របៀបក្នុងការឆ្លើយតបទៅនឹងមូលហេតុទូទៅសម្រាប់ការបដិសេធ SLS និងអ្វីដែលត្រូវសាកសួរទីភ្នាក់ងារ SLS ដែលមានសក្តានុពល

សេវារស់នៅដែលមានការគាំទ្រ (ហៅផងដែរថា SLS) ជួយជនពិការរស់នៅក្នុងផ្ទះរបស់ពួកគេ។ ហាងស្រានេះប្រាប់អ្នកអំពីប្រភេទនៃសេវាកម្មដែលអ្នកអាចទទួលបាន និងអ្នកដែលមានលក្ខណៈគ្រប់គ្រាន់សម្រាប់ពួកគេ។ វាពន្យល់ពីអ្វីដែលត្រូវធ្វើ ប្រសិនបើមជ្ឈមណ្ឌលប្រចាំតំបន់នឹងមិនផ្តល់ឱ្យអ្នក ឬផ្លាស់ប្តូរពួកគេ។ វាផ្តល់សំណួរដើម្បីសួរនៅពេលជ្រើសរើសនរណាម្នាក់ដើម្បីផ្តល់សេវាកម្មដល់អ្នក។ វាប្រាប់អ្នកពីរបៀបដើម្បីទទួលបានជំនួយ។

បោះពុម្ពការបោះពុម្ពនេះ។

សេវាការរស់នៅដែលទទួលបានការគាំទ្រ (ហៅម៉្យាងទៀតថា SLS) គាំទ្រដល់អ្នកដែលមានពិការភាព ដើម្បីឲ្យពួកគេអាចរស់នៅក្នុងផ្ទះ ឬអាផាតមិនផ្ទាល់ខ្លួនរបស់ពួកគេបាន។ SLS អនុញ្ញាតឲ្យអ្នកដែលមានពិការភាពទទួលបានសេវានានាដែលបំពេញបានតាមតម្រូវការជាក់លាក់របស់ពួកគេ។

ច្បាប់បានធ្វើវិសោធនកម្មនៅក្នុងឆ្នាំ 2011 ក្នុងនាមជាផ្នែកមួយនៃ សេចក្តីព្រាងច្បាប់កញ្ចប់ថវិកា។ បច្ចុប្បន្ននេះ មានសំណួរជាច្រើនដែលអ្នក និងក្រុម IPP របស់អ្នកត្រូវធ្វើការឆ្លើយតបដើម្បីទទួលបាន SLS។ សំណួរទាំងអស់នេះ នឹងជួយអ្នកក្នុងការសម្រេចចិត្តអំពីប្រភេទនៃសេវាកម្មនានាដែលអាចអ្នកត្រូវការ។ ទម្រង់បែបបទដែលមានសំណួរទាំងអស់នេះ អាចស្វែងរកបាននៅគេហទំព័រ DDS នៅទីនេះ http://www.dds.ca.gov/SLS/docs/DDS_SLS_StdAssmtQuestionnaire.pdf។

សម្រាប់ព័ត៌មានបន្ថែមស្តីពី SLS និងការធ្វើវិសោធនកម្មនៅក្នុងទិដ្ឋភាពច្បាប់ សូមអានជំពូកទី 7 នៃ “សិទ្ធិស្ថិតក្រោមច្បាប់ស្តីពីពិការភាពផ្នែកលូតលាស់ លែនធឺមែន (Lanterman Act)” ចំពោះការរៀបចំការរស់នៅសម្រាប់មនុស្សពេញវ័យ និងកុមារអាចស្វែងរកបាននៅទីនេះ https://www.disabilityrightsca.org/publications/intellectual-developmen…។

តើសេវាកម្មប្រភេទណាខ្លះដែលខ្ញុំអាចស្វែងរកបានតាមរយៈ SLS?

គម្រោង SLS នីមួយៗមានភាពខុសៗគ្នាសម្រាប់មនុស្សម្នាក់ៗ។ ក៏ប៉ុន្តែ ខាងក្រោមនេះគឺជាឧទាហរណ៍នៃការគាំទ្រដែលអ្នកអាចទទួលបានជាមួយនឹង SLS៖

ការងារផ្ទះទូទៅដើម្បីថែទាំផ្ទះសម្បែងឲ្យបានស្អាតនិងមានសុវត្ថិភាព
ជួយដល់ការថែទាំផ្ទាល់ខ្លួនរបស់អ្នក
ជួយអ្នកក្នុងការចេញទៅខាងក្រៅនៅក្នុងសង្គាត់របស់អ្នក និងចូលរួមក្នុងសហគមន៍របស់អ្នក
ជួបជាមួយមនុស្សថ្មីៗ
សិក្សារៀនសូត្រអំពីជំនាញនានា ដើម្បីឲ្យអ្នកអាចបំពេញការងារបាន

ច្បាប់ពុំមានរាយនាមអំពីសេវាកម្មនានាដែល SLS អាចផ្តល់ជូនបាននោះទេ។ នេះគឺដោយសារ SLS ត្រូវតម្រូវឲ្យធ្វើការផ្លាស់ប្តូរទៅតាមតម្រូវការរបស់អ្នក។

តើអ្នកណាខ្លះដែលអាចទទួលបាន SLS?

ដើម្បីទទួលបាន SLS អ្នកត្រូវមានអាយុយ៉ាងតិច 18 ឆ្នាំ ធ្វើការស្នើសុំវានៅក្នុងកិច្ចប្រជុំ IPP របស់អ្នក និងរស់នៅក្នុងផ្ទះឬនៅក្នុងអាផាតមិន។1

ចុះប្រសិនបើមជ្ឈមណ្ឌលក្នុងតំបន់បដិសេដវិញ តើត្រូវធ្វើដូចម្តេច?

មជ្ឈមណ្ឌលក្នុងតំបន់មួយចំនួន បានធ្វើឲ្យមានការលំបាកសម្រាប់ពលរដ្ឋក្នុងការទទួលបាន SLS។ ខាងក្រោមនេះគឺជាការឆ្លើយតបចំពោះការបដិសេធរបស់មជ្ឈមណ្ឌលក្នុងតំបន់មួយចំនួន។

1. SLS គឺមិនមែនសម្រាប់ពលរដ្ឋដែលត្រូវការសេវាកម្ម 24 ម៉ោងក្នុងមួយថ្ងៃនោះទេ។

ពុំមានច្បាប់ណាមួយដែលចែងថា អ្នកពុំអាចទទួលបាន SLS នោះទេ ប្រសិនបើអ្នកត្រូវការសេវាកម្ម 24 ម៉ោងក្នុងមួយថ្ងៃ។ ការបដិសេធចំពោះ SLS ដោយសារមូលហេតុនេះ គឺជាការបំពានទៅលើគោលបំណងនៃច្បាប់នេះ។2

ក្នុងករណីមួយ មេធាវីអនុម័តចំពោះសំណើសម្រាប់ SLS រយៈពេល 24 ម៉ោង។ ចៅក្រមបានលើកឡើងថា បុគ្គលរូបនោះអាចទទួលបាន SLS “បានញឹកញាប់ និងរយៈពេលដែលខ្លួនត្រូវការ”។3

2. តម្រូវការរបស់អ្នកមានភាពធ្ងន់ធ្ងរខ្លាំងពេក។

មជ្ឈមណ្ឌលក្នុងតំបន់ ពុំអាចធ្វើការបដិសេធ SLS របស់អ្នកដោយសារភាពធ្ងន់ធ្ងរខ្លាំងនៃពិការភាពរបស់អ្នកបានឡើយ។ SLS ត្រូវបំពេញតាមតម្រូវការជាក់លាក់របស់អ្នក។ ក៏ពុំមានការកំណត់ណាមួយចំពោះថ្លៃចំណាយនៃសេវា SLS របស់អ្នកនោះដែរ។ ក៏ប៉ុន្តែ សេវាកម្ម និងការគាំទ្រ ត្រូវតែ “មានតម្លៃសមរម្យ”។

សម្រាប់ព័ត៌មានបន្ថែមស្តីពីអ្វីដែលចាត់ទុកថា “មានតម្លៃសមរម្យ” សូមអានសិទ្ធិស្ថិតក្រោមច្បាប់ស្តីពីពិការភាពផ្នែកលូតលាស់ លែនធឺមែន (Lanterman Act) ជំពូកទី 7។

3. SLS មានតម្លៃថ្លៃខ្លាំងពេកសម្រាប់អ្នក។

SLS ត្រូវមានតម្លៃសមរម្យ ប៉ុន្តែសេវានានាត្រូវតែបន្តបំពេញតាមតម្រូវការរបស់អ្នកដដែល។ តម្លៃមិនអាចចាត់ទុកជាកត្តាតែមួយគត់នោះទេ។ គុណភាពសេវាកម្ម និងអ្វីដែលអ្នកចង់បាន ក៏ត្រូវយកមកធ្វើការពិចារណាផងដែរ។ សម្រាប់ព័ត៌មានស្តីពីអ្វីដែលចាត់ទុកថា “មានតម្លៃសមសម្យ” សូមអានឯកសារបោះពុម្ពផ្សាយរបស់យើងស្តីពីសិទ្ធិស្ថិតក្រោមច្បាប់ស្តីពីពិការភាពផ្នែកលូតលាស់ លែនធឺមែន (Lanterman Act) ជំពូកទី 7។

4. SLS មិនមែនសម្រាប់អ្នកនោះទេ ប្រសិនបើអ្នកពុំអាចចាត់ចែងការថែទាំខ្លួនអ្នកបាន។

ពលរដ្ឋនៅ SLS មានសិទ្ធិក្នុងការជ្រើសរើសដោយខ្លួនឯង និងចាត់ចែងការថែទាំខ្លួនឯង។ សិទ្ធិទាំងអស់នេះ មិនមានបន្ថែមនូវលក្ខខណ្ឌតម្រូវសម្រាប់អ្នកដើម្បីទទួលបាន SLS នោះទេ។ បុគ្គលម្នាក់នៅ SLS អាចជ្រើសរើសប្រើប្រាស់សិទ្ធិខ្លះៗរបស់ពួកគេ និងមិនប្រើសិទ្ធិខ្លះទៀត ដូចជាសម្លៀកបំពាក់ដែលត្រូវស្លៀកពាក់ ឬមិត្តភក្តិដែលត្រូវសួរសុខទុក្ខជាដើម។ អ្នកអាចទទួលបានជំនួយជាមួយនឹងជម្រើសនិងសិទ្ធិទាំងអស់នេះ។

5. លំនៅដ្ឋានជាក្រុម នឹងមានលក្ខណៈល្អប្រសើរសម្រាប់អ្នក។

សម្រាប់មនុស្សមួយចំនួន ដោយសារតែតម្រូវការផ្ទាល់ខ្លួន លំនៅដ្ឋានជាក្រុម ពុំសាកសមសម្រាប់ពួកគេនោះទេ។ SLS អនុញ្ញាតឲ្យពលរដ្ឋដែលមានពិការភាពទទួលបានលំនៅដ្ឋានដែលមានសេវាកម្មតាមតម្រូវការជាក់លាក់របស់ពួកគេ។ អ្នកអាចទទួលបានសេវាកម្មនានានៅក្នុងលំនៅដ្ឋានជាក្រុម ប៉ុន្តែវាមានភាពខុសគ្នាពីការមានលំនៅដ្ឋានផ្ទាល់ខ្លួនរបស់អ្នក។

6. អ្នកមិនទាន់បានត្រៀមខ្លួនសម្រាប់ការរស់នៅដោយខ្លួនឯងជាមួយ SLS។

សេចក្តីសម្រេចថាតើអ្ន្កត្រូវ “ត្រៀមខ្លួន” ជាស្រេចដើម្បីរស់នៅក្នុងផ្ទះផ្ទាល់ខ្លួនរបស់អ្នកហើយឬនៅ គឺពុំមែនសម្រាប់មជ្ឈមណ្ឌលក្នុងតំបន់ធ្វើការសម្រេចនោះទេ។ អ្នកត្រូវធ្វើការសម្រេចថាតើបានត្រៀមខ្លួនហើយឬនៅ។ ប្រសិនបើអ្នកជ្រើសរើស អ្នកក៏អាចទទួលបានគំនិតនានាពីគ្រួសាររបស់អ្នកផងដែរ។ ប្រសិនបើមានជំនាញនានាដែលអ្នកចង់បាន ឬត្រូវការ អ្នកអាចសិក្សារៀនសូត្រអំពីជំនាញទាំងអស់នោះបាននៅពេលកំពុងទទួលបាន SLS។ អ្នកក៏អាចធ្វើការជាមួយអ្នកផ្តល់សេវារបស់អ្នកចំពោះគម្រោងដើម្បីជួយអ្នកត្រៀមរៀបចំ និងត្រៀមខ្លួនជាស្រេចក្នុងការរស់នៅក្នុងលំនៅដ្ឋានរបស់អ្នក។

7. ឪពុកម្តាយ ឬអ្នកមើលការថែទាំ គឺជាអ្នកស្នើសុំ SLS មិនមែនអ្នកប្រើសេវានោះទេ។

អ្នកពុំមែនជាមនុស្សតែម្នាក់ដែលអាចស្នើសុំ SLS បាននោះទេ។ មនុស្សម្នាក់ផ្សេងទៀត អាចស្នើសុំសម្រាប់អ្នកបាន។ អ្នកប្រើប្រាស់សេវាអាចស្នើសុំ SLS ដោយផ្ទាល់ ឬតាមរយៈបុគ្គលម្នាក់ផ្សេងទៀត។

8. អ្នកពុំអាចទទួលបាន SLS នោះទេ ប្រសិនបើអ្នករស់នៅជាមួយសមាជិកគ្រួសារណាម្នាក់។

ពិតណាស់ អ្នកអាចទទួលបាន SLS តែក្នុងករណីដែលអ្នករស់នៅក្នុងផ្ទះមួយដែលកាន់កាប់ ឬជួលតែប៉ុណ្ណោះ។ ប្រសិនបើអ្នករស់នៅជាមួយសមាជិកគ្រួសារម្នាក់ អ្នកពុំអាចទទួលបានសេវាកម្មនានា ដែលហៅថា “SLS” នោះទេ។ ក៏ប៉ុន្តែ មជ្ឈមណ្ឌលក្នុងតំបន់ នៅតែបន្តត្រូវផ្តល់ជូននូវប្រភេទនៃការគាំទ្រដូចគ្នាដែលមានផ្តល់ជូនតាមរយៈ SLS។4 មជ្ឈមណ្ឌលក្នុងតំបន់ ត្រូវការប្រើប្រាស់ឈ្មោះផ្សេងគ្នានៃសេវាកម្មទាំងអស់នោះ។ សេវាកម្មទាំងអស់នោះអាចហៅបានថាសេវាថែទាំផ្ទាល់ខ្លួន សេវាការរស់នៅដោយឯករាជ្យ ឬប្រភេទនៃសេវាកម្មដទៃផ្សេងទៀត អាស្រ័យលើអ្វីដែលអ្នកត្រូវការ។

9. អ្នកត្រូវការមានអ្នកស្នាក់នៅក្នុងបន្ទប់ជាមួយអ្នកម្នាក់។

អ្នកពុំចាំបាច់មានអ្នកស្នាក់នៅក្នុងបន្ទប់ជាមួយអ្នកដើម្បីទទួលបាន SLS នោះទេ។ សម្រាប់ព័ត៌មានបន្ថែមស្តីពីការមានអ្នកស្នាក់នៅក្នុងបន្ទប់ជាមួយអ្នក សូមអានឯកសារបោះពុម្ពផ្សាយរបស់យើងស្តីពីសិទ្ធិស្ថិតក្រោមច្បាប់ស្តីពីពិការភាពផ្នែកលូតលាស់ លែនធឺមែន (Lanterman Act) ជំពូកទី 7។

10. SLS ពុំមានផ្តល់ជូននៅក្នុងតំបន់នេះនោះទេ។

ច្បាប់ចែងថា មជ្ឈមណ្ឌលក្នុងតំបន់ត្រូវធ្វើយ៉ាងឲ្យសេវាកម្មនានាដូចជា SLS នេះជាដើម មានផ្តល់ជូននៅក្នុងសហគមន៍របស់អ្នក។[5] មជ្ឈមណ្ឌលក្នុងតំបន់ ក៏ត្រូវផ្តល់ជូនសេវាកម្មនានាដែលអ្នកត្រូវការផងដែរ។ ប្រសិនបើមជ្ឈមណ្ឌលក្នុងតំបន់បដិសេធ ឬពួកគេពុំអាចផ្តល់ជូនសេវាកម្មទាំងនោះបាន អ្នកអាចដាក់បណ្តឹងឧទ្ធរណ៍លើសេចក្តីសម្រេចនោះបាន។ សម្រាប់ព័ត៌មានបន្ថែមស្តីពីការដាក់បណ្តឹងឧទ្ធរណ៍ចំពោះសេចក្តីសម្រេចរបស់មជ្ឈមណ្ឌលក្នុងតំបន់ សូមអានសិទ្ធិស្ថិតក្រោមច្បាប់ស្តីពីពិការភាពផ្នែកលូតលាស់ លែនធឺមែន (Lanterman Act) ជំពូកទី 12។ ការមិនឯកភាពជាមួយនឹងមជ្ឈមណ្ឌលក្នុងតំបន់ និងមជ្ឈមណ្ឌលពិការភាពផ្នែកលូតលាស់ អាចស្វែងរកបាន នៅទីនេះ, https://www.disabilityrightsca.org/publications/intellectual-developmen…។

11. មជ្ឈមណ្ឌលក្នុងតំបន់ ចង់ធ្វើការផ្លាស់ប្តូរ SLS របស់អ្នក។

ប្រសិនបើមជ្ឈមណ្ឌលក្នុងតំបន់ ចង់ធ្វើការផ្លាស់ប្តូរ SLS របស់អ្នក មជ្ឈមណ្ឌលត្រូវធ្វើរឿងចំនួនពីរយ៉ាង៖

ត្រូវមានកិច្ចប្រជុំ IPP ប៉ុន្តែអ្នកត្រូវមានការឯកភាពជាមួយនឹងការផ្លាស់ប្តូរនោះ ឬ
ធ្វើការជូនដំណឹងជាលាយលក្ខណ៍អក្សរ។

មជ្ឈមណ្ឌលក្នុងតំបន់ ត្រូវធ្វើការជូនដំណឹងដល់អ្នកចំនួន 30 ថ្ងៃមុនពេលការផ្លាស់ប្តូរចាប់អនុវត្ត។ សេចក្តីជូនដំណឹង ក៏ត្រូវផ្តល់ជូនដល់អ្នកនៅព័ត៌មានដូចខាងក្រោមផងដែរ៖

ចំណាត់ការដែលមជ្ឈមណ្ឌលក្នុងតំបន់កំពុងអនុវត្ត
មូលហេតុនៃការចាត់វិធានការនោះ
ពេលវេលាដែលការផ្លាស់ប្តូរនោះនឹងចាប់ផ្តើម និង
ច្បាប់ដែលគាំទ្រដល់ចំណាត់ការនោះ។

ប្រសិនបើអ្នកពុំមានការឯកភាពគ្នាជាមួយនឹងមជ្ឈមណ្ឌលក្នុងតំបន់ និងចង់រក្សាសេវាកម្មរបស់អ្នកឲ្យនៅដដែលរហូតដល់មានសវនាការ អ្នកត្រូវស្នើសុំសម្រាប់សវនាការយុត្តិធម៌មួយក្នុងរយៈពេល 10 ថ្ងៃបន្ទាប់ពីទទួលបានការជូនដំណឹង។ បើមិនដូច្នេះទេ អ្នកត្រូវដាក់បណ្តឹងឧទ្ធរណ៍ក្នុងរយៈពេល 30 ថ្ងៃ។

ការជ្រើសរើសទីភ្នាក់ងារ SLS – សំណួរដែលត្រូវសាកសួរនៅពេលជ្រើសរើសទីភ្នាក់ងារ SLS។

(អនុវត្តតាមការអនុញ្ញាតពីក្រុមប្រឹក្សារដ្ឋស្តីពីពិការភាពផ្នែកលូតលាស់ កាលពីមុនជា ក្រុមប្រឹក្សាមណ្ឌល 4)

ដំណឹងល្អ មជ្ឈមណ្ឌលក្នុងតំបន់របស់អ្នកអនុម័តយល់ព្រមលើសំណើរបស់អ្នកសម្រាប់ SLS! ឥឡូវ នេះគឺជាសំណួរនានាដែលអ្នកសាកសួរបាននៅពេលជ្រើសរើសទីភ្នាក់ងាររស់នៅដែលទទួលបានការគាំទ្រ។ សំណួរទាំងអស់នេះ អាចជួយអ្នកធ្វើសេចក្តីសម្រេចចិត្តថាតើទីភ្នាក់ងារមួយណាដែលនឹងផ្តល់នូវប្រភេទនៃការគាំទ្រដែលអ្នកត្រូវការ។

អំពីទីភ្នាក់ងារ៖

តើអ្នកនឹងជួយដល់ខ្ញុំក្នុងការរស់នៅក្នុងផ្ទះផ្ទាល់ខ្លួនរបស់ខ្ញុំយ៉ាងដូចម្តេច?
តើសេវាកម្មអ្វីខ្លះដែលអ្នកផ្តល់ជូន?
តើត្រូវការពេលយូរប៉ុណ្ណាដើម្បីអាចឲ្យអ្នកចាប់ផ្តើមធ្វើការជាមួយខ្ញុំបាន?

អំពីបុគ្គលិក៖

តើអ្នកណាខ្លះជាបុគ្គលដែលនឹងជួយដល់ខ្ញុំ?
តើខ្ញុំអាចធ្វើការជ្រើសរើសអ្នកដែលខ្ញុំចង់ធ្វើការជាមួយបានដែរឬទេ?
ប្រសិនបើខ្ញុំត្រូវការជំនួយនៅពេលយប់ ឬនៅថ្ងៃចុងសប្តាហ៍ តើខ្ញុំនឹងត្រូវទូរសព្ទទៅអ្នកណា?

ការចូលរួមរបស់សហគមន៍៖

តើអ្នកអាចជួយខ្ញុំឲ្យក្លាយជាផ្នែកមួយរបស់សហគមន៍របស់ខ្ញុំបានដោយរបៀបណា?
ខ្ញុំចង់ធ្វើរឿងផ្សេងៗគ្នាដូចជា (ឧទាហរណ៍ រាំ មានសត្វចិញ្ចឹម)។ តើអ្នកអាចជួយខ្ញុំធ្វើរឿងទាំងនេះបានយ៉ាងដូចម្តេច?

ក្តីរំពឹងទុក៖

តើអ្នកធ្លាប់បញ្ឈប់សេវាគាំទ្រសម្រាប់អ្នកម្នាក់ដែរឬទេ? ហេតុអ្វី?
តើអ្នកមានក្តីរំពឹងទុកអ្វីខ្លះអំពីរូបខ្ញុំ?

ការភ្ជាប់ទំនាក់ទំនងជាមួយអ្នកដទៃ៖

តើមានមនុស្សផ្សេងទៀតប៉ុន្មាននាក់ដែលទីភ្នាក់ងាររបស់អ្នកជួយ?
តើអ្នកប្រាប់ឈ្មោះ និងលេខទូរសព្ទនៃមនុស្សផ្សេងទៀតដែលអ្នកបានជួយបានដែរឬទេ ដើម្បីឲ្យខ្ញុំអាចសាកសួរពួកគេបាន?

សេចក្តីសន្និដ្ឋាន៖

តើមានអ្វីផ្សេងទៀតដែលខ្ញុំគួរតែដឹងអំពីទីភ្នាក់ងាររបស់អ្នកដែរឬទេ?
តើមានអ្វីផ្សេងទៀតដែលអ្នកត្រូវការដឹងអំពីខ្ញុំដែរឬទេ?
តើត្រូវការពេលយូរប៉ុណ្ណាដើម្បីអាចឲ្យអ្នកសម្រេចចិត្តថាតើអ្នកអាចធ្វើការជាមួយខ្ញុំបាន ឬមិនបាន?

បន្ទាប់ពីកិច្ចប្រជុំ៖

តើអ្នកចូលចិត្តអ្វីខ្លះអំពីទីភ្នាក់ងារនេះ?
តើអ្នកមិនចូលចិត្តអ្វីខ្លះអំពីទីភ្នាក់ងារនេះ?
តើអ្នកចូលចិត្តមនុស្សដែលអ្នកនិយាយជាមួយដែរឬទេ?
តើមានសំណួរដទៃផ្សេងទៀតដែលអ្នកចង់សាកសួរពួកគេដែរឬទេ?

ការបដិសេធ៖ ការបោះពុម្ភផ្សាយនេះគឺជាព័ត៌មានផ្លូវច្បាប់តែប៉ុណ្ណោះ ហើយមិនមែនជាការណែនាំផ្លូវច្បាប់អំពីស្ថានភាពបុគ្គលរបស់អ្នកទេ។ វាគឺជាបច្ចុប្បន្នកាលបរិច្ឆេទបានប្រកាស។ យើងព្យាយាមធ្វើបច្ចុប្បន្នភាពសម្ភារៈរបស់យើងឱ្យបានទៀងទាត់។ ទោះជាយ៉ាងណាក៏ដោយច្បាប់កំពុងផ្លាស់ប្តូរជាទៀងទាត់។ ប្រសិនបើអ្នកចង់ធ្វើឱ្យប្រាកដថាច្បាប់មិនបានផ្លាស់ប្តូរ សូមទាក់ទង DRC ឬការិយាល័យច្បាប់ផ្សេងទៀត។

1. Cal. Code Regs., tit. 17, § 58613(a)(1).
2. Cal. Welf. & Inst. Code § 4689(a)(8); Cal. Code Regs., tit. 17 § 58613(b).
3. ក្នុងករណីបញ្ហារបស់ Karl B., v. Alta មជ្ឈមណ្ឌលក្នុងតំបន់រដ្ឋកាលីហ្វ័រញ៉ា, OAH No. 2012040640, ថ្ងៃទី20 ខែកុម្ភៈ ឆ្នាំ2013។
4. នៅក្នុង J.K. v. OAH, តុលាការឧទ្ធរណ៍នៃរដ្ឋ California បានសម្រេចថា មជ្ឈមណ្ឌលក្នុងតំបន់អាចធ្វើការបដិសេធសំណើសុំ SLS ដោយសារអ្នកប្រើសេវារស់នៅជាមួយឪពុក/ម្តាយ។ ក៏ប៉ុន្តែ តុលាការក៏បានសម្រេចផងដែរថា អ្នកប្រើសេវាអាចទទួលបានសេវាកម្មនានា និងការគាំទ្រដែលមានលក្ខណៈស្រដៀងគ្នានឹង SLS បើទោះបីជាគាត់រស់នៅក្នុងផ្ទះជាមួយឪពុក/ម្តាយក៏ដោយ។ គួរកត់សម្គាល់ផងដែរថា សេចក្តីសម្រេចរបស់តុលាការ ពុំត្រូវបានបោះពុម្ពផ្សាយនោះទេ ដែលនេះមានន័យថា តុលាការដទៃផ្សេងទៀត ពុំចាំបាច់ធ្វើសេចក្តីសម្រេចចិត្តដូចគ្នានេះនៅក្នុងករណីស្រដៀងគ្នានេះនោះទេ។ J.K. v. Office of Admin. Hearings, No. E038673, 2006 WL 763675, at *1 (Cal. Ct. App. Mar. 24, 2006).

Click links below for a downloadable version.

តើ​សេវា​កម្ម​ប្រភេទណា​ខ្លះ​ដែ​ល​ខ្ញុំ​អាច​ស្វែង​រក​បានតាមរយៈ SLS?​

តើ​អ្នក​ណាខ្លះ​ដែល​អាច​ទទួល​បាន​ SLS?

ចុះ​ប្រសិន​បើ​មជ្ឈមណ្ឌលក្នុង​តំបន់​បដិសេដវិញ តើ​ត្រូវ​ធ្វើ​ដូច​ម្តេច​?​

1. SLS គឺ​មិន​មែន​សម្រាប់​ពលរដ្ឋ​ដែល​ត្រូវ​ការ​សេវា​កម្ម​ 24 ម៉ោង​ក្នុង​មួយ​ថ្ងៃ​នោះ​ទេ​។​

2. តម្រូវ​ការ​របស់​អ្នក​មាន​ភាព​ធ្ងន់ធ្ងរខ្លាំង​ពេក​។​

3. SLS មាន​តម្លៃ​ថ្លៃ​ខ្លាំង​ពេក​សម្រាប់​អ្នក​។​

4. SLS មិន​មែន​សម្រាប់​អ្នក​នោះ​ទេ​ ប្រសិន​បើ​អ្នក​ពុំ​អាច​ចាត់​ចែង​ការ​ថែទាំខ្លួន​អ្នក​បាន​។​

5. លំនៅដ្ឋាន​ជា​ក្រុម​ នឹង​មាន​លក្ខណៈល្អ​ប្រសើរ​សម្រាប់​អ្នក​។​

6. ​អ្នក​មិន​ទាន់បានត្រៀម​ខ្លួន​សម្រាប់​ការ​រស់​នៅ​ដោយ​ខ្លួន​ឯង​ជាមួយ SLS។​

7. ឪពុកម្តាយ ឬ​​​អ្នក​មើលការ​ថែទាំ​ គឺ​ជា​អ្ន​កស្នើសុំ​ SLS មិន​មែន​អ្នក​ប្រើសេវា​នោះ​ទេ​។​

8. អ្នក​ពុំ​អាច​ទទួល​បាន​ SLS នោះ​ទេ ប្រសិន​បើ​អ្នក​រស់​នៅ​ជាមួយ​សមាជិក​គ្រួសារ​ណា​ម្នាក់​​។​

9. អ្នក​ត្រូវ​ការ​មាន​អ្នក​ស្នាក់​នៅ​ក្នុង​បន្ទប់ជាមួយ​អ្នក​ម្នាក់​។​

10. SLS ពុំ​មាន​ផ្តល់​ជូន​នៅ​ក្នុង​តំបន់​នេះ​នោះ​ទេ​។​

11. មជ្ឈមណ្ឌលក្នុងតំបន់ ចង់​ធ្វើ​ការ​ផ្លាស់ប្តូរ​ SLS របស់​អ្នក​។​

ការ​ជ្រើស​រើស​ទី​ភ្នាក់ងារ​ SLS – សំណួរ​ដែល​ត្រូវ​សាកសួរ​នៅពេល​​ជ្រើសរើស​ទីភ្នាក់ងារ​ SLS។​

អំពី​ទីភ្នាក់ងារ​៖​

អំពី​បុគ្គលិក​៖

ការ​ចូល​រួម​របស់​សហគមន៍​៖​

ក្តីរំពឹង​ទុក៖

ការ​ភ្ជាប់​ទំនាក់ទំនង​ជាមួយ​អ្នក​ដទៃ៖