របបៀបទទួលបានការវាយតម្លៃអប់រំឯករាជ្យបរកាលបនទុកចំណាយសាធារណៈ
របបៀបទទួលបានការវាយតម្លៃអប់រំឯករាជ្យបរកាលបនទុកចំណាយសាធារណៈ
អប់រំឯករាជ្យក្រោមបន្ទុកចំណាយសាធារណៈពីមណ្ឌលសិក្សាធិការ។ មធ្យោបាយមួយទៀតដែលអ្នកអាចទទួលបានការវាយតម្លៃអប់រំឯករាជ្យ គឺត្រូវបង់ប្រាក់ដោយ ខ្លួនឯងសម្រាប់ការវាយតម្លៃ។ អ្នកអាចនឹងឲ្យមានការវាយតម្លៃអប់រំឯករាជ្យទៅលើកូនរបស់អ្នក ប្រសិនបើ៖
អប់រំឯករាជ្យក្រោមបន្ទុកចំណាយសាធារណៈពីមណ្ឌលសិក្សាធិការ។ មធ្យោបាយមួយទៀតដែលអ្នកអាចទទួលបានការវាយតម្លៃអប់រំឯករាជ្យ គឺត្រូវបង់ប្រាក់ដោយ ខ្លួនឯងសម្រាប់ការវាយតម្លៃ។ អ្នកអាចនឹងឲ្យមានការវាយតម្លៃអប់រំឯករាជ្យទៅលើកូនរបស់អ្នក ប្រសិនបើ៖
- អ្នកមិនយល់ស្របជាមួយនឹងរង្វាយតម្លៃលើការអប់រំពិសេសថ្មីៗបំផុតទៅលើកូនរបស់អ្នក
- ប្រសិនបើមណ្ឌលសិក្សាធិការបានចុះធ្វើការវាយតម្លៃដំបូង ឬវាយតម្លៃសាឡើងវិញ ប៉ុន្តែមិនបានកំណត់បញ្ជាក់ពេញលេញគ្រប់ផ្នែកទាំងអស់ដែលត្រូវចាំបាច់ត្រូវធ្វើការវាយតម្លៃ និងប្រសិនបើអ្នកមិនយល់ស្របជាមួយការវាយតម្លៃ ឬ
- ប្រសិនបើមណ្ឌលសិក្សាធិការបានបដិសេធសិទ្ធិទទួលបានការអប់រំពិសេសរបស់កូនអ្នក ឬសេវាកម្ម ឬការគាំទ្រចាំបាច់ណាមួយ ផ្អែកលើអនុសាសន៍នៃការវាយតម្លៃរបស់មណ្ឌលសិក្សាធិការដែលធ្វើឡើងមិនបានសមស្រប។
ច្បាប់
ក្រោមលក្ខខណ្ឌជាក់លាក់មួយចំនួន បទបញ្ញត្តិសហព័ន្ធចំពោះច្បាប់ស្តីពីការអប់រំបុគ្គលដែលមានពិការភាព (Individuals with Disabilities Education Act) ចែងថា៖
“ឪពុកម្តាយមានសិទ្ធិទទួលបានការវាយតម្លៃអប់រំឯករាជ្យក្រោមបន្ទុកចំណាយ សាធារណៈ ប្រសិនបើឪពុកម្តាយមិនយល់ស្របជាមួយនឹងការវាយតម្លៃដែលទទួលបានដោយទីភ្នាក់ងារសាធារណៈ [ដូចជាមណ្ឌលសិក្សាធិការជាដើម] …” 1
ការវាយតម្លៃអប់រំឯករាជ្យ (“IEE”) មានន័យថា ការវាយតម្លៃនោះត្រូវបានធ្វើឡើងដោយបុគ្គលដែលមានលក្ខណសម្បត្តិគ្រប់គ្រាន់ ដែលពួកគេត្រូវបានទទួលមកបម្រើការងារដោយមណ្ឌលសិក្សាធិការដែលផ្តល់សេវាដល់សិស្សនោះ។ 2 ឪពុកម្តាយ/អាណាព្យាបាល អាចស្នើសុំការវាយតម្លៃ IEE ក្រោមបន្ទុក ចំណាយសាធារណៈ។ នៅពេលមណ្ឌលសិក្សាធិការទទួលបានការស្នើសុំនេះ មណ្ឌលសិក្សាធិការមានជម្រើសតែពីរប៉ុណ្ណោះ៖
- បង់ប្រាក់សម្រាប់ការវាយតម្លៃ IEE ឬ
- ដាក់ពាក្យសុំកិច្ចដំណើរការត្រឹមត្រូវតាមផ្លូវច្បាប់ ដើម្បីបញ្ជាក់ភស្តុតាង ឲ្យបានច្បាស់ថា រង្វាយតម្លៃផ្ទាល់របស់ខ្លួនមានភាពសមស្រប។ 3
ជារឿយៗ មណ្ឌលសិក្សាធិការនឹងត្រូវបង់ប្រាក់សម្រាប់ការវាយតម្លៃ IEE។ វាមិនសូវថ្លៃប៉ុន្មានទេក្នុងការបង់ប្រាក់សម្រាប់ការវាយតម្លៃ IEE។ វាចំណាយប្រាក់ច្រើនជាងនេះសម្រាប់មណ្ឌលសិក្សាធិការក្នុងការដាក់ពាក្យសុំកិច្ចដំណើរការត្រឹមត្រូវតាមផ្លូវច្បាប់ប្រឆាំងជំទាស់ទៅនឹងអ្នកដើម្បីបញ្ជាក់ឲ្យបានច្បាស់ថា ការវាយតម្លៃរបស់ខ្លួនមានភាពសមស្រប។ មណ្ឌលសិក្សាធិការ មិនអាចគ្រាន់តែមិនអើពើតាមផ្លូវច្បាប់ចំពោះអ្នក ឬគ្រាន់តែធ្វើការ “បដិសេធ” ចំពោះអ្នកនោះទេ។
របៀបស្នើសុំការវាយតម្លៃ IEE
នេះជាជំហានដែលអ្នកចាំបាច់ត្រូវអនុវត្តដើម្បីស្នើសុំការវាយតម្លៃ IEE ក្រោមបន្ទុកចំណាយសាធារណៈសម្រាប់កូនអ្នក៖
ជំហានទី1៖ ផ្ញើសំណើជាលាយលក្ខណ៍អក្សរសម្រាប់ការវាយតម្លៃ IEE ក្រោមបន្ទុកចំណាយសាធារណៈ។
ប្រសិនបើអ្នកមិនយល់ស្របជាមួយនឹងរង្វាយតម្លៃរបស់មណ្ឌលសិក្សាធិការរបស់កូនអ្នកទេ អ្នកគួរតែសរសេរលិខិត/អ៊ីម៉ែលទៅកាន់អ្នកគ្រប់គ្រងករណីរបស់ កូនអ្នក ឬ ប្រធានផ្នែកអប់រំពិសេសរបស់មណ្ឌលសិក្សាធិការ។ នៅក្នុងលិខិត/ អ៊ីម៉ែលនោះ អ្នកគួរតែបញ្ជាក់ថា អ្នកមិនយល់ស្របជាមួយនឹងរង្វាយតម្លៃរបស់មណ្ឌលសិក្សាធិការទេ។ អ្នកក៏គួរតែបញ្ជាក់ផងដែរថា អ្នកកំពុងស្នើសុំការវាយតម្លៃ IEE ក្រោមបន្ទុកចំណាយសាធារណៈ។
ពិតមែនតែច្បាប់មិនបានចែងថា សំណើសុំការវាយតម្លៃ IEE ចាំបាច់ត្រូវធ្វើឡើងជាលាយលក្ខណ៍អក្សរក្តី ប៉ុន្តែការសរសេរលិខិត/អ៊ីម៉ែលទៅកាន់មណ្ឌលសិក្សា ធិការ គឺជាការសំខាន់។ មណ្ឌលសិក្សាធិការមិនតម្រូវឲ្យផ្តល់មូលនិធិវាយតម្លៃ IEE នោះទេ ប្រសិនបើអ្នកមិនផ្តល់ឲ្យមណ្ឌលសិក្សាធិការនូវការជូនដំណឹងថា អ្នកមិនយល់ស្របជាមួយនឹងរង្វាយតម្លៃ និងបានស្នើសុំការវាយតម្លៃ IEE ក្រោមបន្ទុកចំណាយសាធារណៈ។ ការសរសេរលិខិត/អ៊ីម៉ែលអាចបង្ហាញថា អ្នកបាន ផ្តល់ការជូនដំណឹងដល់មណ្ឌលសិក្សាធិការ ប្រសិនបើមានវិវាទនៅពេលក្រោយ។ រក្សាទុកច្បាប់ថតចម្លងនៃលិខិត/អ៊ីម៉ែលសម្រាប់ជាកំណត់ត្រារបស់អ្នក។
បន្ទាប់ពីទទួលបានលិខិតរបស់អ្នក មណ្ឌលសិក្សាធិការអាចនឹងសុំឲ្យអ្នកធ្វើការពន្យល់ថា ហេតុអ្វីបានជាអ្នកមិនយល់ស្របជាមួយនឹងការវាយតម្លៃរបស់អ្នក។ អ្នកមិនចាំបាច់ត្រូវផ្តល់ហេតុផលណាមួយសម្រាប់ការមិនយល់ស្របរបស់អ្នកទៅដល់មណ្ឌលសិក្សាធិការទេ។ ម្យ៉ាងទៀត មណ្ឌលសិក្សាធិការមិនអាចប្រើប្រាស់ការបដិសេធរបស់អ្នក មកធ្វើជាហេតុផលសម្រាប់ពន្យារការឆ្លើយតបរបស់ខ្លួនចំពោះការស្នើសុំនោះទេ។ 4
ជំហានទី2៖ រង់ចាំការឆ្លើយតប
ក្រោយពេលអ្នកផ្ញើលិខិត/អ៊ីម៉ែលរបស់អ្នកទៅកាន់មណ្ឌលសិក្សាធិការ មណ្ឌលសិក្សាធិការត្រូវតែឆ្លើយតបទៅកាន់សំណើរបស់អ្នក “ដោយគ្មានការពន្យារពេលមិនសមស្រប” ឡើយ។ 5 ច្បាប់មិនចែងពីរយៈពេលដែលមណ្ឌលសិក្សាធិការត្រូវបានអនុញ្ញាតឲ្យប្រើប្រាស់ដើម្បីធ្វើការឆ្លើយតបឡើយ។ ច្បាប់អនុញ្ញាតឲ្យមានរយៈពេលសមស្របឬរយៈពេលខ្លីណាមួយ ដើម្បីអនុញ្ញាតឲ្យឪពុកម្តាយ/ អាណាព្យាបាល និងមណ្ឌលសិក្សាធិការធ្វើការពិភាក្សា និងចរចាអំពីសំណើសុំវាយតម្លៃ IEE នេះ។ 6 ការពន្យារពេលមានភាពសមស្របឬអត់ គឺអាស្រ័យលើស្ថានភាពជាក់លាក់។ ឧទាហរណ៍៖
- នៅក្នុងសំណុំរឿង J.P. v. Ripon Unified School District មណ្ឌលសិក្សាធិការបានដាក់សំណើសុំកិច្ចដំណើរការត្រឹមត្រូវតាមផ្លូវច្បាប់រយៈពេលច្រើនជាងពីរខែ បន្ទាប់ពីឪពុកម្តាយបានស្នើសុំការវាយតម្លៃ IEE។ តុលាការបានរកឃើញថា មណ្ឌលសិក្សាធិការបានដាក់ពាក្យសុំកិច្ចដំណើរការត្រឹមត្រូវតាមផ្លូវច្បាប់បានទាន់ពេលវេលា។ ឪពុកម្តាយនិងមណ្ឌលសិក្សាធិការ បានប្រាស្រ័យទាក់ទងប្រាប់គ្នាអំពីសំណើសុំវាយតម្លៃ IEE នៅអំឡុងពេលពីរខែ មុនពេលមណ្ឌលសិក្សាធិការបានដាក់ពាក្យសុំកិច្ចដំណើរការត្រឹមត្រូវតាមផ្លូវច្បាប់។ 7
- នៅក្នុងសំណុំរឿង Pajaro Valley Unified School District v. J.S. មណ្ឌលសិក្សាធិការមិនបានផ្តល់ការពន្យល់អំពីមូលហេតុដែលខ្លួនបានពន្យារពេល ដាក់ពាក្យសុំកិច្ចដំណើរការត្រឹមត្រូវតាមផ្លូវច្បាប់រយៈពេល 11សប្តាហ៍នោះ ទេ។ តុលាការបានរកឃើញថា មណ្ឌលសិក្សាធិការបានបំពានច្បាប់។ 8
ជាទូទៅ រយៈពេលសមស្របក្នុងការរង់ចាំ អាចមានរយៈពេល 15ថ្ងៃសិក្សា គិតចាប់ពីមណ្ឌលសិក្សាធិការត្រូវបានតម្រូវឲ្យផ្តល់ផែនការរង្វាយតម្លៃជូនដល់ឪពុកម្តាយ/ អាណាព្យាបាលក្នុងរយៈពេល 15ថ្ងៃ ក្រោយការស្នើសុំការវាយតម្លៃរបស់ឪពុកម្តាយ/អាណាព្យាបាល។
នៅពេលណាអ្នកប្រគល់លិខិត/អ៊ីម៉ែលរបស់អ្នក ករណីដូចខាងក្រោមនេះអាចនឹងកើតឡើង៖
- ប្រសិនបើមណ្ឌលសិក្សាធិការមិនឆ្លើយតបទាល់តែសោះ នោះមណ្ឌលសិក្សា ធិការមិនបានគោរពតាមច្បាប់ទេ។ ប្រសិនបើអ្នកមិនទទួលបានការឆ្លើយតបណាមួយពីមណ្ឌលសិក្សាធិការ សូមចូលផ្ទាល់ទៅកាន់ជំហានទី4 ក្នុងឯកសារបោះពុម្ពនេះ។
- ប្រសិនបើមណ្ឌលសិក្សាធិការយល់ស្របក្នុងការផ្តល់មូលនិធិដល់ការវាយតម្លៃ IEE នោះអ្នកអាចធ្វើការងារជាមួយមណ្ឌលសិក្សាធិការដើម្បីជ្រើសរើសអ្នកវាយតម្លៃឯករាជ្យរបស់អ្នក។
- ប្រសិនបើមណ្ឌលសិក្សាធិការដាក់ពាក្យសុំកិច្ចដំណើរការត្រឹមត្រូវតាមផ្លូវច្បាប់ សូមត្រៀមខ្លួនឲ្យបានរួចរាល់ដើម្បីឡើងសវនាការ។ អ្នកនឹងចាំបាច់ត្រូវពន្យល់ដល់ចៅក្រមថាហេតុអ្វីបានជាអ្នកគិតថា ការវាយតម្លៃរបស់មណ្ឌលសិក្សាធិការមិនមានភាពសមស្រប។ អ្នកក៏នឹងចាំបាច់ត្រូវពន្យល់ផងដែរថាហេតុអ្វីបានជាអ្នកត្រូវការការវាយតម្លៃ IEE។ សូមយោងទៅលើជំពូក 6 ព័ត៌មានស្តីពីនីតិវិធីសវនាការត្រឹមត្រូវតាមច្បាប់/ការអនុវត្តតាមច្បាប់ នៃសៀវភៅណែនាំអំពីសិទ្ធិនិងការទទួលខុសត្រូវលើការអប់រំពិសេស សម្រាប់ព័ត៌មានបន្ថែមស្តីពីរបៀបត្រៀមខ្លួនសម្រាប់សវនាការ។
ជំហានទី3៖ មិនទទួលយកចម្លើយ “បដិសេធ”
ប្រសិនបើមណ្ឌលសិក្សាធិការមិនបានឆ្លើយតបទៅនឹងសំណើសុំ ឬបានបដិសេធ សំណើសុំរបស់អ្នកដោយមិនបានដាក់ពាក្យសុំកិច្ចដំណើរការត្រឹមត្រូវតាមច្បាប់ទេ អ្នកគួរតែសរសេរលិខិតមួយច្បាប់ទៀតទៅកាន់មណ្ឌលសិក្សាធិការ។ ក្នុងលិខិត នេះ អ្នកគួរតែប្រាប់ដល់មណ្ឌលសិក្សាធិការថា មណ្ឌលសិក្សាធិការបានរំលោភសិទ្ធិរបស់អ្នក ក្រោមបទបញ្ញត្តិស្តីពីការអប់រំពិសេសរបស់សហព័ន្ធ៖ ច្បាប់ 34 C.F.R. ផ្នែក 300.502(b)។
ប្រសិនបើអ្នកមិនទទួលបានការឆ្លើយតបពីមណ្ឌលសិក្សាធិការទេ អ្នកគួរតែប្រាប់ ដល់មណ្ឌលសិក្សាធិការផងដែរថា អ្នកកំពុងមានចំណាត់ការលើភាពអសកម្មរបស់ពួកគេ ក្នុងគោលបំណងឲ្យមណ្ឌលសិក្សាធិការយល់ស្របផ្តល់មូលនិធិដល់ ការវាយតម្លៃ IEE។ ម្យ៉ាងទៀត អ្នកអាចប្រាប់មណ្ឌលសិក្សាធិការផងដែរថា៖
- អ្នកនឹងជូនដំណឹងដល់មណ្ឌលសិក្សាឲ្យបានជ្រាបថា អ្នក នឹងបង់ប្រាក់សម្រាប់ការវាយតម្លៃ IEE ហើយបន្ទាប់មកផ្ញើវិក្កយបត្រទូទាត់ការវាយតម្លៃ IEE ទៅដល់មណ្ឌលសិក្សាធិការសម្រាប់ការទូទាត់សំណង ឬ
- អ្នកនឹងសុំឲ្យមណ្ឌលសិក្សាធិការធ្វើការបង់ប្រាក់ដោយផ្ទាល់ទៅដល់អ្នកផ្តល់សេវាដែលអ្នកបានជ្រើសរើសដើម្បីធ្វើការវាយតម្លៃ IEE របស់អ្នក។
ប្រសិនបើអ្នកសម្រេចចិត្តបន្តការវាយតម្លៃ IEE ដោយគ្មានការឆ្លើយតបរបស់មណ្ឌលសិក្សាធិការទេ សូមប្រាកដថាអ្នកវាយតម្លៃឯករាជ្យនោះបំពេញតាមរាល់គោលការណ៍ណែនាំទាំងអស់ស្តីពី IEE របស់មណ្ឌលសិក្សាធិការ រួមទាំងលក្ខណៈ វិនិច្ឆ័យលើសិទ្ធិទទួលបាន និងថ្លៃចំណាយផងដែរ។ អ្នកអាចជ្រើសរើសមិនសរសេរ អ្វីមួយទៅកាន់មណ្ឌលសិក្សាធិការក៏បានដែរ រួចចូលទៅកាន់ជំហានទី4 ដោយផ្ទាល់នៅក្នុងឯកសារបោះពុម្ពនេះ។
ជំហានទី4៖ ប្រសិនបើគ្រប់យ៉ាងមិនសម្រេចជោគជ័យទេ សូមដាក់ពាក្យ បណ្តឹងស្តីពីការអនុវត្តតាមច្បាប់ទៅកាន់នាយកដ្ឋានអប់រំរដ្ឋកាលីហ្វ័រញ៉ា (California Department of Education)។
ប្រសិនបើមណ្ឌលសិក្សាធិការនៅតែមិនឯកភាពលើការវាយតម្លៃ IEE ទេ ឬបានដាក់ពាក្យសុំកិច្ចដំណើរការត្រឹមត្រូវតាមច្បាប់ប្រឆាំងជំទាស់នឹងអ្នក នោះអ្នកអាចដាក់ពាក្យបណ្តឹងស្តីពីការអនុវត្តតាមច្បាប់ទៅកាន់នាយកដ្ឋានអប់រំរដ្ឋកាលីហ្វ័រញ៉ា (“CDE”)។ ក្នុងពាក្យបណ្តឹងនេះ អ្នកគួរតែរៀបរាប់ថា មណ្ឌលសិក្សាធិការបានរំលោភសិទ្ធិតាមនីតិវិធីរបស់អ្នក នៅក្រោមច្បាប់ 34 C.F.R. ផ្នែក 300.502(b) ហើយស្នើសុំនាយកដ្ឋាន CDE ឲ្យចេញសេចក្តីបង្គាប់ទៅកាន់មណ្ឌលសិក្សាធិការដើម្បីផ្តល់ឲ្យអ្នកនូវការវាយតម្លៃ IEE ជាបន្ទាន់។
សូមយោងទៅលើជំពូក 6 ព័ត៌មានស្តីពីនីតិវិធីសវនាការត្រឹមត្រូវតាមច្បាប់/ការអនុវត្តតាមច្បាប់ នៃសៀវភៅណែនាំអំពីសិទ្ធិនិងការទទួលខុសត្រូវលើការអប់រំពិសេស សម្រាប់ព័ត៌មានបន្ថែមស្តីពីរបៀបដាក់ពាក្យបណ្តឹងស្តីពីការអនុវត្តតាមច្បាប់។
សំណួរដែលចោទសួរជាញឹកញាប់
1. តើខ្ញុំអាចជ្រើសរើសនរណាម្នាក់ឲ្យមកធ្វើការវាយតម្លៃ IEE កូនរបស់ខ្ញុំបានដែរឬទេ?
មណ្ឌលសិក្សាធិការ ត្រូវតែផ្តល់ឲ្យអ្នកនូវព័ត៌មានអំពីការវាយតម្លៃ IEE។ នេះរួមមានបញ្ជីរាយនាមអ្នកផ្តល់សេវាដ៏មានសក្តានុពល គោលការណ៍ណែនាំអំពីការកំណត់តម្លៃ និងលក្ខខណ្ឌតម្រូវរបស់មណ្ឌលសិក្សាធិការសម្រាប់ការវាយតម្លៃ IEE។ 9 អ្នកមិនតម្រូវឲ្យប្រើប្រាស់អ្នកវាយតម្លៃនៅក្នុងបញ្ជីរបស់មណ្ឌលសិក្សាធិការទេ។ 10 ប្រសិនបើអ្នកជ្រើសរើសអ្នកផ្តល់សេវាម្នាក់ដែលមិនស្ថិតនៅ ក្នុងបញ្ជីរបស់មណ្ឌលសិក្សាធិការ សូមប្រាកដថា អ្នកវាយតម្លៃដែលអ្នកជ្រើសរើសនោះ បំពេញតាមលក្ខខណ្ឌតម្រូវរបស់មណ្ឌលសិក្សាធិការសម្រាប់ការវាយតម្លៃ IEE។
ប្រសិនបើមណ្ឌលសិក្សាធិការកំណត់ជម្រើសអ្នកផ្តល់សេវារបស់អ្នកខ្លាំងពេក រហូតដល់ការវាយតម្លៃមិនអាចមានឯករាជ្យភាព ឬមានភាពដាច់ដោយឡែកពីមណ្ឌលសិក្សាធិការ ពេលនោះអ្នកអាចដាក់ពាក្យបណ្តឹងស្តីពីការអនុវត្តច្បាប់ទៅកាន់នាយកដ្ឋាន CDE។
2. តើមានអ្វីកើតឡើង បើសិនខ្ញុំមិនមានលុយគ្រប់គ្រាន់ដើម្បីបង់ប្រាក់សម្រាប់ការវាយតម្លៃ IEE ជាមុន ហើយមណ្ឌលសិក្សាធិការទទូចសុំថា ការទូទាត់សំណងគឺជាជម្រើសដែលមានតែមួយគត់?
ច្បាប់និងបទបញ្ញត្តិស្តីពីការអប់រំពិសេស មិនមានចែងបញ្ជាក់អំពីលក្ខណៈដែលមណ្ឌលសិក្សាធិការត្រូវផ្តល់ការវាយតម្លៃ IEE ក្រោមបន្ទុកចំណាយសាធារណៈទេ។ ប៉ុន្តែ ប្រសិនបើអ្នកមិនអាចមានលទ្ធភាពបង់ប្រាក់សម្រាប់់ការវាយតម្លៃ IEE ជាមុន និងទូទាត់សងវិញនៅពេលក្រោយទេ ពេលនោះមណ្ឌលសិក្សាធិការគួរតែធ្វើការរៀបចំផ្សេងទៀត។ នេះអាចរួមមានការបង់ប្រាក់ដល់អ្នកវាយតម្លៃឯករាជ្យដោយផ្ទាល់។ ប្រសិនបើមណ្ឌលសិក្សាធិការបដិសេធមិនធ្វើការចាត់ចែងរៀបចំសមស្របនោះទេ ពេលនោះអ្នកគួរតែដាក់ពាក្យបណ្តឹងស្តីពីការអនុវត្តតាមច្បាប់ទៅកាន់នាយកដ្ឋាន CDE។ នៅក្នុងពាក្យបណ្តឹងនេះ អ្នកអាចរៀបរាប់ប្រាប់ថា លក្ខខណ្ឌតម្រូវរបស់មណ្ឌលសិក្សាធិការដែលកំណត់ឲ្យអ្នកបង់ប្រាក់មុនសម្រាប់ការវាយតម្លៃ IEE រារាំងអ្នកមិនពីការទទួលបានការវាយតម្លៃ IEE។
3. ប្រសិនបើខ្ញុំអាចបង់ប្រាក់សម្រាប់ការវាយតម្លៃនេះ តើខ្ញុំគួរតែបង់ប្រាក់នៅពេលនេះ ហើយបន្ទាប់មកស្វែងរកការទូទាត់សំណងពីមណ្ឌលសិក្សាបានដែរឬទេ?
ក្នុងនាមជាឪពុកម្តាយ/អាណាព្យាបាល អ្នកមានសិទ្ធិជានិច្ចក្នុងការទទួលបានការវាយតម្លៃ IEE ក្រោមបន្ទុកចំណាយផ្ទាល់ខ្លួន ហើយមណ្ឌលសិក្សាធិការចាត់ទុកការវាយតម្លៃនោះជាការអភិវឌ្ឈកម្មវិធី IEP របស់កូនអ្នក។ 11
មុនពេលបង់ប្រាក់ផ្ទាល់ខ្លួនសម្រាប់ការវាយតម្លៃឯករាជ្យ អ្នកគួរតែស្នើសុំជាមុនដល់មណ្ឌលសិក្សាធិការឲ្យផ្តល់ការវាយតម្លៃ IEE ក្រោមបន្ទុកចំណាយសាធារណៈ។ ប្រសិនបើអ្នកបង់ប្រាក់សម្រាប់ការវាយតម្លៃឯករាជ្យ មុនពេលស្នើសុំមណ្ឌលសិក្សាធិការឲ្យផ្តល់ប្រាក់ដល់ការវាយតម្លៃនេះ មណ្ឌលសិក្សាធិការមិនមានកាតព្វកិច្ចធ្វើការទូទាត់សងអ្នកវិញនោះទេ។
4. តើការវាយតម្លៃប្រភេទណាដែលខ្ញុំអាចស្នើសុំការវាយតម្លៃ IEE ក្រោមបន្ទុកចំណាយសាធារណៈ?
អ្នកអាចស្នើសុំការវាយតម្លៃ IEE ក្រោមបន្ទុកចំណាយសាធារណៈសម្រាប់រង្វាយតម្លៃណាមួយដែលមណ្ឌលសិក្សាធិការបានធ្វើរួចហើយ ប្រសិនបើអ្នកយល់ស្រប ជាមួយនឹងរង្វាយតម្លៃនោះ។ សំណើសុំការវាយតម្លៃ IEE ក្រោមបន្ទុកចំណាយសាធារណៈ អាចធ្វើឡើងបានសម្រាប់រង្វាយតម្លៃប្រភេទណាមួយដែលមណ្ឌលសិក្សាធិការបានធ្វើ ដើម្បីវាយតម្លៃទៅលើសិទ្ធិទទួលបានការអប់រំពិសេស ឬតម្រូវការអប់រំរបស់កូនអ្នកនៅក្នុងផ្នែកនៃពិការភាពណាមួយដែលមានការសង្ស័យ។ នេះរួមមានរង្វាយតម្លៃផ្នែកចិត្តសាស្ត្រអប់រំ រង្វាយតម្លៃលើបច្ចេកវិទ្យាជំនួយរង្វាយតម្លៃលើភាសានិងសម្តី ឬរង្វាយតម្លៃលើការផ្ទេរការសិក្សា។
ប្រសិនបើឪពុកម្តាយ/អាណាព្យាបាលទទួលបានការវាយតម្លៃ IEE ក្រោមបន្ទុកចំណាយសាធារណៈ ឬចែករំលែកការវាយតម្លៃដែលពួកគេបានបង់ប្រាក់ជា លក្ខណៈឯកជន ពេលនោះមណ្ឌលសិក្សាធិការត្រូវតែពិចារណាលើការវាយតម្លៃនោះ នៅពេលធ្វើការសម្រេចចិត្តពាក់ព័ន្ធនឹងសិស្ស។ 12
5. តើមណ្ឌលសិក្សាអាចរឹតបន្តឹងចំពោះអ្នកវាយតម្លៃឯករាជ្យមិនឲ្យធ្វើការវាយតម្លៃលើកូនរបស់ខ្ញុំផ្អែកលើមូលដ្ឋានសាលារៀន រួមទាំងមជ្ឈដ្ឋានថ្នាក់រៀនផងដែរ បានដែរឬទេ?
ទេ។ ប្រសិនបើមណ្ឌលសិក្សាធិការបានសង្កេតតាមដានកូនរបស់អ្នកនៅក្នុងថ្នាក់សម្រាប់ជាផ្នែកមួយនៃរង្វាយតម្លៃនេះ ឬប្រសិនបើនីតិវិធីរង្វាយតម្លៃរបស់មណ្ឌលសិក្សាអនុញ្ញាតឲ្យមានការសង្កេតតាមដានក្នុងថ្នាក់រៀន ពេលនោះមណ្ឌលសិក្សាធិការត្រូវតែផ្តល់ឲ្យអ្នកវាយតម្លៃឯករាជ្យនូវឱកាសដូចគ្នានេះ។ ប្រសិនបើមណ្ឌលសិក្សាធិការបដិសេធមិនអនុញ្ញាតឲ្យអ្នកវាយតម្លៃឯករាជ្យចុះសង្កេតតាមដានក្នុងថ្នាក់រៀនទេ នោះអ្នកអាចដាក់ពាក្យបណ្តឹងលើការអនុវត្តតាមច្បាប់ទៅកាន់នាយកដ្ឋាន CDE។ នៅក្នុងពាក្យបណ្តឹងនេះ អ្នកអាចរៀបរាប់ថា អ្នកវាយតម្លៃឯករាជ្យនោះមិនអាចបំពេញការវាយតម្លៃរបស់ពួកគេបានទេ ដោយសារតែមណ្ឌលសិក្សាធិការនឹងមិនផ្តល់ឱកាសដូចគ្នានេះដើម្បីសង្កេតតាមដានកូនរបស់អ្នក ដូចដែលពួកគេបានធ្វើជាមួយបុគ្គលិកសាលារៀននោះទេ។
សូមយោងទៅលើជំពូក 6 ព័ត៌មានស្តីពីនីតិវិធីសវនាការត្រឹមត្រូវតាមច្បាប់/ការអនុវត្តតាមច្បាប់ នៅក្នុងសៀវភៅណែនាំអំពីសិទ្ធិនិងការទទួលខុសត្រូវលើការអប់រំពិសេស សម្រាប់ព័ត៌មានបន្ថែមស្តីពីរបៀបដាក់ពាក្យបណ្តឹងស្តីពីការអនុវត្តតាមច្បាប់ទៅកាន់នាយកដ្ឋាន CDE។
6. តើខ្ញុំអាចស្នើសុំការវាយតម្លៃ IEE ក្រោមបន្ទុកចំណាយសាធារណៈបានប៉ុន្មានដង?
អ្នកអាចស្នើសុំការវាយតម្លៃ IEE ក្រោមបន្ទុកចំណាយសាធារណៈបានតែម្តងគត់ សម្រាប់ការវាយតម្លៃរបស់មណ្ឌលសិក្សាធិការនីមួយៗដែលអ្នកមិនយល់ស្របជាមួយ។ 13 នោះមានន័យថា ប្រសិនបើអ្នកមិនរីករាយជាមួយនឹងការវាយតម្លៃ IEE ដែលទទួលបានក្រោមបន្ទុកចំណាយសាធារណៈ អ្នកនឹងចាំបាច់ត្រូវរង់ចាំឲ្យមណ្ឌលសិក្សាធ្វើការវាយតម្លៃកូនរបស់អ្នកឡើងវិញ មុនពេលអ្នកអាចស្នើសុំការវាយតម្លៃ IEE ផ្សេងទៀតក្រោមបន្ទុកចំណាយសាធារណៈ។
សូមយោងទៅលើជំពូក 2 ព័ត៌មានស្តីពីការវាយតម្លៃ/រង្វាយតម្លៃ នៃសៀវភៅណែនាំស្តីពីសិទ្ធិនិងការទទួលខុសត្រូវលើការអប់រំពិសេស សម្រាប់ព័ត៌មានបន្ថែម។
ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។
- 1. 34 C.F.R. § 300.502(b); see also Cal Educ. Code § 56329(b). “ត្រឡប់ទៅឯកសារដើម”
- 2. 34 C.F.R. § 300.502(a)(3)(i).
- 3. 34 C.F.R. § 300.502(b)(2).
- 4. 34 C.F.R. § 300.502(b)(4).
- 5. 34 C.F.R. § 300.502(b)(2).
- 6. Letter to Anonymous, 56 IDELR 175 (OSEP 2010), available at: https://www2.ed.gov/policy/speced/guid/idea/letters/2010-3/redacteda081310iee3q2010.pdf.
- 7. 2009 WL 1034993, at *7-8 (E.D. Cal. Apr. 15, 2009).
- 8. 2006 WL 3734289, at *5 (N.D. Cal. Dec. 15, 2006).
- 9. 34 C.F.R. § 300.502(a)(2).
- 10. Letter to Anonymous, 56 IDELR 175 (OSEP 2010), មាននៅ៖ https://www2.ed.gov/policy/speced/guid/idea/letters/2010-3/redacteda081310iee3q2010.pdf.
- 11. 34 C.F.R. §§ 300.502(a), (c)(1).
- 12. 34 C.F.R. § 300.502(c)(1).
- 13. 34 C.F.R. § 300.502(b)(5); Cal. Ed. Code § 56329(b).