សន្លឹកព័ត៌មានពិតស្តីអំពីការរើសអើងចំពោះពិការភាព ៖ ការចូលប្រើសេវាកម្មរបស់តុលាការរដ្ឋកាលីហ្វ័រនីញ៉ា
សន្លឹកព័ត៌មានពិតស្តីអំពីការរើសអើងចំពោះពិការភាព ៖ ការចូលប្រើសេវាកម្មរបស់តុលាការរដ្ឋកាលីហ្វ័រនីញ៉ា
ច្បាប់សហព័ន្ធ និងច្បាប់រដ្ឋ ហាមមិនឲ្យមានការប្រព្រឹត្តរើសអើងដោយសារពិការភាពពីសំណាក់តុលាការរដ្ឋ ហើយ តម្រូវឲ្យតុលាការផ្តល់ដល់ជនពិការនូវការសម្រួលសមហេតុផល ដែលពួកគេត្រូវការ ដើម្បីអាចចូលរួមក្នុង ប្រព័ន្ធតុលាការបានពេញលេញ ។
ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។
ច្បាប់សហព័ន្ធ និងច្បាប់រដ្ឋស្តីអំពីការប្រព្រឹត្តរើសអើងចំពោះពិការភាព
ច្បាប់សហព័ន្ធ និងច្បាប់រដ្ឋ ហាមមិនឲ្យមានការប្រព្រឹត្តរើសអើងដោយសារពិការភាពពីសំណាក់តុលាការរដ្ឋ ហើយ តម្រូវឲ្យតុលាការផ្តល់ដល់ជនពិការនូវការសម្រួលសមហេតុផល ដែលពួកគេត្រូវការ ដើម្បីអាចចូលរួមក្នុង ប្រព័ន្ធតុលាការបានពេញលេញ ។ ច្បាប់ Title II ស្តីអំពីជនពិការអាមេរិកាំង (ADA, Americans with Disabilities Act) ហាមប្រាមមិនឲ្យមានការប្រព្រឹត្តរើសអើងដោយសារពិការភាពពីសំណាក់អង្គភាពរដ្ឋ និងអង្គភាពរដ្ឋាភិបាលមូលដ្ឋាន ដោយបូករួមទាំងប្រព័ន្ធតុលាការផងដែរ ។ ច្បាប់ Title II ក៏តម្រូវឲ្យអង្គភាពរដ្ឋាភិបាល ផ្តល់ការសម្រួលសមហេតុផល ដល់ជនពិការផងដែរ ដើម្បីអាចធានាបានថា ពួកគេមានសិទ្ធិស្មើនឹងអ្នកដទៃ ក្នុងការទទួលបានសេវាកម្មពីរដ្ឋាភិបាល ។ វគ្គទី 504 នៃច្បាប់ស្តានីតិសម្បទា (Rehabilitation Act) មានផ្តល់ជូនការការពារស្រដៀងគ្នា មិនឲ្យមានការប្រព្រឹត្តរើសអើងពីសំណាក់អង្គភាពដែលទទួលមួលនិធិសហព័ន្ធ ។ ក្រមរដ្ឋាភិបាលរដ្ឋកាលីហ្វ័រនីញ៉ា វគ្គទី 11135 (California Government Code Section 11135) ការពារមិនឲ្យមានការប្រព្រឹត្តរើសអើងពីសំណាក់អង្គភាពរដ្ឋ និងអង្គភាពរដ្ឋាភិបាលមួលដ្ឋាន ក៏ដូចជាពីសំណាក់អង្គភាពពាណិជ្ជកម្មដែលទទួលមូលនិធិរដ្ឋ ។
ការតស៊ូមតិដោយខ្លួនឯង
ខាងក្រោមគឺជាតំណភ្ជាប់ទៅកាន់ព័ត៌មានរបស់ ADA ពីវ៉ិបសៃត៍របស់តុលាការរដ្ឋកាលីហ្វ័រនីញ៉ា ៖
- http://www.courts.ca.gov/14362.htm
- http://www.courts.ca.gov/documents/access-fairness-QandA-for-persons-with-disabilities.pdf
វ៉ីបសៃត៍នេះ មានព័ត៌មានដែលអ្នកត្រូវការដើម្បីស្នើសុំការសម្រួលសមហេតុផលពីតុលាការ ។ នៅក្នុងវ៉ិបសៃត៍នេះ ក៏មានរួមបញ្ចូលនូវតំណភ្ជាប់ទៅកាន់សំណុំបែបបទ MC-410 សម្រាប់ការស្នើសុំការសម្រួល រួមជាមួយនឹងវីដេអូបង្ហាញពី “របៀប” បំពេញព័ត៌មានក្នុងសំណុំបែបបទនេះផងដែរ ។
បើតុលាការាបដិសេធការសម្រួលដែលអ្នកត្រូវការ អ្នកមានសិទ្ធិស្នើសុំឲ្យមានការពិនិត្យឡើងវិញ ។ ជំហានដែលអ្នកត្រូវធ្វើ គឺអាស្រ័យលើថាតើនរណាជាអ្នកបដិសេធពាក្យស្នើសុំការសម្រួលរបស់អ្នក ។
បើបុគ្គលិកដែលមិនពាក់ព័ន្ធនឹងចៅក្រមតុលាការ (ក្រឡាបញ្ជី ឬស្នងការក្រុមប្រឹក្សាតុលាការ) បដិសេធសំណើសុំរបស់អ្នក អ្នកអាចស្នើសុំមន្ត្រីតុលាការ (ចៅក្រម ឬស្នងការតុលាការ) ពិនិត្យការសម្រេចនេះឡើងវិញ ។ អ្នកក៏អាចស្នើសុំឲ្យមន្ត្រីតុលាការ ពិនិត្យឡើងវិញលើសេចក្តី សម្រេចផងដែរ បើអ្នកគិតថាការសម្រួលដែលគេផ្តល់ជូនមិនមានភាពគ្រប់គ្រាន់ទេនោះ ។ មន្ត្រីតុលាការ នឹងធ្វើជាគណៈអធិបតីចំពោះសវនាការ ឬការកាត់ក្តីនេះ ។ បើមិនទាន់មានការចាត់តាំងចៅក្រមចំពោះសវនាការ ឬការកាត់ក្តីនេះទេ អ្នកអាចស្នើសុំចៅក្រមដែលជាអធិបតីរបស់តុលាការ ឲ្យជួយពិនិត្យការសម្រេចនេះឡើងវិញ ។ ក្នុងករណីណាក៏ដោយ អ្នកត្រូវស្នើសុំការពិនិត្យឡើងវិញចំពោះការសម្រេចរបស់តុលាការ ឲ្យបានក្នុងរវាង 10 ថ្ងៃ ដោយគិតចាប់ពីពេលដែលអ្នកទទួលបានដំណឹងអំពីការបដិសេធ ឬការផ្តល់ការសម្រួលតាមសំណើសុំរបស់អ្នក ។
ប្រសិនបើមន្ត្រីតុលាការ (ចៅក្រម ឬស្នងការតុលាការ) បដិសេធសំណើសុំរបស់អ្នក អ្នកអាចដាក់ញត្តិប្តឹងសុំដំណោះស្រាយវិសាមញ្ញ នៅតុលាការកំពូល ។ អ្នកអាចដាក់ញត្តិប្តឹងដូចគ្នានេះ បើអ្នកគិតថាមន្ត្រីតុលាការផ្តល់ការសម្រួលឲ្យអ្នកដោយមិនមានភាពគ្រប់គ្រាន់ ។ ក្នុងករណីណាក៏ដោយ អ្នកមានពេលចំនួន 10 ថ្ងៃដើម្បីដាក់ញត្តិប្តឹង ដោយគិតចាប់ពីពេលដែលអ្នកទទួលបានដំណឹងអំពីការបដិសេធ ឬការផ្តល់ការសម្រួល ។ អ្នកអាចរកជំនួយពីមេធាវីក្នុងការដាក់ញត្តិប្តឹង ។
បើអ្នកជឿថា ខ្លួនរងការប្រព្រឹត្តរើសអើង អ្នកក៏អាចដាក់បណ្តឹងរដ្ឋបាលទៅកាន់ (DOJ, Department of Justice) ក្រោមច្បាប់សហព័ន្ធ ឬក៏អាចប្តឹងរដ្ឋបាលទៅកាន់ (DFEH, Department of Fair Employment and Housing) ក្រោមច្បាប់រដ្ឋបានផងដែរ ។ ចំពោះបណ្តឹងមកកាន់ DOJ ត្រូវតែប្តឹងឲ្យបានក្នុងរវាង
180 ថ្ងៃ ដោយគិតពីថ្ងៃដែលមានការប្រព្រឹត្តរើសអើង ។ បណ្តឹងមកកាន់ DFEH ត្រូវប្តឹងឲ្យបានក្នុងរវាងមួយឆ្នាំ នៃការប្រព្រឹត្តរើសអើងដែលបានកើតឡើង ។
ព័ត៌មានសម្រាប់ទំនាក់ទំនងជាមួយនឹង DOJ និង DFEH មាននៅខាងក្រោម ។
បណ្តឹងមកកាន់ DOJ ៖
U.S Department of Justice
Civil Rights Division
950 Pennsylvania Avenue, N.W. Disability Rights Section – 1425 NYAV
Washington, D.C. 20530
បណ្តឹងអនឡាញ ៖ https://www.ada.gov/filing_complaint.htm
ទូរស័ព្ទ ៖ (800) 514-0301
សម្រាប់ TTY ៖ (800) 514-0383
បណ្តឹងមកកាន់ DFEH ៖
បណ្តឹងអនឡាញ ៖ https://www.dfeh.ca.gov/filing-a-complaint-online/ ទូរស័ព្ទ
៖ (800) 884-1684 សម្រាប់ TTY ៖ (800) 700-2320 ។
ប្រៃសនីយ ៖ សូមហៅមកលេខ (800) 884-1684 ដើម្បីស្នើសុំបែបបទបណ្តឹងដែលត្រឹមត្រូវ ដើម្បី បំពេញព័ត៌មាន រួចបញ្ជូនត្រឡប់មកវិញ ។ សូមទុកពេលវេលាបន្ថែមសម្រាប់ការបញ្ជូនសំបុត្រតាមប្រៃសនីយ និងការដំណើរការឯកសារ ។
អ្នកក៏មានជម្រើសដាក់ពាក្យបណ្តឹងប្រឆាំងតុលាការចំពោះសំណុំរឿងរបស់អ្នក តាមរយៈស្នងការទទួលបន្ទុកការប្រព្រឹត្តរបស់តុលាការរដ្ឋកាលីហ្វ័រនីញ៉ា (California Commission on Judicial Performance) បានផងដែរ ប្រសិនបើអ្នកជឿថា តុលាការបានប្រព្រឹត្តខុស ។ ស្នងការទទួលបន្ទុកការប្រព្រឹត្តរបស់តុលាការ មិនអាចប្តូរសេចក្តីសម្រេចរបស់ មន្ត្រីតុលាការបានឡើយ ដើម្បីអាចប្តូរសេចក្តីសម្រេចនេះបាន គឺមានតែការស្នើសុំធ្វើការពិនិត្យឡើងវិញនៅតុលាការប៉ុណ្ណោះ ។ នេះជាតណភ្ជាប់ទៅកាន់វ៉ិបសៃត៍ ដែលមានព័ត៌មានបន្ថែមអំពីរបៀបដាក់ពាក្យបណ្តឹង ៖ http://cjp.ca.gov/ ។
ប្រហែលជាអាចមានប្រយោជន៍ដល់អ្នកផងដែរ បើអ្នកជូនដំណឹងអំពីសំណុំរឿងរបស់អ្នកទៅកាន់អ្នកសម្របសម្រួល ADA របស់តុលាការ ឬប្រធានអង្គចៅក្រមរបស់តុលាការនោះ ។ ដើម្បីស្វែងរកព័ត៌មានសម្រាប់ទំនាក់ទំនងអ្នកសម្របសម្រួល ADA របស់តុលាការ ឬ របស់ប្រធានអង្គចៅក្រម សូមចូលទៅកាន់ ៖ http://www.courts.ca.gov/find-my-court.htm
បណ្តឹងវិវាទ
ការប្រព្រឹត្តល្មើសច្បាប់ទាំងអស់ដែលបានរៀបរាប់ពីខាងលើ ក៏អនុវត្តបានតាមរយៈបណ្តឹងតាមផ្លូវឯកជនផងដែរ ។ សូមមេត្តាជ្រាបថា អាជ្ញាយុកាលនៃដែនកំណត់ មានភាពរឹតបន្តឹងចំពោះក្របខ័ណ្ឌពេលវេលានៃការដាក់ពាក្យបណ្តឹងវិវាទ ហើយអ្នកអាចបាត់បង់អ្វីដែលអ្នកទាមទារប្រសិនបើអ្នកមិនចាត់សកម្មភាពឲ្យបានក្នុងអំឡុងពេលនៃដែនកំណត់អាជ្ញាយុកាលដែលអាចអនុវត្តបានទេនោះ ។ កាលបរិច្ឆេទផុតកំណត់ទាំងអស់នេះ អាចខ្លីត្រឹមពីរឆ្នាំគិតចាប់ពីថ្ងៃដែលការប្រព្រឹត្តរើសអើងបានកើតឡើង ។
លើសពីនេះ ច្បាប់ទាមទារសំណងខូចខាតស៊ីវិល (Tort Claims Act) របស់រដ្ឋាភិបាលតម្រូវឲ្យការទាមទារសំណងខូចខាតស៊ីវិលពីរដ្ឋាភិបាល ត្រូវដាក់ប្តឹងឲ្យបានក្នុងរវាងប្រាំមួយខែគិតពីពេលដែលហេតុការណ៍ប្រព្រឹត្តរើសអើងបានកើតឡើង នៅមុនពេលធ្វើបណ្តឹងតាមច្បាប់ទាមទារការខូចខាតជាទឹកប្រាក់ពីរដ្ឋ ឬអង្គភាពរដ្ឋបាលមូលដ្ឋាន ។ សម្រាប់ព័ត៌មានបន្ថែមអំពីការទាមទារសំណងកំហុសស៊ីវិល មាននៅឯ http://www.disabilityrightsca.org/pubs/522901.htm សូមកត់ចំណាំថា វ៉ិបសៃត៍នេះ ភ្ជាប់ទៅកាន់បែបបទសម្រាប់ការទាមទារសំណងពីរដ្ឋ ឬពីភ្នាក់ងារ ឬនិយោជិករដ្ឋ ដែលអាចត្រូវចំពោះសំណុំរឿងរបស់អ្នក ។ តុលាការអាចមានបែបបទសម្រាប់ទាមទារសំណងកំហុសស៊ីវិលរបស់ខ្លួននៅក្នុងវ៉ិបសៃត៍ ។ បើអ្នកសម្រេចធ្វើការដាក់ពាក្យ បណ្តឹងវិវាទ អ្នកត្រូវពិគ្រោះយោបល់ជាមួយនឹងមេធាវី ឲ្យបានឆាប់ ។
យើងខ្ញុំចង់ស្តាប់យោបល់អ្នក! សូមជួយបំពេញសំណួរសម្រង់មតិខាងក្រោម ស្តីអំពីការបោះពុម្ពផ្សាយរបស់យើងខ្ញុំ ហើយប្រាប់ឲ្យយើងខ្ញុំបានដឹងពីគុណភាពការងាររបស់យើងខ្ញុំ! [ចូលរួមធ្វើការសម្រង់មតិ] សម្រាប់ជំនួយផ្នែកច្បាប់ សូមហៅទូរស័ព្ទមកលេខ 800-776-5746 ឬបំពេញបែបបទពាក្យសុំ ជំនួយ ។ សម្រាប់គោលបំណងផ្សេងៗទៀត សូមហៅទូរស័ព្ទមកលេខ 916-504-5800 (កាលីហ្វ័រនីញ៉ាប៉ែកខាងជើង) 213-213-8000 (កាលីហ្វ័រនីញ៉ាខាងត្បូង) ។
អង្គការ Disability Rights California បានទទួលមូលនិធិឧបត្ថម្ភពីប្រភពផ្តល់ជំនួយនានាមួយចំនួន ។ សម្រាប់បញ្ជីលម្អិតនៃអ្នកផ្តល់ជំនួយ សូមទស្សនាគេហទំព័រ http://www.disabilityrightsca.org ។