Kev Ua Pauj los ntawm koj Tswv Av: Paub Txog Koj Txoj Kev Muaj Cai Txog Vaj Tse Nyob

Publications
8107.09

Kev Ua Pauj los ntawm koj Tswv Av: Paub Txog Koj Txoj Kev Muaj Cai Txog Vaj Tse Nyob

“Landlord retaliation” is an action taken by a landlord (or their staff/employees, or property managers) that is meant to punish a tenant for standing up for their tenant rights.

Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.

Kev Ua Pauj Ntawm Tswv Av yog dab tsi?

"Kev ua pauj ntawm tswv av" yog kev ua uas ua los ntawm tus tswv av (los sis lawv cov neeg ua hauj lwm/cov neeg ua hauj lwm, los sis cov thawj tswj xyuas av vaj tsev) uas txhais tau tias yuav rau txim rau tus neeg xauj tsev rau qhov sawv pov thaiv txog lawv cov cai tam li yog tus neeg xauj tsev.

Kev ua pauj ntawm tswv tsev tuaj yeem suav muaj cov kev nqis tes ua xws li:

  • Kev tshem tawm
  • Kev hloov cov xauv qhov rooj
  • Nce nqij xauj tsev
  • Tus cwj pwm hem thawj los sis kev ua phem
  • Tua hluav taws xob los sis dej
  • Tsis kam muab los sis txo qis cov kev pab cuam
  • Kev Paub thiab Kev Siv koj Cov Cai Txog Vaj Tse Nyob

Muaj neeg coob leej txhawj yuav tshaj qhia txog cov teeb meem los sis ua ntawv thov txog lawv tus tswv av vim tias lawv ntshai txog kev ua pauj.Li cas los xij, yog tias koj tau tshaj qhia txog qhov teeb meem, tau ua ntawv thov, los sis tau sau ib tsab ntawv tsis txaus siab, California txoj cai lij choj tuaj yeem pov thaiv koj tsis pub rau kev ua pauj tau.

Koj muaj cai yuav:

  • Thov kev pab cuam uas muaj laj thawj/kev hloov pauv uas muaj laj thawj.
  • Thov kev kho tsev uas koj xav tau.
  • Ua ntawv tsis txaus siab txog tus xam phaj ntawm koj chav tsev xauj mus rau tsoom fwv lub chaw ua hauj lwm.
  • Kom tsoom fwv lub chaw ua hauj lwm tuaj tshuaj ntsuam chav nyob txog cov xa phaj tsis muaj kev nyab xeeb thiab/los sis tsis zoo rau lub cev.
  • Xa daim ntawv lus tsis txaus siab fab kev tswj hwm nrog tsoom fwv cov chaw hauj lwm.
  • Sau ib tsab ntawv sib foob, ntawm koj tus kheej los sis thov kev pab los ntawm tus kws lij choj ntiag tug, raws li qhov xa phaj ntawm chav tsev xauj los sis lwm cov teeb meem nrog chav tsev xauj ntawd.

Yog xav paub ntau ntxiv, mus saib hauv CA Civil Code §1942.5, https://leginfo.legislature.ca.gov/faces/codes_displaySection.xhtml?lawCode=CIV&sectionNum=1942.5.

Txoj Hau Kev Pov Thaiv Koj Tus Kheej Los Ntawm Kev Ua Pauj Ntawm Tswv Tsev

Cov yuav ua tau zoo tshaj plaws:

Ua koj daim ntawv thov los sis tshaj qhia koj qhov teeb meem mus rau tus tswv av ua daim ntawv sau—zoo tiag mas sau tsab ntawv los sis tsab e-mail – uas muaj koj lub npe thiab hnub tim.Cov tsab lus xa ua lus sau los sis lub chaw nkag hauv online ntawm tus tswv av kuj yuav siv tau tsuav yog tias koj tuaj yeem khaws tau ib daim ntawv theej cia rau koj tus kheej xwb.

Khaws ib daim ntawv theej ntawm daim ntawv thov uas koj tau xa mus rau koj tus tswv av cia hauv ib qhov chaw muaj kev nyab xeeb, dhau ntawd cov lus teb tuaj ntawm tus tswv av.

Them koj tus nqi xauj tsev kom raws sij hawm thiab tsis txhob them tus nqi xauj qeeb.Kev tsis them koj tus nqi xauj tsev yog kev pheej hmoo, thiab koj yuav tsum ua kom paub tseeb tias koj yeej nkag siab txog koj cov cai thiab kev pheej hmoo ntawm kev raug tshem tawm yog tias koj tsis them tus nqi xauj tsev.Yog tias koj muaj qhov laj thawj ntsig txog kev xiam oob qhab vim li ntawd koj thiaj li tsis tuaj yeem them tau koj tus nqi xauj raws sij hawm, xav txog kev thov kev pab cuam uas muaj laj thawj.Yog xav paub ntxiv hais txog cov kev pab cuam uas muaj laj thawj, saib hauv https://www.disabilityrightsca.org/publications/housing-discrimination-based-on-disability-your-rights-and-options.

Koj tuaj yeem foob tus tswv av hais txog kev ua pauj los sis tiv thaiv koj tus kheej tawm tsam rau kev raug tshem tawm, tshwj xeeb mas yog tias tus tswv av ua qee yam uas saib zoo li yuav rau txim rau koj, tsis pub dhau 180 hnub (rau lub hlis) txij thaum koj tau ua ntawv thov los sis ntawv lus tsis txaus siab.Yog tias tus tswv av ua qee yam nyob hauv 180 hnub, hauv kev sib foob lub tsev hais plaub tuaj yeem kwv yees ua ntej tias tus tswv av yuav ua pauj thiab tus tswv av yuav tsum tau muaj pov thawj tias lawv tsis tuaj yeem ua pauj thiab tias lawv muaj ib qho laj thawj lwm qhov, raug cai rau yam uas lawv tau ua.

Yog tias koj hnov tias tus tswv av tau ua pauj rau koj, los sis yog tias ntshai txog kev ua pauj ntawm tswv av yuav ua rau koj tsum tsis tshaj qhia txog qhov teeb meem txog koj tus tswv av, ces thov tiv tauj peb tus xov tooj muab ntaub ntawv tau ntawm 1-800-776-5746 rau kev ntsuam xyuas thiab lus pab tawm tswv yim.Yog xav paub ntau ntxiv hais txog kev tau kev pab los ntawm DRC, saib hauv https://www.disabilityrightsca.org/get-help.