Ինչպե՞ս վարձել ծնող չհանդիսացող տնային աջակցող ծառայությունների (IHSS, In-Home Supportive Services) մատակարար անչափահաս ստացողի համար․ IHSS-ի ծրագրերի միջև անցումը

This fact sheet is for families who want to hire a non-parent provider for their In-Home Supportive Services (IHSS) eligible minor child (under age 18). A non-parent provider can include a non-parent relative, friend, or other provider who is registered with the IHSS program.

Print this Publication

Հրաժարում պատասխանատվությունից: Այս հրապարակումը միայն իրավական տեղեկատվություն է և ձեր անհատական իրավիճակի վերաբերյալ իրավաբանական խորհրդատվություն չէ: Այն արդի է տեղադրման օրվա դրությամբ: Մենք փորձում ենք պարբերաբար թարմացնել մեր նյութերը։ Այնուամենայնիվ, օրենքները պարբերաբար փոփոխվում են։ Եթե ցանկանում եք համոզվել, որ օրենքը չի փոխվել, դիմեք DRC կամ մեկ այլ իրավաբանական գրասենյակ:

Այս տեղեկագիրը նախատեսված է այն ընտանիքների համար, ովքեր ցանկանում են վարձել ծնող չհանդիսացող մատակարար իրենց տնային աջակցող ծառայություններին (IHSS, In-Home Supportive Services) իրավասու անչափահաս երեխայի համար (18 տարեկանից փոքր)։ Ծնող չհանդիսացող մատակարարը կարող է ներառել ծնող չհանդիսացող բարեկամ, ընկեր կամ այլ մատակարար, ով գրանցված է IHSS-ի ծրագրում։ Կան սահմանափակումներ, թե անչափահասի համար երբ կարող եք վարձել ծնող չհանդիսացող մատակարար։ Ամեն դեպքում, եթե անչափահասը գրանցված է IHSS-ի ծրագրում, որը կոչվում է Անձնական խնամքի ծառայությունների ծրագիր (PCSP, Personal Care Services Program), ապա ծնող չհանդիսացողը կարող է լինել անչափահասի մատակարարը։ IHSS-ի ծնող-մատակարարի կանոնները բարդ են և շփոթեցնող։ Այս տեղեկագիրը նախատեսված չէ ամփոփելու այս կանոնները:1 Այս տեղեկագիրը կքննարկի, թե ինչպես կարող եք սահմանել, թե արդյոք ձեր անչափահաս երեխան գրանցված է PCSP-ում և ինչպես անցնել այս ծրագրին, եթե կարիքը լինի:

IHSS-ի ծրագիրը պարունակում է 4 տարբեր ծրագրեր։2 IHSS-ի ստացողների մեծամասնությունը գրանցված է Համայնքային առաջին ընտրության տարբերակի (CFCO, Community First Choice Option) ծրագրում։3 Կարող եք պարզել, թե IHSS-ի որ ծրագրում եք՝ կապվելով ձեր IHSS-ի սոցիալական աշխատողի կամ վարչաշրջանի սոցիալական ծառայությունների գրասենյակի հետ։4 Կան դեպքեր, երբ ընտանիքը կարող է ցանկանալ փոխել CFCO-ն (կամ մեկ այլ ծրագիր) անցնելով PCSP-ին, որպեսզի լուծի մատակարարի խնդիրները IHSS ստացող անչափահասի համար։ Օրինակ, եթե ձեր վարչաշրջանը տեղեկացրել է, որ ձեր երեխան չի կարող ունենալ ծնող չհանդիսացող մատակարար, որովհետև մեկ կամ մի քանի ծնող «ի վիճակի են և հասանելի» խնամք տրամադրելու համար։ PCSP ծրագիրը չունի այս նույն սահմանափակումները, և ընտանիքները կարող են ցանկանալ դիտարկել PCSP-ին անցնելը, որպեսզի վարձեն ծնող չհանդիսացող մատակարար։

Նշում. Ծնող-մատակարարի կանոնները դեռ թարմացվում են՝ ավելի պարզեցնելու և մատակարար լինելու սահմանափակումները վերացնելու նպատակով (հուսանք՝ մինչև 2023 թվականի ավարտը)։ Մինչև այս թարմացումները վերջնականացվեն, ինչևէ, այն ընտանիքները, ովքեր ծնող չհանդիսացող մատակարարի կարիք ունեն իրենց IHSS-ին իրավասու երեխայի համար և հանդիպում են խնդիրների, որոնց պատճառով նրանք կցանկանան անցնել PCSP-ին։ Սա այն պատճառով է, որ PCSP ծրագրի շրջանակում, IHSS-ի անչափահաս ստացողները չեն կարող ունենալ ծնող՝ որպես իրենց մատակարար, ուստի կանոնները թույլատրում են ծնող չհանդիսացող մատակարարի վարձումը։5 Սա ներառում է պաշտպանիչ վերահսկման ժամերի ապահովագրություն։6 Խնդրում ենք նկատի ունենալ, որ քանի որ PCSP-ի շրջանակում ծնողը չի կարող մատակարար լինել անչափահաս երեխայի համար, PCSP ծրագրին անցնելը կարող է նպատակահարմար չլինել, եթե ծնողը ցանկանում է լինել երեխայի IHSS-ի մատակարար։

Ինչո՞ւ ես պետք է ցանկանամ, որ անցնեմ PCSP-ին։

Մի իրավիճակ, որտեղ իմաստ ունի անցնել PCSP-ին, այն է երբ մեկ կամ երկու ծնողներն էլ չունեն ներգաղթի համար բավարար կարգավիճակ, որպեսզի աշխատեն Միացյալ Նահանգներում։ Սա այն պատճառով է, երբ IHSS-ի ծրագրի կանոնների համաձայն, ծնողը, ով չունի աշխատելու համար ներգաղթի բավարար կարգավիճակ չի կարող լինել IHSS-ի վճարովի մատակարար,7 և նաև կարող է սահմանափակվել ծնող չհանդիսացող մատակարար վարձելուց այն դեպքերում, երբ նրանք համարվում են «ի վիճակի և հասանելի» երեխային խնամելու համար։ Երբ սա տեղի է ունենում, վարչաշրջանը կարող է սխալմամբ որոշել, որ երեխան իրավասու չէ IHSS-ի համար կամ թույլատրել ավելի քիչ ժամեր։ PCSP-ին անցնելը գոնե կթույլատրի ծնող չհանդիսացող մատակարար վարձելը՝ անհրաժեշտ ծառայությունները տրամադրելու նպատակով։

Մեկ այլ իրավիճակ է, երբ երկու ծնողներն էլ աշխատում են լրիվ դրույքով, բայց աշխատում են խառը գրաֆիկով (օրինակ, ծնողներից մեկն աշխատում է ցերեկները, իսկ մյուս ծնողն աշխատում է գիշերները): Եթե ձեր ընտանիքը համապատասխանում է այս իրավիճակներից որևէ մեկին, ապա PCSP-ին անցնելը կարող է լուծել խնդիրը և թույլ տալ ձեր երեխային ստանալ IHSS-ի այն ծառայությունները, որոնց նա իրավասու է ծնող չհանդիսացող մատակարարից:

Խնդրում ենք նկատի ունենալ, որ եթե դուք ցանկանում եք ապագայում դառնալ ձեր IHSS իրավասու երեխայի ծնող-մատակարար, պետք է խնդրեք, որ ձեր երեխային հանեն PCSP ծրագրից և գրանցեն CFCO-ում։

Ինչպե՞ս պետք է փոխեմ IHSS-ի ծրագրերը։

Կարող եք ցանկացած ժամանակ կամավոր կերպով դուրս գալ CFCO-ից և անցնել PCSP ծրագրին՝ առանց ծառայությունների միջև դադար ունենալու։8 Ձեր IHSS-ի ծրագիրը փոխելու համար դուք պետք է կապվեք ձեր տեղական վարչաշրջանի սոցիալական ծառայությունների գրասենյակի հետ, որոնք կարելի է գտնել այստեղ՝ https://www.cdss.ca.gov/county-offices:9 Ստորև նմուշ նամակ է․

Հարգելի՛ Medi-Cal-ի գրասենյակ,

Ես խնդրում եմ, որ ինձ դուրս հանեք (անուն) IHSS-ի համայնքային առաջին ընտրության տարբերակի ծրագրից և գրանցեք (անուն) Անձնական խնամքի ծառայությունների ծրագրին, որն անմիջապես ուժի մեջ կմտնի։ Medicaid-ի աջակցության նահանգային պլանը, Հավելված 3.1-K, 7-րդ էջում թույլատրում է այս փոփոխությունը։ Շնորհակալություն:

Եթե ձեզ հարկավոր է լրացուցիչ աջակցություն, կարող եք կապվել Disability Rights California-ի անվճար (800) 776-5746 հեռախոսահամարով կամ TTY՝ (800) 719-5798։

1. 1. Եթե կցանկանաք ավելին իմանալ ծնող-մատակարարի ընթացիկ կանոնների մասին, տեղեկագիրը կարող եք գտնել այստեղ՝ https://reg.summaries.guide/2019/02/ihss-parent-provider-issues
2. https://www.cdss.ca.gov/inforesources/ihss
3. https://www.cdss.ca.gov/inforesources/ihss
4. https://www.cdss.ca.gov/county-offices
5. Բարեկեցության և հաստատությունների օրենսգիրք (WIC) § 14132.95(f)
6. ACWDL 05-21 (հունիսի 13, 2005թ․), էջ 3, հասանելի է այստեղ՝ https://www.dhcs.ca.gov/services/medi-cal/eligibility/letters/Documents/c05-21.pdf
7. MPP բաժին 30-777.1
8. Medicaid-ի աջակցության նահանգային պլան, Հավելված 3.1-K, https://www.dhcs.ca.gov/formsandpubs/laws/Documents/Attachment-3-1-K.pdf 7-րդ էջում, տես նաև 22 C.C.R. § 50153(c) («Անձը կամ ընտանիքը կարող է ընտրել իր դիմումը մշակել ցանկացած ծրագրի շրջանակներում, որի համար նա իրավասու է, նույնիսկ եթե այդպիսի ծրագիրն ամենաձեռնտու տարբերակը չէ»):
9. Medicaid-ի աջակցության նահանգային պլան, Հավելված 3.1-K, https://www.dhcs.ca.gov/formsandpubs/laws/Documents/Attachment-3-1-K.pdf և 7-րդ էջում։