Kev Pab Kev Kho Mob Rau Tus Neeg Mob Sab Nraud, kuj tseem hu ua AOT, yog lub tsev hais plaub txiav txim rau kev kho mob sab nraud rau cov neeg muaj kev mob hlwb puas hlwb.

Cov ntawv tshaj tawm no yog daim ntawv qhia tseeb uas tham txog yam yuav tshwm sim yog hais tas koj tsis ua raws li koj qhov kev txiav txim AOT.

Koj muaj cai rau ib tus kws lij choj yog lub nroog tau thov kom lub tsev hais plaub txiav txim koj rau AOT. Yog tias koj xav tau ib tus kws lij choj tab sis tsis muaj nyiaj txaus, koj tuaj yeem thov tus kws txiav txim kom muab tus neeg pej xeem los pab tiv thaiv koj.

Yog tias tus kws txiav txim plaub ntug tau txiav txim siab tias koj tsim nyog rau AOT raws li txoj cai, lawv tuaj yeem txiav txim koj rau AOT txog li 6 lub hlis.1 Qhov no txhais tau tias koj yuav tsum ua raws li tus kws txiav txim plaub ntug tau txiav txim thiab ua raws li koj txoj kev npaj kho mob AOT.

• Yog xav paub ntxiv txog yuav ua li cas koj thiaj li raug txiav txim rau AOT, koj tuaj yeem nyeem cov ntawv tshaj tawm hu ua "Yuav Ua Li Cas Koj Thiaj Raug Txiav Txim Rau AOT."
• Yog xav paub ntxiv txog koj cov cai thaum sij hawm nyob hauv lub rooj sib hais AOT, nyeem cov ntawv tshaj tawm “Koj Cov Cai yog tias Lub Nroog Tab Tom Thov rau AOT thiab Lub Rooj Sib Hais AOT.” Lub rooj sib hais AOT yog qhov uas tus kws txiav txim plaub txiav txim siab seb koj puas tsim nyog rau AOT raws li txoj cai lij choj.

Yog tias koj tsis ua raws li koj txoj kev npaj rau kev khos mob AOT, koj tuaj yeem raug tso rau hauv lub tsev kho mob puas siab puas ntsws ntawm 5150 (72-teev kev kho puas siab puas ntsws). Txawm li cas los xij, qhov no tsuas yog tshwm sim yog tias txhua yam hauv qab no muaj tseeb:2

1.  Ib tus kws kho mob puas siab puas ntsws uas muaj ntawv tso cai xav tias koj tsis ua raws li koj qhov kev txiav txim AOT lawm.

• Qhov kev txiav txim siab no yuav tsum yog raws li kev txiav txim hauv chaw kho mob. Qhov no txhais tau tias qhov kev txiav txim siab tsis tuaj yeem ua raws li tus kws kho mob qhov kev xav ntawm nws tus kheej, tab sis yuav tsum ua raws li lawv cov kev qhia kho mob.

2.  Tus kws kho mob puas siab puas ntsws uas muaj ntawv tso cai xav tias cov neeg sim ua kom koj ua raws li koj qhov kev txiav txim AOT.

• Qhov kev txiav txim siab no kuj yuav tsum yog raws li kev txiav txim hauv chaw kho mob.
• Yog tias tus kws kho mob tsis xav tias cov neeg sim ua kom koj ua raws li koj qhov kev txiav txim AOT, ces lawv tsis tuaj yeem tso koj mus rau hauv tsev kho mob.

3.  Tus kws kho kev puas siab puas ntsws uas muaj ntawv tso cai xav tias yuav tsum tau muab koj tso rau hauv lub tsev kho mob puas siab puas ntsws tawm tsam koj lub siab nyiam.

• Qhov no yuav zoo li tus kws kho mob xav tias koj yuav tsum tau nyob hauv tsev kho mob raws li cov laj thawj los ntawm txoj cai lij choj 5150, tab sis qhov ntawd tsis yog tias yuav tsum tau ua.

Koj tuaj yeem raug yuam kom nyob hauv tsev kho mob ntau dua 72 teev yog tias koj tsis tuaj yeem saib xyuas koj tus kheej los sis muaj kev phom sij rau koj tus kheej los sis lwm tus vim tias koj puas siab puas ntsws, tsis yog vim koj tsis ua raws AOT.

Cov Ntaub Ntawv Qhia Ntxiv

Yog koj xav paub ntau ntxiv los si koj muaj lus nug koj tuaj yeem:

• Nug koj tus kws lij choj: Koj muaj cai rau tus kws lij choj yog lub nroog tau nug (thov) lub tsev hais plaub txiav txim koj rau AOT. Yog tias koj xav tau ib tus kws lij choj tab sis tsis muaj nyiaj txaus, nug tus kws txiav txim plaub kom muab koj tus neeg tiv thaiv uas yog pej xeem. tsuas yog koj yuav tsum them nyiaj rau tus neeg pej xeem uas tuaj pab tiv thaiv yog tias koj muaj nyiaj rau.
• Hu rau koj lub nroog txog kev tawm suab rau Tus Neeg Mob Txoj Cai: Txhawm rau nrhiav kev tawm suab rauTus Neeg Mob Txoj Cai rau qhov chaw uas koj nyob hu rau (916) 504-5810 thiab nug txog koj lub zos qhov chaw tawm suab rau tus neeg mob txoj cai los sis nyem mus saib tus Vev xaib hauv no: https://www.disabilityrightsca.org/post/patients-rights-advocacy-directory.
• Hus rau Disability Rights California ntawm 1-800-776-5746

• 1. Welf. & Inst. Code § 5346(d)(5)(B). Tag nrho cov kab lus hais hauv qab no yog los ntawm lub chaws saib xyuas kev noj qab hauv huv thiab tus tswj cai (Welfare and Institutions) li kab lus .
• 2. § 5346(f).