Lus Tseem Ntsiab

Tus neeg mob los sis tus neeg mob yav dhau los muaj txoj cai rau:

• Ntsuam xyuas lossis luam qauv rau lawv cov ntaub ntawv neeg mob, tshwj hais tias muaj raws li tau tham hauv qab no.
• Thov kom hloov kho lawv cov ntaub ntawv neeg mob.
• Ua ntawv foob kev tsis txaus siab yog tias lawv raug tsis lees txais hauv kev nkag mus rau lawv cov ntaub ntawv neeg mob.

Kuv tuaj yeem ntsuam xyuas tau cov ntawv luam qauv ntawm kuv cov ntaub ntawv neeg mob puas yog?

Yog. Tus neeg mob muaj cai los ntsuam xyuas los sis tau txais ib tsab luam qauv ntawm lawv cov ntaub ntawv tuav tseg.1 Hauv California, tus neeg mob uas yog neeg laus, menyuam yaus tau txais kev tso cai rau lawv tus kheej txoj kev kho mob,2 lossis tus neeg mob tus neeg sawv cev ntiag tug muaj txoj cai los ntsuam xyuas los sis tau txais cov ntawv luam qauv ntawm lawv cov ntaub ntawv neeg mob.3

1. Tus “neeg mob” yog hais txog tus neeg mob tam sim no thiab yav dhau los.4
2. Tus “neeg sawv cev ntiag tug” yog tus neeg ceev chaw nyob, tus sawv cev kho mob, lossis leej niam leej txiv los sis tus neeg saib xyuas ntawm tus neeg mob menyuam yaus.5
3. “Cov ntaub ntawv neeg mob” yog cov ntaub ntawv tsim los ntawm tus kws kho mob hais txog tus neeg mob qhov keeb kwm mob nkeeg, kev kuaj mob, xwm txheej mob, los sis kev kho mob. Tej ntawd tsis xam cov xov xwm uas muab hauv kev ntseeg siab rau tus kws kho mob los ntawm lwm tus neeg uas tsis yog tus neeg mob lossis lwm tus kws kho mob.6

Tsis tas li ntawd, yog tias tus neeg mob kos npe rau cov xov xwm uas tso tawm, yuav tsum muab cov ntaub ntawv neeg mob nthuav tawm rau tus neeg mob tus kws lij choj.7

Kuv yuav tau txais hauv kev nkag mus rau kuv cov ntaub ntawv neeg mob li cas?

Tus neeg mob los sis lawv tus neeg sawv cev ntiag tug yuav tsum xa daim ntawv thov txhawm rau tshuaj xyuas lossis tau txais cov ntawv luam qauv ntawm cov ntaub ntawv neeg mob.8 Yog tias tus neeg ntawd thov txog cov ntawv luam qauv ua daim ntawv los sis cov uas nyob hauv tshuab hluav taws xob ntawm cov ntaub ntawv neeg mob, ces lawv yuav tsum qhia cov ntaub ntawv uas lawv xav luam qauv.9 Tej zaum tus kws kho mob kuj yuav kom tus neeg mob xa lawv qhov kev thov ua ntawv sau zias.10

Nws yuav siv sijhawm ntev npaum li cas kuv thiaj yuav tau txais cov ntawv luam qauv ntawm kuv cov ntaub ntawv neeg mob?

Tus kws kho mob yuav tsum tso cai rau ib tug neeg twg ntsuam xyuas cov ntaub ntawv tsis pub dhau 5 hnub ua haujlwm tom qab tau txais daim ntawv thov.11
Yog tias tus neeg ntawd thov cov ntawv luam qauv ntawm tag nrho lossis ib feem ntawm cov ntaub ntawv, tus kws kho mob yuav tsum xa cov ntawv luam qauv rau nws tsis dhau hauv 15 hnub tom qab tau txais daim ntawv thov.12

Puas yog tus kws kho mob tuaj yeem muab tau cov lus tseem ntsiab ntawm kuv cov ntaub ntawv neeg mob rau kuv hloov chaw los sis ntxiv rau qhov kev muab cov ntawv luam qauv ntawm kuv cov ntaub ntawv raws qhov tseeb?

Yog, tab sis tsuas yog thaum tus neeg mob pom zoo ua ntej rau cov lus tseem ntsiab ntawm lawv cov ntaub ntawv thiab them tus nqi npaj cov lus tseem ntsiab ntawd nkaus xwb.13 Cov lus tseem ntsiab yuav tsum muaj cov xov xwm hais txog txhua qhov kev raug mob, kev mob nkeeg, lossis ntu uas nyob rau hauv cov ntaub ntawv, uas xam muaj cov hauv qab no:

1. Tus neeg mob qhov(cov) kev tsis txaus siab tseem ceeb, uas xam muaj qhov keeb kwm cuam tshuam;
2. Kev tshawb nrhiav los ntawm kev sab laj thiab cov ntawv xa mus rau lwm cov kws kho mob;
3. Kev kuaj mob, yog tias muaj;
4. Txoj kev npaj kho mob thiab txoj cai uas xam muaj cov tshuaj uas tau sau tseg;
5. Kev nce qib ntawm kev kho mob;
6. Kev kwv yees, uas xam muaj cov teeb meem los sis cov xwm txheej mob tsis tu ncua tseem ceeb;
7. Cov ntawv ceeb toom uas cuam tshuam txog cov txheej txheem kuaj mob thiab kev kuaj xyuas thiab tag nrho cov lus tseem ntsiab ntawm kev tso tawm; thiab
8. Kev tshawb pom los ntawm tus neeg mob qhov kev ntsuam xyuas lub cev tsis ntev los no, xws li ntshav siab, qhov hnyav, thiab cov txiaj ntsig ntawm kev kuaj mob txhua hnub.

Yog tias yog ib tug kws kho mob ua tus npaj cov lus tseem ntsiab, ces nws yuav tsum ua kom muaj rau tus neeg mob tsis dhau 10 hnub ua haujlwm.14 Cov kws kho mob tuaj yeem muab tau ib tsab ceeb toom rau tus neeg mob hais tias lawv yuav tau siv sijhawm ntxiv los npaj cov lus tseem ntsiab, tab sis yuav tsum muab cov lus tseem ntsiab tsis pub dhau 30 hnub.15

Tus kws kho mob kuj tseem tuaj yeem thov ntsib tus neeg mob kom paub meej txog lub hom phiaj ntawm qhov kev thov.16 Yog tias tus neeg mob tsuas yog xav paub tsij ntsees rau cov ntaub ntawv hais txog ib qho kev raug mob, kev mob nkeeg, los sis ntu kev tshwm sim nkaus xwb, ces tus kws kho mob yuav muab cov lus tseem ntsiab ntawm cov ntaub ntawv ntawd rau nws xwb.17

Nws yuav raug nqi npaum li cas thiaj tau txais cov ntawv luam qauv ntawm kuv cov ntaub ntawv?

Tus kws kho mob yuav tsis tuaj yeem sau nqi ntau tshaj 25 xees ($0.25) rau ib nplooj ntawv rau cov ntawv luam qauv ua daim ntawv, lossis 50 xees ($0.50) rau ib nplooj ntawv rau cov luam qauv los ntawm daim film me.18 Tus kws kho mob kuj tseem tuaj yeem teev "tus nqi tsim nyog, raws li tus nqi tseeb" rau kev muab cov ntawv luam qauv ntawm nws cov ntaub ntawv rau tus neeg mob.19 Tus nqi tsuas yog xam cov nqi ntawm (A) nqi dag zog rau kev luam cov ntaub ntawv, (B) cov khoom siv rau kev tsim cov ntawv luam qauv, (C) kev xa ntawv, thiab (D) kev npaj cov lus tseem ntsiab ntawm cov ntaub ntawv kho mob.20

Tsis tas li ntawd, tus kws kho mob tsis tuaj yeem sau nqi ntawm tus neeg mob, nws tus neeg sawv cev ntiag tug, lossis tus neeg ua haujlwm ntawm lub koom haum pab cuam kev cai lij choj tsis yuav paj ntsig uas sawv cev rau tus neeg mob, yog tias nws xa daim ntawv thov txog cov ntaub ntawv los txhawb qhov kev nqua thov los sis kev thov rov txiav txim dua txog ntawm:

1. Kev tsim nyog tau txais txiaj ntsig pab rau pej xeem, uas xam muaj Medi-Cal; Tej Kev Pab Cuam Txhawb Nqa Hauv Tsev (IHSS); CalWORKs; Iv Sam Las Rau Kev Tsis Taus Ntawm Xaus Saus (SSDI, Social Security Disability Insurance); Nyiaj Tau Los Rau Kev Ruaj Ntseg Txhawb Ntxiv/Kev Pab Cuam Txhawb Ntxiv Hauv Xeev rau cov Neeg Muaj Hnub Nyoog, Dig Muag thiab Tsis Taus (SSI, Supplemental Security Income/SSP, State Supplementary Program); CalFresh; Kev Pab Nyiaj Ntsuab rau cov Neeg Tsiv Teb Tsaws Chaw Raug Cai Uas Muaj Hnub Nyoog, Dig Muag thiab Tsis Taus; kev them nqi ua haujlwm koom tes rau cov qub tub rog ntawm tsoom fwv teb chaws thiab nyiaj laus rau kev tsis taus uas tsis ua haujlwm lawm; los sis ib qho nyiaj pab them nqi tsev nyob hauv tsoomfwv los sis kev pab cuam them nqi xauj tsev;
2. Ib daim ntawv thov txog qhov xwm txheej kev tsis yog neeg tsiv teb tsaws chaw U raws li Cov Neeg Raug Tsim Txom ntawm Tsab Cai Pov Thaiv Kev Taug Qab thiab Kev Ua Phem; los sis
3. Ib daim ntawv thov ntawm tus kheej rau qhov chaw nyob ruaj khov raug cai raws li Tsab Cai Hais Txog Kev Ua Phem Rau Poj Niam.21

Yog tias tus neeg mob thov txog cov ntaub ntawv hais txog qhov kev nqua thov uas tau teev tseg saum toj no, ces tus kws kho mob yuav tsum muab cov ntaub ntawv luam qauv tsis dhau 30 hnub tom qab tau sau ntawv thov.22 Txawm li cas los xij, tus kws kho mob tsis tas yuav muab cov ntaub ntawv pub dawb yog tias tus neeg mob muaj tus sawv cev uas yog tus kws lij choj ntiag tug (tus kws lij choj uas tsis ua haujlwm ntawm lub chaw pab cuam raws cai uas tsis yuav paj ntsig).23

Kuv tuaj yeem nkag mus rau kuv cov ntaub ntawv kho mob puas siab puas ntsws puas yog?

Yog, tab sis muaj qee yam kev tshwj tseg.

Qhov thib ib, tus neeg mob tsis muaj cai nkag mus rau cov ntawv sau tseg txog kev kho mob puas siab puas ntsws,24 uas txhais tau hais tias cov ntawv sau tseg los ntawm tus kws kho mob puas siab puas ntsws thaum lub sijhawm muaj tus neeg ntawd, pab pawg, kev sib koom ua ke, lossis kev sab laj hauv tsev neeg, thiab muab cais tawm ntawm tus neeg mob cov ntaub ntawv kho mob.25

Qhov thib ob, yog tias tus kws kho mob ntseeg hais tias kev muab hauv kev nkag rau tus neeg mob nkag mus rau lawv cov ntaub ntawv kho mob puas siab puas ntsws yuav ua rau muaj kev pheej hmoo loj txog kev cuam tshuam loj rau tus neeg mob, tus kws kho mob yuav tsis kam muab hauv kev rau lawv nkag mus rau cov ntaub ntawv.26 Yog tias tus kws kho mob tsis lees muab hauv kev rau tus neeg mob nkag mus rau lawv cov ntaub ntawv kho mob puas siab puas ntsws, ces lawv yuav tsum tau:

1. Muab ib cov lus piav qhia nkag rau hauv tus neeg mob cov ntaub ntawv kho mob puas siab puas ntsws hais txog qhov vim li cas lawv thiaj tsis kam muab hauv kev nkag mus rau cov ntaub ntawv, uas xam muaj cov lus piav qhia txog cov txiaj ntsig tshwj xeeb uas lawv xav tias yuav tshwm sim yog tias lawv muab hauv kev nkag rau tus neeg mob;
2. Tso cai rau tus neeg mob xaiv tus kws kho mob uas muaj ntawv tso cai, tus kws phais mob, tus kws kho mob puas hlwb, tus kws daws mob sab kev sib yuav thiab tsev neeg, tus neeg ua haujlwm xaus saus hauv chaw kho mob, los sis tus kws pab tswv yim txhawm rau tshuaj xyuas los sis txhawm kom tau txais ib tsab luam qauv ntawm lawv cov ntaub ntawv kho mob puas siab puas ntsws;
3. Qhia rau tus neeg mob tias lawv tsis kam cia nws nkag mus rau lawv cov ntaub ntawv kho mob puas siab puas ntsws;
4. Qhia rau tus neeg mob paub hais tias nws muaj ib txoj cai tseev kom tus kws kho mob tso cai rau lawv xaiv tus kws kho mob uas teev tseg nyob rau hauv b) txhawm rau nkag mus rau lawv cov ntaub ntawv; thiab
5. Cov ntaub ntawv hauv tus neeg mob cov ntaub ntawv kho mob puas siab puas ntsws seb tus neeg mob puas tau thov ib tug kws kho mob uas tau teev tseg hauv b) txhawm rau tshuaj xyuas los sis tau txais ib tsab luam qauv ntawm nws cov ntaub ntawv.27

Kuv tuaj yeem nkag mus rau kuv tus menyuam cov ntaub ntawv neeg mob puas yog?

Yog, tab sis muaj kev tshwj tseg.

Qhov thib ib, niam txiv los sis tus saib xyuas tsis muaj cai los tshuaj xyuas lossis nqa cov ntawv luam qauv ntawm tus menyuam yaus cov ntaub ntawv neeg mob yog tias tus menyuam yaus tau txais kev tso cai pom zoo rau lawv tus kheej qhov kev kho mob.28 Piv txwv li, yog tias tus menyuam yaus muaj hnub nyoog yam tsawg kawg yog 12 xyoos thiab muaj raws li txhua yam los ntawm txoj cai lij choj, ces lawv tuaj yeem pom zoo rau cov kev pab cuam hauv qab no:

1. Kev kho mob puas siab puas ntsws sab nraud los sis kev sab laj;29
2. Kev kho mob uas cuam tshuam txog tus kab mob sib kis;30
3. Kev kho mob uas cuam tshuam txog kev tiv thaiv kab mob sib kis los ntawm kev sib deev;31
4. Kev kho mob uas cuam tshuam txog kev kho mob los sis kev suav sau cov pov thawj hais txog kev quab yuam deev32 los sis kev yuam deev;33
5. Kev kho mob thiab kev sab laj txog yeeb tshuaj los sis dej cawv;34
6. Kev kuaj HIV.35

Qhov thib ob, leej niam leej txiv tsis muaj cai los tshuaj xyuas los sis nqa cov ntawv luam qauv ntawm tus menyuam yaus cov ntaub ntawv neeg mob yog tias tus kws kho mob txiav txim siab hais tias txoj hauv kev nkag mus yuav muaj kev cuam tshuam tsis zoo rau (1) tus kws kho mob txoj kev sib raug zoo nrog tus menyuam yaus los sis (2) tus menyuam yaus txoj kev nyab xeeb rau lub cev los sis kev haum xeeb ntawm lub siab lus ntsws.36

Qhov thib peb, leej niam leej txiv tsis muaj cai los tshuaj xyuas los sis nqa cov ntawv luam qauv ntawm tus menyuam yaus cov ntaub ntawv neeg mob yog tias tus kws kho mob puas hlwb paub hais tias tus menyuam yaus raug tshem tawm ntawm kev saib xyuas lub cev ntawm lawv niam lawv txiv los sis tus saib xyuas, tshwj hais tias lub tsev hais plaub tsis txiav txim rau menyuam yaus li ntawd.37

Puas muaj lwm yam xwm txheej thaum tus kws kho mob tuaj yeem tsis pub kuv nkag mus rau kuv cov ntaub ntawv?

Yog. Raws li tsoomfwv txoj cai lij choj (HIPAA), mas tus kws kho mob uas muaj ntawv tso cai tuaj yeem tsis pub tus neeg ntawd nkag mus rau nws cov ntaub ntawv kho mob raws li ob peb yam xwm txheej. Qee qhov ntawm cov kev tsis lees txais no tuaj yeem muab ntsuam xyuas tau, tab sis muaj qee yam ua tsis tau.38

1. Ntsuam xyuas tsis tau.39 Tus kws kho mob tuaj yeem tsis pub tus neeg ntawd nkag mus rau lawv cov ntaub ntawv, yog tsis muaj lub hwv tsam rau qhov kev ntsuam xyuas, yog tias cov ntaub ntawv yog:
   1. Lus nco tseg txog kev kho mob puas hlwb;
   2. Muab tso ua ke nyob rau hauv qhov kev npaj siab ntawm qhov kev txiav txim plaub ntug raws kev pej xeem, kev ua txhaum cai, los sis kev tswj hwm;
   3. Kev ceev cia los ntawm lub chaw daws teeb meem, los sis tus kws kho mob raws li kev coj ua ntawm qhov chaw daws teeb meem, thiab kev nkag mus rau cov ntaub ntawv yuav ua rau muaj kev phom sij rau kev noj qab haus huv, kev nyab xeeb, kev ruaj ntseg, kev saib xyuas, los sis kev kho mob ntawm tus neeg ntawd, lwm tus neeg uas raug kaw cia, los sis tus neeg ua haujlwm ntawm qhov chaw daws teeb meem;
   4. Ib feem ntawm kev tshawb fawb tau coj ua los ntawm tus kws kho mob, tsuav yog tus neeg ntawd tau pom zoo tsis lees txais qhov kev nkag mus thaum lawv tau pom zoo koom rau hauv qhov kev tshawb fawb ntawd;
   5. Tau txais kev tiv thaiv los ntawm Tsab Cai Saib Xyuas Cai Ntiag Tug (5 U.S.C. § 552a) (Tsab Cai no siv tau rau cov xov xwm uas tau suav sau los ntawm tsoom fwv teb chaws); los sis
   6. Tau txais los ntawm lwm tus neeg uas tsis yog tus kws kho mob raws li qhov kev cog lus tsis pub lwm tus paub.
2. Ntsuam xyuas tau.40 Tus kws kho mob tuaj yeem tsis lees txais cia tus neeg mob nkag mus rau nws cov ntaub ntawv, tab sis tus neeg mob muaj txoj cai los hais kom ntsuam xyuas qhov kev lees txais, yog tias:
   1. Tus kws kho mob tau txiav txim hais tias txoj hauv kev nkag mus yuav ua rau muaj kev phom sij rau kev nyab xeeb ntawm lub neej txoj sia los sis lub cev ntawm tus neeg mob los sis lwm tus neeg;
   2. Cov ntaub ntawv hais txog lwm tus neeg (tshwj yog tus kws kho mob) thiab tus kws kho mob uas muaj ntawv tso cai tau txiav txim hais tias txoj hauv kev nkag mus ntxim li yuav ua rau muaj kev puas tsuaj loj rau lwm tus neeg; los sis
   3. Kev thov txoj hauv kev nkag mus yog tus neeg mob tus neeg sawv cev ntiag tug ua tus tsim thiab tus kws kho mob uas muaj ntawv tso cai tau txiav txim hais tias kev muab hauv kev nkag mus rau tus neeg sawv cev ntiag tug ntxim li yuav ua rau muaj kev puas tsuaj loj rau tus neeg mob los sis rau lwm tus.

Cov kev ntsuam xyuas. Yog tias ib tug neeg twg thov kom ntsuam xyuas qhov kev tsis lees txais muab hauv kev nkag mus rau cov ntaub ntawv, ces tus kws kho mob yuav tsum xaiv ib tug kws kho mob uas tsis koom nrog qhov kev tsis lees txais ntawd los ntsuam xyuas qhov kev txiav txim txog qhov kev tsis lees txais. Tus kws kho mob uas xaiv tseg yuav tsum txiav txim kom tau nyob rau lub sijhawm tsim nyog seb qhov kev tsis lees txais puas tsim nyog raws txoj cai lij choj thiab yuav tsum tau sau ntawv ceeb toom rau tus neeg thov txog ntawm lawv qhov kev txiav txim.

Raws li California txoj cai lij choj, tus kws kho mob kuj tseem tuaj yeem tsis lees txais muab hauv kev nkag mus rau:

1. Cov ntawv luam qauv ntawm cov kev tsom hluav taws xob (X-rays) los sis cov kev soj ntsuam, cov ntaub ntawv tuav tseg ntawm kev tsom hluav taws xob electrocardiography, electroencephalography, lossis electromyography yog tias cov ntaub ntawv no raug muab xa mus rau lwm tus kws kho mob tsis dhau 15 hnub tom qab thov txog cov ntaub ntawv no thiab tau qhia rau tus neeg thov txog ntawm lub npe thiab chaw nyob ntawm lwm tus kws kho mob lawm;41
2. Cov ntaub ntawv hais txog kev quav dej quav cawv thiab yeeb tshuaj, yog tias tau txwv tsis pub tshaj tawm los ntawm lub Chaw Ua Haujlwm Saib Xyuas Kev Quav Yeeb Quav Tshuaj ntawm tsoom fwv teb chaws thiab Tsab Cai Hais Txog Kev Kho Mob ntawm xyoo 1972 los sis Tsab Cai Hais Txog Kev Quav Dej Quav Cawv thiab Kev Pov Thaiv Dej Cawv, Kev Kho, thiab Kev Kho Kom Rov Zoo Los ntawm tsoom teb chaws ntawm xyoo 1970. Tag nrho lwm cov ntaub ntawv hais txog kev quav dej quav cawv thiab kev quav yeeb quav tshuaj yuav raug muab nthuav tawm rau tus neeg mob;42
3. Cov ntaub ntawv hais txog cov neeg muaj kab mob sib kis tau yog tias muaj kev txwv tsis pub tshaj tawm los ntawm txoj cai lij choj.43

LUS NCO TSEG: Raws li California txoj cai lij choj, tus kws kho mob tsis tuaj yeem tuav tus neeg mob cov ntaub ntawv cia rau qhov uas vim hais tias tsis them nqi rau cov kev pab cuam.44 Yog tias tus kws kho mob xav tuav cov ntaub ntawv cia vim tsis them nqi, ces nws tuaj yeem muaj txim txhaum.

Kuv muaj cai dab tsi yog tias tus kws kho mob tsis kam tso cai rau kuv nkag mus rau kuv cov ntaub ntawv?

Ntawv Tsis Lees Txais. Yog tias tus kws kho mob tsis lees txais muab kev nkag mus rau cov ntaub ntawv neeg mob, ces tus kws kho mob yuav tsum qhia qhov kev tsis txais kom ncav sijhawm, muaj ntaub ntawv zias rau tus neeg ntawd. Qhov kev tsis lees txais yuav tsum yog hom lus yooj yim thiab muaj:

1. Lub hauv paus rau qhov kev tsis lees txais;
2. Ib nqe lus hais txog tus neeg ntawd txoj cai los thov txog kev ntsuam xyuas los ntawm lwm tus kws kho mob thiab ib nqe lus piav qhia txog qhov yuav thov kev ntsuam xyuas tau li cas; thiab
3. Cov lus piav qhia txog qhov yuav ua li cas tus neeg ntawd thiaj tuaj yeem ua tau ntawv foob kev tsis txaus siab rau tus kws kho mob los sis rau Tus Tuav Ntaub Ntawv ntawm Teb Chaws Mes Kas Lub Tsev Haujlwm Saib Xyuas Kev Pab Cuam Txog Kev Noj Qab Haus Huv thiab Tib Neeg. Cov lus piav qhia yuav tsum xam muaj lub npe lossis lub luag haujlwm thiab tus xov tooj ntawm tus neeg tiv tauj uas tau txais daim ntawv foob kev tsis txaus siab.45

Kev Tsis Txaus Siab Rau HIPAA. Tus neeg mob tuaj yeem sau ntawv foob kev tsis txaus siab rau kev yuam cai ntawm cov cai tswj hwm cai ntiag tug HIPAA ntawm tsoom fwv teb chaws los ntawm Teb Chaws Mes Kas Lub Tsev Haujlwm Saib Xyuas Kev Pab Cuam Txog Kev Noj Qab Haus Huv thiab Tib Neeg tus Neeg Pab Txog Kev Tsis Txaus Siab, uas yog muaj nyob rau ntawm no:
https://ocrportal.hhs.gov/ocr/smartscreen/main.jsf.

Yog tias koj muaj lus nug txog qhov yuav ua li cas thiaj sau tau ntawv foob kev tsis txaus siab, ces koj tuaj yeem xa email mus rau Lub Chaw Ua Haujlwm Saib Xyuas Cai Pej Xeem (OCR, Office for Civil Rights) ntawm OCRMail@hhs.gov los sis hu rau tus xov tooj hu dawb, 1-800-368-1019, TDD 1-800-537-7697. OCR muab lwm hom qauv ntawv (xws li ntawv Braille thiab ntawm luam loj), kev pab cuam txhawb ntxiv thiab tej kev pab cuam (xws li kev pab cuam hloov pauv), thiab kev pab txhais lus.46

Cov lus tsis txaus siab yuav tsum tau muab sau ua ntaub ntawv zias tsis pub dhau 180 hnub txij li hnub tus neeg mob paub txog los sis tsim nyog paub txog qhov kev yuam cai, tshwj hais tias tus neeg mob tuaj yeem qhia tau qhov laj thawj zoo rau qhov kev tsis ua kom muaj ntaub ntawv zias tsis dhau 180 hnub.47 Qhov kev tsis txaus siab yuav tsum tau muab lub npe ntawm tus kws kho mob uas tsis txaus siab rau thiab piav qhia txog cov kev nqis tes ua los sis kev tso tseg uas ua txhaum rau HIPAA.48 Tus kws kho mob kuj yuav tsis ua pauj rau tus neeg mob rau kev siv nws cov cai raws li HIPAA.49

Lwm cov xov xwm ntxiv hais txog HIPAA tuaj yeem nrhiav tau nyob rau ntawm
http://www.hhs.gov/ocr/hipaa/.

Kev Tsis Txaus Siab Rau Lub Xeev. Tus neeg mob los sis tus neeg sawv cev ntawm tus neeg mob tuaj yeem foob tus kws kho mob kom siv cov cai lij choj hais txog ntaub ntawv kho mob hauv California Txoj Cai Kev Noj Qab Haus Huv thiab Kev Nyab Xeeb (Health and Safety Code).50 Tus kws txiav txim plaub ntug kuj yuav muab cov nuj nqi thiab tus nqi kws lij choj rau tog neeg uas yeej rooj plaub.

Tus neeg mob kuj tuaj yeem foob txog kev puas tsuaj (sab nyiaj txiag) yog tias tus kws kho mob tau khiav tawm ntawm txoj lag luam thiab tso tus neeg mob cov ntaub ntawv pov tseg.51 Cov kws kho mob uas tawm ntawm txoj lag luam mus yuav tsum khaws cov ntaub ntawv cia yam tsawg kawg yog 7 xyoo thiab yam tsawg kawg yuav tsum tuav kom txog rau thaum tus neeg ntawd muaj hnub nyoog 19 xyoo.52

Koj muaj sijhawm tsawg los ua ntawv tsis txaus siab rau lub xeev vim yog muaj California cov cai kev tswj ciam. Sab laj nrog tus kws lij choj tam sim ntawd yog tias koj tab tom txiav txim siab ua ntawv tsis txaus siab rau lub xeev.

Kuv yuav hloov kho kuv cov ntaub ntawv kho mob tau li cas?

Tus neeg mob muaj cai thov kom tus kws kho mob hloov kho nws cov ntaub ntawv kho mob yog tias tseem muaj cov ntaub ntawv nyob.53 Tus kws kho mob kuj yuav tseev kom tus neeg mob ua daim ntawv thov txog kev hloov kho thiab muab ib lub laj thawj rau qhov kev hloov kho ntawd.54

Tsis dhau 60 hnub tom qab tau txais qhov kev thov kom hloov kho, tus kws kho mob yuav tsum ua ib qho twg ntawm:

1. Pab rau qhov kev thov;
2. Tsis kam lees txais qhov kev thov thiab muab kev tsis lees txais ua ntaub ntawv zias rau tus neeg ntawd; los sis
3. Muab ib daim ntawv sau lus ntos rau tus neeg ntawd txog kev ncua sij hawm teb cov lus thov tsis pub dhau 30 hnub, nrog rau cov laj thawj ntawm kev qeeb sijhawm thiab hnub uas tus kws kho mob yuav ua tiav nws qhov kev thov.55

Tus kws kho mob tuaj yeem tsis lees txais qhov kev thov hloov kho yog tias tus kws kho mob txiav txim siab hais tias:

1. Cov ntaub ntawv yog yam muaj tseeb thiab tiav log lawm;
2. Cov ntaub ntawv tsis yog tus kws kho mob ntawd ua tus tsim, tshwj hais tias tus neeg mob qhia tau hais tias tus tsim cov ntaub ntawv tsis nyob lawm uas yuav thov tau kom los hloov kho;
3. Tus kws kho mob tsis muaj cov ntaub ntawv no; los sis
4. Tus neeg mob tsis muaj cai nkag mus rau cov ntaub ntawv.56

Yog tias tus kws kho mob pom zoo hloov kho tus neeg mob cov ntaub ntawv, tus kws kho mob yuav tsum:

1. Ntxiv qhov kev hloov kho los sis muab tus link mus rau qhov chaw ntawm qhov kev hloov kho;
2. Qhia rau tus neeg ntawd hais tias lees txais qhov kev hloov kho lawm;
3. Tau txais tus neeg ntawd qhov kev pom zoo cia rau tus kws kho mob ceeb toom rau cov neeg uas tsim nyog paub txog qhov kev hloov kho ntawd; thiab
4. Qhia rau cov neeg uas tsim nyog paub txog qhov kev hloov kho ntawd.57 Lwm tus kws kho mob uas tau txais kev ceeb toom txog qhov kev hloov kho ntawd los kuj tseem yuav tau hloov kho cov ntaub ntawv neeg mob hauv feem uas yog nws ntiag tug.58

Yog tias tus kws kho mob tsis lees txais tus neeg ntawd qhov kev thov txog kev hloov kho, ces tus kws kho mob ntawd yuav tsum muab qhov kev tsis lees txais kom ncav sijhawm, sau ua ntaub ntawv zias rau tus neeg ntawd, ua hom lus yooj yim, uas muaj:

1. Lub hauv paus rau qhov kev tsis lees txais;
2. Tus neeg ntawd txoj cai xa tsab ntawv tsis pom zoo nrog qhov kev tsis lees txais, thiab yuav ua li cas tus neeg ntawd thiaj tuaj yeem xa tau cov lus ntos;
3. Qhov kev ceeb toom uas txawm yog hais tias tus neeg ntawd tsis xa cov lus tsis pom zoo nrog qhov tsis lees txais los lawv yeej tuaj yeem thov kom tus kws kho mob muab qhov kev thov hloov kho thiab kev tsis lees txais nkag rau hauv qhov kev nthuav tawm cov ntaub ntawv nyob rau yav tom ntej; thiab
4. Cov lus piav qhia txog qhov yuav ua li cas tus neeg ntawd thiaj tuaj yeem ua tau ntawv foob kev tsis txaus siab rau tus kws kho mob los sis rau Tus Tuav Ntaub Ntawv ntawm Teb Chaws Mes Kas Lub Tsev Haujlwm Saib Xyuas Kev Pab Cuam Txog Kev Noj Qab Haus Huv thiab Tib Neeg.59

Yog tias tus neeg mob xav xa cov lus tsis pom zoo, ces tus kws kho mob tuaj yeem “tswj ciam ncua ntev raws qhov tsim nyog” ntawm nqe lus ntos.60 Cov lus ntos yuav tsum muab tso rau hauv cov kev nthuav tawm cov ntaub ntawv ntawm tus neeg mob nyob rau yav tom ntej.61 Tus kws kho mob kuj tseem tuaj yeem npaj cov lus tsis lees txais rau tus neeg mob cov lus ntos, tab sis tus kws kho mob yuav tsum muab ib daim luam qauv ntawm cov lus tsis lees txais rau tus neeg mob.62

Tus neeg mob tseem muaj txoj cai los sau ib tsab ntawv ntxiv txog yam lossis nqe lus ntos hauv nws cov ntaub ntawv uas lawv ntseeg hais tias tsis muaj txhij los sis tsis muaj tseeb. Daim ntawv ntxiv raug muab tswj ciam rau 250 lo lus rau ib yam uas tsis muaj txhij lossis tsis muaj tseeb hauv tus neeg mob cov ntaub ntawv. Daim ntawv ntxiv yuav tsum qhia kom meej hauv kev sau ua ntaub ntawv zias hais tias tus neeg mob xav kom daim ntawv ntxiv uas yuav tau ua yog ib feem ntawm lawv cov ntaub ntawv. Yog tias tus kws kho mob nthuav tawm tus neeg mob cov ntaub ntawv kho mob, ces lawv yuav tsum muab daum ntawv ntxiv tso nkag rau hauv qhov kev nthuav tawm ntawd.63

• 1. California Tsab Cai Hais Txog Cov Neeg Mob Txoj Hauv Kev Nkag rau Cov Ntaub Ntawv Kho Mob, California Txoj Cai Kev Noj Qab Haus Huv thiab Kev Nyab Xeeb § 123110(a); thiab mus saib Tsab Cai Hais Txog Kev Coj Tau thiab Kev Lees Feem Xyuam Iv Sam Las Kho Mob (Health Insurance Portability and Accountability Act, HIPAA), 45 C.F.R. § 164.524(a)(1).
• 2. 45 C.F.R. § 164.502(g)(3)(i).
• 3. Cal. Txoj Cai Kev Noj Qab Haus Huv thiab Kev Nyab Xeeb § 123110(a); 45 C.F.R. § 164.502(g).
• 4. Cal. Txoj Cai Kev Noj Qab Haus Huv thiab Kev Nyab Xeeb § 123105(c).
• 5. Cal. Tsab Cai Kev Noj Qab Haus Huv thiab Kev Nyab Xeeb § 123105(d).
• 6. Cal. Txoj Cai Kev Noj Qab Haus Huv thiab Kev Nyab Xeeb § 123105(d); 45 C.F.R. § 164.524(a)(2)(v).
• 7. Cal. Txoj Cai Xoom Qhaub thiab Chaw Kho Mob § 5328(a)(10).
• 8. Cal. Txoj Cai Kev Noj Qab Haus Huv thiab Kev Nyab Xeeb § 123110(a), (b)(1).
• 9. Cal. Txoj Cai Kev Noj Qab Haus Huv thiab Kev Nyab Xeeb § 123110(b)(1).
• 10. 45 C.F.R. § 164.524(b).
• 11. Cal. Txoj Cai Kev Noj Qab Haus Huv thiab Kev Nyab Xeeb § 123110(a).
• 12. Cal. Txoj Cai Kev Noj Qab Haus Huv thiab Kev Nyab Xeeb § 123110(b).
• 13. 45 C.F.R. § 164.524(c)(2)(iii); thiab mus saib California. Txoj Cai Kev Noj Qab Haus Huv thiab Kev Nyab Xeeb § 123130(a). [California txoj cai lij choj thiab tsoom fwv teb chaws txoj cai lij choj muaj qhov sib txawv me ntsis. California txoj cai lij choj muab kev xaiv rau kws kho mob los muab cov lus tseem ntsiab ntawm cov ntaub ntawv neeg mob hloov chaw cov ntawv luam qauv ntawm cov ntaub ntawv neeg mob, tab sis tseem fwv teb chaws txoj cai lij choj muab kev xaiv rau tus neeg mob thiab yuav tsum muaj kev pom zoo ua ntej los ntawm tus neeg mob.]
• 14. Cal. Txoj Cai Kev Noj Qab Haus Huv thiab Kev Nyab Xeeb § 123130(a).
• 15. Cal. Txoj Cai Kev Noj Qab Haus Huv thiab Kev Nyab Xeeb § 123130(a).
• 16. Cal. Txoj Cai Kev Noj Qab Haus Huv thiab Kev Nyab Xeeb § 123130(b).
• 17. Cal. Txoj Cai Kev Noj Qab Haus Huv thiab Kev Nyab Xeeb § 123130(b).
• 18. Cal. Txoj Cai Kev Noj Qab Haus Huv thiab Kev Nyab Xeeb § 123110(j)(2).
• 19. Cal. Txoj Cai Kev Noj Qab Haus Huv thiab Kev Nyab Xeeb § 123110(j)(1).
• 20. Cal. Txoj Cai Kev Noj Qab Haus Huv thiab Kev Nyab Xeeb § 123110(j)(1).
• 21. Cal. Txoj Cai Kev Noj Qab Haus Huv thiab Kev Nyab Xeeb § 123110(d)(1).
• 22. Cal. Txoj Cai Kev Noj Qab Haus Huv thiab Kev Nyab Xeeb § 123110(e).
• 23. Cal. Txoj Cai Kev Noj Qab Haus Huv thiab Kev Nyab Xeeb § 123110(d)(3).
• 24. 45 C.F.R. § 164.524(a)(i).
• 25. 45 C.F.R. § 164.501.
• 26. Cal. Txoj Cai Kev Noj Qab Haus Huv thiab Kev Nyab Xeeb § 123115(b).
• 27. Cal. Txoj Cai Kev Noj Qab Haus Huv thiab Kev Nyab Xeeb § 123115(b)(1)-(b)(4).
• 28. Cal. Txoj Cai Kev Noj Qab Haus Huv thiab Kev Nyab Xeeb § 123115(a)(1), (a)(3); 45 C.F.R. § 164.502(g)(3)(i)(B).
• 29. Cal. Txoj Cai Tsev Neeg § 6924(b); California Txoj Cai Kev Noj Qab Haus Huv thiab Kev Nyab Xeeb § 124260(b)(1).
• 30. Cal. Txoj Cai Tsev Neeg § 6926(a).
• 31. Cal. Txoj Cai Tsev Neeg § 6926(b).
• 32. Cal. Txoj Cai Tsev Neeg § 6927.
• 33. Cal. Txoj Cai Tsev Neeg § 6928.
• 34. Cal. Txoj Cai Tsev Neeg § 6929(b).
• 35. Cal. Txoj Cai Kev Noj Qab Haus Huv thiab Kev Nyab Xeeb § 121020(a)(1).
• 36. Cal. Txoj Cai Kev Noj Qab Haus Huv thiab Kev Nyab Xeeb § 123115(a)(2).
• 37. Cal. Txoj Cai Kev Noj Qab Haus Huv thiab Kev Nyab Xeeb § 123116(a).
• 38. 45 C.F.R. § 164.524(a).
• 39. 45 C.F.R. § 164.524(a)(2).
• 40. 45 C.F.R. § 164.524(a)(3).
• 41. Cal. Txoj Cai Kev Noj Qab Haus Huv thiab Kev Nyab Xeeb § 123110(c).
• 42. Cal. Txoj Cai Kev Noj Qab Haus Huv thiab Kev Nyab Xeeb § 123125(a).
• 43. Cal. Txoj Cai Kev Noj Qab Haus Huv thiab Kev Nyab Xeeb § 123125(b).
• 44. Cal. Txoj Cai Kev Noj Qab Haus Huv thiab Kev Nyab Xeeb § 123110(i).
• 45. 45 C.F.R. § 164.524(d)(2).
• 46. Teb Chaws Mes Kas Lub Tsev Haujlwm Saib Xyuas Kev Pab Cuam Txog Kev Noj Qab Haus Huv thiab Tib Neeg, Tus Neeg Pab Txog Kev Tsis Txaus Siab, https://ocrportal.hhs.gov/ocr/smartscreen/main.jsf (nkag zaum dhau los yog lub Kaum Ob Hlis tim 19, 2023).
• 47. 45 C.F.R. § 160.306(b)(1); (3).
• 48. 45 C.F.R. § 160.306(b)(2).
• 49. 45 C.F.R. 164.530(g).
• 50. Cal. Txoj Cai Kev Noj Qab Haus Huv thiab Kev Nyab Xeeb § 123120.
• 51. Cal. Txoj Cai Kev Noj Qab Haus Huv thiab Kev Nyab Xeeb § 123145(b).
• 52. Cal. Txoj Cai Kev Noj Qab Haus Huv thiab Kev Nyab Xeeb § 123145(a)
• 53. 45 C.F.R. §§ 164.526(a)(1).
• 54. 45 C.F.R. § 164.526(b)(1).
• 55. 45 C.F.R. § 164.526(b)(2).
• 56. 45 C.F.R. § 164.526(a).
• 57. 45 C.F.R. §§164.526(c)(1)-(3).
• 58. 45 C.F.R. § 164.526(e).
• 59. 45 C.F.R. § 164.526(d)(1).
• 60. 45 C.F.R. § 164.526(d)(2).
• 61. 45 C.F.R. § 164.526(d)(5).
• 62. 45 C.F.R. § 164.526(d)(3).
• 63. Cal. Txoj Cai Kev Noj Qab Haus Huv thiab Kev Nyab Xeeb § 123111(b).