Kuv yuav ua tau li cas yog hais tias kuv tab tom muaj teeb meem nrog kuv tus kws pab tswv yim hauv DOR?

Koj qhov kauj ruam xub thawj yuav tsum yog kev fab peem daws qhov teeb meem nrog koj tus kws pab tswv yim hauv DOR. Yog hais tias koj tsis muaj peev xwm daws qhov teeb meem ntawd nrog koj tus kws pab tswv yim, ces thov kom muaj ib rooj sab laj nrog tus thawj saib xyuas ntawm tus kws pab tswv yim ntawd. Tus Thawj Saib Xyuas Txog Kev Kho Kom Rov Zoo Los (a.k.a. Tus Thawj Tswj Hwm Pab Pawg) tej zaum kuj yuav muaj peev xwm pab tau koj daws txhua yam teeb meem. Yog tias koj tseem tsis tau txaus siab rau DOR cov kev txiav txim thiab no ces koj muaj txoj cai thov kom rov txiav txim dua.

Kuv cov hau kev xaiv txog kev thov kom rov txiav txim dua yog muaj dab tsi?

Muaj ntau txoj hau kev xaiv txog ntawm kev thov kom rov txiav txim dua. Koj tuaj yeem thov txog ib qho Kev Ntsuam Xyuas Txog Kev Tswj Hwm tsis dhau ib lub xyoos tom qab muaj DOR qhov kev txiav txim uas koj tsis pom zoo nrog. Lossis koj tuaj yeem thov kom muaj kev sib kho, lossis lub rooj txiav txim ncaj ncees, tsis dhau ib lub xyoos tom qab muaj qhov kev txiav txim uas koj tsis pom zoo nrog. Thov kom paub txog hais tias yog tias koj thov txog ib qho Kev Ntsuam Xyuas Txog Kev Tswj Hwm ua ntej thiab koj tau txais qhov kev txiav txim siab uas tsis zoo, ces koj tsuas muaj 30 hnub suav txij hnub muaj qhov txiav txim siab ntawd los mus thov kom muaj lub rooj txiav txim ncaj ncees xwb. Cov hau kev xaiv uas sib txawv no yuav muab piav qhia kom ntxaws rau hauv qab no.

Kuv yuav thov txog ib qho Kev Ntsuam Xyuas Txog Kev Tswj Hwm tau li cas?

Yog tias koj cov kev txhawj xeeb ho daws tsis tau los ntawm koj tus kws pab tswv yim hauv DOR lossis tus Thawj Saib Xyuas Txog Kev Kho Kom Rov Zoo Los hauv zos, ces koj tuaj yeem thov txog ib qho Kev Ntsuam Xyuas Txog Kev Tswj Hwm los ntawm tus Kws Tswj Hwm Hauv Cheeb Tsam. Koj yuav tsum thov txog ib qho Kev Ntsuam Xyuas Txog Kev Tswj Hwm tsis dhau ib lub xyoos txij thaum muaj qhov kev txiav txim siab txog qhov uas koj tsis pom zoo rau. Koj qhov kev thov yuav tsum muaj xws li:

• Qhov laj thawj rau qhov kev thov kom rov txiav txim dua thiab vim li cas koj thiaj xav hais tias qhov kev txiav txim siab ntawd yuav tsum tau muab hloov pauv; thiab
• Koj xav hais qhia kom DOR txiav txim txog dab tsi.

Txoj Cai 9 CCR (Code of California Regulations) §7353(a)(3)(A)-(B).

Yuav muaj dab tsi tshwm sim nyob rau ntawm qhov Kev Ntsuam Xyuas Txog Kev Tswj Hwm?

Thaum ib tug Kws Tswj Hwm Cheeb Tsam Tsev Kawm twg tau txais ib tsab ntawv thov txog Kev Ntsuam Xyuas Txog Kev Tswj Hwm, ces tej zaum nws kuj yuav txiav txim siab teeb tsa ib lub rooj sib tham txog Kev Ntsuam Xyuas Txog Kev Tswj Hwm, uas koj yuav tau ntsib nrog tus Kws Tswj Hwm Hauv Cheeb Tsam Tsev Kawm, uas yuav saib xyuas koj qhov teeb meem. Nyob rau ntawm lub rooj sib tham no, koj yuav muaj lub hwv tsam los piav qhia txog hais tias vim li cas koj thiaj li xav tias DOR qhov kev txiav txim siab tsis yog lawm. Koj tuaj yeem nqa cov ntaub ntawv thiab lwm yam pov thawj uas pab txhawb koj txoj kev xav mus rau ntawm lub rooj sib tham. Tej zaum koj tus kws pab tswv yim hauv DOR lossis Tus Thawj Saib Xyuas Txog Kev Ua Kom Rov Zoo Los kuj yuav tuaj rau ntawm qhov Kev Ntsuam Xyuas Txog Kev Tswj Hwm txhawm rau piav qhia txog DOR qhov kev txiav txim.

Nyob rau qee zaum, Tus Kws Tswj Hwm Cheeb Tsam Tsev Kawm tuaj yeem txiav txim siab ua qhov kev ntsuam xyuas thiab kev txiav txim siab "raws cov ntaub ntawv". Tus Kws Tswj Hwm Cheeb Tsam Tsev Kawm yuav saib koj qhov kev thov, koj tsab ntawv foob, thiab cov ntaub ntawv uas koj xa mus. Tus Kws Tswj Hwm Cheeb Tsam Tsev Kawm yuav tsim nws qhov kev txiav txim siab raws li cov ntaub ntawv tuav tseg no.

Tus Kws Tswj Hwm Cheeb Tsam Tsev Kawm yuav txiav txim siab seb DOR qhov kev txiav txim puas tsim nyog thiab yuav xa ib tsab ntawv qhia txog qhov kev txiav txim siab tuaj rau koj tsis dhau 15 hnub suav txij hnub muaj koj qhov kev thov txog qhov Kev Ntsuam Xyuas Txog Kev Tswj Hwm.

Yuav ua li cas yog hais tias kuv tsis zoo siab rau qhov Kev Txiav Txim Siab Rau Qhov Kev Ntsuam Xyuas Txog Kev Tswj Hwm?

Yog hais tiass koj tsis txaus siab rau qhov kev txiav txim siab ntawm qhov Kev Ntsuam Xyuas Txog Kev Tswj Hwm, ces koj kuj yuav tuaj yeem thov kom muaj lub Rooj Sib Kho thiab/lossis lub Rooj Txiav Txim Ncaj Ncees. Koj yuav tsum tsim qhov kev thov no tsis pub dhau 30 hnub suav txij hnub uas muaj qhov kev txiav txim rau qhov Kev Ntsuam Xyuas Txog Kev Tswj Hwm. Txoj Cai 9 CCR §7353(f).

Qhov Kev Ntsuam Xyuas Txog Kev Tswj Hwm puas yog yam uas yuav tseev kom ua xwb?

Tsis Yog. Tus txheej txheem Kev Ntsuam Xyuas Txog Kev Tswj Hwm yog yam xaiv tau. Koj tuaj yeem hla tau qhov Kev Ntsuam Xyuas

Txog Kev Tswj Hwm thiab thov txog lub Rooj Txiav Txim Ncaj Ncees thiab/lossis lub Rooj Sib Kho kiag tam sim ntawd los tau. Txoj Cai 9 CCR §7351(c). Txawm li cas los xij, tej zaum nws kuj yuav yog ib qho zoo los mus ua raws tus txheej txheem Kev Ntsuam Xyuas Txog Kev Tswj Hwm Ntawm DOR ua ntej yuav thov kom muaj ib lub Rooj Sib Kho lossis Rooj Txiav Txim Ncaj Ncees. Muaj ntau yam teeb meem uas tuaj yeem muab daws tiav hauv qib cheeb tsam ze, yam tsis muaj ntaub ntawv, thiab sai tshaj raws tus txheej txheem Kev Ntsuam Xyuas Txog Kev Tswj Hwm.

Kuv yuav thov kom muaj lub Rooj Sib Kho tau li cas?

Koj yuav tsum thov lub Rooj Sib Kho tsis pub dhau ib lub xyoos suav txij thaum muaj qhov kev txiav txim uas koj tsis pom zoo rau. Yog hais tias koj tau txais ib qho kev txiav txim ntawm Kev Ntsuam Xyuas Txog Kev Tswj Hwm lawm, ces koj yuav tau thov lub Rooj Sib Kho tsis pub dhau 30 hnub suav txij thaum muaj qhov kev txiav txim ntawm Kev Ntsuam Xyuas Txog Kev Tswj Hwm. Yuav tsum muab cov ntawv thov txog lub Rooj Sib Kho xa mus raws daim foos DR 107. Koj kuj tseem tuaj yeem tshawb pom daim foos no hauv online ntawm:
https://www.dor.ca.gov/Home/Forms#fairhearing.

Yog hais tias tag nrho ob tog pom zoo rau lub Rooj Sib Kho lawm, ces lub Rooj Sib Kho yuav raug teev nyob rau lub sij hawm thiab qhov chaw uas tag nrho ob tog koom tau yooj yim tsis pub dhau 25 hnub suav txij thaum tus neeg ua haujlwm cev lus txog lub Rooj Sib Kho tau txais tsab ntawv thov. Txoj Cai 9 CCR §7353.6(b)-(c); 34 C.F.R. (Code of Federal Regulations) § 361.57(d).

Lub Rooj Sib Kho puas yog qhov uas yuav tseev kom muaj xwb thiaj tag?

Tsis Yog. Lub Rooj Sib Kho los kuj yog yam xaiv tau thiab. 34 C.F.R. §361.57(d)(2)(i). Koj tuaj yeem txiav txim siab hla mus los tau Lub Rooj Sib Kho thiab mus ncaj nraim rau lub Rooj Txiav Txim Ncaj Ncees. Thiab DOR los kuj tsis tas yuav tuaj koom rau hauv lub Rooj Sib Kho thiab; DOR tuaj yeem txiav txim siab hais tias lawv tsis xav tuaj koom rau hauv tus txheej txheem ntawm lub Rooj Sib Kho. Zoo li tus txheej txheem Kev Ntsuam Xyuas Txog Kev Tswj Hwm, cov Rooj Sib Kho yuav tsis laug sij hawm kom qeeb rau qhov kev muaj cai tau txais ib lub Rooj Txiav Txim Ncaj Ncees. Txoj Cai 9 CCR §7353.6(b).

Yuav muaj dab tsi tshwm sim ntawm lub Rooj Sib Kho?

Ntawm lub Rooj Sib Kho ntawd koj yuav tau ntsib tus kws kho kev haum xeeb uas txiav ncaj nruab nrab thiab tus neeg sawv cev uas tuaj ntawm DOR tuaj. Tus kws kho kev haum xeeb yuav ua tib zoo pab koj thiab DOR daws nej qhov kev tsis sib haum xeeb thiab hais kom txog rau qhov uas ob tog muaj kev pom zoo. Yog hais tias koj tau xa ntawv thov txog lub Rooj Sib Kho thiab lub Rooj Txiav Txim Ncaj Ncees nyob rau tib lub sij hawm thiab koj muaj peev xwm daws tau tag nrho cov teeb meem uas muaj hauv koj qhov kev tsis sib haum xeeb nyob rau ntawm lub Rooj Sib Kho lawm, ces lub Rooj Txiav Txim Ncaj Ncees yuav raug muab thim.

Lub Rooj Sib Kho yog ib tug txheej txheem uas tsis pub lwm tus sab nraud paub. Qhov ntawd txhais hais tias txhua yam xov xwm uas muab nthuav qhia nyob ntawm lub Rooj Sib Kho yuav tsis muab los tham mus ntxiv nyob rau ntawm lub Rooj Txiav Txim Ncaj Ncees lossis hauv ib qho kev txiav txim plaub ntug twg.

Kuv yuav thov kom muaj ib lub Rooj Txiav Txim Ncaj Ncees tau li cas?

Koj kuj tseem tuaj yeem thov kom muaj ib lub Rooj Txiav Txim Ncaj Ncees ntsig txog koj qhov teeb meem txog ntawm DOR hloov chaw, lossis ntxiv nrog lub Rooj Sib Kho. Koj yuav tsum tsim koj tsab ntawv thov txog lub Rooj Txiav Txim Ncaj Ncees tsis pub dhau ib xyoos suav txij hnub uas koj tau txais daim ntawv ceeb toom txog qhov kev nqis tes ua lossis kev txiav txim uas koj tsis pom zoo nrog. Txoj Cai 9 CCR §7354(a)(1). Raws li tau qhia tseg saum toj no, yog hais tias koj mus rau qhov Kev Ntsuam Xyuas Txog Kev Tswj Hwm, ces koj yuav tsum thov kom muaj lub Rooj Txiav Txim Ncaj Ncees tsis pub dhau 30 hnub suav txij thaum muaj qhov kev txiav txim ntawm qhov Kev Ntsuam Xyuas Txog Kev Tswj Hwm.

Lub Rooj Txiav Txim Ncaj Ncees yuav tsum raug teeb tsa tsis pub dhau 60 hnub suav txij thaum koj xa ntawv thov tshwj yog hais tias koj pom zoo cia ncua sij hawm. Txoj Cai 9 CCR §7354(b).

Cov kev thov txog lub Rooj Txiav Txim Ncaj Ncees yuav tsum muab xa raws daim foos DR 107. Koj tuaj yeem tshawb pom daim foos no hauv online ntawm:
https://www.dor.ca.gov/Home/Forms#fairhearing.

Yuav muaj dab tsi tshwm sim nyob ntawm lub Rooj Txiav Txim Ncaj Ncees?

Nyob rau ntawm lub Rooj Txiav Txim Ncaj Ncees, ces koj yuav muaj lub hwv tsam tuaj koom thiab muab pov thawj qhia txog koj cov kev xawb cai ua ntej yuav muaj lub Rooj Txiav Txim Raws Kev Cai Lijchoj (ALJ, Administrative Law Judge). Koj tuaj yeem coj cov ntaub ntawv, cov pov thawj, lossis lwm yam pov thawj tuaj rau ntawm ALJ. Cov kev thov kom muaj cov Rooj Txiav Txim Ncaj Ncees uas yog DOR cov neeg tso npe thov ua tus thov lossis cov neeg thov kev pab yuav tau txais kev txiav txim ​​​​los ntawm ib tug tub coj xwm txog kev txiav txim ncaj nruab nrab uas nyob rau hauv cov npe teev tseg ntawm cov ALJ nrog rau lub Tsev Haujlwm Saib Xyuas Kev Pab Cuam Zej Tsoom Hauv California, Ces Haujlwm Saib Xyuas Kev Txiav Txim Hauv Xeev (SHD, State Hearings Division). ALJ yuav tawm ib tsab ntawv txiav txim tsis pub dhau 30 hnub suav txij thaum muaj lub Rooj Txiav Txim Ncaj Ncees. Txoj Cai 9 CCR §7358.

DOR puas tuaj yeem txiav tau cov kev pab cuam uas kuv tseem tab tom tau txais txog ntua thaum muaj qhov kev txiav txim?

Tsis Yog. Txog ntua thaum ua tiav tus txheej txheem Kev Ntsuam Xyuas Txog Kev Tswj Hwm lossis txog ntua thaum Ces Haujlwm Saib Xyuas Kev Txiav Txim Hauv Xeev tau txiav txim siab lawm, DOR yuav tsis raug muab ncua, txo nqis, lossis txiav tawm ib yam kev pab cuam twg uas twb tau muab rau hauv qhov IPE lawm. Ob qho kev zam yog thaum tus neeg ntawd hais kom muab qhov kev pab cuam ntawd xaus tseg lossis DOR txiav txim tau hais tias tus neeg ntawd muaj kev dag ntxias lossis muaj kev ua txhaum cai lawm. Txoj Cai 9 CCR §7351(e).

Yuav ua li cas yog tias kuv tsis zoo siab nrog qhov kev txiav txim ntawm lub Rooj Txiav Txim Ncaj Ncees?

Yog hais tias koj tsis txaus siab nrog ib qho kev txiav txim twg uas muaj tom qab lub Rooj Txiav Txim Ncaj Ncees, ces koj muaj cai sau ntawv foob kom muaj lus txib hauv Tsev Txiav Txim Plaub Ntug Txheej Siab Ntawm California tsis pub dhau rau lub hli.

Kuv puas tuaj yeem tso ib tug neeg hauv kuv tsev neeg mus sawv cev rau kuv ntawm lub Rooj Sib Kho lossis lub Rooj Txiav Txim Ncaj Ncees?

Koj tuaj xaiv ib tug neeg twg ua koj Tus Neeg Sawv Cev Raws Cai thiab tuaj sawv cev rau koj nyob ntawm lub Rooj Sib Kho lossis lub Rooj Txiav Txim Ncaj Ncees. Koj tuaj yeem tso ib tug neeg hauv koj tsev neeg, ib tug phooj ywg, lossis lwm tus kws lij choj ua koj Tus Neeg Sawv Cev Raws Cai. Cov Neeg Sawv Cev Raws Cai yuav tsum sau kom tiav daim foos DR 108 ua ntej lawv yuav tuaj yeem sawv cev rau koj tau. Daim foos no muaj nyob rau ntawm tus link hauv qab no:
https://www.dor.ca.gov/Home/Forms#fairhearing.

Yuav ua li cas yog hais tias kuv tsis paub nyeem lus Askiv lossis muaj teeb meem kev hnov lus lossis kev ntsia pom kev?

Koj tuaj yeem thov kom muab cov ntawv ceeb toom thiab cov ntawv txiav txim xa tuaj rau koj ua koj yam lus xub thawj lossis raws hom kev sib txuas lus uas koj nyiam tshaj. Thaum koj tsim ib qho kev thov tshwj xeeb twg, ces DOR yuav tau muab cov ntawv ceeb toom thiab cov ntawv txiav txim ua koj yam lus xub thawj lossis raws li koj hom kev sib txuas lus rau koj. California Txoj Cai Xoom Qhaub thiab Chaw Kho Mob §19013.5(a)-(b); Txoj Cai 9 CCR §7352(a). Yog tias koj tseem xav tau txais cov ntawv ceeb toom thiab kev txiav txim siab ua yam lus uas tsis yog lus Askiv, hom ntawv loj, lossis ntawv Braille, nco ntsoov thov txog yam lus tshwj xeeb lossis hom qauv uas koj xav tau kom sai li sai tau. Koj tuaj yeem thov kom tau txais cov ntawv ceeb toom ua lwm yam lus thiab/lossis lwm hom qauv thaum koj tsim kev thov txog qhov Kev Ntsuam Xyuas Txog Kev Tswj Hwm, lub Rooj Sib Kho, lossis lub Rooj Txiav Txim Ncaj Ncees.

Kuv puas tuaj yeem tau ib tug neeg txhais lus lossis ib tug neeg nyeem ntawv lossis lwm yam kev pab kom muaj kev yooj yim ntawm qhov chaw Ntsuam Xyuas Txog Kev Tswj Hwm, lub Rooj Sib Kho, lossis lub Rooj Txiav Txim Ncaj Ncees?

Yog. Yog hais tias koj yog neeg tsis paub lus Askiv, neeg lag ntseg, neeg tsis hnov lus zoo, neeg hais lus tsis tau, neeg dig muag, lossis muaj teeb meem kev ntsia pom, ces yuav muab cov kev pab cuam neeg txhais lus thiab neeg nyeem ntawv lossis cov cuab yeej pab kom hnov lus rau koj. Nws nce rau ntawm qhov koj thov txog cov kev pab cuam no. Txoj Cai 9 CCR §§ 7353(c), 7353.6(c), 7354(d)(3). Yog tias ua tau, ces thov kom muaj cov kev pab ua kom yooj yim uas koj xav tau ua ntej.

Koj tuaj yeem thov kom muaj kev pab ua kom yooj yim thaum koj tsim koj qhov kev thov txog qhov Kev Ntsuam Xyuas Txog Kev Tswj Hwm, lub Rooj Sib Kho, lossis lub Rooj Txiav Txim Ncaj Ncees.

Kuv puas tuaj yeem thov kom muaj tsheb thauj mus rau thiab los tom qhov chaw uas muaj Kev Ntsuam Xyuas Txog Kev Tswj Hwm, lub Rooj Sib Kho, lossis lub Rooj Txiav Txim Ncaj Ncees los?

Koj tuaj yeem thov DOR kom muab tsheb thauj mus rau ntawm qhov chaw uas muaj qhov Kev Ntsuam Xyuas Txog Kev Tswj Hwm lossis lub Rooj Sib Kho. Txoj Cai 9 CCR §7353(d), 7353.6(d). Txawm hais tias cov cai tswj hwm tsis tau hais ntsees txog qhov ntawd los xij tej zaum koj kuj yuav xav thov DOR seb lawv puas muab tsheb thauj koj tuaj koom hauv rau lub Rooj Txiav Txim Ncaj Ncees yog hais tias koj tsim nyog muaj.

Thov caw tiv tauj koj tus kws lij choj CAP kom tau txais kev pab ntawm 800-776-5746. Kws lij choj CAP tej zaum yuav muaj peev xwm pab koj daws koj cov teeb meem nrog DOR.