សលាកបត្រព័ត៌មានស្តីពីការរើសអើងលើពិការភាពបុគ្គលិករដ្ឋាភិបាលសហព័ន្ធ
សលាកបត្រព័ត៌មានស្តីពីការរើសអើងលើពិការភាពបុគ្គលិករដ្ឋាភិបាលសហព័ន្ធ
ច្បាប់តម្រូវឱ្យនិយោជកសហព័ន្ធដើម្បីសម្រួលដល់ពិការភាពរបស់អ្នក។ ហាងស្រានេះផ្តល់ឱ្យអ្នកនូវសំបុត្រគំរូមួយដើម្បីសុំមួយ។ វាមានលិខិតគំរូសម្រាប់វេជ្ជបណ្ឌិតរបស់អ្នក។ វាប្រាប់អ្នកពីអ្វីដែលត្រូវធ្វើប្រសិនបើនិយោជកសហព័ន្ធរបស់អ្នកនឹងមិនផ្តល់ឱ្យអ្នកនូវកន្លែងស្នាក់នៅសម្រាប់ពិការភាពរបស់អ្នក ដូច្នេះអ្នកអាចធ្វើការងាររបស់អ្នក។
ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។
ការរើសអើងលើពិការភាព
មាត្រា 504 នៃច្បាប់ស្តារនីតិសម្បទាឆ្នាំ 1973 ហាមឃាត់រដ្ឋាភិបាលសហព័ន្ធមិនឲ្យរើសអើងបុគ្គលិកដោយឈរលើមូលដ្ឋានពិការភាពឡើយ។ ការរើសអើង រួមបញ្ចូលនូវការប្រព្រឹត្តិពុំស្មើភាព ការសងសឹក និងការបំពារបំពានចំពោះបុគ្គលិក និងអ្នកដាក់ពាក្យសុំការងារដែលមានពិការភាព ក៏ដូចជាការខកខានក្នុងការផ្តល់ជូននូវការកែសម្រួលសមស្រប ("ដំណោះស្រាយសមស្រប”) ចំពោះការអនុវត្តការងារ គោលនយោបាយ ឬលក្ខខណ្ឌកន្លែងការងាររបស់និយោជក ដើម្បីផ្តល់ដំណោះស្រាយលើបញ្ហាពិការភាពរបស់និយោជិត ឬអ្នកដាក់ពាក្យសុំ។ ដំណោះស្រាយ ឬការកែសម្រួលណាមួយអាចមានលក្ខណៈសមស្របឬអត់នោះ គឺវាអាស្រ័យលើស្ថានភាពជាក់លាក់ និងប្រភេទនៃការងារពាក់ព័ន្ធ។ ដំណោះស្រាយនិងការកែសម្រួលសមស្រប ពុំអាចដាក់បន្ទុកធ្ងន់ធ្ងរ (ការលំបាកខ្លាំង ឬការចំណាយច្រើន) ដល់និយោជកនោះទេ។ គំរូលិខិតដើម្បីស្នើសុំដំណោះស្រាយសមស្រប និងគំរូលិខិតគាំទ្រពីអ្នកជំនាញព្យាបាល គឺមាននៅខាងក្រោម។
ខាងក្រោមនេះ គឺជាធនធាននានាដើម្បីសិក្សាស្វែងយល់បន្ថែមអំពីការរើសអើងលើពិការភាព និងដំណោះស្រាយសមស្របនៅក្នុងការងារ៖
- គេហទំព័រគណៈកម្មការសម្រាប់ឱកាសស្មើភាពគ្នារបស់សហរដ្ឋអាមេរិក (U.S. Equal Opportunity Commission (EEOC))៖ http://www.eeoc.gov/laws/types/disability.cfm
- គេហទំព័របណ្តាញដំណោះស្រាយការងារ (Job Accommodations Network) សម្រាប់ព័ត៌មានអំពីដំណោះស្រាយក្នុងការងារ៖ http://askjan.org
- ជំនួយផ្លូវច្បាប់នៅគេហទំព័រការងារសម្រាប់ធនធាននានា និងតំណាងផ្នែកផ្លូវច្បាប់៖ https://legalaidatwork.org/
ស្វ័យតស៊ូមតិ
ប្រសិនបើអ្នកជឿជាក់ថា អ្នកត្រូវបានគេរើសអើង អ្នកអាចដាក់បណ្តឹងរដ្ឋបាល (ឬ “បទល្មើសរដ្ឋបាល”) នៅការិយាល័យតំណាងនៃគណៈកម្មការសម្រាប់ឱកាសការងារស្មើភាពគ្នា (Equal Employment Opportunity Commission (EEOC))។ អ្នកត្រូវដាក់បណ្តឹងរដ្ឋបាលមួយច្បាប់ និងត្រូវមាន “លិខិតបញ្ជាក់សិទ្ធិដាក់ពាក្យប្តឹង” ពី EEOC មុនពេលដែលអ្នកអាចដាក់បណ្តឹងសម្រាប់ករណីនៃការរើសអើងលើពិការភាពនៅតុលាការសហព័ន្ធបាន។
ក្នុងនាមជាបុគ្គលិកសហព័ន្ធ អ្នកត្រូវទំនាក់ទំនងទៅកាន់មេធាវីនៃគណៈកម្មការសម្រាប់ឱកាសការងារស្មើភាពគ្នា (EEOC) នៅទីភ្នាក់ងារដែលអ្នកបានបំពេញការងារ ក្នុងរយៈពេល 45 ថ្ងៃ គិតចាប់ពីថ្ងៃដែលមានអំពើរើសអើងនោះបានកើតឡើង។ មេធាវីរបស់ EEO នឹងផ្តល់ជម្រើសដល់អ្នកក្នុងការចូលរួមក្នុងការប្រឹក្សាយោបល់ជាមួយ EEO ឬកម្មវិធីដំណោះស្រាយវិវាទតាមជម្រើសផ្សេងៗ។ ប្រសិនបើអ្នកពុំអាចដោះស្រាយវិវាទបានតាមរយៈជម្រើសទាំងអស់ទាំងនេះទេ ដូចនេះអ្នកមានពេល 15 ថ្ងៃ ដើម្បីដាក់បណ្តឹងផ្លូវការនៅការិយាល័យ EEO។ សម្រាប់ព័ត៌មានលម្អិតបន្ថែមស្តីពីដំណើរការនេះ អាចស្វែងរកបាននៅទីនេះ៖ https://www.eeoc.gov/federal/fed_employees/complaint_overview.cfm
បណ្តឹងវិវាទ
ការបំពានច្បាប់ដែលបានពិភាក្សាខាងលើ អាចត្រូវបានអនុវត្តតាមរយៈបណ្តឹងឯកជន។ សូមមេត្តាជ្រាបថា អាជ្ញាយុកាលកំណត់ពេលវេលាសម្រាប់ការដាក់បណ្តឹងវិវាទនេះ ហេតុដូចនេះ អ្នកអាចបាត់បង់ឱកាសក្នុងការទាមទារ ប្រសិនបើអ្នកពុំបានចាត់វិធានការក្នុងពេលនៃអាជ្ញាយុកាលដែលមានជាធរមាននេះ។ ប្រសិនបើអ្នកចង់បន្តដាក់បណ្តឹងវិវាទ អ្នកគប្បីប្រឹក្សាយោបល់ជាមួយមេធាវីណាម្នាក់ឲ្យបានឆាប់តាមដែលអាចធ្វើទៅបាន។
គំរូលិខិតដើម្បីស្នើសុំដំណោះស្រាយសមស្របណាមួយ
[កាលបរិច្ឆេទ]
ជូនចំពោះ [________]៖
ខ្ញុំបាទ/នាងខ្ញុំសរសេរលិខិតនេះដើម្បីស្នើសុំដំណោះស្រាយសមស្របណាមួយសម្រាប់បញ្ហាពិការភាពរបស់ខ្ញុំ។ ខ្ញុំបាទ/នាងខ្ញុំ [ជានិយោជិតនៅ/កំពុងដាក់ពាក្យសុំធ្វើការនៅ] [ឈ្មោះទីភ្នាក់ងារ]។ ដោយសារបញ្ហាពិការភាពរបស់ខ្ញុំ ខ្ញុំត្រូវការដំណោះស្រាយដូចតទៅនេះ៖ [ចំណុចនៃដំណោះស្រាយ]។ [គ្រូពេទ្យ/គ្រូពេទ្យផ្នែកសរសៃប្រសាទ/អ្នកចិត្តសាស្រ្ត/គ្រូពេទ្យព្យាបាល/បុគ្គលិកសង្គមកិច្ច/គ្រូពេទ្យព្យាបាលសប្បទាវិជ្ជាជីវៈ/បុគ្គលដទៃផ្សេងទៀត (សូមរៀបរាប់)] របស់ខ្ញុំ បានកំណត់ថា ដំណោះស្រាយ/ការកែសម្រួលទាំងអស់នេះ មានសារៈសំខាន់ចាំបាច់ដើម្បីជួយដោះស្រាយបញ្ហាពិការភាពរបស់ខ្ញុំ។ សូមពិនិត្យមើលលិខិតភ្ជាប់ជូនពី [ឈ្មោះវេជ្ជបណ្ឌិត ឬអ្នកជំនាញ]។
ច្បាប់សហព័ន្ធនិងច្បាប់រដ្ឋ តម្រូវឲ្យនិយោជកផ្តល់ដំណោះស្រាយជូនដល់និយោជិតនិងអ្នកដាក់ពាក្យសុំដែលមានពិការភាព។ សូមឆ្លើយតបចំពោះសំណើនេះត្រឹម [កាលបរិច្ឆេទ]។ សូមទាក់ទងមកកាន់ខ្ញុំតាមរយៈលេខ [លេខទូរសព្ទរបស់អ្នក និង/ឬអាសយដ្ឋានអ៊ីម៉ែល] ប្រសិនបើអ្នកមានសំណួរណាមួយ។ សូមអរគុណ។
ដោយសេចក្តីគោរពអំពីខ្ញុំ
[ឈ្មោះរបស់អ្នក]
[អាសយដ្ឋានរបស់អ្នក]
គំរូលិខិតគាំទ្រ
[កាលបរិច្ឆេទ]
ជូនចំពោះ [_______]៖
ខ្ញុំគឺជា [គ្រូពេទ្យ/គ្រូពេទ្យផ្នែកសរសៃប្រសាទ/អ្នកចិត្តសាស្រ្ត/គ្រូពេទ្យព្យាបាល/បុគ្គលិកសង្គមកិច្ច/គ្រូពេទ្យព្យាបាលសម្បទាវិជ្ជាជីវៈ] សម្រាប់ [ឈ្មោះ] ហើយខ្ញុំបានដឹងអំពីស្ថានភាពរបស់គាត់។ គាត់មានពិការភាព ដែលបង្កឲ្យមានបញ្ហាមិនអាចបំពេញមុខងារមួយចំនួនបាន។ បញ្ហាទាំងនេះ រួមមាន [រៀបរាប់ពីបញ្ហាមិនអាចបំពេញមុខងារបាន ដែលតម្រូវឲ្យមានដំណោះស្រាយដែលបានស្នើសុំនេះ]។
[ដំណោះស្រាយដែលបានស្នើសុំ] គឺមានភាពចាំបាច់សម្រាប់ [ឈ្មោះ] ដើម្បី [ធ្វើការងារនៅ/ដាក់ពាក្យសុំការងារនៅ] [និយោជក]។ [រៀបរាប់ថាតើដំណោះស្រាយនេះ នឹងជួយឬគាំទ្រដល់បុគ្គលនោះយ៉ាងដូចម្តេចខ្លះ]។
សូមអរគុណសម្រាប់ការផ្តល់ដំណោះស្រាយសមស្របសម្រាប់ [ឈ្មោះ]។
ដោយសេចក្តីគោរពអំពីខ្ញុំ