សិទ្ធិទទួលបានអត្ថប្រយោជន៍តំហែទាំសុខភាពទាន់ពេលវេលា
សិទ្ធិទទួលបានអត្ថប្រយោជន៍តំហែទាំសុខភាពទាន់ពេលវេលា
ច្បាប់រដ្ឋកាលីហ្វ័រញ៉ា និយាយថា គម្រោងគ្រប់គ្រងសេវាតំហែទាំសុខភាពត្រូវតែធ្វើឲ្យប្រាកដប្រជាថា អ្នកបានទទួលសិទ្ធិប្រើប្រាស់សេវាតំហែទាំសុខភាពក្នុងលក្ខណៈទាន់ពេលវេលា។
ច្បាប់រដ្ឋកាលីហ្វ័រញ៉ា និយាយថា គម្រោងគ្រប់គ្រងសេវាតំហែទាំសុខភាពត្រូវតែធ្វើឲ្យប្រាកដប្រជាថា អ្នកបានទទួលសិទ្ធិប្រើប្រាស់សេវាតំហែទាំសុខភាពក្នុងលក្ខណៈទាន់ពេលវេលា។1 ខាងក្រោមនេះ គឺជាក្របខណ្ឌពេលវេលាសម្រាប់ការទទួលបានសេវាតំហែទាំព្យាបាល:
ប្រភេទនៃការណាត់ជួប & ក្របខណ្ឌពេលវេលា
- ការណាត់ជួបដែលមិនមែនជាករណីបន្ទាន់ជាមួយនឹងវេជ្ជបណ្ឌិតតំហែទាំសុខភាពអ្នកក្នុងរយៈពេល 10 ថ្ងៃធ្វើការក្រោយការដាក់សំណើរបស់អ្នក។*
- ការណាត់ជួបដែលមិនមែនជាករណីបន្ទាន់ជាមួយនឹងគ្រូពេទ្យឯកទេសក្នុងរយៈពេល 15 ថ្ងៃធ្វើការក្រោយការដាក់សំណើរបស់អ្នក។*
- ការណាត់ជួបដែលមិនមែនជាករណីបន្ទាន់សម្រាប់សេវាបន្ទាប់បន្សំ (ការថតកាំរស្មីអ៊ិច...ជាដើម) ដើម្បីធ្វើរោគវិនិច្ឆ័យ ឬព្យាបាលរបួស ជម្ងឺ ឬលក្ខខណ្ឌសុខភាពផ្សេងទៀតក្នុងរយៈពេល 15 ថ្ងៃធ្វើការក្រោយការដាក់សំណើរបស់អ្នក។*
- ការណាត់ជួបដែលមិនមែនជាករណីបន្ទាន់ជាមួយនឹងអ្នកផ្ដល់សេវាសុខភាពផ្លូវចិត្តដែលមិនមែនជាគ្រូពេទ្យក្នុងរយៈពេល 10 ថ្ងៃធ្វើការក្រោយការដាក់សំណើរបស់អ្នក។*
- ការណាត់ជួបដែលជាករណីបន្ទាន់ដែលមិនចាំបាច់ត្រូវការការឯកភាពជាមុន ក្នុងរយៈពេល 48 ថ្ងៃធ្វើការក្រោយការដាក់សំណើរបស់អ្នក។
- ការណាត់ជួបដែលជាករណីបន្ទាន់ដែលចាំបាច់ត្រូវមានការឯកភាពជាមុន ក្នុងរយៈពេល 96 ថ្ងៃធ្វើការក្រោយការដាក់សំណើរបស់អ្នក។
ពេលរង់ចាំទូរសព្ទ
សិទ្ធិហៅទូរសព្ទ 24 ម៉ោងក្នុងមួយថ្ងៃ (7 ថ្ងៃក្នុងមួយសប្ដាហ៍) ដើម្បីនិយាយជាមួយនឹងគ្រូពេទ្យអាជីពផ្នែកសុខភាពដើម្បីកំណត់កម្រិតអាទិភាពនៃតម្រូវការសេវាវេជ្ជសាស្ត្ររបស់អ្នក។ រយៈពេលរង់ចាំមិនអាចលើសពី 30 នាទីបានទេ។
ហៅទូរសព្ទទាក់ទងទៅផ្នែកអតិថិជននៅក្នុងម៉ោងធ្វើការធម្មតា។ រយៈពេលរង់ចាំមិនអាចលើសពី 10 នាទីបានទេ។
ការលើកលែង
*ការថែទាំព្យាបាលបង្ការ និងការថែទាំព្យាបាលតាមដានជម្ងឺតាមរបបទៀងកំណត់ពេល។
*អាចមានការពន្យាពេលរង់ចាំសម្រាប់ការណាត់ជួបបាន បើគ្រូពេទ្យតំហែទាំសុខភាពអ្នកកំណត់ ឬបញ្ជាក់ថា រយៈពេលរង់ចាំកាន់តែយូរនឹងមិនមានអន្តរាយដល់សុខភាពអ្នក។
វេជ្ជបណ្ឌិតតំហែទាំសុខភាពបឋមរបស់អ្នក អាចស្នើឲ្យអ្នកណាត់ជួបជាមួយនឹងវេជ្ជបណ្ឌិតតំហែទាំសុខភាព អ្នកហ្វឹកហាត់ជំនាញគិលានុប្បដ្ឋាក ឬជំនួយការគ្រូពេទ្យម្នាក់នៅថ្ងៃដដែល ឬបន្ទាប់ដោយរាប់ចាប់ពីពេលដែលអ្នកស្នើសុំការណាត់ជួបមួយបាន។ នេះគេហៅថា៖ “សិទ្ធិកម្រិតខ្ពស់”។ បើអ្នកមិនចង់ឲ្យមានការណាត់ជួបនេះទេ នឹងមានការដាក់កំណត់ការណាត់ជួបរបស់អ្នកនៅកាលបរិច្ឆេទក្រោយទៀត។
តើវានឹងយ៉ាងដូចម្ដេចដែរ ក្នុងករណីដែលគ្មានអ្នកផ្ដល់សេវា ឬគ្រូពេទ្យគ្រប់គ្រាន់នៅតាមតំបន់អ្នក?
ច្បាប់នេះនិយាយថា បើក្នុងករណីដែលអ្នកមិនអាចទទួលបានការណាត់ជួបទាន់ពេលវេលានៅតាមតំបន់របស់អ្នកដោយសារតែគ្មានអ្នកផ្ដល់សេវាកម្ម ឬគ្រូពេទ្យគ្រប់គ្រាន់ទេនោះ ពេលនោះគម្រោងសុខភាពរបស់អ្នកត្រូវតែជួយឲ្យអ្នកមានការណាត់ជួបជាមួយនឹងប្រភេទអ្នកផ្ដល់សេវា ឬគ្រូពេទ្យដែលត្រឹមត្រូវ។
អ្វីដែលអ្នកអាចនឹងធ្វើបាន ក្នុងករណីដែលអ្នកមិនទទួលបានសិទ្ធិប្រើប្រាស់សេវាកម្មទាន់ពេលវេលា:
- ប្ដឹងតវ៉ាទៅគម្រោងសុខភាបរបស់អ្នក។
- ដាក់ពាក្យបណ្ដឹងតាមរយៈការហៅទៅបណ្ដាញទូរសព្ទជំនួយ (ទូរសព្ទឥតគិតថ្លៃ) នៅផ្នែកគ្រប់គ្រងសេវាតំហែទាំសុខភាពដែលមានលេខ (888) 466-2219, TDD: (877) 688-9891 ឬ http://www.dmhc.ca.gov/fileacomplaint.aspx#.Vvlk6tIrKUk
- ហៅទៅបណ្ដាញទូរសព្ទជំនួយ (ទូរសព្ទឥតគិតថ្លៃ) របស់គ្រោងការណ៍ការពារ & គាំទ្រនៃរដ្ឋកាលីហ្វ័រញ៉ាដែលមានលេខ (800) 776-5746, TTY (800) 719-5798 ឬវិបសាយដែលមានអាសយដ្ឋាន http://www.disabilityrightsca.org
ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។
- 1. ផ្នែកទី 1367.03 នៃក្រមច្បាប់សុខភាព និងសុវត្ថិភាពនៃរដ្ឋកាលីហ្វ័រញ៉ា។ ចំណងជើងទី 28 នៃបញ្ញត្តិច្បាប់រដ្ឋកាលីហ្វ័រញ៉ា (ផ្នែក 1300.67.2.2)។ បញ្ញត្តិច្បាប់ទាំងនេះ ក៏មានរូមបញ្ចូលផងដែរនូវការពិនិត្យភ្នែក ធ្មេញ និងតំហែទាំព្យាបាលផ្សេងទៀតដែរ។ លើសពីនេះ មើលទំព័រតាមតំណ http://wpso.dmhc.ca.gov/regulations/docs/13CCRP.pdf។