Kev Nce Ntxiv Ntawm CalFresh
Kev Nce Ntxiv Ntawm CalFresh
Cov kev hloov tshiab tam sim no rau CalFresh qhov kev pab cuam vim tus mob Coronavirus.
Kev lees paub: Qhov kev tshaj tawm no tsuas yog cov ntaub ntawv raug cai thiab tsis yog lus qhia txog kev cai lij choj ntawm koj tus kheej. Nws yog tam sim no raws li hnub tshaj tawm. Peb sim hloov peb cov ntaub ntawv tsis tu ncua. Txawm li cas los xij, txoj cai hloov tsis tu ncua. Yog tias koj xav paub tseeb tias txoj cai tsis tau hloov, hu rau DRC lossis lwm lub chaw haujlwm raug cai.
Yuav muaj dab tsi tshwm sim?
Yog tias koj tau txais CalFresh, ces koj yuav tau txais nyiaj ntxiv. Nov yog ib Feem Ntawm Xwm Txheej Ceev (EA, Emergency Allotment) hauv koj daim Npav Xa Nyiaj Pab Hauv Tshuab Hluav Taws Xob (EBT, Electronic Benefit Transfer).
Thaum twg?
Cov neeg tuaj yeem tau txais 2 feem EA. Yog tias koj tsev neeg tau txais CalFresh thaum lub Peb Hlis Ntuj, ces koj yuav tau txais ib feem nyob rau lub Plaub Hlis Ntuj tim 11. Yog tias koj tsev neeg tau txais CalFresh thaum lub Plaub Hlis Ntuj, ces koj yuav tau txais ib feem nyob rau lub Tsib Hlis Ntuj tim 10.
Vim li cas thiaj muaj qhov no tshwm sim?
Nyob rau lub Peb Hlis Ntuj tim 18 xyoo 2020, Tsab Cai Hais Txog Tsev Neeg Ua Ntej Tshaj (Families First Act) tau dhau los yog ib txoj cai lij choj vim muaj tus kab mob COVID-19.
Ntau npaum li cas?
Cov nyiaj yuav sib txawv rau txhua tsev neeg. Nws kuj yuav hloov pauv raws hli. Feem EA yuav tsum muab kom tau ntau tshaj plaws ntawm cov nyiaj uas tsao cai muab rau txhua tsev neeg.
Rho koj cov nyiaj pab CalFresh rau tsev neeg tawm ntawm cov nyiaj pab uas ib tug neeg twg tuaj yeem tau txais ntau tshaj plaws. Qhov ntawd yog cov nyiaj uas koj yuav tau txais.
Piv txwv: Yog tias nyob rau lub Peb Hlis Ntuj thiab lub Plaub Hlis Ntuj, koj, ib tsev neeg ntawm 1 tug neeg twg yuav tau txais $100 hauv CalFresh. Qhov ntau tshaj plaws uas ib tsev neeg ntawm 1 tug neeg twg tuaj yeem tau txais yog $194. Tam sim no koj yuav tau txais $94 EA nyob rau lub Plaub Hlis Ntuj tim 11 thiab $94 EA nyob rau lub Tsib Hlis Ntuj tim 10. Qhov no yuav muab koj cov nyiaj pab nce mus txog rau qhov uas ntau tshaj plaws ntawm $194.
Qhov no yuav tshwm sim tau li cas?
Yog tias koj tau txais CalFresh, ces koj tsis tas yuav ua dab tsi li. Cov nyiaj pab yuav raug muab tso rau hauv koj tus as qhauj EBT.
Yog tias koj tsim nyog yuav tau thov CalFresh, ces thov kom sai nawb! Txoj kev no, ces koj yuav tuaj yeem tau txais nyiaj ntxiv nyob rau lub hli tom ntej.
Cov cheeb nroog puas pau bhais tias yuav ua li cas?
Lub Chaw Saib Xyuas Kev Pab Cuam Zej Tsoom hauv California (CDSS, California Department of Social Services) yuav tshaj tawm ib Tsab Ntawv Hais Txog Txhua Leej Ntawm Cov Thawj Tswj Haujlwm Xoom Qhaub hauv Cheeb Nroog nyob rau ntawm: https://www.cdss.ca.gov/inforesources/letters-regulations/lettersand-notices/county-letters/2020
Cov Lus Nug thiab Cov Lus Teb
Lus Nug. Qhov kev pab no tsuas yog txhawm rau cov tsev neeg uas tseem tsis tau txais cov nyiaj pab CalFresh uas ntau tshaj plaws. Cov tsev neeg puas twb tau txais cov nyiaj pab uas ntau tshaj plaws puas yuav tau txais dab tsi?
Lus Teb. Tsis Tau. California xav ua li no, tab sis qhov no tseem tsis tau tshwm sim.
Lus Nug. Cov neeg tso npe thov CalFresh puas yuav tau txais ib feem EA yog tias lawv tseem tsis tau txais kev pom zoo rau cov nyiaj pab?
Lus Teb. Tsis Tau. Tsuas yog ib tsev neeg uas tau txais kev pom zoo kom tau txais cov nyiaj pab CalFresh nyob rau lub Peb Hlis Ntuj los sis lub Plaub Hlis Ntuj thiaj yuav tau txais ib feem EA.
Lus Nug. Cov nyiaj pab EA puas yuav yog ua raws li qhov muaj pes tsawg leej hauv tsev neeg ntawm tus neeg tso npe thov CalFresh, txawm tias qee tus tsis tsim nyog rau CalFresh los xij?
Lus Teb. Tsis Tau. Tsuas yog cov neeg hauv tsev neeg uas tsim nyog tau txais cov nyiaj pab CalFresh xwb thiaj yuav raug muab suav thaum txiav txim siab txog EA.
Lus Nug. Cov neeg uas tau txais lub Phiaj Xwm Pab Cuam Khoom Noj hauv California (CFAP, California Food Assistance Program) puas yuav tau txais ib feem EA?
Lus Teb. Tau, lawv yuav tau txais nyiaj EA uas yog siv cov nyiaj hauv lub xeev.
Lus Nug. Puas yog cov neeg uas tau txais Nyiaj Tau Los Rau Kev Ruaj Ntseg Txhawb Ntxiv (SSI, Supplemental Security Income) uas tau txais Cov Nyiaj Pab Khoom Noj Txhawb Ntxiv (SNB, Supplemental Nutrition Benefits) los sis Cov Nyiaj Pab Khoom Noj Ib Ntus (TNB, Temporary Nutrition Benefit) puas yuav tau txais ib feem EA?
Lus Teb. Tsuas yog cov neeg tau txais SSI uas tau txais CalFresh thiab SNB xwb thiaj yuav tau txais ib feem EA. Qhov no yog vim hais tias cov neeg tau txais SSI uas tau txais cov nyiaj pab TNB tsis tuaj yeem tau txais CalFresh.
Xav paub ntau ntxiv txog ntawm peb qhov Kev Pab Tswv Yim Txog Kab Mob COVID-19 Uas Sib Kis Thoob Plaws Qhov Txhia Chaw:
Cov Tuam Txhab Nyiaj Ntawm Lub Koom Haum Khoom Noj hauv California: www.cafoodbanks.org los sis tiv tauj rau: Andrew Cheyne ntawm andrew@cafoodbanks.org los sis Becky Gershon becky@cafoodbanks.org
Cov Kws Lij Choj Ntawm Txoj Cai Txhawb Khoom Noj hauv California: www.cfpa.net los sis tiv tauj rau: Jared Call ntawm jared@cfpa.net
Lub Koom Haum Ntawm Cov Thawj Tswj Haujlwm Xoom Qhaub hauv Cheeb Nroog ntawm Xeev California: www.cwda.org los sis tiv tauj rau: Cathy Senderling-McDonald ntawm csend@cwda.org
Lub Chaw Pab Cuam Sab Hnub Poob txog Txoj Cai Lij Choj thiab Kev Txom Nyem Txoj Kev Pab Tswv Yim Sab Kev Sib Kis Kab Mob: www.wclp.org, los sis tiv tauj rau Jessica Bartholow ntawm jbartholow@wclp.org.