ច្បាប់ Lanterman៖

នៅរដ្ឋ California ជនដែលមានពិការភាពផ្នែកលូតលាស់មានសិទ្ធិ ទទួលបាន សេវាកម្មដែលជួយពួកគេក្លាយជាផ្នែកមួយនៃសហគមន៍របស់ពួកគេ។ ច្បាប់នេះចែងថា អ្នកដែលប្រើប្រាស់មជ្ឈមណ្ឌលប្រចាំតំបន់មានសិទ្ធិធ្វើ ការ ស ម្រេចចិត្តអំពីសេវាកម្ម និងការគាំទ្រដែលពួកគេត្រូវការ ដូចជា៖

• កន្លែងដែលរស់នៅ
• អ្នកណាដែលរស់នៅជាមួយ
• កន្លែងដែលធ្វើការ ឬទៅសាលារៀន
• អ្នកណាត្រូវរាប់អានជាមិត្តភក្តិ
• អ្វីដែលត្រូវធ្វើសម្រាប់ការកម្សាន្ត
• អ្វីដែលត្រូវធ្វើនៅពេលអនាគត
• តើសេវាកម្ម និងការគាំទ្រអ្វីខ្លះដែលអ្នកចង់បាន និងត្រូវការ
• សូមមើលផងដែរនូវសិទ្ធិក្រោមការបោះពុម្ពផ្សាយច្បាប់ Lanterman

តើផែនការកម្មវិធីលក្ខណៈបុគ្គល (IPP) ជាអ្វី?

IPP គឺជាផែនការសកម្មភាពដែលនិយាយអំពីជំនួយដែលអ្នកត្រូវការ ដើម្បីរស់ នៅតាមរបៀបដែលអ្នកចង់បាន។

IPP កំណត់គោលដៅ សេវាកម្ម និងការគាំទ្ររបស់អ្នក ដូច្នេះអ្នកអាចកាន់ តែ មានភាពឯករាជ្យម្ចាស់ការ និងចូលរួមនៅក្នុងសហគមន៍។

IPP គឺជាកិច្ចព្រមព្រៀង និងកិច្ចសន្យាជាលាយលក្ខណ៍អក្សររវាងអ្នក និង ម ជ្ឈ មណ្ឌលប្រចាំតំបន់។ វាត្រូវបានសរសេរតាមរបៀបដែលអ្នកអាចយល់បាន។

ពេលវេលាកំណត់សម្រាប់ IPP

ច្បាប់ចែងថា ជនទាំងឡាយត្រូវតែមានកិច្ចប្រជុំ IPP យ៉ាងហោចណាស់ ម្តង រៀង រាល់ 3 ឆ្នាំម្តង។ ជនខ្លះធ្វើផែនការ IPP ជារៀងរាល់ឆ្នាំ។ អ្នក អាច ស្នើសុំ កិច្ចប្រជុំ IPP បាន គ្រប់ពេលវេលា ទាំង អស់ ។ ហៅទូរសព្ទទៅអ្នកសម្របសម្រួលសេវាកម្មមជ្ឈមណ្ឌលប្រចាំតំបន់របស់អ្នក ដើ ម្បីកំណត់ពេលប្រជុំ IPP។

បន្ទាប់ពីអ្នកស្នើសុំកិច្ចប្រជុំ IPP កិច្ចប្រជុំនេះត្រូវតែធ្វើឡើងក្នុងរយៈពេល 30 ថ្ងៃ។

ហេតុអ្វីបានជាកិច្ចប្រជុំ IPP របស់អ្នកមានសារៈសំខាន់

កិច្ចប្រជុំ IPP របស់អ្នកគឺជាពេលតែមួយគត់ដែលផែនការ IPP របស់អ្នក អាច ត្រូវបានពិភាក្សា និងសរសេរជាផ្លូវការ។ ប្រសិនបើមជ្ឈមណ្ឌលប្រចាំតំបន់របស់អ្នកទូរសព្ទមកអ្នកអំពីការផ្លាស់ប្តូរសេវាកម្មរបស់អ្នក សូមប្រាប់ពួកគេថា អ្នកចង់និយាយអំពីវានៅក្នុងកិច្ចប្រជុំ IPP។

សិទ្ធិរបស់អ្នកនៅក្នុងកិច្ចប្រជុំ IPP

• អ្នកមានសិទ្ធិទទួលបានផែនការ IPP ជាលាយលក្ខណ៍អក្សរដែលរាយគោលដៅ អនាគតរបស់អ្នក និងសេវាកម្មអ្វីខ្លះដែលអ្នកចង់បាន និងត្រូវការ។
• អ្នកមានសិទ្ធិទទួលបានសេវាកម្មដែលជាផ្នែកមួយនៃសហគមន៍របស់អ្នក - មិ ន ត្រឹមតែនៅក្នុងកន្លែង ឬក្រុមសម្រាប់ជនមានពិការភាពប៉ុណ្ណោះទេ។
• អ្នកមានសិទ្ធិក្នុងការជួយដាក់បញ្ចូលផែនការ IPP របស់អ្នក។
• អ្នកមានសិទ្ធិមិនយល់ស្របនឹងការផ្លាស់ប្តូរសេវាកម្មណាមួយនៅលើផែនការ IPP របស់អ្នក បើទោះបីជាកិច្ចប្រជុំមិនត្រូវបានធ្វើឡើងជាមួយអ្នកក៏ដោយ។
• អ្នកមានសិទ្ធិទទួលបានអ្នកបកប្រែផ្ទាល់មាត់ ឬអ្នកសម្របសម្រួល (អ្នកជួយ) ប្រសិនបើអ្នកត្រូវការ ហើយមជ្ឈមណ្ឌលប្រចាំតំបន់ត្រូវតែរកម្នាក់ជូនអ្នក។
• អ្នកមានសិទ្ធិចូលរួមកិច្ចប្រជុំ IPP របស់អ្នក ហើយប្រាប់គេអំពីសេវា កម្មអ្វី ខ្លះ ដែល អ្នកត្រូវការ និងចង់បាន។
• អ្នកមានសិទ្ធិមានកិច្ចប្រជុំ IPP របស់អ្នកធ្វើនៅកន្លែងដែលអ្នកចង់បាន ដែ ល ងាយស្រួលសម្រាប់អ្នក។ មជ្ឈមណ្ឌលប្រចាំតំបន់មិនអាចផ្លាស់ប្តូរសេវាកម្មរបស់អ្នក ឬសរសេរផែនការ IPP របស់អ្នកដោយគ្មានអ្នកចូលរួមកិច្ចប្រជុំនោះបានទេ។
• អ្នកមានសិទ្ធិទទួលបានឯកសារនានា ដូចជា IPPs ផែនការវាយតម្លៃ សិទ្ធិ IPP សិទ្ធិប្តឹងឧទ្ធរណ៍ និងសេចក្តីជូនដំណឹងអំពីចំណាត់ការជាភាសា កំណើត រប ស់អ្នក។
• អ្នក មាន សិទ្ធិ ទទួលបាន សេវាកម្ម និង ការ គាំទ្រនៅក្នុងបរិយាកាស ដែល មាន ការរឹតបន្តឹងតិចតួចបំផុត ។

មជ្ឈមណ្ឌលប្រចាំតំបន់ និងទីភ្នាក់ងារដែលផ្តល់សេវាកម្មដល់អ្នក ដូចជា ផ្ទះ ស្នាក់ នៅជាក្រុម ឬកម្មវិធី ត្រូវតែអនុញ្ញាតឱ្យអ្នកធ្វើការសម្រេចចិត្ត ដោយខ្លួន ឯង។

ពួកគេត្រូវតែផ្តល់ឱ្យអ្នកនូវព័ត៌មានសំខាន់ៗដែលអ្នកត្រូវការដើម្បីធ្វើការសម្រេចចិត្តតាមរបៀបដែលអ្នកអាចយល់បាន។

តើអ្នកណាជាផ្នែកនៃក្រុម IPP?

• អ្នកគឺជាសមាជិកដ៏សំខាន់បំផុត។
• ឪពុកម្តាយ និងអាណាព្យាបាលស្របច្បាប់។
• មនុស្សដែលស្គាល់អ្នក និងខ្វល់ពីអ្នក។
• អ្នកសម្របសម្រួលសេវាកម្មរបស់អ្នកមកពីមជ្ឈមណ្ឌលប្រចាំតំបន់ ដែលអាច ឱ្យ អ្នកទទួលបានសេវាកម្មដែលអ្នកចង់បាន និងត្រូវការ។
• ក្រុមពហុវិស័យ នៅពេលសមស្រប។
• អ្នកផ្សេងទៀតដែលអ្នកចង់ឲ្យនៅទីនោះ

អ្វីដែលត្រូវធ្វើមុនកិច្ចប្រជុំ IPP

• គិតអំពីគោលដៅរបស់អ្នកសម្រាប់អនាគត។ គិតអំពីអ្វីដែលអ្នកត្រូវការដើម្បីមានសុខភាពល្អ និងសុវត្ថិភាពនៅក្នុង សហ គម ន៍។ តើមានអ្វីថ្មីដែលអ្នកចង់ធ្វើដែរឬទេ?
• ពិនិត្យមើលឡើងវិញនូវផែនការ IPP ចាស់របស់អ្នក ដើម្បីដឹងថាតើអ្វី ដែលធ្វើ ទៅរួច ឬទៅមិនរួច។ សុំឱ្យមិត្តភក្តិ ឬសមាជិកគ្រួសារជួយ។ តើមានអ្វីដែលអ្នកចង់ធ្វើខុសពីនេះទេ?
• រៀបរាប់ពីក្តីកង្វល់របស់អ្នក និងគោលដៅរបស់អ្នក។
• រាយសេវាកម្ម និងការគាំទ្រដែលអ្នកគិតថា នឹងជួយអ្នកឱ្យសម្រេច គោលដៅ របស់ អ្នក។
• និយាយទៅកាន់មនុស្សដែលអ្នកទុកចិត្តអំពីអ្វីដែលអ្នកចង់និយាយនៅក្នុងកិច្ចប្រជុំរបស់អ្នក។ បន្ទាប់មកសរសេរទុក ឬសុំឱ្យមិត្តភ័ក្តិ ឬសមាជិកគ្រួសារជួយអ្នក។
• កត់ត្រាអ្វីដែលអ្នកចង់និយាយជាមួយឧបករណ៍ថតសំឡេង ឬទូរសព្ទ ហើយ យក វាមកក្នុងកិច្ចប្រជុំរបស់អ្នក។
• ហាត់និយាយ។ អ្នកគឺជាអ្នកតស៊ូមតិដ៏ឆ្នើមបំផុតរបស់អ្នកអំពីអ្វីដែលអ្នកចង់បាន និងត្រូវ ការ ។
• វាជាកិច្ចប្រជុំសំខាន់ណាស់។ ត្រូវត្រៀម ទុក ជាមុន។ កុំខកខានឲ្យសោះ។

អ្នករៀបចំផែនការប្រជុំ IPP នៅចុងបញ្ចប់នៃកូនសៀវភៅនេះអាចជួយអ្នក រៀបចំ ផែនការសម្រាប់កិច្ចប្រជុំរបស់អ្នក។

សូមមើលផងដែរនូវគន្លឹះ 16 ចំណុចសម្រាប់ទទួលបានសេវាកម្ម ប្រកបដោយគុណ ភាពពីមជ្ឈ មណ្ឌ ល ប្រចាំតំបន់សម្រាប់ខ្លួនអ្នក ឬកូនរបស់អ្នក។

អ្វីដែលត្រូវធ្វើនៅក្នុងកិច្ចប្រជុំ IPP របស់អ្នក

• ពិភាក្សាជាមួយក្រុមរបស់អ្នកអំពីអ្វីដែលអ្នកចង់បាន និងត្រូវការ។
• ចែករំលែកអ្វីដែលអ្នកបានសរសេរ (ឬកត់ត្រា) អំពីផែនការ និងសេវាកម្ម ដែល អ្នក ចង់បាន។
• ត្រូវមានសុជីវធម៌ និងហ៊ានអះអាង។
• អ្នកអាចស្នើសុំឱ្យមានអ្នកសម្របសម្រួលសេវាកម្មផ្សេង។
• អ្នកអាចស្នើសុំឱ្យផ្លាស់ប្តូរសេវាកម្មដែលអ្នកទទួលបាន។
• ត្រូវតែមានមនុស្សម្នាក់នៅក្នុងកិច្ចប្រជុំរបស់អ្នកដែលអាចនិយាយថា "បាទ/ ចាស " ឬ "ទេ" ចំពោះអ្វីដែលមាននៅក្នុងផែនការ IPP របស់អ្នក។ នេះអាចជាអ្នកសម្របសម្រួលសេវាកម្មរបស់អ្នក ឬបុគ្គលិកមជ្ឈមណ្ឌល ប្រចាំ តំបន់ផ្សេងទៀត។
• សួរថាតើមានការវាយតម្លៃ របាយការណ៍ ឬការសង្កេតថ្មីៗដែរឬទេ។
• សុំនិយាយអំពីចំណុចខ្លាំង ចំណាប់អារម្មណ៍ ចំណុចនៃការអភិវឌ្ឍ ចំណុ ចនៃត ម្រូវ ការ និងមិត្តភាពរបស់អ្នក។
• សួរសំណួរផ្សេងទៀតអំពីវឌ្ឍនភាព ឬសេវាកម្មរបស់អ្នក។
• ចែករំលែកគោលដៅបច្ចុប្បន្ន និងអនាគតរបស់អ្នក។
• ពិភាក្សាអំពីក្តីកង្វល់ជាក់លាក់ណាមួយដែលអ្នកមាន។
• ចែករំលែកលក្ខខណ្ឌផ្ទះដែលអាចប៉ះពាល់ដល់ការអនុវត្ត ឬអាកប្បកិរិយារបស់ អ្នកនៅសាលារៀន ឬកន្លែងធ្វើការ និងឯកសារថ្មីៗ ឬបច្ចុប្បន្នភាពផ្នែក វេជ្ជ សា ស្ត្រ។
• កត់ត្រាអនុសាសន៍ និងពេលវេលាកំណត់ ដូចជាសេវាកម្ម ឬការវាយតម្លៃជា ច្រើន ទៀត។
• និយាយឲ្យឮនូវអ្វីដែលអ្នកយល់អំពីការសម្រេចចិត្តដែលបានធ្វើ ចំណាត់ការ ដែ ល ត្រូវធ្វើឡើង ពេលវេលាកំណត់ និងតួនាទី និងការទទួលខុសត្រូវរបស់មនុស្ស ម្នាក់ៗនៅក្នុងកិច្ចប្រជុំ។
• ផ្តល់មតិកែលម្អទៅកាន់មនុស្សដែលធ្វើការជាមួយអ្នកនៅក្នុងផ្នែកដែលអ្នកបានកត់សម្គាល់ឃើញពីការខិតខំប្រឹងប្រែង ការរីកចម្រើន ឬការផ្លាស់ប្តូរ ជា វិជ្ជ មាន។

ប្រសិនបើអ្នកដែលអាចអនុម័តសេវាកម្មនៅក្នុងផែនការ IPP របស់អ្នកមិន នៅ ក្នុង កិច្ចប្រជុំរបស់អ្នកទេ មជ្ឈមណ្ឌលប្រចាំតំបន់ត្រូវតែរៀបចំកិច្ចប្រជុំ IPP មួយផ្សេងទៀតក្នុងរយៈពេល 15 ថ្ងៃ។ បុគ្គលិកមជ្ឈមណ្ឌលប្រចាំតំបន់ដែលអនុម័តសេវាកម្មត្រូវតែចូលរួម។

សិទ្ធិទទួលបានសេវាកម្ម និងការគាំទ្រនៅក្នុងផែនការ IPP របស់អ្នក

ច្បាប់ Lanterman ចែងថា សេវាកម្ម និងការគាំទ្ររបស់អ្នកគួរតែជួយអ្នកឱ្យ មាន ឯករាជ្យម្ចាស់ការ ជាសមាជិកមានផលិតភាពនៃសហគមន៍របស់អ្នក និង រស់នៅកន្លែងដែលអ្នកមានសុវត្ថិភាព និងមានសុខភាពល្អ។

នេះគឺជាសេវាកម្ម និងការគាំទ្រមួយចំនួន (ប៉ុន្តែមិនមែនទាំងអស់ទេ) ដែលម ជ្ឈ មណ្ឌលប្រចាំតំបន់អាចជួយអ្នកក្នុងការស្វែងរក និងទទួលបាន។

• ជួយចូលសាលារៀន ឬចូលរួមកម្មវិធីបណ្តុះបណ្តាល។
• ឧបករណ៍ជំនួយសម្របខ្លួន៖ ប្រសិនបើអ្នកត្រូវការឧបករណ៍ដែលអាចជួយអ្នកឱ្យកាន់តែមានភាពឯករាជ្យម្ចាស់ការជាងមុន ដូចជាកៅអីរុញ ឬកុំព្យូទ័រដែលចេះនិយាយ។
• ការបណ្តុះបណ្តាលតស៊ូមតិ៖ ប្រសិនបើអ្នកត្រូវស្វែងយល់បន្ថែមអំពីសិទ្ធិរបស់អ្នកក្នុងការនិយាយដោយខ្លួនឯង។
• សូមមើល ការបោះពុម្ពផ្សាយ និងវីដេអូរបស់គណៈកម្មាធិការប្រឹក្សាអ្នកប្រើប្រាស់ DDS។
• សេវាកម្មដឹកជញ្ជូន ឬការបណ្តុះបណ្តាលដើម្បីរៀនពីរបៀបប្រើប្រាស់ឡានក្រុង និងមធ្យោបាយដឹកជញ្ជូនផ្សេងទៀតដោយខ្លួនឯង។
• សេវាកម្មដោះស្រាយវិបត្តិ៖ ប្រសិនបើអ្នកត្រូវការផែនការក្នុងករណីដែលអ្នកមានអាសន្ន។
• ការបណ្តុះបណ្តាលឪពុកម្តាយ៖ ប្រសិនបើអ្នកមានកូនហើយ អ្នកត្រូវស្វែងយល់បន្ថែមអំពីការថែទាំកូន។
• ផ្លូវភេទ៖ ប្រសិនបើអ្នកមានសំណួរអំពីការរួមភេទ ឬត្រូវការជំនួយក្នុងទំនាក់ទំនង របស់ អ្នក ។
• ជួយរកការងារធ្វើឲ្យ រួមទាំងការងារដែលមានការគាំទ្រ និងដាក់បញ្ចូល គ្នា នូវ អាជីវកម្មខ្នាតតូចមួយ។
• សេវាកម្មរស់នៅ៖ ជួយស្វែងរក និងរើចូលនៅក្នុងផ្ទះ ជ្រើសរើសមិត្តរួមបន្ទប់ ឬមិត្តរួមផ្ទះ គ្រឿង សង្ហា រិមក្នុងផ្ទះ សកម្មភាពរស់នៅប្រចាំថ្ងៃទូទៅ និងការសង្គ្រោះបន្ទាន់ ក្លាយ ជាសមាជិកដែលចូលរួមនៅក្នុងជីវិតសហគមន៍ និងគ្រប់គ្រងកិច្ចការហិរញ្ញវត្ថុ ផ្ទាល់ខ្លួន ដូច្នេះអ្នកអាចមានភាពឯករាជ្យម្ចាស់ការជាងមុន។
• អ្នកសម្របសម្រួលដើម្បីជួយអ្នកប្រសិនបើអ្នកចង់ក្លាយជាសមាជិក គណៈ ក ម្មា ធិការ ឬសមាជិកនៃក្រុមប្រឹក្សាភិបាល។
• សេវាកម្មផ្សេងទៀតដែលអ្នកត្រូវការដើម្បីរស់នៅក្នុងជីវិតកាន់តែប្រសើរ។ នេះអាចខុសៗគ្នាសម្រាប់មនុស្សម្នាក់ៗ។

សូមមើលបញ្ជីធំជាងនេះនៅ ឯកសារបន្ថែម C នៅទីនេះ

ចូរចងចាំ! វាមិនអីទេក្នុងការស្នើសុំរបស់ដែលអ្នកត្រូវការដែលមិនមាននៅក្នុងបញ្ជីនេះ។

សរសេរពីសេវាកម្ម និងការគាំទ្រដែលអ្នកត្រូវការនៅក្នុងផែនការ IPP របស់ អ្ន កដោយមានជំនួយពីក្រុម IPP របស់អ្នក។

សម្រាប់ព័ត៌មានលម្អិតបន្ថែមអំពីរបៀបទទួលបានសេវាកម្មតាមរយៈផែនការ IPP របស់អ្នក រួមទាំងលិខិតគំរូ និងបញ្ជីរៀបចំ ផែនការ សូមមើល សិទ្ធិក្រោមច្បាប់ Lanterman (RULA) ជំពូកទី 4 និងឯកសារបន្ថែមលើ RULA ។

កម្មវិធីសិទ្ធិស្វ័យសម្រេច

វិធីមួយទៀតដើម្បីទទួលបានសេវាកម្មដែលបង់ដោយមជ្ឈមណ្ឌលប្រចាំតំបន់គឺកម្មវិធីស្វ័យសម្រេច។ កម្មវិធីសិទ្ធិស្វ័យសម្រេចនឹងអនុញ្ញាតឱ្យអ្នកមានការគ្រប់គ្រងបន្ថែមទៀតលើការជ្រើសរើសសេវាកម្ម និងការគាំទ្ររបស់អ្នក។ អ្នកនឹងទទួលបានថវិកាជាក់លាក់រៀងរាល់ឆ្នាំដើម្បីទិញសេវាកម្ម និងការគាំ ទ្រដែលអ្នកត្រូវការដើម្បីធ្វើឱ្យផែនការរបស់អ្នកដំណើរការកាន់តែប្រសើរសម្រាប់អ្នក។ អ្នកអាចជ្រើសរើសសេវាកម្មរបស់អ្នក និងជ្រើសរើសអ្នកផ្តល់សេវា ដើម្បីផ្តល់ សេវា កម្មទាំងនោះ។ អ្នកទទួលខុសត្រូវក្នុងការធ្វើតាមគម្រោងថវិការបស់អ្នក។ អ្នកមិនចាំបាច់ត្រូវចូលរួមក្នុងកម្មវិធីសិទ្ធិស្វ័យសម្រេចទេ - វាជាជម្រើសរបស់ អ្នក។

អ្វីដែលត្រូវធ្វើ ប្រសិនបើគ្មាននរណាម្នាក់ស្តាប់អ្នក

អ្នកគួរតែមានសិទ្ធិនិយាយនៅក្នុងសេវាកម្ម និងការគាំទ្រដែលអ្នកទទួលបាន។ បើគេមិនស្តាប់អ្នកទេ ចូរប្រាប់អ្នកណាម្នាក់។ ប្រាប់មិត្តភ័ក្តិ សាច់ញាតិ អ្នកសម្របសម្រួលសេវាកម្មរបស់អ្នក អ្នកតស៊ូមតិ សិទ្ធិ អតិថិជនរបស់អ្នក ឬនរណាម្នាក់នៅការិយាល័យប្រចាំតំបន់នៃក្រុម ប្រឹក្សា រដ្ឋស្តីពីពិការភាពផ្នែកលូតលាស់ (SCDD) ក្នុងមូលដ្ឋានរបស់អ្នក។ សូមមើលបញ្ជីនៃការិយាល័យប្រចាំតំបន់ SCDD (គណៈកម្មាការប្រចាំតំបន់)ក្នុងមូលដ្ឋានរបស់អ្នក។

ផែនការ IPP របស់អ្នកគឺជាកិច្ចសន្យា

ច្បាប់នេះចែងថា មជ្ឈមណ្ឌលប្រចាំតំបន់ត្រូវតែអនុវត្តតាមវិធាន ជាក់ លាក់ នៅ ពេលសរសេរផែនការ IPP របស់អ្នក។

អ្នក និងមជ្ឈមណ្ឌលប្រចាំតំបន់ត្រូវតែយល់ព្រម និងចុះហត្ថលេខាលើផែនការ IPP មុនពេលសេវាកម្មអាចចាប់ផ្តើម ឬបន្ត។

សិទ្ធិរបស់អ្នកនៅពេលចុះហត្ថលេខាលើផែនការ IPP

អ្នកមានសិទ្ធិពិនិត្យមើលឡើងវិញ និងគិតអំពីផែនការ IPP របស់អ្នក មុន ពេ ល ចុះហត្ថលេខាលើកិច្ចព្រមព្រៀង។

សេវាកម្មរបស់អ្នកមិនអាចចាប់ផ្តើមបានទេរហូតដល់អ្នក និងមជ្ឈមណ្ឌល ប្រ ចាំតំបន់យល់ព្រមលើអ្វីដែលសរសេរនៅក្នុងផែនការ IPP របស់អ្នក។ នៅពេលអ្នកចុះហត្ថលេខាលើផែនការ IPP របស់អ្នក អ្នកបញ្ជាក់ថា អ្នកយល់ ព្រម ជាមួយនឹងអ្វីដែលសរសេរនៅក្នុងផែនការ IPP របស់អ្នក។

ប្រសិនបើអ្នកមិនយល់ព្រមជាមួយអ្វីគ្រប់យ៉ាងដែលសរសេរនៅក្នុងផែនការ IPP របស់អ្នកទេ អ្នកមិនចាំបាច់ចុះហត្ថលេខាលើផែនការនេះទេ។ ប៉ុន្តែ អ្នកអាចយល់ព្រមចំពោះមួយផ្នែកនៃផែនការនេះបាន។ សរសេរអ្វីដែលអ្នកយល់ព្រម និងអ្វីដែលអ្នកមិនយល់ព្រមជាមួយ។

ប្រសិនបើអ្នកយល់ព្រមចំពោះតែមួយផ្នែកនៃផែនការ IPP របស់អ្នក សូមសុំ អ្ន ក សម្របសម្រួលសេវាកម្មរបស់អ្នកឱ្យសរសេរឲ្យអស់ដូចនេះ៖

ខ្ញុំយល់ព្រមចំពោះផ្នែកទាំងនេះនៃផែនការ IPP របស់ខ្ញុំ -

1.  
2.  
3.  

សូមចាប់ផ្តើម/បន្តសេវាកម្មដែលខ្ញុំយល់ព្រមចំពោះភ្លាម។

ខ្ញុំមិនយល់ព្រមចំពោះផ្នែកទាំងនេះនៃផែនការ IPP របស់ខ្ញុំទេ -

1.  
2.  
3.  

ពេលដែលអ្នកធ្វើដូចនេះ សេវាកម្មដែលអ្នក និងមជ្ឈមណ្ឌលប្រចាំតំបន់ បាន ឯក ភាពលើអាចចាប់ផ្តើមបាន។

ច្បាប់ចម្លងនៃផែនការ IPP របស់អ្នក

• ត្រូវប្រាកដថា អ្នកទទួលបានច្បាប់ចម្លងនៃផែនការ IPP របស់អ្នក។ មជ្ឈមណ្ឌលប្រចាំតំបន់អាចផ្ញើច្បាប់ចម្លងនៃផែនការ IPP របស់អ្នកទៅឲ្យ អ្នក ដែលមកចូលរួមកិច្ចប្រជុំរបស់អ្នក ប្រសិនបើអ្នកចង់ឱ្យគេថតចម្លង។
• ពិនិត្យមើលផែនការ IPP របស់អ្នកជាមួយមនុស្សដែលយកចិត្តទុកដាក់ ចំពោះ អ្នក។ ត្រូវប្រាកដថាមានអ្វីដែលអ្នកចង់បាននៅក្នុងផែនការនេះ។
• ប្រសិនបើវាស្ថិតនៅក្នុងផែនការ IPP របស់អ្នក មជ្ឈមណ្ឌលប្រចាំតំបន់ត្រូវ តែ រក សេវាកម្ម ឬការគាំទ្រជូនអ្នក។

សិទ្ធិរបស់អ្នក ប្រសិនបើអ្នកមិនយល់ស្របជាមួយផែនការ IPP

ប្រសិនបើមជ្ឈមណ្ឌលប្រចាំតំបន់និយាយថា "ទេ" ចំពោះសេវាកម្ម ឬការគាំ ទ្រ ដែលអ្នកចង់បាន ពួកគេត្រូវតែផ្ញើលិខិតក្នុងរយៈពេល 5 ថ្ងៃដោយ ប្រាប់ អ្នក ពី មូលហេតុដែលគេនិយាយថា "ទេ" និងរបៀបដែលអ្នកអាចប្តឹងឧទ្ធរណ៍។

ប្រសិនបើអ្នកមិនយល់ស្របជាមួយនឹងមជ្ឈមណ្ឌលប្រចាំតំបន់អំពីសេវាកម្មដែ លអ្នកចង់បាន ឬត្រូវការ អ្នកមានសិទ្ធិប្តឹងឧទ្ធរណ៍ចំពោះការសម្រេច ចិត្ត របស់ពួកគេ។ ប្រសិនបើមជ្ឈមណ្ឌលប្រចាំតំបន់ពន្យារពេល ឬចំណាយពេលយូរក្នុងការ សម្រេ ច ចិត្ត ត្រូវទទូចសុំការសម្រេចចិត្ត។ អ្នកក៏អាចចាត់ទុកការពន្យារពេលនេះជាការបដិសេធ និងដាក់បណ្តឹង ឧទ្ធរណ៍ ផងដែរ។

ការប្ដឹងឧទ្ធរណ៍

ការបឹ្តងឧទ្ធរណ៍គឺជាសិទ្ធិរបស់អ្នកក្នុងការជំទាស់នឹងការសម្រេចចិត្តរបស់មជ្ឈមណ្ឌលប្រចាំតំបន់។ យើងនឹងមិនធ្វើការពន្យល់លម្អិតអំពីការបឹ្តងឧទ្ធរណ៍នៅក្នុងឯកសារណែនាំនេះទេ។ ដើម្បីស្វែងយល់អំពីបណ្តឹងឧទ្ធរណ៍ និងបណ្តឹងតវ៉ា សូមមើល សិទ្ធិក្រោមច្បាប់ Lanterman ជំពូកទី 10។

ដើម្បីស្វែងយល់ពីរបៀបធ្វើការប្តឹងឧទ្ធរណ៍ និងសវនាការ សូមមើល កញ្ចប់ព័ត៌មានសវនាការរបស់មជ្ឈមណ្ឌលប្រចាំតំបន់។

សូមចាំថា វាជាជីវិតរបស់អ្នក។

មជ្ឈមណ្ឌលប្រចាំតំបន់នៅប្រចាំការទីនោះ ដើម្បីជួយអ្នកទទួលបាន ជីវិត ដែល អ្នក ចង់បាន។ រៀនពីរបៀបនិយាយដោយខ្លួនឯង។ ចូលរួមក្រុមស្វ័យតស៊ូមតិ ឬទទួលបានការបណ្តុះបណ្តាលស្វ័យតស៊ូមតិ។

ច្បាប់នេះចែងថា អ្នកមានសិទ្ធិធ្វើការសម្រេចចិត្តអំពីជីវិតរបស់អ្នក និង ទទួ ល បានសេវាកម្ម និងការគាំទ្រដែលអ្នកត្រូវការ ដើម្បីក្លាយជាសមាជិក នៃ សហ គមន៍របស់អ្នក។ នៅពេលដែលអ្នកមិនយល់ស្របនឹងការសម្រេចចិត្តដែលនឹងប៉ះពាល់ដល់ជីវិតរបស់អ្នក ចូរហ៊ាននិយាយ។

ទទួលបានជំនួយជាមួយបណ្តឹងឧទ្ធរណ៍របស់អ្នក

និយាយទៅកាន់ការិយាល័យប្រចាំតំបន់ SCDD (គណៈកម្មាការប្រចាំតំបន់) គ្រួសារ មិត្តភក្តិ ក្រុមគាំទ្រ ឬក្រុមស្វ័យតស៊ូមតិសម្រាប់ការគាំទ្រ។

មជ្ឈមណ្ឌលប្រចាំតំបន់នីមួយៗមានអ្នកតស៊ូមតិការពារសិទ្ធិអតិថិជន។ សួរមជ្ឈមណ្ឌលប្រចាំតំបន់ថាពួកគេជានរណា ហើយទទួលបានលេខ ទូរសព្ទ របស់ ពួកគេ។ អ្នកតស៊ូមតិការពារសិទ្ធិអតិថិជនអាចគាំទ្រអ្នក។

ការិយាល័យតស៊ូមតិការពារសិទ្ធិអតិថិជនអាចទាក់ទងបានតាមលេខនេះ៖

1-800-390-7032 ឬ ចូល ទៅកាន់វេបសាយរបស់ពួកគេ។

ឬ

អ្នកអាចទូរសព្ទទៅទីភ្នាក់ងារសិទ្ធិជនមានពិការភាពនៃរដ្ឋ California៖ 1-800-776-5746

សម្រាប់ព័ត៌មានបន្ថែម និងការបោះពុម្ពផ្សាយ សូមចូលទៅកាន់វេបសាយ www.disabilityrightsca.org

កម្មវិធីរៀបផែនការ កិច្ចប្រជុំ IPP

សន្លឹកកិច្ចការនេះ អាច ជួយ អ្នក ធ្វើផែន ការសម្រាប់ កិច្ច ប្រជុំ IPP របស់ អ្នក បាន ៖ ប្រើវា ដើម្បី ជួយ អ្នក គិត ពីអ្វីដែល អ្នក ចង់ បានក្នុងពេលអនាគត។

កន្លែងរស់នៅ

តើ អ្នកចង់ រស់ នៅ កន្លែង ណា?

• ស្នាក់នៅ កន្លែង ខ្ញុំកំពុង ស្នាក់នៅរាល់ថ្ងៃ
• កន្លែង របស់ ឪពុកម្តាយ ខ្ញុំ
• កន្លែង ដែលជាកម្មសិទ្ធិរបស់ខ្ញុំ
• ជាមួយ ក្រុមគ្រួសារចិញ្ចឹម (ទីភ្នាក់ងារ គ្រួសារតាមផ្ទះ សម្រាប់មនុស្ស ពេញវ័យ)
• ផ្ទះ ស្នាក់ ជាក្រុម
• ការរស់នៅដែលមានការគាំពារ
• ការរស់នៅ ដោយ ឯករាជ្យ
• កន្លែងជាកម្មសិទ្ធិរបស់ខ្ញុំជាមួយ នឹងមិត្តរួមបន្ទប់
• កន្លែងផ្សេងទៀត

តើអ្នក ត្រូវ ការ សេវាកម្មអ្វីខ្លះ ដើម្បី ជួយ អ្នក ឱ្យ រស់នៅ តាមកន្លែង ដែល អ្នក ចង់ បាន?

• ការបណ្តុះបណ្តាលបន្ថែម
• ជួយ ចាត់ចែងលុយកាក់របស់ខ្ញុំ
• អ្នក មើល ថែទាំ ឬមិត្តរួមបន្ទប់
• ជួយ ស្វែង រក កន្លែង រស់នៅ
• នរណា ម្នាក់ ផ្តល់ នូវ ការគាំពារ និង ជំនួយ ជាទៀង ទាត់ដល់ខ្ញុំ
• ជួយ ទិញទំនិញ ធ្វើម្ហូប និង/ឬ សម្អាត
• មាន សុវត្ថិភាព
• សេវាកម្មផ្សេងទៀត

កន្លែងធ្វើការ ឬទៅរៀន

តើអ្នក ចង់ធ្វើការ ឬ ចង់ ទៅរៀននៅឯណា?

• ស្នាក់នៅ កន្លែង ដែលខ្ញុំកំពុង ធ្វើការបច្ចុប្បន្ន
• នៅក្នុងសហគមន៍
• នៅក្នុងសិក្ខាសាលា ឬមជ្ឈមណ្ឌល

តើប្រភេទការងារ និង សាលាអ្វីដែលអ្នក ចង់ធ្វើ និងសិក្សា?

• ការងារដែលមានប្រាក់ឈ្នួល
• ការងារស្ម័គ្រ ចិត្ត អ្វីដែលធ្វើឱ្យ អ្នក ចាប់អារម្មណ៍ ?
• ប្រភេទ ការងារផ្សេង
• មហាវិទ្យាល័យ
• ថ្នាក់អប់រំ មនុស្សពេញវ័យ
• ប្រភេទ សាលាផ្សេង

ដើម្បី ជួយអ្នកឱ្យ ធ្វើការ ឬទៅសាលាបាន តើអ្នក ត្រូវការសេវាកម្មអ្វីខ្លះ?

ការធ្វើបច្ចុប្បន្នភាពប្រវត្តិរូប

ការដាក់ពាក្យសុំការងារ

គ្រូបង្វឹកការងារ ឬអ្នកជួយនៅកន្លែងការងារ

គ្រូបង្រៀនផ្ទាល់ខ្លួន ឬអ្នកជួយ កត់ត្រា

ការបណ្តុះបណ្តាលនៅក្នុងសិក្ខាសាលា

ការបណ្តុះបណ្តាលផ្សេងទៀត

ការចូលទៅកាន់កន្លែងធ្វើការ ឬថ្នាក់រៀន (ដូចជាផ្លូវសម្រាប់ជនពិការ)

មធ្យោបាយធ្វើដំណើរ

សេវាកម្ម ឬការគាំទ្រផ្សេងទៀត

មាន ពេលសប្បាយរីករាយ

តើអ្នក ចង់ធ្វើអ្វីខ្លះនៅពេលអ្នកមានពេលទំនេរ?

• សួរសុខទុក្ខមិត្តភក្តិ
• ហាត់ប្រាណ
• ដើរផ្សារ
• ទៅមើលកុន ឬលេ ង
• ការងារជាអ្នកស័្មគ្រ ចិត្ត
• លេងកីឡា
• ស្តាប់តន្ត្រី/មើលទូរទស្សន៍
• ចំណង់ចំណូលចិត្ត
• ធ្វើការណាត់ជួប
• ចូលរួម ក្រុមស្វ័យតស៊ូមតិ ឬអង្គការ People First
• ជួយ តស៊ូមតិ សម្រាប់ អ្នក ផ្សេង
• សកម្មភាព ផ្សេង ទៀត

ដើម្បីជួយ អ្នក ឱ្យ ធ្វើអ្វីដែលអ្នកចង់ធ្វើបាន តើអ្នក ត្រូវការសេវាកម្មអ្វី ខ្លះ?

• ការបណ្តុះបណ្តាល
• អ្នក ជួយមើលថែ
• អ្នក សម្របសម្រួល
• មធ្យោបាយធ្វើដំណើរ
• មិត្តភក្តិនៅជុំវិញខ្លួន
• សេវាកម្ម ឬការគាំទ្រផ្សេងទៀត

វេជ្ជសាស្រ្ត និង សុខភាព

តើសេវាវេជ្ជសាស្រ្ត និង សុខភាព អ្វីខ្លះដែលអ្នក ត្រូវការ?

សេវាវេជ្ជបណ្ឌិត

ការ ផ្តល់ ប្រឹក្សា

សេវាទន្តពេទ្យ

ការអប់រំផ្លូវភេទ (សុវត្ថិភាពក្នុង ការរួមភេទ ការពន្យារកំណើត)

ការរក្សារាង ហាត់ប្រាណ ឬតមអាហារ

សេវាសុខភាព ផ្សេងទៀត

តើការគាំទ្រអ្វីផ្សេងទៀត ដែល អ្នក ត្រូវការ ដើម្បី ទទួល បាន សេវា ផ្នែក វេជ្ជសាស្រ្ត ឬសុខភាព?

• ការបណ្តុះបណ្តាល
• អ្នក ជួយមើលថែ
• នរណាម្នាក់ ដើម្បីសួរ សំណួរ
• អ្នកតស៊ូមតិ ឬមេធាវី
• អ្នក សម្របសម្រួល
• ការគាំពារផ្សេងទៀត
• អ្វីៗផ្សេងទៀត

តើមាន អ្វីផ្សេង ទៀត ដែលអ្នក ចង់ ឱ្យ ជួយដែរទេ?

• ការ ធ្វើ ម្ហូប
• មធ្យោបាយធ្វើដំណើរ
• ការ ទិញអី វ៉ាន់
• ការ សម្អាតកន្លែង របស់ខ្ញុំ
• ការជួបមនុស្សច្រើន/រាប់អានមិត្តភក្តិ ឬណាត់ជួប
• ការរៀន ពី ទំនាក់ ទំនង ផ្លូវភេទ និង សុវត្ថិភាព ផ្លូវភេទ
• ការមាន ទំនាក់ ទំនង ល្អ ជា មួយ គេ ឯង
• ស្វ័យតស៊ូមតិ និង ដឹង ពី សិទ្ធិ របស់ខ្ញុំ
• បញ្ហា ជា មួយ របប សន្តិសុខសង្គម SSI ឬអត្ថប្រយោជន៍ ផ្សេង ទៀត
• ស្វ័យការពារ
• នៅក្នុង គណៈ កម្មាធិការ ឬក្រុមប្រឹក្សាភិបាល
• ជំនួយផ្សេងទៀត

តើសេវាកម្មអ្វីផ្សេងទៀតដែលអ្នកត្រូវការជំនួយ?

• ការបណ្តុះបណ្តាល
• អ្នក ជួយមើលថែ
• នរណាម្នាក់ ដើម្បីសួរ សំណួរ
• ជួយ រៀប ចំ ក្រុម មិត្តភក្តិនៅជុំវិញ ខ្លួន
• អ្នកតស៊ូមតិ ឬមេធាវី
• សមាជិក
• អ្នក សម្របសម្រួល
• សេវាផ្សេង ទៀត