Daim ntawv tshaj tawm no yog npaj los pab koj tawm tsam kev tsis lees txais, cov sij hawm tsis txaus, kev txo cov sij hawm, thiab/los sis kev txiav koj Kev Pab Cuam Txhawb Nqa Hauv Tsev (IHSS) cov sij hawm thiab npaj koj rau lub xeev lub rooj sib hais ncaj ncees hauv xeev.Daim ntawv tshaj tawm no muaj peb lub cuab yeej ua kev xaiv los pab koj kom tau txais cov ntaub ntawv koj xav tau los npaj rau lub rooj sib hais ncaj ncees hauv xeev.Yog tias koj muaj lus nug txog koj tus kheej rooj plaub hauv IHSS, thov hu rau Disability Rights California (Lub Khoos Kas Saib Xyuas Txoj Cai Rau Neeg Xiam Oob Qhab Hauv California).

• Thov kom Cov Ntaub Ntawv Los Teev Tseg Txog Tus Neeg Mob Cov Kev Txwv Rau Kev Ua Hauj Lwm

  Ua kom tiav daim foos no nrog koj tus kws kho mob qhov kev pab.
  Daim Ntawv Tshaj Tawm #5482.01 – Thov kom Cov Ntaub Ntawv Los Teev Tseg Txog Tus Neeg Mob Cov Kev Txwv Rau Kev Ua Hauj Lwm (pdf)

• IHSS Daim Ntawv Ntsuam Xyuas Tus Kheej

  Ua kom tiav daim foos no nrog koj tus kws muab kev pab cuam hauv IHSS.Daim foos no yuav pab koj kom pom tias yuav tsum muaj sij hawm npaum li cas los ua kom tiav txhua txoj hauj lwm hauv IHSS.
  Daim Ntawv Tshaj Tawm #5482.01 – IHSS Daim Ntawv Ntsuam Xyuas Tus Kheej (pdf)

• IHSS Daim Ntawv Qhia Txog Tus Qauv Kev Ntsuam Xyuas

  Ua kom tiav daim foos no tom qab koj tau ntsib nrog koj tus kws kho mob thiab tau txais cov ntaub ntawv los ntawm koj cov ntaub ntawv hauv IHSS hauv cheeb tsam nroog.Daim ntawv qhia no pab koj txiav txim siab txog koj qhov ncua kev ua hauj lwm thiab seb koj xav tau sij hawm ntxiv hauv IHSS txoj hauj lwm tshaj li IHSS Cov Lus Qhia Txog Cov Sij Hawm Ua Hauj Lwm pom zoo.
  Daim Ntawv Tshaj Tawm #5482.01 – IHSS Daim Ntawv Qhia Txog Tus Qauv Kev Ntsuam Xyuas (pdf)

Kuv tuaj yeem thov rau ib lub rooj sib hais kev ncaj ncees tau li cas?

Thaum koj tsis pom zoo nrog cheeb tsam nroog qhov kev txiav txim, xws li txo cov sij hawm ua hauj lwm, tsis kam muab qhov kev pab cuam IHSS, kev txiav tawm lub khoos kas los sis kev pab cuam, los sis yog Cheeb Tsam Nroog ua tsis tau hauj lwm xws li kev tshuaj xyuas thiab ua tiav daim ntawv thov uas koj xa tuaj, koj tuaj yeem thov kev rov txiav txim dua rau koj Daim Ntawv Ceeb Toom ntawm Kev Nqis Tes Ua los ntawm kev thov ib lub rooj sib hais ncaj ncees.

Koj los sis ib tus neeg hauv koj tsev neeg tuaj yeem thov lub rooj sib hais kev ncaj ncees tam rau koj hauv oos lais, hauv xov tooj, los sis xa ntawv.

1. Koj tuaj yeem hu rau tus xov tooj hu dawb 1-800-743-8525.
   Cov neeg tsis hnov ​​lus zoo los sis hais lus tsis zoo uas siv Lub Cuab Yeej Siv Kom Hnov Lus rau Cov Lag Ntseg (TDD) tuaj yeem hu rau 1-800-952-8349.
2. Koj tuaj yeem xa daim ntawv thov rau ib lub rooj sib hais kev ncaj ncees hauv oos lais los ntawm kev tsim ib tus as khauj hauv ACMS los sis yam tsis muaj tus as khauj li.
   Peb tau muab kab txuas rau ntawm no: Thov ib Lub Rooj Hais Kev Ncaj Ncees Hauv Oos Lais.
3. Txhawm rau thov ib lub rooj sib hais kev ncaj ncees hauv sau ntawv los ntawm lub chaw xa ntawv:
   1. Sau teb rau sab nram qab ntawm daim foos Ceeb Toom ntawv Kev Nqis Tes Ua (NOA), theej ib daim ntawv ntawm NOA, sab pem hauv ntej thiab sab nram qab, rau koj khaws cia, thiab
   2. Xa ntawv thov mus rau:
      California Department of Social Services
      State Hearings Division
      PO Box 944243, Mail Station 9-17-442
      Sacramento, CA 94244-2430

Yog tias koj los sis ib tus neeg yuav ua tim khawv rau koj (piv txwv li, koj tus kws muab kev pab cuam IHSS) xav tau tus neeg txhais lus, suav nrog qhov no hauv koj qhov kev thov.

Kuv tsim nyog thov rau ib Lub Rooj Sib Hais Kev Ncaj Ncees tau thaum twg?

Koj tuaj yeem thov ib qhov kev rov txiav txim dua tam sim ntawd rau IHSS Daim Ntawv Ceeb Toom Txog Kev Nqis Tes Ua uas koj tau txais txog cov kev hloov pauv rau koj cov kev pab cuam thiab thov rau ib rooj sib hais kev ncaj ncees rau "qhov kev pab rau qhov nyiaj them mus lawm uas tseem tos".Koj yuav tsum thov rov txiav txim dua rau koj daim ntawv ceeb toom IHSS ua ntej hnub uas qhov kev hloov pauv yuav tsim nyog siv kom tau kom tau txais qhov kev pab rau qhov nyiaj them mus lawm uas tseem tos.Mus saib MPP tshooj. 22-072.5.Qhov kev pab rau qhov nyiaj them mus lawm uas tseem tos txhais tau hais tias koj cov kev pab cuam yuav txuas ntxiv mus yam tsawg kawg mus txog thaum koj lub rooj sib hais.Yog tias koj thov rau qhov kev pab rau qhov nyiaj them mus lawm uas tseem tos raws sij hawm, koj cov kev pab cuam yuav tsis hloov pauv mus kom txog thaum koj tau txais kev txiav txim ntawm lub rooj sib hais.

Yog tias koj tau txais koj Daim Ntawv Ceeb Toom txog Kev Nqis Tes Ua qeeb los sis tsis tau txais tsab ntawv ceeb toom thiab koj tsis pom zoo nrog cov sij hawm uas tau tso cai, koj yuav tsum rov thov txiav txim dua tam sim ntawd thiab thov qhov kev pab rau qhov nyiaj them mus lawm uas tseem tos.

Yog tias koj tsis ncav lub sij hawm hnub kawg los thov rov txiav txim dua nrog qhov kev pab rau qhov nyiaj them mus lawm uas tseem tos, koj tseem muaj 90 hnub los thov rau ib lub rooj sib hais txij hnub koj tau txais tsab ntawv ceeb toom.Mus saib, MPP tshooj. 22-009.1. Yog tias koj tab tom thov rau IHSS ua thawj zaug thiab koj tau txais qhov tsis lees paub rau koj qhov kev tsis pom zoo, koj muaj cai thov rov txia txim dua hauv 90 hnub.

Yuav ua li cas yog tias kuv tsis ncav lub sij hawm kawg 90-hnub los thov rau ib lub rooj sib hais?

Koj tseem tuaj yeem thov lub rooj sib hais tau yog tias koj muaj "qhov laj thawj zoo" rau kev thov lub rooj sib hais (piv txwv li, kev thov rov txiav txim dua) tom qab hnub kawg ntawm 90 hnub.Saib Cal. Welf.& Inst.Txoj Cai § 10951(a)(2).Qhov laj thawj zoo txhais tau hais tias koj muaj qhov laj thawj tseem ceeb thiab ntseeg tau dhau ntawm koj qhov kev tswj hwm rau kev thov rau ib lub rooj sib hais tshaj 90 hnub txij li hnub tau txais Daim Ntawv Ceeb Toom txog Kev Nqis Tes Ua.Cal. Welf.& Inst.Txoj Cai § 10951(c).Tus Kws Tswj Hwm Txiav Txim Plaub Ntug yuav txiav txim seb puas muaj qhov laj thawj zoo rau qhov kev thov rov hais dua lig.

Qhov kev thov rau lub rooj sib hais raws li qhov laj thawj zoo yuav tsis tau txais kev tso cai yog tias daim ntawv thov raug xa ntev tshaj 180 hnub txij li hnub tau txais Daim Ntawv Ceeb Toom txog Kev Nqis Tes Ua lawm.Cal. Welf.& Inst.Txoj Cai § 10951(a)(2).Koj yuav tsum sab laj nrog California Lub Chaw Saib Xyuas Txoj Cai Rau Cov Neeg Xiam Oob Qhab los sis ib tus kws lij choj los txiav txim seb koj puas nyob hauv 90-hnub kawg los sis yog tias koj muaj qhov laj thawj zoo rau kev thov rau ib lub rooj sib hais tom qab 90-hnub los sis yog tias daim ntawv ceeb toom tsis yog daim ntawv ceeb toom txog kev nqis tes ua txaus.

ACMS yog dab tsi thiab vim li cas kuv thiaj yuav tsum tau tsim ib tus as khauj?

Lub Chaw Hauj Lwm Pab Cuam Kev Noj Qab Haus Huv Rau Zej Tsoom Hauv Lub Xeev California (California Department of Social Services, CDSS), Feem Hauj Lwm Saib Xyuas Lub Rooj Sib Hais Hauv Xeev (State Hearings Division) siv Lub Lab Npauv Tswj Hwm Cov Kev Rov Txiav Txim Dua Rau Rooj Plaub Ntug (Appeals Case Management System, ACMS) los tswj thiab ua raws li lub xeev lub rooj sib hais ncaj ncees thoob plaws hauv xeev California.ACMS yog cov ntaub ntawv hauv oos lais uas txhua leej txhua tus tuaj yeem nkag mus tau uas xav thov rov txiav txim dua rau qhov kev txiav txim siab tswj hwm txog ntawm cov txiaj ntsig hais txog 22 cov khoos kas pab cuam sib txawv hauv lub xeev, suav nrog Medi-Cal thiab IHSS.

ACMS muab phab vev xaib (portal) rau tus neeg siv uas tso cai rau tus tib neeg ua cov hauv qab no:

• Thov rau ib lub rooj sib hais kev ncaj ncees hauv xeev.
• Tau txais Feem Hauj Lwm Saib Xyuas Lub Rooj Sib Hais Hauv Xeev cov ntawv ceeb toom hauv es lev thos niv nrog rau cov ntaub ntawv ntawm hnub tim, sij hawm, thiab qhov chaw ntawm cov rooj sib hais.
• Tshuaj xyuas cov xwm txheej ntawm cov rooj plaub uas twb muaj lawm.
• Xa cov ntaub ntawv txhawb nqa rooj plaub.
• Tau txais lub chaw hauj lwm tswj hwm cov nqe lus tshaj tawm ntawm txoj hauj lwm thiab cov ntaub ntawv pov thawj.
• Thov ncua sij hawm, rov qhib dua, rov sib hais rooj plaub dua, thiab cov kev thim.

Yuav muaj dab tsi tshwm sim tom qab kuv thov rau ib lub rooj sib hais?

Koj yuav tau txais ob daim ntawv ceeb toom los ntawm Lub Chaw Hauj Lwm Pab Cuam Kev Noj Qab Haus Huv Rau Zej Tsoom Hauv Lub Xeev California (California Department of Social Services, CDSS), Feem Hauj Lwm Saib Xyuas Lub Rooj Sib Hais Hauv Xeev (State Hearings Division).Thawj daim ntawv ceeb toom yog kom los qhia paub tias koj tau thov rau ib lub rooj sib hais thiab muab cov ntaub ntawv hais txog koj cov cai kom tau txais lub rooj sib hais.Daim ntawv ceeb toom thib ob yuav tsum qhia koj tsawg kawg kaum hnub ua ntej hnub tim, lub sij hawm, thiab hom los sis qhov chaw ntawm koj lub rooj sib hais kev ncaj ncees.Feem Hauj Lwm Saib Xyuas Lub Rooj Sib Hais Hauv Xeev (State Hearings Division)

yuav teem caij rau lub rooj sib hais kev ncaj ncees hauv xov tooj, tab sis koj kuj muaj cai thov kom koj lub rooj sib hais kev ncaj ncees los ntawm kev sib tham hauv vis dis aus los sis tim ntsej tim muag ntawm koj cheeb tsam nroog lub chaw saib xyuas kev noj qab nyob zoo hauv cheeb tsam.

Tsis ntev tom qab tau txais koj thawj daim ntawv ceeb toom, cheeb tsam nroog yuav muab ib tus neeg lis hauj lwm saib xyuas kev thov rov txiav txim dua, uas yog hu ua Tus Kws Tshaj Lij Fab Kev Sib Hais los sis Tus Neeg Sawv Cev Rau Kev Thov Rov Txiav Txim Dua, uas sawv cev rau lub cheeb tsam nroog ntawm koj lub rooj sib hais.Feem ntau, tus neeg ua hauj lwm saib xyuas kev thov rov txiav txim dua yuav xa ib tsab ntawv qhia koj tias lawv yog leej twg thiab yuav muab lawv cov ntaub ntawv tiv toj rau koj.Koj tuaj yeem tiv tauj rau tus neeg ua hauj lwm saib xyuas kev thov rov txiav txim dua txog vim li cas koj thiaj thov rau ib lub rooj sib hais.Tsis tas li ntawd, koj kuj tuaj yeem daws tau koj qhov teeb meem IHSS yam tsis tau mus rau lub rooj sib hais li.Koj yuav tsum npaj kom txhij rau koj lub rooj sib hais kom sai li sai tau yog tias koj tsis tuaj yeem daws tau qhov teeb meem ua ntej hnub koj rooj sib hais ncaj ncees.

Dab tsi yog qhov txawv ntawm Kev Thov Thim Yam Muaj Laj Thawj thiab Kev Thim ntawm Koj Qhov Kev Thov rau Lub Rooj Sib Hais?

Kev Thov Thim Koj Lub Rooj Sib Hais Yam Muaj Laj Thawj

Tej zaum tus neeg ua hauj lwm saib xyuas kev thov rov txiav txim dua tuaj yeem hu rau koj ua ntej teem sij hawm rau lub rooj sib hais los sib tham txog "kev thim yam muaj laj thawj" ntawm koj qhov kev thov rau lub rooj sib hais.Kev thim tawm yam muaj laj thawj yog daim ntawv sau pom zoo uas lub cheeb tsam nroog pom zoo ua ib yam dab tsi, xws li ua tiav qhov kev ntsuam xyuas IHSS tshiab, los sis ua kom koj muaj cov sij hawm IHSS ntxiv, raws li qhov xwm txheej rau koj thim tawm (piv txwv li, kev tshem tawm) koj lub rooj sib hais.

Lub cheeb tsam nroog yuav muab daim ntawv thim tawm yam muaj laj thawj rau koj los tshuaj xyuas, kos npe, thiab xa rov qab.Yog tias koj kos npe rau qhov kev thim tawm yam muaj laj thawj ntawm koj lub rooj sib hais ncaj ncees, koj yuav tsis muaj koj lub rooj sib hais ntxiv mus.Koj yuav tsum tau tshab xyuas, nkag siab, thiab pom zoo nrog cov nqe lus ntawm koj qhov kev thim tawm yam muaj laj thawj ua ntej koj kos npe rau daim ntawv pom zoo kom thim koj daim ntawv thov lub rooj sib hais.Feem ntau ntawm cov cheeb tsam nroog yuav pom zoo muab koj qhov kev thim tawm yam muaj laj thawj los ntawm email yog tias koj nug.Yog tias koj tsis pom zoo los sis tsis nkag siab qhov kev thim tawm yam muaj laj thawj hais, tsis txhob kos npe rau thiab nrhiav tswv yim los ntawm kws lij choj.Lub cheeb tsam nroog yuav muaj sij hawm 30 hnub los ua raws li cov cai ntawm kev thim tawm yam muaj laj thawj.Koj tuaj yeem thov kom teem sij hawm rau lub rooj sib hais dua ntxiv yog tias koj tsis pom zoo nrog qhov kev ntsuam xyuas tshiab thiab NOA tshiab.

Kev Thim Tawm

Tus neeg lis hauj lwm thov rov txiav txim dua tuaj yeem nug seb koj puas xav thim tawm (piv txwv li, tshem tawm) koj qhov kev thov rau ib lub rooj sib hais.Qhov kev thim tawm yuav txawv rau ntawm qhov kev thim tawm yam muaj laj thawj ntawm koj qhov kev thov rau lub rooj sib hais vim tias koj pom zoo thim tawm koj daim ntawv thov lub rooj sib hais vim koj tsis sib cav txog IHSS daim ntawv ceeb toom txog kev nqis tes ua txuas mus ntxiv lawm.Qhov no txhais tau hais tias lub cheeb tsam nroog tsis muaj lub luag haujlwm los hloov pauv koj cov kev pab cuam IHSS hauv kev sib pauv rau koj qhov kev thim koj daim ntawv thov rau lub rooj sib hais.Yog tias koj pom zoo thim tawm, koj lub rooj sib hais yuav raug muab tso tseg, thiab koj yuav tau txais tsab ntawv ceeb toom los ntawm Feem Hauj Lwm Saib Xyuas Lub Rooj Sib Hais Hauv Xeev los lees paub qhov koj thov kom thim koj lub rooj sib hais.Koj yuav tsum tiv tauj rau Feem Hauj Lwm Saib Xyuas Lub Rooj Sib Hais Hauv Xeev tam sim yog tias koj tsis xav thim koj qhov kev thov rau lub rooj sib hais thiab tseem tsis pom zoo nrog lub cheeb tsam nroog qhov txiav txim rau qhov kev txo, kev txiav tawm, los sis tsis kam lees koj cov kev pab cuam IHSS.

Kuv tuaj yeem yuav npaj txhij rau ib lub rooj sib hais tau li cas?

Kauj Ruam 1 - Tshab xyuas koj cov ntaub ntawv txog qhov teeb meem IHSS

Koj yuav tsum tau txais cov ntaub ntawv hais txog txoj hau kev tus neeg lis hauj lwm IHSS hauv cheeb tsam nroog tau txiav txim siab txog cov kev pab cuam IHSS thiab koj tau txais kev tso cai pes tsawg teev.Koj muaj txoj cai los tshab xyuas cov ntaub ntawv hauv IHSS cov ntaub ntawv ntsig txog koj qhov kev thov rau ib lub rooj sib hais.Mus saib, MPP tshooj. 22-051.1.Koj tuaj yeem tiv tauj koj tus neeg lis hauj lwm IHSS hauv cheeb tsam nroog los sis tus neeg ua hauj lwm fab thov rov txiav txim dua hauv cheeb tsam nroog uas tau muab rau koj rooj plaub ua ntej koj yuav teem sij hawm teem caij los tshuaj xyuas koj cov ntaub ntawv IHSS nrog rau txhua tus neeg ua hauj lwm cov ntaub ntawv uas tej zaum yuav muaj nyob hauv koj cov ntaub ntawv.

Nrhiav koj cov foos Kev Ntsuas Cov Kev Xav Tau hauv koj cov ntaub ntawv IHSS.Cov foos no yuav suav nrog cov ntawv sau hais txog vim li cas thiaj muab los sis tsis muab cov teev sij hawm.Tshawb xyuas daim foos Kev Ntsuam Xyuas SOC 293 IHSS rau cov ntaub ntawv hais txog koj cov ncua ntawv qhia txog kev ua hauj lwm.Qhov no yog vim tias koj cov teev sij hawm yog raws li koj ncua kev ua hauj lwm tau zoo thiab IHSS Cov Lus Qhia Qhov Kev Ua Hauj Lwm Raws Teev.Yog tias daim foos SOC 293 tsis nyob hauv koj cov ntaub ntawv, tus neeg ua hauj lwm IHSS tuaj yeem luam tawm ntawm lub cheeb tsam nroog lub khoos phis tawm rau koj.Tsis tas li ntawd, nrhiav tus neeg ua hauj lwm IHSS cov ntawv sau tseg txog cov kev soj ntsuam xyuas thiab cov kev xam phaj hauv tsev.Yog tias koj tab tom ntsib rau kev txo los sis txiav tawm ntawm qhov kev pab cuam IHSS, thov cov ntawv luam theej ntawm koj daim ntawv ntsuam xyuas tshiab thiab qub hauv cheeb tsam nroog thiab koj daim foos SOC 293 tshiab thiab qub.Koj tuaj yeem thov theej cov ntaub ntawv hauv koj cov ntaub ntawv IHSS tau.

Tsis tas li ntawd, koj tseem tuaj yeem thov cov ntawv luam ntawm cov kws kho mob los sis cov ntaub ntawv kho mob thiab cov ntaub ntawv kho mob xwm ceev tsis ntev los no thiab yav dhau los hauv koj cov ntaub ntawv.Yog tias koj cov sij hawm IHSS raug txo, thov kom koj tus neeg ua hauj lwm hauv IHSS luam theej cov cai uas teev tseg hauv koj daim ntawv ceeb toom txog kev nqis tes ua cia.

Yog tias tus neeg ua hauj lwm tsis muab cov ntawv luam theej ntawm koj cov ntaub ntawv IHSS rau koj, qhia rau lawv tias koj muaj cai tshawb xyuas koj cov ntaub ntawv thiab tau txais cov ntawv theej.Koj tuaj yeem muab daim ntawv theej rau tus neeg lis hauj lwm Txhua Tsab Ntawv Hauv Cheeb Tsam Nroog (ACL) 18-52 “Tshaj Tawm ntawm Cov Kev Pab Cuam Txhawb Nqa Hauv Tsev (IHSS) Cov Ntaub Ntawv Teev Tseg rau Tus Neeg Thov Kev Pab/Tus Neeg Txais Kev Pab los sis Tus Neeg Sawv Cev Uas Tau Txais Kev Tso Cai” (Lub Tsib Hlis Ntuj Tim 9, 2018). Tsab ntawv no yog ceeb toom rau cov cheeb tsam nroog ntawm cov cai lij choj thiab cov cai uas txhawb nqa koj txoj cai nkag mus rau koj cov ntaub ntawv hauv IHSS nrog cov lus qhia txog txoj hau kev nkag mus rau cov ntaub ntawv.

Kauj Ruam 2 – Suav sau cov ntaub ntawv

1. Nug koj tus kws kho mob kom muab cov ntaub ntawv tam sim no hais txog koj cov kev txwv rau kev ua hauj lwm.Koj thiab koj tus kws kho mob yuav tsum tau tshab xyuas txhua yam ntaub ntawv uas tau muab rau lub cheeb tsam nroog, xyuas kom raug, thiab kho cov ua yuam kev.Koj tus kws kho mob yuav tsum tau piav qhia txog cov kev hloov pauv ntawm koj tus mob.Yog tias koj tus mob hloov pauv txhua hnub, koj tus kws kho mob yuav tsum txiav txim siab koj cov qib raws li koj cov hnub tsis zoo.Koj tus kws kho mob tuaj yeem siv Daim Ntawv Teev Kev Ua Hauj Lwm # 1 (Thov rau Cov Ntaub Ntawv Teev Tseg Txog Tus Neeg Mob Cov Kev Txwv Rau Kev Ua Hauj Lwm) los muab cov ntaub ntawv no.
2. Txiav txim siab tias seb koj yuav xav tau sij hawm npaum li cas los ua kom tiav txhua qhov kev pab cuam IHSS koj xav tau los ntawm kev ua tiav Daim Ntawv Teev Kev Ua Hauj Lwm #2, IHSS Daim Ntawv Teev Txog Kev Ntsuam Xyuas Tus Kheej.
3. Qhia kom meej txog koj cov kev saib xyuas xav tau uas yuav tsum tau nthuav tawm ntawm koj lub rooj sib hais ncaj ncees los ntawm kev ua kom tiav Daim Ntawv Teev Kev Ua Hauj Lwm #3, IHSS Daim Ntawv Teev Tus Qauv Kev Ntsuam Xyuas.

Kauj Ruam 3 – Tshab xyuas lub cheeb tsam nroog cov lus qhia txog txoj hauj lwm

Cheeb tsam nroog yuav tsum tau npaj kom txhij thiab muab ib daim ntawv sau rau Cheeb Tsam Nroog Daim Ntawv Qhia Txog Txoj Hauj Lwm yam tsawg kawg ob hnub ua hauj lwm ua ntej koj teem sij hawm rau lub rooj sib hais.Mus saib MPP tshooj. 22-073.25.Cheeb tsam nroog daim ntawv qhia txog txoj luag hauj lwm yog ib daim ntawv tseem ceeb uas qhia txog qhov tseeb ntawm rooj plaub thiab muab cov kev cai thiab cov pov thawj uas lub cheeb tsam nroog tso siab rau kom paub tseeb txog lawv qhov kev txiav txim.Cheeb tsam nroog kuj tseem yuav suav nrog cov npe ntawm cov neeg tim khawv uas cheeb tsam nroog ntawd npaj siab siv thaum sij hawm nyob hauv lub rooj sib hais.Feem ntau, tus neeg ua hauj lwm IHSS hauv cheeb tsam nroog yog tus tim khawv hauv cheeb tsam nroog uas yuav ua pov thawj ntawm lub rooj sib hais.Txhawm rau kom npaj txhij rau koj cov ntaub ntawv koj yuav tsum tau tshab xyuas cheeb tsam nroog cov lus qhia txog txoj hauj lwm ua ntej koj lub rooj sib hais.Yog hais tias cheeb tsam nroog daim ntawv qhia txog txoj hauj lwm muaj qhov tsis raug txog qhov tiag, koj tuaj yeem tiv tauj cheeb tsam nroog tus neeg lis hauj lwm fab kev thov kom rov txiav txim dua rau koj rooj plaub los sis sau cov npe ntawm qhov tsis raug thiab/los sis muab hais tawm rau tus kws txiav txim plaub thaum koj lub rooj sib hais.

Kauj Ruam 4 - Xa koj cov ntaub ntawv pov thawj ua ntej koj lub rooj sib hais

Koj yuav tsum xa txhua yam ntaub ntawv txhawb nqa koj txoj hauj lwm rau ntau cov teev sij hawm IHSS thiab/los sis cov kev pab cuam ua ntej koj lub rooj sib hais.Koj tuaj yeem xa cov ntawv theej ntawm cov foos uas koj cov kws kho mob sau teb rau thiab cov ntaub ntawv kho mob, cov ntawv teev, los sis cov ntaub ntawv sau tseg rau lub sij hawm los ua tiav qee yam hauj lwm los sis kev phom sij.

Yog tias koj tsis xa koj cov ntaub ntawv pov thawj ua ntej lub rooj sib hais, koj yuav tsum qhia rau Tus Kws Tswj Hwm Txiav Txim Plaub Ntug ("ALJ") koj muaj ntawv pov thawj uas koj xav xa.Yog tias nws yog ib lub rooj sib hais tim ntsej tim muag, koj tuaj yeem muab cov ntawv theej ntawm koj cov ntaub ntawv pov thawj rau tus kws txiav txim plaub thiab muab ib daim ntawv theej rau tus neeg ua hauj lwm fab kev thov rov txiav txim dua hauv cheeb tsam nroog.Yog tias koj muaj ib tus as khauj ACMS, koj tuaj yeem rub nkag cov ntaub ntawv mus rau ACMS.Tus kws txiav txim plaub ntug thiab tus neeg ua hauj lwm fab thov kom rov txiav txim dua hauv cheeb tsam nroog yuav nkag mus rau cov ntaub ntawv uas koj rub nkag rau ACMS.

Yog tias koj tsis tuaj yeem xa cov ntaub ntawv pov thawj ua ntej lub rooj sib hais yuav xaus, koj yuav tsum hais kom tus kws txiav txim kom qhib cov ntaub ntawv ntawm lub rooj sib hais cia.Yog tias tus kws txiav txim plaub pom zoo qhib cov ntaub ntawv tom qab lub rooj sib hais xaus, koj thiab yuav hais kom cheeb tsam nroog teeb hnub kawg los xa koj cov ntaub ntawv pov thawj.Koj yuav tsum xa koj cov ntaub ntawv pov thawj ua ntej hnub kawg uas tus kws txiav txim plaub tau teem tseg txhawm rau kom koj cov ntaub ntawv pov thawj raug txiav txim.

Kuv yuav ua li cas thiaj tau txais cheeb tsam nroog cov ntawv pov thawj ua ntej lub rooj sib hais?

Cheeb tsam nroog yuav tsum ua kom lawv cov lus qhia txog txoj hauj lwm muaj rau koj ob (2) hnub ua hauj lwm ua ntej koj teem lub rooj sib hais nyob rau hauv ib qho ntawm 3 txoj hau kev:

1. Kev Xa Ntaub Ntawv Hauv Es Lev Thos Nuv Muaj Kev Ruaj Ntseg Uas Tau Txais Kev Tso Cai
   Yog tias cheeb tsam nroog muaj peev xwm, tej zaum cheeb tsam nroog tuaj yeem xa daim ntawv qhia txog txoj hauj lwm hauv cheeb tsam nroog rau koj hauv es lev thos niv nkaus xwb yog tias:
   1. Koj tau tso cai rau cheeb tsam nroog kom tau txais daim ntawv qhia txoj hauj lwm, thiab
   2. Cheeb tsam nroog tuaj yeem ua raws li txhua txoj cai kev ceev ntiag tug hauv lub xeev thiab tsoom fwv hauv lawv li kev xa cov lus qhia txoj hauj lwm rau koj hauv es lev thos niv.
      Cheeb tsam nroog tsis tuaj yeem txiav txim siab xa cov ntaub ntawv txog daim ntawv qhia txoj hauj lwm hauv cheeb tsam rau koj hauv es lev thos niv tau yam tsis tau sab laj nrog koj ua ntej thiab tau txais kev tso cai los ntawm koj.Yog tias koj tsis tuaj yeem nkag mus tau rau lub khoos phis tawj muaj ruaj ntseg los sis muaj peev xwm luam tawm tau txoj hauj lwm, koj tuaj yeem xaiv tau daim ntawv luam theej (saib hauv qab).
2. Kev Xa Ntawv Zeeg Ib
   Cheeb tsam nroog tuaj yeem xa ib daim ntawv luam theej ntawm lawv daim ntawv qhia txoj hauj lwm rau koj los ntawm kev xa ntawv zeeg ib los ntawm Lub Chaw Xa Ntawv Hauv Teb Chaws Meskas.Cheeb tsam nroog yuav tsum xyuas kom xa daim ntawv qhia txoj hauj lwm ntxov txaus rau koj kom tau txais yam tsawg kawg ob hnub ua hauj lwm ua ntej lub rooj sib hais.Cheeb tsam nroog yuav xa cov ntaub ntawv thaum lawv tsis tau txais koj qhov kev tso cai kom tau txais cov ntaub ntawv hauv es lev thos niv los sis cheeb tsam nroog tsis tuaj yeem ua raws li txoj cai kev ceev ntiag tug hauv lub xeev thiab tsoom fwv hauv kev xa cov ntaub ntawv hauv es lev thos niv rau koj.
3. Daim Ntawv Luam Theej Ua Ntawv ntawm Lub Chaw Hauj Lwm Saib Xyuas Kev Noj Qab Nyob Zoo Hauv Cheeb Tsam Nroog
   Cheeb tsam nroog tuaj yeem luam ib daim ntawv theej ntawm lawv daim ntawv qhia txoj hauj lwm muaj nyob rau ntawm lub chaw hauj lwm saib xyuas kev noj qab haus huv hauv cheeb tsam nroog uas tsim nyog rau koj tuaj nqa.Tej zaum koj tuaj yeem tuaj nqa tau cov ntaub ntawv txhua lub sij hawm hauv cheeb tsam nroog cov sij hawm ua hauj lwm yam tsawg kawg ob hnub ua hauj lwm ua ntej hnub sib hais.
   Yog tias koj tsis tau txais daim ntawv qhia txog txoj hauj lwm hauv cheeb tsam nroog ob hnub ua ntej koj lub rooj sib hais, koj yuav tsum hu rau Feem Hauj Lwm Saib Xyuas Lub Rooj Sib Hais Hauv Xeev kom thov ncua (xws li, rov teem sij hawm) rau koj lub rooj sib hais.Tsis tas li ntawd, ntawm lub rooj sib hais tus kws txiav txim plaub yuav nug seb koj puas tau txais daim ntawv qhia txog txoj hauj lwm hauv cheeb tsam nroog ob hnub ua hauj lwm ua ntej lub rooj sib hais thiab.
   
   Yog tias koj tsis tau txais nws li ob hnub ua hauj lwm ua ntej, ces tus kws txiav txim plaub yuav nug seb koj puas xav ncua koj lub rooj sib hais rau lwm hnub kom koj tuaj yeem tshuaj xyuas thiab npaj txaus rau lub rooj sib hais.Qhov no xam hais tias yog kev ncua sij hawm rau qhov laj thawj zoo.

Kuv tuaj yeem thov kev pab txhais lus tau li cas?

Cheeb tsam nroog yuav tsum muab kev pab hais lus pub dawb rau koj thaum koj thov.Thaum koj tau txais cheeb tsam nroog daim ntawv qhia txoj hauj lwm lawm, koj kuj tseem yuav tau txais daim foos "Daim Ntawv Ceeb Toom ntawm Cov Kev Pab Cuam Txhais Lus-Hais Kev Ncaj Ncees" (GEN 1365A) uas piav qhia txog koj txoj cai kom muab koj cov ntaub ntawv nyeem rau koj ua hom lus koj nyiam.Tsis tas li ntawd, daim ntawv ceeb toom tseem yuav muaj lub npe ntawm tus neeg lis hauj lwm fab kev thov rov txiav txim dua uas tau muab rau koj rooj plaub thiab lawv tus xov tooj thiab.

Yog tias koj muaj kev paub lus Askiv tsis zoo vim hais tias lus Askiv tsis yog koj thawj hom lus, koj yuav tsum hu rau tus neeg lis hauj lwm fab kev thov rov txiav txim dua hauv rooj plaub los thov kom txhais lus txog ntawm lub nroog daim ntawv qhia txog txoj hauj lwm yam tsawg kawg ob hnub ua hauj lwm ua ntej koj teem sij hawm rau lub rooj sib hais.

Kuv tuaj yeem nrhiav tau cov cai hais txog IHSS nyob rau qhov twg?

Cov kev cai IHSS yog muaj nyob rau hauv Lub Chaw Pab Cuam Zej Tsoom Phau Ntawv Qhia Txog Txoj Cai thiab Cov Txheej Txheem (Department of Social Services' Manual of Policy and Procedures, MPP), Division 30.Nias rau qhov no rau IHSS cov cai. Muaj 4 qhov kev nkag rau Division 30 txoj cai.Hla thawj qhov kev nkag.IHSS cov cai pib txog li 5 nplooj ntawv mus rau qhov kev nkag thib ob, txuas ntxiv mus rau qhov nkag thib peb, thiab ua tiav hauv qhov nkag plaub.

Txhua tsab ntawv hauv cheeb tsam nroog yog cov lus qhia uas Lub Chaw Hauj Lwm Pab Cuam Zej Tsoom Hauv California xa mus rau cov cheeb tsam nroog.Cov ntawv no suav nrog ntau lub khoos kas hauv xeev.Tsuas yog ob peb yam yuav hais txog IHSS xwb.Nias rau qhov no rau Tsab Ntawv Hauv Txhua Lub Cheeb Tsam Nroog.

Cov ntaub ntawv ceeb toom txhua lub cheeb tsam nroog yog cov ntawv tshaj tawm uas Lub Hauj Lwm Pab Cuam Zej Tsoom hauv xeev xa mus rau cov cheeb tsam nroog.Cov ntawv ceeb toom muaj ntau cov khoos kas pab cuam.Tsuas yog ob peb yam yuav hais txog IHSS xwb.Nias rau no rau Cov Ntaub Ntawv Ceeb Toom Txhua Lub Cheeb Tsam Nroog.

Yuav muaj dab tsi tshwm sim ntawm lub rooj sib hais?

Lub cheeb tsam nroog nthuav qhia ua ntej thiab ua tim khawv txog tias vim li cas koj cov teev sij hawm raug txiav los sis vim li cas koj yuav tsum tsis muaj cov sij hawm ntxiv uas koj ntseeg tias koj xav tau.Yog hais tias lub cheeb tsam nroog txo koj cov sij hawm los sis tshem tawm ib qho kev pab cuam, xws li kev saib xyuas kev tiv thaiv, cheeb tsam nroog muaj lub luag hauj lwm ntawm kev qhia tias koj yuav tau txhim kho li cas los sis koj qhov xwm txheej hloov pauv li cas los sis cov xwm txheej txhais tau tias koj xav tau cov teev sij hawm tsawg dua.

Koj thiab lub cheeb tsam nroog tuaj yeem nthuav tawm kev muab cov lus cov ntaub ntawv pov thawj los ntawm cov neeg ua tim khawv, cov ntawv sau, cov ntawv teev tseg, cov ntawv teev lus, thiab cov ntaub ntawv tshaj tawm txog kev kho mob txog koj cov kev xav tau hauv txhua pawg kev pab cuam IHSS uas koj thiab lub cheeb tsam nroog tsis pom zoo.Koj cov ntaub ntawv pov thawj yuav tsum piav qhia:

• Yam kev pab cuam uas koj xav tau.
• Yuav siv sij hawm ntev npaum li cas los muab cov kev pab cuam.
• Yog vim li cas koj xav tau lub sij hawm ntau tshaj li qhov tau qhia hauv qhov kev ntsuam xyuas los sis cov lus qhia, thiab
• Dab tsi yog cov kev pheej hmoo uas twj zaum koj yuav tau txais kev cuam tshuam yog tias koj tsis tau txais cov kev pab cuam uas koj xav tau.

Lub rooj sib hais ncaj ncees ntawm IHSS yog tsis raws cai.Koj muaj cai los xaiv seb koj xav mus koom koj lub rooj sib hais li cas - hauv xov tooj, kev sib tham hauv vis dis aus, los sis tim ntsej tim muag ntawm lub chaw hauj lwm Saib Xyuas Kev Noj Qab Haus Huv Hauv Cheeb Tsam Nroog.Koj yuav tsum hu rau Feem Hauj Lwm Saib Xyuas Lub Rooj Sib Hais Hauv Xeev yog tias koj xav kom mus koom koj lub rooj sib hais yam tim ntsej tim muag los sis los ntawm kev sib tham hauv vis dis aus.Yog tias koj xaiv kom muaj ib lub rooj sib hais tim ntsej tim muag, koj yuav zaum nyob ntawm lub rooj - tsis yog nyob hauv chav tsev hais plaub.

Txawm hais tias lub rooj sib hais yog ua tim ntsej tim muag, hauv xov tooj, los sis kev sib tham hauv vis dis aus los xij, nws yog ib qho tseem ceeb uas koj yuav tsum piav qhia tias vim li cas koj thiaj li xav tau sij hawm, los sis lub sij hawm ntau ntxiv, rau ib qho kev pab cuam IHSS twg.Cov ntaub ntawv pov thawj zoo tshaj plaws yog los ntawm cov neeg uas muab kev saib xyuas rau koj thiab muaj cov ntaub ntawv teev tseg txhua hnub ntawm lub sij hawm nws yuav siv los ua kom tiav txoj hauj lwm IHSS.Tej zaum cov ua tim khawv yuav suav nrog koj, cov kws muab kev pab cuam IHSS yav dhau los thiab tam sim no, tus neeg lis hauj lwm pab cuam hauv cheeb tsam, cov phooj ywg, tsev neeg, thiab lwm tus nrog cov ntaub ntawv uas tus kws txiav txim xav tau.Rau txhua tus neeg tim khawv, sau cov ntsiab lus uas koj xav kom tus neeg tim khawv ntawd ua thiab hla dhau txhua lub ntsiab lus raws li nws tau ua.

Yuav muaj dab tsi tshwm sim tom qab lub rooj sib hais ncaj ncees hauv xeev?

Qee lub sij hawm tom qab cov ntsiab lus xaus ntawm koj lub rooj sib hais, Feem Hauj Lwm Saib Xyuas Lub Rooj Sib Hais Hauv Xeev yuav xa ntawv tuaj rau koj rau Tus Kws Tswj Hwm Txiav Txim Plaub Ntug qhov kev txiav txim plaub ntug.Tsis tas li ntawd, qhov kev txiav txim kuj tseem raug muab rub nkag mus rau koj cov ntaub ntawv hauv ACMS thiab.

Yuav ua li cas yog kuv poob rau kuv lub rooj sib hais ncaj ncees hauv xeev?

Yog tias koj tau txais kev txiav txim siab tsis raws xav, koj muaj ob txoj kev xaiv.Koj tuaj yeem thov rau ib lub rooj thov rov siab hais dua.Koj kuj tseem tuaj yeem thov rov kom rov hais dua rau qhov kev txiav txim siab los ntawm kev ua Lub Tsev Hais Plaub Daim Ntawv Xaj Tswj Hwm.

1.Thov rau Kev Rov Sib Hais Dua

Thaum koj xa daim ntawv thov kom rov hais dua, koj tab tom thov Feem Hauj Lwm Saib Xyuas Lub Rooj Sib Hais Hauv Xeev rau ib lub rooj sib hais tshiab vim lub rooj sib hais tsis muaj kev ncaj ncees los sis tsis txaus, qhov kev txiav txim yog raug cai thiab/los sis tsis raug raws qhov tseeb, los sis ob qho tib si.Tag nrho tus neeg thov thiab lub cheeb tsam nroog tuaj yeem thov ib lub rooj rov hais dua tom qab tau txais tsab ntawv txiav txim.

Koj muaj sij hawm 30 hnub txij li hnub koj tau txais qhov kev txiav txim plaub ntug txiav txim uas tau tso tawm los xa koj qhov kev thov rau ib qho kev rov hais dua mus rau Feem Hauj Lwm Saib Xyuas Lub Rooj Sib Hais Hauv Xeev.Welf.& Inst.Txoj Cai § 10960(a).Yuav muab ib daim ntawv theej ntawm daim ntawv thov rau kev rov hais dua rau lwm tog neeg rau lub rooj sib hais, piv txwv li, lub cheeb tsam nroog, thiab lawv muaj sij hawm tsib (5) hnub los ua cov lus teb txhawb nqa los sis tawm tsam rau qhov kev thov.MPP § 22-065.21-.211.Feem Hauj Lwm Saib Xyuas Lub Rooj Sib Hais Hauv Xeev muaj sij hawm 35 hnub ua hauj lwm los muab cov lus teb rau koj qhov kev thov rau qhov kev rov hais dua.Txawm li cas los xij, nws tsis yog qhov txawv txav rau Lub Rooj Sib Hais Hauv Xeev yuav siv sij hawm ntau dua 35 hnub ua hauj lwm los muab qhov kev txiav txim rau koj qhov kev thov kom rov hais dua.Yog tias qhov no tshwm sim, tiv tauj rau Feem Hauj Lwm Saib Xyuas Lub Rooj Sib Hais Hauv Xeev kom ua raws li koj qhov kev thov kom rov hais dua.

Raws li Txoj Cai Tswj Xyuas Kev Noj Qab Nyob Zoo thiab Cov Chaw § 10960(b), (b) lub hauv paus rau kev thov kom rov hais dua yog raws li nram no:

1. Yog tias qhov kev txiav txim uas tau txais tsis raug cai lij choj.
2. Yog tias qhov kev txiav txim siab uas tau txais yuav tsis tau txais kev txhawb nqa los ntawm cov pov thawj hauv cov ntaub ntawv.
3. Yog tias qhov kev txiav txim siab uas tau txais tsis txhawb nqa los ntawm cov kev tshawb tau.
4. Yog tias qhov kev txiav txim siab uas tau txais hais daws tsis tau tag nrho cov lus thov los sis cov teeb meem uas tau hais los ntawm ob tog.
5. Yog tias qhov kev txiav txim siab uas tau txais daws tsis tau tag nrho cov lus thov los sis cov teeb meem uas tau txais kev txhawb nqa los ntawm cov ntaub ntawv teev tseg los sis cov pov thawj.
6. Yog tias qhov kev txiav txim siab uas tau txais tsis tau tsim cov ntaub ntawv txaus los txiav txim siab lub hauv paus rau nws qhov kev txiav txim raws cai.
7. Cov ntaub ntawv pov thawj uas tshawb pom tshiab, uas tsis nyob hauv kev saib xyuas los sis muaj rau tog neeg thov kom rov hais dua thaum lub sij hawm ua rooj sib hais, muaj cov pov thawj tam sim no muaj thiab cov pov thawj tshiab, yog tias tau qhia txog nws, tuaj yeem hloov qhov kev txiav txim plaub ntug tau.
8. Rau lwm yam laj thawj uas tsim nyog los tiv thaiv kev tsim txom ntawm kev txiav txim tsis raug los sis kev ua yuam kev rau ntawm txoj cai lij choj, los sis rau lwm qhov laj thawj raws li § 1094.5 ntawm Cov Txheej Txheem Txoj Cai ntawm Pej Xeem.

Koj tuaj yeem nrhiav pom cov ntaub ntawv ntau ntxiv hais txog kev thov kom rov hais dua los ntawm kev tshuaj xyuas Feem Hauj Lwm Saib Xyuas Lub Rooj Sib Hais Hauv Xeev Cov Qauv Cai Kev Tshab Xyuas Kev Rov Hais Dua ntawm lawv lub vev xaib.

2.Ua Lub Tsev Hais Plaub Daim Ntawv Xaj Tswj Hwm

Koj muaj sij hawm ib (1) xyoo txij li hnub uas tau tshaj tawm qhov kev txiav txim lub rooj sib hais los mus ua ntawv thov ib qho kev thov kom rov txiav txim dua hauv lub Tsev Hais Plaub Theem Siab.Txhawm rau thov kom rov txiav txim dua, koj yuav tsum tau ua daim ntawv Cov Txheej Txheem Txoj Cai ntawm Pej Xeem § 1094.5 Ua Lub Tsev Hais Plaub Daim Ntawv Xaj Tswj Hwm.Txoj cai tswj fwm yog txoj cai lij choj uas ua rau tus neeg foob tuaj yeem tawm tsam kev txiav txim tau tom qab kev txiav txim plaub ntug uas lub koom haum ua hauj lwm los nrhiav qhov tseeb.Muaj cov nqi ua ntaub ntawv uas cuam tshuam nrog kev xa daim ntawv thov rov txiav txim dua hauv Lub Tsev Hais Plaub Theem Siab, txawm li cas los xij, koj tuaj yeem thov kom lub tsev hais plaub zam cov nqi ua ntawv foob yog tias koj tau txais cov txiaj ntsig pab cuam pej xeem xws li Medi-Cal, Cov Kev Pab Cuam Txhawb Nqa Hauv Tsev (IHSS), CalFresh, Kev Pab Cuam Feem Dav, Kev Ruaj Ntseg Rau Zej Tsoom Ntxiv (SSI), thiab/los sis Lub Khoos Kas Pab Cuam Nyiaj rau Cov Neeg Tsiv Teb Chaws (CAPI).

Peb pom zoo kom koj sab laj nrog koj tus kws lij choj rau kev tawm tswv yim txog fab kev cai lij choj ntawm koj tus kheej rooj plaub.Koj tuaj yeem tiv tauj rau California Lub Chaw Saib Xyuas Txoj Cai Rau Cov Neeg Xiam Oob Qhab thiab/los sis koj lub koom haum pab cuam fab kev cai lij choj hauv cheeb tsam kom tau txais cov lus qhia txog kev cai lij choj.

Txoj hau kev siv Daim Ntawv Ua Hauj Lwm #2 - IHSS Daim Ntawv Ntsuam Xyuas Tus Kheej

Txhawm rau sau lub sij hawm koj xav ua kom tiav txhua txoj hauj lwm, sau lub sij hawm pib, sij hawm ua tiav, thiab tag nrho cov sij hawm thiab cov feeb rau txhua qhov kev pab cuam.Nco ntsoov cim tseg tias koj xav tau sij hawm ntau dua li qhov tau txais kev tso cai raws li cov lus qhia ua hauj lwm ua ib teev thiab piav qhia tias vim li cas.Koj yuav tsum ua kom tiav daim ntawv qhia no los npaj kom txaus txaus rau koj lub rooj sib hais.Thaum ua tiav lawm, koj qhov kev ntsuas tus kheej yog koj cov ntaub ntawv pov thawj txog lub sij hawm koj xav tau ua kom tiav txhua txoj hauj lwm IHSS uas koj xav tau kev pab.

Yog tias koj yuav tsum mus rau lub rooj sib hais thiab nyob rau pem hauv ntej ntawm tus kws txiav txim plaub ntug raws cai los sis koj tab tom sib tham nrog tus neeg sawv cev ntawm lub rooj sib tham hauv cheeb tsam nroog, koj xav qhia cov pov thawj uas ntseeg tau (xws li IHSS Daim Ntawv Ntsuam Xyuas Tus Kheej) txog lub sij hawm nws siv sij hawm ntev li cas rau txhua qhov kev pab cuam IHSS uas koj xav tau.Xav tseg thiab kwv yees txog lub sij hawm koj xav tau ntau npaum li cas rau txhua qhov kev pab cuam yuav tsis muaj txiaj ntsig zoo rau koj ntawm koj lub rooj sib hais.Qhov no yog vim yog tias koj muaj cai rau lub sij hawm uas xav tau los ua kom tiav txhua qhov kev pab cuam IHSS uas koj xav tau los pab.Koj tsis muaj cai tau txais lub sij hawm kwv yees los sis lub sij hawm koj xav los sis kwv yees koj xav tau ua kom tiav txhua qhov kev pab cuam IHSS.

Txoj Hau Kev Siv Daim Ntawv Ua Hauj Lwm #3 - IHSS Daim Ntawv Teev Tus Qauv Kev Ntsuam Xyuas:

Kauj Ruam 1 – Txheeb xyuas qib tsim nyog, raws li koj tus kws kho mob tau txiav txim, rau txhua txoj hauj lwm ntawm Daim Ntawv Ua Hauj Lwm #3.Txhawm rau ua qhov kev xa cov ntaub ntawv no hais txog koj cov kev txwv rau kev ua hauj lwm los ntawm Daim Ntawv Ua Haujlwm # 1, Thov kom Cov Ntaub Ntawv Los Teev Tseg Txog Tus Neeg Mob Cov Kev Txwv Rau Kev Ua Hauj Lwm, mus rau Daim Ntawv Ua Hauj Lwm # 3, IHSS Daim Ntawv Teev Tus Qauv Kev Ntsuam Xyuas.

Kauj Ruam 2 – Teev seb koj xav tau sij hawm npaum li cas los ua kom tiav txhua qhov kev pab cuam IHSS uas koj xav kom pab.Txhawm rau ua qhov no, xa cov ntaub ntawv hais txog sij hawm npaum li cas uas koj yuav tsum ua kom tiav txhua qhov kev pab cuam IHSS koj xav tau kev pab cuam los ntawm Daim Ntawv Ua Hauj Lwm # 2, IHSS Daim Ntawv Ntsuam Xyuas Tus Kheej, mus rau Daim Ntawv Ua Hauj Lwm # 3, IHSS Daim Ntawv Qhia Txog Tus Qauv Kev Ntsuam Xyuas.Yog tias koj xav tau sij hawm ntau dua li qhov tau txais kev tso cai raws li koj qib, kos lub npov "xav tau" thiab piav qhia vim li cas koj xav tau sij hawm ntau ntxiv.