Daim ntawv tshaj tawm no qhia koj txog Medi-Cal “kev saib xyuas txuas ntxiv mus.” Yog tias koj yuav tsum tso npe rau hauv Medi-Cal txoj kev npaj kho mob, koj tuaj yeem mus ntsib koj tus kws kho mob Medi-Cal li niaj zaus. Qhov no yog qhov "kev saib xyuas txuas ntxiv" txhais tau tias. Daim ntawv tshaj tawm qhia koj yuav ua li cas yog tias koj tsis tuaj yeem tau txais nws.

Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.

Yog tias koj:

Muaj Tus Nqi-rau-Kev Pab Cuam (FFS) Medi-Cal thiab yuav tsum tso npe rau hauv Medi-Cal txoj phiaj xwm saib xyuas uas muaj tswj tseg, LOS SIS
Muaj Medi-Cal txoj phiaj xwm saib xyuas uas muaj kev tswj hwm thiab yuav tsum tau tso npe rau hauv Medi-Cal lwm txoj phiaj xwm saib xyuas uas muaj kev tswj hwm,

Tej zaum koj tseem tuaj yeem mus ntsib koj cov kws muab kev pab cuam kho mob hauv Medi-Cal uas twb muaj lawm tau txawm tias koj cov kws muab kev pab cuam kho mob uas twb muaj lawm tsis tau tso npe rau hauv koj txoj phiaj xwm saib xyuas uas muaj kev tswj hwm tshiab los xij.Qhov no hu ua “kev saib xyuas txuas ntxiv mus.”Koj muaj cai txuas ntxiv tau txais qhov kev saib xyuas zoo ib yam nkaus, txhais tau tias yog tib tus kws muab kev pab cuam los sis tib cov kev pab cuam, txawm tias koj qhov kev duav roos hauv Medi-Cal tau hloov pauv lawm los xij.

1.Yuav ua li cas yog tias kuv nyob hauv Tus Nqi-rau-Kev Pab Cuam Medi-Cal thiab yuav tsum tso npe rau hauv Medi-Cal txoj phiaj xwm saib xyuas uas muaj kev tswj hwm?

Koj muaj txoj cai rau Kev Saib Xyuas Txuas Ntxiv Mus, raws li tau hais hauv Tsab Ntawv Txhua Txoj Phiaj Xwm 22-032.Koj tuaj yeem thov Qhov Kev Saib Xyuas Txuas Ntxiv Mus kom ntev txog 12 lub hlis yog tias koj muaj kev sib raug zoo nrog koj tus kws muab kev pab cuam uas twb muaj lawm.Qhov no txhais tau hais tias koj tau mus ntsib tus kws muab kev pab cuam yam tsawg kawg ib zaug rau kev mus ntsib uas tsis yog xwm txheej ceev hauv lub xyoo ua ntej qhov kev tso npe rau hauv txoj phiaj xwm saib xyuas uas muaj kev tswj hwm.

Piv txwv li, yog tias koj tau tso npe rau hauv koj txoj phiaj xwm saib xyuas uas muaj kev tswj hwm thaum Lub Ib Hlis Ntuj Tim 1, 2024 lawm, thiab koj tau mus ntsib koj Tus Thawj Kws Kho Mob rau kev mus ntsib li ib txwm nyob rau Lub Ib Hlis Ntuj Tim 2, 2023 (los sis txhua lub sij hawm tom qab xyoo 2023), koj txoj kev sib raug zoo nrog koj Tus Thawj Kws Kho Mob yuav xam hais tias yog "twb muaj lawm."

Cov kev pov thaiv hauv Tsab Ntawv Txhua Txoj Phiaj Xwm 22-032 yog qhov ntxiv rau lub xeev txoj cai pov thaiv raws li Knox Keene Txoj Cai.

2.Yuav ua li cas yog tias kuv twb tau tso npe rau hauv Medi-Cal txoj phiaj xwm saib xyuas uas muaj kev tswj hwm thiab yuav tsum hloov mus rau txoj phiaj xwm saib xyuas uas muaj kev tswj hwm tshiab rau Lub Ib Hlis Ntuj Tim 1, 2024?

Koj muaj cov cai zoo sib xws li Qhov Kev Saib Xyuas Txuas Ntxiv Mus, raws li tau teev tseg hauv Lub Chaw Hauj Lwm Pab Cuam Saib Xyuas Kev Noj Qab Haus Huv (DHCS) 2024 Txoj Phiaj Xwm Saib Xyuas Uas Muaj Kev Tswj Hwm Txuas Ntxiv Mus ntawm Txoj Cai Saib Xyuas.

LUS CIM TSEG: Yog tias koj tsis tas yuav tau hloov pauv koj txoj kev phiaj xwm, tab sis koj txiav txim siab hloov nws los ntawm qhov kev xaiv tom qab Lub Ib Hlis Ntuj Tim 1, 2024, txoj cai tshiab Kev Saib Xyuas Txuas Ntxiv Mus siv tsis tau rau koj.

3.Qhov Kev Saib Xyuas Txuas Ntxiv Mus yuav nyob ntev npaum li cas?

Koj tus kws muab kev pab cuam thiab txoj phiaj xwm saib xyuas uas muaj kev tswj hwm yuav txiav txim siab tias koj tuaj yeem tau txais Qhov Kev Saib Xyuas Txuas Ntxiv Mus ntev npaum li cas, tab sis feem ntau nws tsis tuaj yeem ntev dua 12 lub hlis.

Muaj 3 qhov xwm txheej uas Qhov Kev Saib Xyuas Txuas Ntxiv Mus yuav kav ntev dua 12 lub hlis:

Yog tias koj tab tom tau txais kev kho mob hauv lub tsev kho mob, koj Qhov Kev Saib Xyuas Txuas Ntxiv Mus yuav tsum duav roos rau koj qhov mob ncua sij hawm kawg.
Yog tias koj cev xeeb tub los sis nyuam qhuav yug me nyuam, koj Qhov Kev Saib Xyuas Txuas Ntxiv Mus yuav tsum duav roos 12 lub hlis tom qab koj cev xeeb tub tas lawm los sis 12 lub hlis tom qab kuaj mob rau fab kev noj qab haus huv fab kev puas siab puas ntsws tom qab yug me nyuam.
Yog tias koj tab tom tau txais qhov kev kho mob hauv tsev kho mob, Qhov Kev Kho Mob Txuas Ntxiv Mus yuav tsum duav roos rau lub sij hawm ntawm tus mob hnyav.

4.Koj yuav nkag mus cuag tau Qhov Kev Saib Xyuas Txuas Ntxiv Mus tau li cas?

Koj, koj tus neeg sawv cev uas tau txais kev tso cai, los sis koj tus kws muab kev pab cuam yuav tsum tau thov Qhov Kev Saib Xyuas Txuas Ntxiv Mus los ntawm koj txoj phiaj xwm saib xyuas uas muaj kev tswj hwm tshiab hauv Medi-Cal.Koj tuaj yeem ua qhov no los ntawm kev hu rau koj txoj phiaj xwm tshiab los sis kom koj tus neeg sawv cev uas tau txais kev tso cai los sis tus kws kho mob hu rau koj txoj phiaj xwm.Koj txoj phiaj xwm tus nab npawb xov tooj yog nyob rau hauv koj pob ntawv kev tso npe thiab ntawm koj daim npav txoj phiaj xwm saib xyuas kev noj qab haus huv.

Thaum koj hu xovtooj, muab koj txoj phiaj xwm saib xyuas uas muaj kev tswj hwm cov ntaub ntawv tiv tauj rau tus kws muab kev pab cuam uas koj xav mus ntsib txuas ntxiv kom txoj phiaj xwm tuaj yeem tiv tauj tau rau tus kws muab kev pab cuam.Nws yog ib qho tseem ceeb uas yuav tsum tau qhia rau koj tus kws muab kev pab cuam kho mob thiab tus kws muab kev pab cuam lub chaw ua hauj lwm kom paub tias koj tau thov kom mus ntsib tus kws muab kev pab cuam hauv cov kev pov thaiv Qhov Kev Saib Xyuas Txuas Ntxiv Mus.

Txhawb Nqa Qhov Kev Saib Xyuas Txuas Ntxiv Mus ntawm Kev Saib Xyuas rau Cov Pej Xwwm Tshwj Xeeb

DHCS tab tom xav kom cov phiaj xwm saib xyuas kev noj qab haus huv los muab cov kev pov thaiv Qhov Kev Saib Xyuas Txuas Ntxiv Mus rau Medi-Cal cov neeg tau txais txiaj ntsig hauv qee Cov Pej Xeem Tshwj Xeeb.Yog tias koj koom nyob rau hauv Cov Pej Xeem Tshwj Xeeb, koj txoj phiaj xwm saib xyuas uas muaj kev tswj hwm tshiab yuav tsum pib qhov cov txheej txheem Kev Saib Xyuas Txuas Ntxiv Mus rau koj los ntawm kev tiv tauj tuaj cuag koj cov kws muab kev pab cuam los ntawm xyoo 2023 thiab kev tsim cov ntawv cog lus ntawm Qhov Kev Saib Xyuas Txuas Ntxiv Mus nrog koj cov kws muab kev pab cuam yam tsis hais kom koj thov kom paub meej tias muaj tsis muaj kev cuam tshuam hauv koj txoj kev saib xyuas.Peb tseem xav kom tiv tauj rau koj txoj phiaj xwm saib xyuas uas muaj kev tswj hwm tshiab, raws li tau piav qhia saum toj no, txhawm rau kom paub tseeb tias muaj kev txais koj qhov kev thov.Txhawm rau txiav txim siab seb koj puas nyob hauv Cov Pej Xeem Tshwj Xeeb, mus saib Nqe Lus Nug 22.

5.Kuv yuav tsum tau ua dab tsi kom kuv qhov kev thov tau txais kev pov zoo?

Txhawm rau pom zoo rau koj qhov kev thov rau Qhov Kev Saib Xyuas Txuas Ntxiv Mus, koj txoj phiaj xwm saib xyuas uas muaj kev tswj hwm yuav xav kom:

Koj muaj kev sib raug zoo nrog tus kws muab kev pab cuam uas twb muaj lawm, txhais tau hais tias koj tau mus ntsib tus kws muab kev pab cuam yam tsawg kawg ib zaug rau kev mus ntsib uas tsis yog xwm txheej ceev hauv lub xyoo ua ntej qhov kev tso npe rau hauv txoj phiaj xwm saib xyuas uas muaj kev tswj hwm (mus saib Nqe Lus Nug 1).Tej zaum koj txoj phiaj xwm saib xyuas uas muaj kev tswj hwm tuaj yeem txheeb xyuas koj qhov kev sib raug zoo ua ntej los ntawm Lub Chaw Hauj Lwm Pab Cuam Saib Xyuas Kev Noj Qab Haus Huv (DHCS) cov ntaub ntawv, tab sis tsis tas li ntawd koj tuaj yeem muab koj tus kheej cov ntaub ntawv ntawm qhov kev mus ntsib uas tsis yog xwm txheej nyob rau yav dhau los,
Tus kwsmuab kev pab cuam txaus siab lees txais koj txoj phiaj xwm saib xyuas uas muaj kev tswj hwm cov nqi sib cog lus,
Tus kws muab kev pab cuam ua tau raws li koj txoj phiaj xwm saib xyuas uas muaj kev tswj hwm cov qauv kev tshaj lij thiab tsis muaj cov teeb meem kev saib xyuas zoo, thiab
Tus kws mua kev pab cuam yog ib tus kws muab kev pab cuam uas tau txais kev tso cai los ntawm Medicaid Txoj Phiaj Xwm Hauv Xeev California.

Peb xav kom ua cov kev thov rau Kev Saib Xyuas Txuas Ntxiv Mus ua ntej tau txais cov kev pab cuam los ntawm koj tus kws muab kev pab cuam.

Yog tias koj tab tom ua kev thov TOM QAB koj tau txais cov kev pab cuam los ntawm tus kws muab kev pab cuam lawm, koj qhov kev thov rau qhov kev saib xyuas txuas ntxiv mus yuav tsum tau ua tsis pub dhau 30 hnub tom qab hnub tau txais kev pab cuam.

6.Thaum twg kuv mam li hnov kuv qhov kev thov rov qab?

Lub sij hawm rau koj txoj phiaj xwm saib xyuas uas muaj kev tswj hwm kom pom zoo los sis tsis pom zoo koj qhov kev thov rau Kev Saib Xyuas Txuas Ntxiv Mus yog nyob ntawm cov kev pheej hmoo uas yuav muaj tau rau koj txoj kev noj qab haus huv.Nce rau ntawm qhov kev pheej hmoo, DHCS yuav txiav txim txog koj qhov kev thov maj ceev, tam sim ntawd, los sis tsis muaj ceev.

Txhua qhov kev thov los ntawm Cov Pej Xeem Tshwj Xeeb yuav tsum tau hloov mus rau cov phiaj xwm saib xyuas uas muaj kev tswj hwm tshiab yuav raug xam tias maj ceev.

Yog tias koj xav tau mus ntsib koj tus kws muab kev pab cuam rau Qhov Kev Saib Xyuas Txuas Ntxiv Mus yog qhov maj ceev los sis koj muaj lub sij hawm tseem tseg uas tseem tos, qhia rau koj txoj phiaj xwm tshiab paub txog qhov no.

Maj Ceev

Yog tias muaj “txheeb qhov kev pheej hmoo ntawm kev phom sij” rau koj txoj kev noj qab haus huv, koj txoj phiaj xwm saib xyuas uas muaj kev tswj hwm yuav tsum ua kom tiav qhov kev thov kom sai li sai tau, tab sis tsis pub ntev tshaj 3 hnub.“Kev pheej hmoo ntawm kev phom sij” txhais tau hais tias qhov kev hem thawj yuav muaj thiab hnyav heev rau koj txoj kev noj qab haus huv.

Tam Sim Ntawd

Yog tias koj tus mob xav tau txoj mob siab saib xyuas tam sim ntawd, xws li kev teem caij ntsib kws kho mob los sis lwm yam kev pab cuam, koj txoj phiaj xwm saib xyuas uas muaj kev tswj hwm yuav tsum ua kom tiav koj qhov kev thov tsis pub dhau 15 hnub.

Tsis Maj Ceev

Yog tias koj tus mob tsis maj ceev los sis tam sim ntawd, koj txoj phiaj xwm saib xyuas uas muaj kev tswj hwm yuav tsum ua raws li koj qhov kev thov hauv 30 hnub.

7.Kuv yuav hnov rov qab tau li cas?

Koj txoj phiaj xwm saib xyuas uas muaj kev tswj hwm yuav tsum tau ceeb toom qhia rau koj txog hnub tau txais koj qhov kev thov thiab muab lawv qhov kev txiav txim siab rau koj uas yog siv daim foos sib txuas lus uas koj nyiam (hu xov tooj, sau ntawv los sis xa email).Tsis tas li ntawd, koj txoj phiaj xwm saib xyuas uas muaj kev tswj hwm yuav tsum xa ib tsab ntawv sau txog qhov kev txiav txim rau koj los ntawm kev xa ntawv hauv 7 hnub tom qab ua tiav qhov kev thov.Rau cov kev thov maj ceev, txoj phiaj xwm saib xyuas uas muaj kev tswj hwm yuav tsum tau ceeb toom qhia rau koj hauv ncua sij hawm luv tshaj plaws uas tsim nyog rau koj tus mob, tab sis tsis pub ntev tshaj 3 hnub.

8.Yuav ua li cas yog tias kuv qhov kev thov tau txais kev pom zoo?

Yog tias koj qhov kev thov tau txais kev pom zoo lawm, koj txoj phiaj xwm saib xyuas uas muaj kev tswj hwm thiab koj tus kws muab kev pab cuam yuav nkag mus rau hauv daim ntawv cog lus Qhov Kev Saib Xyuas Txuas Ntxiv Mus.Koj tuaj yeem tau txais cov kev pab cuam txuas ntxiv los ntawm tus kws muab kev pab cuam rau ncua sij hawm uas tau tso cai hauv koj daim ntawv txiav txim siab (ntev txog 12 lub hlis).Tsis tas li ntawd, koj daim ntawv ceeb toom yuav tsum muaj cov ntaub ntawv hais txog cov txheej txheem uas yuav tshwm sim los hloov koj txoj kev saib xyuas thaum kawg ntawm ncua sij hawm thiab cov ntaub ntawv hais txog koj txoj cai los xaiv lwm tus kws muab kev pab cuam sib txawv, nyob hauv pab pawg koom tes (yog tias koj xaiv).

Raws li daim ntawv cog lus ntawm Qhov Kev Saib Xyuas Txuas Ntxiv Mus, koj txoj phiaj xwm saib xyuas uas muaj kev tswj hwm yuav them rau koj tus kws muab kev pab cuam rau koj cov kev pab cuam kho mob.

9.Yuav ua li cas yog tias kuv qhov kev thov tsis tau txais kev pom zoo?

Koj txoj phiaj xwm saib xyuas uas muaj kev tswj hwm yuav tsis kam lees koj qhov kev thov yog tias ua tsis tau raws li 4 qhov cai tseev kom muaj hauv Nqe Lus Nug 6.Koj daim ntawv ceeb toom yuav tsum piav qhia txog qhov laj thawj ntawm qhov tsis lees txais thiab muab cov ntaub ntawv qhia txog txoj hau kev sau ntawv hais kev tsis txaus siab los sis thov rov txiav txim dua ntawm qhov kev txiav txim.Mus saib Tsab Ntawv Txhua Txoj Phiaj Xwm 21-011 kom paub ntau ntxiv txog txoj kev sau ntawv tsis txaus siab thiab kev thov rov txiav txim dua.Tsis tass li ntawd, mus saib DRC daim ntawv tshaj tawm rau ntawm Cov Kev Tsis Txaus Siab thiab Cov Kev Thov Rov Txiav Txim Dua Rau Qhov Kev Saib Xyuas Uas Muaj Kev Tswj Hwm.

Yog tias koj txoj phiaj xwm thiab koj tus kws muab kev pab cuam tsis tuaj yeem pom zoo rau daim ntawv cog lus los sis tus nqi, los sis koj txoj phiaj xwm tau sau txog cov teeb meem kev saib xyuas zoo nrog koj tus kws muab kev pab cuam, koj txoj phiaj xwm yuav tsum muab rau koj rau lwm tus kws muab kev pab cuam hauv pab pawg koom tes.Yog tias koj tsis xaiv ib qho twg, koj txoj phiaj xwm yuav tsum xa koj mus rau ib qho.

10.Yuav muaj dab tsi tshwm sim tom qab kuv lub sij hawm Kev Saib Xyuas Txuas Ntxiv Mus (tsis pub dhau 12 lub hlis) los txog rau thaum kawg?

Tom qab koj ncua sij hawm Kev Saib Xuias Txuas Ntxiv Mus los txog thaum kawg, koj yuav tsum hloov mus rau ib tus kws muab kev pab cuam tshiab uas nyob hauv pab pawg koom tes nrog koj txoj phiaj xwm saib xyuas uas muaj kev tswj hwm.Koj txoj phiaj xwm saib xyuas uas muaj kev tswj hwm yuav tsum tau hu rau koj thiab koj tus kws muab kev pab cuam hais txog cov txheej txheem rau kev hloov mus rau tus kws muab kev pab cuam hauv pab pawg koom tes hauv 30 hnub ua ntej hnub kawg.

11.Yuav ua li cas yog tias kuv hloov cov phiaj xwm saib xyuas uas muaj kev tswj hwm tom qab kuv qhov kev tso npe thawj zaug?

Yog tias koj hloov cov phiaj xwm los ntawm qhov kev xaiv tom qab koj qhov kev tso npe thawj zaug, los sis yog tias koj plam mus thiab tom qab ntawd rov tau txais kev tsim nyog rau txoj phiaj xwm rau lub sij hawm 12-hlintawm ncua sij hawm Kev Saib Xyuas Txuas Ntxiv Mus, koj lub sij hawm 12-hli ntawm Kev Saib Xyuas Txuas Ntxiv Mus rau tus kws muab kev pab cuam uas twb muaj lawm tuaj yeem pib dua ib zaug ntxiv.Piv txwv li, yog tias koj tso npe rau hauv txoj phiaj xwm saib xyuas uas muaj kev tswj hwm thaum Lub Ib Hlis Ntuj Tim 1, 2023.Tom qab ntawd, koj hloov mus rau txoj phiaj xwm saib xyuas uas muaj kev tswj hwm tshiab, los ntawm qhov kev xaiv, thaum Lub Plaub Hlis Ntuj Tim 1, 2023.Lub sij hawm 12-hli ntawm Qhov Kev Saib Xyuas Txuas Ntxiv Mus tuaj yeem pib dua ib zaug ntxiv thaum Lub Plaub Hlis Ntuj Tim 1, 2023 thiab koj tuaj yeem mus ntsib koj tus kws muab kev pab cuam uas twb muaj lawm kom txog Lub Plaub Hlis Ntuj Tim 1, 2024.

Yog tias koj hloov dua tshiab, yuav tsis muaj sij hawm 12 lub hlis rau Qhov Kev Saib Xyuas Txuas Ntxiv Mus tshiab.

Cov Kev Hloov Pauv los ntawm FFS Medi-Cal mus rau Txoj Phiaj Xwm Saib Xyuas Uas Muaj Kev Tswj Hwm

12.Cov kws muab kev pab cuam twg uas kuv tuaj yeem mus ntsib txuas ntxiv?

Yog tias koj tab tom hloov los ntawm FFS Medi-Cal mus rau Medi-Cal txoj phiaj xwm saib xyuas uas muaj kev tswj hwm, tej zaum cov kev pov thaiv rau Kev Saib Xyuas Txuas Ntxiv Mus yuav tuaj yeem tso cai rau koj mus ntsib:

Cov Thawj Kws Kho Mob
Cov Kws Tshaj Lij, thiab
Xaiv Cov Kws Muab Kev Pab Cuam ntxiv, suav nrog cov kws kho mob fab kev hais lus, lub cev ntsaj ntsug, kev ua hauj lwm, fab kab mob kev ua pa, thiab cov kws muab kev pab cuam kho mob cwj pwm (BHT).

Koj TSIS TUAJ YEEM tau txais cov kev pov thaiv Kev Saib Xyuas Txuas Ntxiv Mus kom mus ntsib lwm tus kws kho mob ntxiv, xws li:

Kev Kuaj Xoo Hluav Taws Xob
Kev Kuaj
Cov chaw lim ntshav
Kev Thauj Mus Los Rau Kev Kho Mob Uas Tsis Yog Xwm Ceev (NEMT)
Kev Thauj Mus Los Uas Tsis Yog Xwm Ceev (NMT)
Lwm cov kev pab cuam ntxiv, thiab
Cov kws muab kev pab cuam uas tsis tau sau npe hauv Medi-Cal.

13.Yuav ua li cas yog tias kuv twb tau teem caij nrog tus kws kho mob tshwj xeeb los ntawm kuv Tus Nqi-rau-Kev Pab Cuam Medi-Cal? Kuv puas tseem tuaj yeem tuaj rau qhov kev teem caij tseg tau tom qab kuv tau tso npe rau hauv ib txoj phiaj xwm saib xyuas uas muaj kev tswj hwm?

Yog tias qhov kev teem caij nrog tus kws kho mob tshaj lij uas tsis nyob hauv pab pawg koom tes uas koj tau mus ntsib nyob rau xyoo tas los rau qhov kev mus ntsib tsis yog xwm txheej ceev thiab Kev Saib Xyuas Txuas Ntxiv Mus yog tau sim tseg (ua raws cov txheej txheem hauv Nqe Lus Nug 5 thiab cov cai tseev kom muaj nyob hauv Nqe Lus Nug 6), koj tuaj yeem khaws lub sij hawm teem caij tseg, tsuav nws yuav tshwm sim thaum koj lub sij hawm Kev Saib Xyuas Txuas Ntxiv Mus.

Yog tias lub sij hawm teem caij nrog tus kws kho mob tshwj xeeb tsis nyob hauv pab pawg koom tes uas koj TSIS tau mus ntsib nyob rau xyoo tas los no rau kev mus ntsib tsis yog xwm txheej ceev thiab qhov Kev Saib Xyuas Txuas Ntxiv Mus TSIS tau tsim tseg, koj txoj phiaj xwm saib xyuas uas muaj kev tswj hwm muaj 2 txoj hauv kev xaiv: 1) Koj txoj phiaj xwm saib xyuas uas muaj kev tswj hwm tuaj yeem tso cai rau koj khaws koj qhov kev teem caij uas twb muaj lawm tseg, los sis 2) Koj txoj phiaj xwm saib xyuas uas muaj kev tswj hwm yuav teem sij hawm los teem sij hawm nrog ib tus kws muab kev pab cuam hauv pab oawg koom tes ntawm tib qhov kev tshwj xeeb thaum hnub teem sij hawm los sis ua ntej ntawd ntawm qhov kev teem sij hawm uas twb muaj lawm.Yog tias koj txoj phiaj xwm saib xyuas uas muaj kev tswj hwm tsis tuaj yeem teem caij tshiab tau, nws yuav tsum ua "kev mob siab rau yam ncaj ncees" kom tso cai rau koj tswj tau koj lub sij hawm teem tseg qub.Yog xav paub ntau ntxiv, mus saib APL 23-022 thiab 2024 Medi-Cal Daim Ntawv Qhia Txog Txoj Cai Hloov Pauv Txoj Phiaj Xwm Saib Xyuas Uas Muaj Kev Tswj Hwm.

14.Kuv puas tuaj yeem tau txais cov kev pab cuam uas twb tau txais kev tso cai lawm thaum kuv hloov los ntawm FFS Medi-Cal mus rau Qhov Kev Saib Xyuas Uas Muaj Kev Tswj Hwm?

Pov Thaiv.Koj muaj cai tau txais tib yam kev pab cuam uas tau txais kev duav roos los ntawm Medi-Cal txuas mus ntxiv tom qab tso npe rau hauv txoj phiaj xwm saib xyuas uas muaj kev tswj hwm los ntawm FFS Medi-Cal.

Koj txoj phiaj xwm saib xyuas uas muaj kev tswj hwm yuav tsum hwm txhua daim ntawv tso cai kho mob ua ntej rau cov kev pab cuam rau koj thawj 90 hnub ntawm txoj phiaj xwm.Koj tsis tas yuav thov qhov no vim tias nws yuav tsum tshwm sim tau yam av tas naus mav, tab sis peb xav kom ua qhov kev thov.Koj txoj phiaj xwm saib xyuas uas muaj kev tswj hwm yuav tsum tau teem caij rau cov kev pab cuam uas tau txais kev tso cai kom xa los ntawm tus kws kho mob hauv pab pawg koom tes.Yog tias tsis muaj tus kws kho mob hauv pab pawg koom tes, koj txoj kev phiaj xwm yuav tsum nrhiav tus muab kev pab cuam sab nraud ntawm pab pawg koom tes los muab kev pab cuam.

Tom qab 90 hnub, koj daim ntawv tso cai kho mob tseem siv tau los ntawm nws lub sij hawm qub los sis txog thaum koj txoj phiaj xwm saib xyuas uas muaj kev tswj hwm ua tiav qhov kev ntsuam xyuas tshiab, seb qhov twg yuav sai dua.Yog tias ncua sij hawm 90-hnub yuav xaus thiab koj txoj phiaj xwm saib xyuas uas muaj kev tswj hwm ua tsis tau tiav qhov kev ntsuam xyuas tshiab, tej zaum koj txoj phiaj xwm yuav rov ntsuam xyuas koj daim ntawv tso cai kho mob txhua lub sij hawm.

Qhov kev ntsuam xyuas uas tau ua tiav thaum koj mus ntsib tus kws kho mob hauv pab pawg koom tes uas tshuaj xyuas koj tus mob thiab ua tiav txoj phiaj xwm kho mob tshiab.Txoj phiaj xwm kho mob tshiab yuav tsum suav nrog kev ntsuam xyuas rau cov kev pab cuam hauv koj daim ntawv tso cai kho mob uas twb muaj lawm.

15.Puas muaj qhov Kev Saib Xyuas Txuas Ntxiv Mus rau kuv Cov Khoom Siv Kho Mob Uas Ruaj Khov (DME) thiab cov khoom siv kho mob thaum kuv hloov ntawm FFS Medi-Cal mus rau Medi-Cal Qhov Kev saib xyuas uas muaj kev tswj hwm?

Muaj.Koj tau txais kev tso cai khaws koj cov nqi xauj DME thiab cov khoom siv uas twb muaj lawm los ntawm koj tus kws muab kev pab cuam DME uas twb muaj lawm tau pom zoo raws li FFS Medi-Cal rau:

90 hnub tom qab koj tso npe rau hauv txoj phiaj xwm saib xyuas uas muaj kev tswj hwm lawm, THIAB
Kom txog thaum koj tau txais kev rov tshuaj xyuas dua los ntawm txoj phiaj xwm saib xyuas uas muaj kev tswj hwm, THIAB
Kom txog thaum koj muaj koj cov DME los sis cov khoom siv tshiab thiab lawv npaj txhij los siv lawm.

Qhov kev rov ntsuam xyuas dua uas tau ua tiav thaum koj mus ntsib tus kws kho mob hauv pab pawg koom tes (tim nstej tim muag los sis los hauv kev xov xoov tooj hauv oos lais) uas tshuaj xyuas koj tus mob thiab ua tiav txoj phiaj xwm kho mob tshiab.Txoj phiaj xwm kho mob tshiab yuav tsum suav nrog kev ntsuam xyuas rau cov kev pab cuam hauv koj daim ntawv tso cai DME uas twb muaj lawm.

Tom qab 90 hnub, koj txoj phiaj xwm saib xyuas uas muaj kev tswj hwm tuaj yeem txheeb xyuas koj qhov kev tso cai rau DME thaum twg los tau thiab tej zaum yuav xav kom koj hloov mus rau tus kws kho mob hauv pab pawg koom tes.Yog tias koj txoj phiaj xwm saib xyuas uas muaj kev tswj hwm ua tsis tiav qhov kev ntsuam xyuas tshiab, qhov kev tso cai uas twb muaj lawm tseem siv tau rau nws lub sij hawm raws li qub.

16.Yuav ua li cas yog tias kuv qhov DME raug xaj thaum lub sij hawm kuv hloov mus rau qhov kev saib xyuas uas muaj kev tswj hwm los ntawm FFS Medi-Cal, tab sis tseem tsis tau xa?

Tib txoj cai los ntawm Nqe Lus Nug 15 siv tau yog tias koj qhov DME tau raug xaj, tab sis tseem tsis tau xa tuaj thaum lub sij hawm koj hloov pauv.Koj txoj phiaj xwm saib xyuas uas muaj kev tswj hwm yuav tsum tso cai rau koj qhov DME raug xa tuaj thiab rau koj khaws nws yam tsawg kawg 90 hnub thiab txog thaum rov ntsuam xyuas dua.

17.Kuv cov kev pab cuam thauj mus puas yuav tau txais kev duav roos los ntawm FFS Medi-Cal (Kev Thauj Mus Los Tsis Yog Kho Mob Xwm Ceev thiab Kev Thauj Mus Los Tsis Rau Kev Kho Mob) Txuas Ntxiv Mus?

Koj txoj phiaj xwm saib xyuas uas muaj kev tswj hwm yuav tsum tso cai rau koj khaws hom kev thauj mus los uas koj tau txais kev tso cai tab sis txoj phiaj xwm yuav xav kom koj hloov mus rau tus kws muab kev pab cuam hauv pab pawg koom tes.

Cov kev hloov pauv los ntawm ib Txoj Phiaj Xwm Saib Xyuas Uas Muaj Kev Tswj Hwm mus rau ib Txoj Phiaj Xwm Saib Xyuas Uas Muaj Kev Tswj Hwm Sib Txawv

18.Cov kws muab kev pab cuam twg uas kuv tuaj yeem mus ntsib txuas ntxiv?

Yog tias koj tab tom hloov los ntawm Txoj Phiaj Xwm Saib Xyuas Uas Muaj Kev Tswj Hwm mus rau Medi-Cal txoj phiaj xwm saib xyuas uas muaj kev tswj hwm, tej zaum cov kev pov thaiv rau Kev Saib Xyuas Txuas Ntxiv Mus yuav tuaj yeem tso cai rau koj mus ntsib:

Cov Thawj Kws Kho Mob
Cov Kws Tshaj Lij, thiab
Xaiv Cov Kws Muab Kev Pab Cuam ntxiv, suav nrog cov kws kho mob fab kev hais lus, lub cev ntsaj ntsug, kev ua hauj lwm, fab kab mob kev ua pa, thiab cov kws muab kev pab cuam kho mob cwj pwm (BHT).
Kev Pab Txhawb Nqa Saib Xyuas Thaum Ceev Xeeb Tub
Cov Chaw Lim Ntshav
Cov Kws Muab Kev Tswj Hwm Saib Xyuas Qib Siab (ECM)
Cov Kws Muab Kev Pab Cuam Txhawb Nqa Hauv Zej Zog
Cov Chaw Muab Kev Tu Xyuas Neeg Mob Uas Muaj Kev Paub (SNFs)

Koj TSIS TUAJ YEEM tau txais cov kev pov thaiv Kev Saib Xyuas Txuas Ntxiv Mus kom mus ntsib lwm tus kws kho mob ntxiv, xws li:

Kev Kuaj Xoo Hluav Taws Xob
Kev Kuaj
Kev Thauj Mus Los Rau Kev Kho Mob Uas Tsis Yog Xwm Ceev (NEMT)
Kev Thauj Mus Los Uas Tsis Yog Xwm Ceev (NMT)
Cov kws muab kev pab cuam uas tsis tau sau npe hauv Medi-Cal.

19.Kuv tuaj yeem tau txais cov kev pab cuam dab tsi txuas ntxiv yog tias kuv yuav tsum hloov mus rau txoj phiaj xwm saib xyuas uas muaj kev tswj hwm tshiab?

Qhov Kev Saib Xyuas Txuas Ntxiv Mus rau cov kev pab cuam tso cai rau koj kom tau txais kev pab cuam Medi-Cal txuas ntxiv mus li 6 lub hlis (txij Lub Ib Hlis Ntuj Tim 1, 2024 txog Lub Xya Hlis Ntuj Tim 1, 2024) yam tsis tau txais kev tso cai tshiab los ntawm txoj phiaj xwm saib xyuas uas muaj kev tswj hwm tshiab yog tias:

Koj muaj Daim Ntawv Tso Cai Ua Ntej uas tseem siv tau rau kev pab cuam, LOS SIS
Koj muaj Qhov Kev Kho Mob Uas Tseem Siv Tau yam tsis muaj Daim Ntawv Tso Cai Ua Ntej."Cov Kev Kho Mob Uas Tseem SIv Tau" yuav tsum tau sau tseg hauv koj cov ntaub ntawv kho mob ua ntej Lub Ib Hlis Ntuj Tim 1, 2024.Nws txhais tau hais tias koj tau koom nrog ib tus kws kho mob thiab ua raws li cov ntawv sau tseg rau kev kho mob raws li koj tus kws kho mob rau ib qho mob tshwj xeeb tau teev tseg.

20.Yuav muaj dab tsi tshwm sim tom qab 6-lub hlis ntawm ncua sij hawm Kev Saib Xyuas Txuas Ntxiv Mus xaus rau cov kev pab cuam uas tau txais kev tso cai raws li kuv txoj phiaj xwm saib xyuas uas muaj kev tswj hwm yav dhau los?

Yog tias koj tseem xav tau qhov kev pab cuam tom qab 6-lub hlis ntawm ncua sij hawm Kev Saib Xyuas Txuas Ntxiv Mus xaus, koj tus kws kho mob hauv pab pawg koom tes tshiab yuav tsum tau thov ib qho kev tso cai los ntawm koj txoj phiaj xwm saib xyuas uas muaj kev tswj hwm tshiab.

21.Kuv puas muaj cai txais Kev Saib Xyuas Txuas Ntxiv Mus rau kuv li DME thiab cov khoom siv kho mob yog tias kuv tab tom hloov mus rau txoj phiaj xwm saib xyuas uas muaj kev tswj hwm tshiab thaum Lub Ib Hlis Ntuj Tim 1, 2024?

Muaj.Yog tias koj tab tom hloov mus rau txoj phiaj xwm saib xyuas uas muaj kev tswj hwm tshiab thaum Lub Ib Hlis Ntuj Tim 1, 2024, koj tuaj yeem khaws koj cov nqi xauj DME uas twb muaj lawm thiab cov khoom siv kho mob yam tsawg kawg yog 6 lub hlis tom qab koj qhov kev hloov pauv thiab txog thaum koj qhov kev rov ntsuam xyuas dua tom ntej.Yog tias koj qhov DME los sis cov khoom siv kho mob uas tau pom zoo yav dhau los tab sis yuav tsis muab kom txog thaum tom qab qhov kev hloov pauv, koj txoj phiaj xwm yuav tsum tso cai rau koj khaws koj cov nqi xauj DME los sis cov khoom siv yam tsawg kawg yog 6 lub hlis, txog thaum koj tau txais qhov kev ntsuam xyuas tshiab.Yog tias koj txoj phiaj xwm tshiab ua tsis tiav qhov kev ntsuam xyuas tshiab, koj qhov kev tso cai uas twb muaj lawm yuav siv tau rau lub sij hawm ntawm kev tso cai los kho mob.

22.Yuav ua li cas yog tias kuv yog ib feem ntawm Pej Xeem Tshwj Xeeb?

Yog tias koj yog ib feem ntawm Pej Xeem Tshwj Xeeb, koj muaj kev pov thaiv ntau ntxiv rau Txoj Kev Saib Xyuas Txuas Ntxiv Mus rau cov kev pab cuam.Koj nyob hauv “Pej Xeem Tshwj Xeeb” yog tias koj:

Tau tso cai los txais cov kev pab cuam Tswj Hwm Kev Saib Xyuas Qib Siab (ECM)
Tau tso cai los txais Cov Kev Txhawb Nqa Hauv Zej Zog
Tau sau npe rau hauv Kev Tswj Hwm Kev Saib Xyuas Nyuaj
Tau sau npe rau hauv 1915(c) cov khoos kas kev zam (Suav nrog HCBA qhov kev zam thiab HCBS-DD Qhov Kev Zam)
Tau Txais Cov Kev Pab Cuam Txhawb Nqa Hauv Tsev (IHSS)
Tau sau npe hauv California Cov Kev Pab Cuam Rau Me Nyuam Yaus (CCS)/CCS Tus Qauv Me Nyuam Tag Nrho
Tau txais kev pab tu xyuas, thiab kev tu cov tub ntxhais hluas yav tas los mus txog 25 xyoos
Nyob rau hauv qhov kev kho mob rau cov kab mob sib kis ncua ntev hauv qab no: Tus kab mob HIV/AIDS, mob ntsws, kab mob siab B thiab C
Noj cov tshuaj tiv thaiv kab mob, cov khoom txhawb tiv thaiv kab mob hauv lub cev, thiab cov khoom muaj sia
Tau txais kev kho mob raum ncua sij hawm kawg (ESRD)
Ua neej nyob nrog kev kuaj rau txoj kev txawj ntse los sis kev xiam oob qhab rau fab kev loj hlob (I/DD)
Nyob nrog kev kuaj mob lub hlwb tsis nco qab
Nyob rau hauv qhov txheej txheem kev ntsuam xyuas kev hloov pauv, ntawm txhua daim ntawv tos kom tau txais kev hloov pauv, yuav mus hloov pauv, los sis tau txais kev hloov pauv hauv 12 lub hlis dhau los
Cev xeeb tub los sis tom qab yug me nyuam tas (nyob rau hauv 12 lub hlis ntawm cev xeeb tub tas los sis kev kuaj mob rau ntawm leej niam kev puas siab puas ntsws)
Tau txais kev pab cuam tshwj xeeb rau txoj kev noj qab haus huv fab kev puas hlwb (cov neeg laus, cov hluas, thiab cov me nyuam yaus)
Tau txais kev kho mob nrog cov tshuaj pharmaceuticals uas nws tshem tawm qhov yuav ua rau muaj kev pheej hmoo loj ntawm cov tsos mob kom ploj mus los sis kev tuag
Tau txais kev kho mob hauv tsev kho mob
Tau txais kev noj qab haus huv hauv tsev
Nyob hauv Cov Chaw Tu Xyuas Neeg Mob Uas Muaj Kev Txawj (SNF)
Tau txais kev kho mob nyob hauv tsev kho mob
Tom qab tawm hauv tsev kho mob mus los ntawm kev mus pw kho hauv tsev kho mob, SNF, ICF / DD, los sis chaw kho mob me-me (hauv 30 hnub tom qab mws nyob kho mob)
Cov ntawv sau yuav tshuaj DME tshiab (hauv 30 hnub ntawm Lub Ib Hlis Ntuj Tim 1, 2024)
Cov tswv cuab tau txais Cov Kev Pab Cuam Rau Cov Neeg Laus Hauv Zej Zog

Ntxiv rau ncua sij hawm tiv thaiv 6 lub hlis, koj txoj phiaj xwm saib xyuas uas muaj kev tswj hwm tshiab yuav tsum tau soj ntsuam seb nws puas tsim nyog rau koj mus txais cov kev pab cuam no txuas ntxiv mus.Qhov kev ntsuam xyuas uas tau ua tiav thaum koj mus ntsib tus kws kho mob hauv pab pawg koom tes (tim nstej tim muag los sis los hauv kev xov xoov tooj hauv oos lais) uas tshuaj xyuas koj tus mob thiab ua tiav txoj phiaj xwm kho mob tshiab.Txoj phiaj xwm kho mob tshiab yuav tsum suav nrog kev ntsuam xyuas rau cov kev pab cuam hauv koj daim ntawv tso cai kho mob uas twb muaj lawm los ntawm koj txoj phiaj xwm saib xyuas uas muaj kev tswj hwm yav dhau los.

Tsis tas li ntawd, koj txoj phiaj xwm saib xyuas uas muaj kev tswj hwm tshiab yuav tsum tau ua hauj lwm tsis tu ncua txhawm rau txheeb xyuas cov tswv cuab nrog Cov Kev Khom Mob Tseem Muaj uas yuav tsum tau txais kev tso cai dhau 6 lub hlis.Koj txoj phiaj xwm yuav tsum tiv tauj rau cov kws muab kev pab cuam kom tsim tau Cov Kev Tso Cai Ua Ntej uas tsim nyog.

23.Yuav ua li cas yog tias kuv yog ib feem ntawm Cov Pej Xeem Tshwj Xeeb thiab kuv tau txais cov kev pab cuam tswj hwm kev saib xyuas?

Yog tias koj yog ib feem ntawm Cov Pej Xeem Tshwj Xeeb uas muaj npe hauv Nqe Lus Nug 23 thiab koj tau txais cov kev pab cuam tswj hwm kev saib xyuas los ntawm koj txoj phiaj xwm saib xyuas kev noj qab haus huv dhau los (piv txwv li, los ntawm koj Qhov Kev Tswj Hwm Kev Saib Xyuas Nyuaj [CCM] Tus Thawj Tswj Hwm Saib Xyuas los sis koj Tus Thawj Saib Xyuas Kev Kho Mob Zoo Dua [ECM]), koj tuaj yeem tau txais Kev Kev Saib Xyuas Txuas Ntxiv Mus rau cov kev pab cuam no, tib yam thiab.

Koj txoj phiaj xwm saib xyuas uas muaj kev tswj hwm yav dhau los yuav tsum tau muab cov ntaub ntawv sib qhia los ntawm koj Tus Thawj Tswj Hwm Kev Saib Xyuas nrog koj txoj phiaj xwm saib xyuas uas muaj kev tswj hwm tshiab los ua kom qhov kev hloov pauv no yooj yim dua tuaj.Qhov no suav nrog koj cov ntaub ntawv tiv toj, hom kev sib txuas lus uas xav tau, cov txiaj ntsig tau los ntawm koj qhov kev tshuaj ntsuam uas muaj thiab cov txiaj ntsig kuaj pom ntawm kev ntsuam xyuas, thiab koj Txoj Phiaj Xwm Tswj Hwm Kev Saib Xyuas.Koj txoj phiaj xwm saib xyuas uas muaj kev tswj hwm yav dhau los yuav tsum ua kom tiav qhov kev hloov pauv cov ntaub ntawv no mus rau koj txoj phiaj xwm saib xyuas uas muaj kev tswj hwm hauv 15 hnub txij li hnub koj hloov mus rau Tus Thawj Tswj Saib Xyuas tshiab.

Yog tias koj tau txais cov kev pab cuam CCM, koj yuav tsum tau txais cov kev pab cuam txuas ntxiv los ntawm koj txoj phiaj xwm saib xyuas uas muaj kev tswj hwm tshiab.

Yog tias koj tau txais cov kev pab cuam ECM, koj yuav tsum txuas ntxiv tau txais cov kev pab cuam los ntawm koj txoj phiaj xwm saib xyuas uas muaj kev tswj hwm tshiab, vim tias tag nrho cov phiaj xwm saib xyuas uas muaj kev tswj hwm yuav tsum tau cog lus nrog txhua tus kws muab kev pab cuam ECM hauv xyoo 2024.Tab sis, yog tias koj tus kws muab kev pab cuam ECM tsis nyob hauv-pab pawg koom tes nrog koj txoj phiaj xwm saib xyuas uas muaj kev tswj hwm tshiab, koj yuav tsum ua raws li cov txheej txheem hauv Cov Nqe Lus Nug 5-11.

24.Yuav ua li cas yog tias kuv tau txais kev kho mob uas pw hauv tsev kho mob thaum Lub Ib Hlis Ntuj Tim 1, 2024?

Koj txoj phiaj xwm saib xyuas uas muaj kev tswj hwm yav dhau los yuav tsum qhia rau koj txoj phiaj xwm saib xyuas uas muaj kev tswj hwm tshiab uas koj tau txais kev saib xyuas hauv tus neeg mob ua ntej Lub Kaum Ob Hlis Ntuj Tim 22, 2023.Nws yuav tsum tau hloov kho koj txoj phiaj xwm saib xyuas uas muaj kev tswj hwm tshiab txuas ntxiv txhua hnub txawm tias Lub Ib Hlis Ntuj Tim 9, 2024, suav nrog hnub so thiab hnub so thaum lim tiam kawg.Koj txoj phiaj xwm saib xyuas uas muaj kev tswj hwm tshiab yuav tsum tiv tauj rau lub tsev kho mob kom tswj xyuas koj qhov kev kho mob.

25.Kuv puas yuav tau txais cov kev pab cuam thauj mus (Kev Thauj Mus Los Tsis Yog Kho Mob Xwm Ceev thiab Kev Thauj Mus Los Tsis Rau Kev Kho Mob) Txuas Ntxiv Mus?

Yog tias koj muaj qhov kev tso cai ua ntej rau cov kev thauj mus los, koj txoj phiaj xwm tshiab yuav tsum tau ua cov kauj ruam los xyuas kom ntseeg tau tias koj tuaj yeem khaws koj hom kev thauj mus los tam sim no yam tsawg kawg 6 lub hlis tom qab qhov kev hloov pauv.Txoj phiaj xwm yuav xav kom koj hloov mus rau ib tus kws kho muab kev pab cuam hauv pab pawg koom tes.Tom qab 6 lub hlis, tej zaum txoj phiaj xwm yuav rov ntsuam xyuas koj qhov kev xav tau kev thauj mus los.

26.Yuav ua li cas yog tias tam sim no kuv sau npe rau hauv daim ntawv teev npe tos mus ntsib tus kws kho mob tshwj xeeb nrog kuv txoj phiaj xwm saib xyuas uas muaj kev tswj hwm? Kuv puas yuav tsum tau pib sab tom qab ntawm qhov kab npe ntawm daim ntawv teev npe tshiab tom qab Lub Ib Hlis Ntuj Tim 1, 2024?

Yog tias tam sim no koj sau npe rau hauv daim ntawv teev npe tos rau kev teem sij hawm nrog tus kws kho mob tshwj xeeb, koj yuav tsum tiv tauj rau koj txoj phiaj xwm saib xyuas uas muaj kev tswj hwm tshiab thiab thov kev teem caij nrog tus kws kho mob tshaj lij hauv pab pawg koom tes nyob rau tib lub sij hawm raws li koj lub sij hawm teem caij uas muaj lawm.Koj txoj phiaj xwm saib xyuas uas muaj kev tswj hwm tshiab yuav tsum yog 1) cia koj khaws koj lub sij hawm teem caij uas twb muaj lawm, LOS SIS 2) teem sij hawm los teem caij nrog tus kws muab kev pab cuam hauv pab pawg koom tes ntawm tib yam kev tshwj xeeb.Lub sij hawm teem caij nrog tus kws muab kev pab cuam hauv lub pab pawg koom tes yuav tsum nyob rau hnub teem caij tseg los sis ua ntej ntawm lub sij hawm teem tseg uas twb muaj lawm.

27.Kuv tuaj yeem nrhiav tau cov ntaub ntawv ntxiv hais txog Kev Saib Xyuas Txuas Ntxiv Mus nyob qhov twg tau?

Muaj cov ntaub ntawv ntau ntxiv los ntawm DHCS nyob ntawm https://www.dhcs.ca.gov/services/Pages/ContinuityOfCare.aspx thiab cov ntaub ntawv los ntawmLub Khoos Kas Saib Xyuas Txoj Cai Lij Choj Rau Kev Noj Qab Haus Huv Hauv Teb Chaws muaj nyob ntawm https://healthlaw.org/resource/continuity-of-care-in-medi-cal-managed-care-updated-2023/

Txoj Hau Kev Txais Kev Saib Xyuas Hauv Zej Zog Nyob Hauv Medi-Cal QHov Kev Saib Xyuas Uas Muaj Kev Tswj Hwm