Phau ntawv qhia no yog los pab koj kom npaj txhij rau qhov kev ntsuam xyuas kev txais nkag thawj zaug ntawm tus neeg ua hauj lwm ntawm IHSS hauv cheeb tsam nroog los sis kev tshuaj xyuas txhua xyoo.Phau ntawv qhia no tseem yuav pab koj sawv cev rau koj tus kheej thiab lwm tus hauv cov rooj txiav txim txog kev ncaj ncees thaum muaj kev tsis sib haum xeeb txog tus naj npawb cov sij hawm ntawm Cov Kev Pab Cuam Txhawb Nqa Hauv Tsev (In-Home Supportive Services, IHSS) uas koj xav tau.

Phau ntawv qhia no yuav pab koj kom npaj txhij rau koj qhov kev ntsuam xyuas kev txais nkag thawj zaug ntawm IHSS thiab koj qhov kev tshuaj xyuas txhua xyoo.Nws muab ib qho kev piav qhia txog lub khoos kas IHSS thiab teb cov lus nug uas nquag nug txog IHSS.Phau ntawv qhia no kuj muab cov ntaub ntawv qhia txog txoj hauv kev los npaj rau cov rooj txiav txim txog kev ncaj ncees yog tias muaj kev tsis sib haum xeeb txog cov kev pab cuam thiab tus naj npawb cov sij hawm ntawm Cov Kev Pab Cuam Txhawb Nqa Hauv Tsev (In-Home Supportive Services, IHSS) uas koj xav tau.

Phau ntawv qhia no tsis duav roos txhua yam hais txog IHSS los sis cov txheej txheem lub rooj txiav txim txog kev ncaj ncees.Thov saib peb phab vev xaib Cov Chaw Muab Kev Pab Txhawb Nqa Tus Kheej Ntawm IHSS kom paub ntau ntxiv txog lwm yam ntawm lub khoos kas IHSS.Koj kuj tseem tuaj yeem Tiv Tauj Rau Peb yog tias koj muaj lus nug txog lwm yam teeb meem uas phau ntawv qhia no tsis duav roov.

1. Qhov Txheej Txheem Kev Ntsuam Xyuas Ntawm IHSS
2. Kev Tso Cai Rau Cov Kev Pab Cuam thiab Cov Sij Hawm Ua Hauj Lwm ntawm IHSSQhov Txheej Txheem Kev Ntsuam Xyuas Ntawm IHSS
3. Kev Ua Qhov Kev Ntsuam Xyuas Tus Kheej Ntawm IHSS
4. Kev Sau Ntawv Txog Cov Kev Txwv Kev Ua Hauj Lwm
5. Cov Laj Thawj Tias Vim Li Cas Thiaj Xav Tau Cov Teev Ntawm IHSS Ntau Ntxiv
6. IHSS rau Cov Neeg Uas Muaj Kev Xiam Oob Qhab Hauv Kev Noj Qab Haus Huv Fab Hlwb Kev Xav
7. IHSS rau Cov Me Nyuam thiab Cov Teeb Meem Uas Ntsig Txog
8. Cov Teeb Meem Ntsig Txog Niam Txiv thiab Tus Txij Nkawm Uas Yog Tus Kws Muab Kev Pab
9. Cov Kev Pab Cuam Rau Kev Kawm Kho Mob
10. Kev Tswj Xyuas Fab Kev Tiv Thaiv
11. Cov Rooj Txiav Txim Txog Kev Ncaj Ncees Ntawm Lub Xeev

Kev Ntsuam Xyuas IHSS thiab Cov Rooj Txiav Txim Txog Kev Ncaj Ncees

Tus txheej txheem kev ntsuam xyuas IHSS yog dab tsi?

Kev ntsuam xyuas IHSS yog thaum tus neeg ua hauj lwm IHSS hauv cheeb tsam nroog tuaj rau koj lub tsev los ntsuam xyuas koj lub cev thiab lub hlwb, koj qhov xwm txheej kev ua neej nyob, thiab txiav txim siab seb koj tsim nyog tau txais cov kev pab cuam twg thiab koj yuav tau txais pes tsawg teev hauv ib hlis.Tus neeg ua hauj lwm IHSS yuav siv cov ntaub ntawv los ntawm koj, koj tsev neeg, cov kws kho mob, cov tsev kawm ntawv, lub chaw hauv cheeb tsam, thiab koj tus (cov) kws muab kev pab IHSS.1 Qhov txheej txheem no feem ntau hu ua kev ntsuam xyuas hauv tsev.

Koj yuav muaj kev ntsuam xyuas Hauv Tsev:

• Thaum koj thov IHSS thawj zaug;
• Ib xyoos ib zaug rau kev ntsuam xyuas dua txhua xyoo; thiab
• Txhua lub sij hawm uas koj thov.2
  • Yog tias lub cheeb tsam nroog tsis kam lees koj qhov kev thov rau kev ntsuam xyuas IHSS los sis tsis muab kev ntsuam xyuas rau koj hauv 30 hnub ntawm koj qhov kev thov, koj tuaj yeem thov kom muaj lub rooj txiav txim txog kev ncaj ncees ntawm xeev.3

Tus neeg ua hauj lwm yuav txiav txim siab seb koj tuaj yeem tau txais cov kev pab cuam IHSS twg tau thiab koj xav tau sij hawm ntev npaum li cas rau cov kev pab cuam ntawd.

IHSS yuav them rau cov kev pab cuam uas koj xav tau:

• Vim yog koj qhov tsis taus fab kev ua hauj lwm.
• Txhawm rau tsim thiab tswj hwm kev ua neej nyob tau ywj pheej thiab/los sis
• Txhawm rau kom muaj peev xwm nyob tau nyab xeeb hauv koj lub tsev, los sis qhov chaw uas koj xaiv los ua neej nyob.4

Yuav tsis muaj sij hawm twg tau txais kev tso cai rau cov hauj lwm IHSS uas koj tsis xav tau kev pab los sis rau cov kev pab cuam uas tsuas yog rau koj "txoj kev nplij siab."Tus naj npawb cov teev siab tshaj plaws ntawm IHSS uas koj tuaj yeem tau txais hauv ib hlis yog 283 teev.

Tom qab ua tiav qhov kev ntsuam xyuas IHSS lawm, yuav muaj dab tsi tshwm sim?

Thaum qhov kev ntsuam xyuas tiav lawm, koj tus neeg ua hauj lwm ntawm IHSS yuav xa Daim Ntawv Ceeb Toom txog Kev Nqis Tes Ua (Notice of Action, NOA) Ntawm IHSS rau koj.NOA Ntawm IHSS yuav qhia rau koj:

• Lub cheeb tsam nroog yuav muab sij hawm ntev npaum li cas rau koj rau txhua txoj hauj lwm IHSS uas lawv xav tias koj xav tau kev pab.Koj li NOA Ntawm IHSS yuav muab lub sij hawm ua teev thiab feeb.
• Thaum koj cov kev pab cuam IHSS pib los sis yuav muaj kev hloov pauv tshwm sim.
• Cov kev cai ntawm IHSS twg uas cheeb tsam nroog tau vam khom los txiav txim siab.
• Cov ntaub ntawv hais txog koj txoj cai thov kom muaj lub rooj txiav txim los tawm tsam qhov kev txiav txim siab ntawm lub cheeb tsam nroog.

Yog tias kuv tsis tau txais Daim Ntawv Ceeb Toom Txog Kev Nqis Tes Ua los sis Tsis Pom Zoo nrog kuv li NOA, yuav ua li cas?

Koj tuaj yeeem thov kom muaj lub rooj txiav txim yog tias:

• Koj tsis pom zoo nrog kev hloov pauv rau koj cov kev pab cuam IHSS thiab/los sis NOA.
• Koj tsis pom zoo nrog qhov kev txiav txim siab uas IHSS ua yam tsis tau xa daim NOA rau koj.

Koj tsuas muaj 90 hnub txij li thaum koj tau txais koj daim ntawv NOA Ntawm IHSS los sis los ntawm qhov kev nqis tes ua los sis tsis nqis tes ua uas koj tsis pom zoo nrog los thov kom muaj lub rooj txiav txim.

Kev Tso Cai Rau Cov Kev Pab Cuam thiab Cov Sij Hawm Ua Hauj Lwm ntawm IHSSQhov Txheej Txheem Kev Ntsuam Xyuas Ntawm IHSS

Kuv tus neeg ua hauj lwm IHSS txiav txim siab li cas txog cov kev pab cuam uas kuv xav tau thiab yuav muab sij hawm ntev npaum li cas rau kuv?

Functional Index (FI) Rankings and Hourly Task Guidelines (HTGs) and IHSS Annotated Assessment Criteria are used to determine your functioning when performing certain IHSS tasks and to determine how much time you can get for each tasks. Your IHSS worker is required to give you the time you need to receive each service you need help with. A complete list of IHSS Hourly Task Guidelines is in All County Information Notice (ACIN) I-97-20.

Kev Tuav Qeb Daim Ntawv Qhia Ntxiv Txog Kev Ua Hauj Lwm (Functional Index, FI) thiab Cov Lus Qhia Txog Kev Ua Hauj Lwm Txhua Teev (Hourly Task Guidelines, HTGs) thiab Cov Qauv Ntsuas Kev Ntsuam Xyuas IHSS yog siv los txiav txim siab koj txoj hauj lwm thaum ua qee yam hauj lwm IHSS thiab txiav txim siab seb koj tuaj yeem tau txais sij hawm ntau npaum li cas rau txhua txoj hauj lwm.Koj tus neeg ua hauj lwm IHSS yuav tsum muab sij hawm rau koj kom tau txais txhua yam kev pab cuam uas koj xav tau kev pab.Daim ntawv teev tag nrho ntawm IHSS Cov Lus Taw Qhia Txog Kev Ua Hauj Lwm Txhua Teev yog nyob rau hauv Daim Ntawv Ceeb Toom Txog Cov Ntaub Ntawv Ntawm Txhua Lub Cheeb Tsam Nroog (All County Information Notice, ACIN) I-97-20.

Tus txheej txheem 2 kauj ruam uas siv los txiav txim siab seb xav tau cov kev pab cuam IHSS twg thiab xav tau sij hawm ntev npaum li cas:

Kauj Ruam Ib: Kev Txiav Txim Txog Kev Ua Hauj Lwm

Koj tus neeg ua hauj lwm IHSS yuav ntsuas qeb koj txoj hauj lwm hauv txhua pawg kev pab cuam IHSS hauv qab no:

• Kev Pab Cuam Sab Hauv Tsev (Hauj Lwm Hauv Tsev)
• Lub Chaw Ntxhua Khaub Ncaws
• Kev Yuav Khoom thiab Kev Ua Hauj Lwm
• Kev Npaj Pluas Noj/Kev Ntxuav Tu Tom Qab Pluas Noj
• Kev Tawm Mus Los (yav tas los hu ua Kev Txav Mus Los Sab Hauv)
• Kev Da Dej, Kev Tu Qhov Ncauj thiab Kev Hnav Khaub Ncaws/Kev Da Dej Saum Txaj Li Ib Txwm (Kev Da Dej thiab Kev Hnav Khaub Ncaws)
• Cov Khoom Siv Qhwv Qhov Txhab/Cov Khoom Siv Cuav (Kev Qhwv Qhov Txhab)
• Kev Saib Xyuas Plab Hnyuv thiab Zais Zis
• Kev Rhais Chaw (Kev Hloov Chaw Tshiab)
• Kev noj mov
• Kev Ua Pa
• Qhov Nco Cia
• Kev Taw Qhia
• Kev Txiav Txim

Kev nco cia, kev taw qhia, thiab kev txiav txim siab yog siv los txiav txim siab qhov xav tau kev tswj xyuas tiv thaiv.5

Cov Qhab Nia Ntsuas Qeb Daim Phiaj Ntawv Qhia Txog Kev Ua Hauj Lwm ntawm IHSS yog txij li 1 txog 6.Qib rau txhua txoj hauj lwm yuav tsum yog raws li kev tsis taus ntawm lub cev, kev xav pom xav paub thiab kev xav hauv kev ua hauj lwm.6 Qhov kev ntaus nqi ntsuas tsis suav nrog kev txwv ntawm lub cev nkaus xwb.

Koj qib ntsuas daim phiaj ntawv qhia kev ua hauj lwm yog raws li qhov ntau tsawg ntawm kev pab uas koj xav tau los ua kom tiav cov hauj lwm IHSS uas yuav tsum tau ntsuas qeb.Cov kev ntsuas qeb daim phiaj ntawv qhia kev ua hauj lwm ntawm IHSS yog:

• Qeb 1: Ywj Siab.Koj tuaj yeej ua tej hauj lwm IHSS tau yam tsis tas yuav muaj kev pab.Ib tus neeg tau txais kev pab uas tau qhov kev ntsuas qeb "1" hauv txhua txoj hauj lwm yuav tsis tuaj yeem tau txais sij hawm rau qhov kev pab cuam ntawd.
• Qeb 2: Koj tuaj yeem ua tiav txoj hauj lwm ntawm IHSS nrog kev pab ua lus hais ntawm qhov ncauj, xws li kev ceeb toom, kev taw qhia, los sis kev txhawb siab los ntawm tus kws muab kev pab ntawm IHSS.
• Qeb 3: Koj tuaj yeem ua tiav txoj hauj lwm ntawm IHSS nrog qee qhov kev pab, suav nrog, tab sis tsis txwv rau, kev pab ncaj qha los ntawm tus neeg muab kev pab ntawm IHSS.
• Qeb 4: Koj tuaj yeem ua tiav txoj hauj lwm ntawm IHSS tab sis tsuas yog nrog rau kev pab ntau heev los ntawm tus neeg muab kev pab ntawm IHSS nkaus xwb.
• Qeb 5: Koj tsis tuaj yeem ua tiav txoj hauj lwm ntawm IHSS, nrog rau los sis tsis nrog rau kev pab los ntawm tus neeg muab kev pab ntawm IHSS.
• Qeb 6: Koj yuav tsum tau txais kev pab cuam rau kev kawm kho mob.

Yog tias koj txoj hauj lwm hloov pauv thoob plaws lub hlis, koj qhov kev ntsuas qeb rau txhua txoj hauj lwm yuav tsum qhia txog koj theem kev ua hauj lwm feem ntau ntawm lub sij hawm hauv ib lub lim tiam los sis ib lub hlis.Piv txwv li, yog tias koj muaj mob pob qij txha uas ua rau koj mob nruj, txo qis kev txav mus los thiab mob, qee hnub cov tsos mob yuav tsis hnyav heev thiab qee hnub cov tsos mob yuav hnyav heev, koj qhov kev ntsuas qeb kev ua hauj lwm yuav tsum xav txog koj theem kev ua hauj lwm thaum lub sij hawm uas koj cov tsos mob ntawm mob pob qij txha yuav hnyav dua.7

Koj tus neeg ua hauj lwm ntawm IHSS tuaj yeem qhia koj tias koj cov kev ntsuas qeb daim phiaj ntawv qhia yog dab tsi.Yog tias koj tab tom npaj rau lub rooj txiav txim, koj cov qeb ntsuas daim phiaj ntawv kev ua hauj lwm yuav tsum nyob rau hauv daim ntawv qhia txog txoj hauj lwm ntawm lub cheeb tsam nroog.

Kauj Ruam 2: Siv Cov Lus Qhia Txog Kev Ua Hauj Lwm Txhua Teev txhawm rau los Txiav Txim Lub Sij Hawm Uas Tau Tso Cai Rais Li Kev Ua Hauj Lwm

Cov Lus Qhia Txog Kev Ua Hauj Lwm Txhua Teev ntawm IHSS yog siv los txiav txim siab seb koj tuaj yeem tau txais lub sij hawm ntau npaum li cas rau txhua qhov kev pab cuam IHSS uas koj xav tau kev pab txhua lub lim tiam, tshwj tias tsis yog rau cov kev pab cuam ntxuav tu hauv tsev.Cov kev pab cuam ntxuav tu hauv tsev tsuas yog txwv rau 6 teev hauv ib hlis nkaus xwb.

Cov Lus Qhia Txog Kev Ua Hauj Lwm Txhua Teev uas tau pom zoo kom muaj lub ncua sij hawm (qis thiab siab) rau txhua txoj hauj lwm ntawm IHSS uas xav tau raws li qhov txwv ntawm kev ua hauj lwm.Piv txwv li, yog tias koj yog qeb "2" hauv txoj hauj lwm kev hnav khaub ncaws, Cov Lus Qhia Txog Kev Ua Hauj Lwm Txhua Teev hais tias koj tuaj yeem tau txais kev pab li ntawm 34 feeb txog 1 teev thiab 12 feeb hauv ib lub lim tiam.

Koj muaj cai tau txais lub sij hawm uas koj xav tau los txais kev pab nrog txhua txoj hauj lwm ntawm IHSS uas koj tsis tuaj yeem ua tau rau koj tus kheej yam tsis muaj kev pab.Cov Lus Qhia Txog Kev Ua Hauj Lwm Txhua Teev tuaj yeem siv tau tsuas yog tias koj tuaj yeem tau txais cov kev pab cuam ntawm IHSS uas koj xav tau hauv lub ncua sij hawm uas tau pom zoo.8

Koj tuaj yeem tau txais sij hawm ntau dua los sis tsawg dua li cov Lus Qhia Txog Kev Ua Hauj Lwm Ib Teev hais tias koj tuaj yeem tau txais, yog tias tus neeg ua hauj lwm ntawm IHSS sau tseg tias vim li cas koj thiaj xav tau sij hawm ntau dua los sis tsawg dua txhawm rau kom ua tiav ib txoj hauj lwm hauv koj cov ntaub ntawv qhov xwm txheej ntawm IHSS.

Piv txwv ntawm cov kev zam rau Cov Lus Qhia Txog Kev Ua Hauj Lwm Txhua Teev tuaj yeem pom hauv Phau Ntawv Qhia Txog Cov Cai thiab Cov Txheej Txheem Ntawm California Lub Tsev Hauj Lwm Saib Xyuas Cov Kev Pab Cuam Rau Zej Tsoom §§ 30-700 txog 30-764.

IHSS Hourly Task Guidelines do not apply to Kev Tswj Xyuas Fab Kev Tiv Thaiv or Cov Kev Pab Cuam Rau Kev Kawm Kho Mob.

Kev Ua Qhov Kev Ntsuam Xyuas Tus Kheej Ntawm IHSS

Kuv yuav ntsuam xyuas kuv tus kheej tau li cas?

Kev ntsuam xyuas tus kheej ntawm IHSS tuaj yeem pab koj soj lw taug qab seb koj xav tau cov kev pab cuam IHSS twg thiab lub sij hawm siv los txais cov kev pab cuam IHSS kom nws thiaj li tuaj yeem sau tseg rau hauv koj cov ntaub ntawv IHSS.Yuav kom ua tiav qhov kev ntsuam xyuas tus kheej koj tuaj yeem tsim daim ntawv teev cia txhua hnub ntawm txhua txoj hauj lwm ntawm IHSS uas koj ua tsis tau rau koj tus kheej yam tsawg kawg yog ib lub lim tiam.

Koj daim ntawv sau tseg yuav tsum muaj xws li:

• Lub sij hawm uas nws siv los txais kev pab nrog txhua qhov kev pab cuam ntawm IHSS uas koj xav tau.
• Cov kauj ruam uas ntsig txog rau kev ua kom tiav txhua qhov kev pab cuam.
• Thov nco ntsoov tias koj cov kev txwv kev ua hauj lwm cuam tshuam los sis txwv koj lub peev xwm los txais cov kev pab cuam IHSS li cas, xws li cov leeg nqaij ntswj, cov pob qij txha khov, cov kev xav tsis thoob uas ua rau pom tseeb thiab kev coj cwj pwm nruj vim muaj teeb meem nrog kev nco qab, kev taw qhia los sis kev txiav txim siab.

Kev ua qhov kev ntsuam xyuas tus kheej tuaj yeem pab tiv thaiv koj kom tsis txhob kwv yees lub sij hawm uas xav tau txhua hnub los txais cov kev pab cuam ntawm IHSS.

Cov Cai Rau Cov Neeg Tsis Taus Hauv California, IHSS Kev Ntsuam Xyuas Tus Kheej thiab Phau Ntawv Qhia Txog Kev Mloog Lus Ncaj Ncees kuj muaj Daim Ntawv Sau Txog Kev Ntsuam Xyuas Tus Kheej Ntawm IHSS uas siv tau los sau cov sij hawm uas koj xav tau los txais kev pab rau txhua qhov kev pab cuam ntawm IHSS uas koj tsis tuaj yeem ua tau rau koj tus kheej txhua hnub ntawm lub lim tiam. Yog tias ua tau, suav nrog lub sij hawm pib thiab nres rau txhua qhov kev pab cuam.Txoj hauv kev no koj tsis tas yuav kwv yees los sis kwv yees lub sij hawm uas koj xav tau.Thaum kawg ntawm lub lim tiam, suav koj cov sij hawm txhua hnub kom pom tias koj yuav tsum tau txais sij hawm ntau npaum li cas rau txhua qhov kev pab cuam ntawm IHSS hauv ib lub lim tiam.

Thaum koj paub tias koj xav tau cov kev pab cuam IHSS twg thiab koj xav tau sij hawm ntau npaum li cas txhua lub lim tiam txhawm rau los txais cov kev pab cuam IHSS, koj tuaj yeem piv lub sij hawm uas koj xav tau rau lub sij hawm uas tau pom zoo ntawm Cov Lus Qhia Txog Kev Ua Hauj Lwm Txhua Teev ntawm IHSS.Yog tias koj xav tau sij hawm ntau dua li tau sau tseg hauv Cov Lus Qhia Txog Kev Ua Hauj Lwm Txhua Teev, koj yuav tsum piav qhia tias vim li cas thiaj xav tau sij hawm ntau dua kom tus neeg ua hauj lwm IHSS tuaj yeem sau tseg rau hauv koj cov ntaub ntawv IHSS.

Yog tias koj xav tau sij hawm ntau dua li Cov Lus Qhia Txog Kev Ua Hauj Lwm Txhua Teev tso cai, sau cia rau hauv koj daim ntawv teev txhua hnub los sis rau ntawm daim ntawv sib cais, cov laj thawj (piv txwv li, kev coj tus cwj pwm nruj, cov leeg nqaij tawv los sis cov leeg nqaij ntswj, xwm txheej kev uv zis tsis tau, kev saib xyuas uas tsim nyog kom ntseeg tau tias tau noj tshuaj, lub sij hawm xav tau raug soj lw taug qab thiab sau tseg thiab lub sij hawm uas tau txais kev pom zoo hauv cov lus qhia tsis pub sij hawm txaus los txais cov kev pab cuam IHSS) lub sij hawm ntxiv uas xav tau los txais kev pab nrog txhua txoj hauj lwm. Qhov no yuav pab koj tawm tswv yim thiab piav qhia tias vim li cas koj thiaj xav tau sij hawm ntau dua li Cov Lus Qhia Txog Kev Ua Hauj Lwm Txhua Teev tso cai.

Daim ntawv no teev cov laj thawj tias vim li cas cov kev pab cuam ntawm IHSS thiaj li yuav xav tau sij hawm ntxiv.

Yuav npaj li cas rau Kev Ntsuam Xyuas IHSS Hauv Tsev los sis Lub Rooj Txiav Txim Txog Kev Ncaj Ncees?

Txhawm rau kom npaj txhij rau koj Qhov Kev Ntsuam Xyuas Hauv Tsev los sis Lub Rooj Txiav Txim Txog Kev Ncaj Ncees, koj tuaj yeem ua qhov Kev Ntsuam Xyuas Tus Kheej Ntawm IHSS, uas peb tau tham txog saum toj no.Thaum siv ua ke, cov ntaub ntawv teev txhua hnub thiab daim ntawv ntsuam xyuas txog Kev Ntsuam Xyuas Tus Kheej Ntawm IHSS tuaj yeem pab koj piav qhia zoo dua tias vim li cas koj thiaj xav tau sij hawm ntau dua li Cov Lus Qhia Txog Kev Ua Hauj Lwm Txhua Teev raws li tau qhia tseg.Nov yog qee cov piv txwv ntawm cov ntaub ntawv uas koj qhov kev ntsuam xyuas tus kheej yuav pab koj txheeb xyuas:

• Cov Kev Hloov Pauv hauv Kev Ua Hauj Lwm - Lub sij hawm xav tau los ua kom tiav ib txoj hauj lwm tej zaum yuav hloov pauv txhua hnub.Kev hnav khaub ncaws rau ib tus neeg uas muaj tus kab mob tuag tes tuag taw tej zaum yuav siv sij hawm ntev dua li ob npaug ntawm ib hnub thaum piav qhia ua ntej vim muaj kev ywj pheej ntawm ob txhais tes taw uas sib txawv.IHSS txiav txim lub sij hawm uas koj siv los txais lub sij hawm nruab nrab uas koj siv los thov kev pab kom ua tiav txhua txoj hauj lwm.Nws yog ib qho tseem ceeb kom paub tias nws siv sij hawm ntev npaum li cas txhawm rau kom ua tiav ib txoj hauj lwm txhua zaus hauv ib lub lim tiam kom thiaj li suav tau lub sij hawm nruab nrab uas xav tau txhua lub lim tiam.
• Txhua kauj ruam thiab txhua txoj hauj lwm uas xav tau kom tau txais kev pab cuam ntawm IHSS - Qee zaum cov neeg ua hauj lwm ntawm IHSS yuav tsis pom qhov tshwj xeeb rau Cov Lus Qhia Txog Kev Ua Hauj Lwm Txhua Teev.Koj tuaj yeem tau txais sij hawm ntau dua li Cov Lus Qhia Txog Kev Ua Hauj Lwm Txhua Teev raws li tau qhia tseg tsuav yog koj tus neeg ua hauj lwm ntawm IHSS sau tseg tias vim li cas koj thiaj xav tau sij hawm ntxiv hauv koj cov ntaub ntawv IHSS.
  Piv txwv ntawm cov kev zam tuaj yeem pom hauv Phau Ntawv Qhia Txog Cov Cai thiab Cov Txheej Txheem Ntawm California Lub Tsev Hauj Lwm Saib Xyuas Cov Kev Pab Cuam Rau Zej Tsoom §§ 30-700 txog 30-764.
  Piv txwv li, lub sij hawm ntxuav tu raws li kev saib xyuas Plab Hnyuv thiab Zais Zis tsis yog tias tsuas yog hais txog lub sij hawm ntxuav tu nkaus xwb tab sis kuj tseem suav nrog lub sij hawm uas nws siv los mus nqa cov khoom siv ntxuav tu thiab muab tso rau hauv dua ib zaug.Yaug lub qhov viv thiab pov tseg cov khib nyiab.Yog tias muaj cov kua dej hauv lub cev los sis cov quav uas ntsig txog, koj yuav tsum siv sij hawm ntxiv los siv cov kev tiv thaiv thoob ntiaj teb.Cov kev tiv thaiv feem dav uas suav nrog kev ntxuav tes thiab kev rau hnab looj tes los sis lub looj ntsej muag thaum twg uas kov cov kua dej thiab cov khib nyiab hauv lub cev, los sis thaum kov cov ntaub pua chaw pw, khaub ncaws, los sis lwm yam khoom uas muaj cov kua dej hauv lub cev.
• Qhov kev txwv tsis pub ua hauj lwm ua rau xav tau ntau lub sij hawm los txais kev pab nrog cov hauj lwm ntawm IHSS li cas – Piv txwv li, tus neeg laus yuav ntsib kev tsis meej pem thiab cov teeb meem nrog kev taw qhia, kev mob ntawm cov leeg uas ua rau mob thiab tej zaum yuav muaj tus cwj pwm nruj uas ua rau xav tau ntau lub sij hawm los pab lawv hnav khaub ncaws.Rau ib tus neeg uas xav tau kev pab txog kev saib xyuas plab hnuv thiab zais zis yuav tsum tau siv sij hawm ntau dua vim yog kev tso quav los sis tso zis ntau zaus, xwm txheej kev uv quav los sis uv zis tsis tau, tus kab mob rog dhau, thiab lwm yam.

Yog xav paub ntau ntxiv txog koj cov cai ntawm lub rooj txiav txim thiab yuav npaj li cas rau Lub Rooj Txiav Txim Txog Kev Ncaj Ncees Ntawm IHSS, thov saib DRC cov ntawv tshaj tawm: Phau Ntawv Qhia Cov Rooj Txiav Txim Txog Kev Ncaj Ncees Ntawm IHSS: Txoj Hauv Kev Los Npaj Rau Kev Txiav Txim los sis Kev Txo Cov Sij Hawm Ua Hauj Lwm ntawm IHSS.

Yam uas cia siab tseg thaum lub sij hawm Kev Ntsuam Xyuas Hauv Tsev Ntawm IHSS

Lub hom phiaj ntawm qhov kev ntsib tom tsev ntawm IHSS yog nrhiav cov ntaub ntawv hauv qab no:

• Tej hauj lwm ntawm IHSS twg uas koj tsis tuaj yeem ua tau yam tsis muaj kev pab,
• Koj yuav tsum tau siv sij hawm ntev npaum li cas los txais kev pab nrog txhua txoj hauj lwm ntawm IHSS uas koj tsis tuaj yeem ua tau yam tsis muaj kev pab.

Koj txoj hauj lwm yog pab koj tus neeg ua hauj lwm ntawm IHSS:

• Nkag siab txhua yam uas koj xav tau kev saib xyuas hauv tsev thiab
• Nkag siab tias koj xav tau sij hawm ntev npaum li cas los txais cov kev pab cuam ntawm IHSS.

Thaum lub sij hawm koj ntsuam xyuas, thov ua siab ncaj thiab qhib siab.Tsis txhob saib tsis taus koj cov teeb meem kev xiam oob qhab thiab cov kev xav tau kev saib xyuas vim tias tej zaum koj yuav tsis tau txais cov sij hawm uas koj xav tau.Txawm hais tias koj hnov tau tias txaj muag, piav qhia txhua yam kom tus neeg ua hauj lwm IHSS hauv cheeb tsam nroog kom nkag siab koj qhov xwm txheej.

Ua ntej koj qhov kev mus ntsib kws kho mob tom tsev, koj yuav tsum tshuaj xyuas koj li NOA Ntawm IHSS kom paub seb cov kev pab cuam IHSS twg koj tsis tau txais sij hawm txaus los sis tseem xav tau kev pab kom koj thiaj li thov tau.

Thaum koj mus ntsib kws kho mob tom tsev, koj yuav tsum muaj koj Daim Ntawv Sau Txhua Hnub thiab/los sis koj Daim Ntawv Sau Txog Kev Ntsuam Xyuas Tus Kheej Ntawm IHSS los pab koj piav qhia seb koj xav tau cov kev pab cuam twg thiab siv sij hawm ntev npaum li cas los txais cov kev pab cuam ntawm IHSS.

Koj tuaj yeem siv tau koj Daim Ntawv Sau Txog Kev Ntsuam Xyuas Tus Kheej Ntawm IHSS thiab/los sis Daim Ntawv Sau Txhua Hnub los pab koj piav qhia:

• Tej hauj lwm IHSS twg uas koj xav tau los sis tej yam uas koj tus neeg muab kev pab ua rau koj.
• Koj tau txiav txim siab lub sij hawm uas nws siv los ua kom tiav txhua txoj hauj lwm li cas.Qhov no tseem ceeb heev yog tias muaj qhov sib txawv ntawm qhov uas lub cheeb tsam nroog tau tso cai ua ntej thiab qhov koj ntseeg tias koj xav tau tam sim no.
• Vim li cas thiaj xav tau sij hawm ntau ntxiv rau IHSS rau ib txoj hauj lwm tshwj xeeb.

Nco ntsoov tias, lub cheeb tsam nroog tsuas yog yuav tso cai rau yam uas koj xav tau nkaus xwb thiab yuav tsis pub sij hawm ntxiv rau cov kev pab cuam "kev nplij siab".Ib qho piv txwv ntawm kev pab cuam kev nplij siab yog kev ntxuav tu plua plav ntxiv kom ua rau tej yam zoo nkauj.

Kev Sau Ntawv Txog Cov Kev Txwv Kev Ua Hauj Lwm

Kuv yuav sau kuv cov kev txwv fab kev ua hauj lwm li cas?

Yog tias koj tsis pom zoo nrog lub cheeb tsam nroog txog koj lub peev xwm los ua tiav cov hauj lwm ntawm IHSS rau koj tus kheej, thov kom koj tus kws kho mob sau ib tsab ntawv piav qhia txog koj cov kev txwv kev ua hauj lwm thiab txhua yam los sis cov laj thawj tias vim li cas thiaj xav tau sij hawm ntxiv.Cov ntawv tsaj tawm txog Cov Cai Rau Cov Neeg Xiam Oob Qhab Hauv California, Phau Ntawv Qhia Txog Cov Rooj Txiav Txim Txog Kev Ncaj Ncees Ntawm IHSS: Yuav Npaj Li Cas rau Cov Kev Txiav Txim los sis Cov Kev Txo Cov Teev hauv IHSS muaj daim foos uas koj tuaj yeem siv los kom tau txais cov ntaub ntawv los ntawm koj tus kws kho mob txog koj cov kev txwv fab kev ua hauj lwm thiab teev cov yam uas ua rau koj xav tau ntau lub sij hawm los txais cov kev pab cuam ntawm IHSS.

Koj tus neeg ua hauj lwm ntawm IHSS yuav tsum xav txog cov ntaub ntawv uas koj tus kws kho mob muab thaum txiav txim siab seb koj yuav tsum tau txais cov kev pab cuam IHSS ntev npaum li cas.Piv txwv li:

• Tej zaum koj yuav xav tau ib qho chaw uas tsis muaj plua plav thiab ntxuav tu ntau zaus dua los sis ntxuav kom huv si vim yog kev ua xua los sis muaj cov teeb meem txog lub ntsws/kev ua pa.Qhov no yuav ua rau xav tau ntau lub sij hawm nrog cov kev pab cuam kev ntxuav tu hauv tsev.
• Koj muaj teeb meem kev uv tso zis tsis tau thiab ua tsis tau hauj lwm ntawm txoj hnyuv thiab tsis tuaj yeem tswj koj txoj kev tso quav thiab tso zis yam tsis muaj kev pab los ntawm lwm tus, xws li siv lub qhov viv, daim tiag lub qhov viv, los sis cov pawm, thiab koj kuj tsis tuaj yeem tswj koj cov khaub ncaws.Koj kuj tseem noj tshuaj uas ua rau koj siv sij hawm ntau dua los siv chav dej.Cov piv txwv no txhawb nqa qhov xav tau ntau lub sij hawm nrog kev saib xyuas plab hnyuv thiab lub zais zis.
• Tej zaum koj yuav xav tau kev pab ntau los ntawm lwm tus thaum koj ntxhua khaub ncaws thiab hnav khaub ncaws.Koj yuav noj tshuaj uas ua rau koj tso zis ntau ntxiv, ua rau koj muaj teeb meem, ua rau koj tsw ntxhiab, thiab/los sis hws tawm ntau ntxiv ua rau koj yuav tsum hloov pauv cov ntaub pua chaw pw uas qias neeg txhua hnub thiab koj cov khaub ncaws ntau zaus thoob plaws hnub.Cov xwm txheej no txhawb nqa koj qhov xav tau ntau lub sij hawm nrog kev ntxhua khaub ncaws thiab kev hnav khaub ncaws.

Cov Laj Thawj Tias Vim Li Cas Thiaj Xav Tau Ntau Lub Sij Hawm Rau Cov Kev Pab Cuam Ntawm IHSS

Cov hauv qab no yog cov npe ntawm cov laj thawj tias vim li cas thiaj xav tau sij hawm ntxiv los ua kom tiav cov hauj lwm ntawm IHSS.

Kev Pab Cuam Kev Ntxuav Tu Hauv Tsev

Cov kev pab cuam ntxuav tu hauv tsev raug txwv li 6 teev hauv ib hlis rau ib tsev neeg tshwj tias tsis yog tias xav tau kev zam.9 Cov kev pab cuam ntxuav tu hauv tsev kuj tseem yuav raug faib ua feem.Piv txwv li, yog tias muaj 4 tus neeg nyob hauv tsev, tus neeg tau txais tsuas yog tau txais 1.5 teev hauv ib hlis (6 teev / 4 tus neeg = 1.5).Yog tias tus neeg tau txais kev pab nrog chav nyob ntawd tsuas yog tus neeg pab cuam nyob hauv tsev nkaus xwb, cov kev pab cuam ntxuav tu hauv tsev tsis raug suav xam ua feem.

Lub cheeb tsam nroog yuav tsum faib cov sij hawm ua hauj lwm sib npaug rau cov chaw sib koom ua ke hauv tsev - koj chav los sis chav dej yuav tsum tau tso cai sib cais.

Nov yog qee qhov piv txwv txog tias vim li cas thiaj yuav tsum muaj kev zam rau 6 teev hauv ib hlis rau kev pab cuam ntxuav tu hauv tsev:

• Mob hawb pob hnyav los sis ua xua los sis cov teeb meem txog lub ntsws ua rau muaj kev txwv tsis pub ua pa (piv txwv li cov kev txwv tsis pub ua pa) uas yuav tsum tau tus neeg txais kev pab nyob rau hauv ib puag ncig uas tsis muaj plua plav thiab xav tau ntau lub sij hawm rau kev ntxuav tu plua plav thiab nqus pluas plav hauv tsev kom ntau zaus.
• Yuav tsum tau muab pov tseg txhua hnub, los sis ntau zaus dua ob zaug hauv ib hlis, vim muaj teeb meem txog kab laum, ntsaum los sis lwm yam teeb meem txog kab tsuag.
• Yog tias koj ua rau tej yam nchuav, yuav tsum tau ntxuav tas li, tshwj xeeb tshaj yog tias muaj teeb meem txog kab laum los sis kab tsuag cuam tshuam.
• Cov xwm txheej kev uv zis tsis tau ua rau yuav tsum tau ntxuav tu plag tsev, rooj tog, thiab lwm yam tsis tu ncua.
• Lub thoob khib nyiab nyob ntawm ob lub qhov rooj xauv ob chav nyob tom qab lub tsev, thiab nws siv sij hawm li 10 feeb mus txog ntawd thiab rov qab los.
• Yog tias koj noj mov nyob hauv txaj, lub txaj yuav tsum tau nqus pluas plav hauv tsev thiab ua dua tshiab 3 zaug hauv ib hnub kom tshem tawm cov khoom seem.Yuav tsum tau hloov cov ntaub pua chaw pw ntau zaus vim lawv muaj tej yam qias neeg lawm.
• Yog tias koj muaj teeb meem txog kev uv zis tsis tau/tso zis tawm los, cov ntaub pua chaw pw yuav tsum tau hloov ntau zaus tshaj li ob zaug hauv ib hlis (txhua hnub, peb zaug hauv ib lub lim tiam, ib zaug hauv ib lub lim tiam, thiab lwm yam)
• Vim tias daim tawv nqaij mos thiab raug mob tau yooj yim los sis raug mob mus ntev, cov ntaub pua chaw pw yuav tsum du lug kom tiv thaiv tsi muaj qhov sib txhuam, thiab nws yog ib qho tseem ceeb kom ntseeg tau tias tsis muaj dab tsi hauv cov ntaub pua chaw pw sib txhuam los sis ua rau daim tawv nqaij khaus.
• Vim tias koj ua tej khoom poob ntau zaus, yuav tsum tau khaws kom ntau dua.
• Vim tias daim foob ntawm lub tub yees txias puas lawm, yuav tsum siv sij hawm ntau ntxiv los ntxuav tu thiab ua kom dej khov yaj hauv lub tub yees.
• Vim tias koj siv sij hawm feem ntau pw hauv txaj los sis vim tawm hws, cov ntaub pua chaw pw yuav tsum tau hloov ntau zaus dua ob zaug hauv ib hlis.
• Yuav tsum tau txau tshuaj tua kab thoob plaws hauv lub tsev nyob rau ib zaug nkas xwb, txhua yam khoom yuav tsum tau muab tshem tawm ntawm chav ua noj thiab txee, ntxuav kom huv si, thiab tom qab ntawd muab tso rau hauv nws qhov chaw qub tom qab txau tshuaj tas.(Siv sij hawm los ua raws li cov txheej txheem no yog qhov tsim nyog, tsis yog rau kev noj qab haus huv thiab kev nyab xeeb nkaus xwb, tab sis kuj rau kev tsim thiab tswj hwm qhov xwm txheej kev nyob ywj pheej, vim tias ua tsis tau li ntawd yuav ua rau koj muaj kev pheej hmoo yuav raug ntiab tawm.)

Cov Kev Pab Cuam Saib Xyuas Tus Kheej

Cov kev pab cuam saib xyuas tus kheej yuav tsum tau soj ntsuam ib tus zuj ib tus.Nco ntsoov suav lub sij hawm rau tag nrho txoj hauj lwm, txij thaum pib mus txog thaum xaus.Koj tuaj yeem tau txais kev zam rau Cov Lus Qhia Txog Kev Ua Hauj Lwm Txhua Teev Ntawm IHSS yog tias koj xav tau nws los txais cov kev pab cuam ntawm IHSS.Nov yog qee qhov piv txwv txog tias vim li cas thiaj yuav tsum muaj kev zam rau cov lus qhia txog kev ua hauj lwm txhua teev rau cov kev pab cuam saib xyuas tus kheej:

Yog tias koj xav tau sij hawm ntxiv rau cov kev pab cuam saib xyuas tus kheej kom koj thiaj li nyob tau hauv tsev tau zoo, lub cheeb tsam nroog yuav tsum tso cai rau kev zam los ntawm cov lus qhia no.Piv txwv li:

• Chav dej tsis pub siv lub rooj zaum muaj log nkag mus tau. Qhov no yuav tsum tau siv sij hawm ntxiv rau kev nkag mus thiab tawm hauv chav dej, npaj chav dej, suav sau cov khoom siv, thiab lwm yam kev saib xyuas tus kheej/kev tu cev xws li siv tshuaj zawv plaub hau los sis xab npum uas muaj tshuaj, siv cov tshuaj pleev thiab tshuaj pleev uas muaj tshuaj thiab cov hmoov dawb ua ntej koj da dej.
• Cov xwm txheej hauv chav dej xav tau kev ntxuav tu ntxiv hauv kev saib xyuas plab hnyuv thiab lub zais zis suav nrog kev ntxuav tu ntxiv ntawm cov rooj zaum tshwj xeeb hauv chav dej los sis lub tais siv tso zis tso quav vim muaj cov quav thiab zis lo rau hauv tau.
• Koj rhiab heev rau qhov mob - txawm tias ntsis koj cov plaub hau los ua rau koj mob heev.Cov kev pab cuam saib xyuas tus kheej yuav tsum tau ua maj mam thiab ua tib zoo.
• Koj noj thiab zom qeeb heev, thiab xav tau ib tug neeg pab txhawb yaum koj los sis pab koj txav koj lub puab tsaig.Kev pub mov noj txhua pluas noj yuav siv sij hawm txog li 45 feeb.
• Txawm hais tias koj tuaj yeem pub koj tus kheej noj los xij, koj xav tau ib tus neeg pab cuam los pab nqa khoom thiab vim muaj teeb meem kev daig caj pas tau.
• Koj yuav tsum tau da dej ntau tshaj ob zaug hauv ib lub lim tiam vim yog koj ua rau ntub dej ntau dhau, tsis tuaj yeem uv zis tau, los sis muaj teeb meem ntawm daim tawv nqaij.
• Koj daim tawv nqaij nyias heev thiab raug kub hnyiab tau yooj yim uas tuaj yeem ua rau mob vim raug nias ntev dhau los sis ua qhov txhab ntev; yuav tsum xyuas kom ntseeg tau tias tsis muaj dab tsi txhuam los sis ua rau daim tawv nqaij khaus xws li khaub ncaws los sis koj raug tso rau hauv koj lub rooj zaum muaj log li cas, thiab lwm yam.
• Koj cov plaub hau yuav tsum tau zawv ntau tshaj ib zaug hauv ib lub lim tiam vim yog cov plaub hau muaj plaws los sis muaj zaub mov hauv cov plaub hau.
• Koj xav tau sij hawm ntxiv los sib txuas lus nrog tus kws kho mob IHSS (ib yam li tus neeg uas muaj mob hlwb, uas yuav tsum siv daim txiag sau ua lus thiab sau ua ntawv).
• Cov plaub hau hom no kis kab mob tau yooj yim rau kev ua pa, yog li nws tseem ceeb heev kom so nws kom qhuav tom qab zawv.

Cov Kev Pab Cuam Ntsig Txog

Piv txwv ntawm lub sij hawm ntxiv uas xav tau rau kev npaj pluas noj thiab/los sis kev npaj zaub mov:

• Koj xav tau kev noj zaub mov tshwj xeeb xws li kev noj zaub mov tsis muaj ntsev thiab piam thaj los sis xav tau cov khoom noj uas tshiab.
• Koj noj cov zaub mov uas kub tshiab uas siv sij hawm los ua noj ntev dua li cov sandwiches los sis cov mov nplej cereal.
• Koj yuav tsum tau noj cov khoom noj uas raug txhoov kom me los sis zom kom mos.
• Koj yuav tsum haus dej thiab noj khoom txom ncauj ntawm cov pluas noj.
• Koj cov pluas mov noj thiab cov kev noj mov yuav txawv ntawm lwm tus hauv tsev neeg yog li cov pluas noj yuav tsum tau npaj sib cais.
• Vim yog muaj mob hlwb uas ua rau koj tuag tes tuag taw, koj thiaj li xav tau zaub mov ntau dua li niaj zaus 2-3 npaug, yog li ntawd, koj yuav siv sij hawm ntau dua los npaj zaub mov, npaj cov ntawv qhia zaub mov, ntxuav tu, mus yuav khoom noj, thiab kev pub noj.

Piv txwv ntawm lub sij hawm ntxiv uas xav tau rau kev ntxuav tu tom qab pluas noj:

• Koj xav tau sij hawm ntxiv los ntxuav tu lub rooj, lub rooj zaum muaj log, thiab hauv pem teb vim muaj kua dej nchuav ntub.

Piv txwv ntawm lub sij hawm ntxiv uas xav tau rau kev ntxhua khaub ncaws:

• Yuav tsum tau hloov cov ntaub pua chaw pw thiab khaub ncaws ntxiv vim yog uv ziv tsis tau, kua dej nchuav ntub, tawm hws ntau dhau vim yog qee cov tshuaj, tawv nqaij qhuav thiab muaj plhaws plaub hau poob ntau thiab yuav tsum tau yaug thiab ntxuav tes ua ntej muab khaub ncaws thiab ntaub pua chaw pw rau hauv lub tshuab ntxhua khaub ncaws.
• Ua raws li cov kev tiv thaiv thoob plaws thaum muaj cov kua dej hauv lub cev (zis, quav, ntshav, qaub ncaug, hnoos qeev, ntuav) xws li kev cais cov khaub ncaws ntawm lwm yam kev ntxhua khaub ncaws, yaug thiab ntxuav tes ua ntej muab tso rau hauv lub tshuab ntxhua khaub ncaws.
• Yuav tsum tau nyob nrog cov khaub ncaws thaum lub sij hawm ntxhua thiab tshuab kom qhuav vim tiv thaiv tub sab nyiag.
• Yuav tsum tau coj khaub ncaws mus ntxuav ntxiv vim yog daim tawv nqaij rhiab heev thiab ua xua.

Yuav tsum muaj sij hawm ntxiv rau kev yuav khoom thiab ua hauj lwm, vim yog:

• Ncua kev mus rau lub khw loj.
• Yuav tsum tau mus kav khw ntau zaus dua los sis mus ntau dua ib qho chaw vim yog kev noj zaub mov tshwj xeeb thiab xav tau zaub mov tshiab.
• Yuav tsum mus rau lub khw txhawm rau yuav cov khoom siv rau kev tswj tsis tau zis, hnab looj tes, tshuaj pleev, cov tshuaj vitamins, cov ntaub so qhov muag uas muaj kuab tshuaj uas tsis tas yuav muaj ntawv yuav tshuaj, xab npum thiab tshuaj zawv plaub hau.
• Yuav tsum tau noj tshuaj ntau zaus vim yog Medi-Cal txwv tsis pub noj tshuaj ntau dhau thiab/los sis vim tias tsis tuaj yeem ua tau raws li txhua yam kev xav tau tshuaj ntawm ib qho chaw.
• Nyob rau hauv thaj chaw uas cov neeg tau nyiaj tsawg, cov khw muag khoom tsawg dua thiab muaj neeg coob dua, txhais tau tias yuav tsum tos ntev dua.
• Yuav tsum tau siv cov kev thauj mus los rau pej xeem thiab cov tsheb tav xij mus yuav khoom los sis khiav hauj lwm.

IHSS rau Cov Neeg Uas Muaj Kev Xiam Oob Qhab Hauv Kev Noj Qab Haus Huv Fab Hlwb Kev Xav

Cov neeg uas muaj kev xiam oob qhab rau kev noj qab haus huv fab hlwb kev xav puas tuaj yeem tau txais IHSS?

Tuaj yeem.IHSS tsis yog rau cov neeg uas muaj kev xiam oob qhab ntawm lub cev los sis kev txawj ntse/kev loj hlob nkaus xwb.Yog tias koj muaj kev xiam oob qhab rau txoj kev noj qab haus huv fab hlwb kev xav thiab koj xav tau kev pab kom nyob tau hauv koj lub tsev los sis lwm tus neeg lub tsev, koj yuav tsim nyog tau txais cov kev pab cuam ntawm IHSS.Tej zaum koj lub tsev yuav muaj xws li ib chav tsev uas koj nyob nrog lwm tus neeg los sis ib chav tsev so.Koj yuav tsis tuaj yeem tau txais IHSS los sis cov kev pab cuam saib xyuas tus kheej yog tias koj nyob hauv ib lub tsev laus los sis ib lub chaw nyob.Txawm li cas los xij, cov kev pab cuam ntawm IHSS yuav pab koj tsiv tawm ntawm pawg thawj coj saib xyuas thiab kev saib xyuas thiab mus rau hauv koj lub tsev los sis chav tsev so.

Nov yog qee qhov laj thawj uas koj yuav xav tau IHSS los nyob hauv koj lub tsev los sis hauv tsev ntawm ib tug txheeb ze los sis phooj ywg:

• Koj xav tau "kev ceeb toom" kom sawv ntxov thiab ua tej hauj lwm xws li da dej, tu cev, hnav khaub ncaws, noj tshuaj, thiab/los sis noj mov.Cov lus qhia thiab kev pab hauv kev teeb tsa kab lus yog cov lus siv los piav qhia txog kev pab uas tib neeg xav tau los pib ua hauj lwm thiab kev ua raws li cov kauj ruam ib kauj ruam zuj zus txhawm rau ua hauj lwm kom tiav.Vim yog koj qhov kev xiam oob qhab los sis cov kev mob tshwm sim los ntawm tshuaj, tej zaum koj yuav ua tsis tau qhov ntawd yog tsis muaj ib tus neeg tuaj pab koj ua qhov txheej txheem no.
• Tej zaum koj kuj tseem yuav xav tau "cov lus qhia" los pab koj ua kom tiav cov hauj lwm uas ua rau koj mus pw thaum hmo ntuj.
• Yog tias koj tsis tuaj yeem npaj zaub mov rau koj tus kheej kom tsis tu ncua thiab muaj kev nyab xeeb, koj yuav xav tau kev pab nrog kev npaj zaub mov.
• Tej zaum koj yuav xav tau kev ceeb toom kom noj mov thiab haus dej.
• Tej zaum koj yuav xav tau kev pab nrog kev yuav khoom, kev ntxuav tu, kev ntxhua khaub ncaws, thiab/los sis kev npaj zaub mov.
• Tej tus neeg uas muaj teeb meem kev noj qab haus huv fab hlwb kev xav yuav xav tau cov kev pab saib xyuas kev tiv thaiv.Kev saib xyuas tiv thaiv yog rau cov neeg uas xav tau kev saib xyuas thiab kev cuam tshuam 24/7 vim lawv ua tej yam muaj kev phom sij los sis txaus ntshai thiab tuaj yeem ua rau lawv tus kheej raug mob vim lawv tsis nkag siab tias lawv tej kev ua thiab tus cwj pwm txaus ntshai.

Cov neeg ua hauj lwm ntawm IHSS hauv lub cheeb tsam nroog uas ua cov ntawv thov IHSS feem ntau ua hauj lwm nrog cov neeg uas muaj kev xiam oob qhab ntawm lub cev (uas siv lub rooj zaum muaj log los sis ua tsis tau tej yam vim muaj mob pob qij txha hnyav) los sis kev xiam oob qhab ntawm lub hlwb (uas muaj kev xiam oob qhab fab kev loj hlob ntawm lub hlwb los sis kev puas hlwb).Lawv tsis paub txog cov ntawv thov los ntawm cov neeg uas muaj kev xiam oob qhab rau kev noj qab haus huv fab hlwb kev xav.Qhov ntawd txhais tau tias tus neeg ua hauj lwm ntawm IHSS yuav xav tau kev pab ntxiv los ntawm koj thiab cov neeg pab koj kom nkag siab tias vim li cas koj thiaj xav tau kev pab saib xyuas hauv koj lub tsev.Txhawm rau ua li no, koj tuaj yeem tau txais ib tsab ntawv los ntawm koj tus kws kho mob puas siab puas ntsws, tus kws tshaj lij fab hlwb kev xav, tus neeg ua hauj lwm pab cuam hauv zej tsoom ntawm lub tsev kho mob uas koj mus, tus thawj tswj xyuas qhov teeb meem, los sis lwm tus neeg uas pab koj thiab paub koj cov kev xav tau.Tsab ntawv yuav tsum piav qhia tias:

• Tej yam koj xav tau kev pab thiab hom kev pab uas koj xav tau.Piv txwv li, cov lus ceeb toom thiab kev txhawb siab.
• Vim li cas koj qhov kev xiam oob qhab ntawm kev noj qab haus huv fab hlwb kev xav thiaj li tiv thaiv koj ua tsis tau cov hauj lwm ntawm IHSS yam tsis muaj kev pab.Piv txwv li, lawv piav tau tias koj cov tshuaj ntxiv rau koj qhov kev xiam oob qhab ua rau koj tsaug zog, tsis muaj peev xwm tsom ntsoov rau tej hauj lwm, tsis meej pem, thiab tsis nco qab.Koj qhov kev xiam oob qhab ua rau nws nyuaj rau koj sawv raws sij hawm, noj koj cov tshuaj tsis tu ncua thiab ua cov kev saib xyuas tus kheej txhua hnub yam tsis muaj kev pab thiab/los sis koj tsis tuaj yeem ua noj rau koj tus kheej yam tsis tau ua rau koj tus kheej raug mob.
• Yog tias koj tsis tau txais kev pab uas koj xav tau ces txhais tau tias koj tsis tuaj yeem nyob ntawm koj tus kheej hauv koj lub tsev, chav tsev so, los sis chav tsev.
• Yog tias koj tsis tau txais kev pab uas koj xav tau ces yuav ua rau koj tus mob hnyav zuj zus tuaj vim tias koj yuav tsis muaj peev xwm sawv txhua hnub, saib xyuas koj tus kheej thiab ua kom koj lub chav tsev xis zoo.Koj lub neej txhua hnub tej zaum yuav zoo li tsis muaj kev kub ntxhov thiab coj koj mus rau hauv qhov teeb meem uas txhais tau tias yuav tsum mus rau chav kho mob xwm txheej ceev.

IHSS rau Cov Me Nyuam thiab Cov Teeb Meem Uas Ntsig Txog

Tshooj no yuav tham txog cov kev pab cuam uas ib tug me nyuam hnub nyoog qis dua 18 xyoo tuaj yeem tau txais thiab kev ntsuam xyuas raws li lub khoos kas IHSS nrog rau cov lus nug uas nquag nug.

Cov me nyuam yaus puas tuaj yeem tau txais IHSS?

Tuaj yeem.Cov me nyuam yaus hnub nyoog qis dua 18 xyoo uas muaj kev xiam oob qhab yuav tau txais:

• Cov kev pab cuam uas ntsig txog (kev npaj thiab ntxuav tu pluas noj, kev ntxhua khaub ncaws, kev yuav khoom noj, lwm yam kev yuav khoom/kev ua hauj lwm)
• Cov kev pab cuam saib xyuas tus kheej (kev da dej, mus chav dej, hnav khaub ncaws, pub mov, pab kev txav mus los, thiab lwm yam)
• Cov kev pab kho mob (yog tias tus kws kho mob tau sau ntawv kom ua - txhaj tshuaj, kev ntxig txoj xaim, kev pub mov hauv txoj xaim, kev nqus cov noos qeev)
• Kev Tswj Xyuas Kev Tiv Thaiv (kev saib xyuas thiab kev tswj xyuas 24 teev kom tiv thaiv kev raug mob)
  • Tsis yog kev saib xyuas los sis kev tswj xyuas me nyuam yaus li niaj hnub
  • Yuav tsum qhia qhov txawv ntawm tus me nyuam uas xiam oob qhab thiab lwm tus me nyuam uas muaj hnub nyoog zoo sib xws.
• Npaj ib tug neeg nrog koj mus ncig thaum tsim nyog rau kev mus/los ntawm:
  • Cov Teem Caij Kho Mob
  • Lwm Cov Chaw Muab Kev Pab

Cov me nyuam yaus tsis tuaj yeem tau txais:

• Kev Pab Cuam Kev Ntxuav Tu Hauv Tsev
• Kev Ntxuav Tu Loj Heev
• Kev Txo Qis Qhov Kev Phom Sij Hauv Vaj
• Kev Qhia thiab Kev Ua Qauv Qhia10

IHSS txiav txim siab txog kev ua hauj lwm ntawm tus me nyuam li cas?

IHSS tsuas yog yuav muab cov kev pab cuam raws li tus me nyuam txoj kev ua hauj lwm thiab kev xav tau kev pab xwb es tsis yog raws li hnub nyoog. IHSS siv Cov Cuab Yeej Qhia Txog Kev Tuav Qeb Daim Phiaj Ntawv Kev Ua Hauj Lwm Raws Hnub Nyoog Uas Tsim Nyog rau cov me nyuam yaus los pab cov neeg ua hauj lwm ntawm IHSS txiav txim siab txog kev ua hauj lwm ntawm tus me nyuam.Cov lus qhia tsis yog cov cai tswj fwm.IHSS tseem yuav tsum muab cov kev pab cuam raws li qhov xav tau ntawm tus neeg.11 Piv txwv li,

• Ib tug me nyuam mos feem ntau tuaj yeem ua pa (ua pa) tau ywj siab yam tsis tas siv cuab yeej pab.Txawm li cas los xij, ib tus me nyuam uas muaj teeb meem txog kev ua pa yuav tau txais kev pab cuam rau kev kawm kho mob.Tus me nyuam xav tau kev pab yog nyob raws li ntawm kev xiam oob qhab, tsis yog raws hnub nyoog.
• Feem ntau ib tug me nyuam yaus hnub nyoog 5 xyoos yuav tsum taug kev tau ywj siab.Yog tias ib tug me nyuam muaj teeb meem txog kev taug kev, xws li teeb meem txog kev sawv kom ntseg, lub zog, los sis kev ywj pheej, lawv txoj kev ua hauj lwm yuav raug qeb ntsuas li ntawm 2-5 thiab lub sij hawm yuav tsum tau tso cai rau kev pab nrog kev taug kev raws li tus me nyuam txoj kev txwv kev ua hauj lwm thiab theem kev pab.

Feem ntau cov me nyuam mos thiab cov me nyuam yaus tau txais IHSS vim yog xav tau kev pab cuam rau kev kawm kho mob.

Puas yog niam txiv cov nyiaj tau los ntawm IHSS yuav cuam tshuam rau cov nyiaj pab SSI ntawm tus me nyuam yaus?

Cov nyiaj tau los ntawm IHSS rau niam txiv ntawm tus me nyuam yaus uas lawv muab IHSS rau yuav tsis cuam tshuam rau tus me nyuam ntawd cov nyiaj pab ntawm SSI uas tau txais.Txawm li cas los xij, lwm cov nyiaj tau los uas niam txiv tau txais, xws li cov nqi zog ntawm IHSS los ntawm kev ua hauj lwm rau ib tus kwv tij uas yog neeg laus, yuav cuam tshuam rau cov nyiaj them ntawm SSI uas tus me nyuam yaus txais.12 Yog xav paub ntxiv thov saib Disability Rights California cov ntawv tshaj tawm, SSI rau Cov Qauv Uas Tsim Nyog Rau Cov Me Nyuam Yaus: Qhov Teeb Meem Tseem Ceeb txog Kev Pom Zoo Ntawm Niam Txiv.

Kuv puas tuaj yeem tau txais IHSS thiab tseem tau txais kev so los ntawm lub chaw pab cuam hauv cheeb tsam?

Tuaj yeem.Cov kev pab cuam so ntawm lub chaw pab cuam hauv cheeb tsam txawv ntawm IHSS.Koj tuaj yeem tau txais IHSS, suav nrog kev tswj xyuas kev tiv thaiv, yam tsis nkim cov teev so.13

Cov Teeb Meem Ntsig Txog Niam Txiv thiab Tus Txij Nkawm Uas Yog Tus Kws Muab Kev Pab

Cov cai ntawm IHSS hais txog cov neeg muab kev pab ntawm niam txiv li cas?

Txij li thaum Lub Ob Hlis Ntuj Tim 19, 2024, cov niam txiv yuav tau txais nyiaj los muab cov kev pab cuam ntawm IHSS rau lawv tus me nyuam yaus, tsuav yog lawv ua tau raws li txhua yam kev cai uas tsim nyog los ua tus neeg muab kev pab ntawm IHSS thiab ua tiav cov txheej txheem kev sau npe rau tus neeg muab kev pab ntawm IHSS.14

Cov cai ntawm IHSS hais txog cov neeg muab kev pab ntawm tus txij nkawm thiab tus uas tsis yog tus txij nkawm?

Tus Txij Nkawm Uas Muaj Peev Xwm Thiab Npaj Txhij

IHSS xav tias tus txij nkawm ntawm tus neeg tau txais IHSS "muaj peev xwm thiab muaj sij hawm" los muab qee yam kev pab cuam IHSS tshwj tsis yog tias tus txij nkawm ntawm tus neeg tau txais muab cov ntaub ntawv kho mob (xws li daim ntawv sau los ntawm tus kws kho mob) hais tias lawv ua tsis tau15

Cov kev pab cuam IHSS uas tus txij nkawm yuav tsum muab pub dawb

Tshwj tsis yog tias tus txij nkawm muab cov ntaub ntawv kho mob (daim ntawv sau los ntawm kws kho mob) tias lawv tsis tuaj yeem ua tau cov hauj lwm IHSS, IHSS yuav xav kom tus txij nkawm muab qee cov kev pab cuam ntawm IHSS pub dawb.

Cov neeg tau txais kev pab uas muaj Tus Txij Nkawm Uas Muaj Peev Xwm Thiab Npaj Txhij yuav tsis muaj cai tau txais:

• Kev Pab Cuam Kev Ntxuav Tu Hauv Tsev
• Cov Kev Pab Cuam Ntsig Txog
• Cov Kev Pab Cuam Rau Kev Txo Qis Qhov Kev Phom Sij Hauv Vaj
• Kev Qhia Ua Qauv los sis,
• Kev Ntxuav Tu Loj Heev16

Cov kev pab cuam IHSS uas txhua tus neeg tuaj yeem muab tau

Koj tus txij nkawm los sis lwm tus neeg tuaj yeem muab cov kev pab cuam tus kheej uas tsis yog kev kho mob thiab cov kev pab cuam rau kev kawm kho mob rau koj.17

Cov Kev Pab Cuam Rau Tus Kheej Uas Tsis Yog Kev Kho Mob suav nrog:

• Kev Pab Rau Kev Ua Pa
• Kev Saib Xyuas Plab Hnyuv, Zais Zis
• Kev pub mov noj
• Hnav Khaub Ncaws
• Kev Saib Xyuas Thaum Coj Khaub Ncaws
• Kev Taug Kev
• Kev Hloov Pauv
• Kev Da Dej, Kev Ntxuav Tu Qhov Ncauj, Kev Tu Cev
• Txhuam Tawv Nqaij, Kev Rhais Chaw
• Kev Pab Txog Kev Nruab Ko Taw Cuav thiab/los sis Kev Npaj Tshuaj

Kev Tsim Nyog Ntawm Tus Neeg Muab Kev Pab Uas Yog Tus Txij Nkawm

Tus txij nkawm muaj cai tswj xyuas thiab thauj tus me nyuam yog tias tus txij nkawm ntawd:

• Tawm ntawm kev ua hauj lwm puv sij hawm los sis raug txwv tsis pub nrhiav hauj lwm puv sij hawm, thiab
• Tsis muaj lwm tus neeg muab kev pab IHSS uas tsim nyog.18

Kev Tsim Nyog Ntawm Tus Neeg Muab Kev Pab Uas Tsis Yog Tus Txij Nkawm

Thaum koj tus txij nkawm/poj niam tsis nyob hauv tsev vim lawv ua hauj lwm, pw tsaug zog, ua kom tau raws li qhov xav tau ntawm lwm tus neeg hauv tsev neeg, vim kev noj qab haus huv los sis lwm yam laj thawj uas tsis zam tau, tus neeg muab kev pab ntawm IHSS uas tsis yog tus txij nkawm tuaj yeem pab tau koj nrog:

• Kev npaj pluas noj
• Kev thauj mus los, thiab
• Kev tswj xyuas fab kev tiv thaiv

Yog tias tus txij nkawm tsis muaj sij hawm los muab IHSS ntau tshaj 24 teev, tus neeg muab kev pab cuam uas tsis yog tus txij nkawm tuaj yeem muab cov kev pab cuam ntawm IHSS thaum lub sij hawm uas koj tus txij nkawm tsis muaj sij hawm (nyob deb).19 Tus txij nkawm yuav tsis muaj sij hawm vim lawv raug kaw hauv tsev kho mob, raug xa mus ua tub rog, los sis raug txwv tsis pub txav ti.

Cov Kev Pab Cuam Rau Kev Kawm Kho Mob

Cov kev pab cuam rau kev kawm kho mob yog dab tsi?

Cov kev pab rau kev kawm kho mob yog sau los ntawm tus kws kho mob rau koj txoj kev noj qab haus huv.Cov kev pab cuam rau kev kawm kho mob xav tau qee qhov kev cob qhia thiab kev txiav txim siab ua hauj lwm.Cov kev pab cuam uas siv ntau yog kev txhaj tshuaj, ntxuav plab hnyuv loj, ntxig/saib xyuas cov xaim yas tso zis, nqus, txoj xaim pub mov (G-tube thiab NG-tube), saib xyuas lub tshuab ua pa thiab oxygen, kho cov quav txhaws, kev tawm dag zog ua hauj lwm, kev saib xyuas qhov txhab/mob siab, thiab lwm yam kev pab cuam uas xav tau cov txheej txheem uas xav tau kev kho mob kom huv.

Cov kev pab cuam rau kev kawm kho mob yog qhov tseem ceeb heev vim tias cov neeg xiam oob qhab uas xav tau kev kho mob uas nyuaj tuaj yeem nyob hauv tsev es tsis txhob mus rau hauv tsev laus.Tsuas yog koj tus kws kho mob thiaj li tuaj yeem txiav txim siab tau tias lub cheeb tsam nroog yuav tsum muab cov kev pab cuam rau kev kawm kho mob ntawm IHSS hom twg thiab nws yuav tsum them nyiaj rau pes tsawg teev.Lub cheeb tsam nroog tsis tuaj yeem txiav cov sij hawm ua hauj lwm uas koj tus kws kho mob tau xaj.Cov neeg muab kev pab tsis xav tau daim ntawv tso cai tshwj xeeb los ua cov kev pab cuam.

Cov kev pab cuam rau kev kawm kho mob tsis muaj kev txwv lub sij hawm.Koj tau txais lub sij hawm uas koj xav tau rau kev ua tiav qhov kev pab cuam.Txawm li cas los xij, koj tsis tuaj yeem tau txais ntau tshaj 283 teev hauv ib hlis hauv kev pab cuam ntawm IHSS ua ke.

Thaum thov kev pab cuam rau kev kawm kho mob, koj yuav tsum thov sij hawm txaus los ua kom tiav tag nrho cov kev pab cuam txij li kev npaj mus txog kev ntxuav tu.Cov neeg tau txais kev pab cuam qee zaum tsis thov kom muaj sij hawm ntxiv uas yuav tsum tau khaws cov ntaub ntawv, piv txwv li, kuaj ntshav qab zib thiab txhaj tshuaj tiv thaiv. Koj tuaj yeem muaj sij hawm los txais qhov no thiab.

Leej twg thiaj li Tsim Nyog Tau Txais Cov Kev Pab Cuam Rau Kev Kawm Kho Mob?

Txhawm rau kom tsim nyog:

1. Tus kws kho mob yuav tsum ua kom tiav thiab kos npe rau daim foos ntawv SOC 321 uas muaj nyob hauv oos lais.Koj tus kws kho mob yuav tsum teev cov kev pab cuam kho mob uas koj xav tau thiab koj xav tau sij hawm ntev npaum li cas txhawm rau tau txais kev pab cuam.Koj tuaj yeem muab daim foos ntawv SOC 321 rau koj tus kws kho mob kom ua tiav.Thaum koj tus kws kho mob ua tiav daim foos ntawv SOC 321 lawm koj tuaj yeem muab daim foos ntawd rau lub cheeb tsam nroog nrog koj daim ntawv thov kev pab cuam rau kev kawm kho mob.Cov cai ntawm IHSS tsis tas yuav kom koj tus neeg ua hauj lwm ntawm IHSS sau daim foos ntawv thiab/los sis muab daim foos ntawv rau tus kws kho mob.
2. Koj yuav tsum tsis muaj peev xwm ua tau kev pab cuam rau kev kawm kho mob rau koj tus kheej.Piv txwv li, koj muaj kev puas siab puas ntsws los sis kev tsis taus ntawm lub cev uas ua rau koj tsis tuaj yeem txhaj tshuaj los sis hloov txoj xaim ntxig tso zis.
3. Koj xav tau kev pab cuam no los tswj koj txoj kev noj qab haus huv vim yog koj lub cev los sis fab hlwb kev xav.
4. Txoj hauj lwm yuav tsum muaj xws li:
   1. Kev tswj xyuas txog tshuaj
   2. Kev hno daim tawv nqaij
   3. Muab ib lub cuab yeej kho mob ntsaws rau hauv qhov qhib ntawm lub cev
   4. Yuav tsum tau ua cov txheej txheem kom txhob muab kab mob los sis,  
   5. Koj tus kws muab kev pab yuav tsum tau txais kev cob qhia los ntawm tus kws kho mob los sis lwm tus kws tshaj lij fab kev noj qab haus huv kom muab tau cov kev pab cuam rau kev kawm kho mob.Piv txwv li, koj tus neeg muab kev pab yuav xav tau kev cob qhia txog cov kauj ruam uas yuav tsum tau ua thiab yuav ua li cas kom tiav qhov kev pab cuam.Cov kauj ruam yuav tsum tau kom tus neeg muab kev pab saib xyuas koj kom zoo kom tsis txhob ua yuam kev.

Cov Kev Nqis Tes Ua Ntawm Lub Cheeb Tsam Nroog txhawm rau Tsis Kam Lees los sis Txwv Cov Kev Pab Cuam Rau Kev Kawm Kho Mob

Cov cheeb tsam nroog yuav siv cov tswv yim txhawm rau tsis kam lees los sis txwv cov kev pab cuam rau kev kawm kho mob uas cov kws kho mob tau tso cai.

Nov yog cov piv txwv thiab cov hau kev los teb:

• Lub cheeb tsam nroog hais tias qee qhov kev pab cuam uas tsis yog kev kawm kho mob.
  • Kev Teb Rov Qab: Tham nrog koj tus kws kho mob txog cov kev pab cuam rau kev kawm kho mob uas koj xav tau.Piav qhia tias txhua qhov kev pab cuam uas raug sau nqi ua kev saib xyuas neeg mob raws li Medi-Cal thiab Medicare uas tsim nyog raws li kev pab cuam rau kev kawm kho mob.Feem ntau cov kws kho mob yeej paub tias cov kev pab cuam no yog dab tsi.Thaum koj tus kws kho mob ua tiav SOC 321, thov kom koj tus kws kho mob teev cov kev pab cuam kho mob thiab sau lub sij hawm uas koj xav tau kom tau txais kev pab cuam raws li koj cov ntaub ntawv teev cia tias nws siv sij hawm ntev npaum li cas los ua kom tiav txhua qhov kev pab cuam.
• Lub cheeb tsam nroog yuav xa daim foos ntawv SOC 321 mus rau koj tus kws kho mob thiab sim yaum tus kws kho mob kom hloov daim ntawv xaj SOC 321 rau cov kev pab cuam rau kev kawm kho mob los sis lub sij hawm.
  • Kev Teb Rov Qab: Tham nrog koj tus kws kho mob ua ntej ua tiav daim foos SOC 321 thiab tau txais kev pom zoo ntawm lub sij hawm uas xav tau raws li koj cov ntaub ntawv teev cia tias ntev npaum li cas txhawm rau los txais kev pab cuam rau kev kawm kho mob.Tham txog koj tej mob thiab qhov xav tau los tiv thaiv kev sib raug zoo ntawm tus kws kho mob thiab tus neeg mob kom tsis txhob muaj kev cuam tshuam los ntawm sab nraud.Piav qhia rau tus neeg ua hauj lwm ntawm IHSS tias qhov kev txiav txim siab ntawm tus kws kho mob ntawm daim foos ntawv SOC 321 uas tau kos npe yog qhov kawg, thiab lub cheeb tsam nroog yuav tsum ua raws li.20
• Ib tus kws tu neeg mob hauv cheeb tsam nroog yuav saib xyuas koj rau ib hnub thiab txiav txim siab tias koj xav tau sij hawm tsawg dua rau kev pab cuam rau kev kawm kho mob.Tus kws tu neeg mob hu rau koj tus kws kho mob thov kom hloov lub sij hawm uas tau sau tseg rau hauv daim foos ntawv xaj ntawm koj tus kws kho mob (SOC 321).
  • Kev Teb Rov Qab: Qhia rau koj tus kws kho mob txog koj cov ntaub ntawv teev cia lub sij hawm uas xav tau los txais kev pab cuam rau kev kawm kho mob sib txawv.Koj yuav tsum piav qhia tias lub sij hawm nruab nrab uas koj xav tau ntau dua li lub sij hawm uas koj xav tau rau hnub uas tus kws tu neeg mob hauv cheeb tsam nroog saib pom koj tau txais kev pab cuam rau kev kawm kho mob.Koj yuav tsum thov koj tus kws kho mob kom muab sij hawm rau koj kom tau txais txhua qhov kev pab cuam rau kev kawm kho mob.
• Lub cheeb tsam nroog hais tias koj tau txais cov kev pab cuam ntawm lub chaw saib xyuas kev noj qab haus huv hauv tsev yuav txo qi cov teev ntawm IHSS uas koj tuaj yeem tau txais.
  • Kev Teb Rov Qab: Cov kev pab cuam ntawm lub chaw saib xyuas kev noj qab haus huv hauv tsev thiab lwm yam kev pab cuam uas muab los ntawm qhov kev zaum rau Cov Kev Pab Cuam Hauv Tsev thiab Hauv Zej Zog (HCBS) tsis yog lwm qhov chaw muab kev pab.Cov kev pab zam ntawm HCBS uas tau muab tom qab txiav txim siab cov sij hawm ua hauj lwm ntawm IHSS.Cov koom haum saib xyuas kev noj qab haus huv hauv tsev tuaj yeem muab cov kev pab cuam uas IHSS tsis muab thiab/los sis ntau dua li qhov uas IHSS tuaj yeem muab tau, xws li kev tu neeg mob, kev kho lub cev los sis kev ua hauj lwm, kev pab cuam rau zej tsoom txhawm rau kev kho mob, thiab kev saib xyuas li tus khub.
• Lub cheeb tsam nroog hais tias qhov ntau thiab tsawg ntawm kev txav mus los yog kev pab cuam saib xyuas tus kheej thiab lub cheeb tsam nroog txiav txim siab txog kev tsim nyog thiab cov sij hawm ua hauj lwm.
  • Kev Teb Rov Qab: Thaum tus kws kho mob sau ntawv kom muaj peev xwm txav mus los tau zoo dua thiab tswj tau kev ua hauj lwm tib lub sij hawm, nws yog kev pab cuam rau kev kawm kho mob yog tias nws ua tau raws li cov qauv 2 txog 4(e) saum toj no.Koj yuav tsum hais kom koj tus kws kho mob muab cov ntaub ntawv no tso rau hauv daim foos ntawv SOC 321.

Yuav nrhiav tau cov ntaub ntawv ntxiv txog Cov Kev Pab Cuam Rau Kev Kawm Kho Mob li cas

Yog xav paub ntxiv txog cov kev pab cuam rau kev kawm kho mob thiab cov cai tsim nyog thiab lwm yam ntaub ntawv muaj txiaj ntsig, thov saib peb cov ntawv tshaj tawm txog Kev Pab Cuam Rau Kev Kawm Kho Mob uas pom ntawm no: Cov Kev Pab Cuam Rau Kev Kawm Kho Mob los ntawm Lub Khoos Kas IHSS.

Kev Tswj Xyuas Fab Kev Tiv Thaiv

Kev tswj xyuas fab kev tiv thaiv yog dab tsi?

Kev tswj xyuas fab kev tiv thaiv yog ib qho kev pab cuam nyob rau hauv lub khoos kas ntawm Cov Kev Pab Cuam Txhawb Nqa Hauv Tsev (IHSS).Nws muab kev saib xyuas rau cov neeg tau txais IHSS "tsis yog tus kheej tswj hwm" uas muaj kev puas tsuaj ntawm kev xav, kev noj qab haus huv ntawm lub hlwb, los sis lwm yam mob kom ntseeg tau tias lawv tsis ua rau lawv tus kheej raug mob.21 Tus neeg muab kev pab IHSS tuaj yeem tau txais nyiaj los saib xyuas tus neeg tau txais kom tiv thaiv kev raug mob lossis xwm txheej thiab muab kev hais lus los sis lwm yam kev cuam tshuam raws li qhov xav tau.22

Tus nqi siab tshaj plaws uas ib tus neeg tuaj yeem tau txais rau kev tswj xyuas kev tiv thaiv nyob ntawm seb cov khoos kas IHSS tau txais nyiaj pab los ntawm qhov kev pab cuam twg:

• Lub Khoos Kas Txog Cov Kev Pab Cuam Saib Xyuas Tus Kheej (PCSP),
• Qhov Kev Xaiv Rau Kev Xaiv Xub Thawj Hauv Zej Zog (CFCO),
• Qhov Kev Xaiv IHSS Plus (IPO), thiab
• Qhov Seem Ntawm IHSS (IHSS-R).

Yog tias koj tsim nyog raws li "qhov kev tsis taus hnyav heev" thiab tau txais kev tswj xyuas tiv thaiv, koj yuav tau txais 283 teev hauv ib hlis twg ntawm IHSS.Yog tias koj nyob rau "qhov kev tsis taus uas tsis yog hnyav heev" thiab tau txais kev tswj xyuas tiv thaiv, tom qab ntawd koj yuav tau txais yam tsawg kawg 195 teev hauv ib hlis twg.

Leej twg yog tus uas tsis tau hnyav heev?

Cov tib neeg “muaj kev tsis taus hnyav heev” tau txais li 20 teev nce mus nyob rau hauv ib lub lim tiam ntawm cov kev pab cuam IHSS hauv qab no: kev pab cuam saib xyuas tus kheej, kev npaj zaub mov thiab/los sis kev ntxuav tu (thaum xav tau kev pub mov noj), thiab kev pab cuam rau kev kawm kho mob.23

Leej twg thiaj muaj cai tau txais Kev Tswj Xyuas Fab Kev Tiv Thaiv?

Yuav kom tau txais kev tswj xyuas tiv thaiv ib tus neeg yuav tsum:

• Muaj "kev tsis taus fab paj hlwb," "xwm txheej kev noj qab haus huv fab hlwb kev xav" los sis "lwm yam mob" xws li kev tsis taus los sis mob nkeeg ntawm fab hlwb kev xav, uas ua rau muaj kev txwv tsis pub ua hauj lwm hauv:
  • Qhov Nco Cia
  • Kev Taw Qhia
  • Kev Txiav Txim24
• Tsis txhob ua tus coj txoj hauv kev rau koj tus kheej.
  Kev tsis tswj tau tus kheej txhais tau tias tus neeg ntawd yog: (1) tsis muaj peev xwm txheeb xyuas qhov txaus ntshai thiab qhov kev pheej hmoo ntawm kev raug mob thiab (2) muaj kev pheej hmoo rau kev raug mob, kev phom sij, los sis kev sib tsoo vim yog kev tsis taus ntawm kev xav los sis xwm txheej kev noj qab haus huv fab hlwb kev xav los sis lwm yam mob.25
• Muaj peev xwm ntawm lub cev los koom nrog kev coj cwj pwm muaj kev txaus ntshai tau.
  Yog tias ib tug neeg tsis tuaj yeem txav mus los tau ywj pheej thiab tsis tuaj yeem ua phem rau tus kheej, lawv yuav tsis tau txais kev tswj xyuas fab kev tiv thaiv.Ib tug neeg laus uas tsis nco qab los sis tsis nkag siab tias lawv tsis tuaj yeem taug kev yam tsis muaj kev pab tab sis sim taug kev yuav tsim nyog rau kev tswj xyuas fab tiv thaiv.Yuav kom tsim nyog tau txais kev tswj xyuas fab kev tiv thaiv tus neeg tau txais kev pab tsis tas yuav raug mob tiag, tsuas yog muaj keeb kwm ntawm kev ua rau lawv tus kheej muaj kev phom sij xwb ces txaus lawm.26
• Yuav tsum tau saib xyuas 24 teev hauv ib hnub kom nyob tau nyab xeeb hauv tsev.27
  Tus neeg ua hauj lwm ntawm IHSS yuav tsum txiav txim siab tias tus neeg tau txais kev pab yuav tsum tau saib xyuas 24 teev hauv ib hnub thiab tuaj yeem nyob tau nyab xeeb hauv tsev yog tias muaj kev tswj xyuas fab kev tiv thaiv.Yog tias tus cwj pwm uas twv tsis tau ua ntej, tus neeg ntawd yuav tsum tau saib xyuas 24 teev hauv ib hnub vim tias qhov xav tau kev saib xyuas tsis tu ncua.Yog tias tus cwj pwm no tuaj yeem kwv yees tau (tus cwj pwm tsuas yog tshwm sim rau qee lub sij hawm yav nruab hnub los sis qee qhov xwm txheej tsawg), kev tswj xyuas fab kev tiv thaiv yuav raug tsis lees paub vim tias tsis tas yuav saib xyuas 24 teev hauv ib hnub.28

Thaum twg thiaj li tuaj yeem tsis kam lees Kev Tswj Xyuas Fab Kev Tiv Thaiv?

Kev tswj xyuas fab kev tiv thaiv yuav raug tsis kam lees paub yog tias ib tus neeg xav tau kev tswj xyuas fab kev tiv thaiv rau:

• Kev mus ntsib los sis cov tes dej num hauv zej tsoom zoo tam li phooj ywg xwb.
• Thaum qhov xav tau yog los ntawm ib qho mob thiab tus neeg ntawd xav tau kev tswj xyuas kho mob.
• Txhawm rau npaj txhij rau cov xwm txheej ceev fab kev kho mob.Piv txwv li suav nrog kev tswj xyuas ib tus neeg rau kev qaug dab peg, mob hlwb, mob plawv los sis mob hawb pob, thiab muab cov kev ntsuas cawm txoj sia xws li ntsuas cov ntshav qab zib ntawm tus neeg uas muaj ntshav qab zib los sis txhaj tshuaj insulin.
• Txhawm rau tswj tus cwj pwm tawm tsam zej tsoom los sis kev coj cwj pwm nruj ntawm tus neeg txais.Piv txwv li, raug mob rau lwm tus, tsim kev puas tsuaj rau cov khoom, kev chim siab thiab/los sis kev sib cav sib ceg.
• Txhawm rau tiv thaiv tus cwj pwm txhob txwm ua rau tus kheej puas tsuaj, xws li tua tus kheej los sis thaum tus neeg ntawd paub tias nws xav ua phem rau tus kheej.“Txhob txwm ua” txhais tau tias tom qab ua tib zoo xav txog qhov cuam tshuam thiab cov txiaj ntsig.29

Lus cim tseg: Cov neeg mob uas tsis tuaj yeem tswj lawv tus kheej thiab ua rau muaj kev puas tsuaj rau tus kheej, xws li ntaus lawv lub taub hau rau hauv pem teb, vim yog kev puas hlwb/mob nkeeg, tej zaum yuav tsim nyog tau txais PS.

Tus neeg tau txais kev pab uas qhia txog tus cwj pwm ua rau tus kheej puas tsuaj, nrog kev paub tias qhov tes dej num yuav ua rau tus kheej raug mob, yuav tsis tsim nyog tau txais kev tswj xyuas fab kev tiv thaiv.Hom kev coj cwj pwm no suav nrog kev npau taws los sis kev ntaus taub hau ua ib txoj hauv kev kom ua tiav qhov txiaj ntsig uas xav tau.Hauv qhov xwm txheej no, tus neeg tau txais yuav raug suav hais tias yog tus tswj tus kheej, vim tias muaj kev paub tias qhov tes deej nu m yog kev ua phem rau tus kheej; yog li ntawd, nws yuav tsis tsim nyog tau txais Kev Tswj Xyuas Fab Kev Tiv Thaiv.30

Cov cwj pwm txaus ntshai twg yuav qhia tau tias xav tau kev tswj xyuas fab kev tiv thaiv?

Cov piv txwv ntawm cov cwj pwm txaus ntshai suav nrog:

• Taug kev tawm hauv tsev thiab yuam kev
• Cia cov neeg txawv ntsej muag nkagu los hauv tsev
• Qhib lub nkev ntawm lub qhov cub ua noj thiab cia nws tseg yam tsis muaj neeg saib xyuas
• Kev tsauv taus
• Kev tso dej ntws
• Kev noj cov khoom uas tsis yog khoom noj (xab npum los sis av)
• Kev noj cov khoom noj tsis raug (cov khoom noj uas ua rau muaj kev tsis haum tshuaj los sis hloov pauv cov theem ntshav qab zib kom txaus ntshai)
• Kev noj cov tshuaj uas tsis tau sau ntawv kom noj los sis tsis tsim nyog
• Kev ntaus taub hau (kev coj cwj pwm uas tsis yog kev coj tus kheej thiab/los sis tsis yog txhob txwm ua)
• Tom tus kheej (uas yog tsis yog tus kheej thiab/los sis tsis yog txhob txwm)
• Kev khawb tus kheej (uas tsis yog kev coj tus kheej thiab/los sis tsis yog txhob txwm ua)
• Kev rub daim tawv nqaij (uas tsis yog kev coj tus kheej thiab/los sis tsis yog txhob txwm ua)
• Siv riam los sis lwm yam khoom siv hauv tsev uas ntse tsis raug
• Muab tes tso rau hauv lub tshuab zom los sis lub tshuab zom cov khoom pov tseg thaum cov hniav txav mus los
• Kev muab txhais tes los sis lub ntsej muag tso ze los sis hauv lub lauj kaub uas kub thaum ua noj
• Kev muab lub taub hau tso rau hauv lub qhov cub kub
• Dhia mus rau hauv cov pas dej yam tsis paub ua luam dej

Cov me nyuam yaus raug soj ntsuam rau kev tswj xyuas fab kev tiv thaiv li cas?

Lub cheeb tsam nroog ua raws li tus txheej txheem 4 kauj ruam los txiav txim siab txog tus me nyuam txoj kev tsim nyog rau kev tswj xyuas fab kev tiv thaiv.31 Ib tus me nyuam tuaj yeem tau txais cov kev pab cuam tswj xyuas fab kev tiv thaiv yog tias tus me nyuam ua tau raws li tag nrho cov qauv tsim nyog hauv qab no:

1. Tus me nyuam tsis muaj peev xwm tswj nws tus kheej vim muaj kev tsis taus fab hlwb kev xav/mob fab hlwb kev xav.Qhov no txhais tau tias tus me nyuam tsis tuaj yeem ntsuas qhov txaus ntshai thiab tuaj yeem ua rau lawv tus kheej raug mob yam tsis tau xav txog.
2. Tus me nyuam yuav nkag mus cuam tshuam nrog kev ua tes dej num uas txaus ntshai.Qhov no txhais tau tias tus me nyuam muaj lub peev xwm ntawm lub cev los muab nws tus kheej tso rau hauv kev phom sij.Yog tias tsis yog li ntawd, tus me nyuam yaus yuav tsis tau txais kev tswj xyuas fab kev tiv thaiv.
3. Tus me nyuam xav tau “kev tswj xyuas ntau ntxiv” dua li tus me nyuam uas muaj hnub nyoog zoo sib xws uas tsis muaj kev tsis taus fab hlwb kev xav los sis muaj mob.Qhov no txhais tau tias yuav tsum tau saib xyuas thiab hloov tus me nyuam kom tsis txhob raug mob piv rau tus me nyuam uas tsis muaj kev tsis tau fab hlwb kev xav los sis muaj mob uas muaj kev nyab xeeb nrog kev saib xyuas me nyuam yaus li niaj hnub.Piv txwv li, ib tus me nyuam uas tsis muaj kev xiam oob qhab yuav paub txog qhov mob thiab tso tseg kev coj tus cwj pwm phem.Ib tus me nyuam uas muaj kev xiam oob qhab fab hlwb kev xav yuav tsis paub qhov mob thiab yuav ua rau nws tus kheej raug mob tas mus li kom txog thaum nws raug xa mus rau lwm qhov chaw.Yuav tsum muaj kev tswj xyuas ntau ntxiv vim tias yuav tsum muaj kev saib xyuas tas li (piv txwv li, saib xyuas tus me nyuam) thiab ua kom muaj kev hloov chaw kom tsis txhob raug mob.
4. Tus me nyuam yaus yuav tsum tau txais kev saib xyuas 24 teev hauv ib hnub kom nyob tau nyab xeeb hauv tsev.Tus me nyuam yaus yuav tsum muaj tus cwj pwm uas tsis paub ua ntej uas yuav tsum tau saib xyuas tus me nyuam 24 teev hauv ib hnub.Kev tswj xyuas fab kev tiv thaiv yuav raug tsis kam lees paub yog tias tus me nyuam tus cwj pwm tuaj yeem kwv yees tau.

Yuav tsum ua daim ntawv twg kom tiav thiaj li thov tau kev tswj xyuas fab kev tiv thaiv?

Kev Ntsuas Xyuas txog Qhov Xav Tau rau Kev Tswj Xyuas Fab Kev Tiv Thaiv rau Lub Khoos Kas Pab Cuam Kev Txhawb Nqa Hauv Tsev SOC 821 rau tus neeg tau txais kev pab ntawm IHSS kom tau txais kev tswj xyuas fab kev tiv thaiv. Lub cheeb tsam nroog yuav xa daim foos mus rau tus kws kho mob kom nug cov ntaub ntawv hais txog tus neeg tau txais kev pab fab hlwb kev xav thiab vim li cas tus neeg ntawd thiaj li xav tau kev tswj xyuas fab kev tiv thaiv.Qhia rau chaw ua hauj lwm ntawm tus kws kho mob tias lub cheeb tsam nroog tab tom xa daim foos ntawv SOC 821 thiab pab tus kws kho mob ua kom tiav.Nws yog ib qho tseem ceeb rau tus kws kho mob sau cov piv txwv ntawm cov kev coj tus cwj pwm txaus ntshai thiab piav qhia tias vim li cas tus me nyuam qhov kev xiam oob qhab thiaj li ua rau lawv tsis nyob ib leeg.

Kuv yuav daws li cas thaum tsis kam lees kev tswj xyuas fab kev tiv thaiv?

Cov cheeb tsam nroog muaj ntau yam kev zam txim rau kev qhia rau ib tus neeg twg tias lawv tsis tsim nyog.Hauv qab no yog cov npe ntawm cov teeb meem uas tshwm sim thiab cov hau kev los tawm tsam lawv.

Puas muaj kev tsis taus fab hlwb kev cav uas loj heev?

• Daim Ntawv Tso Cai Ntawm Lub Cheeb Tsam Nroog: Tsis pom muaj kev tsis taus fab hlwb kev xav uas loj heev thaum mus ntsib tom tsev.
  • Kev Teb Rov Qab: Tus neeg ua hauj lwm qhov kev mus ntsib tsev luv dhau lawm; tus neeg ua hauj lwm tau saib xyuas kev coj tus cwj pwm thiab tsis teb cov lus nug uas qhia.Koj cov ntaub ntawv teev cia txhua hnub, cov lus qhia ntawm tus kws kho mob, kev ntsuam xyuas los sis daim ntawv qhia txog kev kho mob ABA, thiab/los sis daim ntawv ntsuam xyuas ntawm lub cheeb tsam nroog qhia txog kev tsis tau fab hlwb kev xav uas hnyav heev.
• Daim Ntawv Tso Cai Ntawm Lub Cheeb Tsam Nroog: Cov kev xav tau kev tswj xyuas fab kev tiv thaiv vim yog kev tsis taus ntawm lub cev, tsis yog kev tsis taus ntawm fab hlwb kev xav.
  • Kev Teb Rov Qab: Vim yog muaj kev tsis taus fab hlwb kev xav, tus neeg ntawd tsis nkag siab txog kev tsis taus ntawm lub cev, tsis nkag siab los sis tsis txaus siab rau qhov tshwm sim ntawm lawv tej kev nqis tes ua.Cov piv txwv suav nrog kev sim sawv los sis taug kev yam tsis muaj kev pab vim tias ib tus neeg tsis nkag siab tias lawv ua tsis tau li ntawd yam tsis muaj kev pheej hmoo yuav raug mob.
• Daim Ntawv Tso Cai Ntawm Lub Cheeb Tsam Nroog: Kev tsis taus ntawm lub cev ua rau muaj tus cwj pwm txaus ntshai vim tias tus neeg txais kev pab paub tias lawv tab tom ua dab tsi.
  • Kev Teb Rov Qab: Kev tsis taus fab hlwb kev xav ua rau tus neeg tau txais kev pab cuam koom nrog kev coj tus cwj pwm txaus ntshai los sis muab lawv tus kheej poob rau hauv txoj kev txaus ntshai.Lawv tsis paub los sis tsis nkag siab tias lawv muaj kev tsis taus ntawm lub cev thiab/los sis tsis tuaj yeem tiv thaiv lawv tus kheej kom tsis txhob ua tej yam txaus ntshai thiab ua rau lawv tus kheej raug mob yam tsis yog txhob txwm ua.

Puas muaj kev coj tus cwj pwm txaus ntshai nyob hauv tsev?

• Daim Ntawv Tso Cai Ntawm Lub Cheeb Tsam Nroog: Tus neeg tau txais kev pab tsis muaj keeb kwm raug mob tsis ntev los no.
  • Kev Teb Rov Qab: Cov neeg tau txais kev pab tsis tas yuav muaj keeb kwm kev raug mob kom tau txais kev tswj xyuas fab kev tiv thaiv, tsuas yog nyob rau qhov xwm txheej uas muaj kev txaus ntshai txaus.Tus neeg tau txais kev pab tau txais kev tswj xyuas zoo txhawm rau tiv thaiv kom tsis txhob raug mob.
• Daim Ntawv Tso Cai Ntawm Lub Cheeb Tsam Nroog: Tsis muaj pov thawj txog kev coj tus cwj pwm txaus ntshai pom thaum lub sij hawm uas tus neeg ua hauj lwm ntawm IHSS tuaj ntsib tom tsev.
  • Kev Teb Rov Qab: Tus neeg tau txais kev pab feem ntau coj tus cwj pwm txaus ntshai thoob plaws hnub, tsis yog txhua teev; tsis tuaj ntsib hnub ua ntej thiab tom qab; lub cheeb tsam nroog tsis tuaj yeem sau ib teev ntawm kev mus ntsib 1-teev tom tsev rau hauv daim ntawv qhia 24 teev hauv ib hnub.
• Daim Ntawv Tso Cai Ntawm Lub Cheeb Tsam Nroog: Kev txwv ntawm lub cev ua rau tus neeg txais kev pab ua tej yam txaus ntshai.
  • Kev Teb Rov Qab: Tus neeg tau txais kev pab yuav muaj peev xwm ua tej yam txaus ntshai xws li rub cov xaim tso zis, cov xaim pub zaub mov, cov xaim pab ua pa, thiab lwm yam, thiab tej zaum yuav ua tej yam txaus ntshai vim muaj kev tsis taus ntawm lub hlwb, xwm txheej kev noj qab haus huv fab hlwb kev xav, los sis lwm yam, thiab tej zaum yuav ua rau lawv tus kheej raug mob yam tsis tau xav txog.
• Daim Ntawv Tso Cai Ntawm Lub Cheeb Tsam Nroog: Tsis tsim nyog koom nrog vim muaj tus cwj pwm ua phem thiab tsis sib raug zoo, xws li ua rau lwm tus raug mob los sis rhuav tshem khoom vaj khoom tsev.
  • Kev Teb Rov Qab: Yog tias tus neeg tau txais kev pab qhia txog tus cwj pwm uas ua rau tus kheej raug mob uas yuav tsim nyog rau Kev Tswj Xyuas Fab Kev Tiv Thaiv thiab kuj muaj tus cwj pwm ua phem thiab tsis sib raug zoo, tus neeg tau txais kev pab tuaj yeem tau txais Kev Tswj Xyuas Fab Kev Tiv Thaiv txhawm rau kom tiv thaiv cov cwj pwm txaus ntshai uas ua rau tus kheej raug mob.

Puas xav tau kev tswj xyuas 24 teev thiab tau txais kev saib xyaus?

• Daim Ntawv Tso Cai Ntawm Lub Cheeb Tsam Nroog: Xav tau kev ua kom lwm tus tsis xav txog, tsis yog tias tsuas yog saib xwb los sis hais lus ntawm qhov ncauj xwb.
  • Kev Teb Rov Qab: Kev tswj xyuas suav nrog kev taw qhia thiab qee yam kev cuam tshuam.
• Daim Ntawv Tso Cai Ntawm Lub Cheeb Tsam Nroog: Tsev neeg tsis txhawb nqa kev ywj pheej thiab tiv thaiv tus neeg uas muaj kev xiam oob qhab fab kev txawj ntse me dhau.
  • Kev Teb Rov Qab: Cia muaj kev ywj pheej ntau dhau ua rau raug mob los sis yuav luag muaj xwm txheej yav dhau los; lwm qhov, suav nrog lub chaw hauj lwm hauv cheeb tsam thiab/los sis kws kho mob, pom zoo kom muaj kev tswj xyuas 24 teev.
• Daim Ntawv Tso Cai Ntawm Lub Cheeb Tsam Nroog: Tuaj yeem hloov pauv tau ib puag ncig txhawm rau kom tshem tawm cov kev pheej hmoo los sis tshem tawm tus cwj pwm txaus ntshai.Cov piv txwv ntawm cov kev hloov pauv uas yuav muaj xws li tshem cov pob tig ntawm lub qhov cub hauv chav ua noj; xauv cov cuab yeej los sis cov txee; khi lub rooj zaum muaj log; khi tus neeg txais kev pab hauv lub rooj zaum muaj log; tshem cov pob nyem dej kub ntawm lub qhov dej; nruab cov thaiv lub txaj kom siab txhawm rau kom tsis txhob sawv mus tau yav hmo ntuj; nruab cov xauv uas muaj yuam sij ruaj ntseg; ntsia cov rooj tog kom ruaj khov.
  • Kev Teb Rov Qab: Tsis tas yuav hloov kho ib puag ncig.32
• Daim Ntawv Tso Cai Ntawm Lub Cheeb Tsam Nroog: Cov me nyuam yaus yeej ib txwm xav tau cov neeg laus saib xyuas.
  • Kev Teb Rov Qab: Vim muaj kev puas tsuaj ntawm lub hlwb, xwm txheej kev noj qab haus huv fab hlwb kev xav los sis lwm yam mob, tus me nyuam xav tau kev saib xyuas ntau dua li tus me nyuam hnub nyoog tib yam uas tsis muaj kev tsis taus ntawm lub hlwb, xwm txheej kev noj qab haus huv ntawm lub hlwb los sis lwm yam mob.
    *Thov nco ntsoov tias qhov tsim nyog tau txais kev saib xyuas kev tiv thaiv me nyuam yaus yuav nyuaj dua.Txawm hais tias tsis muaj xav tau txog hnub nyoog yuav tsum tau txais kev tswj xyuas fab kev tiv thaiv, tus me nyuam hnub nyoog 5 xyoos rov hauv yuav muaj teeb meem tsim nyog rau kev tswj xyuas fab kev tiv thaiv yam tsis muaj pov thawj txhawb nqa vim tias cov me nyuam yaus feem ntau xav tau kev tswj xyuas ze vim lawv lub hnub nyoog.
• Daim Ntawv Tso Cai Ntawm Lub Cheeb Tsam Nroog: Mus koom ib chav kawm txog kev saib xyuas me nyuam kev coj tus cwj pwm.
  • Kev Teb Rov Qab: Cov cai ntawm IHSS tsis tas yuav tsum muaj cov chav kawm saib xyuas me nyuam yaus.
• Daim Ntawv Tso Cai Ntawm Lub Cheeb Tsam Nroog: Lub cheeb tsam nroog tau tso cai tswj xyuas fab kev tiv thaiv tsis raug; kev rov ntsuam xyuas dua qhia tias tsis tsim nyog.
  • Kev Teb Rov Qab: Tus neeg tau txais kev pab tsis muaj kev hloov pauv hauv SOC 293, Kab H, ntawm kev ntsuas qeb kev ua hauj lwm ntawm fab hlwb kev xav; tsis muaj kev hloov pauv hauv tus neeg tau txais kev pab lub tsev los sis lawv qhov xwm txheej fab hlwb kev xav.Daim foos SOC 293 muaj nyob hauv koj cov ntaub ntawv IHSS.Koj tuaj yeem thov kom lub cheeb tsam nroog muab daim ntawv theej ntawm daim foos ntawv no rau koj.

Yog xav paub ntxiv txog kev tswj xyuas fab kev tiv thaiv thiab cov tswv yim qhia txog txoj hauv kev kom tau txais nws, thov nyeem DRC cov ntawv tshaj tawm Kev Pab Cuam Txhawb Nqa Hauv Tsev: Kev Tswj Xyuas Fab Kev Tiv Thaiv Cov Kev Pab Cuam Txhawb Nqa Hauv Tsev.

Kuv yuav ua li cas thiaj li tau txais 283 teev ntawm IHSS uas siav tshaj plaws hauv ib hlis?

Koj tuaj yeem tau txais 283 teev hauv ib hlis yog tias:

1. Koj tau txais kev tswj xyuas fab kev tiv thaiv thiab tau txais nyiaj pab los ntawm IHSS los ntawm Lub Khoos Kas Txog Cov Kev Pab Cuam Saib Xyuas Tus Kheej (PCSP), los sis
2. Koj tau txais kev tswj xyuas fab kev tiv thaiv thiab "muaj kev tsis taus loj heev," los sis
3. Koj tau txais kev tswj xyuas fab kev tiv thaiv thiab nyob hauv lub khoos kas CFCO thiab xav tau cov kev pab cuam ntxiv, los sis
4. Koj xav tau yam tsawg kawg yog 283 teev hauv ib hlis rau cov kev pab cuam IHSS (piv txwv li, kev saib xyuas tus kheej, lwm yam kev pab cuam uas tau cuam tshuam thiab lwm yam).

Koj tuaj yeem hu rau koj tus neeg ua hauj lwm ntawm IHSS txhawm rau nug seb koj tau txais kev pab cuam los ntawm lub khoos kas IHSS twg los sis saib koj Daim Ntawv Ceeb Toom Txog Kev Nqis Tes Ua Uas Tau Txais Kev Pom Zoo ntawm IHSS.

Leej twg thiaj li tsim nyog raws li qhov kev tsis tau hnyav heev?

Txhawm rau kom tsim nyog ua "tus uas muaj kev tsis taus uas hnyav" tus neeg ntawd yuav tsum tau txais 20 teev rov saud hauv ib lub lim tiam hauv cov kev pab cuam IHSS hauv qab no: kev saib xyuas tus kheej uas tsis yog kev kho mob, kev npaj pluas mov thiab kev ntxuav tu zaub mov thaum xav tau kev npaj zaub mov thiab kev pub zaub mov, thiab kev kawm kho mob.33

Txhawm rau txiav txim siab seb koj puas tsim nyog raug suav tias yog tus neeg muaj kev tsis taus uas hnyav, muab lub sij hawm ntxiv rau hauv koj daim ntawv NOA Ntawm IHSS rau txhua qhov kev pab cuam uas tau teev saum toj no.Yog tias lawv ua hauj lwm tag nrho 20 teev nce mus hauv ib lub lim tiam, koj tsim nyog raug suav tias yog tus neeg muaj kev tsis taus uas hnyav.Koj tuaj yeem hu rau koj tus neeg ua hauj lwm ntawm IHSS txhawm rau nug seb koj nyob hauv qhov khoos kas twg.

Kuv yuav ua li cas thiaj li tsim nyog ua tus neeg muaj tsis taus uas hnyav?

Koj tuaj yeem siv Daim Ntawv Sau Txog Kev Ntsuam Xyuas Tus Kheej yam tsawg kawg yog ib lub lim tiam los sau cia tias koj xav tau sij hawm ntau npaum li cas hauv kev saib xyuas tus kheej, kev npaj pluas zaub mov thiab kev ntxuav tu (thaum xav tau pub mov noj), thiab cov kev pab cuam rau kev kawm kho mob.Tom qab ntawd, ntxiv lub sij hawm uas koj xav tau rau hauv cov hauj lwm no.Cov kev pab cuam no muaj lub cim hnub qub (*) sau rau ntawm Daim Ntawv Sau Txog Kev Ntsuam Xyuas Tus Kheej.Yog tias koj xav tau cov kev pab cuam no yam tsawg kawg yog 20 teev hauv ib lub lim tiam, ces koj yuav raug suav tias yog tus neeg muaj kev tsis taus uas hnyav.

Yog tias koj tsim nyog raws li "qhov kev tsis taus hnyav heev" thiab tau txais kev tswj xyuas tiv thaiv, koj yuav tau txais 283 teev hauv ib hlis twg ntawm IHSS.Yog tias koj nyob rau qhov kev tsis taus uas tsis yog hnyav heev thiab koj tau txais kev tswj xyuas tiv thaiv, tom qab ntawd koj yuav tau txais yam tsawg kawg 195 teev hauv ib hlis twg.

Lus cim tseg: Yog tias koj tsis tsim nyog tau txais kev tswj xyuas fab kev tiv thaiv, koj tsuas yog yuav tau txais 283 teev thaum koj qhov kev xav tau kev saib xyuas tag nrho ua cov no txhua hli.

Tag nrho cov sij hawm uas koj tau txais yuav nyob ntawm qhov kev ntsuam xyuas ntawm lub cheeb tsam nroog thiab koj nyob hauv qhov khoos kas IHSS twg.

Cov Rooj Txiav Txim Txog Kev Ncaj Ncees Ntawm Lub Xeev

Kuv yuav thov kom muaj lub rooj txiav txim thaum twg?

Yog tias koj tsis pom zoo nrog cov teev IHSS uas teev nyob rau hauv koj Daim Ntawv Ceeb Toom txog Kev Nqis Tes Ua (NOA) Ntawm IHSS los sis lwm yam kev nqis tes ua los sis kev tsis nqis tes ua uas IHSS ua, koj yuav tsum thov kom muaj lub rooj txiav txim txog kev ncaj ncees.

Koj tsuas muaj sij hawm 90 hnub los thov kom muaj lub rooj txiav txim txij li hnub uas teev nyob rau hauv Daim Ntawv Ceeb Toom txog Kev Nqis Tes Ua Ntawm IHSS.

Koj tuaj yeem thov kom rov txiav txim dua txog li 180 hnub tom qab hnub uas tau teev nyob rau hauv Daim Ntawv Ceeb Toom txog Kev Nqis Tes Ua yog tias koj muaj "qhov laj thawj zoo" rau qhov uas tsis thov kom muaj lub rooj txiav txim hauv 90 hnub.Tej zaum koj yuav muaj laj thawj zoo yog tias koj muaj ib qho laj thawj tseem ceeb thiab txaus ntseeg uas koj tswj tsis tau vim tsis thov kom muaj lub rooj txiav txim hauv 90 hnub.

Koj yuav tsum tau txais daim ntawv qhia txog txoj hauj lwm ntawm lub cheeb tsam nroog yam tsawg kawg yog 2 hnub ua hauj lwm ua ntej koj lub rooj txiav txim IHSS los ntawm tus neeg saib xyuas kev thov kom rov txiav txim dua uas tau raug xaiv los sawv cev rau lub cheeb tsam nroog ntawm koj lub rooj txiav txiv ntawm IHSS.Cov lus hais txog txoj hauj lwm yuav tsum piav qhia tias vim li cas lub cheeb tsam nroog thiaj li txiav txim siab.

Kuv puas tuaj yeem tiv thaiv kuv cov teev ntawm IHSS kom tsis txhob poob qis los sis xaus thaum kuv lub rooj txiav txim tseem nyob rau qhov tos?

Yog tias lub cheeb tsam nroog txo qis los sis xaus koj cov teev ntawm IHSS, koj yuav tsum thov kom muaj lub rooj txiav txim txog ncaj ncees thiab txais cov nyiaj pab uas tseem tsis tau them ua ntej qhov kev hloov pauv hauv koj Daim Ntawv Ceeb Toom txog Kev Nqis Tes Ua Ntawm IHSS pib siv.Yog tias koj thov kom muaj lub rooj txiav txim thiab tau txais kev them nyiaj pab uas tseem tsis tau them ua ntej qhov kev hloov pauv hauv koj Daim Ntawv Ceeb Toom txog Kev Nqis Tes Ua Ntawm IHSS tshwm sim, koj yuav tau txais tag nrho koj cov sij hawm ua hauj lwm kom txog thaum koj tau txais kev txiav txim siab ua ntawv sau txuas ntxiv mus.Nplooj ntawv xub thawj ntawm koj Daim Ntawv Ceeb Toom txog Kev Nqis Tes Ua Ntaw IHSS yuav qhia rau koj tias cov kev hloov pauv hauv koj cov kev pab cuam IHSS yuav pib thaum twg, hnub uas yuav siv tau.Yog tias koj tsis tau txais Daim Ntawv Ceeb Toom txog Kev Nqis Tes Ua los sis Daim Ntawv Ceeb Toom txog Kev Nqis Tes Ua Ntawm IHSS yuav siv tau yam tsawg dua 10 hnub txij li thaum koj tau txais, koj yuav tsum thov kom muaj lub rooj txiav txim thiab tau txais kev them nyiaj pab uas tseem tsis tau them kiag tam sim ntawd.Thaum koj thov kom muaj lub rooj txiav txim, koj yuav tsum piav qhia tias koj tsis tau txais Daim Ntawv Ceeb Toom txog Kev Nqis Tes Ua Ntawm IHSS los sis tau txais nyiaj pab lig.

Kuv yuav thov kom muaj lub rooj txiav txim tau li cas?

Koj tuaj yeem thov kom muaj lub rooj txiav txim hauv oos lais, los ntawm xov tooj, los ntawm xa ntawv, los sis los ntawm fev.

Kev thov kom muaj lub rooj txiav txim hauv oos lais:

Nias ntawm no txhawm rau thov kom muaj lub rooj txiav txim hauv oos lais.

Koj muaj kev xaiv los tsim ib tus as khauj ntawm ACMS txhawm rau xa koj daim ntawv thov kom rov txiav txim dua hauv oos lais los sis xa koj daim ntawv thov kom rov txiav txim dua yam tsis muaj ib tus as khauj.

Kev thov lub rooj txiav txim hauv xov tooj:

Hu rau Chav Lis Dej Num Rau Lub Rooj Txiav Txim Ntawm Xeev tus xov tooj hu dawb (800) 743-8525 los sis (855) 795-0634

Kev Nug thaib Kev Teb Rov Qab Rau Pej Xeem tus xov tooj hu dawb (800) 952-5253 los sis TDD (800) 952-8349

Thov kom muaj lub rooj txiav txim ua ntawv sau los ntawm kev xa ntawv:

Xa koj daim ntawv thov mus rau lub tsev hauj lwm saib xyuas nyiaj pab rau kev noj qab haus huv hauv cheeb tsam nroog ntawm qhov chaw nyob ntawm Daim Ntawv Ceeb Toom txog Kev Nqis Tes Ua Ntawm IHSS los sis xa ntawv mus rau:

Chav Lis Dej Num Rau Lub Rooj Txiav Txim Ntawm Xeev Ntawm California Lub Tsev Hauj Lwm Saib Xyuas Cov Kev Pab Cuam Rau Zej Tsoom
P.O.Box 944243, Mail Station 9-21-37 
Sacramento, California 94244-2430

Kev thov lub rooj txiav txim hauv fev:

Koj tuaj yeem xa koj daim ntawv thov kom muaj lub rooj txiav txim uas xa los ntawm fev mus rau (833) 281-0905.

Yog tias kuv xav tau tus neeg txhais lus ne?

Yog tias koj los sis ib tus neeg uas yuav ua tim khawv (xws li koj tus neeg muab kev pab ntawm IHSS) xav tau tus neeg txhais lus, suav nrog qhov ntawd hauv koj daim ntawv thov kom muaj lub rooj txiav txim.Yog xav paub ntxiv txog cov txheej txheem lub rooj txiav txim, nias rau qhov no txhawm rau mus saib ntawm Chav Lis Dej Num Rau Lub Rooj Txiav Txim Ntawm Xeev lub vev xaib.

Yog tias koj xav tau cov ntaub ntawv ntxiv txog cov txheej txheem lub rooj txiav txim txog kev ncaj ncees los sis yuav npaj lub rooj txiav txim li cas, thov tshuaj xyuas DRC cov ntawv tshaj tawm ntawm no: Phau Ntawv Qhia Cov Rooj Txiav Txim Txog Kev Ncaj Ncees Ntawm IHSS: Txoj Hauv Kev Los Npaj Rau Kev Txiav Txim los sis Kev Txo Cov Sij Hawm Ua Hauj Lwm ntawm IHSS.

• 1. MPP § 30-761.26
• 2. MPP § 30-761.219
• 3. MPP § 30-759.2
• 4. MPP § 30-757.1.
• 5. MPP § 30.756.372
• 6. MPP § 30.756.371
• 7. MPP § 30-757.1(a)(1) thiab ACIN I-97-20
• 8. MPP § 30-757.1
• 9. MPP § 30-757.11(k)(1)
• 10. Tsab Ntawv Ntawm Txhua Lub Cheeb Tsam Nroog (ACL) 23-106
• 11. MPP § 30-757.1(a)
• 12. POM SI 01320.175
• 13. ACL 98-53
• 14. ACL 23-106
• 15. MPP § 30-763.411, MPP § 30-763.412, thiab ACL 21-91
• 16. MPP § 30-763.413 thiab ACL 21-91
• 17. MPP § 30-763.415
• 18. MPP § 30-763.416
• 19. MPP § 30-763.414 thiab ACL 21-91
• 20. MPP § 30-757.194
• 21. MPP § 30-701(n)(3) thiab MPP § 30-757.17
• 22. MPP 30-757.17 thiab MPP 30-757.171
• 23. MPP § 30-701(s)(1)
• 24. MPP § 30-756.372
• 25. MPP § 30-701(n)(3)
• 26. ACL 15-25
• 27. MPP § 30-757.17 thiab 30-757.173(a)
• 28. ACL 15-25
• 29. MPP § 30-757.172
• 30. MPP § 30-757.172(e) thiab ACL 17-95
• 31. Cov ntaub ntawv ntxiv hais txog cov txheej txheem kev ntsuam xyuas tuaj yeem pom hauv Txhua Tsab Ntawv Ntawm Cheeb Tsam Nroog (ACLs) 15-25 thiab 98-87.
• 32. ACL 17-95
• 33. MPP § 30-701(s)(1)