់គ្រង និង
- រហូតដល់អ្នកមាន DME ឬសម្ភារផ្គត់ផ្គង់ថ្មីរបស់អ្នក ហើយសម្ភារទាំងនោះគឺរួចរាល់សម្រាប់ការប្រើប្រាស់។
ការវាយតម្លៃឡើងវិញគឺត្រូវបានធ្វើឡើងនៅពេលដែលអ្នកជួបគ្រូពេទ្យផ្តល់សេវាក្នុងបណ្តាញ (ដោយផ្ទាល់ ឬតាមរយៈសុខភាពពីចម្ងាយ) ដែលពិនិត្យជំងឺរបស់អ្នក និងបញ្ចប់គម្រោងព្យាបាលថ្មីមួយ។ គម្រោងព្យាបាលថ្មីត្រូវតែរួមបញ្ចូលការវាយតម្លៃសេវាកម្មនៅក្នុងការអនុញ្ញាត DME ដែលមានស្រាប់របស់អ្នក។
ក្រោយរយៈពេល 90 ថ្ងៃ គម្រោងថែទាំដែលមានការគ្រប់គ្រងរបស់អ្នកអាចវាយតម្លៃការអនុញ្ញាតរបស់អ្នកឡើងវិញសម្រាប់DME បានគ្រប់ពេល ហើយអាចនឹងតម្រូវឱ្យអ្នកប្តូរទៅគ្រូពេទ្យផ្តល់សេវាក្នុងបណ្តាញ។ ប្រសិនបើគម្រោងថែទាំដែលមានការគ្រប់គ្រងរបស់អ្នកមិនបានបញ្ចប់ការវាយតម្លៃថ្មីទេ នោះការអនុញ្ញាតដែលមានស្រាប់នៅតែសកម្មសម្រាប់រយៈពេលដើមរបស់គម្រោង។
16. ចុះប្រសិនបើ DME របស់ខ្ញុំត្រូវបានបញ្ជាទិញនៅក្នុងពេលផ្លាស់ប្តូររបស់ខ្ញុំទៅការថែទាំដែលមានការគ្រប់គ្រងពី FFS Medi-Cal ប៉ុន្តែមិនទាន់បានផ្ដល់ឱ្យវិញនោះ?
គោលនយោបាយដូចគ្នាពី សំណួរទី 15 អនុវត្តប្រសិនបើ DME របស់អ្នកត្រូវបានបញ្ជាឱ្យ ប៉ុន្តែមិនបានបញ្ជូននៅឡើយទេនៅពេលនៃការផ្លាស់ប្តូររបស់អ្នក។ គម្រោងថែទាំដែលមានការគ្រប់គ្រងរបស់អ្នកត្រូវតែអនុញ្ញាតឱ្យផ្ដល់ជូន DME របស់អ្នក និងដើម្បីឱ្យអ្នករក្សាទុកវាយ៉ាងហោចណាស់ 90 ថ្ងៃ និងរហូតដល់ការវាយតម្លៃឡើងវិញ។
17. តើសេវាមធ្យោបាយធ្វើដំណើររបស់ខ្ញុំដែលគ្របដណ្តប់ដោយ FFS Medi-Cal (ការដឹកជញ្ជូនទៅព្យាបាលមិនមែនសង្គ្រោះបន្ទាន់ និងការដឹកជញ្ជូនមិនមែនទៅព្យាបាល) នឹងបន្តដែរទេ?
គម្រោងថែទាំដែលមានការគ្រប់គ្រងរបស់អ្នកត្រូវតែអនុញ្ញាតឱ្យអ្នករក្សាប្រភេទមធ្យោបាយធ្វើដំណើរដែលអ្នកទទួលបានការអនុញ្ញាត ប៉ុន្តែគម្រោងប្រហែលជាតម្រូវឱ្យអ្នកប្តូរទៅគ្រូពេទ្យផ្តល់សេវាក្នុងបណ្តាញ។
ការផ្លាស់ប្តូរពីគម្រោងថែទាំដែលមានការគ្រប់គ្រងមួយទៅគម្រោងថែទាំដែលមានការគ្រប់គ្រងមួយផ្សេងទៀត
18. តើខ្ញុំអាចបន្តជួបគ្រូពេទ្យផ្តល់សេវាណាខ្លះ?
ប្រសិនបើអ្នកកំពុងផ្លាស់ប្តូរពីគម្រោងថែទាំដែលមានការគ្រប់គ្រងមួយទៅគម្រោងថែទាំដែលមានការគ្រប់គ្រងថ្មីមួយទៀត នោះការការពារសម្រាប់ការបន្តការថែទាំអាចនឹងអនុញ្ញាតឱ្យអ្នកជួប៖
- គ្រូពេទ្យផ្តល់សេវាថែទាំបឋម
- គ្រូពេទ្យឯកទេស និង
- ជ្រើសរើសគ្រូពេទ្យផ្តល់សេវាបន្ទាប់បន្សំ រួមមានគ្រូពេទ្យព្យាបាលដោយការនិយាយ ដោយចលនា រោគមុខរបរ ផ្លូវដង្ហើមនិងគ្រូពេទ្យផ្ដល់សេវាព្យាបាលសុខភាពអាកប្បកិរិយា (BHT)។
- អ្នកថែទាំស្ត្រី
- មជ្ឈមណ្ឌលលាងឈាម
- គ្រូពេទ្យផ្តល់សេវាគ្រប់គ្រងការថែទាំដែលប្រសើរឡើង (ECM)
- គ្រូពេទ្យផ្តល់សេវាជំនួយសហគមន៍
- មន្ទីរជំនាញគិលានុបដ្ឋាកម្ម (SNFs)
អ្នកមិនអាចទទួលបានការការពារសម្រាប់ការបន្តការថែទាំដើម្បីជួបគ្រូពេទ្យផ្តល់សេវាបន្ទាប់បន្សំផ្សេងទៀតបានទេ ដូចជា៖
- ការថតឆ្លុះ
- មន្ទីរពិសោធន៍
- ការដឹកជញ្ជូនទៅព្យាបាលមិនមែនសង្គ្រោះបន្ទាន់ (NEMT)
- ការដឹកជញ្ជូនមិនមែនទៅព្យាបាល (NMT)
- គ្រូពេទ្យផ្តល់សេវាមិនបានចុះឈ្មោះក្នុង Medi-Cal ទេ។
19. តើខ្ញុំអាចបន្តទទួលសេវាអ្វីខ្លះ ប្រសិនបើខ្ញុំត្រូវតែផ្លាស់ប្តូរទៅគម្រោងថែទាំដែលមានការគ្រប់គ្រងថ្មី?
ការបន្តការថែទាំសម្រាប់សេវាកម្ម អនុញ្ញាតឱ្យអ្នកបន្តទទួលបានសេវា Medi-cal ដែលមានការគ្របដណ្តប់ក្នុងរយៈពេល 6 ខែ(ចាប់ពីថ្ងៃទី 1 ខែមករា ឆ្នាំ 2024 ដល់ថ្ងៃទី 1 ខែកក្កដា ឆ្នាំ 2024) ដោយមិនទទួលបានការអនុញ្ញាតថ្មីពីគម្រោងថែទាំដែលមានការគ្រប់គ្រងថ្មី ប្រសិនបើ៖
- អ្នកមានការអនុញ្ញាតជាមុនសកម្មសម្រាប់សេវា ឬ
- អ្នកមានវគ្គនៃការព្យាបាលសកម្មដោយគ្មានការអនុញ្ញាតជាមុន។ "វគ្គនៃការព្យាបាលសកម្ម" ត្រូវតែបានចងក្រងទុកជាឯកសារនៅក្នុងកំណត់ត្រាវេជ្ជសាស្រ្តរបស់អ្នកនៅមុនថ្ងៃទី 1 ខែមករា ឆ្នាំ 2024។ វាមានន័យថាអ្នកបានចូលរួមយ៉ាងសកម្មជាមួយគ្រូពេទ្យផ្តល់សេវា និងធ្វើតាមវគ្គនៃការព្យាបាលតាមវេជ្ជបញ្ជា ដូចដែលបានចែងដោយគ្រូពេទ្យផ្តល់សេវារបស់អ្នកសម្រាប់ស្ថានភាពជំងឺជាក់លាក់។
20. តើមានអ្វីកើតឡើងបន្ទាប់ពីរយៈពេលបន្តការថែទាំ 6 ខែបញ្ចប់សម្រាប់សេវាដែលបានអនុញ្ញាតស្ថិតក្រោមគម្រោងថែទាំដែលមានការគ្រប់គ្រងពីមុនរបស់ខ្ញុំ?
ប្រសិនបើអ្នកនៅតែត្រូវការសេវាក្រោយរយៈពេលការបន្តការថែទាំ 6 ខែបញ្ចប់ គ្រូពេទ្យផ្តល់សេវាក្នុងបណ្តាញថ្មីរបស់អ្នកគួរតែស្នើសុំការអនុញ្ញាតពីគម្រោងថែទាំដែលមានការគ្រប់គ្រងថ្មីរបស់អ្នក។
21. តើខ្ញុំមានសិទ្ធិបន្តការថែទាំសម្រាប់ DME និងសម្ភារផ្គត់ផ្គង់វេជ្ជសាស្រ្តរបស់ខ្ញុំដែរឬទេ ប្រសិនបើខ្ញុំកំពុងផ្លាស់ប្តូរទៅគម្រោងថែទាំដែលមានការគ្រប់គ្រងថ្មីនៅថ្ងៃទី 1 ខែមករា ឆ្នាំ 2024?
បាទ/ចាស។ ប្រសិនបើអ្នកកំពុងផ្លាស់ប្តូរទៅគម្រោងថែទាំដែលមានការគ្រប់គ្រងថ្មីនៅថ្ងៃទី 1 ខែមករា ឆ្នាំ 2024 អ្នកអាចរក្សាការជួល DME និងសម្ភារផ្គត់ផ្គង់វេជ្ជសាស្រ្តដែលមានស្រាប់របស់អ្នកយ៉ាងហោចណាស់ 6 ខែ បន្ទាប់ពីការផ្លាស់ប្តូររបស់អ្នក និងរហូតដល់ការវាយតម្លៃឡើងវិញបន្ទាប់របស់អ្នក។ ប្រសិនបើ DME ឬសម្ភារផ្គត់ផ្គង់វេជ្ជសាស្រ្តរបស់អ្នកត្រូវបានអនុម័តកាលពីមុនប៉ុន្តែនឹងមិនត្រូវផ្តល់ឱ្យរហូតដល់ក្រោយការផ្លាស់ប្តូរ នោះគម្រោងរបស់អ្នកត្រូវតែអនុញ្ញាតឱ្យអ្នករក្សាទុកការជួល ឬសម្ភារផ្គត់ផ្គង់ DME របស់អ្នកយ៉ាងហោចណាស់ 6 ខែ រហូតដល់អ្នកមានការវាយតម្លៃថ្មីឡើងវិញ។ ប្រសិនបើគម្រោងថ្មីរបស់អ្នកមិនបានបញ្ចប់ការវាយតម្លៃថ្មីទេ ការអនុញ្ញាតដែលមានស្រាប់របស់អ្នកនឹងនៅតែមានប្រសិទ្ធភាពសម្រាប់រយៈពេលនៃការអនុញ្ញាតការព្យាបាល។
22. ចុះប្រសិនបើខ្ញុំជាផ្នែកមួយនៃប្រជាជនពិសេស?
ប្រសិនបើអ្នកជាផ្នែកមួយនៃប្រជាជនពិសេស អ្នកមានការការពារបន្ថែមទៀតសម្រាប់ការបន្តការថែទាំសម្រាប់សេវាកម្ម។ អ្នកស្ថិតនៅក្នុង "ប្រជាជនពិសេស" ប្រសិនបើអ្នក៖
- ទទួលបានការអនុញ្ញាតឱ្យទទួលសេវាគ្រប់គ្រងការថែទាំដែលប្រសើរឡើង (ECM)
- ទទួលបានការអនុញ្ញាតឱ្យទទួលជំនួយសហគមន៍
- បានចុះឈ្មោះនៅក្នុងការគ្រប់គ្រងការថែទាំស្មុគ្រស្មាញ
- បានចុះឈ្មោះនៅក្នុងកម្មវិធីបោះបង់សិទ្ធិឆ្នាំ 1915 (គ) (រួមបញ្ចូលទាំងការបោះបង់សិទ្ធិ HCBA និងការបោះបង់សិទ្ធិHCBS-DD)
- កំពុងទទួលបានសេវាជំនួយនៅក្នុងផ្ទះ (IHSS)
- បានចុះឈ្មោះនៅក្នុងសេវាកុមាររដ្ឋកាលីហ្វញ៉ា (CCS) /CCS ម៉ូដែលកុមារទាំងមូល
- កំពុងទទួលបានការថែទាំកូនចិញ្ចឹម និងអតីតយុវជនចិញ្ចឹមរហូតដល់អាយុ 25 ឆ្នាំ
- នៅក្នុងការព្យាបាលសកម្មសម្រាប់ជំងឺឆ្លងរ៉ាំរ៉ៃដូចតទៅនេះ៖ មេរោគអេដស៍/ជំងឺអេដស៍ ជំងឺរបេង ជំងឺរលាកថ្លើមប្រភេទ B និង C
- កំពុងលេបថ្នាំប្រឆាំងមហារីកដែលធ្វើឱ្យថយចុះភាពស៊ាំ ថ្នាំបង្កើនប្រសិទ្ធភាពប្រព័ន្ធភាពស៊ាំ និងជីវសាស្រ្ត
- កំពុងទទួលការព្យាបាលជំងឺតម្រងនោមដំណាក់កាលចុងក្រោយ (ESRD)
- កំពុងរស់នៅដោយមានពិការភាពបញ្ញា ឬការលូតលាស់ (I/DD)
- កំពុងរស់នៅដោយមានការធ្វើរោគវិនិច្ឆ័យថាមានជំងឺវង្វេង
- នៅក្នុងដំណើរការវាយតម្លៃការប្តូរសរីរាង្គ នៅក្នុងបញ្ជីរង់ចាំណាមួយដើម្បីទទួលបានការប្តូរសរីរាង្គ កំពុងធ្វើការប្តូរសរីរាង្គឬបានទទួលការប្តូរសរីរាង្គក្នុងរយៈពេល 12 ខែមុននេះ
- មានផ្ទៃពោះ ឬក្រោយសម្រាល (ក្នុងរយៈពេល 12 ខែនៃការបញ្ចប់ការមានផ្ទៃពោះ ឬការធ្វើរោគវិនិច្ឆ័យសុខភាពផ្លូវចិត្តមាតា)
- កំពុងទទួលសេវាសុខភាពផ្លូវចិត្តឯកទេស (មនុស្សពេញវ័យយុវជន និងកុមារ)
- កំពុងទទួលការព្យាបាលដោយប្រើឱសថដែលដកហានិភ័យចេញពីរោគសញ្ញាដកថយធ្ងន់ធ្ងរ ឬមរណភាព
- កំពុងទទួលការថែទាំជំងឺដែលគង់តែនឹងស្លាប់
- កំពុងទទួលការថែទាំសុខភាពតាមផ្ទះ
- កំពុងរស់នៅក្នុងមន្ទីរជំនាញគិលានុបដ្ឋាកម្ម (SNF)
- កំពុងទទួលការថែទាំអ្នកជំងឺសម្រាកក្នុងមន្ទីរពេទ្យ
- ក្រោយពេលចេញពីមន្ទីរពេទ្យអ្នកជំងឺសម្រាកពេទ្យ, SNF, ICF/DD ឬមន្ទីរព្យាបាលជំងឺស្រួចស្រាវរង (ក្នុងរយៈពេល30 ថ្ងៃនៃការស្នាក់នៅ)
- DME ដែលទើបតែចេញវេជ្ជបញ្ជាថ្មីៗ (ក្នុងរយៈពេល 30 ថ្ងៃនៃថ្ងៃទី 1 ខែមករា ឆ្នាំ 2024)
- សមាជិកដែលទទួលសេវាមនុស្សពេញវ័យតាមសហគមន៍
បន្ថែមពីលើវីនដូការការពាររយៈពេល 6 ខែ គម្រោងថែទាំដែលមានការគ្រប់គ្រងថ្មីរបស់អ្នកត្រូវតែវាយតម្លៃថា តើវាគឺជាការចាំបាច់សម្រាប់អ្នកដើម្បីបន្តសេវាទាំងនេះឬអត់។ ការវាយតម្លៃគឺត្រូវបានធ្វើឡើងនៅពេលដែលអ្នកជួបគ្រូពេទ្យផ្តល់សេវាក្នុងបណ្តាញ (ដោយផ្ទាល់ ឬតាមរយៈសុខភាពពីចម្ងាយ) ដែលពិនិត្យជំងឺរបស់អ្នក និងបញ្ចប់គម្រោងព្យាបាលថ្មីមួយ។ គម្រោងព្យាបាលថ្មីត្រូវតែរួមបញ្ចូលការវាយតម្លៃសេវាកម្មនៅក្នុងការអនុញ្ញាតការព្យាបាលដែលមានស្រាប់របស់អ្នកពីគម្រោងថែទាំដែលមានការគ្រប់គ្រងពីមុនរបស់អ្នក។
គម្រោងថែទាំដែលមានការគ្រប់គ្រងថ្មីរបស់អ្នកក៏ត្រូវតែធ្វើការសកម្មជាមុន ដើម្បីកំណត់អត្តសញ្ញាណសមាជិកដែលមានវគ្គនៃការព្យាបាលសកម្មដែលនឹងត្រូវបានអនុញ្ញាតលើសពី 6 ខែ។ គម្រោងរបស់អ្នកត្រូវតែទាក់ទងគ្រូពេទ្យផ្តល់សេវាព្យាបាលដើម្បីបង្កើតការអនុញ្ញាតជាមុនចាំបាច់ណាមួយ។
23. ចុះប្រសិនបើខ្ញុំជាផ្នែកមួយនៃប្រជាជនពិសេស ហើយខ្ញុំកំពុងទទួលសេវាគ្រប់គ្រងការថែទាំ?
ប្រសិនបើអ្នកគឺជាផ្នែកមួយនៃប្រជាជនពិសេសដែលមានរាយនៅក្រោម សំណួរទី 23 ហើយអ្នកទទួលបានសេវាគ្រប់គ្រងការថែទាំពីគម្រោងសុខភាពពីមុនរបស់អ្នក (ឧទាហរណ៍ ពីអ្នកគ្រប់គ្រងការថែទាំនៃការគ្រប់គ្រងការថែទាំស្មុគស្មាញ [CCM] របស់អ្នក ឬអ្នកគ្រប់គ្រងការថែទាំនៃការគ្រប់គ្រងការថែទាំដែលប្រសើរឡើង [ECM] របស់អ្នក) អ្នកអាចទទួលបានការបន្តការថែទាំសម្រាប់សេវាទាំងនេះបានផងដែរ។
គម្រោងថែទាំដែលមានការគ្រប់គ្រងពីមុនរបស់អ្នក គឺត្រូវបានតម្រូវឱ្យចែករំលែកព័ត៌មានពីអ្នកគ្រប់គ្រងការថែទាំរបស់អ្នកជាមួយគម្រោងថែទាំដែលមានការគ្រប់គ្រងថ្មីរបស់អ្នក ដើម្បីធ្វើឱ្យការផ្លាស់ប្តូរនេះកាន់តែងាយស្រួល។ វារួមបញ្ចូលទាំងព័ត៌មានទំនាក់ទំនងរបស់អ្នក ទម្រង់នៃការប្រាស្រ័យទាក់ទងដែលពេញចិត្ត លទ្ធផលនៃការពិនិត្យដែលមានរបស់អ្នក និងលទ្ធផលវាយតម្លៃ និងគម្រោងគ្រប់គ្រងការថែទាំរបស់អ្នក។ គម្រោងថែទាំដែលមានការគ្រប់គ្រងពីមុនរបស់អ្នកត្រូវតែបញ្ចប់ការបញ្ជូនព័តមាននេះទៅគម្រោងថែទាំដែលមានការគ្រប់គ្រងថ្មីរបស់អ្នកក្នុងរយៈពេល 15 ថ្ងៃតាមប្រតិទិននៃការផ្លាស់ប្តូររបស់អ្នកទៅអ្នកគ្រប់គ្រងការថែទាំថ្មី។
ប្រសិនបើអ្នកទទួលសេវា CCM អ្នកគួរតែបន្តទទួលសេវាទាំងនោះពីគម្រោងថែទាំដែលមានការគ្រប់គ្រងថ្មីរបស់អ្នក។
ប្រសិនបើអ្នកទទួលសេវា ECM អ្នកក៏គួរតែបន្តទទួលសេវាទាំងនោះពីគម្រោងថែទាំដែលមានការគ្រប់គ្រងថ្មីរបស់អ្នកផងដែរដោយសារតែគម្រោងថែទាំដែលមានការគ្រប់គ្រងទាំងអស់ ត្រូវបានគេរំពឹងទុកថានឹងបានចុះកិច្ចសន្យាជាមួយគ្រូពេទ្យផ្តល់សេវាECM ទាំងអស់នៅត្រឹមឆ្នាំ 2024។ ប៉ុន្តែ ប្រសិនបើគ្រូពេទ្យផ្តល់ ECM របស់អ្នក គឺមិនស្ថិតនៅក្នុងបណ្តាញជាមួយគម្រោងថែទាំដែលមានការគ្រប់គ្រងថ្មីរបស់អ្នកទេ អ្នកត្រូវតែអនុវត្តតាមដំណើរការនៅក្នុង សំណួរទី 5-11។
24. ចុះប្រសិនបើខ្ញុំកំពុងទទួលការថែទាំពីមន្ទីរពេទ្យរបស់អ្នកជំងឺសម្រាកពេទ្យនៅថ្ងៃទី 1 ខែមករា ឆ្នាំ 2024?
គម្រោងថែទាំដែលមានការគ្រប់គ្រងពីមុនរបស់អ្នកត្រូវតែជូនដំណឹងដល់គម្រោងថែទាំដែលមានការគ្រប់គ្រងថ្មីរបស់អ្នកថាអ្នកកំពុងទទួលការថែទាំអ្នកជំងឺសម្រាកពេទ្យនៅត្រឹមថ្ងៃទី 22 ខែធ្នូ ឆ្នាំ 2023។ គម្រោងពីមុននោះត្រូវតែបន្តអាប់ដេតដល់គម្រោងថែទាំដែលមានការគ្រប់គ្រងថ្មីរបស់អ្នកជារៀងរាល់ថ្ងៃរហូតដល់ថ្ងៃទី 9 ខែមករា ឆ្នាំ 2024 រួមបញ្ចូលទាំងថ្ងៃឈប់សម្រាក និងថ្ងៃចុងសប្តាហ៍ផងដែរ។ គម្រោងថែទាំដែលមានការគ្រប់គ្រងថ្មីរបស់អ្នកត្រូវតែទាក់ទងទៅមន្ទីរពេទ្យដើម្បីសម្របសម្រួលការថែទាំរបស់អ្នក។
25. តើសេវាមធ្យោបាយធ្វើដំណើររបស់ខ្ញុំ (ការដឹកជញ្ជូនទៅព្យាបាលមិនមែនសង្គ្រោះបន្ទាន់ និងការដឹកជញ្ជូនមិនមែនទៅព្យាបាល) នឹងបន្តដែរទេ?
ប្រសិនបើអ្នកមានការអនុញ្ញាតជាមុនសម្រាប់សេវាមធ្យោបាយធ្វើដំណើរ គម្រោងថ្មីរបស់អ្នកត្រូវតែចាត់វិធានការដើម្បីធានាថាអ្នកអាចរក្សាទុកប្រភេទមធ្យោបាយធ្វើដំណើរបច្ចុប្បន្នរបស់អ្នកបានយ៉ាងហោចណាស់ 6 ខែបន្ទាប់ពីការផ្លាស់ប្តូរ។ គម្រោងប្រហែលជាតម្រូវឱ្យអ្នកផ្លាស់ប្តូរទៅគ្រូពេទ្យផ្តល់សេវាក្នុងបណ្តាញ។ ក្រោយរយៈពេល 6 ខែ គម្រោងអាចនឹងវាយតម្លៃឡើងវិញនូវតម្រូវការរបស់អ្នកសម្រាប់មធ្យោបាយធ្វើដំណើរ។
26. ចុះប្រសិនបើបច្ចុប្បន្នខ្ញុំកំពុងស្ថិតនៅក្នុងបញ្ជីររង់ចាំដើម្បីជួបគ្រូពេទ្យឯកទេសជាមួយគម្រោងថែទាំដែលមានការគ្រប់គ្រងរបស់ខ្ញុំ? តើខ្ញុំនឹងត្រូវចាប់ផ្តើមពីជួរខាងក្រោយគេវិញនៅក្នុងបញ្ជីរង់ចាំថ្មីបន្ទាប់ថ្ងៃទី 1 ខែមករា ឆ្នាំ 2024 ដែរទេ?
បច្ចុប្បន្ន ប្រសិនបើអ្នកកំពុងស្ថិតនៅក្នុងបញ្ជីរង់ចាំសម្រាប់ការណាត់ជួបជាមួយគ្រូពេទ្យឯកទេស អ្នកគួរតែទាក់ទងគម្រោងថែទាំដែលមានការគ្រប់គ្រងថ្មីរបស់អ្នក និងស្នើសុំការណាត់ជួបរបស់គ្រូពេទ្យឯកទេសក្នុងបណ្តាញក្នុងរយៈពេលដូចគ្នានឹងការណាត់ជួបដែលមានស្រាប់របស់អ្នក។ គម្រោងថែទាំដែលមានការគ្រប់គ្រងថ្មីរបស់អ្នកគួរតែ 1) អនុញ្ញាតឱ្យអ្នករក្សាទុកការណាត់ជួបដែលមានស្រាប់របស់អ្នក ឬ 2) កំណត់ពេលណាត់ជួបជាមួយគ្រូពេទ្យផ្តល់សេវាក្នុងបណ្តាញនៃជំនាញដូចគ្នា។ ការណាត់ជួបជាមួយគ្រូពេទ្យផ្តល់សេវាក្នុងបណ្តាញត្រូវតែធ្វើឡើងនៅថ្ងៃ ឬមុនកាលបរិច្ឆេទដែលបានកំណត់ពេលសម្រាប់ការណាត់ជួបដែលមានស្រាប់។
27. តើខ្ញុំអាចស្វែងរកព័ត៌មានបន្ថែមអំពីការបន្តការថែទាំបាននៅទីណា?
ព័ត៌មានបន្ថែមពី DHCS គឺអាចរកបាននៅ https://www.dhcs.ca.gov/services/Pages/ContinuityOfCare.aspx និងព័ត៌មានពីកម្មវិធីច្បាប់សុខភាពជាតិ គឺអាចរកបាននៅ https://healthlaw.org/resource/continuity-of-care-in-medi-cal-managed-care-updated-2023/