Cov Txheej Lus

• Cov Kauj Ruam Koj Tuaj Yeem Ua Los Sim Daws Cov Teeb Meem Vaj Tsev
• Ua Hauj Lwm nrog Cov Kws Lij Choj - Cov Kev Coj Ua Uas Zoo Tshaj Plaws
• Cov Lus Qhia thiab Cov Kev Coj Ua Zoo Tshaj Plaws Thaum Tawm Tswv Yim rau Koj Tus Kheej nrog Tus Kws Muab Kev Pab Cuam Vaj Tsev
• Kev Tawm Tswv Yim rau Koj Tus Kheej hauv Tsev Hais Plaub

Cov Kauj Ruam Koj Tuaj Yeem Ua Los Sim Daws Cov Teeb Meem Vaj Tsev

Kauj Ruam 1: Nrhiav Cov Ntaub Ntawv Hais Txog Koj Cov Cai

Thaum koj paub tias koj muaj cov cai twg lawm, koj yuav hnov tau tias muaj kev ntseeg siab tshaj los tawm tswv yim rau koj tus kheej thiab qhia koj tus kws muab kev pab cuam vaj tsev txog koj cov cai.Tsis tas li ntawd, koj tuaj yeem tshawb pom seb koj puas muaj kev tiv thaiv fab kev cai lij choj zoo hauv koj qhov xwm txheej.Qee cov chaw zoo los nrhiav cov ntaub ntawv hais txog koj txoj cai suav nrog cov neeg xauj tsev hauv cheeb tsam, cov koom haum pab cuam fab kev cai lij choj hauv cheeb tsam, tsoom fwv los sis lub tsev hais plaub cov vev xaib, thiab pawg koom haum hauv zej zog.

Tej zaum DRC lub vev xaib kuj tseem muaj cov ntaub ntawv hais txog qhov teeb meem tshwj xeeb uas koj tab tom ntsib thiab.Koj tuaj yeem nrhiav tau peb cov ntawv tshaj tawm hais txog kev caitswj hwm vaj tsev nyob ntawm peb Cov Chaw Muab Kev Pab Cuam Vaj Tsev Nyob/Kev Tsis Muaj Vaj Tsev Nyob lub vev xaib.

Kauj Ruam 2: Tshawb Xyuas Seb Koj Lub Hom Phiaj Yog Dab Tsi

Yog tias koj muaj teeb meem nrog koj lub tsev, ua ntej tshaj plaws xav txog seb koj xav kom daws qhov teeb meem li cas (koj lub hom phiaj).Thaum koj paub koj lub hom phiaj lawm, ces koj tuaj yeem sau cia nrog ib txoj kev npaj nqis tes ua kom ua tau raws li koj lub hom phiaj.

Qee lub sij hawm cov neeg siv khoom hais tias lawv lub hom phiaj yog ua ntawv foob, tab sis kev ua ntawv foob nkaus xwb tsis yog lub hom phiaj.Kev foob yog ib qho cuab yeej raug cai los sim ua kom ncav cuag lub hom phiaj, tab sis nws muaj peev xwm ua rau koj poob koj qhov kev foob thiab kev ua ntawv foob yuav tsis daws koj qhov teeb meem hauv vaj tse tiag-tiag.Hloov rau qhov no, nug seb qhov txiaj ntsig twg tuaj yeem daws tau koj qhov teeb meem vaj tsev (uas yog, yam yuav ua tau raws li koj lub hom phiaj) thiab tom qab ntawd nrhiav seb qhov kev foob puas yog qhov cuab yeej zoo tshaj plaws los mus rau lub hom phiaj ntawd.

Hauv qab no yog 3 txoj phiaj xwm kev nqis tes raug cai sib txawv raws li cov hom phiaj sib txawv ntawm cov neeg xauj tsev:

Cov piv txwv no qhia tau hais tias thaum koj paub koj lub hom phiaj lawm, koj tuaj yeem nqis tes ua los sim ua kom tau raws li koj lub hom phiaj.

Kauj Ruam 3: Nug rau Yam Koj Yuav Xav Tau thiab Soj Tau Xyuas

Tsis txhob txaj muag hais txog qhov kev nug rau koj qhov kev xav tau los sis qhia rau koj tus kws muab kev pab cuam vaj tsev paub txog koj cov teeb meem hauv vaj tsev.Txog kiag thaum koj tus kws muab kev pab cuam vaj tse paub txog qhov teeb meem lawm, tej zaum lawv yuav tsis tas yuav hais daws yam raug cai li.Thaum koj qhia rau koj tus kws muab kev pab cuam vaj tsev paub txog qhov teeb meem lawm, tej zaum qhov ntawd yuav pib tus neeg muab kev pab cuam vaj tse txoj hauj lwm yam raug cai los sim daws qhov teeb meem.Raws li tau hais lawm, nws yog qhov zoo los txiav txim siab seb koj tus kws muab kev pab cuam vaj tsev yuav teb li cas rau koj.Txawm hais tias qhov kev ua pauj yuav tsis raug cai, nws tseem muaj tshwm sim tau.Yog xav paub ntau ntxiv hais txog kev ua pauj, thov saib daim ntawv tshaj tawm no: Kev ua pauj los ntawm koj Tus Tswv Tsev: Paub Txog Koj Cov Cai Vaj Tsev Nyob.

Thaum twg los xij uas koj tham txog koj daim ntawv cog lus vaj tsev (daim ntawv xauj tsev) nrog koj tus kws muab kev pab cuam vaj tse, nws yog ib lub tswv yim zoo los sau ntawv soj taug thiab khaws koj tus kheej cov ntaub ntawv ntawm koj cov kev sib tham lus tseg.Koj tuaj yeem sau ib tsab ntawv rau koj tus kws muab kev pab cuam vaj tsev uas lees paub tias koj muaj qhov kev sib tham, piav qhia txog qhov koj tau tham hauv qhov muaj qhov kev sib tham ntawd, thiab piav qhia txog qhov koj nkag siab txog cov kauj ruam tom ntej uas yuav ua raws li koj qhov kev sib tham.Tsis tas li ntawd, koj tseem tuaj yeem sau cov lus teev tseg kom ntxaws los khaws ua koj tus kheej cov ntaub ntawv txog qhov koj tau tham.

Ua Hauj Lwm nrog Cov Kws Lij Choj - Cov Kev Coj Ua Uas Zoo Tshaj Plaws

Lub luag hauj lwm ntawm tus kws lij choj/tus kws pab tswv li rau fab kev cai

Thaum cov kws lij choj tuaj yeem saib cov hom phiaj feem ntau nrog koj, tus kws lij choj txoj hauj lwm tsis yog los txiav txim siab seb koj xav tau dab tsi los sis dab tsi yog qhov zoo tshaj plaws rau koj.Tus kws lij choj txoj hauj lwm yog thawj qhov kev kawm los ntawm koj seb koj lub hom phiaj yog dab tsi nrog rau cov ntaub ntawv uas cuam tshuam ntawm yam tau tshwm sim, thiab tom qab ntawd raws li cov ntaub ntawv no, cov kws lij choj tuaj yeem qhia cov tswv yim thiab cov kauj ruam uas yuav ua tau rau koj los sim ua kom ncav cuag koj lub hom phiaj.Cov kws lij choj tuaj yeem saib cov txiaj ntsig thiab cov kev pheej hmoo ntawm cov phiaj xwm sib txawv nrog koj.Tom qab ntawd nws yog tus qhua txoj hauj lwm los txiav txim siab seb puas lawv xav tau txuas mus raws li tus kws lij choj cov lus qhia thiab kev taw qhia.

Cov kws lij choj tsis tuaj yeem cog lus tau hais txog cov txiaj ntsig tau los.Cov kws lij choj tsuas tuaj yeem qhia koj txog cov kauj ruam uas lawv xav tias yuav pab tau zoo hauv kev sim ua kom tau raws li koj lub hom phiaj xwb.Yog tias koj ua ib qho twg, qhov xwm txheej yuav zoo dua, tsis zoo dua tuaj, los sis nyob twj ywm li qub.Tsis muaj leej twg yuav lav tau tias qhov kev txiav txim siab ntawd yuav ua rau muaj qhov tshwm sim li ntawd, tab sis tej zaum cov kws lij choj yuav tuaj yeem qhia koj txog seb qhov kev ua ntawd yuav pab tau koj kom ncav cuag koj lub hom phiaj li cas.

Cov kev pab cuam uas tus kws lij choj/cov kws pab tswv yim rau fab cai tau muab

Tej zaum cov kws lij choj yuav tuaj yeem muab ntau qib los sis ntau hom kev pab cuam sib txawv.Piv txwv li, qee tus kws lij choj yuav sawv cev rau koj los foob cov tswv tsev nyob hauv tsev hais plaub, qee tus neeg tsuas yog pab npaj cov ntawv thov rau cov tswv tsev xwb, thiab qee tus tsuas yog muab tswv yim txog fab kev cai lij choj rau koj xwb.Yog tias koj tab tom nrhiav ib tus kws lij choj los sawv cev rau koj hauv tsev hais plaub, koj yuav tsum nrhiav ib tus kws lij choj uas pom zoo muab qib kev pab cuam ntawd rau koj.

Cov kev foob feem ntau yuav siv sij hawm ntau heev, cov chaw muab kev pab, thiab kev ua tib zoo npaj.Vim li no, cov kws lij choj thiaj tsis tuaj yeem ua ntau rooj plaub ntawm qhov kev pab cuam qib siab.Tab sis tsis yog txhua qhov xwm txheej yuav tsum muaj kev foob los daws qhov teeb meem.Muaj ntau yam cuab yeej kev cai lij choj uas siv tau los daws cov teeb meem, suav nrog kev pab tswv yim rau tus kheej.DRC muab cov lus qhia fab kev cai lij choj pub dawb rau ntau hom teeb meem kom cov qhua tuaj yeem tau txais cov lus qhia hais txog cov kauj ruam uas lawv tuaj yeem ua los sim ua kom tau raws li lawv tus kheej cov hom phiaj.

Yuav tsum muaj kev tuaj koom tas li los ntawm tus qhua

Txawm tias thaum cov kws lij choj ua ntawv foob sawv cev rau cov qhua los xij, cov kws lij choj tseem xav tau kev koom tes ntau ntawm cov qhua thaum lub sij hawm ua kev sawv cev tag nrho.Cov qhua tsis yog tias tsuas muab cov teeb meem fab kev cai lij choj rau cov kws lij choj nkaus xwb.Cov kws lij choj yuav xav tau kev tso cai los ntawm cov qhua thiab muab tus qhua cov ntaub ntawv txhua lub sij hawm lawv qhov kev sawv cev.

Tsis tas li ntawd, cov kws lij choj tsis tuaj yeem paub tias koj tus kws muab kev pab cuam vaj tsev xav li cas los sis tab tom ua dab tsi.Tej zaum lawv yuav muaj peev xwm ua ib qhov kev kwv yees tau, tab sis yog tsis muaj cov ntaub ntawv tshwj xeeb uas qhov kev kwv yees no yuav tsis raug.Cov kws lij choj yuav tuaj yeem muab tswv yim zoo dua rau koj tau yog tias lawv muaj cov ntaub ntawv tshwj xeeb txog qhov xwm txheej thiab koj lub hom phiaj los ntawm koj.Qhov no yog lub laj thawj cov kws lij choj yuav tsum nug koj hais txog cov lus nug ntawm koj qhov teeb meem fab kev cai lij choj.

Thaum cov kws lij choj nug koj txog cov lus nug tshwj xeeb, koj yuav tsum teb cov lus nug tshwj xeeb ncaj qha thiab ncaj ncees.Nco ntsoov tias kev muab cov lus piav qhia ntev hais txog cov ntaub ntawv uas tej zaum yuav tsis cuam tshuam rau cov lus nug uas tau nug.Qhov no ua rau qhov kev sib tham tsis tshua muaj txiaj ntsig zoo rau tag nrho tus qhua thiab tus kws lij choj thiab yuav ua rau nws nyuaj rau tus kws lij choj los muab cov lus qhia zoo tshaj plaws rau fab kev cai lij choj.Feem ntau qhov kev tshuaj xyuas fab kev cai lij choj tuaj yeem hloov pauv tau raws li cov ntaub ntawv me-me, yog li ntawd lub sij hawm ntawv cov kws lij choj yuav tsum muaj qee cov lus nug uas muab teb ua ntej lwm tus.Nws yog qhov pab tau zoo thaum cov qhua tsuas teb lawv cov lus nug xwb kom lawv qhov kev tshuaj xyuas fab kev cai lij choj tuaj yeem ua txuas ntxiv mus.

Cov qhua thiab cov qhua uas muaj peev xwm tuaj yeem yuav ntseeg siab los qhia siab ncaj rau cov kws lij choj thiab lawv cov neeg ua hauj lwm vim tias cov kev sib tham no yuav tsis pub leej twg paub.Muaj cov xwm txheej tsawg heev uas cov kws lij choj yuav nthuav cov ntaub ntawv tsis pub lwm tus paub raws txoj cai, tab sis raws li txoj cai feem dav lawm, cov kws lij choj thiab txhua tus neeg ua hauj lwm uas ua hauj lwm rau lawv muaj lub luag hauj lwm los khaws koj cov ntaub ntawv zais cia.

Cov Lus Qhia thiab Cov Kev Coj Ua Zoo Tshaj Plaws Thaum Tawm Tswv Yim rau Koj Tus Kheej nrog Tus Kws Muab Kev Pab Cuam Vaj Tsev

Tsis Txhob Cuam Tshuam Kev Sib Tawm Tsam los sis Kev Sib Cav Sib Ceg

Tsuas yog vim muaj qhov kev tsis pom zoo xwb tsis tau txhais hais tias qhov xwm txheej yuav tsum muaj kev tawm tsam.Cov lus uas ua phem ua tsiv los sis liam rau lwm tus neeg tuaj yeem yog qhov tsis zoo vim tias:

1. Tej zaum qhov no yuav yog thawj zaug uas koj tus kws muab kev pab cuam vaj tsev kawm txog qhov teeb meem, thiab tej zaum lawv yuav tsis kam sib txuas lus nrog koj yog tias lawv hnov tau tias raug hem;
2. Koj nyob hauv qhov kev sib raug zoo rau kev ua lag luam ncua sij hawm ntev nrog koj tus kws muab kev pab cuam vaj tse thiab yuav tsum muaj kev tham nrog lawv dua ntxiv nyob rau yav tom ntej;
3. Yog tias koj mus rau hauv tsev hais plaub yav tom ntej, lub tsev hais plaub yuav ntsib los sis mloog txog koj kev sib txuas lus nrog tus tswv tsev.Cov kws txiav txim plaub ntug thiab cov neeg txiav txim plaub ntug nyiam kom hais lus zoo thiab siv hom lus nruab nrab thiab tej zaum yuav pom zoo nrog koj yog tias koj tsis txhob hais cov lus phem; thiab
4. Tej zaum koj yuav qhib cov ntaub ntawv ntau dhau lawm yam tsis txhob txwm uas tsim kev puas tsuaj rau koj thaum muaj kev sib cav.

Kev Sau Ntawv Sib Tham

Yog tias koj sau ntawv mus rau koj tus kws muab kev pab cuam vaj tse, nws yuav yooj yim rau lawv kom nco qab txog qhov koj tau hais dua li kev sib tham lus.Sau tej yam uas ua rau koj muaj lub sij hawm los piav qhia txhua yam uas koj xav piav qhia thiab tuaj yeem pab kom tsis txhob nkag siab yuam kev.Kev sau ib tsab ntawv mus rau koj tus kws muab kev pab cuam vaj tse yuav pab kom lawv nkag siab tias koj hais tiag rau koj qhov kev thov.Tej zaum koj yuav tsis tau tau mus rau txhua cov teeb meem nyuaj ntawm kev foob; tej zaum koj tsuas yog xa kom koj tus tswv tsev mob siab saib xyuas xwb.Qhov tseem ceeb lawm, yog tias koj mus rau hauv lub tsev hais plaub lawm, koj tuaj yeem siv koj cov ntawv los ua pov thawj tias koj tau hais rau koj tus kws muab kev pab cuam vaj tse txog qhov teeb meem lawm.Vim hais tias lub tsev hais plaub tuaj yeem yuav pom cov ntawv no tau, nws yog ib qho tseem ceeb uas koj yuav tsum tsis txhob hais cov phem lus tsiv los sis hem rau txhua qhov laj thawj uas tau teev tseg hauv tshooj dhau los no.Cov ntawv no yuav tsum tau ua raws li qhov tseeb thiab qhia kom meej li qhov yuav ua tau raws li qhov teeb meem yog dab tsi thiab koj xav kom hais daws nws li cas.

Yog tias koj xaus nrog kev sib tham nrog koj tus kws muab kev pab cuam vaj tse hais txog qhov teeb meem, koj tuaj yeem sau ib tsab ntawv mus rau koj tus kws muab kev pab cuam vaj tsev tom qab uas lees paub tias koj muaj kev sib tham lawm, piav qhia qhov koj tau tham thaum lub sij hawm sib tham ntawd, thiab piav qhia tias txhua pab pawg yuav tsum tau lawv ris ua dab tsi rau tom ntsej raws li qhov kev sib tham.Qhov no yog hu tias yog tsab ntawv lees paub.Xa ib tsab ntawv lees paub hauv email, hauv kev xa ntawv li ib txwm, los sis kev xa ntawm tes tuaj yeem pab txhua tus neeg kom nco qab thiab nkag siab txog lawv lub luag hauj lwm thiab tuaj yeem siv ua pov thawj rau yav tom ntej yog tias koj xav muab rau saib txog qhov koj pom zoo.Khaws cov ntawv theej ntawm koj cov ntawv lees paub cia.Yog tias koj xa ib tsab ntawv xa tuaj, koj tuaj yeem thov kom koj tus kws muab kev pab cuam vaj tse kos npe thiab sau hnub tim rau koj ob daim ntawv theej kom koj tuaj yeem muab ua pov thawj rau koj tus kws muab kev pab cuam vaj tsev tias tau txais nws lawm.

Kev sau ntawv teev tseg txog cov ntsiab lus no kom sai li sai tau tuaj yeem pab koj khaws cov ntaub ntawv meej cia yog tias koj yuav tsum tau ua raws li kev cai lij choj txuas ntxiv tom qab thiab tuaj yeem tiv thaiv kom koj tsis txhob hnov qab cov ntsiab lus tseem ceeb hauv lub sij hawm dhau mus tau.Tsis tas li ntawd, koj tseem tuaj yeem tshuaj xyuas koj cov ntawv teev tseg kom pom tias cov qauv tab tom txhim kho los sis tab tom daws cov teeb meem kom zoo dua tuaj los sis phem dua nyob rau lub sij hawm dhau mus.

Lwm qhov laj thawj los sau ntawv teev tseg tam sim yog tiv thaiv koj tus kheej nyob rau yav tom ntej.Cov teeb meem kev cai lij choj feem ntau yuav siv sij hawm ntev los daws, thiab cov neeg xauj tsev yuav tsum ua pov thawj rau lawv rooj plaub nrog cov pov thawj yog tias lawv nyob hauv tsev hais plaub.Tsis muaj “tub ceev xwm saib xyuas txoj cai rau cov neeg xiam oob qhab” uas tuaj yeem tuaj daws cov teeb meem ntawm qhov chaw.Tej zaum yuav muaj ntau txoj hauv kev los daws koj qhov teeb meem fab kev cai lij choj, tab sis yog tias koj xav los siv koj cov cai hauv tsev hais plaub, nws yuav siv sij hawm ntau xyoo kom tau txais txiaj ntsig.Piv txwv li, niaj hnub no koj yuav nco ntsoov txhua cov ntsiab lus hais txog yam tus neeg ua hauj lwm tu xyuas ua lub lim tiam dhau los, tab sis koj yuav tsis nco qab nyob rau ib xyoos txij li tam sim no lawm tias leej twg ua los sis hais ib yam dab tsi, los sis thaum twg nws tshwm sim.Tsis tas li ntawd, yog tias koj tus kws muab kev pab cuam vaj tsev tau liam koj txog ntawm ib yam dab tsi yav tom ntej, koj tuaj yeem siv cov ntawv teev koj sau tseg hnub no los tiv thaiv koj tus kheej.

Khaws cov ntaub ntawv tseem ceeb txog koj qhov chaw xauj nyob, xws li:

1. Cov ntawv ceeb toom ua ntawv los sis hauv es lev thos niv los ntawm koj tus tswv tsev
2. Cov ntawv txais nyiaj xauj tsev thiab lwm yam pov thawj ntawm koj cov kev them nyiaj
3. Koj qhov kev tshuaj xyuas thawj zaug
4. Koj daim ntawv xauj tsev - yog tias koj tau kos npe rau daim ntawv xauj tsev tab sis tsis muaj ib daim ntev theej ntawm koj daim ntawv xauj tsev lawm, thov nws.Koj muaj cai tau txais ib daim ntawv theej ntawm koj daim ntawv xauj tsev.
5. Cov duab ntawm chav tsev seb zoo li cas thaum koj pib koj qhov kev xauj tsev, cov duab ntawm cov teeb meem nrog koj lub tsev thaum koj xauj nyob, thiab cov duab ntawm chav tsev tom qab koj tau tshem koj cov khoom tawm lawm.

Tshab xyuas Yuav Xauj ib Chav Tsev Li Cas Ntu 1: Nrhiav ib Chav Tsev Kom Tsim Nyog txhawm rau kom pom cov lus qhia ntau ntxiv txog txoj hau kev tiv thaiv koj tus kheej ua ntej tsiv mus rau hauv ib lub tsev xauj.

Nug Cov Lus Nug

Yog tias koj tsis nkag siab tias yog vim li cas koj tus kws muab kev pab cuam vaj tsev thiaj li ua qee yam los sis lawv txhais tau li cas, nug cov lus nug.Koj tsis tas yuav paub txhua yam los tau; koj tsuas yog yuav tsum tau nkag siab tias koj tus kws muab kev pab cuam vaj tsev hais dab tsi yog li ntawd koj thiaj tuaj yeem txiav txim siab tau tias yuav teb li cas xwb.Tsis tas li ntawd, yog tias koj xav tau sij hawm ntau ntxiv los teb rau koj tus kws muab kev pab cuam cov lus nug, koj tuaj yeem thov lub sij hawm ntxiv.Nov yog qee qhov piv txwv uas qhia txog cov txiaj ntsig ntawm kev nug koj tus kws muab kev pab cuam rau cov lus nug:

Kev Tawm Tswv Yim rau Koj Tus Kheej hauv Tsev Hais Plaub

Thaum koj tsis tuaj yeem ua tiav qhov kev pom zoo nrog lwm tog neeg, koj tuaj yeem siv lub tsev hais plaub lub lab npauv los sim siv koj txoj cai lij choj.Tshab xyuas cov ntaub ntawv hauv qab no rau cov lus qhia tswv yim txog txoj hau kev koj tuaj yeem tawm tswv yim rau koj tus kheej hauv lub tsev hais plaub.

Nug seb Koj Xav Tau Dab Tsi Txhawm Rau Los Koom los sis Nkag Mus Rau Hauv Lub Tsev Hais Plaub

Piv txwv li, yog tias koj xav tau cov chaw nyob tsim nyog uas tsis muaj tseeb los sis xav tau ib tus neeg txhais lus kom nkag siab txog qhov tshwm sim hauv chav hais plaub, ces koj yuav tsum thov nws.Nws tsis yog tus kws txiav txim plaub ntug los sis pawg neeg txiav txim txoj hauj lwm los ua kom paub tseeb tias koj ua tau li cov kev xav tau uas cuam tshuam txog kev xiam oob qhab hauv tsev hais plaub yog tias koj tsis tau ua qhov kev thov.Koj yuav tsum nug yog tias koj xav tau ib yam dab tsi, tab sis nws yog ib qho tseem ceeb uas yuav tsum nco ntsoov txog txoj hau kev los sib txuas lus nrog cov neeg ua hauj lwm hauv tsev hais plaub.Thov saib cov lus qhia tswv yim rau kev sib txuas lus hauv tsev hais plaub los ntawm peb cov ntawv tshaj tawm:

Kev Sau Npe Nkag thiab Kev Hais Lus hauv Tsev Hais Plaub - Kab Lig Kev Cai Hauv Chav Hais Plaub

Cov Hauv Paus Chav Hais Plaub

Tus kws txiav txim plaub ntug hais tias nws yuav ncua koj rooj plaub mus rau Lub Xya Hlis Ntuj Tim 30, tab sis koj muaj kev phais mob rau hnub ntawd uas nyuaj heev rau teem sij hawm nrog koj tus kws kho mob.

Siv Cov Ntaub Ntawv Pov Thawj los Ua Pov Thawj Rau Koj Rooj Plaub

Nyob hauv lub tsev hais plaub cov kws txiav txim plaub ntug los sis pawg txiav txim plaub ntug yuav tshab tshuaj xyuas ob tog cov pov thawj los txiav txim seb ib tus neeg puas saws teb yam raug cai rau qhov teeb meem.Nws tsis yog tus kws txiav txim plaub ntug los sis pawg txiav txim txoj hauj lwm los tshawb xyuas koj rooj plaub los sis qhia koj tias koj yuav tsim nyog ua li cas hauv tsev hais plaub.Tus kws txiav txim plaub ntug thiab tus txiav txim yuav saib xyuas koj thiab lwm tog neeg thaum koj sim piav qhia qhov uas tau tshwm sim.Ces lawv yuav txiav txim lawv ntseeg leej twg.

Suav sau thiab npaj txhua cov pov thawj uas koj tuaj yeem pab tus kws txiav txim plaub ntug los sis pawg txiav txim kom ntseeg ntseeg koj es tsis txhob yog lwm tog neeg.Cov ntaub ntawv pov thawj tuaj yeem suav nrog cov neeg tim khawv cov lus hais hauv tsev hais plaub tom qab cog lus cog lus los qhia qhov tseeb (hu ua “cov lus qhia ua tim khawv”).Tsis tas li ntawd, koj tuaj yeem ua pov thawj hauv koj tus kheej rooj plaub los muab cov ntawv pov thawj thiab.Txawm li cas los xij, nco ntsoov tias lwm tog neeg yuav tau nug koj rau cov lus nug thiab.Cov ntaub ntawv pov thawj kuj tseem tuaj yeem suav nrog cov ntaub ntawv, cov khoom siv, duab, thiab lwm yam kev pab.

Tsis tas li ntawd, koj kuj yuav tsum tau muaj pov thawj txaus kom ua tau raws li koj qhov hnyav ntawm cov pov thawj thiab.“Qhov hnyav ntawm cov pov thawj” yog cov qauv kev cai lij choj uas cov kws txiav txim plaub ntug thiab pawg neeg txiav txim siv los ntsuas seb leej twg yuav tsum yeej rooj plaub yam raug cai.Piv txwv li, qhov hnyav ntawm cov pov thawj hauv kev ua txhaum cai feem ntau hnov nyob ​​​​hauv TV yog “ua txhaum uas tsis muaj qhov tsis txaus ntseeg.”Cov rooj plaub txog vaj tsev tsis yog rooj plaub txhaum cai; lawv yog cov plaub nplua nyiaj xwb.Feem ntau ntawm cov rooj plaub nplua nyiaj, tus qauv ntawm cov pov thawj yog “qhov khov ntawm cov pov thawj.”Qhov no txhais tau hais tias kom ua pov thawj rau qhov kev thov, pawg txiav txim los sis tus kws txiav txim plaub yuav tsum txiav txim siab tias koj cov dab neeg yuav muaj tseeb dua li qhov tsis muaj tseeb, los sis lwm lo lus hais, tias muaj 51% los sis ntau dua rau qhov yuav muaj tseeb.

Ua ntej lub tsev hais plaub, tshab xyuas koj cov ntawv teev tseg, cov kev nco tau, cov ntaub ntawv, los sis lwm yam ntaub ntawv hais txog qhov tau tshwm sim yog li ntawd koj thiaj tuaj yeem ua rau tus kws txiav txim plaub los sis pawg txiav txim saib xyuas pom txog qhov tseeb uas ua pov thawj rau koj cov lus thov los sis kev tiv thaiv.

Sib Tham Kom Meej thiab Tsom rau Cov Ntsiab Lus Uas Cuam Tshuam

Thaum koj nyob hauv lub tsev hais plaub, yog tias koj ua tau, hais kom nrov-nrov thiab meej.Tsis tas li ntawd, muab cov ntsiab lus tseem ceeb, cov ntsiab lus ntxaws txog qhov tseeb thaum koj hais vim nws yuav ua rau koj muaj kev ntseeg ntau dua rau tus kws txiav txim plaub ntug los sis pawg txiav txim.

Qhov tseem ceeb yog cov ntsiab lus tseem ceeb uas cuam tshuam thiab muaj tseeb.Nyob hauv qhov piv txwv saum toj no, nws zoo li yuav tsis cuam tshuam tias koj tus tswv tsev thas xim rau tes dab tsi, sab nraud puas muaj huab, los sis yam koj ua thaum koj tus tswv tsev khob qhov rooj.Muaj ntau cov ntsiab lus ntau dhau tuaj yeem ua rau pawg txiav txim plaub ntug los sis tus kws txiav txim plaub ntug tau txais kev cuam tshuam los ntawm qhov koj tab tom sim ua pov thawj.