Yuav Ua Li Cas Thiaj Ntiav Tau Ib Tug Kws Pab Tu Neeg Hauv Tsev (IHSS, In- Home Supportive Service) Uas Tsis Yog Niam Txiv rau Ib Tug Neeg Tau Txais Kev Pab Uas Tsis Tau Puv Hnub Nyoog 18 xyoo: Kev Hloov Cov Phiaj Xwm IHSS

This fact sheet is for families who want to hire a non-parent provider for their In-Home Supportive Services (IHSS) eligible minor child (under age 18). A non-parent provider can include a non-parent relative, friend, or other provider who is registered with the IHSS program.

Sau daim ntawv no

Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.

Daim ntawv qhia no yog txhawm rau cov tsev neeg uas xav ntiav ib tug kws tu neeg uas tsis yog niam txiv rau lawv tus menyuam uas tsis tau puv hnub nyoog 18 xyoo uas tsim nyog rau Cov Kev Pab Tu Neeg Hauv Tsev (IHSS, In-Home Supportive Services) (hnub nyoog qis dua 18 xyoo). Ib tug kws tu neeg uas tsis yog niam txiv tuaj yeem xam muaj cov neeg txheeb ze uas tsis yog niam txiv, phooj ywg, lossis lwm tus kws tu neeg uas raug tso npe nkag rau lub phiaj xwm IHSS. Muaj cov kev txwv rau lub sij hawm uas koj tuaj yeem ntiav tau ib tug kws tu neeg uas tsis yog niam txiv rau tus menyuam uas tsis tau puv hnub nyoog 18 xyoo. Txawm li cas los xij, yog tias muaj ib tug menyuam uas tsis tau puv hnub nyoog 18 xyoo twg raug tso npe nkag rau hauv lub phiaj xwm IHSS uas muaj npe hu tias Phiaj Xwm Pab Cuam Saib Xyuas Ntiag Tug (PCSP, Personal Care Services Program), ib tug neeg uas tsis yog niam txiv tuaj yeem yog tus me nyuam uas tsis tau puv hnub nyoog 18 xyoo ntawd tus kws tu neeg. Cov kev cai tswj tus kws tu neeg uas yog niam txiv ntawm IHSS yog yam nyuaj thiab tsis meej tseeb. Daim ntawv qhia no tsis yog npaj los sau lub ntsiab ntawm cov kev cai no.1 Daim ntawv qhia no yuav tham txog qhov hais tias seb koj yuav tuaj yeem txiav txim siab li cas yog tias koj tus menyuam uas tsis tau puv hnub nyoog 18 xyoo raug tso npe nkag rau hauv PCSP thiab yuav hloov mus rau lub phiaj xwm no li cas yog tias tsim nyog.

Lub phiaj xwm IHSS muaj 4 lub phiaj xwm sib txawv.2 Feem ntau ntawm cov neeg tau txais IHSS yog cov tau tso npe nkag rau hauv lub phiaj xwm Hauv Kev Ntawm Thawj Qhov Kev Xaiv Hauv Zej Zog (CFCO, Community First Choice Option).3 Koj tuaj yeem xyuas seb koj nyob rau hauv lub phiaj xwm IHSS twg los ntawm kev hu rau koj tus neeg tuav ntaub ntawv xaus saus ntawm IHSS lossis lub chaw ua haujlwm pab cuam xaus saus hauv cheeb nroog.4 Muaj qee lub sij hawm uas tsev neeg yuav xav hloov tawm ntawm CFCO (los yog lwm lub phiaj xwm) mus rau PCSP txhawm rau daws cov teeb meem kws tu neeg rau tus menyuam uas tsis tau puv hnub nyoog 18 xyoo uas tab tom tau txais IHSS. Piv txwv li, yog tias koj lub nroog qhia rau koj hais tias koj tus menyuam tsis tuaj yeem muaj tus kws tu neeg uas tsis yog niam txiv vim tias ib leeg twg lossis tag nrho ob leeg niam txiv tib si "muaj peev xwm ua tau thiab muaj sij hawm" los muab kev saib xyuas. Lub phiaj xwm PCSP tsis muaj cov kev txwv uas zoo tib yam li no, thiab cov tsev neeg kuj yuav xav hloov mus rau PCSP kom thiaj li yuav ntiav tau ib tug kws tu neeg uas tsis yog niam txiv.

Nco Tseg: Cov kev cai tswj kws tu neeg uas yog niam txiv yog nyob rau hauv tus txheej txheem uas tab tom yuav muab hloov tshiab kom yooj yim dua thiab tshem cov kev txwv tawm txog tus uas tuaj yeem ua tus kws tu neeg tau (cia siab tias yuav tiav ua ntej xaus xyoo 2023). Li cas los xij, txog ntua thaum cov kev hloov tshiab no tiav tag lawm, cov tsev neeg uas xav tau ib tug kws tu neeg uas tsis yog niam txiv rau lawv tus menyuam uas tsim nyog rau IHSS thiab ntsib teeb meem kuj yuav xav thov hloov mus rau PCSP. Qhov no yog vim hais tias nyob rau hauv lub phiaj xwm PCSP hais tseg tias cov menyuam uas tsis tau puv hnub nyoog 18 xyoo uas tau txais IHSS ntawd tsis tuaj yeem muab leej niam leej txiv ua lawv tus kws tu neeg, yog li ntawd cov kev cai thiaj tso cai rau ntiav ib tug kws tu neeg uas tsis yog niam txiv los hloov chaw.5 Qhov no xam muaj kev duav nqi rau cov sij hawm saib xyuas uas muaj kev tiv thaiv.6 Thov nco ntsoov tias kev hloov mus rau lub phiaj xwm PCSP kuj yuav tsis tsim nyog ua yog tias leej niam lossis txiv xav ua tus menyuam tus kws tu neeg ntawm IHSS vim hais tias leej niam lossis txiv tsis tuaj yeem yog tau tus kws tu neeg rau tus menyuam uas tsis tau puv hnub nyoog 18 xyoo nyob hauv PCSP.

Vim li cas kuv thiaj xav hloov mus rau PCSP?

Ib qhov xwm txheej uas nws yuav ua rau muaj kev nkag siab txhawm rau hloov mus rau PCSP ces yog thaum ib tug twg lossis tag nrho leej niam leej txiv tib si tsis muaj kev nkag tebchaws raug cai txhawm rau ua haujlwm nyob rau hauv Tebchaws Meskas. Qhov no yog vim hais tias raws li cov kev cai ntawm lub phiaj xwm IHSS, leej niam lossis txiv uas tsis muaj kev nkag tebchaws uas raug cai txhawm rau ua haujlwm yuav tsis tuaj yeem yog tus kws tu neeg ntawm IHSS uas tau txais nqi tu,7 thiab kuj tseem tuaj yeem raug txwv tsis pub ntiav tus kws tu neeg uas tsis yog niam txiv nyob rau lub sij hawm uas nkawv raug xam hais tias "muaj peev xwm thiab muaj sij hawm" los saib xyuas tus menyuam. Thaum qhov no tshwm sim, ces lub cheeb nroog yuav txiav txim siab yuam kev tias tus menyuam tsis tsim nyog rau IHSS lossis tso cai rau muab lub sij hawm tsawg dua. Kev hloov mus rau PCSP yam tsawg kawg yuav tso cai rau kev ntiav tus kws tu neeg uas tsis yog niam txiv los muab cov kev pab cuam uas xav tau.

Lwm qhov xwm txheej yog thaum tag nrho ob niam txiv tib si ua haujlwm puv sij hawm tab sis ua hauj lwm nyob rau lub sij hawm sib txawv (piv txwv li, ib tug ua hauj lwm nruab hnub hos ib tug ho ua hauj lwm hmo ntuj). Yog tias koj tsev neeg poob rau hauv ib qho ntawm cov xwm txheej no, ces kev hloov mus rau PCSP yuav daws qhov teeb meem thiab cia koj tus menyuam tau txais cov kev pab cuam IHSS uas lawv tsim nyog tau txais los ntawm ib tug kws tu neeg uas tsis yog niam txiv.

Thov nco ntsoov tias yog tias koj xav dhau los yog tus kws tu neeg uas yog niam txiv rau koj tus menyuam uas tsim nyog rau IHSS yav tom ntej, koj yuav tsum thov kom tshem koj tus menyuam tawm ntawm lub phiaj xwm PCSP thiab tso npe nkag rau hauv CFCO.

Kuv yuav hloov cov phiaj xwm IHSS tau li cas?

Koj tuaj yeem yeem rho npe tawm ntawm CFCO mus rau hauv lub phiaj xwm PCSP nyob rau txhua lub sij hawm yam tsis muaj kev cuam tshuam hauv cov kev pab cuam nyob rau hauv qhov kev hloov pauv.8 Txhawm rau hloov koj lub phiaj xwm IHSS, koj yuav tsum tiv tauj rau koj lub cheeb nroog qhov chaw ua haujlwm pab cuam zej tsoom hauv zos, uas tuaj yeem nrhiav tau ntawm: https://www.cdss.ca.gov/county-offices.9 Hauv qab no yog ib tsab ntawv piv txwv:

Hawm txog lub Chaw Ua Haujlwm Medi-Cal:

Kuv thov kom koj muab rho (npe) tawm ntawm txoj Hauv Kev ntawm Thawj Qhov Kev Xaiv Hauv Zej Zog Ntawm IHSS thiab tso npe (npe) nkag rau hauv lub Phiaj Xwm Kev Pab Cuam Txog Kev Saib Xyuas Ntiag Tug tam sim ntawd. Qhov Kev Npaj Hauv Xeev rau Kev Pab Ntawm Medicaid, Ntawv Ntxiv 3.1-K, nyob rau phab ntawv thib 7 tso cai rau qhov kev hloov no. Ua tsaug.

Yog tias koj xav tau kev pab ntxiv, koj tuaj yeem tiv tauj rau Disability Rights California tus xov tooj hu dawb ntawm (800) 776-5746 lossis
TTY: (800) 719-5798.

1. Yog tias koj xav paub ntau ntxiv txog cov kev cai hais txog tus kws tu neeg uas yog niam txiv tam sim no, ces tuaj yeem nrhiav tau lub ntsiab lus nyob rau ntawm no: https://reg.summaries.guide/2019/02/ihss-parent-provider-issues.
2. https://www.cdss.ca.gov/inforesources/ihss
3. https://www.cdss.ca.gov/inforesources/ihss
4. https://www.cdss.ca.gov/county-offices
5. Txoj Cai Xoom Qhaub thiab Chaw Tuav Haujlwm (WIC) § 14132.95(f)
6. ACWDL 05-21 (Lub Rau Hli Ntuj tim 13, 2005), p. 3, muaj nyob rau ntawm https://www.dhcs.ca.gov/services/medi-cal/eligibility/letters/Documents/c05-21.pdf
7. MPP Tshooj 30-777.1
8. Qhov Kev Npaj Hauv Xeev rau Kev Pab ntawm Medicaid, Ntawv Ntxiv 3.1-K, https://www.dhcs.ca.gov/formsandpubs/laws/Documents/Attachment-3-1-K.pdf ntawm phab ntawv thib 7; thiab mus saib 22 C.C.R. § 50153(c) (“Ib tug neeg lossis tsev neeg tuaj yeem xaiv kom lawv daim ntawv thov ua tiav raws li ib qho kev pab cuam uas lawv tsim nyog txawm tias lub phiaj xwm tsis yog qhov zoo tshaj plaws”).
9. Qhov Kev Npaj Hauv Xeev rau Kev Pab ntawm Medicaid, Ntawv Ntxiv 3.1-K, https://www.dhcs.ca.gov/formsandpubs/laws/Documents/Attachment-3-1-K.pdf ntawm phab ntawv thib 7.