I. Qhov Sib Txawv Ntawm Tus Tsiaj Pab Cuam thiab Tus Tsiaj Pab Txhawb Nqa Fab Kev Puas Siab Puas Ntsws yog li txawv li cas?

Tus tsiaj pab cuam thiab tus tsiaj txhawb nqa fab kev puas siab puas ntsws yog ob hom tsiaj sib txawv uas tuaj yeem pab cov neeg muaj kev tsis taus ntawm lub cev tau.

Kev nkag siab txog qhov sib txawv fab kev cai lij choj ntawm ob hom tsiaj muab kev pab yog qhov tseem ceeb vim tias cov cai uas siv rau koj qhov xwm txheej tej zaum yuav muaj qhov sib txawv!

Ib Tug Tsiaj Pab Cuam yog ib tug dev los sis tus nees me me uas ua hauj lwm, muab kev pab cuam, los sis ua cov hauj lwm rau ib tus neeg muaj ib qho kev tsis taus ntawm lub cev. Tsuas yog cov dev thiab cov nees me thiaj yuav ua tau cov tsiaj pab cuam tau nkaus xwb. Cov tsiaj pab cuam yuav tsum tau txais kev cob qhia los ua cov hauj lwm tshwj xeeb rau koj qhov kev tsis taus ntawm lub cev. Cov tsiaj pab cuam uas tseem nyob hauv qhov kev cob qhia tsis tau xam tias yog cov tsiaj pab cuam, txawm li cas los xij koj tuaj yeem coj cov tsiaj ntawd mus rau hauv xeev California cov chaw ua si rau zej tsoom sawv daws txhawm rau cov hom phiaj ntawm kev cob qhia. Yog tias tus tsiaj pab cuam nyob hauv kev cob qhia ua rau muaj kev puas tsuaj, koj yuav tsum tau lav thaj tsob raws li kev cai lij choj thiab yuav tsum tau them nyiaj rau qhov kev puas tsuaj ntawd.

Tus Tsiaj Pab Txhawb Nqa Fab Kev Puas Siab Puas Ntsws (Emotional Support Animal, ESA) yuav yog yam tsiaj twg los tau uas muab kev nplij siab los sis kev txhawb nqa uas txo cov tsos mob ib qho los sis tau qhov ntawm tus neeg muaj kev tsis taus ntawm lub cev. Cov tsiaj pab txhawb nqa fab kev puas siab puas ntsws tsis tas yuav tsum tau muab kev cob qhia tshwj xeeb los muab kev nplij siab los sis kev txhawb nqa rau ib tus neeg qhov kev tsis taus ntawm lub cev. Cov tsiaj ESAs tsis muaj cai nkag mus rau tej chaw ua si rau zej tsoom sawv daws zoo ib yam li cov tsiaj pab cuam. Yog tias koj muaj ib tus tsiaj ESA, koj yuav tsis raug cai raws li kev cai lij choj kom coj tus tsiaj mus rau hauv cov chaw lag luam thiab cov chaw lag luam yuav tsis pub koj nkag mus rau tau raws li kev cai lij choj. Kev phiaj yeeg rau tus tsiaj ESA kom nkag siab yuam kev tias yog ib tus tsiaj pab cuam uas tau txais kev cob qhia yog kev ua txhaum kev cai lij choj yuav raug kaw ntev txog rau lub hlis thiab/los sis raug nplua nyiaj txog $1000. (Penal Code Section 365.7(a)).

II. Tus Kws Muab Kev Pab Vaj Tsev Nyob Puas Tuaj Yeem Hais Kom Kuv Qhia Tias Kuv Muaj Ib Tus Tsiaj Pab Cuam thiab Puas Ua Pov Thawj Tau Tias Kuv Tus Tsiaj yog ib Tus Tsiaj Pab Cuam?

A. Cov Tsiaj Pab Cuam

1. Yog tias koj muaj ib tug tsiaj pab cuam (dev los sis nees me), muaj ntau cov kev txwv fab kev cai lij choj uas Tus Kws Muab Kev Pab Vaj Tsev Nyob yuav nug. Yog tias koj tab tom thov xauj tsev, feem ntau lawm koj tsis tas yuav qhia tawm tias koj muaj ib tus tsiaj pab cuam. Txawm li cas los xij, nyob ntawm seb daim ntawv thov xauj tsev puas nug txog cov tsiaj, koj yuav tsum nrhiav kev pab tswv yim txog koj qhov xwm txheej tshwj xeeb. Raws li txoj cai lij choj lawm, yog tias koj qhia tawm los sis yog tias Tus Kws Muab Kev Pab Vaj Tsev Nyob twb paub tias koj muaj ib tus tsiaj lawm, ces Tus Kws Muab Kev Pab Vaj Tsev Nyob tsuas yog nug:
   1. Tus tsiaj puas yuav tsum muaj vim yog koj qhov kev tsis taus ntawm lub cev?
   2. Tus tsiaj puas tau txais kev cob qhia kom ua hauj lwm los sis txoj hauj lwm dab tsi?
2. Koj Tus Kws Muab Kev Pab Vaj Tsev Nyob tsis tuaj yeem hais kom koj muab pov thawj ntawm kev cob qhia los sis ntawv pov thawj, tab sis tus tsiaj pab cuam yuav tsum nyob rau hauv kev tswj hwm ntawm nws tus tswv. 
   Piv Txwv: “hauv kev tswj hwm” txhais tau hais tias koj yuav tsum muaj kev tswj tus tsiaj pab cuam, cab, los yog muab khi thaum nyob rau hauv cov chaw uas muaj neeg zej tsoom coob, tshwj tsis yog tias nws yuav tsum tau tso tus tsiaj pab cuam nyob rau qee lub sij hawm los ua hauj lwm. Txawm li cas los xij, nws yuav tsum tau rov qab cab dua thaum ua hauj lwm tiav lawm. Tus tswv yuav tsum siv cov cim qhia tus tsiaj pab cuam kom ua tau zoo thiab tus tsiaj pab cuam yuav tsum coj zoo. Tus tswv yuav tsum xyuas kom tseeb tias tus tsiaj tsis txhob hnia ntau zaus los sis tawm mus yam tsis muaj tus tswv.
3. Tus Kws Muab Kev Pab Vaj Tsev Nyob tuaj yeem ua kom paub tseeb tias tus neeg muaj tus tsiaj pab cuam tab tom qhia qhov tseeb los ntawm daim ntawv tau kos npe, xws li daim ntawv cog lus xauj tsev. Dua li ntawm kev raug ntiab tawm lawm, kev phiaj yeeg rau tus tsiaj kom nkag siab yuam kev tias yog ib tus tsiaj pab cuam uas tau txais kev cob qhia yog kev ua txhaum kev cai lij choj yuav raug kaw ntev txog rau lub hlis thiab/los sis raug nplua nyiaj txog $1000. (Penal Code Section 365.7(a)).

B. Tus Tsiaj Pab Txhawb Nqa Fab Kev Puas Siab Puas Ntsws (Emotional Support Animal, ESA)

1. Yog tias koj muaj ib Tus Tsiaj Pab Txhawb Nqa Fab Kev Puas Siab Puas Ntsws (Emotional Support Animal, ESA), ces koj Tus Kws Muab Kev Pab Vaj Tsev Nyob tuaj yeem thov kom muab cov ntaub ntawv uas qhia tias koj muaj ib qho kev tsis taus ntawm lub cev thiab koj muaj kev xav tau tus tsiaj ESA uas ntsig txog qhov kev tsis taus ntawm lub cev. Tus Kws Muab Kev Pab Vaj Tsev Nyob tuaj yeem hais kom koj muab cov ntaub ntawv pov thawj ntsig txog kev kho mob ntawm koj qhov kev xav tau tus tsiaj ESA los ntawm tus kws kho mob tshwj xeeb, tab sis koj Tus Kws Muab Kev Pab Vaj Tsev Nyob tsis tuaj yeem thov cov ntaub ntawv qhia meej txog koj qhov kev kuaj mob. Saib nram kawg ntawm daim ntawv no rau ib daim ntawv ua qauv rau kev thov kom ceev tus tsiaj ESA nyob hauv koj lub tsev.

Yog xav paub cov ntaub ntawv qhia ntxiv los ntawm HUD thiab CRD, ces mus rau:  https://www.hud.gov/sites/dfiles/PA/documents/HUDAsstAnimalNC1-28-2020.pdf

https://calcivilrights.ca.gov/wp-content/uploads/sites/32/2022/12/Emotional-Support-Animals-and-Fair-Housing-Law-FAQ_ENG.pdf

III. Kuv Tus Kws Muab Kev Pab Vaj Nyob Puas Tuaj Yeem Tsub Nqi rau Kuv Tus Tsiaj Muab Kev Pab?

Tsis tau, koj Tus Kws Muab Kev Pab Vaj Tsev Nyob tsis tuaj yeem tsub nqi rau tus tsiaj xauj tsev los sis kev tso nyiaj rau tsiaj yug hauv tsev tau vim tias cov tsiaj muab kev pab (cov tsiaj pab cuam thiab cov tsiaj ESAs ob yam tib si) tsis raug xam tias yog cov tsiaj yug. Txawm li cas los xij, tej zaum koj yuav tau them nyiaj rau cov kev puas tsuaj uas tshwm sim los ntawm tus tsiaj muab kev pab.

IV. Kuv Tus Kws Muab Kev Pab Vaj Tsev Nyob Puas Yuav Tsum Kom Kuv Ua Raws Li  Cov Kev Cai Lij Choj Ntawm Tsoom Fwv Xeev/Hauv Cheeb Tsam Zej Zos Puas Siv Tau Rau Txhua Yam Tsiaj?  

Yog lawm, koj Tus Kws Muab Kev Pab Vaj Tsev Nyob yuav hais kom koj yuav tsum tau txais daim ntawv tso cai rau koj tus tsiaj muab kev pab los sis txhaj tshuaj tiv thaiv kab mob raws li cov cai lij choj ntawm tsoom fwv hauv xeev/hauv cheeb tsam zej zos uas siv tau rau txhua tus tsiaj hauv cheeb tsam koj nyob.

V. Kuv Tus Kws Muab Kev Pab Vaj Tsev Puas Tuaj Yeem Muab Lwm Cov Kev Txwv Rau Kuv Tus Tsiaj Muab Kev Pab?

Cov cai tswj "tsis pub muaj cov tsiaj yug" siv tsis tau rau cov tsiaj muab kev pab.

Feem ntau lawm, koj tus Kws Muab Kev Pab Vaj Tsev Nyob tsis muaj peev xwm siv qhov hnyav thiab cov kev txwv uas tawm tsam rau koj cov tsiaj muab kev pab. Txawm li cas los xij, qee zaus Cov Kws Muab Kev Pab Vaj Tsev Nyob muaj peev nrhiav lwm txoj hauv kev raug kev cai lij choj los txwv cov dev raws li caj ces. Kev thov cov lus qhia raug cai hais txog koj qhov xwm txheej tej zaum nws yuav pab tau zoo.

VI. Kuv Txoj Cai Yog Dab Tsi Yog Tias Kuv Nyob Hauv ib lub Tsev Nyob Thaum Raug Kev Txom Nyem?

Koj yuav tsum tau txais kev tso cai kom ceev cov tsiaj pab cuam thiab cov tsiaj ESAs thaum nyob hauv lub tsev nyob thaum raug kev txom nyem.

Yog tias koj muaj ib tug tsiaj ESA, koj yuav tsum tau thov kom muaj ib qho chaw nyob tsim nyog thiaj li yuav ceev tau tus tsiaj ESA nrog koj. Txawm li cas los xij, koj tus tsiaj ESA tej zaum yuav tsis raug tso cai nkag mus rau hauv cov chaw muaj neeg zej tsoom coob hauv lub tsev nyob thaum raug kev txom nyem.

Ib tus tsiaj pab yuav tau txais kev tso cai nkag mus rau hauv cov chaw noj mov hauv zej zog thiab lwm qhov chaw uas koj tau txais kev tso cai mus rau.

VII. Qhov Chaw Nyob Uas Tsim Nyog Yog Dab Tsi thiab Kuv Puas Yuav Tsum Tau Txais Ib Qho Chaw Nyob Tsim Nyog rau kuv tus Tsiaj Muab Kev Pab?

Ib qho chaw nyob tsim nyog yog ib qho kev zam los sis kev hloov pauv cov kev cai, cov cai tswj, los sis cov kev coj ua ntawm tus kws muab kev pab vaj tsev nyob.

Rau cov tsiaj pab cuam, koj tsis tas yuav thov kom muaj ib qhov chaw nyob tsim nyog txhawm rau ceev koj tus tsiaj pab cuam nyob hauv koj lub tsev nrog koj tab txawm tias Tus Kws Muab Kev Pab Vaj Tsev Nyob muaj ib txoj cai tswj los sis lwm yam kev cai zoo sib xws uas Tsis Pub Muaj Cov Tsiaj Yug los xij.

Rau cov tsiaj ESAs, tej zaum koj yuav tsum tau thov kom muaj ib qho chaw nyob tsim nyog yog tias Tus Kws Muab Kev Pab Vaj Tsev Nyob muaj ib txoj kev cai, txoj cai tswj, los sis kev coj ua uas yuav tiv thaiv koj los ntawm kev muaj ib tug tsiaj.

Tab txawm hais tias kev thov qhov chaw nyob tsim nyog tsis tas yuav sau ntawv, xa daim ntawv thov (thiab khaws ib daim ntawv luam theej rau koj cov ntaub ntawv) yuav pab tiv thaiv koj. Saib nram kawg ntawm daim ntawv no rau ib daim ntawv ua qauv rau kev thov kom ceev tus tsiaj ESA nyob hauv koj lub tsev.

Tus Kws Muab Kev Pab Vaj Tsev Nyob yuav tsum teb rau koj qhov kev thov kom sai kiag tam si. Qhov Tus Kws Muab Kev Pab Vaj Tsev Nyob tsis teb raws li yuav raug xam tias yog qhov kev tsis kam muab ib qho chaw nyob tsim nyog thiab muaj kev ntxub ntxaug raws li kev tsis taus ntawm lub cev.

Saib cov ntaub ntawv qhia ntau ntxiv los ntawm HUD muaj nyob ntawm nod:  https://www.hud.gov/sites/dfiles/PA/documents/HUDAsstAnimalNC1-28-2020.pdf

VIII. Tus Kws Muab Kev Pab Vaj Tsev Nyob Puas Tuaj Yeem Tsis Kam Lees Koj Qhov Kev Thov rau Tus Tsiaj Muab Kev Pab Uas Saib Xyuas Koj Nyob Hauv Koj Lub Tsev?

Nyob hauv qee qhov xwm txheej uas raug txwv, Tus Kws Muab Kev Pab Vaj Tsev Nyob muaj peev xwm tsis lees paub koj qhov kev thov txhawm rau ceev tus tsiaj muab kev pab yog tias tus tsiaj:

1. tsis xav tau vim koj qhov kev tsis taus ntawm lub cev los sis cov tswv cuab hauv koj yim neeg qhov kev tsis taus ntawm lub cev,
2. ua rau muaj kev puas tsuaj kiag rau lwm tus neeg los sis tej khoom vaj tsev,
3. tsis nyob hauv tus neeg saib xyuas los sis tsis nyob hauv tsev,
4. tau them nqi ntau dhau los yog rau thaj tsob loj heev, los sis
5. hloov pauv qhov xwm txheej ntawm cov kev pab cuam uas Tus Kws Muab Kev Pab Vaj Tsev Nyob los sis Lub Koom Haum Ntawm Cov Tswv Tsev muab.
   Piv Txwv: Koj yuav tau thaj tsob rau kev pub mov rau noj, taug kev, los sis tu ntxuav tom qab koj tus tsiaj muab kev pab tso quav tso zis. Kev thov kom tus Kws Muab Kev Pab Vaj Tsev Nyob pub zaub mov, cab taug kev, los sis tu ntxuav tom qab tus tsiaj muab kev pab tso quav tso zis yuav suav tau tias yog ib qho kev hloov pauv tseem ceeb (“kev hloov pauv yooj yim”) hauv qhov kev pab cuam uas Tus Kws Muab Kev Pab Vaj Tsev Nyob muaj peev xwm muab tau.

IX. Puas muaj Cov Kev Pab Los Pab Nyiaj Rau Kuv Saib Xyuas Tus Tsiaj Muab Kev Pab?

Tsuas yog rau cov dev pab cuam xwb, thiab tsis yog rau cov tsiaj ESAs.

Yog tias koj xav tau kev pab them nyiaj rau cov nqi uas ntsig txog koj tus dev pab cuam, California muaj qhov kev pab uas muab $50 txhua hli los pab txhawb cov nqi no. Cov ntaub ntawv qhia ntau ntxiv hais txog qhov khoos kas no muaj nyob ntawm  https://www.cdss.ca.gov/assistance-dogs.

X. Kuv Cov Kev Xaiv Muaj Dab Tsi Yog Kuv Ntseeg Tias Tus Kws Muab Kev Pab Vaj Tsev Nyob Tab Tom Ntxub Ntxaug Tawm Tsam Kuv Vim Muaj Ib Tus Tsiaj Muab Kev Pab?

1. Ua daim ntawv teev lus tsis txaus siab hais txog kev ntxub ntxaug vaj tsev nyob tawm tsam tus neeg muab kev pab vaj tsev nyob xa mus rau California Civil Rights Department. Cov ntaub ntawv qhia ntau ntxiv hais txog qhov txheej txheem no muaj nyob ntawm https://calcivilrights.ca.gov/complaintprocess/
2. Ua daim ntawv teev lus tsis txaus siab hais txog kev ntxub ntxaug vaj tsev nyob tawm tsam tus neeg muab kev pab vaj tsev nyob xa mus rau U.S. Department of Housing and Urban Development’s Office of Fair Housing and Equal Opportunity. Cov ntaub ntawv qhia ntau ntxiv hais txog cov txheej txheem no muaj nyob ntawm  https://www.hud.gov/program_offices/fair_housing_equal_opp/online-complaint
3. Ua ib daim ntawv foob mus rau hauv xeev los sis tsoom fwv lub tsev hais plaub los tawm tsam Tus Kws Muab Kev Pab Vaj Tsev Nyob.

XI. Cov Kev Cai Lij Choj Uas Siv Tau Rau Txhua Tus Tsiaj Muab Kev Pab

Yog xav paub ntau ntxiv txog qhov tob, cov no yog qee cov kev cai lij choj uas qhov chaw muab kev pab no tau ua raws.

1. Tsoom Fwv Tsab Cai Lij Choj Hais Txog Cov Neeg Meskas Muaj Kev Xiam Oob Khab (Americans with Disabilities Act) Ntu II thiab Ntu III, https://www.ada.gov/law-and-regs/ada/
2. Federal Fair Housing Amendments Act thiab Federal Section 504 of the Rehabilitation Act https://www.hud.gov/program_offices/fair_housing_equal_opp/fair_housing_and_related_law
3. California Disabled Person Act and California Fair Employment and Housing Act, https://calcivilrights.ca.gov/legalrecords/?content=law#law

XII. Piv Txwv Tsab Ntawv Thov Qhov Chaw Nyob Tsim Nyog Rau tus Tsiaj Pab Txhawb Nqa Fab Kev Puas Siab Puas Ntsws:

Nyob zoo txog [Lub npe thiab lub xeem ntawm Tus Tswv Tsev Xauj thiab/los sis Tus Tswj Xyuas Qhov Av Vaj Tsev]

Kuv nyob ntawm/kuv tab tom thov xauj koj lub tsev nyob ntawm [qhov chaw nyob]. Kuv sau tsab ntawv txhawm rau thov cov chaw nyob/cov kev hloov kho uas tsim nyog nram qab no rau kuv qhov kev tsis taus ntawm lub cev: Kuv yuav tsum muaj ib tus tsiaj pab txhawb nqa fab kev puas siab puas ntsws nyob nrog kuv.                                                                                                              

Qhov kev thov no yog ntsig txog kuv qhov kev tsis taus ntawm lub cev vim tias:

________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

Kuv tus [kws kho mob lub cev/tus kws kho mob hlwb/tus kws kho mob rau fab kev xav/tus kws kho mob rau fab kev zuaj leeg los yog zuaj ib ce/tus kws ua hauj lwm pab tib neeg/tus kws kho mob rau fab kev kho kom ua tau hauj lwm/lwm tus neeg] xam tias cov chaw nyob no/cov kev hloov kho no tsim nyog vim kuv qhov kev tsis taus ntawm lub cev. Kuv tuaj yeem muab qhov kev ua pov thawj no tau yog tias koj xav tau nws.

Txoj cai lij choj ntawm Tsoom Fwv Teb Chaws thiab lub xeev xav kom ib tus neeg muab kev pab hauv vaj tsev tsim nyog haum rau cov neeg xauj tsev/cov neeg nyob hauv tsev thiab cov neeg thov uas muaj cov kev tsis taus ntawm lub cev.

Thov teb rov qab rau qhov kev thov no, hauv kev sau ua ntaub ntawv, tsis pub dhau li ntawm [hnub tim].  Thov nkag siab tias qhov kev tsis ua raws li kev muab qhov chaw nyob uas tsim nyog, kev teb qeeb tsis raws sij hawm, los sis lev tsis kam lees paub qhov kev thov ib qhov chaw nyob uas tsim nyog uas tsis raug cai yog qhov kev ntxub ntxaug ntsig txog kev tsis taus ntawm lub cev. Saib 2 CCR §12177(e). Thov tiv tauj rau kuv tau ntawm [koj qhov chaw nyob e-mail]. Ua tsaug rau koj qhov kev mob siab rau qhov kev thov no.

 

Sau npe,
[Sau koj lub ne rau]
[Sau koj qhov chaw nyob rau]