I. SSI yog dab tsi?

Cov Nyiaj Tau Los Pab Ntxiv Rau Kev Ruaj Ntseg (SSI, Supplemental Security Income) yog ib qho nyiaj pab raws li ntawm tsoom fwv cov kev xav tau rau cov neeg xiam oob qhab, dig muag, los sis cov neeg muaj hnub nyoog (65 xyoo nce mus) uas tau txais kev tswj hwm los ntawm Lub Chaw Tswj Hwm Xaus Saus (SSA, Social Security Administration).1 Cov me nyuam yaus muaj cai tau txais SSI yog tias lawv raug raws li tus qauv kev tsim nyog rau:

1. Hnub nyoog,
2. Cov nyiaj khwv tau los,
3. Cov chaw pab,
4. Chaw nyob,
5. Kev ua pej xeem, thiab
6. Kev xiam oob qhab.

Daim ntawv tshaj tawm no yuav duav roos tag nrho cov qauv kev tsim nyog ntawm SSI ntawm tus me nyuam yaus tshwj tsis yog kev xiam oob qhab.

II. SSA Cov Ntsiab Lus Txhais ntawm ib Tug Me Nyuam rau SSI

Rau lub hom phiaj ntawm SSI, SSA teeb tsa tus me nyuam ua:

1. tus neeg muaj hnub nyoog qis dua 18 xyoo; los sis,
2. ib tus neeg uas muaj hnub nyoog qis dua 22 xyoos uas yog ib tus tub ntxhais kawm mus kawm ntawv hauv tsev kawm ntawv, tsev kawm qib siab, los sis kev cob qhia tsis tu ncua uas tau tsim los npaj tus neeg rau ib txoj hauj lwm tau nyiaj.2

Thov nco ntsoov tias, cov tib neeg nyob rau hauv hom (2) tseem yog "me nyuam yaus" nkaus xwb txhawm rau lub hom phiaj ntawm kev tau txais SSI txuas ntxiv ntawm tus nqi nyiaj pab rau tus me nyuam yaus txawm tias lawv muaj hnub nyoog 18 xyoo los xij, txawm tias lawv tsis raug raws li lub ntsiab lus txhais kev xiam oob qhab ntawm cov neeg laus los xij. Cov no feem ntau hu ua Kev Them Nyiaj Raws Tshooj 301 thiab yuav tau tham ntau ntxiv hauv Tshooj VII ntawm Kev Txiav Txim Dua Tshiab Raws Hnub Nyoog 18 Xyoo hauv qab no.

Tsis tas li ntawd, yuav tsum muab xam hais tias yog ib tug me nyuam yaus, ib tug neeg tsis tuaj yeem sib yuav tau los sis tus thawj coj ntawm tsev neeg.3

III. Kev Muaj Cai Tau Txais Tus Me Nyuam Cov Nyiaj Tau Los

Ua ntej no peb yuav tham txog kev xam pom ntawm niam txiv, uas yog qhov SSA txiav txim siab seb tus me nyuam uas muaj hnub nyoog qis dua 18 xyoo puas tsim nyog tau txais SSI raws li cov cai ntawm cov nyiaj tau los thiab qhov chaw pab, cov neeg pab txhawb yuav tsum nkag siab tias (1) txheej txheem kev sau nyiaj rov qab txhua hli ntawm SSA rau cov hom phiaj kev tshaj tawm, thiab (2) tus nqi tam sim no ntawm SSI rau cov me nyuam yaus hauv California.

a. Txheej Txheem Kev Sau Nyiaj Rov Qab Txhua Hli Ntawm SSA yog dab tsi?

SSA siv cov kev suav nyiaj rov qab txhua hli thaum lub ncua sij hawm SSI tsim nyog.4 Qhov ntawd txhais tau hais tias cov nyiaj tau los uas niam txiv tau txais thiab tshaj tawm thaum Lub Ib Hlis rau SSA, txiav txim siab qhov nyiaj SSI ntawm lawv tus me nyuam ob lub hlis tom qab ntawd, hauv Lub Peb Hlis.5 Thaum qhov no yog txoj hauv kev uas SSA txiav txim siab txog koj tus me nyuam cov nyiaj SSI txhua hli, SSA tuaj yeem ncua koj tus me nyuam cov nyiaj pab hauv lub hlis uas nws pom tias koj tau nyiaj ntau dua.

Feem ntau lawm, tus me nyuam muaj cai tau txais SSI rov qab los yam tsis muaj daim ntawv thov tshiab yog tias niam txiv cov nyiaj tau los txo qis txaus hauv 11 lub hlis tom qab raug ncua.6 Txawm li cas los xij, yog tias qhov nyiaj tau los tsis tsim nyog txuas ntxiv mus rau 12 lub hlis, qhov kev ncua yuav dhau los ua qhov kev txiav tawm.7

b. Tus Nqi Them rau Cov Me Nyuam Yaus hauv California xyoo 2025 yog dab tsi?

Hauv xyoo 2025, tus me nyuam xiam oob qhab hauv California uas muaj hnub nyoog qis dua 18 xyoo, uas ua tau raws li txhua yam kev tsim nyog, tuaj yeem tau txais siab txog $1,064.27 toj ib lub hlis, uas suav nrog xeev California cov nyiaj pab ntxiv.8 Txawm hais tias tus me nyuam tau txais cov nyiaj SSI tag nrho yuav nyob ntawm qhov kev xam txog kev xam pom ntawm niam txiv uas coj ua los ntawm SSA.

c. Kev Txiav Txim Siab Ntawm Niam Txiv?

Kev xam pom ntawm niam txiv yog suav tus niam txiv cov nyiaj tau los thiab qhov chaw pab raws li lawv cov me nyuam hnub nyoog qis dua 18 xyoo uas tsim nyog tau txais SSI.9 Cov kev cai tswj hwm kev xam pom ntawm niam txiv-rau-tus me nyuam muaj nyob ntawm Txoj Cai 20 txog Cov Cai Tswj Hwm Ntawm Tsoom Fwv Teb Chaws §§ 416.1160; 416.1161, thiab 416.1165.

Cov nyiaj tau los ntawm niam txiv suav nrog cov nyiaj tau los uas tau txais thiab cov nyiaj tau los uas tsis tau txais. "Cov nyiaj tau los uas tau txais" yuav suav nrog niam txiv cov nyiaj nqi zog/nyiaj hli los sis cov nyiaj tau los ntawm kev ua hauj lwm rau yus tus kheej.10

Cov nyiaj khwv tau los tej zaum yuav suav nrog cov nqi zog ntawm Cov Kev Pab Cuam Txhawb Nqa Hauv Tsev (IHSS, In-Home Supportive Services) yuav tau txais los ua hauj lwm rau tus me nyuam tus neeg laus uas muaj kev xiam oob qhab txawm tias tus me nyuam muaj hnub nyoog tshaj 18 xyoo tau txais Kev Them Nyiaj SSI Raws Tshooj 301 thiab nyob hauv tib lub tsev nrog koj thiab koj tus me nyuam tsim nyog tau txais SSI.11

Txhua yam uas tsis yog cov nyiaj ua hauj lwm yuav raug suav hais tias yog “cov nyiaj tau los uas tsis tau txais.” Qee qhov piv txwv ntawm cov nyiaj tau los uas tsis tau txais xws li khoom plig, nyiaj poob hauj lwm, nyiaj pab kev xiam oob qhab hauv xeev, thiab cov txiaj ntsig Xaus Saus Rau Kev Tuav Pov Hwm Kev Xiam Oob Qhab.12

SSA yuav txiav txim siab tag nrho cov nyiaj khwv tau los txhua hli thiab/los sis cov nyiaj tau los ntawm cov niam txiv uas tsis tau txais txiaj ntsig, niam qhuav txiv qhuav, thiab/los sis niam txiv tu ntev npaum li cov niam txiv no nyob hauv tib lub tsev nrog tus me nyuam uas thov SSI.13 Yog tias niam txiv tsis nyob hauv tib lub tsev li tus me nyuam uas thov SSI, niam txiv cov nyiaj tau los yuav tsis raug suav.14

Yog tias cov niam txiv ntawm tus me nyuam uas tau txais SSI muaj kev saib xyuas sib koom ua ke (50/50), SSA yuav txiav txim siab txog cov nyiaj tau los thiab cov chaw pab ntawm niam txiv uas tus me nyuam nyob nrog thawj lub hlis rau lub hom phiaj kev xam pom.15

d. Cov Kev Zam rau Kev Xam Pom Ntawm Niam Txiv

SSA yuav tsis ua qhov kev xam pom ntawm niam txiv yog tias tsev neeg tsis muaj tsev nyob.16

SSA tseem yuav tsis siv qhov kev xam pom kev txiav txim siab yog tias tus me nyuam nyob nrog ib tus neeg uas tsis yog nws niam nws txiv thiab muaj cov npe qeb kev them nyiaj tshwj xeeb rau qhov no hu ua "tus me nyuam yaus uas muaj kev xiam oob qhab hauv tsev neeg ntawm lwm tus", uas tam sim no hauv California yog $747.20 toj ib lub hlis.17

e. Cov Nyiaj Tau Los Uas Raug Zam los ntawm Kev Xam Txog Kev Xam Pom Ntawm Niam Txiv

Cov hom nyiaj tau los hauv qab no tsis suav nrog los ntawm kev xam txog kev xam pom cov nyiaj tau los ntawm niam txiv: (1) CalWORKs (Kev Pab Ib Ntus rau Cov Tsev Neeg Uas Muaj Kev Txom Nyem), (2) Kev Daws Kev Txom Nyem Feem Dav/Kev Pab Feem Dav, (3) Kev Pab Fab Nyiaj Txiag Rau Neeg Tawg Rog, (4) Cov npav khoom noj, xws li. CalFresh/SNAP, (5) Kev Them Nyiaj IHSS rau SSI rau tus me nyuam uas muaj hnub nyoog qis dua 18 xyoo uas nyob hauv tib tsev neeg, (6) Tshooj 8 thiab lwm cov nyiaj pab them nqi tsev, thiab (7) ib feem peb ntawm cov nyiaj tu me nyuam.18

f. Cov Kauj Ruam Ntawm Kev Xam Txog Kev Xam Pom Cov Nyiaj Tau Los Ntawm Niam Txiv yog dab tsi?

Tshooj me no yuav dhau los ntawm cuaj cov kauj ruam uas cuam tshuam nrog kev xam txog kev xam pom ntawm cov niam txiv feem ntau lawm yog raws li tsev neeg qhov kev ua qauv qhia hauv qab no. Hauv peb tsev neeg uas qauv qhia uas peb muaj tus neeg thov: Max. Nws yog ib tus me nyuam uas muaj xya xyoo thiab muaj kev xiam oob qhab. Max nyob nrog nws Niam, thiab peb tus kwv tij yau hauv ib chav tsev nyob. Max yeej tsis tau thov SSI ua ntej dua li. Max Niam ua hauj lwm thiab khwv tau $3,500 toj ib lub hlis (ua ntej txiav se) thiab tsis muaj lwm qhov nyiaj tau los.

Kauj Ruam 1- Txiav txim seb tus me nyuam nyob qhov twg thiab tus me nyuam nyob nrog leej twg, thiab qhov kev pab tau ntawm cov nyiaj tau los rau yim neeg. Hauv peb qhov ua piv txwv, peb tus me nyuam tsim nyog hu ua Max nyob nrog nws niam thiab peb tus kwv tij yau thiab Leej Niam khwv tau nyiaj tau los li ntawm $3,500 toj ib lub hlis ua ntej them se (cov nyiaj tau los tag nrho).

Kauj Ruam 2- Txiav txim seb muaj pes tsawg tus me nyuam tsis tsim nyog nyob hauv tib lub tsev raws li tus neeg thov SSI thiab txiav tawm nyiaj faib rau tus me nyuam ua tsis muaj cai. Tus me nyuam tsis muaj cai yog ib tus me nyuam yug los sis txais los tu los ntawm SSI Tus Neeg Thov Kev Pab Niam Txiv los sis lawv niam lawv txiv tus txij nkawm uas nyob hauv tib tsev neeg raws li tus neeg thov SSI thiab tsis tsim nyog tau txais txiaj ntsig SSI.19 Qhov no suav nrog tus me nyuam uas tau thov rau SSI thiab raug tsis lees paub txawm tias tseem tab tom thov rau SSA los xij.

Hauv qhov piv txwv no, tus me nyuam tsim nyog SSI yog tus uas muaj hnub nyoog 7 xyoo, thiab muaj peb tus kwv tij yau uas tsis muaj kev xiam oob qhab uas nyob nrog lawv hauv tib lub tsev. Lov tawm qhov kev txiav tawm ntawm tus me nyuam uas tsis tsim nyog rau tag nrho peb tus kwv tij yau los ntawm Leej Niam cov nyiaj tau los ($3,500). Qhov kev txiav tawm ntawm tus me nyuam uas tsis tsim nyog yog qhov txawv ntawm Tsoom Fwv Teb Chaws Cov Nyiaj Pab (FBR, Federal Benefit Rate) rau tus txij nkawm ($1,450 hauv xyoo 2025) thiab FBR rau ib tus neeg ($967 hauv xyoo 2025). Hauv peb qhov piv txwv, peb yuav txiav tawm $483—tus nqi se rau tus me nyuam tsis tsim nyog hauv xyoo 2025, peb zaug ntawm Leej Niam cov nyiaj tau los ntawm $3,500 uas sib npaug li $2051.

Kauj Ruam 3- Tshem tawm cov nyiaj tau los feem dav $20 uas raug zam ntawm cov nyiaj tau los uas tseem tsis tau txais. Ntawm no, tsis muaj cov nyiaj tau los uas tsis tau txais, yog li peb txiav tawm $20 ntawm cov nyiaj tau los ntxiv uas yog $2031.

Kauj Ruam 4- Lov tawm $65 los ntawm cov nyiaj tau los uas tau txais ntxiv. Ntawm no, $2,031 rho tawm $65 yog $1966.

Kauj Ruam 5- Muab cov seem coj los faib ua ib nrab. Ntawm no, $1966 faib tawm los ntawm ob ces yog $983.

Kauj Ruam 6- Lov tawm cov nyiaj pab niam txiv kev ua neej nyob. Cov nyiaj pab niam txiv uas neej nyob yog FBR rau ib leeg yog tias lub tsev muaj ib leeg niam txiv, los sis FBR rau khub niam txiv yog tias lub tsev muaj ob leej niam txiv. Ntawm no, $983 rho tawm $967 rau lub tsev uas muaj ib leeg niam txiv yog $16.

Kauj Ruam 7- Siv tus nqi tam sim no ntawm SSI rau ib tus me nyuam hauv California uas yog $1,064.27 thiab txiav cov nyiaj uas tau txiav txim siab. Ntawm no, cov nyiaj uas xam tias yog los ntawm Leej Niam rau tus me nyuam uas muaj cai yog Max li $16. Yog li, yog tias tus me nyuam ua tau raws li qhov kev txiav txim siab fab kev xiam oob qhab thiab lwm yam kev tsim nyog tau txais SSI, ces tus nqi ntawm lawv cov txiaj ntsig txhua hli yuav yog $1,048.27.20

Kauj Ruam 8- Thaum muaj ntau tshaj ib tus me nyuam uas tsim nyog hauv tsev, faib cov nyiaj uas xam tias tsim nyog nrog cov me nyuam uas tsim nyog. Yog tias muaj ntau tus me nyuam yaus hnub nyoog qis dua 18 xyoo hauv tsev uas xiam oob qhab thiab tsis tau txais SSI, ces Kauj Ruam 8 yuav qhia kom SSA faib cov nyiaj tau los ntawm cov me nyuam yaus uas tsim nyog. Ntawm no, tsis muaj lwm cov me nyuam uas tsim nyog nyob hauv tsev.

Kauj Ruam 9- Txiav tawm cov nyiaj tau los uas tau txais ntawm tus me nyuam. Ntawm Kauj Ruam 9, SSA yuav txiav tawm txhua cov nyiaj tau los ntawm tus me nyuam, txawm li cas los xij qhov no tsis tshua muaj vim Qhov Kev Zam Rau Cov Nyiaj Khwv Tau Los Uas Tau Txais Ntawm Tus Tub Ntxhais Kawm raws li tau tham ntau ntxiv hauv Tshooj III.h. hauv qab no.

g. Cov Kev Ua Qauv Qhia Txog Kev Xam Pom Ntawm Niam Txiv Ntxiv

Tsis tas li ntawd, thov xav txog cov kev ua qauv qhia hauv qab no:

i. Qhov Piv Txwv Ib: Niam txiv yog Tus Muab Kev Pab Cuam Ntawm IHSS rau lawv Tus Me Nyuam thiab Tus Me Nyuam Uas Yog Neeg Laus

Joy yog ib tus me nyuam uas tsim nyog tau txais SSI uas muaj hnub nyoog 4 xyoos thiab nyob nrog nws Leej Txiv thiab tus tij laug Punit uas muaj 19 xyoo thiab tau txais Kev Them Nyiaj Raws Tshooj 301 (Saib Tshooj VII hauv qab) thiab yog ib tus tub ntxhais kawm. Tsev neeg no nyob hauv ib chav tsev nyob. Joy Txiv ua hauj lwm ua tus muab kev pab cuam ntawm IHSS rau Joy thiab Punit tib si thiab khwv tau $1,200 uas muab kev pab cuam IHSS rau Joy thiab $900 muab kev pab cuam IHSS rau Punit. Nws tsis muaj lwm yam nyiaj khwv tau los. SSA yuav txiav txim siab txog cov nyiaj uas xam pom rau Joy tau li cas?

Ntawm no, SSA yuav tsis suav cov nyiaj tau los uas Joy txiv tau ua hauj lwm khwv tau los rau Joy raws li lawv tus kws kho mob IHSS tab sis yuav suav nrog cov nyiaj tau los ntawm kev saib xyuas cov me nyuam uas laus Punit, txawm tias lawv tau txais kev them nyiaj raws Tshooj 301. Yog li ntawd, SSA yuav muab $900 uas Joy Txiv khwv tau los muab kev pab cuam IHSS rau Punit thiab txiav $0 rau cov me nyuam uas tsis tsim nyog vim tias Punit tsis yog me nyuam yaus uas tsis tsim nyog vim nws muaj hnub nyoog tshaj 18 xyoo. Tom qab ntawd SSA yuav txiav tawm $85, faib cov txiaj ntsig ua ib nrab, thiab txiav tawm cov nyiaj pab niam txiv nyob rau ib lub tsev uas muaj ib leeg niam txiv:

$900 - $85 = $815 tau faib los ntawm 2 = $407.50 - $967 = -$559.50

Ntawm no, cov nyiaj uas xam pom tias yog tus lej tsis zoo. Yog li, yog tias Joy tsim nyog rau kev kho mob rau SSI, lawv yuav muaj cai tau txais tag nrho cov nyiaj ntawm $1,064.27.

ii. Qhov Piv Txwv Ob: Cov Niam Txiv Ntawm Tus Me Nyuam muaj kev saib xyuas 50/50 thiab Tus Niam Txiv Uas Yog Cov Neeg Thov tau txais kev them nyiaj tu me nyuam li $600 toj ib hlis.

Hauv qhov piv txwv tom ntej no, xav tias peb tus me nyuam Armando muaj cai rau SSI uas nyob nrog Niam Txiv 1 (Maria) thiab Niam Txiv 2 (Pedro) sib npaug ntawm cov tsev sib txawv hauv lub hli ntawd. Txawm li cas los xij, Maria yog leej niam leej txiv uas tab tom thov SSI sawv cev ntawm Armando thiab Armando nyob nrog Maria thawj lub hlis, txhua hli. Maria tau txais nyiaj tu me nyuam hauv ib hlis li $600 los ntawm Pedro thiab ua hauj lwm ntawm lub khw hauv zos thiab khwv tau $2,000 hauv ib hlis. Tsis muaj lwm tus me nyuam yaus los sis cov neeg nyob hauv Maria lub tsev.

Ntawm no, SSA yuav tsis suav tias yog ib feem peb ntawm $600 ntawm cov nyiaj tu me nyuam tab sis $400 yuav raug suav tias yog tus me nyuam li. SSA yuav txiav tawm $85 los ntawm Maria cov nyiaj tau los tag nrho txhua hli uas ua rau $1,915 uas tom qab ntawd muab faib ua ib nrab uas sib npaug yog $957.5. Tom qab ntawd txiav cov nyiaj pab niam txiv ua neej nyob li $967 yog rho tawm uas sib npaug li qhov tsis zoo li $9.50. Txawm hais tias tsis muaj nyiaj los ntawm Maria mus rau Armando, SSA yuav txiav tawm $400 (2/3 ntawm tus nqi tu me nyuam) duas las los ntawm tag nrho cov nyiaj SSI rau tus me nyuam uas yog $1,064.27 xws li yog tias Armando pom tias tsim nyog raws li tag nrho lwm yam kev tsim nyog, lawv cov txiaj ntsig txhua hli yuav yog $664.27.

h. Qhov Kev Zam Rau Cov Nyiaj Khwv Tau Los Uas Tau Txais Ntawm Tus Tub Ntxhais Kawm

Qhov Kev Zam Rau Cov Nyiaj Khwv Tau Los Uas Tau Txais Ntawm Tus Tub Ntxhais Kawm (SEIE, Student Earned Income Exclusion) siv rau txhua tus neeg ua hauj lwm cov tub ntxhais kawm hnub nyoog qis dua 22 xyoos, tsis yog cov uas ua tau raws li qhov kev txhais ntawm SSI tias yog tus me nyuam nkaus xwb. SEIE tso cai rau ib tus neeg uas muaj hnub nyoog qis dua 22 xyoos thiab mus kawm ntawv tsis tu ncua kom muaj nyiaj khwv tau los tsis suav nrog cov nyiaj tau los. Hauv xyoo 2025, tus neeg zoo li no tuaj yeem suav nrog uas siab txog $2,350 hauv ib hlis thiab siab txog li $9,460 hauv ib lub xyoos.21

Tus tub ntxhais kawm mus kawm ntawv tsis tu ncua yog tus tub ntxhais kawm uas yam tsawg kawg ib yam ntawv kawm thiab mus kawm:

1. lub tsev kawm ntawv qib siab los sis tsev kawm yus nis vaws xis tim yam tsawg kawg yog 8 teev hauv ib lub lim tiam;
2. qib kawm 7-12 yam tsawg kawg yog 12 teev hauv ib lub lim tiam;
3. cov ntawv kawm los cob qhia rau kev ua hauj lwm yam tsawg kawg 12 teev hauv ib lub lim tiam (15 teev hauv ib lub lim tiam yog tias chav kawm suav nrog kev xyaum ua hauv lub khw); los sis,
4. cov ntawv kawm/cov kev khoos kas ntawm qhov txo qis tus qhab nia los sis kev tuaj kawm ntawv raws li tau teev tseg saum toj no, yog tias nws yog qhov laj thawj dhau ntawm tus tub ntxhais kawm txoj kev tswj hwm, xws li kev muaj mob.22

IV. Kev Tsim Nyog Txais Qhov Kev Pab Rau Tus Me Nyuam

Feem ntau lawm, SSA muaj qhov pab tau uas txwv ntawm $2,000 rau lub tsev uas muaj ib leeg niam txiv thiab $3,000 rau lub tsev uas muaj ob leeg niam txiv. Qhov no yog dhau ntawm qhov kev txwv kev pab tau ntiag tug ntawm tus me nyuam uas tsim nyog li ntawm $2,000. Cov chaw pab yog nyiaj ntsuab, khoom ntiag tug, los sis cov khoom ntiag tug uas tus neeg muaj los sis muaj cai hloov mus rau nyiaj ntsuab (yog tias tsis yog nyiaj ntsuab lawm).23 SSA txiav txim siab tias cov chaw pab uas suav tau uas ib tus neeg tau siv txoj cai First-of-the-Month (FOM, First-of-the-Month). Qhov no txhais tau hais tias ib tus neeg cov chaw pab suav tau raug suav thaum thawj lub sij hawm ntawm lub hli.24 Txawm li cas los xij, zoo li niam txiv cov nyiaj tau los, SSA muaj ntau qhov kev cais tawm raws li txoj cai feem dav rau kev xam pom ntawm niam txiv cov chaw pab.

Piv txwv li, cov nyiaj laus los yog cov pob nyiaj laus xws li Cov As Khauj Kev So Noj Nyiaj Laus Rau Tus Kheej, KEOGHs, los sis cov nyiaj ua se tau txiav tawm yuav tsis raug suav tias yog cov chaw pab.25 Tsis zoo li cov cai SSI rau cov chaw pab rau cov neeg laus, SSA tsis xav kom cov niam txiv siv lawv cov nyiaj laus ua ntej lawv cov me nyuam xiam oob qhab tuaj yeem tsim nyog tau txais SSI.

SSA yuav suav nrog: ib lub tsheb rau kev thauj mus los thiab ib lub tsev yog tias qhov chaw uas niam txiv thiab tus me nyuam ua neej nyob.26 Lwm qhov kev zaum uas suav nrog kev tuav pov hwm txoj sia, qhov chaw faus neeg, thiab nyiaj faus neeg. Tsis tas li ntawd, cov niam txiv muaj cuaj lub hlis los siv nyiaj pab thiab/los sis cov nyiaj pab kawm ntawv tau txais rau kev kawm ua ntej cov no suav tias yog cov chaw pab.27

SSA tseem yuav tsis suav cov cuab yeej tseem ceeb rau kev txhawb nqa tus kheej xws li muaj lub tsheb thauj khoom rau kev ua hauj lwm ntxiv rau lub tsheb thauj mus los. Qhov no yuav siv tau yog tias niam txiv siv lub tsheb thauj khoom tshwj xeeb rau lawv cov lag luam los sis kev lag luam.28

V. Kev Tsim Nyog Rau Kev Nyob Nrog Ntawm Tus Me Nyuam

Rau SSI, feem ntau lawm, cov me nyuam yaus yuav tsum nyob hauv Teb Chaws Mes Kas kom tau txais lawv cov txiaj ntsig SSI. Hauv peb qhov kev paub dhau los, SSA tuaj yeem nkag mus tau rau cov ntaub ntawv hla ciam teb ntawm Mexico thiab California thiab siv cov no ua lub hauv paus los txiav cov txiaj ntsig. Yog tias SSA xav tias tus me nyuam nyob hauv lwm lub teb chaws tau ntau hnub hauv ib hlis dua li lawv nyob hauv Teb Chaws Mes Kas, ces nws yuav pib txiav tawm raws li qhov xav tau nyob nrog hauv.29

VI. Kev Tsim Nyog Rau Kev Thov Ua Pej Xeem Ntawm Tus Me Nyuam

Rau SSI, feem ntau lawm, cov me nyuam yaus yuav tsum yog pej xeem los sis haiv neeg hauv Teb Chaws Mes Kas, los sis cov neeg tsis yog neeg xam xaj uas yog neeg txawv teb chaws uas tsim nyog los sis hauv ib qho ntawm qee qhov kev faib tawm txawv teb chaws uas tau tso cai los ntawm Lub Tsev Hauj Lwm Saib Xyuas Kev Ruaj Ntseg Hauv Lub Teb Chaws.30 Txawm hais tias kev nkag teb chaws ntawm tus me nyuam leej niam leej txiv tsis tau txais kev txiav txim siab, muaj ib tshooj ntawm daim ntawv thov SSI tus me nyuam uas nug txog kev nkag teb chaws ntawm txhua tus tswv cuab hauv tsev uas tus neeg thov tus me nyuam ua neej nyob.31 Cov niam txiv tuaj yeem xav sab laj nrog tus kws lij choj nkag teb chaws ua ntej nthuav tawm cov ntaub ntawv no rau tsoom fwv lub koom haum.

Cov me nyuam yaus uas muaj neeg tawg rog los sis cov neeg tawg rog fab nom tswv yuav tsim nyog tau txais SSI hauv thawj 7 xyoo txij thaum lawv tuaj txog Teb Chaws Mes Kas.32

VII. Kev Txiav Txim Hnub Nyoog 18 Xyoo Dua Tshiab

Thaum tus me nyuam tsim nyog tau txais SSI muaj hnub nyoog 18 xyoo, SSA yuav ua qhov kev ntsuam xyuas tshiab ntawm tus neeg siv cov lus txhais ntawm cov neeg laus ntawm kev xiam oob qhab thiab kev ntsuam xyuas tsib kauj ruam.33 Kev xam pom ntawm niam txiv yuav xaus thaum tus me nyuam muaj 18 xyoo. Txawm li cas los xij, cov cai rau Kev Txhawb Nqa thiab Kev Tswj Xyuas Hauv Ntau Hom yuav raug siv los ntawm SSA Lub Chaw Hauj Lwm thaum tus me nyuam muaj hnub nyoog 18 xyoo kom txo qis koj tus me nyuam uas laus qhov SSI.

Nyem rau qhov no kom paub ntau ntxiv txog Kev Txhawb Nqa thiab Kev Tswj Xyuas Hauv Ntau Hom, thiab cov cai tshiab uas pab cov neeg tau txais kev pab cuam khaws cia ntau ntawm lawv cov txiaj ntsig txhua hli.

Cov neeg txhawb pab thiab cov neeg txhawb nqa tus kheej yuav tsum paub tias SSA yuav ceeb toom rau tus neeg tias muaj hnub nyoog 18 xyoo txoj kev rov txiav txim siab dua thiab tuaj yeem thov kom tus neeg ua tiav daim foos los sis koom nrog kev sib tham nrog ib tus kws kho mob ntawm SSA. Tom qab ntawd SSA yuav xa ib tsab ntawv ceeb toom txog nws qhov kev txiav txim. Yog tias pom muaj neeg xiam oob qhab raws li tus txheej txheem neeg laus rau kev xiam oob qhab, cov txiaj ntsig yuav txuas ntxiv ntawm SSI tus nqi rau ib tus neeg laus uas nyob hauv California hauv xyoo 2025 yog $1,206.94. Yog tias raug txiav tawm vim tsis ua raws li tus txheej txheem neeg laus rau kev xiam oob qhab, cov tib neeg muaj 60 hnub los ua daim ntawv thov kom rov txiav txim dua ntawm qhov kev txiav txim, tab sis tsuas yog kaum (10) hnub kom thov tau cov txiaj ntsig txuas ntxiv rau lub sij hawm thov kom rov txiav txim dua. SSA xam tias siv sij hawm li tsib hnub rau kev xa ntawv. Piv txwv li, tsab ntawv ceeb toom ntawm kev txiav tawm hnub tim 1 Lub Rau Hli 2025, yuav tsum tau thov kom rov txiav txim dua ua ntej Lub Rau Hli Ntuj Tim 16, 2025 kom tau txais cov nyiaj pab them rau qhov kev thov kom rov txiav txim dua.

Qhov tseem ceeb, cov neeg txhawb pab yuav tsum paub tias SSA tsis tuaj yeem txiav tawm ib tus neeg cov txiaj ntsig tam sim ntawd thaum muaj hnub nyoog 18 xyoo yog tias tus neeg ntawd tseem koom nrog Txoj Phiaj Xwm Kev Kawm Rau Tus Kheej los sis lwm yam khoos kas kev kho kom zoo rov qab los fab kev ua hauj lwm. SSA yuav tsum tau tos kom txog thaum tus neeg ua tiav lub khoos kas no ua ntej nws tuaj yeem txiav cov nyiaj pab SSI rau tus me nyuam yaus. Cov no yog hu ua Tshooj 301 kev them nyiaj34, thiab yuav txuas ntxiv mus txog thaum koj tus me nyuam uas laus tau ua tiav lub khoos kas kev kawm los sis kev ua hauj lwm uas lawv koom nrog.

VIII. Lub Ntsiab Lus Xaus

Kev tsim nyog tau txais SSI rau cov me nyuam yaus suav nrog kev xam txog kev xam pom ntawm niam txiv tuaj yeem ntxhov siab rau cov niam txiv uas saib xyuas tus me nyuam muaj kev xiam oob qhab nrhiav kev pab los ntawm SSA. Disability Rights California vam tias cov ntawv tshaj tawm no yuav pab ua kom yooj yim rau tus qauv uas tsim nyog no. Peb txaus siab rau koj lub sij hawm thiab tshuaj xyuas cov ntawv tshaj tawm no txhawm rau txhawb koj tus kheej pab txhawb pab ntxiv.

• 1. 24 USC §§1381-1383f; 20 CFR § 416.101 et seq.
• 2. 20 CFR § 416.1856; POMS SI 00501
• 3. Id.
• 4. 20 CFR § 416.420
• 5. POMS SI 02005.001
• 6. 20 CFR § 416.1323(b); POMS SI 02301.205
• 7. 20 CFR § 416.1335
• 8. Cov Nyiaj Tau Los Pab Ntxiv Rau Kev Ruaj Ntseg hauv California, 2025
• 9. POMS SI 01310.001
• 10. 20 CFR § 416.1110
• 11. POMS SI 01320.175
• 12. 20 CFR § 416.1120 – 416.1121
• 13. POMS SI 01320.500
• 14. 20 CFR § 416.1165
• 15. POMS SI 01320.550
• 16. POMS SI 01310.140
• 17. Cov Nyiaj Tau Los Pab Ntxiv Rau Kev Ruaj Ntseg hauv California, 2025
• 18. POMS SI 01320.100
• 19. 20 CFR § 416.1160(d)(iii)
• 20. POMS SI 01320.500
• 21. POMS SI 00820.510 thiab POMS SI 00501.020
• 22. POMS SI 00501.020
• 23. POMS SI 01110.100
• 24. POMS SI 01110.600
• 25. 20 CFR § 416.1202(b)
• 26. POMS SI 01110.210
• 27. POMS SI 01330.220
• 28. POMS SI 01130.500
• 29. Yuav Tsum Muaj Cov Nyiaj Tau Los Pab Ntxiv Rau Kev Ruaj Ntseg (SSI, Supplemental Security Income)
• 30. Yuav Tsum Muaj Kev Muaj Cai Tau Txais Cov Nyiaj Tau Los Pab Ntxiv Rau Kev Ruaj Ntseg (SSI, Supplemental Security Income)
• 31. SSA-8000-BK Daim Ntawv Thov Cov Nyiaj Tau Los Pab Ntxiv Rau Kev Ruaj Ntseg
• 32. POMS SI 00502.106; POMS SI 00502.106; POMS SI 00502.301
• 33. 20 CFR § 416.987
• 34. POMS DI 14505.001