សិទ្ធិរបស់សិស្សក្នុងការទទួលបានការអប់រំពិសេសនៅក្នុងមន្ទីរឃុំឃាំងអនីតិជន

ការបោះពុម្ភផ្សាយនេះផ្តល់ព័ត៌មានអំពីសិទ្ធិយុវជនចំពោះការអប់រំពិសេសពេលកំពុងឃុំខ្លួនអនីតិជន។

សេចក្ដីផ្ដើមអំពីឯកសារបោះពុម្ពផ្សាយ

ឯកសារបោះពុម្ពផ្សាយនេះ ផ្ដល់ជាព័ត៌មានអំពីសិទ្ធិរបស់អ្នកដើម្បីទទួលបានការអប់រំពិសេសនៅពេលស្ថិតនៅក្នុងមន្ទីរឃុំឃាំងអនីតិជន។

នៅទីនេះ ពាក្យថា “កន្លែងឃុំឃាំងអនីតិជន” សំដៅលើអគារដាក់អនីតិជននៅខោនធី កន្លែងកែប្រែយុវជន និងជំរំយុវជន។ ពាក្យថា “សាលារៀនតុលាការ” សំដៅលើសាលារៀននៅក្នុងកន្លែងទាំងអស់នោះ។

ឯកសារបោះពុម្ពផ្សាយនេះ ផ្តល់នូវព័ត៌មានផ្លូវច្បាប់ទូទៅ។ ប្រសិនបើអ្នកមានសំណួរ ឬក្ដីកង្វល់ សូមទាក់ទង Disability Rights California (អង្គការសិទ្ធិជនពិការរដ្ឋកាលីហ្វ័រញ៉ា)។ ខ្សែទូរសព្ទហៅចូលរបស់ Disability Rights California (អង្គការសិទ្ធិជនពិការរដ្ឋកាលីហ្វ័រញ៉ា) មានផ្ដល់ជូននៅខាងចុងនៃឯកសារនេះ។

តើសិស្សមានសិទ្ធទទួលបានការអប់រំពិសេសនៅក្នុងមន្ទីរឃុំឃាំងអនីតិជនដែរឬទេ?

បាទ/ចា។ ស្ថិតក្រោមច្បាប់ស្តីពីការអប់រំសម្រាប់បុគ្គលដែលមានពិការភាព (IDEA) កុមារគ្រប់រូបដែលពិការភាព ដែលមានអាយុចាប់ពី 3 ទៅ 21 ឆ្នាំ គឺមានសិទ្ធិទទួលបានការអប់រំសាធារណៈដែលសមស្រប និងឥតគិតថ្លៃ នៅក្នុងមជ្ឈដ្ឋានដែលមានការរឹតបណ្តឹងតិចតួច រួមទាំងមន្ទីរឃុំឃាំងអនីតិជនផងដែរ។ [20 U.S.C. Sec. 1412(a)(1)].

មណ្ឌលគ្រប់គ្រងអនីតិជន និងយុវជន ត្រូវផ្ដល់ការអប់រំពិសេស និងសេវាកម្មពាក់ព័ន្ធ។ ការអប់រំ និងសេវាកម្ម ត្រូវបំពេញតាមតម្រូវការផ្ទាល់ខ្លួនរបស់សិស្ស។ សិស្សទាំងអស់ដែលមានពិការភាពនៅក្នុងប្រព័ន្ធកែប្រែអនីតិជន ត្រូវមានសិទ្ធទទួលបានការអប់រំពិសេស និងមានលក្ខណសម្បត្តិគ្រប់គ្រាន់ដើម្បីទទួលបានការការពារនៅក្រោមច្បាប់រដ្ឋ និងសហព័ន្ធ។

តើការអប់រំពិសេសខុសគ្នាយ៉ាងដូចម្តេចនៅក្នុងមន្ទីរឃុំឃាំងអនីតិជន?

ចំណុចខាងក្រោមនេះ គឺជាភាពខុសគ្នារវាងការអប់រំពិសេសនៅខាងក្នុងកន្លែងឃុំឃាំងអនីតិជន និងការអប់រំពិសេសនៅក្នុងសហគមន៍។ ការត្រៀមរៀបចំដើម្បីដោះស្រាយពីភាពខុសគ្នាទាំងអស់នេះ អាចជួយដើម្បីធានាថាអ្នក ឬកូនរបស់អ្នក ទទួលបានការអប់រំដែលពួកគេត្រូវការនៅក្នុងមន្ទីរឃុំឃាំងអនីតិជន។

ការពន្យារពេលនៅក្នុងការផ្ទេរកំណត់ត្រា អាចពន្យារពេលក្នុងការអនុវត្ត IEP ឬលក្ខខណ្ឌនៃការអប់រំពិសេស។

ការផ្ទេរកំណត់ត្រាអប់រំ ពេលខ្លះអាចពន្យារពេលការអនុវត្តកម្មវិធី IEP របស់សិស្សនៅក្នុងសាលារៀនតុលាការអនីតិជន។

គ្រួសារអាចត្រៀមសម្រាប់លទ្ធភាពនេះ ដោយទទួលបានកំណត់ត្រារបស់សិស្ស។ ទាំងច្បាប់រដ្ឋ និងច្បាប់សហព័ន្ធ ផ្តល់ជូនដល់ឪពុកម្ដាយនូវសិទ្ធិក្នុងការស៊ើបអង្កេត និងការត្រួតពិនិត្យកំណត់ត្រាអប់រំ។ [34 C.F.R. Sec. 300.613; Cal. Ed. Code Sec. 56504]. ស្ថិតក្រោមច្បាប់រដ្ឋ មណ្ឌលសិក្សាធិការ ត្រូវតម្រូវឲ្យការពារកំណត់ត្រាសិស្សនៅក្នុងរយៈពេលប្រាំថ្ងៃតាមសំណើសុំដោយផ្ទាល់មាត់ ឬជាលាយលក្ខណ៍អក្សរ។ [Cal. Ed. Code Sec. 56504.] វាគឺជារឿងល្អបំផុតដែលត្រូវធ្វើការស្នើសុំជាលាយលក្ខណ៍អក្សរ ដើម្បីតាមដាន ដើម្បីធានាថាមណ្ឌលសិក្សាធិការអនុវត្តតាមកាលកំណត់រយៈពេលប្រាំថ្ងៃ។

មានលក្ខខណ្ឌតម្រូវជាក់លាក់សម្រាប់ការផ្ទេរកំណត់ត្រានៅពេលសិស្សផ្លាស់ប្ដូរមណ្ឌលសិក្សាធិការ ដោយសារពួកគេនឹងត្រូវចូលទៅក្នុងមន្ទីរឃុំឃាំងអនីតិជន៖

72 ម៉ោង នៅពេលសិស្សដែលមានកម្មវិធី IEP ត្រូវបានដោះលែងចេញពីអគារឃុំឃាំងអនីតិជន។ [Cal. Ed. Code Sec. 48647(c)(1)]
2 ថ្ងៃធ្វើការ សម្រាប់យុវជនរើសមកចិញ្ចឹម។ [Cal. Ed. Code Sec. 49069.5(d)]
5 ថ្ងៃ សម្រាប់ការផ្ទេរទាំងអស់។ [Cal. Ed. Code Sec. 56043(o)]

ការស្នើសុំកំណត់ត្រារបស់កូនអ្នក អាចជួយផ្ដល់ជូនដល់សាលារៀននូវកំណត់ត្រាកន្លែងឃុំឃាំងអនីតិជនដោយគ្មានការពន្យារពេល។

សិស្សម្នាក់ដែលគ្មាន IEP អាចចូល និងចាកចេញពីកន្លែងណាមួយ នៅមុនពេលបញ្ចប់ការវាយតម្លៃបាន។

សិស្សនៅក្នុងកន្លែងឃុំឃាំងអនីតិជន តែងតែមានការកាត់ទោសរយៈពេលខ្លី ឬស្ថិតនៅក្នុងអគារដែលរង់ចាំការវិនិច្ឆ័យទោស ឬរហូតដល់សំណុំរឿងតុលាការរបស់ពួកគេ ត្រូវបានកាត់ក្ដី។ នៅក្នុងករណីនៃការស្នាក់នៅរយៈពេល ខ្លីនេះ សាលារៀននៅតុលាការ អាចចាប់ផ្ដើមដំណើរការផែនការវាយតម្លៃការអប់រំពិសេស ប៉ុន្តែមិនអាចធ្វើវាបាន នៅមុនពេលសិស្សត្រូវដោះលែងឲ្យចូលទៅក្នុងសហគមន៍វិញទេ។

ច្បាប់ IDEA តម្រូវថា ការវាយតម្លៃកុមារដែលមានពិការភាពដែលផ្ទេរពីទីភ្នាក់ងារសាធារណៈមួយទៅទីភ្នាក់ងារមួយទៀតនៅក្នុងឆ្នាំសិក្សាដូចគ្នា គឺស្របគ្នាជាមួយនឹងសាលារៀនមុន ហើយការផ្ទេរក្រោយៗទៀតរបស់កុមារ គឺទៅតាមការចាំបាច់ និងឲ្យបានឆាប់រហ័សតាមដែលអាចធ្វើទៅបាន។ [20 U.S.C. Sec. 1414(b)(3)(D); 34 C.F.R. Sec. 300.304(c)(5)].

ប្រសិនបើកូនរបស់អ្នក នឹងត្រូវចាកចេញពីកន្លែងមួយនៅមុនពេលការវាយតម្លៃរបស់ពួកគេត្រូវបានបញ្ចប់ វាអាចមានប្រយោជន៍ដើម្បីទាក់ទងបុគ្គលិកនៅក្នុងកន្លែងនោះ ឬដើម្បីបើកកិច្ចប្រជុំ IEP ដើម្បីធ្វើការពិភាក្សាថាតើការវាយតម្លៃនោះ នឹងត្រូវបញ្ចប់ដោយបែបណា។

មន្ទីរឃុំឃាំងអនីតិជន អាចមានទំហំតូច បុគ្គលិកតិចតួច ឬមានធនធានដទៃទៀត ដែលរារាំងពួកគេឲ្យផ្ដល់ការអប់រំពិសេស ឬការផ្ដល់សេវាកម្មដែលពាក់ព័ន្ធ។

ក្រៅពីបញ្ហាទំហំ បុគ្គលិក ឬមូលនិធិ សាលារៀននៅក្នុងកន្លែងឃុំឃាំងអនីតិជន ត្រូវតម្រូវឲ្យផ្ដល់ការអប់រំពិសេស និងដើម្បីផ្តល់សេវាដែលពាក់ព័ន្ធ ស្របគ្នាទៅនឹងផែនការ IEP របស់សិស្ស។ [20 U.S.C. Sec. 1412(a)(1)]. ដូចគ្នានេះដែរ សាលារៀននៅក្នុងមន្ទីរឃុំឃាំងយុវជន ត្រូវផ្ដល់ការអប់រំនៅក្នុងមជ្ឈដ្ឋានដែលមានការរឹតបណ្តឹងតិចតួច ដែលមានន័យថា សិស្សដែលមានពិការភាពត្រូវចូលរួមក្នុងការអប់រំជាមួយសិស្សដែលគ្មានពិការភាពទៅតាមវិសាលភាពអតិបរមាដែលសមស្រប។ [20 U.S.C. Sec. 1412(a)(5)(A)].

ប្រសិនបើសាលារៀនតុលាការអនីតិជន មិនបានផ្ដល់ដល់កូនរបស់អ្នកនូវការអប់រំសាធារណៈដែលសមស្រប និងឥតគិតថ្លៃនៅក្នុងមជ្ឈដ្ឋានដែលមានការរឹត បណ្តឹងតិចតួច អ្នកមានសិទ្ធិដាក់បណ្តឹងសម្រាប់ដំណើរការសវនាការត្រឹមត្រូវតាមច្បាប់បាន ឬបណ្តឹងនៃការមិនអនុវត្តតាមច្បាប់ជាមួយនឹងនាយកដ្ឋានអប់រំនៃរដ្ឋកាលីហ្វ័រញ៉ា។ ដូចសាលារៀនជិតខាងដែរ សាលារៀនតុលាការអនីតិជន ត្រូវផ្ដល់ការជូនដំណឹងអំពីសិទ្ធជាឪពុក/ម្ដាយ ដែលរួមបញ្ចូលនូវការរៀបរាប់អំពីដំណើរការត្រឹមត្រូវតាមច្បាប់ និងបណ្តឹងនៃការមិនអនុវត្តតាមច្បាប់។

តើសិស្សម្នាក់អាចទទួលការវាយតម្លៃសម្រាប់ការអប់រំពិសេសនៅក្នុង មន្ទីរឃុំឃាំងអនីតិជនបានដែរឬទេ?

បាទ/ចាស។ ដូចសាលារៀនរដ្ឋដទៃទៀតដែរ សាលារៀនតុលាការអនីតិជន ត្រូវតម្រូវឲ្យផ្ដល់អត្តសញ្ញាណ កំណត់ទីតាំង និងធ្វើការវាយតម្លៃកុមារទាំងអស់ដែលមានពិការភាព ដែលត្រូវការការអប់រំពិសេស និងសេវាកម្មដែលពាក់ព័ន្ធ។ [20 U.S.C. Sec. 1412(a)(3)(A); 34 C.F.R. Sec. 300.111].

ប្រសិនបើកូនរបស់អ្នកស្ថិតនៅក្នុងមន្ទីរឃុំឃាំងអនីតិជន និងមិនបានទទួលការវាយតម្លៃ អ្នកអាចស្នើសុំការវាយតម្លៃមួយ។ អ្នកគប្បីធ្វើការស្នើសុំជាលាយលក្ខណ៍អក្សរ រួមបញ្ចូលនូវកាលបរិច្ឆេទនៃសំណើសុំនោះ និងបញ្ជាក់ពីប្រភេទនៃការវាយ តម្លៃដែលអ្នកចង់ឲ្យកូនរបស់អ្នកទទួលបាន។ សំណើសុំនេះ ហៅថា “សំណើសុំបញ្ជូនបន្ត”។ [Cal. Ed. Code Sec. 56029]. ស្ថិតក្រោមបទបញ្ញត្តិរដ្ឋកាលីហ្វ័រញ៉ា គ្រប់សំណើសុំបញ្ជូនបន្តជាលាយលក្ខណ៍ទាំងអស់ នឹងត្រូវចាប់ផ្ដើមដំណើរការ នៃការវាយតម្លៃ។ [5 C.C.R. Sec. 3021].

ក្នុងកាលៈទេសៈភាគច្រើន នៅពេលអ្នកបានធ្វើការស្នើសុំការវាយតម្លៃរួចហើយ សាលារៀនតុលាការអនីតិជន ត្រូវផ្ដល់ដល់អ្នកនូវផែនការវាយតម្លៃក្នុងរយៈពេល 15 ថ្ងៃ។ ប្រសិនបើអ្នកផ្ដល់សំណើសុំបញ្ជូនបន្តក្នុងរយៈពេល 10 ថ្ងៃ នៅដំណាច់ឆ្នាំសិក្សាធម្មតា នោះផែនការវាយតម្លៃនេះ អាចត្រូវតែផ្ដល់ជូនក្នុងរយៈពេល 10 ថ្ងៃ បន្ទាប់ពីការចាប់ផ្តើមឆ្នាំសិក្សាបន្ទាប់។ [Cal. Ed. Code Sec. 56321(a)].

នៅពេលដែលអ្នកទទួលបានផែនការវាយតម្លៃ អ្នកមានពេលយ៉ាងតិច 15 ថ្ងៃ ដើម្បីឆ្លើយតប ឬឯកភាពទៅនឹងផែនការវាយតម្លៃនេះ។ [Cal Ed. Code Sec. 56321(c)(4)]. នៅពេលអ្នកបានចុះហត្ថលេខា និងបានប្រគល់ផែនការវាយតម្លៃរួចហើយ សាលារៀនតុលាការអនីតិជន មានពេល 60 ថ្ងៃ ដើម្បីធ្វើការវាយតម្លៃ និងបើកកិច្ចប្រជុំ IEP ដើម្បីកំណត់សិទ្ធិទទួលបានដើម្បីបង្កើតឯកសារ IEP ប្រសិនបើសិស្សមានសិទ្ធិទទួលបាន។ [Cal Ed. Code Sec. 56344(a)].

តើផែនការ IEP របស់សិស្ស នឹងត្រូវអនុវត្តនៅក្នុងមន្ទីរឃុំឃាំងអនីតិជនដែរឬទេ?

បាទ/ចាស។ សាលារៀនតុលាការអនីតិជន ត្រូវផ្ដល់ការអប់រំពិសេស និងសេវាកម្មពាក់ព័ន្ធ។ ចាំបាច់ត្រូវធ្វើបច្ចុប្បន្នភាពផែនការ IEP របស់សិស្សឲ្យបានសមស្របផងដែរ។ សាលារៀនតុលាការអនីតិជន ដូចសាលារៀនជិតខាងដែរ ក៏ត្រូវតម្រូវឲ្យផ្ដល់របាយការណ៍វឌ្ឍនភាពស្ដីពីគោលដៅ IEP ជូនដល់ឪពុកម្ដាយ នៅពេលសិស្សស្ថិតក្នុងមន្ទីរឃុំឃាំងអនីតិជន។

តើសិស្សនឹងនៅតែទទួលបានសេវាកម្មពាក់ព័ន្ធ ដូចជា ការព្យបាលសម្ដីនិងភាសា ការប្រឹក្សាយោបល់ ឬការព្យាបាលសម្បទាការងារនៅក្នុងមន្ទីរឃុំឃាំងអនីតិជនដែរឬទេ?

បាទ/ចាស។ សិស្សដែលមានពិការភាពនៅក្នុងមន្ទីរឃុំឃាំងអនីតិជន មានសិទ្ធិទទួលបានសេវាដែលពាក់ព័ន្ធ។ សេវាកម្មពាក់ព័ន្ធ ត្រូវបានរៀបចំដើម្បីធានាថា ពួកគេមានអត្ថប្រយោជន៍ពីកម្មវិធីអប់រំរបស់ពួកគេ។

ប្រសិនបើសិស្សម្នាក់មានសេវា IEP រួចហើយ នៅពេលចូលទៅក្នុងមន្ទីរឃុំឃាំងអនីតិជន អគារនេះត្រូវផ្ដល់សេវាកម្មដែលសមស្របដល់អ្នក ដែលមានរៀបរាប់នៅក្នុងផែនការ IEP របស់សិស្ស រហូតដល់សាលារៀនតុលាការអនីតិជន ជ្រើសរើសផែនការ IEP ពីមុន ឬបង្កើតផែនការ IEP ថ្មី សម្រាប់សិស្សរូបនោះ។ [34 C.F.R. Sec. 300.323; Cal. Ed. Code Sec. 56325(a)(1)].

តើកិច្ចប្រជុំ IEP នឹងត្រូវធ្វើឡើងនៅក្នុងមន្ទីរឃុំឃាំងអនីតិជនមែនទេ? តើឪពុកម្ដាយ ឬអ្នកតស៊ូមតិអាចចូលរួមក្នុងកិច្ចប្រជុំទាំងនោះបានទេ?

នៅពេលដែលដាក់ក្នុងមន្ទីរឃុំឃាំងអនីតិជន សាលារៀនត្រូវតែរៀបចំផ្ទេរកិច្ចប្រជុំ IEP ក្នុងរយៈពេល 30 ថ្ងៃ។ [34 C.F.R. Sec. 300.323; Cal. Ed. Code Sec. 56325(a)(1)].

កិច្ចប្រជុំ IEP ក៏អាចត្រូវកោះហៅ ទៅតាមការចាំបាច់ពីខាងឪពុកម្ដាយដែរ។ សាលារៀនត្រូវរៀបចំកិច្ចការប្រជុំ IEP ក្នុងរយៈពេល 30 ថ្ងៃបន្ទាប់ការស្នើសុំ។ [Cal. Ed. Code Sec. 56043(l), Cal. Ed. Code Sec. 56343.5]. ជាការល្អបំផុតត្រូវធ្វើការស្នើសុំជាលាយលក្ខណ៍អក្សរ ដើម្បីឲ្យអ្នកអាចតាមដានពេលវេលាបានក្នុងរយៈពេល 30 ថ្ងៃ។

ឪពុកម្ដាយ គឺនៅតែត្រូវការសមាជិកនៃគម្រោង IEP និងមានសិទ្ធិទាំងអស់ស្ថិតក្រោមច្បាប់ IDEA នៅពេលសិស្សស្ថិតនៅក្នុងមន្ទីរឃុំឃាំងអនីតិជន លើកលែងតែតុលាការបានកំណត់សិទ្ធិរបស់ពួកគេ ឬសិស្សនោះឈានចូលដល់អាយុ 18 ឆ្នាំ។ [34 C.F.R. Sec. 300.322]. ឪពុកម្ដាយ ត្រូវតែអនុញ្ញាតឲ្យចូលរួមក្នុងកិច្ចប្រជុំ IEP។

ប្រសិនបើឪពុកម្ដាយមិនអាចចូលរួមនៅក្នុងកិច្ចប្រជុំនេះ តុលាការអនីតិជន ត្រូវតែនៅបន្តសាកល្បង ដើម្បីធានានូវការចូលរួមរបស់ឪពុកម្ដាយ រួមទាំងការចូលរួមតាមទូរសព្ទផងដែរ។ [34 C.F.R. Sec. 300.322(c); 34 C.F.R. Sec. 300.328]. សាលារៀនតុលាការអនីតិជន ត្រូវតែធានាថា ឪពុកម្ដាយយល់ដឹងពីនីតិវិធីកិច្ចប្រជុំ IEP—នេះរួមបញ្ចូលទាំងការរៀបចំអ្នកបកប្រែសម្រាប់ឪពុកម្ដាយដែលមានបញ្ហាគថ្លង់ ឬអ្នកដែលនិយាយភាសាផ្សេងក្រៅពីភាសាអង់គ្លេស។ [34 C.F.R. Sec. 300.322(e))].

ឪពុកម្ដាយ ក៏ត្រូវអនុញ្ញាតឲ្យនាំមេធាវីចូលរួមក្នុងកិច្ចប្រជុំ IEP ផងដែរ។ [34 C.F.R. Sec. 300.321(a); 34 C.F.R. Sec. 300.322(a)]. មនុស្សដទៃទៀត រួមទាំងអ្នកតស៊ូមតិ ក៏អាចចូលរួមក្នុងកិច្ចប្រជុំ IEP បានផងដែរ ទៅតាមឆន្ទានុសិទ្ធិរបស់ឪពុកម្ដាយ ឬសាលារៀន ប្រសិនបើបុគ្គលទាំងនោះមានចំណេះដឹង និងឯកទេសពិសេស ពាក់ព័ន្ធនឹងសិស្ស។ [34 C.F.R. Sec. 300.321(a)(6)]. ការកំណត់ចំណេះដឹង ឬឯកទេសពិសេសនៃបុគ្គលទាំងអស់នោះ ត្រូវធ្វើឡើងដោយបុគ្គលដែលបានអញ្ជើញ បុគ្គលទាំងនោះឲ្យធ្វើជាសមាជិកនៃក្រុម IEP។ [34 C.F.R. Sec. 300.321(c)].

សិស្សដែលមានពិការភាពនៅក្នុងមន្ទីរឃុំឃាំងយុវជន ក៏គួរតែត្រូវចូលរួមជាសមាជិកក្រុម IEP ផងដែរ។ [34 C.F.R. Sec. 300.321(a)(7)]. ការចូលរួមរបស់សិស្ស អាចជួយយ៉ាងសំខាន់ដល់ក្រុម IEP នៅក្នុងការកំណត់តម្រូវការរបស់សិស្ស។

តើសិស្សម្នាក់អាចទទួលការវាយតម្លៃជាថ្មីនៅពេលស្ថិតក្នុងមន្ទីរឃុំឃាំងអនីតិជនបានដែរឬទេ?

បាទ/ចាស មន្ទីរឃុំឃាំងអនីតិជន ត្រូវធ្វើការវាយតម្លៃយុវជនដែលមានពិការភាពសម្រាប់ការអប់រំពិសេស។ [20 U.S.C. Sec. 1412(a)(3)(A); 34 C.F.R. Sec. 300.111]. នីតិវិធីដូចគ្នាដែលបានរៀបរាប់ខាងលើនៅក្នុងផ្នែក 4 ត្រូវយកមកអនុវត្ត។

បើទោះបីជាសិស្សម្នាក់គ្រាន់តែស្ថិតក្នុងមន្ទីរឃុំឃាំងអនីតិជនក្នុងរយៈពេលខ្លីក្ដី ក៏មណ្ឌលត្រូវតែចាប់ផ្ដើមដំណើរការនៃការវាយតម្លៃនេះដែរ។ មណ្ឌលត្រូវសម្របសម្រួលជាមួយមណ្ឌលសិក្សាធិការ ដែលសិស្សនឹងត្រូវចូលរៀននៅពេលចាកចេញពីមន្ទីរឃុំឃាំងអនីតិជន ដើម្បីធានានូវការបញ្ចប់ការវាយតម្លៃ។ [34 C.F.R. Sec. 300.304(c)(5)]. ក៏ប៉ុន្តែ សូមកត់សម្គាល់ថា ពេលវេលាសម្រាប់ការបញ្ចប់ការវាយតម្លៃនេះ គឺមិនសូវច្បាស់ទេ៖ ការវាយតម្លៃនេះ ត្រូវបញ្ចប់ “ឲ្យបានឆាប់តាមដែលអាចធ្វើទៅបាន”។ [34 C.F.R. Sec. 300.304(c)(5)]. ជាទូទៅ ការវាយតម្លៃត្រូវបញ្ចប់ក្នុងរយៈពេល 60 ថ្ងៃ បន្ទាប់ពីទទួលបានការយល់ព្រមពីឪពុកម្ដាយសម្រាប់ការវាយតម្លៃនេះ។ [34 C.F.R. Sec. 300.301(c)]. តារាងពេលវេលានេះ ពុំអនុវត្តនោះទេ ប្រសិនបើសិស្សនោះផ្ទេរមណ្ឌលសិក្សាធិការនៅពាក់កណ្ដាលការវាយតម្លៃ។ [34 C.F.R. Sec. 300.301(d)(2 ក៏ប៉ុន្តែ មណ្ឌលសិក្សាធិការដែលសិស្សផ្ទេរទៅនោះ ត្រូវធ្វើ “ការខិតខំឲ្យបានគ្រប់គ្រាន់ដើម្បីធានានូវការបញ្ចប់តាមពេលវេលានៃការវាយតម្លៃ” និងត្រូវធ្វើការរៀបចំជាមួយឪពុកម្ដាយតាម “ពេលវេលាជាក់លាក់នៅពេលការវាយតម្លៃនោះនឹងត្រូវបញ្ចប់”។ [34 C.F.R. Sec. 300.301(e)].

តើការអប់រំពិសេសរបស់សិស្សនឹងត្រូវប៉ះពាល់ដោយសារការចូលទៅក្នុងសហគមន៍ជាថ្មីដែរឬទេ?

ផែនការនៃការចូលក្នុងសហគមន៍ជាថ្មី គួរចាប់ផ្ដើមនៅពេលដែលសិស្សចូលក្នុងមន្ទីរឃុំឃាំងអនីតិជន។ ការធ្វើផែនការបែបនេះ គឺសំខាន់ដើម្បីធានាថា មនុស្សវ័យក្មេងអាចចាប់ផ្ដើមសាលារៀនភ្លាមៗ នៅពេលចាកចេញពីមន្ទីរឃុំឃាំងអនីតិជន ដែលមានការគាំទ្រ និងសេវាសមស្របនៅនឹងកន្លែង។ នៅក្នុងរដ្ឋកាលីហ្វ័រញ៉ា យុវជននៅក្នុងមន្ទីរឃុំឃាំងអនីតិជន ត្រូវមានផែនការរៀនសូត្រសម្រាប់ការចូលក្នុងសហគមន៍ជាថ្មី នៅពេលដែលពួកគេបានស្ថិតនៅក្នុងថ្ងៃសិក្សា 20 ថ្ងៃជាប់គ្នា។ [Cal. Ed. Code Sec. 48647(f)].

យុវជនមិនគួរជួបប្រទះនូវការរារាំងពីការចុះឈ្មោះជាថ្មីនោះទេ។ គ្រប់យុវជនទាំងអស់ មានសិទិ្ធចុះឈ្មោះសាជាថ្មីភ្លាមៗនៅក្នុងសាលារៀនក្នុងសង្កាត់របស់ពួកគេ នៅពេលដែលពួកគេត្រូវបានដោះលែងពីមន្ទីរឃុំឃាំងអនីតិជន។ សាលារៀន មិនអាចបដិសេធការចុះឈ្មោះសិស្សដែលត្រូវបានដោះលែងពីមន្ទីរឃុំឃាំងដោយសារខ្វះឯកសារ ដូចជាឯកសារចាក់ថ្នាំបង្ការ ឬព្រឹត្តិបត្រពិន្ទុឡើយ។ [Cal. Ed. Code Sec. 48853.5(f)(8)(B)]. សាលារៀន ក៏មិនអាចបដិសេធការចុះឈ្មោះផ្អែកតាមការពាក់ព័ន្ធរបស់សិស្សទៅនឹងតុលាការអនីតិជនដែរ។ [Cal. Ed. Code Sec. 48645.5(b)].

យុវជនមានសិទ្ធិចុះឈ្មោះជាថ្មីនៅក្នុងសាលារៀនដូចគ្នាដែលពួកគេបានចូលរៀន នៅមុនពេលការឃុំខ្លួន ឬហៅថា “សាលារៀនដើម” លើកលែងតែពួកគេត្រូវបានបណ្ដេញចេញពីសាលារៀន ឬកំពុងប្រឈមនឹងបណ្ដេញចោល។ [Cal. Ed. Code Sec. 48853.5(f)(1)]. ប្រសិនបើមណ្ឌលសិក្សាធិការបដិសេធសិទ្ធិនេះ អ្នកអាចដាក់បណ្ដឹងនីតិវិធីពាក្យបណ្ដឹងឯកសណ្ឋានភាព (UCP) ជាមួយមណ្ឌលសិក្សាធិការ។ អ្នកក៏អាចដាក់ពាក្យបណ្ដឹង UCP ដោយផ្ទាល់ជាមួយនាយកដ្ឋានអប់រំនៃរដ្ឋកាលីហ្វ័រញ៉ា ស្ថិតក្រោមកាលៈទេសខ្លះ ដូចជាពេលមានគ្រោះថ្នាក់នៃការសងសឹកជាដើម។ [5 C.C.R. Sec. 4650(a)].

យុវជនដែលត្រូវបានដាក់ឃុំឃាំង ក៏អាចមានសិទ្ធិភ្ជាប់ទំនាក់ទំនងជាមួយ “ផ្នែកទំនាក់ទំនងការអប់រំ” របស់មណ្ឌលសិក្សាធិការ បុគ្គលដែលជាបុគ្គលិក ដែលមានការងារជាអ្នកជួយដល់សិស្សដូចជាការចុះឈ្មោះជាថ្មីជាដើម។ [Cal. Ed. Code Sec. 48852.5(c)]. ជាទូទៅ អ្នកអាចស្វែងរកព័ត៌មានអំពីផ្នែកទំនាក់ទំនងការអប់រំរបស់មណ្ឌលសិក្សាធិការ រួមទាំងព័ត៌មានទំនាក់ទំនងរបស់ពួកគេ នៅលើគេហទំព័រមណ្ឌលសិក្សាធិការផងដែរ។

តើសិស្សនៅក្នុងមន្ទីរឃុំឃាំងអនីតិជន នៅតែមានសិទ្ធិទទួលបានការធ្វើផែនការផ្ទេរការសិក្សាដែរឬទេ?

បាទ/ចាស ស្ថិតក្រោមច្បាប់ IDEA ផែនការផ្ទេរការសិក្សាត្រូវតែមាននៅក្នុងកិច្ចប្រជុំ IEP ដំបូងរបស់គេ ដែលធ្វើឡើងនៅក្រោយពេលដែលសិស្សចូលដល់វ័យ 16 ឆ្នាំ ឬមុននេះ ប្រសិនបើសមស្របសម្រាប់សិស្ស។ [20 U.S.C. Sec. 1414 (d)(1)(A)(i)(VII); 34 C.F.R. Sec. 300.320(b)]. ផែនការផ្ទេរការសិក្សា រួមបញ្ចូល នូវការកំណត់គោលដៅរបស់សិស្សនៅពេលបញ្ចប់វិទ្យាល័យ រួមបញ្ចូលទាំងការអប់រំ និងគោលដៅការងារផងដែរ។ [34 C.F.R. Sec. 300.43]. សេវាផ្ទេរការសិក្សានេះ អាចរួមបញ្ចូលនូវការបណ្ដុះបណ្ដាលការងារតាមរយៈអង្គការដែលអនុវត្តសាលក្រមលើអនីតិជនដែលពាក់ព័ន្ធនឹងយុវជន។ សូមចងចាំថា សេវាផ្ទេរការសិក្សានេះ ត្រូវតែធ្វើឡើងជាលក្ខណៈបុគ្គលសម្រាប់សិស្សម្នាក់ៗ ផ្អែកតាមគោលដៅរបស់សិស្សរូបនោះ។ អ្នកអាចរួមបញ្ចូលនូវគោលដៅ និងសេវាកម្មដែលពាក់ព័ន្ធនឹងការចូលក្នុងសហគមន៍ជាថ្មី ជាផ្នែកមួយនៃការធ្វើផែនការផ្ទេរការសិក្សានៅក្នុងគម្រោង IEP របស់សិស្ស។

ធនធាន

សម្រាប់ព័ត៌មានបន្ថែមស្ដីពីការអប់រំពិសេស សូមមើលសិទ្ធិទទួលបានការអប់រំពិសេសរបស់ Disability Rights California និងសៀវភៅណែនាំអំពីទំនួលខុសត្រូវនានា៖ https://serr.disabilityrightsca.org/. 

សម្រាប់ព័ត៌មានបន្ថែមស្ដីពីការធ្វើផែនការផ្ទេរការសិក្សា និងសេវាកម្ម សូមមើលឯកសារបោះពុម្ពផ្សាយរបស់ Disability Rights California សេវាកម្មផ្ទេរការសិក្សាសម្រាប់សិស្ស៖ https://www.disabilityrightsca.org/publications/transition-services-for….

ប្រសិនបើអ្នកមានសំណួរ អ្នកអាចទាក់ទងទៅខ្សែទូរសព្ទហៅចូលរបស់ Disability Rights California តាមរយៈលេខ 1-800-766-5746 បើកចាប់ពីថ្ងៃចន្ទដល់ថ្ងៃសុក្រ ម៉ោង 9:00 ព្រឹក – 4:00 រសៀល។

ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។

Click links below for a downloadable version.

សិទ្ធិរបស់សិស្សក្នុងការទទួលបានការអប់រំពិសេសនៅក្នុងមន្ទីរឃុំឃាំងអនីតិជន

សិទ្ធិរបស់សិស្សក្នុងការទទួលបានការអប់រំពិសេសនៅក្នុងមន្ទីរឃុំឃាំងអនីតិជន

សេចក្ដី​ផ្ដើម​អំពី​ឯកសារ​​បោះ​ពុម្ព​ផ្សាយ​

តើ​សិស្ស​មាន​សិទ្ធ​​​ទទួល​បាន​ការ​អប់រំ​ពិសេស​នៅ​ក្នុង​​​មន្ទីរ​ឃុំ​ឃាំងអនីតិជ​​ន​​​ដែរ​ឬ​ទេ​?​

តើ​ការ​អប់រំ​ពិសេស​​​​ខុស​គ្នា​​យ៉ាង​ដូចម្តេ​ច​នៅ​ក្នុង​មន្ទីរ​ឃុំ​ឃាំង​​អនីតិជន​?

​តើ​​ផែន​ការ​ IEP របស់​សិស្ស​ នឹង​ត្រូវ​អនុវត្ត​​នៅ​ក្នុង​មន្ទីរ​ឃុំ​ឃាំង​អនីតិជ​ន​ដែរ​ឬ​ទេ​?​

ធនធាន​​

សេចក្ដីផ្ដើមអំពីឯកសារបោះពុម្ពផ្សាយ

តើសិស្សមានសិទ្ធទទួលបានការអប់រំពិសេសនៅក្នុងមន្ទីរឃុំឃាំងអនីតិជនដែរឬទេ?

តើការអប់រំពិសេសខុសគ្នាយ៉ាងដូចម្តេចនៅក្នុងមន្ទីរឃុំឃាំងអនីតិជន?

តើផែនការ IEP របស់សិស្ស នឹងត្រូវអនុវត្តនៅក្នុងមន្ទីរឃុំឃាំងអនីតិជនដែរឬទេ?

ធនធាន