Paub Txog Koj Cov Cai: Kev Txwv Ntaub Npog Ntsej Muag Hauv Cov Tsev Kawm Qib Siab Hauv California

Publications
Sep 1, 2024
8109.09

Paub Txog Koj Cov Cai: Kev Txwv Ntaub Npog Ntsej Muag Hauv Cov Tsev Kawm Qib Siab Hauv California

Cov tsev kawm qib siab hauv California tau muab “kev txwv ntaub npog ntsej muag” rau cov tub ntxhais kawm tso rau hauv lawv cov cai txhawb thiab cov txheej txheem. Cov tub coj xwm hauv tsev kawm hais tias lawv xav kom muaj cov kev txwv no los tiv thaiv cov tub ntxhais kawm kom txhob muaj kev zais lawv tus kheej. Lawv hais tias lawv yuav tsum muaj kev txwv ntaub npog ntsej muag txhawm rau kev nyab xeeb hauv tsev kawm. Lawv siv cov tub ceev xwm hauv tsev kawm los mus quab yuam siv cov kev txwv no.

Sau daim ntawv no

Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.

Lub Ntsiab

Cov tsev kawm qib siab hauv California tau muab “kev txwv ntaub npog ntsej muag” rau cov tub ntxhais kawm tso rau hauv lawv cov cai txhawb thiab cov txheej txheem. Cov tub coj xwm hauv tsev kawm hais tias lawv xav kom muaj cov kev txwv no los tiv thaiv cov tub ntxhais kawm kom txhob muaj kev zais lawv tus kheej. Lawv hais tias lawv yuav tsum muaj kev txwv ntaub npog ntsej muag txhawm rau kev nyab xeeb hauv tsev kawm. Lawv siv cov tub ceev xwm hauv tsev kawm los mus quab yuam siv cov kev txwv no.

Cov kev txwv no yog tsom ntsees rau cov neeg tawm tsam uas yog tub ntxhais kawm thiab muaj kev puas tsuaj yam tsis ncaj cees rau cov tub ntxhais kawm uas muaj kev tsis taus uas siv ntaub npog ntsej muag txhawm rau lawv txoj kev noj qab haus huv thiab kev nyab xeeb. Cov tub ceev xwm hauv tsev kawm tsis tuaj yeem qhia tau qhov txawv ntawm tus neeg tawm tsam uas zais lawv tus kheej thiab tus neeg tsis taus uas rau daim ntaub npog ntsej muag rau cov laj thawj sab kev noj qab haus huv. Lawv yuav tsum tau nug cov lus nug uas hais txog tus neeg ntawd qhov kev tsis taus thiab cov xov xwm kho mob kom paub hais tias thaum lawv thiaj mam tuaj yeem txwv kom tsis pub rau daim ntaub npog ntsej muag. Qee zaum, tus tub ntxhais kawm uas muaj kev tsis taus tuaj yeem rau daim ntaub npog ntsej muag txhawm rau kev noj qab haus huv thaum koom nrog kev tawm tsam. Cov neeg tsis taus yuav muaj kev pheej hmoo siab dua ntawm kev ua phem thaum muaj kev cuam tshuam nrog tub ceev xwm, thiab cov tub ceev xwm yuav tsum tsis txhob txiav txim siab txog qhov hais tias leej twg thiaj li tuaj yeem rau ntaub npog ntsej muag hauv cov tsev kawm ntawv ntawm tsoom fwv.

Cov lus qhia no yog muab tsim los qhia rau koj txog koj cov cai thaum los rau daim ntaub npog ntsej muag hauv tsev kawm thiab qhia kom koj paub tias yuav ua li cas yog tias cov cai no raug raug yuam.

Cov lus nug uas nquag nug:

1. Kuv lub tsev kawm muaj kev txwv ntaub npog ntsej muag. Puas yog kuv tseem tuaj yeem rau tau daim ntaub npog ntsej muag hauv tsev kawm?

Yog, koj tseem tuaj yeem rau tau daim ntaub npog ntsej muag hauv tsev kawm. Koj muaj cai rau kev pov thaiv txoj kev noj qab haus huv thiab kev nyab xeeb hauv tsev kawm. Koj muaj txoj cai sib npaug zos los xaiv qhov seb puas yuav hnav lub npog ntsej muag, thiab koj yuav tsum tsis txhob raug hais kom yuav tsum ua raws txoj kev xaiv no.

2. Yog muaj ib tug neeg twg nug kuv tias vim li cas kuv thiaj rau daim ntaub npog ntsej muag no, kuv puas yuav tsum tau teb? Kuv puas yuav tsum tau nthuav qhia kuv qhov kev tsis taus?

Koj tsis tas yuav nthuav qhia txog tej kev tshwj xeeb txog ntawm koj qhov kev tsis taus los sis kev kuaj pom mob. Nws kuj yuav yog qhov zoo uas yuav tau qhia rau tus neeg uas nug ntawd paub tias koj muaj kev tsis taus los ntawm qhov hais yooj-yooj yim hais tias “Kuv muaj kev tsis taus thiab yuav tau rau daim ntaub npog ntsej muag no txhawm rau kuv txoj kev noj qab haus huv thiab kev nyab xeeb. ”

3. Yog ib tug xibhwb twg hais kom kuv tshem kuv daim ntaub npog ntsej muag no, kuv puas yuav tau tshem?

Koj muaj cai rau daim ntaub npog ntsej muag ntawd hauv tsev kawm. Koj tuaj yeem piav qhia rau tus xibhwb ntawd hais tias koj rau daim ntaub npog ntsej muag txhawm rau kev noj qab haus huv thiab kev nyab xeeb.

4. Puas muaj cov kev cai lij choj uas pov thaiv tau kuv txoj cai los rau daim ntaub npog ntsej muag?

Muaj. Muaj cov kev cai lij choj hauv xeev thiab tsoom fwv teb chaws uas txwv tsis pub muaj kev ciav cais.

Yog tias koj tsim nyog yuav tau rau daim ntaub npog ntsej muag rau qhov laj thawj cuam tshuam txog kev tsis taus, ces qhov kev txwv tsis pub koj rau daim ntaub npog ntsej muag rau qhov laj thawj ntawd yuav yog kev ciav cais.

Tsoom Fwv Teb Chaws cov kev cai lij choj uas pov thaiv koj txoj cai rau daim ntaub npog ntsej muag muaj xws li Tsab Caw Hais Txog Cov Pej Xeem Mes Kas Uas Muaj Kev Tsis Taus (Americans with Disabilities Act) (42 U.S.C. §§ 12101, thiab sib txuas zus) thiab Tshooj 504 ntawm Tsab Cai Hais Txog Kev Kho Kom Zoo Rov Los ntawm xyoo 1973. (29 Txoj Cai Hauv Teb Chaws Mes Kas (U.S.C., United States Code) § 701, thiab sib txuas zus).

Nqe II ntawm Tsab Cai Hais Txog Pej Xeem Mes Kas Uas Muaj Kev Tsis Taus (ADA, Americans with Disabilities Act) txwv tsis pub muaj kev ciav cais cov neeg uas muaj kev tsis taus nyob rau txhua yam kev pab cuam, txhua lub khoos kas, thiab cov haujlwm uas cov koom haum ntawm tsoom fwv muab tuaj. Feem ntau ntawm cov tsev kawm university hauv California raug muab xam tias yog cov tsev kawm ntawm tsoom fwv, uas xam muaj txoj kab kev ntawm Tsev Kawm University of California, txoj kab kev ntawm Tsev Kawm California State University, thiab txoj kab kev ntawm Tsev Kawm Qib Siab California Community College.

Nqe III ntawm tsab cai ADA txwv tsis pub muaj kev ciav cais rau cov neeg uas muaj kev tsis taus los ntawm cov koom haum ntiag tug ntawm kev kawm theem siab. Raws li tag nrho Nqe II thiab Nqe III tib si, koj yeej muaj txoj cai thov txog ib qhov “kev hloov kho raws qhov tsim nyog” los sis “kev pab ua kom yooj yim raws qhov tsim nyog” yog tias tsim nyog muaj hauv kev nkag mus siv cov kev pab cuam hauv tsev kawm university los sis tsev kawm qib siab, cov khoos kas, cov haujlwm, los sis cov chaw siv. Saib Nqe Lus Nug 8 kom paub ntau ntxiv txog ntawm cov kev hloov kho raws qhov tsim nyog thiab cov kev pab ua kom yooj yim raws qhov tsim nyog.

Tshooj 504 ntawm Tsab Cai Hais Txog Kev Kho Kom Zoo Rov Los yuav tiv thaiv kev ciav cais raws kev tsis taus los ntawm cov chaw ua haujlwm ntawm tsoom fwv uas tau txais kev pab nyiaj los ntawm tsoom fwv teb chaws. Feem ntau ntawm cov tsev kawm university hauv California tau txais kev pab nyiaj los ntawm tsoom fwv teb chaws, uas xam muaj kev muab nyiaj pab los ntawm tsoom fwv teb chaws. Qhov no xam muaj txoj kab kev ntawm Tsev Kawm University of California thiab txoj kab kev ntawm Tsev Kawm California State University. Koj muaj txoj cai thov txog cov kev pab ua kom yooj yim raws qhov tsim nyog raws li Tshooj 504. Koj cov cai nyob rau hauv Tshooj 504 zoo muaj ntsis thooj li koj cov cai hauv tsab cai ADA.

Kuj tseem muaj cov cai lij choj hauv California uas pov thaiv koj kom tsis txhob muaj kev ciav cais. Txoj Cai Ntawm Tsoom Fwv California Tshooj 11135 yog siv rau lub xeev, cov koom haum hauv xeev, thiab cov khoos kas thiab cov haujlwm uas tau txais kev pab nyiaj los ntawm lub xeev. Feem ntau ntawm cov tsev kawm university thiab cov tsev kawm qib siab hauv California yeej tau txais nyiaj pab los ntawm lub xeev. (Xeev California Txoj Cai Sau Nkag §§ 14020(m)). Qhov no xam muaj txoj kab kev ntawm Tsev Kawm University of California, txoj kab kev ntawm Tsev Kawm California State University, thiab txoj kab kev ntawm Tsev Kawm Qib Siab California Community College. Tshooj 11135 txwv tsis pub muaj kev ciav cais raws ntau tus yam ntxwv uas pov thaiv, uas xam muaj: “kev tsis taus ntawm lub hlwb, kev tsis taus ntawm lub cev, [thiab] xwm txheej sab kev kho mob.” Tsis ntev los no, tau txais yuav cov cai tswj hwm los rau Tshooj 11135 uas qhia meej hais tias nws cov kev pov thaiv raws cai kuj tseem siv tau rau cov neeg uas muaj teeb meem kev noj qab haus huv sab kev tiv thaiv kab mob. (Xeev California Txoj Cai Sau Nkag §§ 14020(4)(A); 14020(12).).

Raws li Tshooj 11135 thiab nws cov cai tswj hwm kev siv, cov tsev kawm university thiab lwm cov tsev kawm uas tau txais kev pab nyiaj los ntawm lub xeev hauv xeev California yuav tsis tau txais kev tso cai kom muaj cov cai txhawb rau kev ciav cais raws kev tsis taus, uas xam muaj cov kev txwv rau ntaub npog ntsej muag.

Tej zaum kuj yuav muaj lwm cov kev cai lij choj uas siv tau rau koj qhov xwm txheej

5. Kuv ua hauj lwm hauv ib lub tsev kawm uas muaj ib txoj cai hais txog ntaub npog ntsej muag uas muaj kev txwv. Puas muaj cov kev cai lij choj uas pov thaiv kuv txoj cai rau ntaub npog ntsej muag tom haujlwm?

Muaj. Lub Tsev Haujlwm Saib Xyuas Cov Cai Tswj Hwm Kev Lag Luam Hauv California muaj cov cai txhawb txog kab mob COVID-19 uas tsis yog thaum muaj xwm txheej ceev txog thaum yam tsawg yog hnub tim 3 lub Ob Hlis Ntuj xyoo 2025. Raws li txoj cai txhawb no, cov tswv ntiav haujlwm yuav tsum tso cai rau cov neeg ua haujlwm rau ntaub npog ntsej muag yog neeg ua haujlwm xaiv qhov yuav ua li ntawd (CCR Nqe 8 § 3205(f)(4)).

6. Puas muaj lwm txoj cai lij choj uas yuav siv tau rau kuv qhov xwm txheej?

Muaj, tej zaum yuav muaj lwm txoj cai uas siv tau raws koj lub tsev kawm thiab txoj kev pab cuam, lub khoos kas, txoj haujlwm, los sis qhov chaw uas txuam nrog. Piv txwv li, tsoom fwv teb chaws thiab lub xeev cov kev cai lij choj hais txog vaj tse nyob ncaj ncees yuav muab siv rau koj lub tsev kawm cov khoos kas hais txog vaj tse, thiab lub xeev cov kev cai lij choj uas muab siv rau cov lag luam ntiag tug thiab lwm cov chaw siv haujlwm ntawm tsoom fwv yuav siv tau rau koj lub tsev kawm los sis cov koom haum uas ua lag luam hauv tsev kawm. Xav kom koj sab laj nrog ib tug kws lij choj kom tau lus qhia sabkev cai lij choj rau koj qhov xwm txheej ntawd. Tsis muaj dab tsi nyob rau hauv cov lus qhia no yuav yog npaj los muab lus qhia tswv yim sab kev cai lij choj rau tus kheej.

7. Kuv lub tsev kawm tab tom siv qhov kev txwv ntaub npog ntsej muag txhawm rau txhawm rau tswj ciam rau tej kev tawm tsam. Puas yog kuv tseem tuaj yeem rau daim ntaub npog ntsej muag nyob rau ntawm qhov chaw tawm tsam?

Yog, koj tseem tuaj yeem rau daim ntaub npog ntsej muag nyob rau ntawm qhov chaw tawm tsam. Ntxiv ntawm qhov kev tiv thaiv tshwj xeeb txog kev tsis taus rau kev rau daim ntaub npog ntsej muag, qhov Kev Hloov Kho Xub Thawj yuav pov thaiv koj txoj cai hais lus ywj pheej. Qhov no xam muaj txoj cai tawm tsam uas tsis qhia npe.

Txawm li cas los xij, cov kev txwv tsis pub rau daim ntaub npog ntsej muag hauv tsev kawm yuav ua rau muaj kev rau txim rau kev rau daim ntaub npog ntsej muag kom zais koj tus kheej ntawm qhov chaw tawm tsam. Yog tias koj tab tom rau daim ntaub npog ntsej muag txhawm rau kev noj qab haus huv los sis kev tsis taus, koj yuav tsum tsis poob rau cov kev rau txim no. Txawm li cas los xij, tej zaum cov tub ceev xwm los sis cov neeg coj xwm hauv tsev kawm kuj yuav tsis tswj qhov no kom ncaj ncees. Tej zaum koj kuj yuav xav hais qhia cov tub ceev xwm uas nug txog koj daim ntaub npog ntsej muag, “Kuv tab tom rau daim ntaub npog ntsej muag txhawm rau pov thaiv kuv txoj kev noj qab haus huv,” tab sis koj yuav tsum tau npaj tseg kom tej zaum nws kuj yuav tsis tuaj yeem tiv thaiv tau kev thab plaub.

Yog xav paub ntau ntxiv txog koj cov cai thaum tawm tsam, ces mus saib qhov hais tias Paub Txog Koj Cov Cai txog Cov Lus Qhia Rau Cov Neeg Tawm Tsam Uas Muaj Kev Tsis Taus.

8. Qhov kev pab ua kom yooj yim raws qhov tsim nyog/kev hloov kho raws qhov tsim nyog yog dab tsi?

Kev hloov kho yog ib qho kev hloov pauv rau ib txoj cai twg, ib txoj cai tswj twg, lossis kev coj ua uas tsim nyog los muab tus neeg muaj kev tsis taus muaj hauv kev sib npaug rau ib qhov kev pabcuam twg, ib lub phiaj xwm pabcuam twg, lossis ib qhov chaw twg. Cov tsev kawm yuav tsum muaj kev hloov kho raws qhov tsim nyog tshwj hais tias nws yuav ua rau muaj kev cuam tshuam txog nyiaj txiag thiab nyiaj tshooj ntxiv fab kev tswj hwm ntawm lub tsev kawm; hloov qhov kev pab cuam, qhov phiaj xwm pabcuam, lossis qhov dejnum ntawm lub hauv paus; los yog ua rau muaj kev hem thawj rau kev noj qab haus huv lossis kev nyab xeeb ntawm lwm tus. Cov ntsiab lus "kev hloov kho raws qhov tsim nyog" thiab "kev pab ua kom yooj yim raws qhov tsim nyog" yog kev ua tej yam uas sib pauv tau hauv cov ntsiab lus ntawm cov tsev kawm thiab cov kev txwv txog ntaub npog ntsej muag. Peb siv lo lus "kev pab ua kom yooj yim raws qhov tsim nyog" nyob rau qhov seem ntawm phau ntawv qhia no.

Yog xav paub kom ntxaws ntxiv txog cov kev pab ua kom yooj yim raws qhov tsim nyog hauv cov chaw kawm theem siab, ces mus saib cov Ntaub Ntawv Hais Txog Kev Ciav Cais Cov Neeg Uas Muaj Kev Tsis Taus: Cov Tsev Kawm Qib Siab thiab Tsev Kawm University.

9. Kuv yuav tuaj yeem thov ib qhov kev pab ua kom yooj yim raws qhov tsim nyog txhawm kom rau tau daim ntaub npog ntsej muag tau li cas?

Yog xav thov kom muaj kev pab ua kom yooj yim raws qhov tsim nyog los ntawm ib qhov kev txwv tsis pub rau ntaub npog ntsej muag vim koj qhov kev tsis taus, ces koj yuav tsum piav qhia tias vim li cas kev rau ntaub npog ntsej muag thiaj li yog qhov tsim nyog rau koj kom thiaj nkag mus siv tau cov kev pab cuam, cov khoos kas, cov haujlwm, los sis cov chaw siv hauv tsev kawm. Koj tsis tas yuav muab yam uas kuaj pom rau lub tsev kawm los sis nkag mus rau cov ntsiab lus hais ntxaws txog koj qhov kev tsis taus los sis xwm txheej kev kho mob, tab sis koj yuav tsum tau piav qhia txog qhov kev sib txuas ntawm qhov kev pab ua kom yooj yim uas koj thov txog thiab koj qhov kev tsim nyog uas cuam tshuam txog qhov kev tsis taus.

Koj tuaj yeem tsim koj qhov kev thov ua lus hais lossis ua kev sau ntawv, tab sis feem ntau qhov zoo tshaj mas yuav tau tsim kev thov raws kev sau ntawv txhawm kom koj muaj pov thawj ntawm koj qhov kev thov.

Yog tias muaj ib tug neeg twg cheem kom koj tsis txhob rau ntaub npog ntsej muag, ces koj tsuas tuaj yeem hais qhia txog qhov kev pab ua kom yooj yim ua lus hais xwb los tau. Tom qab ntawd koj yuav tsum teev ntaub ntawv rau qhov no kom sai npaum li sai tau mus rau koj qhov chaw ua haujlwm Pab Cuam Txog Kev Tsis Taus Ntawm Tub Ntxhais Kawm uas tsim nyog hauv tsev kawm ntawv.

Yog koj paub tias koj yuav tsum tau rau daim ntaub npog ntsej muag hauv tsev kawm, ces teev sijhawm rau ib qhov kev teem caij sib ntsib kom teev tau ntaub ntawv rau qhov kev pab ua kom yooj yim no rau hauv koj qhov kev npaj txog kev pab ua kom yooj yim. Tom qab ntawd koj tuaj yeem muab tsab theej qauv ntawm cov ntaub ntawv no rau lawv saib yog tias koj raug cheem.

10. Yog kuv xav tias kuv tab tom raug tsim txom los ntawm cov tub ntxhais kawm, kws qhia ntawv, los sis cov neeg ua haujlwm txog kev rau daim ntaub npog ntsej muag no, kuv yuav tsum ua li cas?

Kev tsim txom raws kev tsis taus yog yam txhaum cai raws li tsoom fwv teb chaws thiab xeev California txoj cai lij choj, uas xam muaj cov kev cai lij choj uas hais los saum toj no. Yog tias koj tab tom raug tsim txom, ces teev ntaub ntawv rau koj qhov kev paub dhau los ntawd. Yog tias ib tug tswv cuab ntawm qhov chaw kawm ntawv muaj lub luag haujlwm saib xyuas, ces koj tuaj yeem mus rau ib tug neeg ua haujlwm txheej siab dua (cov thawj saib xyuas thiab cov thawj tswj hwm). Teev ntaub ntawv rau cov kev sib tham txog qhov kev xav tau coob leej neeg ua haujlwm sib txawv thiab cov neeg ua haujlwm uas koj tham nrog, thiab teev ntaub ntawv rau cov kev sib tham no hauv kev sau ntawv, kev yees duab, ntawv sau, los sis muaj cov neeg tim khawv nrog nraim. Khaws ib tsab theej qauv ntawm txhua tsab email, ntawv tsis txaus siab, thiab txhua yam ntaub ntawv. Koj kuj tseem tuaj yeem tiv tauj rau cov chaw pab txhawb sab hauv nyob rau hauv txoj kab kev ntawm lub tsev kawm university raws kev sau ntawv txhawm rau tuav tseg rau yam uas koj tau ntsib los. Tom qab ntawd, kuj tseem tiv tauj tau rau cov chaw pab txhawb sab nraud xws li cov chaw sawv cev ntawm lub xeev thiab tsoom fwv teb chaws uas lees txais cov kev tsis txaus siab thiab qhia rau lawv paub txog koj qhov kev paub dhau los hauv tsev kawm.

11. If a police officer stops me for wearing a mask, what should I do? What are my rights when interacting with law enforcement?

You have the right to wear a mask on campus. You can explain to the police officer that you are wearing a mask for health and safety reasons. Campus police are required to follow state and federal anti-discrimination laws, including the Americans with Disabilities Act (ADA).

If the officer continues to request the removal of the mask, you can ask for a reasonable accommodation verbally. You do not need to state your disability, but you must provide the “why” of your need to wear a mask to make a reasonable accommodation request. It is important to document your experience. Videoing or writing down your experience afterward is helpful. Write down the police identifying information, including the name or badge number of the law enforcement you interact with if possible. You have the right to request a copy of police reports for your records.

11. Yog ib tug tub ceev xwm cheem kom kuv tsis txhob rau ntaub npog ntsej muag no, kuv yuav tsum ua li cas? Kuv cov cai yog dab tsi thaum tham nrog tub ceev xwm?

Koj muaj cai rau daim ntaub npog ntsej muag ntawd hauv tsev kawm. Koj tuaj yeem piav qhia rau tub ceev xwm hais tias koj tab tom rau ntaub npog ntsej muag txhawm rau cov laj thawj ntawm kev noj qab haus huv thiab kev nyab xeeb. Tub ceev xwm hauv tsev kawm yuav tsum ua raws li lub xeev thiab tsoom fwv teb chaws cov cai lij choj tiv thaiv kev ciav cais, uas xam muaj Tsab Cai Hais Txog Cov Pej Xeem Mes Kas Uas Muaj Kev Tsis Taus (Americans with Disabilities Act, ADA).

Yog tias tus tub ceev xwm pheej tas zog thov kom tshem daim ntaub npog ntsej muag, ces koj tuaj yeem thov kom muaj kev pab ua kom yooj yim raws qhov tsim nyog. Koj tsis tas yuav qhia txog koj qhov kev tsis taus, tab sis koj yuav tsum muab qhov hais tias "vim li cas" ntawm koj qhov kev tsim nyog yuav tau rau daim ntaub npog ntsej muag los tsim kev thov txog kev pab ua kom yooj yim raws qhov tsim nyog. Nws yog ib qho tseem ceeb uas yuav tau teev ntaub ntawv rau koj qhov kev paub dhau los. Kev yees duab yeeb yaj kiab los sis kev sau koj qhov kev paub dhau los tom qab ntawd yog qhov tseem ceeb. Sau cov xov xwm qhia txog tus tub ceev xwm, uas xam muaj lub npe los sis tus najnpawb cim ntawm tub ceev xwm uas koj tham nrog yog tias ua tau. Koj muaj cai thov ib tsab theej qauv ntawm cov ntawv ceeb toom tub ceev xwm cia ua koj cov ntaub ntawv tuav tseg.

12. If I am arrested or detained, can I continue to wear a mask?

If you are arrested or detained, you can verbally request a reasonable accommodation to continue to wear a mask. For more details on reasonable accommodations when interacting with law enforcement, check out Your Rights! People with Disabilities and Law Enforcement.

12. Yog kuv raug ntes los sis raug kuav cia no, kuv puas tuaj yeem rau tau daim ntaub npog ntsej muag mus ntxiv lawm?

Yog tias koj raug ntes los sis raug kuav cia, koj tuaj yeem thov kom muaj kev pab ua kom yooj yim ua lus hais kom tau rau daim ntaub npog ntsej muag txuas mus ntxiv. Yog xav paub kom ntxaws ntxiv txog cov kev pab ua kom yooj yim raws qhov tsim nyog thaum cuam tshuam nrog tub ceev xwm, ces mus saib qhov hais tias Koj Cov Cai! Cov Neeg Xiam Oob Qhab thiab Kev Siv Cai Lij Choj.

13. Kuv tuaj yeem hais txog tej kev txhawj xeeb uas kuv muaj rau lub tsev kawm university tau li cas?

Yog tias koj tau raug kev ciav cais, koj muaj txoj cai sau ntawv foob tsis txaus siab txhawm rau teev ntaub ntawv rau koj txoj kev paub dhau los. Koj tuaj yeem siv cov ntaub ntawv foob kev tsis txaus siab sab hauv no los ua pov thawj rau hauv cov kev tsis txaus siab sab nraud. Muaj ntau txoj hauv kev uas koj tuaj yeem ua tau:

Cov kev pab txhawb hauv qab no yog tshwj xeeb rau txoj kab kev ntawm Tsev Kawm University of California. Yog tias koj nyob hauv ib lub tsev kawm ntawv sib txawv, koj tuaj yeem nrhiav cov chaw pab txhawb uas zoo sib xws ntawm koj lub tsev kawm.

Kev tsis txaus siab rau cov Tub Ceev Xwm Hauv UC: Kev tsis txaus siab, uas feem ntau hu ua “Kev hnyav siab ntawm pej xeem” tuaj yeem raug muab suav sau los ntawm koj lub tsev kawm qhov chaw ua haujlwm ntawm tub ceev xwm. Koj yuav tau txais lus teb ncav sijhawm rau koj qhov kev tsis txaus siab. Tej zaum koj kuj yuav tuaj yeem foob kev tsis txaus siab yam tsis qhia npe.

  • Txhua yam ntaub ntawv hais txog kev tsis txaus siab ntawm pej xeem rau cov tsev kawm UC yog nyob ntawm no: Kev nyab xeeb hauv zej zog: Kev tsis txaus siab ntawm pej xeem | Tsev Kawm University of California
  • Cov tub ceev xwm hauv tsev kawm yuav tsum ceeb toom txhua yam kev nqis tes ua ntawm tub ceev xwm uas ua tsis yog raws li Txoj Cai Rau Txim 832.5.
  • Tsis muaj hnub tag sijhawm rau kev ua ntawv foob kev tsis txaus siab, tab sis qhov zoo tshaj plaws mas yuav tsum foob kom sai npaum li sai tau.

Kev Npaj Txog Kev Nyab Xeeb Hauv Zej Zog Ntawm UC

Ceeb toom koj txoj kev paub dhau los raws kev sau ntawv mus rau lub Chaw Ua Haujlwm Txog Cai Pej Xeem Txhua Nrho Txoj Kab Kev

  • Xa tsab ntawv ceeb toom ntawm no: https://uctitleix.i-sight.com/portal
  • Tuaj yeem ua cov ntawv ceeb toom yam tsis qhia npe li.
  • Tsis muaj hnub tag sijhawm rau kev ua ntawv foob kev tsis txaus siab, tab sis qhov zoo tshaj plaws mas yuav tsum foob kom sai npaum li sai tau.

Tiv tauj los sis ceeb toom txog ib qhov xwm txheej twg mus rau lub chaw ua haujlwm txog ADA hauv koj lub Tsev Kawm:

Tiv tauj los sis ceeb toom txog ib qhov xwm txheej rau koj cov Chaw Ua Haujlwm Saib Xyuas Kom Tsis Muaj Kev Ciav Cais Hauv Tsev Kawm

  • Cov npe chaw ua haujlwm tiv thaiv kev ciav cais yog nyob rau ntawm no: Cov Chaw Ua Haujlwm Hauv Tsev Kawm txhawm rau Tiv Thaiv Kev Ciav Cais
  • Qee lub tsev kawm ntawm UC tej zaum kuj tseem yuav muaj ib pab pawg “tiv thaiv kev tsis ncaj ncees” xws li Pab Pawg Saib Xyuas Kev Kawm thiab Kev Pab Txhawb Txog Kev Tsis Ncaj Ncees (BERT, Bias Education and Resource Team) ntawm lub tsev kawm University of San Francisco. Yog tias koj lub tsev kawm ntawv muaj qhov no, ces tiv tauj rau lawv txhawm rau ceeb toom txog qhov teeb meem kom muaj ntaub ntawv zias.

14. Puas muaj tej chaw pab txhawb txog kev foob kev tsis txaus siab nyob rau sab nraud yog kuv xav hais tias kuv tau raug ciav cais?

Raug lawm.

  • Kev Foob Kev Tsis Txaus Siab Rau Lub Tsev Haujlwm Saib Xyuas Cai Pej Xeem Hauv Xeev California (CRD, California Civil Rights Department)
    • Hais txog kev nqua thov raws txoj cai lij choj hauv xeev
    • Yav tag los sawv daws paub hais tias hu ua lub Tsev Haujlwm Saib Xyuas Kev Ntiav Haujlwm thiab Vaj Tsev Ncaj Ncees (DFEH, Department of Fair Employment and Housing)
    • Txoj hauv kev foob ib qho kev tsis txaus siab: https://calcivilrights.ca.gov/complaintprocess/
    • Ua ntawv foob tsis pub dhau ib xyoos suav txij hnub uas raug ua rau yam tsis raws cai
  • Lub Tsev Haujlwm Saib Xyuas Kev Kawm Lub Chaw Ua Haujlwm Txog Cov Cai Pej Xeem (OCR, Office of Civil Rights)
  • Tebchaws Meskas Lub Tsev Haujlwm Saib Xyuas Kev Ncaj Ncees (DOJ, Department of Justice):
    • Foob kev txaus siab ntawm no: https://civilrights.justice.gov/
    • Tuaj yeem muab foob tau txhua lub sijhawm, tab sis qhov zoo tshaj mas yuav tau ua ntawv foob kom sai npaum li sai tau
  • Kev kho raws cai
    • Koj muaj txoj cai foob yog tias koj tau raug ciav cais thaum yog ib tug tswv cuab ntawm pawg neeg uas tau txais kev pov thaiv. Kev foob muaj cov kev tswj ciam sijhawm thaum muaj kev ciav cais tshwm sim thiab tuaj yeem muaj sijhawm tsawg li ib lub xyoos. Tej zaum koj yuav xav mus cuag ib tug kws lij choj kom tau xov xwm thiab tej kev tswj ciam ntawm lub sijhawm rau koj cov kev nqua thov tshwj xeeb.

15. Lwm qhov chaw pab txhawb txhawm rau kawm paub ntxiv txog lub ncauj lus no yog nyob rau qhov twg?