ទិដ្ឋភាពទូទៅ

បរិវេណមហាវិទ្យាល័យនៅរដ្ឋកាលីហ្វ័រញ៉ាបានដាក់ "បម្រាមពាក់ម៉ាស់" សម្រាប់សិស្សទៅក្នុងគោល ន យោបាយ និងនីតិវិធីរបស់ពួកគេ។ មន្ត្រីបរិវេណមហាវិទ្យាល័យនិយាយថា ពួកគេចង់បានបម្រាមទាំងនេះ ដើម្បីរារាំងសិស្សមិនឲ្យលាក់អត្តសញ្ញាណ របស់ពួកគេ។ ពួកគេនិយាយថា ពួកគេត្រូវការបម្រាមពាក់ម៉ាស់ ដើម្បីការពារសុវត្ថិភាពក្នុងបរិវេណមហាវិទ្យាល័យ។ ពួកគេប្រើប្រាស់ប៉ូលិសក្នុងបរិវេណមហាវិទ្យាល័យដើម្បីអនុវត្តបម្រាមទាំងនេះ។

បម្រាមទាំងនេះកំណត់គោលដៅលើអ្នកតវ៉ាជាសិស្ស និងធ្វើឱ្យប៉ះពាល់ដោយអយុត្តិធម៌ដល់សិស្សពិការដែលប្រើម៉ាស់ដើម្បីសុខភាព និងសុវត្ថិភាពរបស់ពួកគេ។ ប៉ូលិសក្នុងបរិវេណមហាវិទ្យាល័យមិនអាចប្រាប់ពីភាពខុសគ្នារវាងអ្នកតវ៉ាដែលលាក់អត្តសញ្ញាណរបស់ពួក គេ និងជនពិការដែលពាក់ម៉ាស់ដើម្បីការពារសុខភាពបានឡើយ។ ពួកគេនឹងត្រូវសួរសំណួររំខានអំពីពិការភាព និងព័ត៌មានវេជ្ជសាស្រ្តរបស់បុគ្គលនោះ ដើម្បីដឹងថាតើនៅពេលណាពួកគេអាចអនុវត្តបម្រាមពាក់ម៉ាស់បាន។ ពេលខ្លះ សិស្សពិការអាចពាក់ម៉ាស់ដើម្បីហេតុផល ការពារសុខភាពនៅពេលចូលរួមក្នុងការតវ៉ា។ ជនពិការប្រឈមមុខនឹងហានិភ័យខ្ពស់ជាងពីអំពើហិង្សានៅពេលមានអន្តរកម្មជាមួយមន្ត្រីអនុវត្តច្បាប់ ហើយមន្រ្តីអនុវត្តច្បាប់មិនគួរធ្វើការសម្រេចចិត្តអំពីអ្នកណាដែលអាចពាក់ម៉ាស់នៅក្នុងបរិវេណ មហាវិទ្យាល័យរដ្ឋឡើយ។

សៀវភៅមគ្គទេសក៍នេះត្រូវបានបង្កើតឡើងដើម្បីប្រាប់អ្នកអំពីសិទ្ធិរបស់អ្នកនៅពេលនិយាយអំពីការពាក់ម៉ាស់នៅក្នុងបរិវេណមហាវិទ្យាល័យ និងផ្តល់ឱ្យអ្នកនូវព័ត៌មានអំពីអ្វីដែលត្រូវធ្វើក្នុងករណីសិទ្ធិទាំងនោះត្រូវបានរំលោភបំពាន។

សំណួរគេសួរញឹកញាប់៖

1. បរិវេណមហាវិទ្យាល័យរបស់ខ្ញុំមានបម្រាមពាក់ម៉ាស់។ តើខ្ញុំនៅតែអាចពាក់ម៉ាស់នៅក្នុងបរិវេណមហាវិទ្យាល័យបានទេ?

បាទ/ចាស អ្នកនៅតែអាចពាក់ម៉ាស់នៅក្នុងបរិវេណ មហាវិទ្យាល័យបាន។ អ្នកមានសិទ្ធិទទួលបានសុខភាព និងសុវត្ថិភាពនៅក្នុងបរិវេណមហាវិទ្យាល័យ។ អ្នកមានសិទ្ធិស្មើៗគ្នាក្នុងការជ្រើសរើសថាតើត្រូវពាក់ម៉ាស់នៅទីសាធារណៈឬអត់បាន ហើយអ្នកមិនគួរត្រូវបាន កំណត់គោលដៅសម្រាប់ជម្រើសនេះទេ។

2. បើមាននរណាម្នាក់សួរខ្ញុំថាហេតុអ្វីបានជាខ្ញុំពាក់ម៉ាស់ តើខ្ញុំត្រូវឆ្លើយដែរទេ? តើខ្ញុំត្រូវបង្ហាញពិការភាពរបស់ខ្ញុំដែរទេ?

អ្នកមិនចាំបាច់បង្ហាញព័ត៌មានជាក់លាក់អំពីពិការភាព ឬរោគវិនិច្ឆ័យរបស់អ្នកទេ។ វាអាចមានប្រយោជន៍ក្នុងការអនុញ្ញាតឱ្យអ្នកដែលសួរ ដឹងថាអ្នកមានពិការភាពដោយគ្រាន់តែនិយាយថា "ខ្ញុំមានពិការភាព ហើយត្រូវការម៉ាស់នេះ ដើម្បីការពារសុខភាព និងសុវត្ថិភាពរបស់ខ្ញុំ"។

3. ប្រសិនបើសាស្រ្តាចារ្យសុំឱ្យខ្ញុំដោះម៉ាស់របស់ខ្ញុំចេញ តើខ្ញុំត្រូវដោះដែរទេ?

អ្នកមានសិទ្ធិពាក់ម៉ាស់នៅក្នុងបរិវេណមហាវិទ្យាល័យ បាន។ អ្នកអាចពន្យល់ប្រាប់សាស្រ្តាចារ្យថា អ្នកពាក់ម៉ាស់ដើម្បីហេតុផលការពារសុខភាព និងសុវត្ថិភាព។

4. តើមានច្បាប់ដែលការពារសិទ្ធិរបស់ខ្ញុំក្នុងការពាក់ម៉ាស់ដែរឬទេ?

បាទ/ចាស មានច្បាប់រដ្ឋ និងច្បាប់ សហព័ន្ធដែលហាមឃាត់ការរើសអើង។

បើអ្នកត្រូវការពាក់ម៉ាស់ដោយសារហេតុផលដែលទាក់ទងនឹងពិការភាព អញ្ចឹង ការហាមឃាត់អ្នកមិនឱ្យពាក់ម៉ាស់សម្រាប់ហេតុផលនោះគឺជាការរើសអើង។

ច្បាប់សហព័ន្ធដែលការពារសិទ្ធិរបស់អ្នកក្នុងការពាក់ម៉ាស់រួមមានច្បាប់ស្តីពីជនពិការអាមេរិក (42 U.S.C. §§ 12101 et seq.) និងផ្នែកទី 504 នៃច្បាប់ស្តារនីតិសម្បទាឆ្នាំ 1973។ (29 U.S.C. § 701 et seq.)។

ក៏មានច្បាប់រដ្ឋកាលីហ្វ័រញ៉ាដែលការពារអ្នកពីការរើសអើងផងដែរ។ ច្បាប់រដ្ឋកាលីហ្វ័រញ៉ា ផ្នែក 11135 អនុវត្តចំពោះរដ្ឋ ទីភ្នាក់ងាររដ្ឋ និងកម្មវិធី និងសកម្មភាពដែលទទួលបានមូលនិធិពីរដ្ឋ។ សាកលវិទ្យាល័យ និងមហាវិទ្យាល័យរដ្ឋកាលីហ្វ័រញ៉ាភាគច្រើនទទួលបានមូលនិធិពីរដ្ឋ។ (ក្រមនៃបទប្បញ្ញត្តិរដ្ឋកាលីហ្វ័រញ៉ា . §§ 14020(m))។ នេះរួមបញ្ចូលទាំងប្រព័ន្ធសាកលវិទ្យាល័យកាលីហ្វ័រញ៉ា ប្រព័ន្ធសាកលវិទ្យាល័យរដ្ឋកាលីហ្វ័រញ៉ា និងប្រព័ន្ធមហាវិទ្យាល័យសហគមន៍កាលីហ្វ័រញ៉ា។ ផ្នែកទី 11135 ហាមប្រាមការរើសអើងដោយផ្អែកលើលក្ខណៈការពារមួយចំនួន រួមមាន៖ "ពិការភាពផ្លូវចិត្ត ពិការភាពរាងកាយ [និង] ស្ថានភាពវេជ្ជសាស្រ្ត"។ ថ្មីៗនេះ បទប្បញ្ញត្តិត្រូវបានអនុម័តសម្រាប់ផ្នែកទី 11135 ដែលបញ្ជាក់ច្បាស់ថា ការការពារតាមច្បាប់ក៏អនុវត្តចំពោះមនុស្សដែលមានបញ្ហាប្រព័ន្ធភាពស៊ាំចុះខ្សោយផងដែរ។ (ក្រមនៃបទប្បញ្ញត្តិរដ្ឋកាលីហ្វ័រញ៉ា. §§ 14020(4)(A); 14020(12))។

ក្រោមផ្នែកទី 11135 និងការអនុវត្តបទប្បញ្ញត្តិទាំងនេះ សាកលវិទ្យាល័យកាលីហ្វ័រញ៉ា និងសាលារៀនដែលផ្តល់មូលនិធិដោយរដ្ឋផ្សេងទៀតមិនត្រូវបានអនុញ្ញាតឱ្យមានគោលនយោបាយដែលរើសអើងដោយផ្អែកលើពិការភាព រួមទាំងបម្រាមពាក់ម៉ាស់ឡើយ។

ប្រហែលជាមានច្បាប់ផ្សេងទៀតដែលអាចអនុវត្តចំពោះស្ថានភាពរបស់អ្នក។

5. ខ្ញុំធ្វើការនៅក្នុងបរិវេណមហាវិទ្យាល័យដែលមានគោលនយោ បាយ រឹតបន្តឹងការពាក់ម៉ាស់។ តើមានច្បាប់ដែលការពារសិទ្ធិរបស់ខ្ញុំក្នុងការ ពាក់ម៉ាស់នៅកន្លែងធ្វើការដែរទេ?

បាទ/ចាស បទប្បញ្ញត្តិនៃក្រសួងឧស្សាហកម្មរដ្ឋកាលីហ្វ័រញ៉ាមាន គោលនយោបាយមិនបន្ទាន់ពាក់ព័ន្ធនឹងជំងឺ COVID-19អនុវត្តរហូតដល់ថ្ងៃទី 3 ខែកុម្ភៈ ឆ្នាំ 2025។ យោងតាមគោលនយោបាយនេះ និយោជកត្រូវតែ អនុញ្ញាតឱ្យកម្មករនិយោជិតពាក់ម៉ាស់ ប្រសិនបើកម្មករនិយោជិតជ្រើសរើសធ្វើដូច្នេះ (CCR ចំណងជើង 8 § 3205(f)(4))។

6. តើមានច្បាប់ផ្សេងទៀតដែលអាចអនុវត្តចំពោះស្ថានភាពរបស់ខ្ញុំដែរទេ?

បាទ/ចាស ប្រហែលជាមានច្បាប់ផ្សេងទៀតដែលអនុវត្តអាស្រ័យលើសាលារបស់អ្នក និងសេវាកម្ម កម្មវិធី សកម្មភាព ឬសុខូបត្ថម្ភវត្ថុពាក់ព័ន្ធ។ ឧទាហរណ៍ ច្បាប់ស្តីពីលំនៅឋានសមរម្យរបស់សហព័ន្ធ និងរដ្ឋនឹងអនុវត្តចំពោះកម្មវិធីលំនៅឋាន របស់សាលាអ្នក ហើយច្បាប់រដ្ឋដែលអនុវត្តចំពោះអាជីវកម្មឯកជន និងទីកន្លែងសាធារណៈផ្សេងទៀតអាចអនុវត្តចំពោះសាលារៀន ឬអង្គភាពអាជីវកម្មរបស់អ្នកនៅក្នុងបរិវេណសាលា។ អ្នកត្រូវបានលើកទឹកចិត្តឱ្យពិគ្រោះជាមួយមេធាវីសម្រាប់ ការណែនាំផ្លូវច្បាប់អំពីស្ថានភាពជាក់លាក់របស់អ្នក។ គ្មាន ចំណុចណាមួយ នៅ ក្នុង សៀវភៅមគ្គទេសក៍ នេះ មាន បំណង ផ្ដល់ ការប្រឹក្សា ផ្នែក ច្បាប់ ជា លក្ខណៈ បុគ្គលនោះ ឡើយ។

7. បរិវេណមហាវិទ្យាល័យរបស់ខ្ញុំកំពុងអនុវត្តបម្រាមពាក់ ម៉ាស់ក្នុងកិច្ចខិតខំដាក់កម្រិតលើការតវ៉ា។ តើខ្ញុំនៅតែអាចពាក់ម៉ាស់នៅពេលតវ៉ាបានដែរទេ?

បាទ/ចាស អ្នកនៅតែអាចពាក់ម៉ាស់នៅពេលតវ៉ាបាន។ បន្ថែមពីលើការការពារជាក់លាក់ចំពោះពិការភាពដោយពាក់ម៉ាស់ វិសោធនកម្មទីមួយការពារសិទ្ធិរបស់អ្នកក្នុងការនិយាយស្ដីដោយសេរី។ នេះរាប់បញ្ចូលទាំងសិទ្ធិក្នុងការតវ៉ាដោយអនាមិក។

ទោះជាយ៉ាងណាក៏ដោយ បម្រាមពាក់ម៉ាស់ក្នុងបរិវេណមហាវិទ្យាល័យអាចបណ្តាលឱ្យមានការផាកពិន័យចំពោះការពាក់ម៉ាស់ដើម្បីលាក់អត្តសញ្ញាណរបស់អ្នកនៅពេលតវ៉ា។ បើអ្នកពាក់ម៉ាស់ដើម្បីការពារសុខភាព ឬពិការភាព អ្នកមិនគួរតែទទួលការពិន័យទាំងនេះទេ។ ទោះជាយ៉ាងនេះក្តី មន្ត្រីអនុវត្តច្បាប់ ឬមន្ត្រីបរិវេណមហាវិទ្យាល័យប្រហែលជាមិនអនុវត្តកិច្ចការនេះដោយយុត្តិធម៌ទេ។ អ្នក ប្រហែល ជា ចង់ ពិចារណា ប្រាប់ អាជ្ញាធរ ដែល ចោទ សួរ អ្នក ពាក់ ម៉ាស់ ថា "ខ្ញុំ ពាក់ ម៉ាស់ ដើម្បី ការពារ សុខភាព របស់ខ្ញុំ" ប៉ុន្តែ អ្នក គួរ ត្រៀម ខ្លួន ដើម្បី កុំ ឱ្យ មាន ការបៀតបៀន។

សម្រាប់ព័ត៌មានបន្ថែមអំពីសិទ្ធិរបស់អ្នកនៅពេលតវ៉ា សូមមើលសៀវភៅ មគ្គទេសក៍អំពីដឹងពីសិទ្ធិរបស់អ្នកសម្រាប់អ្នកតវ៉ាដែលពិការ។

8. តើអ្វីជាការសម្របសម្រួលសមស្រប/ការកែ ប្រែ សមស្រប?

ការសម្របសម្រួលសមស្របឬការកែប្រែសមស្របគឺជាការផ្លាស់ប្តូរវិធាន គោលនយោបាយ ឬការអនុវត្តដែលចាំបាច់ ដើម្បីផ្តល់ឱ្យជនពិការនូវសិទ្ធិស្មើគ្នាក្នុងការទទួលបានសេវាកម្ម កម្មវិធី ឬសុខូបត្ថម្ភវត្ថុនៅសាលារៀន។ សាលារៀនត្រូវតែផ្តល់ការកែប្រែបែបនេះ លុះត្រាតែវាបណ្តាលឱ្យមានបន្ទុកហួសហេតុផ្នែកហិរញ្ញវត្ថុ ឬផ្នែករដ្ឋបាលលើសាលា ផ្លាស់ប្តូរជាចម្បងនូវលក្ខណៈនៃសេវាកម្ម កម្មវិធី ឬសកម្មភាពរបស់សាលា ឬបង្កការគំរាមកំហែងដោយផ្ទាល់ដល់សុខភាព ឬសុវត្ថិភាពរបស់អ្នកដទៃ។ ពាក្យ "ការកែប្រែ សមស្រប" និង "ការសម្របសម្រួលសមស្រប" គឺអាចប្រើជំនួសគ្នាបាននៅក្នុងបរិបទសាលារៀន និងបម្រាមពាក់ម៉ាស់។ យើងប្រើពាក្យ "ការសម្របសម្រួលសមស្រប" នៅក្នុងផ្នែកដែលនៅសល់នៃសៀវភៅមគ្គទេសក៍នេះ។

សម្រាប់ព័ត៌មានលម្អិតបន្ថែមអំពីការសម្រប សម្រួល សមស្របនៅក្នុងបរិបទអប់រំឧត្តមសិក្សា សូមពិនិត្យមើលព្រឹត្តិបត្រព័ត៌មានអំពីការរើសអើងជនពិការ៖ មហាវិទ្យាល័យ និងសាកលវិទ្យាល័យ។

9. តើខ្ញុំអាចស្នើសុំការសម្របសម្រួលសមស្របដោយរបៀបណាដើម្បីពាក់ម៉ាស់បាន?

ដើម្បីស្នើសុំការសម្របសម្រួលសមស្របពីបម្រាមពាក់ ម៉ាស់ដោយសារតែពិការភាពរបស់អ្នក អ្នកត្រូវតែពន្យ ល់ ពីមូលហេតុដែលការពាក់ម៉ាស់គឺចាំបាច់សម្រាប់អ្នកចូលប្រើសេវាកម្ម កម្មវិធី សកម្មភាព ឬសុខូបត្ថម្ភវត្ថុរបស់សាលា។ អ្នកមិនចាំបាច់ផ្តល់ការធ្វើរោគវិនិច្ឆ័យដល់សាលា ឬផ្តល់ព័ត៌មានលម្អិតអំពីពិការភាព ឬស្ថានភាពវេជ្ជសាស្រ្តរបស់អ្នកនោះទេ ប៉ុន្តែអ្នកត្រូវតែពន្យល់ពីទំនាក់ទំនងរវាងការសម្របសម្រួលដែលអ្នកកំពុងស្នើសុំ និងតម្រូវការទាក់ទងនឹងពិការភាពរបស់អ្នក។

អ្នកអាចស្នើសុំការសម្របសម្រួលផ្ទាល់មាត់ ឬជាលាយលក្ខណ៍អក្សរ ប៉ុន្តែជាទូទៅយល់ល្អគួរតែធ្វើសំណើជាលាយលក្ខណ៍អក្សរ ដើម្បីឱ្យអ្នកមានភស្តុតាងអំពីសំណើនេះ។

បើអ្នកត្រូវបានបញ្ឈប់ មិន ឲ្យពាក់ម៉ាស់ដោយនរណាម្នាក់ អ្នកអាចបង្ហាញការសម្របសម្រួលត្រឹមតែ ដោយផ្ទាល់មាត់បាន។ នៅពេលក្រោយអ្នកគួរតែចងក្រងឯកសារនេះឱ្យបានឆាប់តាមដែលអាចធ្វើបានជាលាយលក្ខណ៍អក្សរទៅកាន់ការិយាល័យសេវាពិការភាពរបស់សិស្សដែលសមស្របរបស់អ្នកនៅក្នុងបរិវេណមហាវិទ្យាល័យ។

ប្រសិនបើអ្នកដឹងថាអ្នកត្រូវតែពាក់ម៉ាស់នៅក្នុងបរិវេណមហាវិទ្យាល័យ សូមកំណត់ពេលណាត់ជួបដើម្បីទទួលបានការសម្របសម្រួលនេះដែលត្រូវបានចង ក្រងជាឯកសារនៅក្នុងផែនការសម្របសម្រួលរបស់អ្នក។ បន្ទាប់មក អ្នកអាចបង្ហាញច្បាប់ចម្លងនៃឯកសារនេះ ប្រសិន បើអ្នកត្រូវបានបញ្ឈប់មិន ឲ្យពាក់ម៉ាស់។

10. ប្រសិនបើខ្ញុំមានអារម្មណ៍ថាខ្ញុំត្រូវបានបៀតបៀនដោយនិស្សិត សាស្រ្តាចារ្យ ឬបុគ្គលិកដោយសារពាក់ម៉ាស់ តើខ្ញុំគួរធ្វើដូចម្តេច?

ការបៀតបៀនដោយផ្អែកលើពិការភាពគឺជាអំពើខុស ច្បាប់យោងតាមច្បាប់សហព័ន្ធ និងច្បាប់រដ្ឋកាលីហ្វ័រញ៉ា រួមទាំងច្បាប់ដែលបានយោងខាងលើ។ ប្រសិនបើអ្នកត្រូវបានបៀតបៀន សូមចងក្រងជា ឯកសារអំពីបទពិសោធរបស់អ្នក។ ប្រសិនបើសមាជិកមហាវិទ្យាល័យមានទំនួលខុសត្រូវ អ្នកអាចទៅរកបុគ្គលិកកម្រិតខ្ពស់បាន (អ្នកគ្រប់គ្រងផ្ទាល់ និងអ្នកគ្រប់គ្រង)។ ចងក្រងឯកសារអំពីការពិភាក្សាខ្សែសង្វាក់បញ្ជារបស់បុគ្គលិក និងបុគ្គលិកផ្សេងៗគ្នាដែលអ្នកនិយាយជាមួយ ហើយចងក្រងជាឯកសារអំពីអន្តរកម្មទាំងនេះជាលាយលក្ខណ៍អក្សរ រូបភាព សារ ឬជាមួយសាក្សី។ រក្សាទុកច្បាប់ចម្លងនៃអ៊ីមែល ពាក្យបណ្តឹង និងឯកសារទាំងអស់។ អ្នកក៏អាចទាក់ទងផ្នែកធនធាននៅខាងក្នុងនៅក្នុងប្រព័ន្ធសាកល វិទ្យាល័យជាលាយលក្ខណ៍អក្សរផងដែរ ដើម្បីធ្វើកំណត់ហេតុអំពីអ្វីដែលអ្នកបានជួបប្រទះ។ បន្ទាប់មក អ្នកក៏ត្រូវ ទាក់ទងធនធានពីខាងក្រៅដូចជាទីភ្នាក់ងាររដ្ឋ និងសហព័ន្ធ ដែលទទួលយកការតវ៉ា និងអនុញ្ញាតឱ្យពួកគេដឹងពីបទពិសោធរបស់អ្នកនៅក្នុងបរិវេណមហាវិទ្យាល័យ។

11. ប្រសិនបើមន្ត្រីប៉ូលិសបញ្ឈប់ ខ្ញុំមិន ឱ្យពាក់ម៉ាស់ តើខ្ញុំគួរតែធ្វើដូចម្តេច? តើខ្ញុំមានសិទ្ធិអ្វីខ្លះពេលមានអន្តរកម្មជាមួយនឹងមន្រ្តីអនុវត្តច្បាប់?

អ្នកមានសិទ្ធិពាក់ម៉ាស់នៅក្នុងបរិវេណមហាវិទ្យាល័យ បាន។ អ្នកអាចពន្យល់ប្រាប់ដល់មន្ត្រីប៉ូលិសថា អ្នកពាក់ម៉ាស់ដើម្បីហេតុផលការពារសុខភាព និងសុវត្ថិភាព។ ប៉ូលិសនៅបរិវេណមហាវិទ្យាល័យត្រូវបាន តម្រូវឱ្យអនុវត្តតាមច្បាប់ប្រឆាំងការរើសអើងរបស់រដ្ឋ និងសហព័ន្ធ រួមទាំងច្បាប់ស្តីពីជនពិការអាមេរិក (ADA)។

ប្រសិនបើមន្ត្រីប៉ូលិសបន្តស្នើសុំឲ្យអ្នកដោះម៉ាស់ អ្នកអាចស្នើសុំការសម្របសម្រួលសមរម្យដោយផ្ទាល់មាត់បាន។ អ្នកមិនចាំបាច់បញ្ជាក់ពិការភាពរបស់អ្នកទេ ប៉ុន្តែអ្នកត្រូវតែផ្តល់ "មូលហេតុ" ដែលអ្នកត្រូវការពាក់ម៉ាស់ ដើម្បីធ្វើការស្នើសុំការសម្របសម្រួលសមស្រប។ វាមានសារៈសំខាន់ក្នុងការចងក្រងជាឯកសារអំពី បទពិសោធរបស់អ្នក។ ការថតវីដេអូ ឬសរសេរបទពិសោធរបស់អ្នកនៅពេលក្រោយគឺមានប្រយោជន៍។ សរសេរព័ត៌មានកំណត់អត្តសញ្ញាណរបស់ប៉ូលិស រួមទាំងឈ្មោះ ឬលេខកាតនៃមន្រ្តីអនុវត្តច្បាប់ដែលអ្នកទាក់ទងជាមួយ ប្រសិនបើអាចធ្វើទៅបាន។ អ្នកមានសិទ្ធិស្នើសុំច្បាប់ចម្លងរបាយការណ៍ប៉ូលិសសម្រាប់ទុកជាកំណត់ត្រារបស់អ្នកបាន។

12. ប្រសិនបើខ្ញុំត្រូវបានចាប់ខ្លួន ឬឃុំខ្លួន តើខ្ញុំអាចបន្តពាក់ម៉ាស់បានដែរទេ?

ប្រសិនបើអ្នកត្រូវបានចាប់ខ្លួន ឬឃុំខ្លួន អ្នកអាចស្នើសុំការសម្របសម្រួលសមស្របដោយផ្ទាល់មាត់ ដើម្បីបន្តពាក់ម៉ាស់បាន។ សម្រាប់ព័ត៌មានលម្អិតបន្ថែមអំពីការសម្របសម្រួលសមស្រប នៅពេលធ្វើអន្តរកម្មជាមួយមន្ត្រីអនុវត្តច្បាប់ សូមពិនិត្យមើលសិទ្ធិរបស់អ្នក! ជនមាន ពិការភាព និងមន្រ្តីអនុវត្ត ច្បាប់។

13. តើខ្ញុំអាចលើកឡើងពីកង្វល់ដែលខ្ញុំមានចំពោះប្រព័ន្ធសាកលវិទ្យាល័យដោយរបៀ បណា?

ប្រសិនបើអ្នកត្រូវបានរើសអើង អ្នកមានសិទ្ធិបន្តដាក់ពាក្យបណ្តឹងផ្ទៃក្នុងជាលាយលក្ខណ៍អក្សរ ដើម្បីចងក្រង ជាឯកសារអំពីបទពិសោធរបស់អ្នកបាន។ អ្នកអាចប្រើពាក្យបណ្តឹងផ្ទៃក្នុងទាំងនេះជាភស្តុតាងនៅក្នុងពាក្យបណ្តឹងពីខាងក្រៅបាន។ មានវិធីសាស្រ្តជាច្រើនដែលអ្នកអាចបន្ត៖

ធនធានខាងក្រោមគឺជាក់លាក់ចំពោះប្រព័ន្ធសាកលវិទ្យាល័យកាលីហ្វ័រញ៉ា។ ប្រសិនបើអ្នកនៅសាកលវិទ្យាល័យផ្សេង អ្នកអាចរកមើលធនធានស្រដៀងគ្នានៅក្នុងបរិវេណមហាវិទ្យាល័យរបស់អ្នក។

ពាក្យបណ្តឹងរបស់ប៉ូលិស UC៖ ពាក្យបណ្តឹងដែលជាធម្មតាហៅថា "បណ្តឹងសាទុក្ខស៊ីវិល" អាចត្រូវបានប្រមូលដោយនាយកដ្ឋានប៉ូលិសនៃបរិវេណមហាវិទ្យាល័យរបស់អ្នក។ អ្នកគួរតែទទួលបានការឆ្លើយតបទាន់ពេលវេលាចំពោះពាក្យបណ្តឹងរបស់អ្នក។ អ្នកប្រហែលជាអាចធ្វើបណ្តឹងអនាមិកបាន។

• ទិន្នន័យបណ្តឹងស៊ីវិលទាំងអស់សម្រាប់សាលា UC មានទីតាំងនៅទីនេះ៖ សុវត្ថិភាពសហគមន៍៖ បណ្តឹងស៊ីវិល | សាកលវិទ្យាល័យកាលីហ្វ័រញ៉ា
• ប៉ូលិសនៅបរិវេណមហាវិទ្យាល័យត្រូវតែរាយការណ៍រាល់សកម្មភាព មិនសមរម្យទាំងអស់របស់ប៉ូលិសយោងតាមក្រមព្រហ្មទណ្ឌ 832.5។
• មិនមានកាលបរិច្ឆេទកំណត់ក្នុងការធ្វើបណ្តឹងទេ ប៉ុន្តែយល់ល្អគួរតែធ្វើដូច្នេះឱ្យបានឆាប់តាមដែលអាចធ្វើទៅបាន។

ផែនការសុវត្ថិភាពសហគមន៍ UC

• ទាក់ទងសមាជិកក្រុមការងារ និងមន្ត្រីទទួលខុសត្រូវក្នុងបវិវេណមហាវិទ្យាល័យរបស់អ្នកជាលាយលក្ខណ៍អក្សរ ដើម្បីរាយការណ៍ពីការរំលោភលើផែនការសុវត្ថិភាពសហគមន៍ UC
• បញ្ជីឈ្មោះសមាជិកក្រុមការងារ
• បញ្ជីឈ្មោះមន្ត្រីទទួលខុសត្រូវក្នុងបរិវេណមហាវិទ្យាល័យ ដែលទទួលខុសត្រូវក្នុងការអនុវត្តផែនការសុវត្ថិភាពសហគមន៍។

រាយការណ៍ពីបទពិសោធរបស់អ្នកជាលាយលក្ខណ៍អក្សរទៅកាន់ការិយាល័យសិទ្ធិស៊ីវិលទូទាំងប្រព័ន្ធ

• ដាក់របាយការណ៍នៅទីនេះ៖ https://uctitleix.i-sight.com/portal
• របាយការណ៍អាចត្រូវបានធ្វើឡើងដោយអនាមិក។
• មិនមានកាលបរិច្ឆេទកំណត់ក្នុងការធ្វើបណ្តឹងទេ ប៉ុន្តែយល់ល្អគួរតែធ្វើដូច្នេះឱ្យបានឆាប់តាមដែលអាចធ្វើទៅបាន។

ទាក់ទង ឬរាយការណ៍អំពីឧប្បត្តិហេតុទៅកាន់ការិយាល័យ ADA នៃបរិវេណមហាវិទ្យាល័យរបស់អ្នក៖

• បញ្ជីឈ្មោះការិយាល័យ ADA ទាំងអស់នៅទីនេះ៖ https://www.ucop.edu/ethics-compliance-audit-services/compliance/american-disabilities-act-ada/campus-ada-coordinator-contacts.html
• ទាក់ទងទៅអ្នកសម្របសម្រួល ADA នៅសាលា UC ជាក់លាក់របស់អ្នក។

ទាក់ទង ឬរាយការណ៍អំពីឧប្បត្តិហេតុទៅកាន់ការិយាល័យមិនរើសអើងនៅបរិវេណមហាវិទ្យាល័យរបស់អ្នក

• បញ្ជីឈ្មោះការិយាល័យប្រឆាំងការរើសអើងមានទីតាំងនៅទីនេះ៖ ការិយាល័យប្រឆាំងការរើសអើងនៅ បរិវេណម ហាវិទ្យាល័យ
• សាលា UC មួយចំនួនក៏អាចមានក្រុម "ប្រឆាំងភាពលម្អៀង" ដូចជាក្រុមអប់រំ និងធនធាន (BERT, Bias Education and Resource Team) របស់សាកលវិទ្យាល័យសាន់ហ្វ្រាន់ស៊ីស្កូផងដែរ។ ប្រសិនបើសាលារបស់អ្នកមានបញ្ហានេះ សូមទាក់ទងពួកគេដើម្បីរាយការណ៍បញ្ហាជាលាយលក្ខណ៍អក្សរ។

14. តើមានប្រភពបណ្តឹងពីខាងក្រៅដើម្បីបន្តដែរឬទេ ប្រសិនបើខ្ញុំមានអារម្មណ៍ថាខ្ញុំត្រូវបានរើសអើង?

បាទ/ចាស

• ពាក្យបណ្តឹងរបស់ក្រសួងសិទ្ធិស៊ីវិលរដ្ឋកាលីហ្វ័រញ៉ា (CRD, Civil Rights Department)
  • សម្រាប់បណ្តឹងទាមទារតាមច្បាប់រដ្ឋ
  • ពីមុនស្គាល់ថាជាក្រសួងការងារ និងលំនៅឋានសមរម្យ (DFEH, Department of Fair Employment and Housing)
  • របៀបដាក់ពាក្យបណ្តឹង៖ https://calcivilrights.ca.gov/complaintprocess/
  • ដាក់ពាក្យបណ្តឹងក្នុងរយៈពេលមួយឆ្នាំនៃការអនុវត្តខុសច្បាប់ដែលត្រូវបានចោទប្រកាន់
• ការិយាល័យបណ្តឹងសិទ្ធិស៊ីវិល (OCR, Office of Civil Rights) នៃក្រសួងអប់រំ
  • សម្រាប់បណ្តឹងទាមទារតាមច្បាប់សហព័ន្ធ
  • ដាក់ពាក្យបណ្តឹង៖ https://www2.ed.gov/about/offices/list/ocr/complaintintro.html
  • ទម្រង់បែបបទដែលត្រូវបំពេញ៖ http://www.ed.gov/about/offices/list/ocr/complaintintro.html.
  • ដាក់ពាក្យបណ្តឹងក្នុងរយៈពេល 180 ថ្ងៃគិតចាប់ពី មាន អំពើរើសអើងចុងក្រោយកើតឡើង
• បណ្តឹងរបស់ក្រសួងយុត្តិធម៌សហរដ្ឋអាមេរិក (DOJ, Department of Justice)
  • ដាក់ពាក្យបណ្តឹងនៅទីនេះ៖ https://civilrights.justice.gov/
  • អាច ដាក់ពាក្យបណ្តឹង បាន គ្រប់ ពេល ប៉ុន្តែ យក ល្អ ត្រូវ ដាក់ពាក្យបណ្តឹង ឱ្យ ឆាប់ តាម ដែល អាច ធ្វើ ទៅ បាន។
• ឧប្រាស្រ័យផ្លូវច្បាប់
  • អ្នកមានសិទ្ធិដាក់ពាក្យបណ្តឹង បើអ្នកត្រូវបានរើសអើងក្នុងនាមជាសមាជិកនៃថ្នាក់ដែលត្រូវបានការពារ។ បណ្តឹងមានពេលវេលាកំណត់ក្នុងការប្តឹងនៅពេលដែលអំពើរើសអើងបានកើតឡើង ហើយអាចមានរយៈពេលតិចជាងមួយឆ្នាំ។ អ្នកអាចចង់ទាក់ទងមេធាវីដើម្បីទទួលបានព័ត៌មាន និងពេលវេលាកំណត់សម្រាប់បណ្តឹងទាមទារជាក់លាក់របស់អ្នក។

15. តើធនធានផ្សេងទៀតដើម្បីស្វែងយល់បន្ថែមអំពីប្រធានបទនេះនៅឯណា?

• សិទ្ធិរបស់អ្នកជាជនពិការ និងមន្រ្តីអនុវត្តច្បាប់៖ https://www.disabilityrightsca.org/publications/your-rights-people-with-disabilities-and-law-enforcement
• សៀវភៅមគ្គទេសក៍ ដឹងពីសិទ្ធិរបស់អ្នកសម្រាប់អ្នកតវ៉ាដែលពិការ - DREDF
• ទិដ្ឋភាពទូទៅនៃការអប់រំឧត្តមសិក្សា DRC៖ https://www.disabilityrightsca.org/resources/higher-education
• ការរើសអើងសិទ្ធិ និងពិការភាពរបស់អ្នកក្នុងវិស័យអប់រំឧត្តមសិក្សា៖ https://www.disabilityrightsca.org/publications/disability-discrimination-fact-sheet-colleges-and-universities
• ដឹងអំពី សិទ្ធិ របស់អ្នក ៖ សិទ្ធិរបស់មនុស្សថ្លង់ - អ្វីដែលត្រូវធ្វើពេលមានបញ្ហាជាមួយ ប៉ូលិស
• សិទ្ធិរបស់អ្នកក្នុងពេលតវ៉ា៖ NLG-កូនសៀវភៅដឹងពីសិទ្ធិរបស់អ្នកឆ្នាំ 2022.pdf
• DREDF ការប្រយុទ្ធដើម្បីសិទ្ធិចូលដោយសុវត្ថិភាពនៅក្នុងបរិយាកាសថែទាំសុខភាពជាជម្រើសពាក់ម៉ាស់