ການເຂົ້າເຖິງການດູແລທາງການແພດຢ່າງທັນເວລາ
ການເຂົ້າເຖິງການດູແລທາງການແພດຢ່າງທັນເວລາ
ກົດໝາຍລັດຄາລິຟໍເນັຍບອກວ່າ ແຜນການດູແລແບບມີການຄຸ້ມຄອງຕ້ອງຮັບປະກັນໃຫ້ທ່ານໄດ້ຮັບການເຂົ້າເຖິງການດູແລເບິ່ງແຍງສຸຂະພາບຢ່າງທ່ວງທັນເວລາ.
ກົດໝາຍລັດຄາລິຟໍເນັຍບອກວ່າ ແຜນການດູແລແບບມີການຄຸ້ມຄອງຕ້ອງຮັບປະກັນໃຫ້ທ່ານໄດ້ຮັບການເຂົ້າເຖິງການດູແລເບິ່ງແຍງສຸຂະພາບຢ່າງທ່ວງທັນເວລາ.1 ສິ່ງຕໍ່ໄປນີ້ແມ່ນາຂອບເຂດເວລາສຳລັບການໄດ້ຮັບການດູແລເບິ່ງແຍງ:
ປະເພດການນັດໝາຍ ແລະ ຂອບເຂດເວລາ
- ການນັດໝາຍທີ່ບໍ່ຮີບດ່ວນກັບທ່ານໝໍດູແລປະຈຳຂອງທ່ານພາຍໃນ 10 ວັນເຮັດວຽກນັບຈາກການຮ້ອງຂໍຂອງທ່ານ*.
- ການນັດໝາຍທີ່ບໍ່ຮີບດ່ວນກັບຜູ້ຊ່ຽວຊານໃດໜຶ່ງພາຍໃນ 15 ວັນເຮັດວຽກນັບຈາກການຮ້ອງຂໍຂອງທ່ານ*.
- ການນັດໝາຍທີ່ບໍ່ຮີບດ່ວນສຳລັບການບໍລິການປະກອບ (ເຊັ່ນວ່າ ເອັກສະເຣ ແລະອື່ນໆ) ເພື່ອບົ່ງມະຕິພະຍາດ ຫຼື ປິ່ນປົວການບາດເຈັບ, ການເຈັບປ່ວຍ ຫຼື ບັນຫາສຸຂະພາບອື່ນພາຍໃນ 15 ວັນເຮັດວຽກນັບຈາກການຮ້ອງຂໍຂອງທ່ານ.*
- ການນັດໝາຍທີ່ບໍ່ຮີບດ່ວນກັບຜູ້ໃຫ້ການດູແລສຸຂະພາບຈິດທີ່ບໍ່ແມ່ນທ່ານໝໍພາຍໃນ 10 ວັນເຮັດວຽກນັບຈາກການຮ້ອງຂໍຂອງທ່ານ*.
- ການນັດໝາຍຮີບດ່ວນທີ່ບໍ່ຈຳເປັນຕ້ອງມີການອະນຸມັດກ່ອນລ່ວງໜ້າພາຍໃນ 48 ຊົ່ວໂມງນັບຈາກການຮ້ອງຂໍຂອງທ່ານ.
- ການນັດໝາຍຮີບດ່ວນທີ່ຈຳເປັນຕ້ອງມີການອະນຸມັດກ່ອນລ່ວງໜ້າພາຍໃນ 96 ຊົ່ວໂມງນັບຈາກການຮ້ອງຂໍຂອງທ່ານ.
ເວລາລໍຖ້າທາງໂທລະສັບ
ການເຂົ້າເຖິງທາງໂທລະສັບ 24 ຊົ່ວໂມງຕໍ່ມື້ 7 ມື້ຕໍ່ອາທິດ ເພື່ອໂອ້ລົມກັບຜູ້ຊ່ຽວຊານສຸຂະພາບໃດໜຶ່ງເພື່ອຕັດສິນກຳນົດວ່າຄວາມຕ້ອງການທາງການແພດຂອງທ່ານມີຄວາມຮີບດ່ວນສໍ່າໃດ. ເວລາລໍຖ້າບໍ່ສາມາດເກີນ 30 ນາທີ.
ການໂທຫາຝ່າຍບໍລິການລູກຄ້າໃນລະຫວ່າງຊົ່ວໂມງເຮັດວຽກປົກກະຕິ. ເວລາລໍຖ້າບໍ່ສາມາດເກີນ 10 ນາທີ.
ຂໍ້ຍົກເວັ້ນ
*ການດູແລແບບປ້ອງກັນ ແລະ ການດູແລຕິດຕາມຜົນເປັນຊ່ວງໄລຍະ.
*ສາມາດຂະຫຍາຍເວລາລໍຖ້າການນັດໝາຍອອກໄປໄດ້ ຖ້າຜູ້ໃຫ້ການດູແລສຸຂະພາບຂອງທ່ານກຳນົດວ່າເວລາລໍຖ້າທີ່ດົນກວ່າຈະບໍ່ເປັນອັນຕະລາຍຕໍ່ກັບສຸຂະພາບຂອງທ່ານ.
ທ່ານໝໍດູແລປະຈຳຂອງທ່ານສາມາດສະເໜີໃຫ້ທ່ານການນັດໝາຍກັບທ່ານໝໍດູແລປະຈຳ, ຜູ້ຊ່ຽວຊານພະຍາຍານ ຫຼື ຜູ້ຊ່ວຍທ່ານໝໍປິ່ນປົວພາຍໃນມື້ດຽວກັນ ຫຼື ມື້ຕໍ່ໄປຈາກເວລາທີ່ທ່ານຮ້ອງຂໍການນັດໝາຍໃດໜຶ່ງ. ນີ້ເອີ້ນວ່າ “ການເຂົ້າເຖິງຂັ້ນສູງ”. ຖ້າທ່ານບໍ່ຕ້ອງການການນັດໝາຍນີ້, ການນັດໝາຍຂອງທ່ານຈະຖືກກຳນົດເປັນວັນທີພາຍຫຼັງ.
ຈະເປັນແນວໃດຖ້າບໍ່ມີຜູ້ໃຫ້ບໍລິການພຽງພໍໃນເຂດພື້ນທີ່ຂອງຂ້ອຍ?
ກົດໝາຍບອກວ່າຖ້າທ່ານບໍ່ສາມາດໄດ້ຮັບການນັດໝາຍຢ່າງທັນເວລາໃນເຂດພື້ນທີ່ຂອງທ່ານເນື່ອງຈາກບໍ່ມີຜູ້ໃຫ້ບໍລິການພຽງພໍ, ແຜນສຸຂະພາບຂອງທ່ານຕ້ອງຊ່ວຍທ່ານໄດ້ຮັບການນັດໝາຍກັບຜູ້ໃຫ້ບໍລິການທີ່ເໝາະສົມ.
ສິ່ງທີ່ທ່ານສາມາດເຮັດຖ້າທ່ານບໍ່ໄດ້ຮັບການເຂົ້າເຖິງຢ່າງທ່ວງທັນເວລາ:
- ຮ້ອງຮຽນຫາແຜນສຸຂະພາບຂອງທ່ານ.
- ຍື່ນຄຳຮ້ອງຮຽນໂດຍການໂທຫາສາຍຊ່ວຍເຫຼືອຕາມເບີໂທຟຣີຂອງພະແນກການດູແລແບບມີການຄຸ້ມຄອງທີ່ເບີ (888) 466-2219, TDD: (877) 688-9891 ຫຼື http://www.dmhc.ca.gov/fileacomplaint.aspx#.Vvlk6tIrKUk
- ຕິດຕໍ່ຫາ Disability Rights California ທີ່ເບີໂທຟຣີ (800) 776-5746, TTY (800) 719-5798 ຫຼື http://www.disabilityrightsca.org
- 1. ປະມວນກົດໝາຍວ່າດ້ວຍສຸຂພາບ ແລະ ຄວາມປອດໄພລັດຄາລິຟໍເນັຍ, ຂໍ້ທີ 1367.03. ຫົວບົດ 28 ປະມວນກົດລະບຽບລັດຄາລິຟໍເນັຍ, ຂໍ້ທີ 1300.67.2.2. ກົດລະບຽບຍັງລວມເອົາເວລາລໍຖ້າສຳລັບການດູແລສາຍຕາ, ແຂ້ວ ແລະ ການດູແລເບິ່ງແຍອື່ນ. ນອກນັ້ນ ໃຫ້ເບິ່ງ http://wpso.dmhc.ca.gov/regulations/docs/13CCRP.pdf.